imedi /  18 აპრილი 2020, 10:20 / სანდო წყარო

ჯანდაცვის სამინისტრომ და დაავადებათა კონტროლის ცენტრმა 20 ათასი უმაღლესი ხარისხის კორეული PCR ტესტი მიიღეს

კორონავირუსი

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ და დაავადებათა კონტროლის და საზოგადოებრივი ჯანმრთელობის ეროვნულმა ცენტრმა 20 ათასი უმაღლესი ხარისხის კორეული PCR ტესტი მიიღეს.

თბილისის საერთაშორისო აეროპორტში კორეიდან ჩამოსული ტესტების გადმოტვირთის პროცესს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი წოწკოლაური და საქართველოს საგარეო საქმეთა მინისტრის მოადგილე ალექსანდრე ხვთისიაშვილი ესწრებოდნენ.

ტესტები კორეულ მხარესთან მჭიდრო თანამშრომლობით, „საქართველოს ბანკის“ მხარდაჭერით და კორეაში საქართველოს საელჩოს ძალისხმევით იქნა შეძენილი და ტრანსპორტირებული. ტესტები შეძენილი იქნა „საქართველოს ბანკის“ აქტიური ჩართულობით და ფინანსური მხარდაჭერით.

საზღვარგარეთ საქართველოს დიპლომატიური წარმომადგენლობები პრემიერ-მინისტრის ხელმძღვანელობით არსებული საკოორდინაციო საბჭოს დავალებით და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან თანამშრომლობით, აქტიურად მონაწილეობენ ქვეყანაში COVID-19 პანდემიისათვის საჭირო სამედიცინო აღჭურვილობისა და პრეპარატების მომარაგების პროცესში.

შექმნილი ვითარებიდან გამომდინარე უმეტესობა ქვეყნების მიერ შემოღებული საგანგებო რეჟიმის ღონისძიებების ფარგლებში აკრძალვა დაწესდა მთელი რიგი სამედიცინო დანიშნულების პროდუქციის ექსპორტზე. საზღვარგარეთ საქართველოს დიპლომატიური მისიები კი ხელს უწყობენ არა მხოლოდ საჭირო პროდუქციის მობილიზებას, არამედ შემდგომ მათ სათანადო ტრასპორტირებას.

აღსანიშნავია, რომ ამ პროცესში საგარეო საქმეთა სამინისტრო აქტიურ კოორდინაციაშია გარემოს დაცვისა და სოფლის მეურნეობის მინისტრთან ლევან დავითაშვილთან, რომელიც პრემიერ-მინისტრის დავალებით ქვეყანაში სედიცინო ნედლეულის მარაგების მართვას კურირებს.

საქართველოში კორონავირუსი 370 ადამიანს დაუდასტურდა, აქედან 79 უკვე გამოჯანმრთელდა. საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. რა უნდა ვიცოდეთ საგანგებო მდგომარეობის შესახებ, წაიკითხეთ აქ.

ყველა სიახლე

ეკა ტიკარაძე

04 ივნისი 2020, 12:13

პოლიტიკა

ეკატერინე ტიკარაძე: პარლამენტში აუცილებლად მივალ, მაგრამ ჩემი ვიზიტი იქნება საქმიანი და არა - პოლიტიკური შოუ

ჯანდაცვის მინისტრი პარლამენტში მისვლას გეგმავს, თუმცა ეკატერინე ტიკარაძის თქმით, ეს ვიზიტი იქნება საქმიანი, კონკრეტულ კითხვებზე კონკრეტული პასუხებით. ამ თემაზე შეკითხვას ეკატერინე ტიკარაძემ მთავრობის სხდომის შემდეგ უპასუხა.

გიორგი გახარია

04 ივნისი 2020, 12:11

პოლიტიკა

გიორგი გახარია: საერთაშორისო პარტნიორებთან ერთად ვიწყებთ ფართო კვლევას, როგორი გავლენა შეიძლება ჰქონდეს COVID-19-ის ეპიდემიას სხვადასხვა სფეროზე

გვინდა, გამოვიყენოთ სამთავრობო პროგრამის ანგარიში, როგორც პირველი ნაბიჯი იმისთვის, რომ დავიწყოთ ფართო კვლევა ჩვენს საერთაშორისო პარტნიორებთან ერთად COVID-19-ის ეპიდემიის ზეგავლენისა ჩვენი ცხოვრების სფეროებზე, როგორიც შეიძლება იყოს სოციალურ-პოლიტიკური ცხოვრება, ადამიანის უფლებები, ბავშვთა უფლებები, სამართლებრივი პროცესები და ა.შ., - ამის შესახებ საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე განაცხადა. მთავრობის მეთაურმა აღნიშნა, რომ ეპიდემიასთან ბრძოლის პროცესში იანვრიდან მაისის ჩათვლით ღონისძიებების სრული ანგარიში წერილობით მომზადდა და პარლამენტს გაეგზავნა.

ეკატერინე ტიკარაძე

04 ივნისი 2020, 12:07

საზოგადოება

ეკატერინე ტიკარაძე: ვიწყებთ მუშაობას ჯანდაცვის სისტემაში გამოკვეთილი გარკვეული ხარვეზების გამოსწორებაზე

ჯანდაცვის სისტემაში გამოიკვეთა გარკვეული ხარვეზები, რომელთა გამოსწორებაზეც ვიწყებთ მუშაობას. ამას უფრო გლობალურად უნდა მივუდგეთ, რათა გვქონდეს სისტემა, რომელსაც საგანგებო ღონისძიებების გამოცხადება არ დასჭირდება, - ამის შესახებ მთავრობის სხდომის შემდეგ ჯანდაცვის მინისტრმა, ეკატერინე ტიკარაძემ განაცხადა.

04 ივნისი 2020, 12:04

COVID19

რუსეთში გასული დღე-ღამის განმავლობაში კორონავირუსით ინფიცირების 8 831 შემთხვევა დადასტურდა

რუსეთში გასული დღე-ღამის განმავლობაში კორონავირუსით ინფიცირების 8 831 შემთხვევა დადასტურდა. კორონავირუსთან ბრძოლის ოპერატიული შტაბის მონაცემებით, ბოლო 20 დღის განმავლობაში ინფიცირების ახალი შემთხვევების დღიური რაოდენობა 10 ათასს არ აჭარბებს.

თეა წულუკიანი

04 ივნისი 2020, 12:03

პოლიტიკა

თეა წულუკიანი: ბატონი გახარია არის პრემიერ-მინისტრი, რომელიც ჩვენს გუნდს არჩევნებში საბოლოო გამარჯვებამდე მიიყვანს

„არავინ არსად მიდის. ბატონი გახარია არის საქართველოს პრემიერ-მინისტრი, რომელიც ჩვენს გუნდს როგორც პრემიერ-მინისტრი მიიყვანს საბოლოო გამარჯვებამდე იმ არჩევნებში, რომელიც 31 ოქტომბერს შედგება. ჩვენ ყველანი ვრჩებით იქ, სადაც ამჟამად გვხედავთ და ვართ. და ეს იქნება ის გუნდი, რომელიც არა მხოლოდ პანდემიას დაამარცხებს, უვიზო რეჟიმი როგორც მოვიტანეთ, მოიტანს ქვეყნისთვის უფრო მეტ ევროპულ ინტეგრაციას, არამედ ეს იქნება სახელისუფლებო გუნდი მთავრობაში, პარლამენტში, რომელიც მორიგჯერ გამჭვირვალე და დემოკრატიული არჩევნებით დაამარცხებს იმ სერიოზულ პრობლემას, რომელსაც ჰქვია ფეიკ ნიუსების შემქმნელი ოპოზიცია და მათი მედიასაშუალებები“, - განაცხადა მინისტრმა.

კომპანია „ნოვას“ მეგაცენტრის გახსნა

04 ივნისი 2020, 12:01

ეკონომიკა

თბილისსა და ბათუმში, თიბისის მხარდაჭერით, კომპანია „ნოვას“ სამშენებლო და სარემონტო მასალების 2 ახალი მეგაცენტრი გაიხსნა

თბილისსა და ბათუმში კომპანია „ნოვას“ სამშენებლო და სარემონტო მასალების 2 ახალი მეგაცენტრი გაიხსნა. როგორც თიბისიში აცხადებენ, პროექტი მათი მხარდაჭერით განხორციელდა. თანამედროვე სტანდარტების შესაბამისი მეგაცენტრების მოწყობისთვის ჯამში 3 მილიონი ლარი დაიხარჯა, საიდანაც თიბისის თანამონაწილეობა 1.5 მილიონი ლარია. 2020 წლამდე „ნოვა“ ძირითადად B2B ბიზნესით იყო დაკავებული. 1 წლის წინ კი კომპანიამ თბილისსა და ბათუმში კომფორტული და კონკურენტუნარიანი მეგაცენტრების შექმნა გადაწყვიტა.

04 ივნისი 2020, 12:00

საზოგადოება

სამხრეთ კავკასიის მილსადენის ტექნიკური ოპერატორის როლი „სოკარს“ გადაეცემა

სამხრეთ კავკასიის მილსადენის კომპანია აცხადებს, რომ 2020 წლის 20 მარტიდან სამხრეთ კავკასიის მილსადენის ტექნიკური ოპერატორის როლი, რომელსაც კომპანია „ბი-პი“ ექსპლორეიშენ (შაჰ დენიზ) ლიმიტედი ასრულებდა, კომპანია „სოკარ მიდსტრიმ ოფერეიშენზ ლიმიტედს“ გადაეცა, რომელიც სოკარის სრულ მფლობელობაში მყოფი შვილობილი კომპანიაა. სამხრეთ კავკასიის მილსადენი სამხრეთის გაზის დერეფნის ერთ-ერთი საკვანძო ნაწილია, - ამის შესახებ ინფორმაციას „ბი-პი“ ავრცელებს.

lego პოლიციელი

04 ივნისი 2020, 11:51

მსოფლიო

აშშ-ში საპროტესტო აქციების გამო Lego-მ პოლიციელების ფიგურების შემცველი ნაკრებების რეკლამაზე უარი თქვა

„პარტნიორებს ვთხოვთ თავი შეიკავონ Lego-ს სარეკლამო კონტენტის განთავსებისგან. პატივს ვცემთ აქციას #BlackOutTuesday და აშშ-ში განვითარებული ტრაგიკული მოვლენების გამო ჩვენს სოციალურ ქსელებში რეკლამის განთავსებას ვაჩერებთ“, - განაცხადეს Legos-ს პრესსამსახურში.

მარიანა ჩოლოიანი

04 ივნისი 2020, 11:43

სამართალი

ლუკა სირაძის გარდაცვალების საქმეზე დაკავებული მარიანა ჩოლოიანის სასამართლო პროცესი მიმდინარეობს

თბილისის საქალაქო სასამართლოში 15 წლის მოზარდის, ლუკა სირაძის გარდაცვალების საქმეზე დაკავებული გამომძიებლის, მარიანა ჩოლოიანის სასამართლო პროცესი მიმდინარეობს. დღევანდელ სხდომაზე ბრალდების მხარის მოწმეებს დაკითხავენ.

გიორგი გახარია

04 ივნისი 2020, 11:37

პოლიტიკა

კორონავირუსთან დაკავშირებით მთავრობის მიერ გადადგმული ნაბიჯების ამსახველი ანგარიში პარლამენტს დღეს გადაეგზავნება

კორონავირუსთან დაკავშირებით მთავრობის მიერ გადადგმული ნებიჯების ამსახველი ანგარიში დღეს გამოქვეყნდება. ამის შესახებ პრემიერ-მინისტრმა მთავრობის სხდომაზე განაცხადა. გიორგი გახარიას თქმით, დაინტერესებულ პირს ეს ანგარიში უხსნის, თუ რა სქემით, რა მოტივით და რა სტრუქტურით მიიღებოდა გადაწყვეტილებები საგანგებო მდგომარეობის პირობებში.

პოლიტიკოსი გაშიშვლება

04 ივნისი 2020, 11:35

ტაბლოიდი

მექსიკელ პოლიტიკოსს Zoom-კონფერენციის დროს კამერის გამორთვა დაავიწყდა და წელს ზემოთ გაშიშვლდა

მექსიკელ პოლიტიკოსს, 66 წლის სენატორ მართა ლუსია მიჩერ კამარენას Zoom-კონფერენციის დროს კამერის გამორთვა დაავიწყდა და წელს ზემოთ გაშიშვლდა. ინფორმაციას ამის შესახებ გამოცემა New York Post-ი ავრცელებს. მიჩერის თქმით, მომხდარის შესახებ მან მხოლოდ მას შემდეგ შეიტყო, რაც კოლეგებმა მას პირადი შეტყობინებები გაუგზავნეს. აღსანიშნავია, რომ კონფერენციაში ჟურნალისტებიც მონაწილეობდნენ.

04 ივნისი 2020, 11:29

საზოგადოება

თბილისში სახლი აფეთქებას გადაურჩა

თბილისში, აფეთქებას კიდევ ერთ სახლი გადაურჩა, - ამის შესახებ ინფორმაციას „თბილისი ენერჯი“ ავრცელებს. რომელიც ასევე სერიოზულ საფრთხეს უქმნიდა მომიჯნავე შენობებსა და მცხოვრებლებს. მაყაშვილის ქუჩაზე მდებარე ე.წ. იტალიური ტიპის საცხოვრებელ ბინაში მისვლის შემდეგ, „თბილისი ენერჯის“ სპეციალისტებმა აღმოაჩინეს გაზზე დაერთებული მოქნილი რეზინის მილი, რომლის ბოლოც კედელში იყო შეყოფილი, გაზი კი კედელში ჟონავდა.

გიორგი გახარია

04 ივნისი 2020, 11:24

COVID19

თეთრიწყაროს მუნიციპალიტეტი ეტაპობრივად გაიხსნება

„22 მაისიდან 4 ივნისამდე, დღევანდელ დღემდე, ერთი ინკუბაციის პერიოდი უკვე გავლილია და მიუხედავად იმისა, რომ თეთრიწყაროს რაიონში ინტენსიურად ტარდებოდა ტესტირება, ბოლო 14 დღის განმავლობაში არც ერთი ახალი შემთხვევა არ გამოვლენილა. ამ პერიოდში აქ ჩატარდა 449-ზე მეტი ტესტირება და არც ერთი ინფიცირების შემთხვევა არ გვაქვს. ამიტომ, ჩვენ ვთვლით, რომ შესაძლებელია უკვე გადავდგათ ნაბიჯი თეთრიწყაროს რაიონის გახსნის მიმართულებით“, - აღნიშნა პრემიერმა.

მერაბ შარიქაძე

04 ივნისი 2020, 11:21

სპორტი

„ორიაკის“ განცხადებით, მერაბ შარიქაძემ ფრანგული კლუბი დატოვა

საქართველოს მორაგბეთა ეროვნული ნაკრების კაპიტანმა, მერაბ შარიქაძემ ფრანგული კლუბი „ორიაკი“ დატოვა, - ამის შესახებ ინფორმაციას თავად კლუბი ავრცელებს. საფრანგეთის რანგით მეორე დივიზიონში, „პრო დ2“-ში მოასპარეზე „ორიაკმა“ გაავრცელა ინფორმაცია, რომ კლუბი საქართველოს მორაგბეთა ეროვნული ნაკრების კაპიტანმა, მერაბ შარიქაძემ დატოვა.

გიორგი გახარია

04 ივნისი 2020, 11:17

ეკონომიკა

მიკროგრანტების და მცირე მეწარმეობის დახმარების პროგრამების ბიუჯეტი 40 მილიონ ლარამდე გაიზრდება

მიკროგრანტების და მცირე მეწარმეობის დახმარების პროგრამების ბიუჯეტი გაიზარდა 40 მილიონ ლარამდე, მინიმალური საგრანტო თანხა კი გაიზარდა 20-დან 40 ათას ლარამდე, - ამის შესახებ პრემიერ-მინისტრმა, გიორგი გახარიამ მთავრობის სხდომაზე განაცხადა.

გიორგი გახარია

04 ივნისი 2020, 11:15

COVID19

გიორგი გახარია: ჩვენი მიზანია სწრაფი გამოვლენა, სწრაფი მკურნალობა და ადამიანის ნორმალურ ეკონომიკურ ცხოვრებაში სწრაფად დაბრუნება

ჩვენ ინფიცირების ერთი ახალი შემთხვევა გვაქვს. ყველას უნდა გვახსოვდეს, რომ ის გეგმა, რომელსაც ჩვენ მივყვებით, გვაძლევს ვირუსის გავრცელების ეფექტურ კონტროლს, მაგრამ თითოეული ჩვენი ნაბიჯი ყოველდღიურად უნდა იყოს, უაღრესად ფრთხილი და გონივრული. ეს არის ერთადერთი შესაძლებლობა ეფექტურად გავუმკლავდეთ ეკონომიკურ კრიზისს. ჩვენი ამოცანა არის ინფიცირების უსწრაფესად გამოვლინება, ჩვენი მოქალაქის ეფექტური, სწრაფი მკურნალობა და შემდგომ, მისი ნორმალურ, ეკონომიკურ ცხოვრებაში ასევე სწრაფად დაბრუნება - ამის შესახებ მთავრობის სხდომის დაწყებამდე პრემიერ-მინისტრმა განაცხადა. გიორგი გახარიას თქმით, მთავრობა ქვეყნის პოსტკრიზისული ეკონომიკური აღდგენის მოკლევადიან, საშუალოვადიან და გრძელვადიან გეგმაზე მუშაობს.

გიორგი გახარია

04 ივნისი 2020, 11:14

ეკონომიკა

საქართველოს მთავრობა კომპანიებს საბანკო სესხების გარანტიით დაეხმარება

„ეს გახლავთ ერთ-ერთი ჩვენი ღონისძიება, რომლითაც ჩვენ ვეხმარებით ადგილობრივ კომპანიებს, ადგილობრივ ბიზნესს. აქ ძირითადი შინაარსობრივი კომპონენტი მდგომარეობს იმაში, რომ სახელმწიფო იმ კომპანიებს, რომლებიც იწყებენ ახალ პროექტებს, შედიან ახალ ბიზნესში, მხარში დაუდგება საბანკო სესხის 90%-ის გარანტიით. ხოლო იმ კომპანიებს, რომლებსაც უკვე აქვთ აღებული სესხი არსებულ პროექტებში, მათ სახელმწიფო მხარში დაუდგება 30%-ის გარანტიით. ეს არის ამ კომპანიების მდგრადობის და მათთვის ლიკვიდობის დატოვების ყველაზე სწრაფი და ეფექტიანი შესაძლებლობა“, - განაცხადა პრემიერმა.

04 ივნისი 2020, 11:08

რეგიონი

სოფელ ნახიდურში კარტოფილის სადისტრიბუციო პუნქტი გაიხსნა

საქართველოს გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა დღეს ბოლნისის მუნიციპალიტეტის მერთან დავით შერაზადიშვილთან ერთად სოფელ ნახიდურში კარტოფილის სადისტრიბუციო პუნქტი მოინახულა. ბოლნისის მუნიციპალიტეტის მერიის ინფორმაციით, სადისტრიბუციო პუნქტის საშუალებით, ადგილობრივი ფერმერები კარტოფილის ექსპორტზე გაიტანას შეძლებენ.

დიეგო არმანდო მარადონა

04 ივნისი 2020, 11:03

სპორტი

დიეგო არმანდო მარადონა „ხიმნასია ლა პლატას“ მთავარ მწვრთნელად რჩება

დიეგო არმანდო მარადონა „ხიმნასია ლა პლატას“ მთავარი მწვრთნელის პოსტზე მუშაობას აგრძელებს. როგორც არგენტინული გუნდის ვებგვერდი იტყობინება, ფეხბურთის ლეგენდასთან ხელშეკრულება 2021 წლის 31 დეკემბრამდე გახანგრძლივდა. მარადონამ „ხიმნასია“ 2019 წლის სექტემბერში ჩაიბარა. გუნდს 20 შეხვედრაში უხელმძღვანელა, საიდანაც 7 მოიგო, 8 წააგო და 5-ჯერ ფრეს დასჯერდა.

04 ივნისი 2020, 11:01

COVID19

აშშ-ში კორონავირუსით გარდაცვლილთა რაოდენობამ 107 ათასს გადააჭარბა

ჯონს ჰოპკინსის უნივერსიტეტის მონაცემებით, აშშ-ში გასული დღე-ღამის განმავლობაში კორონავირუსით ინფიცირების 19 699 ახალი შემთხვევა დადასტურდა, 995 ადამიანი კი გარდაიცვალა.