imedi /  25 აპრილი 2020, 18:29 / სანდო წყარო

თამარ გაბუნია: ე.წ. აგრესიული ტესტირება მიმართულია იმისკენ, რომ მაღალი რისკის ჯგუფებში მოხდეს აქტიური სკრინინგი

თამარ გაბუნია

თამარ გაბუნია

„უცნობი შემთხვევები დღეს პრაქტიკულად არ არსებობს ე.წ. აგრესიული ანუ მიზნობრივი ტესტირება მიმართულია იმისკენ, რომ მაღალი რისკის ჯგუფებში მოხდეს აქტიური სკრინინგი, რათა ნებისმიერი შემთხვევა, რომელსაც შესაძლოა კლინიკური გამოხატულება არ ჰქონდეს, გამოვლინდეს ტესტირების საფუძველზე“, - ამის შესახებ ჯანდაცვის მინისტრის პირველმა მოადგილემ თამარ გაბუნიამ ტელეკომპანია „იმედის“ გადაცემაში „ქრონიკა“ განაცხადა.

მისი თქმით, ბოლო რამდენიმე დღის განმავლობაში მნიშვნელოვნად გაიზარდა ტესტირებულთა რაოდენობა, საუბარია PCR (პისიარ) ტესტით ტესტირებაზე. მინისტრის მოადგილის თქმით, გაფართოვდა ლაბორატორიული ქსელი და თუ ადრე ვსაუბრობდით დღეში 200-300 ტესტზე, დღეს ლაბორატორიებიდან მიღებულ იქნა პასუხები 900-მდე ტესტზე და მათგან დადებითი შედეგები 2% -ს დაუდასტურდა.

ამასთან, გაბუნიას თქმით, ტესტირებულთა რაოდენობა ქვეყანაში კიდევ გაიზრდება. „მთავარი წუხილი, რაც შეიძლება მოსახლეობას ქონდეს, ისაა, ხომ არ იპარება შემთხვევები, რომელთა გატესტვა და გამოვლენა არ ხდება და ეს შემთხვევები შესაძლოა იყოს პოტენციური ინფექციის წყარო. აქამდე ჩატარებული მიზნობრივი, გნებავთ აგრესიული ტესტირება ხორციელდებოდა საკარანტინე სივრცეებში, ჯანდაცვის პროფესიონალებში, ასევე ადგილობრივი ეპიდრეაგირების გეგმის ფარგლებში.

მოგეხსენებათ, მარნეულისა და ბოლნისის მუნიციპალიტეტები რამდენიმე კვირაა განსაკუთრებით ყურადღების ცენტრშია და იქ ტარდება ძალიან აქტიური ეპიდზედამხედვლეობის ღონისძიებები, რომელთაც სჭირდებათ პერიოდული გამეორება. გვაქვს გაწერილი გეგმა 2 ინკუბაციური პერიოდისთვის - ესაა ღონისძიებები, რომლებიც უნდა შესრულდეს 28 დღის განმავლობაში ეტაპობრივად.

ეტაპობრიობა ითვალისწინებს თერმოსკრინინგს, დადებით შემთხვევაში ნაცხის ანალიზს და გამოკვლევას PCR მეთოდით, დადებითი შედეგის შემთხვევაში კი ეს ღონისძიებები ითვალისწინებს პაციენტის გადაყვანას მკურნალობის მიზნით. აღნიშნული პროცესი ხორციელდება მაღალი რისკის რეგიონებში, სადაც დაფიქსირდება შემთხვევების მომატებული რაოდენობა. ერთი ოჯახი ან 3-4 შემთხვევა, კლასტერები, რომლებიც ყალიბდება კონტაქტების კვლევის საფუძველზე, საჭიროებს აგრესიულ ტესტირებას. ამას ვიყენებთ რამდენიმე თვეა, რაც ვირუსის გადაცემის თავიდან აცილების მიზნით დავიწყეთ“, - განაცხადა გაბუნიამ.

მისი თქმით, სტატისტიკა ადასტურებს, რომ უცნობი შემთხვევები დღეს პრაქტიკულად არ არსებობს - მიუხედავად იმისა, რომ გაიზარდა ტესტირებულთა რაოდენობა, პროპორციულად დადასტურებული შემთხვევები შემცირდა: კერძოდ, დღემდე გაიტესტა 10177 პირი და მათგან ვირუსი დაუდასტურდა 456-ს.

ეს კი, მინისტრის მოადგილის თქმით, მარტივი მათემატიკაა, რომელიც ადასტურებს, რომ ტესტირებულებიდან დადასტურებული შემთხვევები მხოლოდ 4,5%-ია. დღევანდელი შედეგი კი 2 პროცენტს არ აღემატება, რაც ადასტურებს, რომ „საზოგადოებაში უცნობი შემთხვევები არის მინიმალური, თუკი საერთოდ არსებობს“, - აცხადებს გაბუნია.

მისი თქმით, ჯანდაცვის სამინისტროს სამომავლო სტრატეგიის თანახმად, განსაკუთრებით მას შემდეგ რაც შესუსტდება შემზღუდავი ღონისძიებები, უფრო მეტი აქტიური ტესტირება ჩატარდება, რათა დროულად მოხდეს ყველა შესაძლო შემთხვევის იდენტიფიცირება.

საქართველოში კორონავირუსი 456 ადამიანს დაუდასტურდა, აქედან 139 უკვე გამოჯანმრთელდა. 5 კი გარდაიცვალა. საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

ყველა სიახლე

მარინა ეზუგბაია

28 მაისი 2020, 10:38

COVID19

საქართველოში უკვე ინფიცირებულთა 78% გამოჯანმრთელდა

„ინფიცირებულთა დაახლოებით 78% უკვე გამოჯანმრთელდა. ამ ეტაპზე, კოვიდცენტრებში 153 დადასტურებული პაციენტი მკურნალობს. გამოჯანმრთელებულების რაოდენობა 408-ით აჭარბებს ამჟამად მკურნალობაზე მყოფი პაციენტების რაოდენობას“.

ბოჭორიშვილის კლინიკა

28 მაისი 2020, 10:35

COVID19

ბოჭორიშვილის კლინიკაში მკურნალობას 18 წლამდე ასაკის 11 პაციენტი აგრძელებს

ბოლო 24 საათის განმავლობაში ბოჭორიშვილის კლინიკას კორონავირუსით ინფიცირებული ახალი პაციენტი არ მიუღიათ. ამის შესახებ ჟურნალისტებს მაკა სოლოღავშილმა განუცხადა.კლინიკის სამეთვალყურეო საბჭოს თავმჯდომარის თქმით, ყველა პაციენტის მდგომარეობა სტაბილურია.

კორონავირუსი საქართველო

28 მაისი 2020, 10:20

COVID19

საქართველოში კორონავირუსით კიდევ 3 ადამიანი დაინფიცირდა, 16 კი გამოჯანმრთელდა

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

28 მაისი 2020, 10:17

სამართალი

მეწარმე „პერსილისა“ და „არიელის“ შეფუთვაში იაფფასიანი ფხვნილის დაფასოებაში ამხილეს

უწყების ცნობით, ბრალდებულს თურქეთიდან ჩამოჰქონდა იაფფასიანი სარეცხი ფხვნილი, კუსტარულად მოწყობილ საამქროში აფასოებდა და მას ბრენდირებული სარეცხი საშუალებების - „პერსილისა“ და „არიელის“ სასაქონლო ნიშნით ჰყიდდა.

სერბეთის საფეხბურთო ჩემპიონატი

28 მაისი 2020, 10:13

სპორტი

სერბეთის საფეხბურთო ჩემპიონატის მატჩებზე მაყურებელს დასწრება 1-ლი ივნისიდან შეეძლება

1-ლი ივნისიდან სერბეთის საფეხბურთო ჩემპიონატის მატჩებზე მაყურებელს დასწრება შეეძლება. ქვეყნის ფეხბურთის ფედერაციის გადაწყვეტილებით, სუპერლიგა 29 მაისს უნდა განახლდეს, ზაფხულის პირველივე დღიდან კი სტადიონის ტრიბუნაზე გულშემატკივარსაც შეუშვებენ, თუმცა რეგულაციებისა და მინიმუმ ერთმეტრიანი სოციალური დისტანციის დაცვა თითოეულ მათგანს მოუწევს.

გიორგი გახარია

28 მაისი 2020, 10:12

ეკონომიკა

დღეს პრემიერ-მინისტრი დეველოპერული სექტორის მხარდაჭერის ანტიკრიზისული გეგმის პრეზენტაციას გამართავს

გუშინ, პარლამენტში გამოსვლისას გიორგი გახარიამ განაცხადა, რომ სახელმწიფო იპოთეკური სესხის სუბსიდირებას მოახდენს ყველა იმ ადამიანისთვის, რომელიც წლის ბოლომდე საცხოვრებელი პირობების გაუმჯობესებას გადაწყვეტს.

28 მაისი 2020, 10:10

მსოფლიო

საფრანგეთის სასამართლომ რუანდის გენოციდისთვის დაკავებული ფეილსენ კაბუგა პატიმრობაში დატოვა

ფეილსენ კაბუგა, რომელსაც რუანდაში მოწყობილ გენოციდსა და კაცობრიობის წინაშე ჩადენილ დანაშაულში სდებს ბრალს, დანაშაულს არ აღიარებს. მისი ადვოკატის მტკიცებით, კაბუგას ტუტსების ეთნიკური ჯგუფის წინაშე ბრალი არ მიუძღვის.

ბცჟ კორონავირუსი

28 მაისი 2020, 10:04

COVID19

საბერძნეთი ბცჟ-ს საყოველთაო ვაქცინაციის შესახებ ინფორმაციას უარყოფს

ათენში უარყვეს ინფორმაციას იმის შესახებ, რომ კორონავირუსის გავრცელების პრევენციის ფარგლებში ქვეყანაში ბცჟ-ს საყოველთაო ვაქცინაცია დაიწყება. ინფორმაცია ვაქცინაციის შესახებ ადგილობრივმა მედიასაშუალებებმა 27 მაისს გაავრცელეს. მათი წყარო ათენის ეროვნული უნივერსიტეტის სამედიცინო ფაკულტეტის პროფესორი, ევანგელოს იამარელოსი იყო. თუმცა ტელეკომპანია Skai-ს ეთერში ამავე სასწავლო დაწესებულების დოცენტმა, ანასტასია კოტანიდუმ განაცხადა, რომ ბცჟ კორონავირუსისგან არ იცავს და საბერძნეთში COVID-19-ის საწინააღმდეგო ვაქცინა არ არსებობს.

კალიების შემოსევა ინდოეთი

28 მაისი 2020, 09:50

მსოფლიო

კალიების შემოსევის შედეგად ინდოეთში ნათესები 50 ათასი ჰექტარზე განადგურდა

კალიების შემოსევა ინდოეთში საკვების წარმოების კლებას და ფასების ზრდას გამოიწვევს, რაც თავის მხრივ ხელს შეუშლის ქვეყანას ეფექტურად გაუმკლავდეს პანდემიას. რაჯასტანის და მადჰია-პრადეშის ტერიტორიაზე ათეულობით მილიონი მწერისგან შემდგარი 8 გუნდი მოქმედებს, თითოეული დაახლოებით 1 კვადრატული კილომეტრის სიდიდის. სიტუაციას ართულებს პანდემიასთან დაკავშირებული პრობლემებიც.

ბრაზილია კორონავირუსი

28 მაისი 2020, 09:42

COVID19

24 საათში ბრაზილიაში კორონავირუსის 20 599 შემთხვევა დაფიქსირდა

ბრაზილიაში ბოლო 24 საათში კორონავირუსს 1 068 პაციენტი ემსხვერპლა, გარდაცვლილთა საერთო რაოდენობამ კი 25 598-ს მიაღწია.

ნათია თურნავა

28 მაისი 2020, 09:29

ეკონომიკა

ქართული წარმოების პირბადეების ექსპორტი შესაძლოა აშშ-სა და უკრაინაში განხორციელდეს

ქართული წარმოების პირბადეებზე მოთხოვნა არის აშშ-ში, ევროპის ქვეყნებსა და უკრაინაში. ამის შესახებ ეკონომიკისა და მდგრადი განვითარების მინისტრმა, ნათია თურნავამ ჟურნალისტებს განუცხადა. „სიმართლე გითხრათ, თვალს უხაროდა პარლამენტში დეპუტატებს რომ ვუყურებდი, ეკეთათ ყველას ნაირფეროვანი, სხვადასხვა ფასონის, სხვდასხვა ნაჭრის, სხვადასხვა ფერის, ყველა მაღალი ხარისხის და თითქმის ყველა ქართული წარმოების პირბადე. 20-მდე სხვადასხვა კომპანია აწარმოებს და იმდენად გაჯერდა უკვე საქართველოს ბაზარი, რომ ამ დღეებში დავრთეთ ნება გაიტანონ ექსპორტზე. ამერიკის შეერთებულ შტატებშია მოთხოვნა, არის ევროპულ ქვეყნებში მოთხოვნა, არის უკრაინაში მოთხოვნა. ეს იმას ნიშნავს, რომ იმპორტიორიდან ვიქეცით ექსპორტიორად 2 თვეში“, - აღნიშნა მინისტრმა.

ძაღლი კორონავირუსი ყნოსვა

28 მაისი 2020, 09:16

COVID19

ფინელმა მეცნიერებმა ძაღლებს კორონავირუსის ყნოსვით დადგენა ასწავლეს

სპეციალისტები, რომლებსაც ძაღლების დიაგნოსტიკაში გაწვრთნის დიდი გამოცდილება აქვთ ამტკიცებენ, რომ ძაღლები ინფიცირებულებს პრაქტიკულად PCR-ტესტების სიზუსტით ავლენენ. მეცნიერები კვლევის ბოლო ეტაპისთვის ემზადებიან, რომელზეც ძაღლებს ნიმუშების უფრო დიდი რაოდენობასთან მოუწევთ გამკლავება. ამის შემდეგ ცხოველების გამოყენება კლინიკურ პრაქტიკაში დაიწყება.

კორონავირუსი

28 მაისი 2020, 09:00

COVID19

გერმანიაში კორონავირუსის 353 ახალი შემთხვევა გამოვლინდა

რობერტ კოხის ინსტიტუტის მონაცემებით, ქვეყნის მასშტაბით ვირუსი სულ 179 717 ადამიანს დაუდგინეს. მათგან 8 411 შემთხვევა ლეტალური აღმოჩნდა. 163 ათასი ადამიანი გამოჯანმრთელდა.

კაჰურანგის ეროვნული პარკი

28 მაისი 2020, 08:49

მსოფლიო

ახალ ზელანდიაში 2 დაკარგული ტურისტი 18 დღის შემდეგ ცოცხლები იპოვეს

23 წლის ჯესიკა ოკონორი და დიონ რეინოლდსი 452 ათასი ჰექტარი სიდიდის უღრანი ტყით დაფარულ კაჰურანგის ეროვნულ პარკში ლაშქრობაში 9 მაისს წავიდნენ და დაბრუნებას 5 დღეში გეგმავდნენ.

კორონავიურსი ჩინეთი ტესტირება

28 მაისი 2020, 08:37

COVID19

გასული დღე-ღამის განმავლობაში ჩინეთში კორონავირუსის 2 შემთხვევა გამოვლინდა

ინფორმაციას ამის შესახებ ქვეყნის ჯანდაცვის ეროვნული კომისია ავრცელებს. უწყების ცნობით, ორივე შემთხვევა იმპორტირებულია. საერთო ჯამში, ქვეყანაში კორონავირუსის 82 995 შემთხვევაა დაფიქსირებული. აქედან 78 288 პაციენტი გამოჯანმრთელდა, 4 634 კი გარდაიცვალა.

კორონავირუსი კლინიკები

28 მაისი 2020, 08:24

COVID19

რა ვითარებაა თბილისის კლინიკებში, სადაც კორონავირუსით ინფიცირებულები მკურნალობენ

ინფექციურ საავადმყოფოში კორონავირუსით ინფიცირებული 32 პაციენტი მკურნალობს, ყველა მათგანი სტაბილურია, მათ შორის გაუმჯობესებულია სამი კრიტიკული პაციენტის მდგომარეობა. ისინი ექიმების მეთვალყურეობის ქვეშ იმყოფებიან.

Boeing 737

28 მაისი 2020, 08:16

ტექნოლოგიები

Boeing 737 Max-ის წარმოება განახლდა

ასეთი გადაწყვეტილება კომპანიის ხელმძღვანელობას იმის მიუხედავად მიიღო, რომ კომპანიას ავიაციის ფედერალური სამსახურისგან ამ თვითმფრინავებით ფრენის განახლების უფლება მიღებული ჯერ არ აქვს. კომპანიაში იმედოვნებენ, რომ ნებართვას 2020 წლის შუისთვის მიიღებენ.

რუსეთის საგარეო საქმეთა სამინისტრო

28 მაისი 2020, 08:05

პოლიტიკა

ლავროვის უწყება: რუსმა ექსპერტებმა ლუგარის ლაბორატორიის ყველა შენობაში შესვლა უნდა შეძლონ

„მიუხედავად საქართველოს მთავრობის განცხადებებისა, რომ თავად აკონტროლებენ და აფინანსებენ ლაბორატორიის საქმიანობას, მასში მიმდინარე კვლევები შეერთებულ შტატებსა და მის პარტნიორებთან არის აფილირებული, რაც კითხვებს ბადებს. მივესალმებით საქართველოს მხრიდან ლაბორატორიაში რუსი ექსპერტების მიღებისთვის მზადყოფნას, თუმცა ასეთ ვიზიტს მხოლოდ მაშინ ექნება აზრი, თუ რუსი ექსპერტები ლაბორატორიის ყველა, მათ შორის ამერიკელი სპეციალისტების მიერ დაკავებულ შენობაში შესვლას შეძლებენ და ექნებათ წვდომა ყველა სასურველ დოკუმენტაციაზე. ვიზიტი უნდა განხორციელდეს ორმხრივ ფორმატში, სხვა ქვეყნებისა და საერთაშორისო და რეგიონალური ორგანიზაციების წარმომადგენლების გარეშე. მზად ვართ გამონაკლისი დავუშვათ ცენტრის მიერ აკრედიტებული პენტაგონის წარმომადგენლებისთვის“, -ვკითხულობთ განცხადებაში.

ამაღლება ხატი

28 მაისი 2020, 08:01

საზოგადოება

დღეს ამაღლებაა

ამასთან დაკავშირებით, ყველა მოქმედ ტაძარში საღმრთო ლიტურგია ჩატარდება. საქართველოს კათოლიკოს-პატრიარქი, უწმინდესი და უნეტარესი ილია მეორე საღმრთო ლიტურგიას ყოვლადწმინდა სამების საკათედრო ტაძარში დღეს, 10:00 საათზე დაიწყებს.

28 მაისი 2020, 02:07

COVID19

აშშ-ში კორონავირუსით გარდაცვლილთა რაოდენობამ 100 ათასს გადააჭარბა

ჯონს ჰოპკინსის უნივერსიტეტის ბოლო მონაცემებით, აშშ-ში კორონავირუსს 100 ათასზე მეტი ადამიანი ემსხვერპლა.