IMEDI /  03 აპრილი 2020, 20:45 / სანდო წყარო

რომან კაკულია ბიზნესმენებს: უმუშევრად დარჩენილების დასახმარებლად გაღებული თანხები ბიზნესების განვითარების პერსპექტივას დააკლდება

რომან კაკულია

რომან კაკულია

საპარლამენტო უმრავლესობის წევრმა, დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, რომან კაკულიამ „რუსთავი 2“-ის ეთერში, მთავრობის ანტიკრიზისული გეგმის შესახებ ისაუბრა.

„ერთი რამ უნდა იცოდეს ყველამ, როდესაც ეკონომიკაზე ვფიქრობთ და ვსაუბრობთ, ეკონომიკა ყველაზე მარტივი განმარტებით ნიშნავს დოვლათის დაგროვების და შემდეგ მისი განაწილების მეცნიერებას, ამიტომ ვინც მარტო იმაზე საუბრობს რა უნდა გავანაწილოთ, ის ან უბრალოდ პოპულისტია, ან არაპროფესიონალი. მთავარი გამოწვევა დღეს არის ის, რომ არაპროგნოზირებადია საბიუჯეტო შემოსულობები, რომელიც დარჩენილია და რომელსაც ბიუჯეტი მიიღებს. როდესაც ვამბობთ, რომ გვაქვს 14 მილიარდიანი ბიუჯეტი, არ ნიშნავს იმას, რომ 2020 წლის დასაწყისში ეს თანხა მომენტალურად შეივსო. ბიუჯეტის შევსება დამოკიდებულია და გათვლილია მთელი წლის შემოსავლებზე. ამას ეფუძნება სწორედ, სიფრთხილე და გარკვეული ტიპის გახანგრძლივება ვადაში, გადაწყვეტილებებისა თუ რაში რა უნდა დაიხარჯოს“ - განაცხადა კაკულიამ.

დეპუტატის განმარტებით, როდესაც ქვეყნები კრიზისში შედიან, მათ აქვთ სამი ტიპის სცენარი, ცუდი, საშალო და კარგი.

„ამ შემთხვევაში ყველაზე ცუდიდან უნდა დავიწყოთ, იმიტომ, რომ როდესაც უკეთესი მდგომარეობა იქნება, დამატება ყოველთვის შესაძლებელია, მაგრამ წინასწარ რომ დაიგეგმები და მერე რესურსი აღარ გექნება, ცხადია ვერ განახორციელებ გეგმას. აქედან გამოვდივართ ჩვენც, ხელისუფლების გადაწყვეტილებების ლოგიკაც ეს არის. პირველ რიგში ინფრასტრუქტურა, ლოჯისტიკა, საერთშორისო ვაჭრობა უნდა იქნას მხარდაჭერილი, ამის მნიშვნელობას ყველა ხედავს ახლა. მხარდაჭერა სჭირდება ლიკვიდობის პრობლემას, ანუ მხარდაჭერა, ბიზნესისადმი განსაკუთრებით ტურიზმის სექტორში, ეს არის სასტუმროები და მასთან დაკავშირებული ბიზნესები. ასევე, ყველა იმ ბიზნესისათვის, ვინც დღგ-ს გადამხდელია“ - განაცხადა კაკულიამ.

მისივე თქმით, მეტი აქცენტის გაკეთება იმ ადამიანებზე, ვინც დარჩება უმუშევარი, იყო სწორი გადაწყვეტილება.

„აქვე, ერთი რამ მინდა ვუთხრა ბიზნესმენებს: ყველა ის თანხა, რომელსაც მთავრობა დახარჯავს თქვენ მიერ გაშვებული ადამიანების მხარდაჭერისათვის, დააკლდება თქვენივე ბიზნესების მომავალი განვითარების პერსპექტივას. იმიტომ, რომ მთავრობას დიდი არჩევანი არ აქვს. თვითუზრუნველყოფისათვის რაც სჭირდება ქვეყანას პროდუქტები, ამაზე გაკეთდება წარმოების აქცენტები და „აწარმოე საქართველოში“ და საკრედიტო-საგარანტო ფონდი, რომლის ამოქმედებაზეც წლებია ჩვენ ვსაუბრობდით და ამის დახვეწის პროცესშიც ვიყავით. ცხადია, ახლა ყველაზე კარგი ინსტრუმენტი იქნება სათანადო საგარეო მხარდაჭერის პირობებში, მიზნობრივი დახმარების გაწევა შევძლოთ ამ საწარმოებისათვის. ეს არის პროცესი, რომელიც მიდის. მეორეს მხრივ, დაკონკრეტება კიდევ, თუ ვის და რა სახის დახმარება სჭირდება, ამოქმედებულია კომუნალური გადასახადების შეღავათები, ეს პროცესიც პარალელურად წავა და, რა თქმა უნდა, აქ მთავარი ლოგიკა სამართლებრივი პრინციპის დაცვა იქნება“ - განაცხადა დეპუტატმა.

ყველა სიახლე

20 აპრილი 2021, 22:36

COVID19

დღე-ღამეში სომხეთში 24 კოვიდინფიცირებული გარდაიცვალა

სომხეთში კორონავირუსი კიდევ 667 ადამიანს დაუდასტურდა, რაც გამოკვლეული პირების 15.1%-ია. დღე-ღამეში 671 ინფირცირებული გამოჯანმრთელდა, 24 კი გარდაიცვალა. სულ ქვეყანაში კორონავირუსის 209 485 შემთხვევა დადასტურდა, გარდაიცვალა 3 919 ადამიანი, გამოჯანმრთელდა - 189 688. ამ დროისთვის მკურნალობას 14 896 ადამიანი გადის. პანდემიის დაწყების შემდეგ, ქვეყანაში ტესტი 942 001 ადამიანს ჩაუტარდა.

20 აპრილი 2021, 22:33

სპორტი

„ჩელსი“ სუპერ ლიგის დატოვებისთვის ემზადება

საფეხბურთო კლუბის ახალ ტურნირში გაწევრიანების შესახებ 2 დღის წინ გახდა ცნობილი. დღეს, გუნდის სტადიონთან, „სტემფორდ ბრიჯთან“ ათასამდე გულშემატკივარი შეიკრიბა, რომლებმაც „ჩელსის“ ESL-ში გაერთიანება გააპროტესტეს.

20 აპრილი 2021, 22:31

პოლიტიკა

სახელმწიფო დეპარტამენტი: პარლამენტის ცალკეულ წევრებსა და დარჩენილ პარტიებს მოვუწოდებთ, ხელი მოაწერონ შეთანხმებას

მივესალმებით საქართველოში მიღწეულ შეთანხმებას პოლიტიკური კრიზისიდან გამოსვლის თაობაზე, - განაცხადა აშშ-ის სახელმწიფო დეპარტამენტის ოფიციალურმა წარმომადგენელმა, ნედ პრაისმა.

20 აპრილი 2021, 22:26

COVID19

დღე-ღამეში თურქეთში კოვიდინფიცირების 61 ათასზე მეტი ახალი შემთხვევა გამოვლინდა და 346 ადამიანი გარდაიცვალა

თურქეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 61 028 ახალი შემთხვევა დადასტურდა, ხოლო 346 ადამიანი ვირუსს ემსხვერპლა. პანდემიის დაწყებიდან დღემდე, თურქეთში კორონავირუსის 4 384 624 შემთხვევა გამოვლინდა, 36 613 ადამიანი გარდაიცვალა, ხოლო 3 792 129 - გამოჯანმრთელდა.

არმაზ ახვლედიანი

20 აპრილი 2021, 22:01

პოლიტიკა

არმაზ ახვლედიანი: პარლამენტის მუშაობაში ჩართვის გარეშე შეთანხმებული დოკუმენტის რეალიზება ვერ მოხდება

შარლ მიშელის, ევროკავშირისა და ამერიკის შეერთებული შტატების ჩართულობა ერთგვარი გარანტიაა, რომ დოკუმენტის სულისკვეთება ჩვენი პასუხისმგებლობითა და ძალისხმევით რეალიზდება, – ამის შესახებ „ევროპული საქართველოს“ საარჩევნო სიის წევრმა, არმაზ ახვლედიანმა პარლამენტში ევროპული საბჭოს პრეზიდენტ შარლ მიშელთან შეხვედრის შემდეგ.

ბადრი ჯაფარიძე და ნიკა მელია

20 აპრილი 2021, 22:01

პოლიტიკა

ბადრი ჯაფარიძე: ნიკა მელიას არ აქვს განცდა, რომ ქვეყანაში პოლიტიკური კრიზისი განიმუხტა

ნიკა მელიას მოვუყევი ჩვენი მოლაპარაკებების, ბატონ შარლ მიშელთან საუბრების შესახებ, რომელიც ბოლო დღეების განმავლობაში გვქონდა. ის არის მხნედ. რა თქმა უნდა, მას არ აქვს განცდა, რომ ქვეყანაში პოლიტიკური კრიზისი განიმუხტა. ვიდრე ნიკა მელია არ გათავისუფლდება, პოლიტიკური კრიზისის განმუხტვაზე საუბარი ნაადრევია, - ამის შესახებ „ლელო საქართველოსთვის“ ერთ-ერთმა ლიდერმა, ბადრი ჯაფარიძემ რუსთავში, ნიკა მელიას ციხეში მონახულების შემდეგ განაცხადა.

20 აპრილი 2021, 21:54

ტექნოლოგიები

როვერმა Perseverance მარსზე ვერტმფრენის პირველი ფრენა გადაიღო. ვიდეო

კადრებზე ჩანს, რომ აპარატი დაახლოებით 3 მეტრის სიმაღლეზე ადის, დაახლოებით 30 წამის განმავლობაში რჩება ჰაერში, რის შემდეგაც პლანეტის ზედაპირზე ბრუნდება.

20 აპრილი 2021, 21:44

COVID19

ბოლო 24 საათში მსოფლიოში კორონავირუსის 656 ათასზე მეტი ახალი შემთხვევა დადასტურდა

ჯანდაცვის მსოფლიო ორგანიზაციის მონაცემებით, მსოფლიოში გასული დღე-ღამის განმავლობაში, კორონავირუსის 656 406 ახალი შემთხვევა დადასტურდა, ხოლო 10 503 ადამიანი ვირუსს ემსხვერპლა.

შარლ მიშელი

20 აპრილი 2021, 21:32

პოლიტიკა

შარლ მიშელი: პოლიტიკური კრიზისი უკან ჩამოვიტოვეთ და ახლა მძიმე სამუშაო იწყება

ევროპული საბჭოს პრეზიდენტი, შარლ მიშელი საქართველოში ვიზიტს ეხმაურება.

შარლ მიშელი და სალომე ზურაბიშვილი

20 აპრილი 2021, 21:25

პოლიტიკა

სალომე ზურაბიშვილი შარლ მიშელს: მადლობა თქვენი ძალისხმევისთვის, რომელმაც დღევანდელ დღემდე მოგვიყვანა

„მადლობა თქვენი ძალისხმევისთვის, რომელმაც დღევანდელ დღემდე მოგვიყვანა. საქართველოსთვის ეს გამარჯვებაა. დღეს საზოგადოებამ შვებით ამოისუნთქა. ახლა შეგვიძლია წინ წავიდეთ და უკეთესი მომავლისთვის ვიმუშაოთ“, - წერს პრეზიდენტი.

დევიდ სასოლი

20 აპრილი 2021, 21:19

პოლიტიკა

ევროპარლამენტის პრეზიდენტი: მეზობელ ქვეყნებს შორის სამხედრო კონფლიქტი შემაშფოთებელია - შეგიძლიათ ევროპარლამენტის იმედი გქონდეთ

ევროპარლამენტის პრეზიდენტმა, დავიდ სასოლიმ ევრონესტის საპარლამენტო ასამბლეის მეცხრე ყოველწლიურ სესიაზე სიტყვით გამოსვლისას რეგიონში მიმდინარე მოვლენებზე გაამახვილა ყურადღება და აღნიშნა, რომ ევროპარლამენტის პრიორიტეტი მშვიდობის მხარდაჭერაა. „მეზობელ ქვეყნებს შორის სამხედრო კონფლიქტი შემაშფოთებელია. ეს ფაქტი გვარწმუნებს, რომ არ არსებობს „გაყინული“ კონფლიქტები. ჩვენი პრიორიტეტი მშვიდობის მხარდაჭერაა, ამ კუთხით შეგიძლიათ ევროპარლამენტის იმედი გქონდეთ“, - განაცხადა დავიდ სასოლიმ.

დევიდ სასოლი

20 აპრილი 2021, 21:13

პოლიტიკა

ევროპარლამენტის პრეზიდენტი: აღმოსავლეთ პარტნიორობის მთავარი მიზანი ევროკავშირისა და მისი პარტნიორების კიდევ უფრო დაახლოება და თანამშრომლობის გაღრმავებაა

„აღმოსავლეთ პარტნიორობის მთავარი მიზანი ევროკავშირისა და მისი პარტნიორების კიდევ უფრო დაახლოება და თანამშრომლობის გაღრმავებაა. ჩვენი საპარლამენტო თანამშრომლობა მოქალაქეების ხმას წარმოადგენს და ეს პროცესი მნიშვნელოვანია ჩვენი საზოგადოებისა და ეკონომიკის დაახლოებისთვის“, - განაცხადა ევროპარლამენტის პრეზიდენტმა, დავიდ სასოლიმ ევრონესტის საპარლამენტო ასამბლეის მეცხრე ყოველწლიურ სესიაზე სიტყვით გამოსვლისას.

შარლ მიშელი; არჩილ თალაკვაძე

20 აპრილი 2021, 21:12

პოლიტიკა

არჩილ თალაკვაძე: საქართველოს ევროკავშირის მხრიდან ძლიერი მხარდაჭერა აქვს

საქართველოს აქვს ძლიერი მხარდაჭერა ევროკავშირის მხრიდან! საქართველო არის ევროპა და არც თუ ისე დიდი დრო დასჭირდება - ევროკავშირის წევრიც გახდება. ამაში შეუძლებელი არაფერია“, - ასე ეხმაურება საქართველოს პარლამენტის თავმჯდომარე, არჩილ თალაკვაძე დღეს, პარლამენტში, ევროპული საბჭოს პრეზიდენტთან გამართულ შეხვედრას.

20 აპრილი 2021, 21:03

მსოფლიო

ჩეხეთის საგარეო საქმეთა მინისტრი ქვეყნიდან ყველა რუსი დიპლომატის გაძევებას არ გამორიცხავს

ჩეხეთის პირველი ვიცე-პრემიერი და საგარეო საქმეთა მინისტრი, იან ჰამაჩეკი ქვეყნიდან ყველა რუსი დიპლომატის გაძევებას არ გამორიცხავს.

ანდრიუს კუბილიუსი

20 აპრილი 2021, 21:03

პოლიტიკა

ანდრიუს კუბილიუსი: საქართველოსა და უკრაინას აქვთ ნატოში გაწევრიანების სამოქმედო გეგმა - მნიშვნელოვანია, მსგავსი მიდგომა ევროკავშირის კუთხითაც ჩამოყალიბდეს

„მე ვხედავ შესაძლებლობებს, რომ ამბიციური ქვეყნებისთვის უფრო მეტის შეთავაზება შევძლოთ. მნიშვნელოვანია ევროკავშირმა უფრო კონკრეტული შეთავაზებები გააკეთოს და იმუშაოს კონკრეტულ იდეებზე, როგორიცაა სექტორული ინტეგრაცია, ევროკავშირის „ოთხი თავისუფლების“ გავრცელება. ამ ყველაფრისთვის საჭიროა ერთგვარი საგზაო რუკა. საქართველოსა და უკრაინას აქვთ ნატო-ში გაწევრიანების სამოქმედო გეგმა. ვფიქრობ, მნიშვნელოვანია მსგავსი მიდგომა ევროკავშირის კუთხითაც ჩამოყალიბდეს“, - განაცხადა ანდრიუს კუბილიუსმა.

ანდრიუს კუბილიუსი

20 აპრილი 2021, 20:58

პოლიტიკა

ანდრიუს კუბილიუსი: ვფიქრობ, ევროპა „შეშფოთების“ მმართველობის სტილიდან შარლ მიშელის მმართველობის სტილზე უნდა გადავიდეს

„ვულოცავ ქართულ პოლიტიკურ საზოგადოებას კრიზისის დასრულება. მათ მოახერხეს შარლ მიშელის დოკუმენტის მხარდაჭერა და მიმდინარე პოლიტიკური და, შეიძლება ითქვას, დემოკრატიული კრიზისის დასრულება“, - ამის შესახებ ევროპარლამენტარმა ანდრიუს კუბილიუსმა ევრონესტის რიგით მეცხრე სესიაზე სიტყვით გამოსვლისას განაცხადა.

20 აპრილი 2021, 20:54

პოლიტიკა

ევროპული საბჭოს პრეზიდენტი პარლამენტის თავმჯდომარესთან ერთად, ოპოზიციონერ დეპუტატებს შეხვდა

საქართველოს პარლამენტში ევროპული საბჭოს პრეზიდენტი შარლ მიშელი პარლამენტის თავმჯდომარესთან, არჩილ თალაკვაძესთან ერთად ოპოზიციონერ დეპუტატებს შეხვდა.

ანდრიუს კუბილიუსი

20 აპრილი 2021, 20:51

პოლიტიკა

ანდრიუს კუბილიუსი: აღმოსავლეთ პარტნიორობის რეგიონს ჩვენი ყურადღება და ევროკავშირის მხრიდან უფრო მკაფიო მიდგომა სჭირდება

ევრონესტის საპარლამენტო ასამბლეის მეცხრე ყოველწლიური სესია ოფიციალურად გაიხსნა, რომელსაც ევრონესტის საპარლამენტო ასამბლეის თანათავმჯდომარეები მაკა ბოჭორიშვილი და ევროპარლამენტარი ანდრიუს კუბილიუსი ხელმძღვანელობდნენ, - ინფორმაციას საქართველოს პარლამენტი ავრცელებს.

შალვა პაპუაშვილი

20 აპრილი 2021, 20:46

პოლიტიკა

შალვა პაპუაშვილი: ამნისტიის საკითხი ეხება 20 ივნისის საქმეზე დაკავებულებს და არა მარტო ნიკა მელიას

ამნისტიის საკითხი ეხება 20 ივნისის საქმეზე დაკავებულებს და არა მარტო ნიკა მელიას, - ამის შესახებ საპარლამენტო უმრავლესობის წევრმა შალვა პაპუაშვილმა პარლამენტში ჟურნალისტებს განუცხადა. მისი თქმით, ნიკა მელიას გირაოს ევროკავშირში რეგისტრირებული ერთ-ერთი არასამთავრობო ორგანიზაცია გადაიხდის და ნიკა მელია შეძლებს, დატოვოს საპატიმრო, თუმცა ეს მისი გადასაწყვეტია.

შალვა პაპუაშვილი

20 აპრილი 2021, 20:39

პოლიტიკა

შალვა პაპუაშვილი: ხვალ არის სამუშაო დღე პარლამენტში და იმედი მაქვს, რომ ჩვენი კოლეგები აქ იქნებიან

არ არის აუცილებელი სასესიო კვირა იყოს. ხვალ არის სამუშაო დღე პარლამენტში და იმედი მაქვს, რომ ჩვენი კოლეგები აქ იქნებიან, - ამის შესახებ შარლ მიშელთან შეხვედრის შემდეგ შალვა პაპუაშვილმა განაცხადა. „ქართული ოცნების“ საზოგადოებასთან ურთიერთობის მდივანმა და განათლების კომიტეტის თავმჯდომარემ განმარტა, როდიდან ელის საპარლამენტო საქმიანობაში ოპოზიციონერი დეპუტატების ჩართვას.