imedi /  28 ოქტომბერი 2018, 14:50 / სანდო წყარო

„მრავალეროვანი საქართველო“ საარჩევნო დარღვევებზე განცხადებას ავრცელებს

არასამთავრობი ორგანიზაცია „მრავალეროვანმა საქართველომ“, 14 საათის მონაცემებით, საარჩევნო უბნებზე დაფიქსირებულ დარღვევებზე ინფორმაცია გაავრცელა. ორგანიზაციამ შემდეგი დარღვევები გამოავლინა:

„ახალქალაქის მე-40 საარჩევნო ოლქის, #66 საარჩევნო უბანზე ნაკადის მარეგულირებელი კომისიის წევრი არ აწესრიგებდა ამომრჩეველთა რიგს დადგენილი რეგულაციების შესაბამისად და რეგისტრატორთან აგზავნიდა ორზე მეტ ამომრჩეველს. „მრავალეროვანი საქართველოს“ დამკვირვებელის არაერთი მითითების მიუხედავად, ნაკადის მარეგულირებელი კომისიის წევრი განაგრძობდა მსგავს ქმედებას. ინცინდენტის აღმოფხვრის მიზნით „მრავალეროვანი საქართველოს“ დამკვირვებელმა წარადგინა საჩივარი საუბნო საარჩევნო კომისიაში, რის შედეგადაც დარღვევა აღმოიფხვრა.

მარნეულის 22-ე საარჩევნო ოლქის #74 საარჩევნო უბნის ნაკადის მარეგულირებელი კომისიის წევრი ამომრჩევლებს პირადობის დამადასტურებელი მოწმობის შემოწმების გარეშე უშვებდა საარჩევნო უბანზე. მიუხედავად „მრავალეროვანი საქართველოს“ დამკვირვებლის, ასევე საუბნო საარჩევნო კომისიის თავმჯდომარის არაერთგზის გაფრთხილებისა, ნაკადის მარეგულირებელი აგრძელებდა ზემოაღნიშნულ პრაქტიკას. ინციდენტი „მრავალეროვანი საქართველოს“ დამკვირვებლის მიერ იქნა გაპროტესტებული, რითაც მოითხოვა ნაკადის მარეგულირებლის ჩანაცვლება საუბნო საარჩევნო კომისიის სხვა წევრით.

ახალციხის 37-ე საარჩევნო ოლქის #9 საარჩევნო უბანზე (ვალე) საუბნო საარჩევნო კომისიის წევრი რეგისტრატორები ამომრჩევლებს ბიულეტენებს გადასცემდნენ ბეჭდისა და ხელმოწერის გარეშე. აღნიშნული ინციდენტი გააპროტესტა „მრავალეროვანი საქართველოს“ დამკვირვებელმა, რის შედეგადაც ის აღმოიფხვრა.

ახალქალაქის მე-40 საარჩევნო ოლქის #11 საარჩევნო უბანზე ნაკადის მარაგულირებელმა კომისიის წევრმა, კომისიის თავჯდომარესთან შეთანხმებით შეწყვიტა თავისი ფუნქციების შესრულება, რის გამოც რამდენიმე ამომრჩეველი მარკირების შემოწმების გარეშე შევიდა საარჩევნო უბანზე. ამასთან დაკავშირებით „მრავალეროვანი საქართველოს“ დამკვირვებლის მიერ დაიწერა საჩივარი და დარღვევა იქნა აღმოფხვრილი.

ახალქალაქის მე-40 საარჩევნო ოლქის #70 საარჩევნო უბანი 08:42 წუთზე დაიკეტა კომისიის წევრების მიერ შესვენების მიზნით და შესაბამისად რიგში მდგომ ამომრჩევლებს შეეზღუდათ ხმის მიცემის უფლება. აღნიშნული ინციდენტი გაპროტესტებულ იქნა „მრავალეროვანი საქართველოს“ დამკვირვებლის მიერ, რის შედეგადაც იგი აღმოიფხვრა - კომისიის თავმჯდომარემ უბანი გახსნა ამომრჩევლების მისაღებად;

მარნეულის #22 საარჩევნო ოლქის #59 საარჩევნო უბნის გარე პერიმეტრზე ადგილი ჰქონდა დაპირისპირებას (ჩხუბს) პრეზიდენტობის კანდიდატების მხარდამჭერებს შორის. ამ ფაქტთან დაკავშირებით „მრავალეროვანი საქართველოს„ დამკვირვებელმა სათანადო რეაგირების მოხდენის მიზნით მიმართა სამართალდამცავ ორგანოებს. ინციდენტის თაობაზე ორგანიზაციის ცენტრალურმა ოფისმა ასევე აცნობა შსს-ს წარმომადგენელს ნინო ცაციაშვილს, რის შედეგადაც ხსენებულმა უწყებამ ინციდენტი აიყვანა კონტროლზე;

ნინოწმინდის 41-ე საარჩევნო ოლქის #26 საარჩევნო უბანზე (სოფ. ოროჯალარი) ადგილი ჰქონდა დამკვირვებლის კანონით დადგენილი უფლების შეზღუდვას. კერძოდ, „მრავალეროვანი საქართველოს“ დამკვირვებელს მოსთხოვეს პირადობისა და დამკვირვებლის რეგისტრაციის დამადასტურებელი მოწმობების წარდგენა. დამკვირვებლის მიერ მოთხოვნილი დოკუმენტაციის წარდგენის შემდგომ, „ერთიანი ნაციონალური მოძრაობის“ მიერ დანიშნულმა საუბნო საარჩევნო კომისიის წევრმა განაცხადა, რომ დოკუმენტაცია ყალბია და უარი განაცხადა დამკვირვებლისთვის წარდგენილი დოკუმენტაციის უკან დაბრუნებაზე. აღნიშნულის თაობაზე „მრავალეროვანი საქართველოს“ დამკვირვებლის მიერ გაცხადებულ სიტყვიერ პროტესტს კომისიის წევრის მხრიდან უხეში რეაგირება მოჰყვა (არაკორექტული ფორმით დამკვირვებლისთვის დოკუმენტაციის უკან დაბრუნება). ინციდენტში ჩაერთო საუბნო საარჩევნო კომისიის თავმჯდომარეც, თუმცა მისი აღმოფხვრა ვერ მოხერხდა. ინციდენტთან დაკავშირებით საუბნო საარჩევნო კომისიაში დაიწერა საჩივარი“.

დღეს საქართველოში საპრეზიდენტო არჩევნებია. 

არჩევნებში პრეზიდენტობის 25 კანდიდატი მონაწილეობს. ეს არის ბოლო საპრეზიდენტო არჩევნები საქართველოში, როდესაც ამომრჩევლები პრეზიდენტს პირდაპირი წესით აირჩევენ.

2018 წლის არჩევნებში ამომრჩეველთა საერთო რაოდენობა 3 518 877-ს შეადგენს. არჩევნების ჩასატარებლად მზადაა 3 703 საარჩევნო უბანი, მათ შორის 55 საზღვარგარეთ, 11 კი გამონაკლის შემთხვევაში შექმნილი უბანია.

ყველა სიახლე

გულშემატკივრები ჩხუბი

23 ოქტომბერი 2019, 00:51

სპორტი

ბერძენმა გულშემატკივრებმა „ბაიერნის“ ქომაგებს სცემეს

ინფორმაციას ამის შესახებ გამოცემა The Sun-ი ავრცელებს. მატჩის 84-ე წუთზე, როდესაც ანგარიში გერმანელთა სასარგებლოდ 4:0 იყო, 50-მდე ადგილობრივი ნიღბიანი გულშემატკივარი მოედანზე შევარდა და „ბაიერნის“ გულშემატკივართა სექტორისკენ გაიქცა. პიროტექნიკითა და ჯოხებით შეიარაღებულმა გულშემატკივრებმა გერმანელ ქომაგებს სცემეს.

პენტაგონი

23 ოქტომბერი 2019, 00:47

მსოფლიო

პენტაგონის უფროსმა საუდის არაბეთის მეფესთან სტრატეგიული თანამშრომლობა განიხილა

აშშ-ის თავდაცვის მდივანმა მარ ესპერმა საუდის არაბეთის მეფესთან "სტრატეგიული თანამშრომლობა" განიხილა. ეს შეხვედრა აშშ-ს, ირანსა და საუდის არაბეთს შორის დაძაბული ურთიერთობების ფონზე შედგა. ვიზიტს წინ უძღოდა ესპერის განცხადება, რომლის თანახმად აშშ საუდის არაბეთში ჯარს გაგზავნის.

ზვიგენი

23 ოქტომბერი 2019, 00:22

მსოფლიო

საფრანგეთის პოლინეზიაში ზვიგენმა ტურისტ ქალს ხელები მოაჭამა

ზვიგენმა ტურისტს მკერდზე და ხელებზე უკბინა. როგორც სააგენტო იუწყება, ქალს ადგილზევე გაუწიეს პირველადი დახმარება. დაშავებული საავადმყოფოში ველოსიპედით გადაიყვანეს. მან ბევრი სისხლი დაკარგა, ექიმები იძულებულები გახდნენ მისთვის ორივე ხელი მოეჭრათ.

გრიგოლ ლილუაშვილი

22 ოქტომბერი 2019, 23:52

საქართველო

სუსის უფროსი: ფსევდოლიბერალური ღირებულებების ტყვეობაში არ უნდა ვიყოთ, კანაფის ფესტივალიდან ფესტივალამდე

ლილუაშვილის მოსაზრებით, "გირჩის" წევრების განწყობებს საზოგადოება რომ იზიარებდეს, ქვეყანაში უმართავი პროცესები განვითარდებოდა, თუმცა სუსის უფროსი ამბობს, რომ ის ჯარისგან თავის არიდებაზე საკანონმდებლო ხარვეზი უნდა გამოსწორდეს.

გრიგოლ ლილუაშვილი

22 ოქტომბერი 2019, 23:33

საქართველო

ლილუაშვილი: სირიის მოვლენები ჩვენი ეროვნული უსაფრთხოებისთვის პოტენციური საფრთხეა

გრიგოლ ლილუაშვილი აცხადებს, რომ სირიაში მიმდინარე მოვლენები საქართველოს ეროვნული უსაფრთხოებისთვის პოტენციურ საფრთხედ განიხილება, ვინაიდან საბრძოლო ოპერაციები საქართველოს საზღვრიდან 1000-1500 კილომეტრის დაშორებით ხორციელდება.

სერგეი ლავროვი

22 ოქტომბერი 2019, 23:23

მსოფლიო

ლავროვი: სირიაში თურქეთის სამხედრო ოპერაცია დასრულებულია

რუსეთის საგარეო საქმეთა მინისტრის სერგეი ლავროვის განცხადებით, სირიაში თურქეთის სამხედრო ოპერაცია დასრულებულია. რუსული მედიის ინფორმაციით, ამის შესახებ ლავროვმა თურქეთისა და რუსეთის პრეზიდენტების, ვლადიმერ პუტინისა და რეჯეფ თაიფ ერდოღანის შეხვედრის შემდეგ განაცხადა.

Brexit

22 ოქტომბერი 2019, 23:01

მსოფლიო

ბრიტანეთის პარლამენტმა ბორის ჯონსონის დაჩქარებული Brexit-ის გეგმა ჩააგდო

დიდი ბრიტანეთის პარლამენტმა უარი განაცხადა ბორის ჯონსონის წინადადებაზე, რომელიც თემთა პალატის მიერ სამი დღის განმავლობაში Brexit-ის კანონპროექტის განხილვას შეეხებოდა. პარლამენტი განხილვისთვის სამდღიანი ვადის გამოყოფის წინააღმდეგია, რადგან ეს მცირე დროდ მიაჩნია.

ილონ მასკი

22 ოქტომბერი 2019, 23:00

ტექნოლოგიები

ილონ მასკმა თანამგზავრული ინტერნეტის საშუალებით Twitter-ზე პირველი ჩანაწერი გამოაქვეყნა

Starlink-ი არის თანამგზავრული ქსელი, რომელმაც დედამიწის მოსახლეობისთვის ფართოზოლიანი ინტერნეტის მიწოდება უნდა უზრუნველყოს. პროგრამის ფარგლებში SpaceX-მა ორბიტაზე 42 ათასი თანამგზავრი უნდა გაგზავნოს, რომელთაგან 60 კომპანიამ ორბიტაზე მიმდინარე წლის მაისში გაუშვა.

არნოლდ შვარცენეგერი

22 ოქტომბერი 2019, 22:46

კულტურა

შვარცენეგერი გულის მეექვსე ოპერაციის დროს სიკვდილს გადაურჩა

მსახიობს 2018 წლის აპრილში ფილტვის სარქველი შეუცვალეს, ოპერაციის დროს წარმოქმნილი სირთულეების მიუხედავად მსახიობი სიკვდილს გადაურჩა. 72 წლის შვარცენეგერი აღნიშნავს, რომ ზოგჯერ ჯანმრთელობასთან დაკავშირებით სირთულეები აქვს, თუმცა საავადმყოფოდან გაწერიდან ერთ კვირაში ვარჯიში დაიწყო.

ალცჰაიმერი

22 ოქტომბერი 2019, 22:23

ტექნოლოგიები

შექმნეს პირველი წამალი რომელიც ალცჰაიმერის დემენციას ანელებს

"ადუკანუმაბი" მიზანში იღებს პროტეინს სახელწოდებით ამილოიდი, რომელიც ალცჰაიმერის მქონე ადამიანის ტვინში ილექება. მეცნიერები ფიქრობენ, რომ ეს ცილა ტოქსიკურია ტვინის უჯრედებისთვის და წამლის გამოყენებით ტვინის მისგან გაწმენდა, დემენციის მკურნალობის პროცესში მნიშვნელოვანი ნაბიჯი იქნება.

აშშ ჩრდილოეთ მაკედონია ნატო

22 ოქტომბერი 2019, 22:12

მსოფლიო

აშშ-ის სენატმა ჩრდილოეთ მაკედონიის ნატოში გაწევრიანებას დაუჭირა მხარი

აშშ-ის სენატმა ჩრდილოეთ მაკედონიის ნატოში გაწევრიანებას დაუჭირა მხარი. კენჭისყრის ვიდეოტრანსლაცია საკანონმდებლო ორგანოს ზედა პალატის ვებგვერდზე მიმდინარეობდა. ნატოში ჩრდილოეთ მაკედონიის გაწევრიანებას მხარი 91-მა სენატორმა დაუჭირა, ორი კი წინააღმდეგი იყო.

რეჯეფ თაიფ ერდოღანი

22 ოქტომბერი 2019, 21:42

მსოფლიო

ერდოღანი: თურქეთს სხვისი ტერიტორიები არ სჭირდება

თურქეთის პრეზიდენტის რეჯეფ თაიფ ერდოღანის განცხადებით, მის ქვეყანას სხვისი ტერიტორიები არ სჭირდება და თურქეთი სირიის ტერიტორიული მთლიანობის შენარჩუნებას ცდილობს. რუსული მედიის ცნობით, ამის შესახებ მან რუს კოლეგასთან ვლადიმერ პუტინთან შეხვედრის შემდეგ სირიაში მიმდინარე სამხედრო ოპერაციაზე საუბრისას განაცხადა.

წყალბურთი

22 ოქტომბერი 2019, 21:28

სპორტი

წყალბურთში 2020 წლის ევროპის ჩემპიონატზე საქართველოს ნაკრების მეტოქეები გაირკვა

ეროვნული ნაკრები 2020 წელს ჯგუფურ ეტაპზე საბერძნეთის, იტალიისა და საფრანგეთის გუნდებს შეხვდება. ევროპის ჩემპიონატს ქართველი წყალბურთელები ფრანგებთან თამაშით გახსნიან. ყველაზე ძლიერი მეტოქე კი იტალიის ნაკრებია, რომელიც მოქმედი მსოფლიოს ჩემპიონია.

კახა კუკავა

22 ოქტომბერი 2019, 21:09

საქართველო

აუდიტის სამსახური „თავისუფალი საქართველოს“ იაფი მედიკამენტების პროგრამას იკვლევს

სახელმწიფო აუდიტის სამსახურმა „თავისუფალი საქართველოს“ იაფი მედიკამენტების პროგრამის ირგვლივ მოკვლევა დაიწყო. ამის შესახებ პარტიის ლიდერმა კახა კუკავამ Facebook-ზე დაპოსტა. კუკავას თქმით, პარტია ამ კამპანიას გააგრძელებს და ბოლომდე მიიყვანს დაპირებას.

ანაკლიის პროექტი

22 ოქტომბერი 2019, 21:03

საქართველო

ვიცეპრემიერი და ანაკლიის კონსორციუმის დირექტორი პარლამენტში დაბარებაზე დეპუტატებს პასუხობენ

ინფრასტრუქტურის მინისტრმა მაია ცქიტიშვილმა და „ანაკლიის განვითარების კონსორციუმის“ გენერალურმა დირექტორმა ლევან ახვლედიანმა დეპუტატებს, რომლებიც მათ პარლამენტში, ღია ფორმატის შეხვედრაზე იბარებენ, უპასუხეს. პარლამენტში მათ დამოუკიდებელი დეპუტატები იბარებენ.

მარიამ მინაძე

22 ოქტომბერი 2019, 20:55

ტექნოლოგიები

საქართველოში ხელოვნური ინტელექტის ბიზნესასოციაცია შეიქმნა

საქართველოში ხელოვნური ინტელექტის ბიზნესასოციაცია შეიქმნა, რომლის მიზანიც ქვეყანაში ხელოვნური ინტელექტის, როგორც ცალკე დარგის განვითარების ხელშეწყობა და ამ მიმართულებით ცნობიერების ამაღლება იქნება. ღონისძიებაზე ასევე წარადგინეს პროგრამა Digital Mind-ი, რომელიც კომპანიებს ბაზრების ეფექტიანად შესწავლის შესაძლებლობას მისცემს.

ცხინვალი

22 ოქტომბერი 2019, 20:47

ძალოვნები

ცხინვალის რეჟიმმა დეფაქტო საზღვრის კვეთისთვის დაკავებული ლაშა ხეთერელი გაათავისუფლა

ცხინვალის სასამართლომ მას ორი თვით პატიმრობა მიუსაჯა. ხეთერელის საკითხი ინციდენტების პრევენციისა და მათზე რეაგირების მექანიზმის ფარგლებში სამუშაო შეხვედრაზეც განიხელს. ის ამ წუთებში შიდა ქართლის პოლიციის დეპარტამენტში გამოკითხვაზეა, რის შემდეგაც სახლში დაბრუნდება.

იმპერატორი ნარუჰიტო

22 ოქტომბერი 2019, 20:26

მსოფლიო

იაპონიაში ტახტზე იმპერატორ ნარუჰიტოს ასვლის აღსანიშნავად 500 000-ზე მეტი პატიმარი შეიწყალეს

შეწყალებულთა სიაში მოხვდნენ ისინიც, ვინც საგზაო მოძრაობის წესების დაღვევის გამო გაასამართლეს. 59 წლის იმპერატორის ტახტზე ასვლის ცერემონიალს 2 ათასამდე სტუმარი დაესწრო, მათ შორის, 180-ზე მეტი სახელმწიფოს მეთაური და სამეფო ოჯახების წარმომადგენლები.

მიხეილ დვალიშვილი

22 ოქტომბერი 2019, 20:11

ძალოვნები

აღაიანში ჩვილის მკვლელობაში ბრალდებულის ქმარი სასამართლომ გაათავისუფლა. გამოძიება გრძელდება

გორის სასამართლომ მიხეილ დვალიშვილისთვის აღკვეთის ღონისძიების გამოყენების თაობაზე იმსჯელა. მოსამართლემ დაცვის მხარის შუამდგომლობა დააკმაყოფილა და დვალიშვილი აღკვეთის ღონისძიების გარეშე დატოვა.

დანია შუქურა

22 ოქტომბერი 2019, 19:57

მსოფლიო

დანიაში 120 წლის შუქურა ზღვაში ჩაძირვას გადაარჩინეს

დანიის ჩრდილო-დასავლეთ ნაწილში 120 წლის შუქურა ბორბლებისა და ლიანდაგების საშუალებით ჩრდილოეთ ზღვაში ჩაძირვას გადაარჩინეს. ინფორმაციას ამის შესახებ BBC ავრცელებს. როდესაც 23 მეტრის სიმაღლის შუქურა 1900 წელს პირველად ჩართეს, ის ნაპირიდან 200 მეტრში მდებარეობდა, ბოლო თვეებში კი მას ჩრდილოეთ ზღვისგან მხოლოდ 6 მეტრი აშორებდა.