imedi /  02 აპრილი 2020, 17:23 / სანდო წყარო

ონლაინ გაყიდვები თანამშრომლებისა და კლიენტების ჯანმრთელობის უსაფრთხოების დაცვის შემთხვევაში იქნება დაშვებული

ონლაინ გაყიდვების ყველა ის კომპანია, რომელიც თანამშრომლების და კლიენტების ჯანმრთელობის უსაფრთხოების დასაცავად ჯანდაცვის სამინისტროს და დაავადებათა კონტროლის ეროვნული ცენტრის მიერ დადგენილ პირობებს შეასრულებს, საქმიანობის გაგრძელების ნებართვას მიიღებს, - ეს საკითხი უწყებათაშორისი საკოორდინაციო საბჭოს დღევანდელ სხდომაზე განიხილეს, რომელიც პრემიერ-მინისტრ გიორგი გახარიას ხელმძღვანელობით დღეს მთავრობის ადმინისტრაციაში გაიმართა.

შესაბამისი სამინისტროები, ოპერაციულ შტაბთან შეთანხმებით, უახლოეს პერიოდში წარმოადგენენ ინფორმაციას ონლაინ გაყიდვების იმ კომპანიების შესახებ, რომლებიც დადგენილ წესებს დაექვემდებარებიან და შექმნიან უსაფრთხო პირობებს დასაქმებულთა და მომხმარებელთათვის, რის შემდეგაც დაუყოვნებლივ იქნება მიღებული გადაწყვეტილება მათთვის საქმიანობის გაგრძელების ნებართვის გაცემის თაობაზე.

მთავრობის მეთაურმა მინისტრთა კაბინეტის წევრებთან განიხილა საგანგებო მდგომარეობისა და ე.წ. ფაქტობრივი კარანტინის მოქმედების პერიოდში მოქმედი მკაცრი წესების აღსრულების საკითხი და იმ სპეციალურ გამშვებ პუნქტებზე არსებული მდგომარეობა, რომლებიც შინაგან საქმეთა და თავდაცვის სამინისტროს ერთობლივი ძალისხმევით მსხვილი მუნიციპალიტეტების საზღვრებზე მოეწყო. საკონტროლო პუნქტებზე მიმდინარეობს მოქალაქეების შემოწმება, მათ შორის თერმოსკრინინგი, რისთვისაც ადგილზე მობილიზებულნი არიან შესაბამისი უწყებების წარმომადგენლები.

შინაგან საქმეთა მინისტრმა ისაუბრა ე.წ. კომენდანტის საათით გათვალისწინებული შეზღუდვების აღსრულებაზე და ამ კუთხით გამოვლენილ დარღვევებზე კანონის შესაბამისად განხორციელებულ რეაგირებაზე.

უწყებათაშორისი საკოორდინაციო საბჭოს სხდომაზე ასევე განიხილეს მთავრობის ერთიანი ცხელი ხაზის 144-ის მუშაობის დინამიკა. პრემიერისგან შესაბამისმა უწყებებმა მიიღეს დავალება, ცხელი ხაზის შესაძლებლობები კიდევ უფრო მეტად გაიზარდოს და მოქალაქეებს ჰქონდეთ საშუალება, შეუფერხებლად მიიღონ სრული ინფორმაცია საგანგებო მდგომარეობის ფარგლებში მოქმედ შეზღუდვებთან დაკავშირებით.

უწყებათაშორისი საბჭოს დღევანდელ სხდომაზე აღინიშნა, რომ საქართველოში კორონავირუსით ინფიცირებული 130 პაციენტიდან 26 უკვე გამოჯანმრთელდა. ყველა ინფიცირებულ პირს შესაბამისი მკურნალობა უტარდება. ამ ეტაპზე კარანტინში იმყოფება 5 550 ადამიანი, ხოლო სტაციონარში, მეთვალყურეობის ქვეშ - 281 პირი.

მთავრობის მეთაურმა ჯანდაცვის სამინისტროს დაავალა, მაქსიმალურად მოკლე ვადებში დასრულდეს საქართველოს ყველა რეგიონში ე.წ. ცხელების ცენტრების მობილიზება, რომლებიც განკუთვნილი იქნება ტემპერატურის მქონე პაციენტებისთვის. ამასთან, მიმდინარე კვირას 112-ის ბაზაზე ამოქმედდება ოჯახის ექიმთან სატელეფონო კონსულტაციის მექანიზმი, რაც მოქალაქეებს მისცემს საშუალებას, გაიარონ კონსულტაცია ოჯახის ექიმთან და ამის შესაბამისად დაგეგმონ ვიზიტი სტაციონარში. სიმპტომების მქონე მოქალაქეებს მედიკოსები სახლში დაყოვნების რეკომენდაციას მისცემენ, ზუსტი ანამნეზის შეკრების შემდეგ კი მიიღება გადაწყვეტილება სტაციონარში გადაყვანისა თუ ბინაზე შემდგომი მონიტორინგის შესახებ. შესაძლო გართულებების წარმოშობის შემთხვევაში კი, შესაბამისი აღჭურვილობით განხორციელდება პაციენტის ტრანსპორტირება ჰოსპიტალში. ამ ეტაპზე აღნიშნულ პროგრამაში უკვე ჩართულია ჯამში 25 კლინიკა, საიდანაც 4 თბილისში, ხოლო 21 საქართველოს დიდ ქალაქებსა და რეგიონულ ცენტრებში მდებარეობს.

უწყებათაშორისი საკოორდინაციო საბჭო კოორდინირებული ნაბიჯების გადადგმის მიზნით სხდომებს პრემიერ-მინისტრის ხელმძღვანელობით განაგრძობს. საბჭოს მუშაობაში აქტიურად არიან ჩართული საქართველოს პარლამენტი და პრეზიდენტის ადმინისტრაცია.

ყველა სიახლე

მძიმე პაციენტები

12 აპრილი 2021, 11:27

COVID19

საქართველოში ხელოვნური სუნთქვის აპარატზე კორონავირუსით ინფიცირებული 79 პაციენტი იმყოფება

Stopcov.ge-ზე გამოქვეყნებული ინფორმაციის თანახმად, ამ ეტაპზე მძიმე პაციენტია 380 პირი, მათ შორის, თბილისში - 190, აჭარაში - 43, იმერეთში - 63. ხელოვნური სუნთქვის აპარატზე იმყოფება 79 პირი, მათგან თბილისში - 51, აჭარაში - 5, იმერეთში - 8. 295 ადამიანი მოთავსებულია კლინიკურ-სასტუმროებში, მათ შორის 184 - თბილისში, 106 - აჭარაში. 4 300 პირი ვირუსის მკურნალობის კურსს გადის საცხოვრებელ ბინაზე.

ამირან გამყრელიძე

12 აპრილი 2021, 11:25

COVID19

ამირან გამყრელიძე: ეპიდსიტუაცია ქვეყანაში უარესდება და უნდა გავითავისოთ, რომ მესამე ტალღის დაწყების რისკი დიდია

„ფაქტია, რომ ეპიდსიტუაცია ქვეყანაში უარესდება და ჩვენ უნდა გავითავისოთ, რომ მესამე ტალღის დაწყების დიდი რისკია. შეიძლება ვთქვათ, რომ ის დაწყებულია, თუმცა ფართო მასშტაბი ჯერჯერობით არ აქვს მიღებული. ყველა ინდიკატორი, რომელიც აფასებს ეპიდსიტუაციას, სამწუხაროდ, გაუარესებულია. ეს მცირე აფეთქებები დაიწყო დიდი თავშეყრებიდან, ამიტომ უნდა გავითავისოთ, რომ დროებით ხელი უნდა ავიღოთ ამ დიდ თავშეყრებზე“, - განაცხადა გამყრელიძემ.

12 აპრილი 2021, 11:22

COVID19

გერმანიაში კორონავირუსის შემთხვევების რიცხვმა 3 მილიონს გადააჭარბა

რობერტ კოხის ინსტიტუტის მონაცემებით, გერმანიაში გასული დღე-ღამის განმავლობაში კორონავირუსის 13 245 ახალი შემთხვევა დადასტურდა, ხოლო 99 ადამიანი გარდაიცვალა.

12 აპრილი 2021, 11:18

სამართალი

პოლიციამ კოვიდ-19-ის წინააღმდეგ ბრძოლის მიზნით მოქმედი რეგულაციების დარღვევის 1 385 ფაქტი გამოავლინა

დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს. გარდა ამისა, ბოლო 24 საათის განმავლობაში, პირბადის ტარების წესის დარღვევის ფაქტზე, ადმინისტრაციულ სამართალდარღვევათა კოდექსის 42(11)-ე მუხლის შესაბამისად 1116 ფიზიკური პირი დაჯარიმდა, ხოლო პირბადის ტარების წესის განმეორებით დარღვევის 149 ფაქტი გამოვლინდა.

მოჰამედ ჯავად ზარიფი

12 აპრილი 2021, 11:16

მსოფლიო

ირანმა ისრაელი ნათანზის ბირთვულ ობიექტზე მომხდარ ინციდენტში დაადანაშაულა

ირანის საგარეო საქმეთა მინისტრმა, მოჰამედ ჯავად ზარიფმა ისრაელი ნათანზის ბირთვულ ობიექტზე მომხდარ ინციდენტში დაადანაშაულა.

ენტონი ბლინკენი

12 აპრილი 2021, 11:02

მსოფლიო

ენტონი ბლინკენი: ჩინეთმა საერთაშორისო ექსპერტებს ინფორმაციაზე წვდომა არ მისცა, რამაც კორონავირუსის პანდემია უფრო გაართულა

აშშ-ის სახელმწიფო მდივანმა, ენტონი ბლინკენმა განაცხადა, რომ ჩინეთმა საერთაშორისო ექსპერტებს ინფორმაციაზე წვდომა არ მისცა, რამაც კორონავირუსის პანდემია უფრო გაართულა.

12 აპრილი 2021, 10:58

COVID19

რა შემთხვევაშია აუცილებელი სამედიცინო პირბადის გამოყენება და როდის შეიძლება ნაჭრის პირბადის მოხმარება. ბიძინა კულუმბეგოვის განმარტება

„მსოფლიოში, ძირითადად, ორი ტიპის პირბადეა გავრცელებული; ნაჭრის პირბადე და სამედიცინო, ანუ ქირურგიული პირბადე. ნებისმიერმა ადამიანმა, რომლის ასაკი 60 წელი და ზემოთაა, ასევე, მათ, ვისაც აქვთ ერთი თანმხლები დაავადება მაინც - სასუნთქი, გულსისხლძარღვთა სისტემის დაავადება, დიაბეტი, ჭარბი წონა, არტერიული ჰიპერტენზია, სიმსივნე, აუცილებლად უნდა ატაროს სამედიცინო პირბადე. სხვა კატეგორიის ადამიანებმა, თუ პირბადე სტანდარტებს შეესაბამება, შესაძლებელია, ატაროს ნაჭრის პირბადეც“.

12 აპრილი 2021, 10:56

COVID19

საქართველოში ბოლო 24 საათში კორონავირუსით 6 ადამიანი გარდაიცვალა

ამ დროისთვის საქართველოში კორონავირუსის 288 755 შემთხვევაა დადასტურებული. მათ შორის გამოჯანმრთელდა 277 829, გარდაიცვალა 3 883 პაციენტი.

12 აპრილი 2021, 10:55

COVID19

საქართველოში კორონავირუსის 359 ახალი შემთხვევა გამოვლინდა

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კორონავირუსი კიდევ 359 ადამიანს დაუდასტურდა, გამოჯანმრთელდა 526 პაციენტი.

BAFTA

12 აპრილი 2021, 10:40

კულტურა

BAFTA 2021-ის გამარჯვებულები დასახელდნენ

ცერემონია ონლაინ ფორმატში ჩატარდა. ოთხ მთავარ ნომინაციაში გამარჯვებული „ნომადლენდი“ გახდა - ფილმის ავტორი ქლოი ჟაო საუკეთესო რეჟისორად დაასახელეს, მთავარი როლის შემსრულებელი ფრენსის მაკდორმანდი საუკეთესო მსახიობ ქალად, ჯოშუა ჯეის რიჩარდსი კი საუკეთესო ოპერატორად. თვითონ სურათი წლის საუკეთესო ფილმად აღიარეს.

დავით სერგეენკო

12 აპრილი 2021, 10:40

პოლიტიკა

დავით სერგეენკო: ვფიქრობ, უახლოეს დღეებში უნდა ვიხილოთ საბოლოო გადაწყვეტილებები

ვფიქრობ, უახლოეს დღეებში უნდა ვიხილოთ საბოლოო გადაწყვეტილებები, როგორც პოზიციის, ასევე, ოპოზიციის მხრიდან, - ამის შესახებ პარლამენტის ვიცე-სპიკერმა დავით სერგეენკომ განაცხადა. მისი თქმით, სჯერა, რომ საბოლოო გადაწყვეტილება უნდა იყოს ქვეყნის ინტერესებისკენ მიმართული და არა - პარტიული.

12 აპრილი 2021, 10:36

COVID19

ბოლო 24 საათში ბრაზილიაში კორონავირუსს 1 824 ადამიანი ემსხვერპლა

ბრაზილიის ჯანდაცვის სამინისტროს მონაცემებით, გასული დღე-ღამის განმავლობაში, ქვეყანაში კორონავირუსის 38 859 ახალი შემთხვევა დადასტურდა, 1 824 ადამიანი კი გარდაიცვალა.

ოთარ ტატიშვილი

12 აპრილი 2021, 10:32

COVID19

ოთარ ტატიშვილი მოქალაქეს, რომელსაც პანდემიის არსებობის არ სჯერა, ბოქსირებული და რეანიმაციული განყოფილებების დათვალიერებას სთავაზობს

„იმედის დილის“ წამყვანი და ექიმი, ოთარ ტატიშვილი მოქალაქეს, რომელმაც ქუჩაში ჩატარებული გამოკითხვისას თქვა, რომ კორონავირუსის პანდემიის არსებობის არ სჯერა, ბოქსირებული და რეანიმაციული განყოფილებების დათვალიერებას სთავაზობს. გამოკითხვისას მოქალაქემ თქვა: „ბევრი ნაცნობი მყავს, იმათაც ვეკითხები: „ვინმე დაიღუპა ჩვენ გარშემო?“.

12 აპრილი 2021, 10:31

COVID19

ბოლო 24 საათში ინდოეთში კორონავირუსის 168 ათასზე მეტი ახალი შემთხვევა დადასტურდა

ინდოეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში, კორონავირუსის 168 912 ახალი შემთხვევა დადასტურდა, ხოლო 904 ადამიანი გარდაიცვალა.

12 აპრილი 2021, 10:29

რეგიონი

აბასთუმანში წყალარინების გამწმენდი ნაგებობის მშენებლობა სრულდება

ინფრასტრუქტურის სამინისტროს წყალმომარაგების კომპანია კურორტ აბასთუმანში წყალარინების გამწმენდი ნაგებობის მშენებლობას ასრულებს. შესრულებული სამუშაოები, ინფრასტრუქტურის მინისტრის პირველმა მოადგილემ, ილია ბეგიაშივლმა ადგილობრივი ხელისუფლებისა და წყალმომარაგების კომპანიის თანამშრომლებთან ერთად ადგილზე დაათვალიერა, - ამის შესახებ ინფორმაციას გაერთიანებული წყალმომარაგების კომპანია ავრცელებს.

ირაკლი კობახიძე

12 აპრილი 2021, 10:07

პოლიტიკა

ირაკლი კობახიძე სამუშაო ვიზიტით აშშ-ში გაემგზავრა

„ქართული ოცნების“ თავმჯდომარე სამუშაო ვიზიტით შეერთებულ შტატებში გაემგზავრა. ირაკლი კობახიძე შეხვედრებს კონგრესმენებთან, სენატორებთან, სახელმწიფო დეპარტამენტისა და თეთრი სახლის მაღალი რანგის წარმომადგენლებთან გამართავს.

ლევან დავითაშვილი

12 აპრილი 2021, 10:07

ეკონომიკა

ლევან დავითაშვილი: ჩვენი მიზანია, მიმდინარე წლიდან, პრიორიტეტი გახდეს ყურძნის ხარისხი და არა რაოდენობა

საქართველოს გარემოს დაცვისა და სოფლის მეურნეობის მინისტრმა, ლევან დავითაშვილმა ღვინის ინდუსტრიის წარმომადგენლებთან გამართულ შეხვედრაზე, დარგის გრძელვადიანი განვითარების პერსპექტივები და რთველი 2021-ის ფარგლებში დაგეგმილი ღონისძიებები განიხილა.

12 აპრილი 2021, 09:53

საზოგადოება

აპრილიდან სკოლის მოსწავლეებთან განათლების სისტემის სოციალური მუშაკები იმუშავებენ

კონკურსის გზით დამატებით კიდევ 22 აპლიკანტი შეირჩევა და საბოლოოდ, საქართველოს ყველა რეგიონის ცენტრს ეყოლება სოციალური მუშაკი, რომელიც საგანმანათლებლო დაწესებულების მოსწავლეებსა და მათ მშობლებს შესაბამის სოციალურ მომსახურებას გაუწევს.

12 აპრილი 2021, 09:46

სამართალი

პოლიციამ ბათუმში მომხდარი დაჭრის ფაქტზე ერთი ადამიანი დააკავა

დაჭრილი ქალი სამედიცინო დაწესებულებაში მოათავსეს. მის სიცოცხლეს საფრთხე არ ემუქრება. პოლიციამ ლ.კ. მოსამართლის განჩინების საფუძველზე, ბათუმში დააკავა. ნივთმტკიცების სახით ამოღებულია დანაშაულის ჩადენის იარაღი - დანა.

12 აპრილი 2021, 09:28

საზოგადოება

როგორი ამინდია მოსალოდნელი დღეს საქართველოში

რუსთავში დღისით ჰაერის +20 გრადუსამდე გათბება, იწვიმებს, ღამით კი +9 გრადუსია. დედაქალაქშიც ნალექიანი ამინდია მოსალოდნელი. თბილისში ჰაერის ტემპერატურა დღისით +20 გრადუსი იქნება, ღამით კი +8 გრადუსი დაფიქსირდება.