imedi /  21 მარტი 2020, 15:22 / სანდო წყარო

საქართველოში საგანგებო მდგომარეობა ამოქმედდა

სალომე ზურაბიშვილი

სალომე ზურაბიშვილი

ახალ ბრძოლას ახალი იარაღი სჭირდება, ამიტომ ახალი კორონავირუსის მასობრივი გავრცელებისა და მზარდი გამოწვევიდან გამომდინარე, ჯანდაცვის მსოფლიო ორგანიზაციის მიერ გამოცხადებული პანდემიისათვის მზადების გათვალისწინებით და იმისათვის, რომ სახელმწიფომ შეძლოს საზოგადოების წინაშე თავისი კონსტიტუციურ ვალდებულებების შესრულება, ქვეყნის მოსახლეობის სიცოცხლისა და ჯანმრთელობის დაცვა და მოსალოდნელი საფრთხის შემცირება, პრემიერ-მინისტრის წარდგინების საფუძველზე და კონსტიტუციის 71-ე მუხლის თანახმად, ვიღებ გადაწყვეტილებას და ვაცხადებ საგანგებო მდგომარეობას საქართველოს მთელ ტერიტორიაზე, - ამის შესახებ საქართველოს პრეზიდენტმა, სალომე ზურაბიშვილმა განაცხადა.

„დღეს საქართველო მსოფლიოს სხვა ქვეყნებთან ერთად ერთ-ერთი სერიოზული გამოწვევის წინაშე დგას. მდგომარეობა მძიმეა და მის კიდევ უფრო დამძიმებას უნდა ველოდოთ. ჯერ არ ჩანს დაავადების განკურნების საშუალებები, ჩვენს ხელში მხოლოდ პრევენციაა. გასულ დღეებში ყველამ ვნახეთ, თუ რამდენად დროულად, ეფექტიანად და უდიდესი პასუხისმგებლობითა და პროფესიონალიზმით მოეკიდა ამ გამოწვევას ჩვენი ჯანდაცვის სისტემა, ლუგარის ცენტრი და ინფექციური საავადმყოფოს ხელმძღვანელობა. მათ მიერ გაცემული პროფესიონალური რჩევების საფუძველზე და ასევე დროული და ეფექტიანი რეაგირებით სახელმწიფო უწყებებმა შეძლეს და ჩვენს მოსახლეობაში პირველ ეტაპზე შეაკავეს ვირუსის შემოჭრის ტემპი და მასშტაბი. მათი ერთობლივი დამსახურებაა ის, რომ დღეისათვის საქართველოში ინფიცირებული ადამიანების რაოდენობა ჯერ კიდევ ათეულების ფარგლებშია. შეიძლება ითქვას, რომ ჩვენ ეპიდემიის პირველი ტალღის შეკავება მოვახდინეთ და ამით შეიძლება ვიამაყოთ, რამეთუ ეს არის ჩვენი საზოგადოების, სახელმწიფო უწყებებისა და ჯანდაცვის სისტემის ერთობლივი მიღწევა. ეს პირველი წარმატება გამარჯვებად უნდა ვაქციოთ. ეპიდემიის თვისებიდან გამომდინარე, მზად უნდა ვიყოთ მეორე ტალღისთვის, როცა დაავადებულთა რაოდენობა გაიზრდება და ვირუსი მწვავე ეპიდემიის ფორმას მიიღებს. ახალ ბრძოლას ახალი იარაღი სჭირდება, ამიტომ ახალი კორონავირუსის მასობრივი გავრცელებისა და მზარდი გამოწვევიდან გამომდინარე, ჯანდაცვის მსოფლიო ორგანიზაციის მიერ გამოცხადებული პანდემიისათვის მზადების გათვალისწინებით და იმისათვის, რომ სახელმწიფომ შეძლოს საზოგადოების წინაშე თავისი კონსტიტუციურ ვალდებულებების შესრულება, ქვეყნის მოსახლეობის სიცოცხლისა და ჯანმრთელობის დაცვა და მოსალოდნელი საფრთხის შემცირება, პრემიერ-მინისტრის წარდგინების საფუძველზე და კონსტიტუციის 71-ე მუხლის თანახმად, ვიღებ გადაწყვეტილებას და ვაცხადებ საგანგებო მდგომარეობას საქართველოს მთელ ტერიტორიაზე. ეს გადაწყვეტილება ამოქმედდება გამოცხადებისთანავე.

ასევე საქართველოს პრემიერ-მინისტრის წარდგინების საფუძველზე და კონსტიტუციის 71-ე მუხლისა და საგანგებო მდგომარეობის შესახებ კანონის მე-2 მუხლის თანახმად, გამოვცემ დეკრეტს, რომლის შესაბამისად საგანგებო მდგომარეობის მოქმედების ვადით შეიზღუდება საქართველოს კონსტიტუციით განსაზღვრული მთელი რიგი უფლებები, მათ შორის გადაადგილებისა და მიმოსვლის, საკუთრების, შეკრებისა და თავშეყრის უფლებები, საჯარო სერვისების მიწოდების შესაძლებლობა. ამ დეკრეტით გათვალისწინებულია საგანგებო რეჟმის დარღვევისთვის ადმინისტრაციული და სისხლის სამართლის პასუხისმგებლობა. საგანგებო მდგომარეობა ძალაშია 21 აპრილამდე. ყველასათვის გასაგები უნდა იყოს, რომ ჩვენი კონსტიტუციით მინიჭებული უფლებების შეზღუდვები გამომდინარეობს შექმნილი მდგომარეობიდან. შეზღუდვების დაწესებისას მაქსიმალურად იყო გათვალიწინებული ჩვენი დემოკრატიული პრინციპები და არ შეიზღუდა არც გამოხატვის და არც სიტყვის თავისუფლებები, რათა მედიასაშუალებებმა შეუფერხებლად შეძლონ თავიანთი ვალდებულებების შესრულება და საზოგადოების ინფორმირება. ასევე დეკრეტით გათვალისწინებულ ზომებში არ შედის სრული კარანტინი და კომენდანტის საათის გამოცხადება. ამ ბრძოლის ახალ ეტაპზე მოქალაქეთა პასუხისმგებლობა და თვითშეგნება აუცილებელია საგანგებო რეჟიმის წარმატებისთვის და განაპირობებს იმას, რომ შემდეგ ეტაპზე არ დაგვჭირდეს ამ რეჟიმის გამკაცრება. ყველა მოქალაქეს ვთხოვ, გამოიჩინონ მაღალი პასუხისმგებლობა, მაქსიმალურად დაიცვან სიფრთხილე და სოციალური დისტანცირების ნორმები შეინარჩუნონ. მჯერა, რომ გავიმარჯვებთ ერთიანობით და თვითშეგნებით“, - განაცხადა ზურაბიშვილმა.

რა უნდა ვიცოდეთ საგანგებო მდგომარეობის შესახებ, წაიკითხეთ ამ ბმულზე.

საქართველოში კორონავირუსი 47 ადამიანს დაუდასტურდა. მათგან ერთი ინფექციური კლინიკიდან უკვე გაეწერა. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. დაავადებული საქართველოს მოქალაქე ქვეყანაში აზერბაიჯანის გავლით ირანიდან შემოვიდა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

ყველა სიახლე

13 აპრილი 2021, 21:20

ეკონომიკა

საქართველოს ავიაბაზარზე ყაზახური დაბალბიუჯეტიანი ავიაკომპანია FlyArystan შემოდის

შპს „საქართველოს აეროპორტების გაერთიანების“ ინფორმაციით, შედეგად, დაბალბიუჯეტიანი ავიაკომპანია ქუთაისის საერთაშორისო აეროპორტში ოპერირებას მაისიდან იწყებს. აქტაუ, ატირაუ და ნურ-სულთანი - ეს ის სამი ახალი მიმართულებაა, საიდანაც დავით აღმაშენებლის სახელობის აეროპორტში პირდაპირი რეგულარული რეისები, თითოეულ მიმართულებაზე კვირაში 2 სიხშირით 2 მაისიდან განხორციელდება. ბილეთების ყიდვა ავიაკომპანიის ვებგვერდზე დღეიდან არის შესაძლებელი. https://flyarystan.com/en

13 აპრილი 2021, 21:10

COVID19

ბოლო 24 საათში ესპანეთში კორონავირუსის 6 292 ახალი შემთხვევა დადასტურდა

ესპანეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 6 292 ახალი შემთხვევა დადასტურდა, ხოლო 100 ადამიანი გარდაიცვალა.

13 აპრილი 2021, 21:07

COVID19

ბოლო 24 საათში დიდ ბრიტანეთში კორონავირუსის 3 568 ახალი შემთხვევა დადასტურდა

დიდი ბრიტანეთის ჯანდაცვის დეპარტამენტის მონაცემებით, ქვეყანაში გასული დღე-ღამის განმავლობაში კორონავირუსის 3 568 ახალი შემთხვევა დადასტურდა, ხოლო 13 ადამიანი გარდაიცვალა.

დავით სონღულაშვილი

13 აპრილი 2021, 21:03

ეკონომიკა

დავით სონღულაშვილის თქმით, IMF-ის პროგნოზს მთავრობის თანმიმდევრული ნაბიჯები და პრობლემებზე სწორი რეაგირება განაპირობებს

„იმიტომ რომ მთავრობას თანმიმდევრული ნაბიჯების გადადგმა და პრობლემებზე სწორი რეაგირება შეუძლია. ზუსტად ეს განსაზღვრავს იმ პროგნოზს, რომელიც სავალუტო ფონდმა ქვეყნის ეკონომიკურ ზრდასთან დაკავშირებით შემდგომი 5 წლის განმავლობაში“, - განაცხადა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, დავით სონღულაშვილმა.

13 აპრილი 2021, 21:02

COVID19

14 აპრილიდან თურქეთში დამატებითი შეზღუდვები დაწესდება

კორონავირუსის გავრცელებასთან ბრძოლის ფარგლებში, 14 აპრილიდან თურქეთში დამატებითი შეზღუდვები დაწესდება. ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.

ვიოლა ფონ კრამონი

13 აპრილი 2021, 20:59

პოლიტიკა

ვიოლა ფონ კრამონი: საქართველოში ვადამდელი არჩევნების ჩატარების საკითხი არ დგას

საქართველოში ვადამდელი საპარლამენტო არჩევნების ჩატარების საკითხი არ დგას. ეუთო/ოდირმა თქვა, რომ არჩევნებზე იყო ხარვეზები, მაგრამ არჩევნების ხელახლა ჩატარების აუცილებლობა არ დგას, - ამის შესახებ „ქრონიკასთან“ ინტერვიუში ევროპარლამენტარმა, ვიოლა ფონ კრამონმა განაცხადა.

ვიოლა ფონ კრამონი

13 აპრილი 2021, 20:52

პოლიტიკა

ვიოლა ფონ კრამონი: თუ ახალი არაფერია, დანიელსონის საქართველოში დაბრუნების საჭიროებას ვერ ვხედავ

კრისტიან დანიელსონის დოკუმენტთან დაკავშირებით ორივე მხარემ განაცხადა, რომ ის საკმარისად სრულყოფილი არ არის. კარგი, დადეთ მაგიდაზე ახალი შეთანხმება, - ამის შესახებ „ქრონიკასთან“ ინტერვიუში ევროპარლამენტარმა, ვიოლა ფონ კრამონმა განაცხადა.

13 აპრილი 2021, 20:49

პოლიტიკა

განხეთქილება „ევროპულ საქართველოში - პარტიას ლიდერები ტოვებენ და მიზეზად აზრთა სხვადასხვაობას ასახელებენ

ლიდერებისგან დაცლილ პარტიაში პარტიულ რღვევაზე გულშემატკივრები საუბრობენ. ამ სტატუსით, თამარ ჩერგოლეიშვილი ამბობს, რომ „ევროპულ საქართველოში“ დაპირისპირება 2018 წლიდან იწყება. ამბობს იმასაც, რომ მისი ქმრის შედარება ლუკაშენკო-სააკაშვილთან არ მოსწონს. ის, ვინც ლიდერთა სამეულში მესამე იყო, ახლა „ევროპულ საქართველოში“ პირველია. ბაქრაძე, უგულავა, ბოკერიას პარტია გიგა ბოკერიას დარჩა.

ქუთაისის საერთაშორისო აეროპორტი

13 აპრილი 2021, 20:49

ეკონომიკა

ქუთაისის აეროპორტიდან უნგრული „ვიზეარისა“ და ყაზახური „ფლაიარისტანის“ რეგულარული ფრენები შესრულდება

რამდენიმეთვიანი პაუზის შემდეგ, 18 აპრილს, ქუთაისის საერთაშორისო აეროპორტიდან პირველ რეისს უნგრული ავიაკომპანია „ვიზეარი“ შეასრულებს. აღმოსავლეთ ევროპის უმსხვილესი დაბალბიუჯეტიანი გადამზიდავი ქუთაისიდან ვარშავისა და ვილნიუსის მიმართულებით რეგულარულ რეისებს განაახლებს, მაისიდან კი - ფრენებს რიგისა და დორტმუნდის მიმართულებითაც დაიწყებს. „ვიზეარი“ ივნისიდან ფრენებს ევროპის კიდევ 13 მიმართულებით ეტაპობრივად განაახლებს.

ვიოლა ფონ კრამონი

13 აპრილი 2021, 20:48

პოლიტიკა

ვიოლა ფონ კრამონი: თუ ხელისუფლება თანახმაა დანიელსონის დოკუმენტის ხელმოწერაზე, ეს უნდა გააკეთოს

პოლიტიკურმა ძალებმა უნდა დააფიქსირონ უპირობო თანხმობა დოკუმენტის ხელმოწერაზე. თუ, მაგალითად, მმართველი პარტია თანახმაა ხელმოწერაზე, ეს ძალიან კარგია და მოაწერონ ხელი. ეს უნდა გააკეთონ იმის მიუხედავად, არის თუ არა თანახმა მეორე მხარე. შენ არ უნდა იფიქრო იმაზე, სხვა რას გააკეთებს. თუ სხვა არ მოაწერს დოკუმენტს ხელს, მაშინ იქნება მხოლოდ შენი ხელმოწერა და ეს ფაქტი ყველსთავის ისედაც ბევრისმთქმელი იქნება, - ამის შესახებ „ქრონიკასთან“ ინტერვიუში ევროპარლამენტარმა, ვიოლა ფონ კრამონმა განაცხადა.

13 აპრილი 2021, 20:41

რეგიონი

ვითარება რიონის ხეობაში. დეტალურად

პოლიციას ისევ გადაკეტილი აქვს გუმათიდან ნამოხვანისკენ მიმავალი გზა, ისევე, როგორც აქციის მონაწილეებს გუმათში, აქტივისტებთან მისასვლელი ბილიკი. ამის მიუხედავად, აქტივისტებმა ნამოხვანისკენ გადაადგილება მაინც სცადეს, თუმცა პოლიციამ მათ ამის საშუალება არ მისცა. ამიტომ აქციის მონაწილეებმა კომპანია „ენკასკენ“ გადაინაცვლეს.

სახელმწიფო ქონების ეროვნული სააგენტო

13 აპრილი 2021, 20:40

ეკონომიკა

ელექტრონული აუქციონების ვებგვერდზე eAuction.ge ტექნიკური შეფერხება დაფიქსირდა

ელექტრონული აუქციონების ვებგვერდზე eAuction.ge ტექნიკური შეფერხება დაფიქსირდა. ინფორმაციას ამის შესახებ სახელმწიფო ქონების ეროვნული სააგენტო ავრცელებს.

13 აპრილი 2021, 20:39

ეკონომიკა

18 აპრილიდან Wizz Air საქართველოს ბაზარზე ფრენებს განაახლებს

ეკონომიკისა და მდგრადი განვითარების სამინისტროს შპს „საქართველოს აეროპორტების გაერთიანებასა“ და ევროპის ყველაზე სწრაფად მზარდ დაბალბიუჯეტიან ავიაკომპანია Wizz Air-ს შორის გაფართოებულ ქუთაისის საერთაშორისო აეროპორტში ფრენების განახლებასთან დაკავშირებით მოლაპარაკებები წარმატებით დასრულდა, - ამის შესახებ ინფორმაციას „საქართველოს აეროპორტების გაერთიანება“ ავრცელებს.

13 აპრილი 2021, 20:38

სამართალი

გიორგი კონდახაშვილი: ნიკა რჩება პოლიტიკურ პატიმრობაში, მაგრამ ეს არაფერს ნიშნავს. ბრძოლა გრძელდება

„მოსამართლეს ჰქონდა მიღებული დირექტივა და საერთოდ ყოველგვარი სამართლებრივი დასაბუთების გარეშე გააჟღერა ეს გადაწყვეტილება, რა დირექტივაც ჰქონდა მიღებული. ნიკა რჩება პოლიტიკურ პატიმრობაში, მაგრამ ეს არაფერს ნიშნავს. ბრძოლა გრძელდება“, - განაცხადა ადვოკატმა გიორგი კონდახაშვილმა.

13 აპრილი 2021, 20:34

პოლიტიკა

ნატო: კიდევ უფრო გავაძლიერებთ თანამშრომლობას უკრაინასა და საქართველოსთან შავი ზღვის უსაფრთხოების საკითხზე

ნატო კიდევ უფრო გააძლიერებს თანამშრომლობას უკრაინასა და საქართველოსთან შავი ზღვის უსაფრთხოების საკითხზე. ამის შესახებ ნატოს გენერალურმა მდივანმა, იენს სტოლტენბერგმა ნატო-უკრაინის კომისის შეხვედრაზე განაცხადა.

რაულ ლომთაძე

13 აპრილი 2021, 20:32

საზოგადოება

ე.წ. კანონიერი ქურდის, რომან ლომთაძის ძმა „ნამახვანჰესის“ საწინააღმდეგო აქციაში მონაწილეობას ადასტურებს

ნამოხვანჰესის წინააღმდეგ მიმართულ აქციაში, რუსეთში მცხოვრები, ქურდულ სამყაროში „მუსუსას“ მეტსახელით ცნობილი, რომან ლომთაძის ძმა, რაულ ლომთაძეც მონაწილეობს. „ქრონიკის“ გადამღები ჯგუფი დღეს თავად რაულ ლომთაძეს გაესაუბრა, რომელმაც აქციაში მონაწილეობა მართლაც დაადასტურა და პირად ინტერესებს დაუკავშირა.

არჩილ მაღალაშვილი

13 აპრილი 2021, 20:25

საზოგადოება

არჩილ მაღალაშვილი: რიონის ხეობაში არანაირი ურანის საბადო არ არის

რიონის ხეობაში, სადაც „ნამახვანჰესის“ პროექტის განხორციელებაა დაგეგმილი არანაირი ურანის საბადო არ არის, - ამის შესახებ გეოლოგმა, საბადოების სპეციალისტმა არჩილ მაღალაშვილმა „ქრონიკას“ განუცხადა. „სამწუხაროდ, ამ ბოლო პერიოდში გავრცელდა ძალიან ბევრი არაპროფესიონალური მოსაზრება, მათ შორის გასულ წელს, აბასთუმანთან დაკავშირებითაც იყო ასეთივე აზრი გავრცელებული, რომ იქაც ურანის საბადო გვაქვსო.

13 აპრილი 2021, 20:23

მსოფლიო

Reuters: აშშ ავღანეთიდან ჯარებს 2021 წლის 11 სექტემბრისთვის გამოიყვანს

აშშ-ის პრეზიდენტმა ჯო ბაიდენმა 2021 წლის 11 სექტემბრისთვის ავღანეთიდან აშშ-ის ჯარების გაყვანის გადაწყვეტილება მიიღო. ინფორმაციას ამის შსახებ სააგენტო Reuters-ი ინფორმირებულ წყაროებზე დაყრდნობით ავრცელებს.

გიორგი ვოლსკი გივი მიქანაძე

13 აპრილი 2021, 20:19

რეგიონი

რას ფიქრობენ უმრავლესობის წევრები ოკუპირებული ტერიტორიების მოსახლეობისთვის დაწესებული კარანტინის შესახებ

„ურთულესია ვითარება, მაგრამ მე ვფიქრობ, რომ ეს განხილვა უნდა გაგრძელდეს და უახლოეს პერიოდში რაღაც უკეთესი მექანიზმი მოვიგონოთ იმისთვის, რომ დაცულებიც ვიყოთ და ამასთანავე საზოგადოებას მაქსიმალურად შევუწყოთ ხელი“, - განაცხადა ვოლსკიმ.

ალექსანდრე თვალჭრელიძე

13 აპრილი 2021, 20:14

საზოგადოება

ალექსანდრე თვალჭრელიძე: ნამახვანჰესის ტერიტორიაზე არცერთი სასარგებლო წიაღისეულის გამოვლინებაც კი არ არსებობს

საქართველოს საბუნებისმეტყველო მეცნიერებათა აკადემიის ვიცე-პრეზიდენტი, ალექსანდრე თვალჭრელიძე გამოეხმაურა სოციალურ ქსელებში გავრცელებულ დეზინფორმაციას იმის შესახებ, თითქოს, რიონის ხეობაში, სადაც ნამახვანი ჰესის პროექტის განხორციელებაა დაგეგმილი, ურანის საბადოები არსებობს.