18 ივლისი 2017, 01:56 / სანდო წყარო

სალომე კორკოტაშვილი: ნუ მემუქრებით და ნუ მაგინებთ!

სალომე კორკოტაშვილი

მომღერალი სალომე კორკოტაშვილი Facebook-ზე "ქართული მარშის" ორგანიზატორების ირგვლივ ატეხილ აურზაურს გამოეხმაურა. მარშის ერთ-ერთი ორგანიზატორი, მომღერლის მამა, "სამოქალაქო სოლიდარობის" დამფუძნებელი გია კორკოტაშვილია, რომელიც ქსელში გავრცელებული ინფორმაციის თანახმად, თანამოაზრეებთან ერთად გაეროში საქართველოს ახალგაზრდობის ყოფილ წარმომადგენელს თათია დოლიძეს შეურაცხყოფას აყენებდა.

"არ ვიცი როგორ გამოვხატო ჩემი გულის ტკივილი! მირეკავენ ჟურნალისტები და აინტერესებთ რას ვფიქრობ ამ თემასთან დაკავშირებით! მე საქართველოს სიყვარული ჩემმა მშობლებმა მასწავლეს. ჩემი მთავარი მოტივია, რომ ჩვენი ქვეყნისთვის კარგი საქმე ვაკეთო. ვინც მიცნობს და იცის როგორ ვცხოვრობ და როგორ ვშრომობ იმისთვის რომ მთელ მსოფლიოს გავაგებინო როგორი მუსიკალური და ნიჭიერი ხალხი ვართ საქართველოში. ყველას სხვა და სხვა აზრი გვაქვს, მაგრამ გთხოვთ ნუ დაესევით ერთმანეთს, ყველას კარგი გვინდა ჩვენი ქვეყნისთვის, გინებით და ლანძღვით ვერ მივაღწევთ ვერაფერს კარგს. ყველას გვაქვს იმის საშუალება რომ ვილაპარაკოთ ღიად პრობლემებზე და ცივილიზებულად გადავწყვიტოთ პრობლემები. ნუ მემუქრებით და ნუ მაგინებთ!"- წერს მომღერალი.



17 მაისს, თათია დოლიძის მიმართ სოციალური ქსელით გავრცელებული სავარაუდო მუქარის ფაქტზე შსს-ს მიერ გამოძიება სსკ-ს 151-ე მუხლით დაიწყო. დოლიძის გამოკითხვა გამომძიებლებმა ცოტა ხნის წინ დაასრულეს.

კომენტარები ()