imedi /  23 მარტი 2020, 12:48 / სანდო წყარო

თბილისის მერია: ტაქსის მძღოლებს მგზავრი გვერდით არ უნდა ეჯდეს, ავტომანქანის ფანჯრები კი ღია უნდა იყოს

უწყებათაშორისი საკოორდინაციო საბჭოს რეკომენდაციით, კორონავირუსის გავრცელების პრევენციის მიზნით, ტაქსის მძღოლებს, მგზავრის გადაყვანის დროს, ავტომანქანის ფანჯრები დახურულ მდგომარეობაში არ უნდა ჰქონდეთ. ინფორმაციას თბილისის მერია ავრცელებს.

„ამ პერიოდში, მგზავრი მძღოლის გვერდით არ უნდა იჯდეს - მაქსიმუმ ორი მგზავრი უნდა მოთავსდეს ავტომანქანის უკანა სავარძელზე, ერთმანეთთან დისტანციით.

მოვუწოდებთ თბილისში მომსახურე ტაქსის მძღოლებს, მკაცრად დაიცვან ყველა ის წესი და რეკომენდაცია, რომელსაც ვირუსის პრევენციის მიზნით, საკოორდინაციო საბჭო გასცემს.

ასევე, კიდევ ერთხელ მივმართავთ ჩვენს მოსახლეობას - დარჩით სახლში და საზოგადოებრივი ტრანსპორტით მხოლოდ გადაუდებელი საჭიროების შემთხვევაში ისარგებლეთ“, - აცხადებენ მერიაში.

21 მარტს საქართველოში საგანგებო მდგომარეობა ამოქმედდა. კორონავირუსი ქვეყანაში უკვე 54 ადამიანს დაუდასტურდა. მათგან ხუთი ინფექციური კლინიკიდან უკვე გაეწერა. სულ გამოჯანმრთელდა 8 პაციენტი. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

რა უნდა ვიცოდეთ საგანგებო მდგომარეობის შესახებ, წაიკითხეთ აქ.

ყველა სიახლე

კახა კალაძე

02 დეკემბერი 2020, 11:15

საზოგადოება

კახა კალაძის თქმით, თბილისში საახალწლო სოფელში დასახარჯი თანხები სოციალურად დაუცველ ოჯახებს მოხმარდება

„ეს თანხმა მიმართული იქნება სარეზერვო ფონდში და ჩვენ დავეხმარებით იმ ოჯახებს, იმ ადამიანებს, ვისაც ყველაზე მეტად სჭირდება ჩვენი თანადგომა. ეს იქნება საკვები პროდუქტებით უზრუნველყოფა წინასაახალწლო დღეებში და ამისთვის ჩვენ სპეციალური პლატფორმა უკვე შექმნილი გვაქვს“, - აღნიშნა კალაძემ.

საახალწლო სოფელი

02 დეკემბერი 2020, 11:15

საზოგადოება

კახა კალაძე: წელს საახალწლო სოფელი არ მოეწყობა

მისივე თქმით, წელს საახალწლო სოფელი არსებული ეპიდემიოლოგიური მდგომარობიდან გამომდინარე არ მოეწყობა. კალაძემ განაცხადა, რომ საჭიროა ერთამანეთის ჯანმრთელობასა და სიცოცხლეს გავუფრთხილდეთ. დედაქალაქის მერმა ასევე აღნიშნა, რომ საახალწლო სოფელი მიზიდულობის ცენტრია. ამ მიზნით გათვალისწინებული თანხები კი სოციალურად დაუცველი ოჯახებისთვის პროდუქტების შეძენას მოხმარდება.

კახა კალაძე

02 დეკემბერი 2020, 11:14

საზოგადოება

პოლიტიკურმა პარტიებმა სააგიტაციო მასალა საბოლოო შედეგების გამოქვეყნებიდან 15 დღეში უნდა ჩამოხსნან

საარჩევნო კანონმდებლობის მიხედვით, საარჩევნო სუბიექტებმა არჩევნების საბოლოო შედეგების ოფიციალურად გამოქვეყნებიდან 15 დღის ვადაში უნდა უზრუნველყონ პლაკატებისა და სხვა სააგიტაციო მასალის ჩამოხსნა. მინდა მოვუწოდო ყველა პარტიას, რომ მაქსიმალურად ყველაფერი მოაწესრიგონ ამ მიმართულებით, - ამის შესახებ თბილისის მთავრობის სხდომაზე დედაქალაქის მერმა, კახა კალაძემ განაცხადა.

02 დეკემბერი 2020, 11:04

COVID19

აშშ-ში თვითიზოლაციის ვადას ამცირებენ

აშშ-ის დაავადების კონტროლისა და პრევენციის ცენტრი ინფიცირებულ ადამიანთან კონტაქტის შემთხვევაში თვითიზოლაციის ვადის 10 დღემდე შემცირებას გეგმავს. ამის შესახებ CNN-ი იტყობინება. გავრცელებული ინფორმაციით, კორონავირუსის ტესტზე უარყოფითი პასუხის შემთხვევაში თვითიზოლაციის პერიოდი შესაძლოა 7 დღემდეც შეამცირონ. დღეისათვის ინფიცირებულ ადამიანთან კონტაქტის შემთხვევაში აშშ-ის მოქალაქეებს 14-დღიანი თვითიზოლაცია ევალებათ.

დაკავება

02 დეკემბერი 2020, 11:01

სამართალი

პოლიციამ კლდიაშვილის ქუჩაზე მომხდარი დაჭრის ფაქტი ცხელ კვალზე გახსნა

შინაგან საქმეთა სამინისტროს თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1984 წელს დაბადებული, წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი გ.ქ. ჯანმრთელობის განზრახ ნაკლებად მძიმე დაზიანებისა და ცეცხლსასროლი იარაღის უკანონო შეძენა-შენახვა-ტარების ბრალდებით, ცხელ კვალზე დააკავეს. დანაშაული 4-დან 7 წლამდე ვადით თავისუფლების აღკვეთას ითვალისწინებს.

02 დეკემბერი 2020, 10:59

COVID19

ამ დროისთვის საქართველოში 1,058 მძიმე პაციენტია

ამ დროისთვის საქართველოში 1,058 მძიმე პაციენტია, მათ შორის, თბილისში-507, აჭარაში -154, იმერეთში-223. მათ შორის ხელოვნური სუნთქვის აპარატზე იმყოფება 466 პირი, მათგან თბილისში-215, აჭარაში-119, იმერეთში-47. 3,798 ადამიანი მოთავსებულია კოვიდ-სასტუმროში, მათ შორის 1,272- თბილისში, 1,973-აჭარაში, 291-იმერეთში. 10,192 პირი ვირუსის მკურნალობს კურსს გადის საცხოვრებელ ბინაზე.

02 დეკემბერი 2020, 10:57

COVID19

კოვიდინფიცირების ახალი შემთხვევებიდან 1 705 თბილისში, 624 იმერეთში, 402 კი აჭარაში დაფიქსირდა

„დღეს გამოვლენილი ინფიცირების 4 033 ახალი შემთხვევიდან, დედაქალაქისა და რეგიონების მიხედვით მაჩვენებლები გამოიყურება შემდეგი სახით: თბილისში გამოვლენილია 1 705 შემთხვევა, აჭარაში-402, იმერეთში-624, ქვემო ქართლში-286, შიდა ქართლში-281, გურიაში-84, სამეგრელო-ზემო სვანეთში-273, კახეთში-239, მცხეთა-მთიანეთში-62, სამცხე-ჯავახეთში-68, რაჭა-ლეჩხუმსა და ქვემო სვანეთში-9“, - განაცხადა ბერდია სიჭინავამ.

კორონავირუსი

02 დეკემბერი 2020, 10:56

COVID19

საქართველოში კორონავირუსი კიდევ 4 033 ადამიანს დაუდასტურდა, 4 061 კი გამოჯანმრთელდა

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

კორონავირუსი

02 დეკემბერი 2020, 10:55

COVID19

ბოლო 24 საათის განმავლობაში საქართველოში 39 კოვიდინფიცირებული გარდაიცვალა

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

02 დეკემბერი 2020, 10:51

რეგიონი

გუდაურში 40 მილიონი ლარის ღირებულების პროექტები ხორციელდება

საკურორტო ზონებში წყლისა და წყალარინების ახალი ინფრასტრუქტურის მოწყობა აქტიურად გრძელდება, - ამის შესახებ ინფორმაციას საქართველოს გაერთიანებული წყალმომარაგების კომპანია ავრცელებს. მათივე ინფორმაციით, კომპანიის დირექტორი, გიგა მანდარია, გუდაურში მიმდინარე პროექტებს ადგილზე გაეცნო და არსებული ვითარება შეაფასა.

02 დეკემბერი 2020, 10:42

COVID19

კახეთში კორონავირუსის 361 შემთხვევა გამოვლინდა

ბოლო 24 საათში კახეთის რეგიონში კორონავირუსით დაინფიცირების 361 ახალი შემთხვევა დაფიქსირდა. ინფიცირებულთა საერთო რაოდენობამ კი 4,218- ს მიაღწია. ეპიდემიოლოგები მიერ ახალი დაინფიცირებულების 460-მდე კონტაქტი უკვე მოიძიეს. სპეციალისტების რეკომენდაციით, ყველა მათგანი გადასულია თვითიზოლაციაში.

ხელოვნური ხორცი

02 დეკემბერი 2020, 10:35

ეკონომიკა

სინგაპურში ლაბორატორიაში შექმნილი „ქათმის ხორცი“ გაიყიდება

სხვა კომპანიებისგან განსხვავებით, რომლებიც მომხმარებელს ხორცის მცენარეულ საფუძველზე შექმნილ ალტერნატივას სთავაზობენ, Eat Just-ი ხელოვნურ ხორცს ცხოველების კუნთოვანი მასის უჯრედებისგან „ზრდის“.

02 დეკემბერი 2020, 10:34

თემა

ჩემს შვილს სწავლა არ უნდა. ამბობს, რომ გაკვეთილები მას არაფერში გამოადგება. როგორ გადავარწმუნო?

თქვენი შვილი ამბობს, რომ სწავლა არ უნდა და ის, რაზეც გაკვეთილებზე მას ესაუბრებიან, არასდროს არაფერში გამოადგება? თქვენ ეს ძალიან გაღელვებთ და ფიქრობთ, რა უნდა უპასუხოთ? საინტერესოა, რა არგუმენტებით შეიძლება გაამყაროთ მოსაზრება, რომ სასკოლო საგნები სამომავლო საქმიანობაში ნამდვილად გამოსადეგია.

ბიულეტენი

02 დეკემბერი 2020, 10:29

მსოფლიო

Washington Examiner: არჩევნებზე 288 ათასი ბიულეტენი უკვალოდ გაქრა, კიდევ 100 ათასი კი წინა რიცხვით იყო დათარიღებული

აშშ-ის საპრეზიდენტო არჩევნებზე 288 ათასი ბიულეტენი უკვალოდ გაქრა, კიდევ 100 ათასი კი წინა რიცხვით იყო დათარიღებული. ამის შესახებ თავის წყაროებზე დაყრდნობით გამოცემა Washington Examiner-ი წერს.

02 დეკემბერი 2020, 10:27

COVID19

ინდოეთში კორონავირუსის 36,504 შემთხვევა გამოვლინდა

ინდოეთში კორონავირუსის 36,504 ახალი შემთხვევა გამოვლინდა, ინფიცირებულთა საერთო რაოდენობამ კი 9,499,413-ს მიაღწია. ამის შესახებ ინფორმაციას ადგილობრივი მედია ჯანდაცვის სამინისტროზე დაყრდნობით ავრცელებს. ბოლო 24 საათში, ქვეყანაში 501 პაციენტი გარდაიცვალა, მსხვერპლთა საერთო რაოდენობა კი 138,122-ს აღწევს. ჯამში 9 მილიონამდე ინფიცირებული გამოჯანმრთელდა.

კრიშტიანუ რონალდუ

02 დეკემბერი 2020, 10:20

სპორტი

კრიშტიანუ რონალდუ Golden foot Award-ის გამარჯვებული გახდა

ტურინის „იუვენტუსის“ თავდამსმელი კრიშტიანუ რონალდუ Golden foot Award-ის გამარჯვებული გახდა. პორტუგალიელმა შემტევმა ეს ინდივიდუალური პრიზი კარიერაში პირველად მოიგო. 10 კანდიდატს შორის რონალდომ ლიონელ მესის, არტურო ვიდალს, რობერტ ლევანდოვსკის, ნეიმარს, ჯორჯო კიელინის, მოჰამედ სალაჰს, სერხიო რამოსს, ჟერარდ პიკესა და სერხიო აგუეროს აჯობა.

პოლიცია

02 დეკემბერი 2020, 09:59

სამართალი

პოლიციამ ქუთაისში კომპანია „მისო ინტელექსპრესის“ გაქურდვის ფაქტი გახსნა

„პოლიციამ სასამართლოს განჩინების საფუძველზე ჩატარებული გ.მ.-ს პირადი და საცხოვრებელი სახლის ჩხრეკისას ნივთმტკიცებად ამოიღო დანაშაულებრივი გზით მოპოვებული ოქროს ნივთებისა და მოპარული ფულის ნაწილი. სამართალდამცველებმა მოსამართლის განჩინების საფუძველზე ჩატარებული ს.ჯ.-ს პირადი და საცხოვრებელი სახლის ჩხრეკისას კი ნივთმტკიცებად ამოიღეს: 2 შეკვრად დაფასოებული, 3,231 გრამი ნარკოტიკული საშუალება „ჰეროინი“, ნაქურდალი ფულისა და ოქროს ნივთების ნაწილი, დანაშაულის ჩადენის დროს გამოყენებული სამუშაო იარაღები“, - ნათქვამია უწყების განცხადებაში.

ილონ მასკი

02 დეკემბერი 2020, 09:49

ტექნოლოგიები

ილონ მასკი: მარსზე პირველი ადამიანი უახლოეს 6 წელიწადში დადგამს ფეხს

„დარწმუნებული ვარ, რომ ეს 6 წელიწადში მოხდება, თუმცა თუ გარემოებები შეგვიწყობს ხელს, შესაძლოა პროცესები დაჩქარდეს და მარსზე ადამიანის გაყვანა 4 წელიწადში შევძლოთ“, - აღნიშნა მასკმა.

იუსტიციის სახლი

02 დეკემბერი 2020, 09:31

საზოგადოება

იუსტიციის სახლი: 25-ლარიანი ვაუჩერი, არის ერთ-ერთი კომპონენტი სასაჩუქრე პაკეტთან ერთად და ის არის არა დახმარება, არამედ საჩუქარი

„ამასთან, ბენეფიციარები სხვადასხვა მწარმოებლის პროდუქციის შეძენისას ერთჯერადად 50-პროცენტიანი ფასდაკლების ბარათით სარგებლობას შეძლებენ. სოციალურად დაუცველი ოჯახების გარდა, სასაჩუქრე ნაკრები გადაეცემა ყველა მშობელს, რომლებიც პირველად იღებენ ბავშვის დაბადების დამადასტურებელ მოწმობას. მათ ბავშვთა მოვლისა და კვების პროდუქტების 25-ლარიანი ვაუჩერები გადაეცემათ. გარდა ამისა, ბავშვის საფენების, კვებისა და მოვლის კონკრეტული ბრენდების შეძენას 10-20-40%-იანი ფასდაკლებით შეძლებენ. პროექტის ბენეფიციარები ვაუჩერების გამოყენებას სს „გეფას“ სააფთიაქო ქსელებში - „ფარმადეპოსა“ და „ჯპს-ის“ ფილიალებში შეძლებენ, რომლებიც საქართველოს ყველა რეგიონში ფუნქციონირებს“, - ნათქვამია უწყების განცხადებაში.

ლატვია კარანტინი

02 დეკემბერი 2020, 09:16

COVID19

ლატვიაში საგანგებო მდგომარეობა 11 იანვრამდე გაახანგრძლივეს

ამის შესახებ ქვეყნის პრემიერ-მინისტრმა კრიშიანის კარინშმა განაცხადა. მისივე თქმით, მოქალაქეებს ორმეტრიანი სოციალური დისტანციის დაცვა ევალებათ, პირბადეების ტარება კი დახურულ სივრცეებში სავალდებულო ხდება.