imedi /  18 მაისი 2017, 14:01 / სანდო წყარო

ევროკომისიამ Facebook-ი 110 მილიონი ევროთი დააჯარიმა

ევროკომისიამ Facebook-ს 110 მილიონი ევროს ოდენობის ჯარიმა დააკისრა და აღნიშნულის მიზეზად WhatsApp-ის შეძენასთან დაკავშირებით არასწორი ინფორმაციის გავრცელება დაასახელა. ინფორმაციას BBC ავრცელებს.

„ევროპის კომისიამ Facebook-ი 110 მილიონი ევროთი დააჯარიმა ყალბი ინფორმაციის გავრცელებისთვის, რაც WhatsApp-ის შეძენას ეხებოდა“- წერია ევროკომისიის რელიზში.

ოფიციალური გამოძიება სოციალური ქსელის წინააღმდეგ გასული წლის დეკემბერში დაიწყო. ევროკომისიის ცნობით, Facebook-ს ორი სხვადასხვა დარღვევა ჰქონდა - WhatsApp-ის შერწყმასთან დაკავშირებით გავრცელებული ყალბი ინფორმაცია და კომისიის მოთხოვნაზე საპასუხო არასწორი ინფორმაცია.

მსგავსი გამოძიების ფარგლებში ევროკომისიას აქვს უფლება კომპანია, მისი წლიური მოგების 1% თანხით დააჯარიმოს.

კომენტარები ()