imedi /  26 მარტი 2020, 16:14 / სანდო წყარო

მიტროპოლიტი გრიგოლი (ბერბიჭაშვილი): „მე არაფერი შემეყრება, რადგან მწამს ღმერთი“ - არ არის სწორი, ექიმიც და სამკურნალო საშუალებებიც ღვთისგან არის დალოცვილი

მიტროპოლიტი გრიგოლი (ბერბიჭაშვილი)

მიტროპოლიტი გრიგოლი (ბერბიჭაშვილი)

მიჭირს იმის დაჯერება, რომ ვინმე სასულიეროთაგანს მიაჩნდეს, თითქოს არსებული მდგომარეობა და მისგან მომდინარე საფრთხისგან მრევლის დაცვა/განრიდება ჯვარცმული ქრისტესა და ქრისტიანობის ღალატს ნიშნავს?!, - ამის შესახებ ფოთისა და ხობის მიტროპოლიტი გრიგოლი (ბერბიჭაშვილი) ეპარქიის სამწყსოსადმი მიმართვაში წერს.

მიმართვის ტექსტს ეპარქია Facebook-ის საკუთარ გვერდზე ავრცელებს.

„ძვირფასო სულიერნო შვილნო! ჩვენ ვემზადებით ბრწინვალე აღდგომის დღესასწაულთან შესახვედრად; ეს მზადება გულისხმობს ინტენსიურ მარხვას და ლოცვას, სინანულს თვისთა ცოდვათა გამო და განწმედას; ქრისტიანისთვის ეს გახლავთ უაღრესად მნიშვნელოვანი და საპასუხისმგებლო ღვაწლი, რაც ჩვენში აძლიერებს განსაკუთრებული სულიერი სიხარულის განცდას და გვეხმარება, რომ ვძლიოთ საკუთარ თავს და გავიმარჯვოთ წუთისოფელზე.

უკანასკნელი თვეების განმავლობაში, ჩვენ თვალწინ მსოფლიოში განვითარებული მოვლენები, რომლებიც გამოწვეულია ვირუსული პანდემიით (COVID 19), ნათლად გვიჩვენებს, რომ ვიდრე ამქვეყნად ვცხოვრობთ, კაცობრიობას მუდამ მართებს სიფხიზლე და სიფრთხილე მოსალოდნელ საფრთხეებთან მიმართებით; სამყაროში, სადაც ჩვენ ვცხოვრობთ, განსაცდელი გარდაუვალი მოვლენაა და მასთან გონივრული დაპირისპირება შესაძლებელს ხდის ადამიანის სულისა და ხორცისთვის მოსალოდნელი საფრთხეების შემცირებას და, გარკვეულწილად, მათ თავიდან არიდებასაც კი!

დღეს არსებული საგანგებო მდგომარეობა ჩვენგან ითხოვს მაღალ სულიერ წესრიგს და დაფიქრებას იმაზე, თუ რამდენად ვართ თანხმობაში ღმერთთან და მის სწავლებასთან, მის წმიდა შეგონებებთან, რამდენად აისახება ქრისტიანული ღირებულებები ჩვენს ქმედებებში ერთმანეთთან, საზოგადოებასთან და დანარჩენ სამყაროსთან ურთიერთობისას.

აუცილებლად უნდა ვთქვათ ისიც, რომ გარდა ამქვეყნიურ მოვლენათა შორის არსებული პირდაპირი და თვალსაჩინო მიზეზ-შედეგობრივი კავშირებისა, არსებობს ასევე საღმრთო განგებულება, რისი ახსნაც აღემატება ადამიანის ფიზიკურ და ინტელექტუალურ ძალებს; სულიერ ცხოვრებაში დაგროვილი გამოცდილება გვკარნახობს, რომ განსაკუთრებით ასეთ შემთხვევაში, სულიერი თვალით უნდა შევხედოთ არსებულ მდგომარეობას და კითხვა დავუსვათ საკუთარ თავს, საკუთარ სინდისს, გადავხედოთ ჩვენს დამოკიდებულებას ღვთისა და მის მიერ შექმნილი სამყაროს მიმართ!!!

ვხედავთ, რომ ახალი ინფექციური დაავადების გავრცელება დიდ განსაცდელს უქმნის მთელ მსოფლიოს, მათ შორის, ისედაც მცირერიცხოვან ჩვენს ხალხს, ჩვენს სამშობლოს; დიდი გამოცდის წინაშე აყენებს საქართველოს მართლმადიდებელ ეკლესიას და მისი თითოეული წევრის რწმენას, მით უფრო, რომ მორწმუნეთაგან არსებობს არაერთგვაროვანი დამოკიდებულება არსებული საფრთხეების შეფასების დროს; მთელ რიგ შემთხვევებში კი პანდემია აღქმულია ეკლესიასთან ბრძოლის საშუალებად; ეს და არა ერთი მსგავსი განცხადება ემსახურება საღი აზრის განდევნას ეკლესიიდან და ხელს უწყობს მის წიაღში ურთიერთ აგრესიით განმსჭვალული ჯგუფების წარმოქმნას.

მე ვხედავ, რომ შექმნილი მდგომარეობის ცალმხრივად განხილვა აპოკალიფსის ჭრილში (რასაც, ასევე, აქვს ადგილი!) გამოუსწორებელ ზიანს აყენებს ადამიანის პატიოსან და გულწრფელ რწმენას ღვთის მიმართ და მის სულიერ ორიენტაციას; ასევე, უნდა ითქვას, რომ ის ზიანს აყენებს თვით საეკლესიო ინსტიტუციასაც!

სამწუხაროდ, არავინ იცის ამ ვირუსის (COVID 19) ბუნება, ის ჯერ კიდევ გამოუკვლეველია, მიუხედავად იმისა, რომ მიმდინარეობს მისი ინტენსიური შესწავლა სპეციალისტთა მიერ.

დღეს გვაქვს უნიკალური შესაძლებლობა, რომ წარმოვაჩინოთ, თუ რა რესურსი აქვს სახელმწიფოს და ეკლესიას საიმისოდ, რომ უმაღლეს დონეზე და მასშტაბურად ითანამშრომლონ ერთმანეთთან და იზრუნონ ღვთისა და ერის საკეთილდღეოდ, რომელიც უნდა აისახოს ადამიანის სულისა და ხორცის სიჯანსაღისთვის ზრუნვაში.

2020 წლის 20 მარტის წმიდა სინოდის სხდომის შემდეგ განვითარებულმა მოვლენებმა ცხადჰყო, რომ არსებული მდგომარეობა სულ უფრო და უფრო მძიმდება: ერთ-ერთი ჩვენი ეპარქია ქვემო ქართლში უკვე სრულად მოექცა კარანტინის რეჟიმში, ხოლო მთელ ქვეყანაში კი საგანგებო მდგომარეობაა გამოცხადებული. ზოგიერთი ამას გადაჭარბებულ ზომადაც კი მიიჩნევს, მაგრამ უმჯობესია და სრულიად გონივრულიც კია დამატებითი სიფრთხილე, ვიდრე დაგვიანებული ზომები; ეს კარგად უნდა გვესმოდეს.

ქრისტესმიერო ძმებო და დებო, ნუ გამოვცდით უფალს, მეტი ადგილი დავუთმოთ საღ აზრს და გონიერებას. იმის შიშით, რომ რომელიმე თქვენგანი ვერ გაგვიგებს და, შესაძლოა, ჩვენს განკითხვაშიც ჩავარდეს, გვიჯობს ახლა განგვიკითხონ (თუნდაც უკიდურესად მწვავედაც კი!), ვიდრე შემდეგ მოგვიწიოს ჩვენი არასაკმარისი გონიერების გამო მიღებული მძიმე შედეგების (გად)ატანა.

მიჭირს იმის დაჯერება, რომ ვინმე სასულიეროთაგანს მიაჩნდეს თითქოს არსებული მდგომარეობა და მისგან მომდინარე საფრთხისგან მრევლის დაცვა/განრიდება ჯვარცმული ქრისტესა და ქრისტიანობის ღალატს ნიშნავს?!

მე ვკითხულობ, რა უფრო სათნოა ღვთისთვის - დასნებოვნება და იძულებით კარანტინში ყოფნა, და შესაძლოა მსხვერპლიც კი, თუ თავის თავის შეზღუდვა (თვითშეზღუდვა) თანამოძმეთა და თანამოქალაქეთა საკეთილდღეოდ და საჯანმრთელოდ?! ესაც ხომ ევქარისტიის, ქრისტესთან თანაზიარების ერთგვარი გამოვლინებაა რადგან მას საფუძვლად უდევს საკუთარი თანამოძმის, მეორე ადამიანის სიყვარული ქრისტეში?!

ძვირფასო სულიერნო შვილნო, მამობრივი შეგონებით გთხოვთ, განერიდეთ მავნე თვითდაჯერებულობას, რათა მაღალი ქრისტიანული შეგნებით და მოქალაქეობრივი პასუხისმგებლობით დავეხმაროთ ერთმანეთს იმ პირობების შექმნასა და აღსრულებაში, რაც ქრისტიანული კაცთმოყვარებით არის ნაკარნახები და არა ქრისტეს მიმართ ღალატით.

2020 წლის 20 მარტის წმიდა სინოდის დადგენილებით შეფასდა მიმდინარე მოვლენები და რეკომენდაციები მიეცა მრევლს, რაც სავალდებულოა ყოველი მართლმადიდებელი ქრისტიანისთვის, თუმცა მდგომარეობა ყოველდღე იცვლება და, შესაბამისად, საქართველოს ეკლესიის ეპარქიები საქართველოსა და უცხოეთში მოქმედებენ ადგილობრივ გარემოებათა მიხედვით და მრევლისთვის ადგენენ ქცევის დროებით წესებს.

აღნიშნულიდან გამომდინარე, არსებული მდგომარეობის გათვალისწინებით, მოგმართავთ ფოთისა და ხობის ეპარქიის სამღვდელოებას და მრევლს, ჩვენს სამწყსოს:

1. მრევლის ყველა წევრი, როგორც ამ ქვეყნის მოქალაქე, ვალდებულია დაემორჩილოს საქართველოში გამოცხადებული საგანგებო მდგომარეობით დადგენილ მოთხოვნებს; მათ შორის:

- განსაკუთრებული საჭიროების გარეშე, მოერიდოს ზედმეტად სახლიდან გასვლას;
- ადამიანებთან ურთიერთობისას დაიცვას ე.წ. სოციალური დისტანცია მათ შორის ეკლესიაში ყოფნისას (ტაძარში და ტაძრის ეზოში).

2. ტაძრად მისული მრევლი ლოცვას მოისმენს ტაძრის ეზოში, სადაც არის გახმოვანება; კარგი ამინდის შემთხვევაში, შესაძლოა (სადაც ამის საშუალება იქნება), ღია ცის ქვეშ ჩატარდეს მსახურება, განსაკუთრებით კი იქ, სადაც მცირე ზომის ეკლესიებია და სივრცე ძნელად ნიავდება.

3. საღმრთო ლიტურგიისას ტაძარში იქნებიან სასულიერო პირები, მგალობლები, იპოდიაკვნები (ე.წ. სტიქაროსნები), ტაძრის მსახურნი და შშმ პირები;

4. ე.წ. რისკის ჯგუფში შემავალ ადამიანებს ვურჩევთ დარჩნენ სახლებში, ხატის წინ დაანთონ კანდელი (სანთელი) და ტაძარში მიმდინარე საღმრთო ლიტურგიის თანადროულად (პარალელურად) აღავლინონ ლოცვები თავის საცხოვრებელ გარემოში.

5. მოხუცებს, ავადმყოფებს, უძლურებაში მყოფთ, სურვილის შემთხვევაში, შეუძლიათ მოძღვარი მოიწვიონ სახლში.

6. სასულიერო პირებსა და ტაძრის მსახურთ, რეალურ დროში არსებული მდგომარეობის გათვალისწინებით, უშუალოდ მიეცემათ დამატებითი რეკომენდაციები

მოგმართავთ თხოვნით, ვილოცოთ ყველგან და ყოველთვის; დაე, ჩვენს სულს დაეუფლოს მუდმივი ლოცვითი მდგომარეობა; წმიდა წერილში ვხვდებით ასეთ ეპიზოდს:
ერთი ადამიანი მოდის იესოსთან და ეუბნება: „მოძღვარო, შენთან მოვიყვანე ჩემი ვაჟი, რომელსაც უტყვობის სული სჭირს..., ვთხოვე შენს მოწაფეებს, რომ განედევნათ, მაგრამ ვერ შეძლეს..., თუკი რამე შეგიძლია, გვიშველე ჩვენ, შეგვიბრალე. იესომ უთხრა მას: „თუ კი რამე შეგიძლიაო? მორწმუნისათვის ყველაფერი შესაძლებელია. ბავშვის მამამ მყისვე შესძახა ცრემლით და თქვა: „მწამს! უშველე ჩემს ურწმუნოებას“. ამის შემდეგ იესუ განკურნავს ყრმას. (მკ. 9. 17-29).

დღეს ის დრო გვიდგას, რომ უფალს შევავედროთ ჩვენი სისუსტენი და ვუთხრათ, უშველე უფალო, ჩემს ურწმუნობას, უმკურნალე ჩემს წყლულებს, მომანიჭე კურნება ცოდვათა ჩემთაგან! სამყარო გაჩერდა, წყალი დაიწმინდა, ზეცა გამოჩნდა; გამოვიყენოთ ეს განსაცდელი უფალთან დასაბრუნებლად. ეკლესია ქრისტეს მისტიური სხეულია. შესაბამისად, უცვლელია მისი არსი იმის მიუხედავად, თუ სად ვილოცებთ. „ტაძარი უფლისა წმიდა არს“; ადამიანები ღმერთთან ეძებენ გადარჩენას; ამ იმედს და რწმენას მიჰყავს ისინი ტაძარში, მაგრამ როცა მიზეზთა გამო დროებით ვერ ახერხებ იქ მისვლას, არ დაბრკოლდე, ილოცე სახლში, საავადმყოფოში, საპყრობილეში, ილოცე ნებისმიერ ადგილას და ნებისმიერ ვითარებაში. მთელი სამყარო ღვთის ტაძარია!

ძვირფასო დანო და ძმანო! დღეს, კონკრეტულ დროსა და ვითარებაში გამოიცდება ჩვენი რწმენა და ერთგულება წმიდა სამოციქულო სწავლებისადმი.

და ბოლოს,
როცა ადამიანთა ხორციელ სნეულებებსა და მათ დაძლევაზე ვსაუბრობთ, არავითარ შემთხვევაში არ ეგების, არცკი შეიძლება მედიცინისა და ღვთისმეტყველების, მკურნალობისა და ღვთისმსახურების დაპირისპირება, ანუ მათი კონფრონტაციულ რეჟიმში განხილვა და წარმოჩენა. თქმა იმისა, რომ „რა საჭიროა ექიმი და მკურნალობა, როცა მყავს ღმერთი, არსებობს მღვდელი და შემიძლია ვილოცო“, ან კიდევ, „მე არაფერი შემეყრება, რადგან მწამს ღმერთი“, არ არის სწორი! ექიმიც და სამკურნალო საშუალებებიც ღვთისგან არის დალოცვილი, რათა ხორციელ სნეულებათაგან დაიცვას ან განკურნოს ადამიანი.

ამასვე ადასტურებს ძველი აღთქმაც: უფალმა შექმნა მკურნალიცა და წამალიც და მისცა მათ ძალა კურნებისა. გონიერი კაცი არ უგულებელყოფს მათ... („სიბრძნე ზირაქისა“, თავი 38, 1-4).

მკურნალნი არიან ასევე ახალი აღთქმის წმიდანთა შორისაც, რომელნიც არა მხოლოდ სულიერი, არამედ სხეულებრივი წყლულებისა და უძლურებისგან გაკურნებაში ეხმარებოდნენ და დღესაც ეხმარებიან ადამიანებს. გავიხსენოთ, წმიდა სერაფიმ საროველი, რომელიც დაჟინებით მოუწოდებდა მორწმუნეთ, რომ სათანადოდ დაეფასებინათ მკურნალის ხელოვნება, რადგან მას სწადია სნეულთა გამოჯანმრთელება!

უაღრესად მნიშვნელოვანია, რომ ყველანი სოლიდარულნი ვიყოთ ერთმანეთის მიმართ: ერი და ბერი, საერონი და სასულიერონი, სახელმწიფო მოხელენი და რიგითი მოქალაქენი.

შექმნილმა კრიზისმა ჩვენ უნდა გაგვაერთიანოს.
ვილოცოთ მოუკლებელად!

ქრისტესმიერი სიყვარულით,

+გრიგოლი
ფოთისა და ხობის მიტროპოლიტი“, - ნათქვამია მიმართვაში.

21 მარტს საქართველოში საგანგებო მდგომარეობა ამოქმედდა. კორონავირუსი ქვეყანაში უკვე 77 ადამიანს დაუდასტურდა. ამ დროისთვის კლინიკებიდან 10 პაციენტი გაეწერა . ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

რა უნდა ვიცოდეთ საგანგებო მდგომარეობის შესახებ, წაიკითხეთ აქ.

ყველა სიახლე

გიორგი გახარია

09 აპრილი 2020, 19:46

COVID19

გიორგი გახარია საერთაშორისო პარტნიორებს საქართველოს გვერდით დგომისთვის მადლობას უხდის

საერთაშორისო საფინანსო ინსტიტუტებისა და დიპლომატების ერთობლივ ღია წერილს მთავრობის მეთაური სოციალურ ქსელ Twitter-ის ოფიციალურ გვერდზე ეხმაურება. „მადლობას ვუხდი ჩვენს საერთაშორისო პარტნიორებს ამ გამოწვევებით აღსავსე პერიოდში საქართველოს გვერდით დგომისთვის. მადლობას გიხდით მხარდაჭერისთვის და ვიზიარებთ თქვენს რწმენას, რომ ამჟამინდელი კრიზისის დაძლევა მხოლოდ ერთობლივი ძალისხმევით შეიძლება“, - წერს გიორგი გახარია.

დიმიტრი ხუნდაძე

09 აპრილი 2020, 19:44

COVID19

დიმიტრი ხუნდაძე: დღეს მამის ორმოცზე მე და ჩემი შვილი საფლავზე მარტო წავედით

„ჩემთვის მძიმე იყო საკუთარი მშობლის საფლავზე მხოლოდ შვილთან ერთად მისვლა. მაგრამ ეს არის სავალდებულო წესი, რომ ჩვენ ერთმანეთი გავუფრთხილდეთ. ამიტომ რაღაცაზე დროებით უარი ვთქვათ. ამიტომ ყველას მოგიწოდებთ, რომ მთავარი რეკომენდაცია, მთავარი იარაღი კორონავირუსთან ბრძოლაში - ფიზიკური დისტანცირება, გავითვალისწინოთ“, - აღნიშნა ხუნდაძემ.

აშშ-ის სახელმწიფო დეპარტამენტი

09 აპრილი 2020, 19:41

COVID19

აშშ-ის სახელმწიფო დეპარტამენტი: ჯანმოს ქმედებებს ადამიანიების სიცოცხლე ემსხვერპლა

ოფიციალური ვაშინგტონი მიიჩნევს, რომ ჯანდაცვის მსოფლიო ორგანიზაციის ქმედებებს ადამიანიების სიცოცხლე ემსხვერპლა. ამის შესახებ საინფორმაციო სააგენტო Agence France-Presse-სთან საუბარში აშშ-ის სახელმწიფო დეპარტამენტის ოფიციალურმა წარმომადგენელმა განაცხადა.

09 აპრილი 2020, 19:33

COVID19

ორ ამერიკელს კორონავირუსის გავრცელების მუქარის გამო ბრალდება წაუყენეს

ტესტირების შედეგად მას კოვიდ-19 არ დაუდგინდა, თუმცა ჩადენილი დანაშაულისთვის 5-წლიანი პატიმრობა ემუქრება. 39 წლის პერესმა კი Facebook-ის გვერდზე დაწერა, რომ სან-ანტონიოს მარკეტებში კორონავირუსის გასავრცელებლად უცნობი პირი დაიქირავა. როგორც მოგვიანებით ბრალდებულმა განაცხადა, ამ პოსტით მას სურდა ადამიანებისთვის სახლში დარჩენა აიძულებინა.

მარინა ეზუგბაია

09 აპრილი 2020, 19:28

COVID19

მარინა ეზუგბაია: დღეს დამატებული ოთხივე შემთხვევის დაინფიცირების წყარო ცნობილია

დღეს დილის შემდეგ დაემატა ოთხი შემთხვევა ოთხივეს წყარო ცნობილია, ეს არის იმპორტირებული შემთხვევები, - ამის შესახებ თბილისის ინფექციური საავადმყოფოს სამედიცინო დირექტორმა ჟურნალისტებს განუცხადა. მარინა ეზუგბაიას თქმით ჯერჯერობით ახალი პაციენტების ჯანმრთელობის მდგომარეობის შესახებ არ აქვს დეტალური ინფორმაცია

09 აპრილი 2020, 19:27

COVID19

StopCoV ფონდში 124 200 000 ლარია მობილიზებული

COVID-19 ვირუსის წინააღმდეგ ბრძოლისთვის შექმნილ #StopCoV ფონდში 124 მილიონ 200 ათასი ლარია მობილიზებული. როგორც ბიზნესომბუდსმენის აპარატში აცახდებენ, ფონდში შენატანები განახორციელეს, როგორც კომპანიებმა ასევე, ფიზიკურმა პირებმა.

09 აპრილი 2020, 19:26

COVID19

ჯანმომ კორონავირუსზე საბავშვო წიგნი გამოუშვა

ჯანდაცვის მსოფლიო ორგანიზაციამ 6-11 წლის ბავშვებისთვის წიგნი გამოუშვა, რომელშიც კორონავირუსსა და მისგან დაცვის მეთოდებზეა მოთხრობილი. ამის შესახებ CNN-ი წერს. გამოცემაზე 50-ზე მეტი ჰუმანიტარული ორგანიზაცია, მათ შორის, გაეროს ბავშვთა დაცვის ფონდი და წითელი ჯვარიც მუშაობდა. პროექტში ჩართული იყო 1700-მდე ბავშვი, მშობელი და პედაგოგი, რომლებიც წიგნის ავტორებს პანდემიასთან ბრძოლის საკუთარ გამოცდილებას უზიარებდნენ. „შენ ჩემი გმირი ხარ. როგორ ებრძვიან ბავშვები კოვიდ 19-ს“- ასე ჰქვია საბავშვო წიგნს, რომლის მთავარი გმირიც გოგონა სარაა.

09 აპრილი 2020, 19:17

COVID19

Air France-ის პილოტს, რომელსაც ჩინეთიდან საფრანგეთში 16 მილიონი პირბადე უნდა ჩაეტანა, კორონავირუსი დაუდგინდა

ფრანგული ავიაკომპანია Air France-ის სპეციალური რეისის ერთ-ერთ პილოტს, რომელსაც ჩინეთიდან საფრანგეთში 16 მილიონი პირბადე უნდა ჩაეტანა, კორონავირუსით ინფიცირება დაუდგინდა. დადგენილი წესების თანახმად, ჩინეთის ტერიტორიაზე შესასვლელად ყველა პირმა კორონავირუსზე ტესტირება უნდა გაიაროს. აღნიშნული სპეცრეისის სამივე პილოტმა ასევე გაიარა ტესტირება და ერთ-ერთს ინფიცირება დაუდგინეს, რის შედეგადაც იგი კარანტინში გადაიყვანეს.

კორონავირუსი

09 აპრილი 2020, 19:14

COVID19

საქართველოში კორონავირუსი 218 ადამიანს დაუდასტურდა, აქედან 50 უკვე გამოჯანმრთელდა

საქართველოში კორონავირუსი 218 ადამიანს დაუდასტურდა, აქედან 50 ადამიანი უკვე გამოჯანმრთელდა, 3 კი გარდაიცვალა. ეს ინფორმაცია მთავრობის მიერ შექმნილ ვებგვერდზე stopcov.ge გამოქვეყნდა. კარანტინის რეჟიმშია 4722 ადამიანი, სტაციონარში მეთვალყურეობის ქვეშ კი 408 მოქალაქე რჩება.ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

09 აპრილი 2020, 19:09

ტაბლოიდი

რეპერი Chynna ნარკოტიკის გადაჭარბებული დოზით გარდაიცვალა

ცნობილი რეპერი და მოდელი ჩინა როჯერსი (Chynna) ნარკოტიკის გადაჭარბებული დოზით გარდაიცვალა. ამის შესახებ გამოცემა Vibe იტყობინება. 25 წლის რეპერის ოჯახს გარდაცვალების მიზეზზე კომენტარი ჯერ არ გაუკეთებია. Chynna-ს სამოდელო დებიუტი 14 წლის ასაკში შედგა, 15 წლისამ კი რეპერი A$AP Yams-ი გაიცნო და მასთან ერთად მუსიკალური კარიერა დაიწყო.

პედრო სანჩესი

09 აპრილი 2020, 19:06

COVID19

ესპანეთის მთავრობა საგანგებო მდგომარეობას მაისამდე გაახანგრძლივებს

ესპანეთის მთავრობა კორონავირუსის ეპიდემიის გამო დაწესებულ საგანგებო მდგომარეობას მაისამდე გაახანგრძლივებს. ამის შესახებ ესპანეთის მთავრობის თავმჯდომარემ პედრო სანჩესმა განაცხადა.

მამუკა მდინარაძე

09 აპრილი 2020, 19:05

პოლიტიკა

მამუკა მდინარაძე: არავინ ინერვიულოს, არჩევნები ჩატარდება 120/30-ზე სისტემით

ძალიან მცირე დრო გვჭირდება, ჩვენ იმისთვის, რომ ყოველგვარი გადახვევის გარეშე, მივიღოთ შეთანხმებით გათვალისწინებული ცვლილებები საქართველოს კონსტიტუციაში. ასევე მივიღოთ თანმდევი საკანონმდებლო ცვლილებები, რომლებიც საარჩევნო სისტემას შეეხება, - ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ „დღის ქრონიკაში“ ჩართვისას განაცხადა, რომელმაც ისაუბრა, რამდენად შესაძლებელია აღნიშნული ცვლილებების მისაღებად მოცემულ ვადებში ჩატევა.

ჯეიმს აპატურაი

09 აპრილი 2020, 18:58

საზოგადოება

ჯეიმს აპატურაი: საქართველოს კრიზისის პერიოდში ერთად დგომის მრავალსაუკუნოვანი ტრადიცია აქვს და ასე იქცევა პანდემიასთან ბრძოლაშიც

ნატო-ს გენერალური მდივნის სპეციალური წარმომადგენელი სამხრეთ კავკასიასა და ცენტრალურ აზიაში საქართველოს ერთიანობის დღეს ულოცავს.როგორც ჯეიმს აპატურაი Facebook-ზე წერს, საქართველოს კრიზისის პერიოდში ერთად დგომის მრავალსაუკუნოვანი ტრადიცია აქვს.

სალომე ზურაბიშვილი

09 აპრილი 2020, 18:57

COVID19

სალომე ზურაბიშვილი: ჯერ კიდევ შუაგულ კრიზისში ვართ, არ უნდა ჩავთვალოთ, რომ გადავრჩით

ჩვენმა საზოგადოებამ, ჯანდაცვის სისტემამ, ხელისუფლებამ, ყველა მოქალაქემ, ძალიან დიდი მაგალითი მოგვცა ამ დღეებში იმის, თუ როგორ შეიძლება მოვიქცეთ , - ამის შესახებ საქართველოს პრეზიდენტმა სალომე ზურაბიშვილმა ვიდეომიმართვაში განაცხადა. პრეზიდენტის განცხადებით, კრიზისი ჯერ არ დასრულებულა. სალომე ზურაბიშვილმა საზოგადოებას სახლში დარჩენისაკენ მოუწოდა.

გია ჟორჟოლიანი

09 აპრილი 2020, 18:52

საზოგადოება

გია ჟორჟოლიანი: არ შეიძლება საერთო საქმეზე პასუხისმგებლობა დავაკისროთ მხოლოდ ერთ ან რამდენიმე ადამიანს

როგორც ცნობილი გახდა, ფონდმა „ქართუმ“ 100 მილიონი ლარი გადარიცხა COVID-19-ის წინააღმდეგ ბრძოლის ფონდში. ჩვენ მივესალმებით ამ გადაწყვეტილებას და ვფიქრობთ, რომ იგი მნიშვნელოვან როლს შეასრულებს მიმდინარე კრიზისთან გამკლავების საქმეში- ამის შესახებ "სოციალ-დემოკრატების" თავმჯდომარემ გია ჟორჟოლიანმა განაცხადა.

გიორგი ვოლსკი

09 აპრილი 2020, 18:52

COVID19

გიორგი ვოლსკი: 100 მილიონი არ არის გამონაკლისი, 90-იანი წლებიდან მოყოლებული ბიძინა ივანიშვილს არაფერი დაუყვედრებია ​ქვეყნისთვის

შექმნილი ვითარების ანალიზის მთავარი ფორმულა შეიძლება ასე გამოვიყვანოთ - არსებობს გარკვეული მოვლენა, გარკვეული საგანი, გარკვეული ვითარება და ამის გარშემო არსებობს სხვადასხვა მოსაზრება. თვითონ ამის არსი, რაც გაკეთდა ან რაც არის გაკეთებული არ იცვლება. არსი არის ის, რომ ფონდში გადარიცხა 100 მილიონი ლარი, არსი არის ის, რომ 100 მილიონი არ არის გამონაკლისი და გასაკვირველი ამბავი ჩვენთვის, იმიტომ რომ ქვეყანას სხვადასხვა დროს ჰქონდა მძიმე მდგომარეობები და 90-იანი წლებიდან მოყოლებული ამ კაცს არ დაუყვედრებია არაფერი. იმიტომ, რომ თავად ასეთი არსის ადამიანია - ასე გამოეხმაურა პარლამენტის თავმჯდომარის პირველი მოადგილე, გიორგი ვოლსკი ბიძინა ივანიშვილის მიერ კორონავირუსის ფონდში 100 მილიონი ლარის ჩარიცხვის ფაქტს. აღნიშნულის შესახებ პარლამენტის წევრმა “POSTV” - ის პირდაპირ ეთერში ისაუბრა.

მამუკა მდინარაძე

09 აპრილი 2020, 18:49

COVID19

მამუკა მდინარაძე: დღეს საერთო გამოწვევასთან ბრძოლის დროა, რომელსაც უნდა მოვერიოთ, თორემ არჩევნები გვერდზე დაგვრჩება

არ შეიძლება დღეს რაღაცა მხარეს დგომა, ხომ შეიძლება ვიბრძოლოთ ყველამ ერთად, გავაკეთოთ მაქსიმუმი ვისაც რა შეგვიძლია და მერე გადავიდეთ ისევ პოლიტიკურ კამათზე, - ამის შესახებ საქართველოს პარლამენტის თავმჯდომარის მოადგილემ, საპარლამენტო უმრავლესობის ლიდერმა, მამუკა მდინარაძემ „დღის ქრონიკის“ ეთერში განაცხადა.

ივანე მაჭავარიანი

09 აპრილი 2020, 18:45

COVID19

ივანე მაჭავარიანი: ჩვენი პარტნიორები მზად არიან საქართველოს სწრაფი ფინანსური მხარდაჭერა უზრუნველყონ

ფინანსთა მინისტრი ივანე მაჭავარიანი პარტნიორი დონორი ორგანიზაციების მიერ დღეს გამოქვეყნებულ წერილს ეხმაურება და მათ მხარდაჭერისთვის მადლობას უხდის. ამის შესახებ ინფორმაციას ფინანსთა სამინისტრო ავრცელებს.

სალომე ზურაბიშვილი

09 აპრილი 2020, 18:31

პოლიტიკა

სალომე ზურაბიშვილი: არ შეიძლება პოპულისტური განცხადებების კეთება ნიშნის მოგებით, რომელიც არაფერს ეყრდნობა

არ შეიძლება პოპულისტური განცხადებების გაკეთება ნიშნის მოგებით, რომელიც არაფერს ეყრდნობა და ამით ადამიანების შეცდომაში შეყვანა. ამის შესახებ საქართველოს პრეზიდენტმა ვიდეომიმართვაში განაცხადა, რომელიც სხვა მიმდინარე საკითხებს მიუძღვნა.საუბრის ბოლოს კი სალომე ზურაბიშვილმა ზოგიერთი პოლიტიკური ძალის პოპულისტურ განცხადებებზე მიანიშნა.

ქეთევან ციხელაშვილი

09 აპრილი 2020, 18:31

COVID19

ქეთევან ციხელაშვილი: საქართველოს კონტროლირებად ტერიტორიაზე აფხაზეთის რეგიონიდან 80-მდე პირი, მათ შორის 1 ინფიცირებული იმყოფება

„ძალიან მნიშვნელოვანია, რომ ადამიანებს, რომლებსაც სჭირდებათ და აქვთ სურვილი, ჰქონდეთ წვდომა კონტროლირებად ტერიტორიაზე, რადგან ჩვენ არა მხოლოდ მხად ვართ, არამედ კონკრეტული ნაბიჯებია გადადგმული, ვეხმარებით მოსახლეობას მათთვის მნიშვნელოვანი ჯანმრთელობის სერვისებით. რუხის კლინიკა ფაქტობრივად მზადყოფნაშია, პირველ ეტაპზე როგორც საკარანტინო სივრცე და რამდენიმე დღეში უკვე როგორც COVID-19-ით ინფიცირებული პაციენტების მართვის ერთ-ერთი მსხვილი ცენტრი რეგიონში“-განაცხადა ქეთევან ციხელაშვილმა.