COVID19

მარინა ეზუგბაია

22 სექტემბერი 2020, 18:32

მარინა ეზუგბაია: დავიცვათ რეგულაციები, რომ არსებული სიტუაციის მართვა შევძლოთ

„აუცილებლად უნდა დავიცვათ რეგულაციები. არსებული სიტუაცია რომ შევინარჩუნოთ და მივიღოთ სტაბილიზაცია, ანუ ლოკალიზაციისკენ წავიდეთ და ლიკვიდაცია მოხდეს ამ რეგიონში COVID-19-ის, მრავალჯერ მითქვამს და კიდევ ერთხელ ვიტყვი, არ არის საკმარისი მარტო ვერტიკალის მუშაობა (ეს არის სახელმწიფო, ჯანდაცვა და სამედიცინო სექტორი), აუცილებელია მოქალაქეების თანადგომა. გავითავისოთ ყველამ, დავიცვათ რეგულაციები, რათა რაღაცნაირად შევინარჩუნოთ არსებული სიტუაცია, კიდევ არ გაღრმავდეს, რომ არსებული სიტუაციის მართვა შევძლოთ“, - აღნიშნა ეზუგბაიამ.

დიმიტრი ხუნდაძე

22 სექტემბერი 2020, 18:30

დიმიტრი ხუნდაძე: ქვეყანაში დაახლოებით 15 ათასი საწოლი არსებობს, მაგრამ ეს არ ნიშნავს იმას, რომ ყველა კოვიდინფიცირებული კლინიკებში უნდა მოვათავსოთ

„პირველ ეტაპზე, მხოლოდ ხუთი კლინიკა იყო ჩართული კოვიდინფიცირებულთა მკურნალობის პროცესში. დღეს უკვე 31-ია. კლინიკათა თავდაპირველი ჩართულობა განპირობებული იყო საწოლთა რაოდენობით. ეს რაოდენობა იყო 300. დღეს უკვე 2 522 საწოლია მობილიზებული 31 კლინიკაში, თუმცა, საქართველოში არსებული კლინიკების 80%-ის მომზადების ხარისხიც მაღალია“.

დიმიტრი ხუნდაძე

22 სექტემბერი 2020, 18:25

დიმიტრი ხუნდაძე: ჯანდაცვის სექტორსაც თავისი შესაძლებლობების მაქსიმუმი გააჩნია

მმართველი გუნდი მზადაა. ყველა უწყება მობილიზებულია და საჭიროების შემთხვევაში მაქსიმუმი გამოავლინოს, მაგრამ ჯანდაცვის სექტორსაც თავისი შესაძლებლობების მაქსიმუმი გააჩნია, - ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ „დღის ქრონიკაში“ განაცხადა. მისივე თქმით, კლინიკები უფრო მომზადებული არიან ახლა, ვიდრე გაზაფხულზე პანდემიის დასაწყისში იყვნენ.

22 სექტემბერი 2020, 18:12

ჯანმო: გასული კვირის განმავლობაში მსოფლიოში კორონავირუსის 2 მილიონამდე ახალი შემთხვევა დაფიქსირდა

ჯანდაცვის მსოფლიო ორგანიზაციის მონაცემებით, გასული კვირის განმავლობაში მსოფლიოში კორონავირუსის შემთხვევების რეკორდულად მაღალი მაჩვენებელი დაფიქსირდა.

დიმიტრი ხუნდაძე

22 სექტემბერი 2020, 18:06

დიმიტრი ხუნდაძე: ნიღაბი არის ყველაზე მნიშვნელოვანი იარაღი, იმისთვის რომ დავიცვათ როგორც საკუთარი, ასევე სხვისი ჯანმრთელობა

„ჩვენ ვიცით უკვე როგორ უნდა მოვიქცეთ, უბრალოდ უნდა შევასრულოთ ის, რაც უკვე ვიცით და რაც უკვე გამოცდილია. უნდა დავიცვათ ფიზიკური დისტანცირება. ნიღაბი უნდა გახდეს ყოველდღიური ატრიბუტი, რამეთუ, ეს უკვე დადგენილია, ეს არის ყველაზე მნიშვნელოვანი იარაღი იმისთვის რომ დავიცვათ როგორც საკუთარი, ასევე სხვისი ჯანმრთელობა“, - განაცხადა ხუნდაძემ.

დიმიტრი ხუნდაძე

22 სექტემბერი 2020, 18:05

დიმიტრი ხუნდაძე: ამ ეტაპზე პროცესის მართვა შეგვიძლია, თუმცა ამან არ უნდა გაგვათამამოს

თუ ადრე გარკვეულ კითხვებზე პასუხი არ გვქონდა და პირველი დღეების განმავლობაში უფრო ცუდის მოლოდინში ვიყავით, დღეს თუნდაც გაზრდილი ინფიცირების ფონზე პროცესის მართვა შეგვიძლია და ეს იმედისმომცემია. თუმცა ამან არ უნდა გაგვათამამოს, რაც მოხდა აჭარაში და ამან მყისიერად მოგვცა ნეგატიური შედეგი, - ამის შესახებ ტელეკომპანია „იმედის“ გადაცემაში „დღის ქრონიკა“ ჯანდაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ განაცხადა.

22 სექტემბერი 2020, 17:44

კორონავირუსით 23-ე გარდაცვლილი ოკუპირებული აფხაზეთიდან იყო და მას გულ-სისხლძარღვთა სისტემის პრობლემები ჰქონდა

ლევან გოფოძის თქმით, ინფიცირებულის მკურნალობა სტაბილურად მიმდინარეობდა , თუმცა გუშინ მისი ჯანმრთელობის მდგომარეობა დამძიმდა და პაციენტს გული გაუჩერდა.

22 სექტემბერი 2020, 17:43

დღე-ღამეში ბრაზილიაში 377 კოვიდინფიცირებული გარდაიცვალა

გასული დღე-ღამის განმავლობაში, ქვეყანაში კორონავირუსის 13 439 ახალი შემთხვევა დადასტურდა, 377 ადამიანი კი გარდაიცვალა. პანდემიის დაწყებიდან დღემდე, ბრაზილიაში კორონავირუსის 4 558 068 შემთხვევა დადასტურდა, ხოლო 137 272 ადამიანი გარდაიცვალა.

{{n.PhotoAltTag}}

{{n.Date}}, {{n.Time}}

{{n.Title}}

{{n.ShortDescription}}