IMEDI /  08 მაისი 2020, 19:30 / სანდო წყარო

კელი დეგნანი: ჯანდაცვის ხელმძღვანელების, დაავადებათა კონტროლის ცენტრის, ექიმებისა და საქართველოს მთავრობის ძალისხმევით ქვეყანა უსაფრთხოდ უბრუნდება ცხოვრების ჩვეულ რიტმს

კელი დეგნანი

კელი დეგნანი

ჯანდაცვის ხელმძღვანელების, დაავადებათა კონტროლის ცენტრის, ექიმების, საქართველოს მთავრობის ძალისხმევით შესაძლებელი გახდა, რომ ქვეყანა უსაფრთხოდ უბრუნდება ცხოვრების ჩვეულ რიტმს, თუმცა ეს გზა ჯერ ბოლომდე გავლილი არ არის, – ამის შესახებ საქართველში აშშ-ის ელჩმა კელი დეგნანმა ვიდეომიმართვაში განაცხადა.

ელჩმა ვიდეოგზავნილში „კოვიდ-19“-ის საპასუხოდ აშშ-ის ახალი მხარდაჭერის შესახებ ისაუბრა.

„მოგესალმებით სახლიდან. დღეს მე დისტანციურ რეჟიმში ვმუშაობ, რათა შევასრულო საქართველოს საზოგადოებრივი ჯანდაცვის ხელმძღვანელების რეკომენდაციები სოციალური დისტანციის დაცვასთან დაკავშირებით. ახალი ამბები, რომ საქართველოში ეტაპობრივად განახლდება სხვადასხვა ბიზნესსაქმიანობა, იმედისმომცველია. ვიცი, რომ ყველა მოუთმენლად ველოდებით, სრული დატვირთვით შევუდგეთ მუშაობას. რაც შეიძლება სწრაფად, როგორც კი ეს უსაფრთხო იქნება. უაღრესად მადლიერი ვართ ჯანდაცვის ხელმძღვანელების, დაავადებათა კონტროლის ეროვნული ცენტრის, ექიმების, მკვლევრებისა და საქართველოს მთავრობის. მათმა პრაქტიულმა ძალისხმევამ შესაძლებელი გახადა, რომ ქვეყანა უსაფრთხოდ უბრუნდება ცხოვრების ჩვეულ რიტმს. თუმცა ეს გზა ჯერ ბოლომდე გავლილი არ არის. როგორც ექიმმა გამყრელიძემ თქვა, ჩვენ ჯერ არ დაგვიმარცხებია „კოვიდ-19“. მნიშვნელოვანია, რომ ამ საკითხს სერიოზულად მივუდგეთ და მივიღოთ სიფრთხილის აუცილებელი ზომები ჩვენი ჯანმრთელობისა და უსაფრთხოებისთვის“, – განაცხადა დეგნანმა.

მისი თქმით, ამერიკის შეერთებული შტატები უძღვება „კოვიდ-19“-ზე რეაგირების მსოფლიო ძალისხმევას ჰუმანიტარული ჯანდაცვის კუთხით, მაშინ, როდესაც თვითონაც ვირუსს ებრძვის ქვეყნის შიგნით.

„ამ რეაგირების ფარგლებში, ამერიკის შეერთებულმა შტატებმა დღემდე დაახლოებით ერთი მილიარდი დოლარი გამოყო ჯანდაცვის, ჰუმანიტარული და ეკონომიკური დახმარებისთვის დამატებით იმ ფინანსური მხარდაჭერისა, რაც უკვე უზრუნველეყო მრავალეროვნული და არასამთავრობო ორგანიზაციებისთვის, რომლებიც მსოფლიოს სხვადასხვა ნაწილში ეხმარებიან თემებს პანდემიასთან გამკლავებაში. აქ, საქართველოში საელჩო აგრძელებს ქართველი ხალხის დახმარების გზების ძიებას“, – განაცხადა დეგნანმა.

ყველა სიახლე

კრიშტიანო რონალდო

03 ივნისი 2020, 22:42

სპორტი

კრიშტიანო რონალდო ვარჯიშზე ოთხი საათით ადრე გამოცხადდა

ტურინის იუვენტუსის ფორვარდი კრიშტიანო რონალდო იტალიის ჩემპიონატში სეზონის განახლებისთვის თავდაუზოგავად ემზადება. იტალიური მედიის ცნობით, 35 წლის ფეხბურთელი ტურინული გუნდის მორიგ ვარჯიშზე ოთხი საათით ადრე გამოცხადდა. პორტუგალიელმა ვარსკვლავმა დამოუკიდებლად ივარჯიშა, რის შემდეგაც მას თანაგუნდელებიც შეუერთდნენ, რომლებიც ბაზაზე მოგვიანებით მივიდნენ. კრიშტიანო უკეთეს ფიზიკურ ფორმაშია ვიდრე კორონავირუსის პანდემიით გამოწვეული პაუზის წინ იყო. ეს ახლახან ჩატარებული ტესტირების შედეგებმა დაადასტურა. რონალდომ პანდემიის პერიოდში კარანტინი შინ, მშობლიურ მადეირაზე გაატარა, სადაც მაქსიმალურად ცდილობდა, ფორმა შეენარჩუნებინა.

03 ივნისი 2020, 22:37

ეკონომიკა

ეროვნული ბანკი მომხმარებლებს აფრთხილებს

Mazilla.ge არ წარმოადგენს საქართველოს ეროვნული ბანკის მიერ რეგისტრირებულ მიკროსაფინანსო ორგანიზაციას. აღსანიშნავია, რომ დეტალური და პერიოდულად განახლებადი ინფორმაცია ეროვნული ბანკის მიერ რეგისტრირებული მიკროსაფინანსო ორგანიზაციების შესახებ, განთავსებულია ეროვნული ბანკის ოფიციალურ ვებგვერდზე და ნებისმიერ დაინტერესებულ პირს შესაძლებლობა აქვს მიიღოს მისთვის საჭირო და ამომწურავი ინფორმაცია.

სიმონ ხეჩინაშვილის სახელობის საუნივერსიტეტო კლინიკა

03 ივნისი 2020, 22:31

ეკონომიკა

ბაგებში სროლის შედეგად დაშავებული ორი მამაკაცის სიცოცხლეს საფრთხე არ ემუქრება

ბაგებში სამხარაულის ექსპერტიზის ბიუროს შენობის მიმდებარედ სროლის შედეგად დაშავებული ორი მამაკაცი ხეჩინაშვილის სახელობის კლინიკაში გადაიყვანეს. მათ სიცოცხლეს საფრთხე არ ემუქრება. „სასწრაფო დახმარების ბრიგადის მიერ იქნა შემოყვანილი ორი საშუალო ასაკის მამაკაცი. ერთ-ერთს აღენიშნებოდა ცეცხლნასროლი ჭრილობა მარჯვენა ქვედა კიდურის არეში, მცირე წვივის ძვლის დაზიანებით, რომელიც გადაყვანილ იქნა საოპერაციო ბლოკში და უტარდება ოპერაცია. მეორე მამაკაცს აღენიშნებოდა მარცხნივ, ბარძაყის უკანა ზედაპირზე ნაკვეთი საშუალო ზომის ჭრილობა. მას ოპერაციული მკურნალობა ჩაუტარდება. მათ სიცოცხლეს საფრთხე არ ემუქრება“,- განაცხადა ემრჯენსის ექიმმა ნიკოლოზ ფერაძემ.

მიშელ ბაჩელეტი

03 ივნისი 2020, 22:21

მსოფლიო

გაერო: აშშ-ში საპროტესტო აქციების მონაწილეების ტერორისტებთან გათანაბრების მცდელობა შეშფოთებას იწვევს

ადამიანის უფლებების საკითხებში გაეროს უმაღლესი კომისარის, მიშელ ბაჩელეტის განცხადებით, აშშ-ში საპროტესტო აქციების მონაწილეების ტერორისტებთან გათანაბრება შეშფოთებას იწვევს.

03 ივნისი 2020, 22:07

სამართალი

პოლიციამ ზუგდიდში გამოძალვის ბრალდებით 2 ადამიანი დააკავა

ამეგრელო-ზემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1991 წელს დაბადებული ა.წ. და 1976 წელს დაბადებული რ.პ., გამოძალვის ბრალდებით, სამეგრელოში, ცხელ კვალზე დააკავეს. ინფორმაციას შინაგან საქმეთა სამინისტრო ავრცელებს.

03 ივნისი 2020, 21:46

COVID19

ჯანმო: არ არსებობს იმის მტკიცებულება, რომ კორონავირუსი მუტაციას განიცდის

ჯანდაცვის მსოფლიო ორგანიზაციის მაღალი რანგის ოფიციალურმა პირებმა განაცხადეს, რომ არ არსებობს იმის მტკიცებულება, რომ კორონავირუსი მუტაციას განიცდის.

03 ივნისი 2020, 21:42

კულტურა

ეროვნულ ბიბლიოთეკას საქართველოს ვიზუალური ისტორიის უმნიშვნელოვანესი ნიმუშები გადაეცა

ხანგრძლივი მოლაპარაკებების შედეგად ეროვნულმა ბიბლიოთეკამ უმდიდრესი ფოტოარქივი კიდევ ერთი უნიკალური კოლექციით გაამდიდრა. 2800 უნიკალური ფოტო, რომელიც აქამდე ბაადურ ქობლიანიძის ოჯახის საკუთრება იყო, ახლა უკვე ეროვნული მემკვიდრეობა გახდა.

03 ივნისი 2020, 21:41

სამართალი

შინაგან საქმეთა სამინისტრო გლდანის ხევში აღმოჩენილი ახალშობილის გარდაცვალების ფაქტს ეხმაურება

შინაგან საქმეთა სამინისტრო 2020 წლის 2 ივნისს გლდანის ხევში აღმოჩენილი ახალშობილის გარდაცვალების ფაქტს ეხმაურება. უწყება ყველა მედიასაშუალებას მოუწოდებს, არასრულწლოვნის საუკეთესო ინტერესიდან და საქმის სენსიტიურობიდან გამომდინარე, აღნიშნული თემის გაშუქებისას დაიცვან საქართველოს კანონმდებლობით, მათ შორის, არასრულწლოვანთა მართლმსაჯულების კოდექსით დადგენილი მოთხოვნები და არ მოახდინონ არასრულწლოვნის უფლებების შელახვის პროვოცირება.

03 ივნისი 2020, 21:07

სამართალი

სამხარაულის ექსპერტიზის ბიუროს შენობის მიმდებარედ სროლა იყო. არიან დაშავებულები

თბილისში ბაგებში, სამხარაულის ექსპერტიზის ბიუროს შენობის მიმდებარედ, სროლა იყო. ადგილზე მობილიზებულია პოლიცია. ტერიტორია ყვითელი ლენტით არის შემოსაზღვრული. შინაგან საქმეთა სამინისტროს ინფორმაციით, არიან მსუბუქად დაშავებულები. მომხდარზე გამოძიება სსკ-ის 117-ე და 236-ე მუხლით დაიწყო, რაც ჯანმრთელობის განზრახ მძიმე დაზიანებას და ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნას ან გასაღებას გულისხმობს.

ჯუზეპე კონტე

03 ივნისი 2020, 21:06

COVID19

იტალიის პრემიერი: ქვეყანამ პანდემიის კრიტიკული მომენტი გადალახა, თუმცა ახლა ეკონომიკური კრიზისიდან გამოსვლის დროა

იტალიის პრემიერ-მინისტრმა, ჯუზეპე კონტემ განაცხადა, რომ ქვეყანამ პანდემიის კრიტიკული მომენტი გადალახა, თუმცა ახლა ეკონომიკური კრიზისიდან გამოსვლის დროა.

03 ივნისი 2020, 20:54

რეგიონი

ბათუმში, მოძრაობის „შემახე ამნისტია“ წევრებმა საპროტესტო აქცია გამართეს

ბათუმში, სამოქალაქო მოძრაობა „შემახე ამინისტია"-ს წევრებმა საპროტესტო აქცია გამართეს. ევროპის მოედანზე შეკრებილები ფართომასშტაბიანი ამნისტიის აქტის გამოცემას ითხოვენ და საპროტესტო აქციას ყველა ქალაქში აანონსებენ.

ლიონელ მესი

03 ივნისი 2020, 20:40

სპორტი

ლიონელ მესიმ ტრავმის გამო „ბარსელონას“ ვარჯიში გამოტოვა

არგენტინელმა სატრენაჟორო დარბაზში ინდივიდუალურად ივარჯიშა. მიზეზი ტრავმა გახდა, რომლის გამოც მესი მინიმუმ 10 დღე სრულფასოვან ვარჯიშს ვერ შეძლებს. ესპანეთის საფეხბურთო ჩემპიონატი 11 ივნისს განახლდება. პირველ შეხვედრას „ბარსელონა“ 13 ივნისს „მალიორკასტთან“ გამართავს. მატჩი გულშემატკივრების გარეშე ჩატარდება.

მიხეილ სააკაშვილი

03 ივნისი 2020, 20:27

მსოფლიო

სააკაშვილმა ონლაინ-შეხვედრის მონაწილე „ეშმაკთან გაუშვა“

უკრაინის რეფორმების ეროვნული საბჭოს აღმასრულებელი კომიტეტის ხელმძღვანელი მიხეილ სააკაშვილი ონლაინ-რეჟიმში დასმულმა კითხვამ გააღიზაიანა. კითხვა იმ კონკრეტულ ნაბიჯებს ეხებოდა, რომლის გადადგმასაც უკრაინის მოსახლეობა საბჭოსგან ელის, რასაც სააკაშვილის მწვავე რეაქცია მოჰყვა. „კითხვა ნიკოლაი სტოიკოსგან: როდის იქნება კონკრეტული საქმეები? ნიკოლაი სტოიკო, თქვენ როდის გექნებათ კონკრეტული საქმეები? ან რას ნიშნავს კონკრეტული საქმეები? მოდით, ერთად მოვყვეთ, რომ მე, სააკაშვილი მოვედი და ერ კვირაში იმედები გაგიცრუეთ... ეშმაკსაც წაუღიხართ ყველა, ვინც ასე ფიქრობთ. უკვე ყელში ამომივიდა ასეთი საუბარი,“ - განაცხადა სააკაშვილმა.

03 ივნისი 2020, 20:26

COVID19

ჯანმომ ჰიდროქსიქლოროქინი „სოლიდარობის კვლევაში“ დააბრუნა

ჯანდაცვის მსოფლიო ორგანიზაციამ პრეპარატი ჰიდროქსიქლოროქინი „სოლიდარობის კვლევაში“ დააბრუნა. ამის შესახებ ჯანდაცვის მსოფლიო ორგანიზაციის გენერალურმა დირექტორმა განაცხადა.

ნათია თურნავა

03 ივნისი 2020, 20:25

ეკონომიკა

ნათია თურნავა: საქართველომ მოახერხა უნიკალური რამ, პირბადეების იმპორტიორიდან ექსპორტიორ ქვეყნად გარდაიქმნა

სამი თვის განმავლობაში, როდესაც მთელი მსოფლიო პირბადეების დეფიციტს განიცდიდა, საქართველომ შეძლო და იმპორტიორიდან ექსპორტიორ ქვეყნად გარდაიქმნა, - ამის შესახებ ეკონომიკისა და მდგრადი განვითარების მინისტრმა ნათია თურნავამ კომპანია „მედიფარის“ პირბადეების საწარმოში სტუმრობისას განაცხადა. ინფორმაციას ეკონომიკისა და მდგრადი განვითრაების სამინისტრო ავრცელებს.

ალექსანდრე ლუკაშენკო

03 ივნისი 2020, 20:24

მსოფლიო

ალექსანდრე ლუკაშენკომ ბელარუსის მთავრობა დაითხოვა

ბელარუსის პრეზიდენტა ალექსანდრე ლუკაშენკომ ხელი მოაწერა ბრძანებას, რომლის მიხედვითაც მთავრობის მოქმედი შემადგენლობა დაითხოვა. ამის შესახებ ადგილობრივი მედია წერს. დღეს დილით ლუკაშენკომ სხდომა გამართა, სადაც მინისტრთა კაბინეტის ახალი შემადგენლობის შესახებ იმსჯელეს.

დონალდ ტრამპი ვლადიმერ პუტინი

03 ივნისი 2020, 19:58

მსოფლიო

დონალდ ტრამპმა „დიდი შვიდეულის“ სამიტზე პუტინის მიწვევას გონივრული ნაბიჯი უწოდა

თეთრი სახლის ლიდერი ამბობს, რომ „დიდი შვიდეულის“ სამიტზე რუსეთის პრეზიდენტის მიწვევა გონივრული ნაბიჯი იქნებოდა. ამის შესახებ დონალდ ტრამპმა რადიო „ფოქს ნიუსისთვის“ მიცემულ ინტერვიუში განაცხადა, - ინფორმაციას reuters.com-ი ავრცელებს. „ბევრი საკითხი, რომელზეც ჩვენ ვსაუბრობთ, პუტინს ეხება. ამიტომ, მისი მიწვევა ბევრ საკითხს უფრო მარტივად გადაჭრიდა,“ - განაცხადა თეთრი სახლის ლიდერმა.

03 ივნისი 2020, 19:52

პოლიტიკა

გარემოს დაცვისა და ბუნებრივი რესურსების კომიტეტში სახელმწიფო უწყებების წარმომადგენლებს მოუსმინეს

„კომიტეტი ამის შემდეგ ექსპერტთან ერთად შეიმუშავებს რეკომენდაციებს, რომლებიც წარედგინება სახელმწიფო უწყებებს, იმისთვის, რომ ამ თემის ირგვლივ მოკვლეული პრობლემატიკა იქნეს მაქსიმალურად აღმოფხვრილი და გატარდეს ის ღონისძიებები, რასაც კომიტეტი მიიჩნევს აუცილებლად იმისთვის, რომ პრობლემა აღმოიფხვრას“, - განაცხადა ნინო წილოსანმა.

03 ივნისი 2020, 19:42

მსოფლიო

Reuters: ტრამპის ადმინისტრაცია ჩინურ ავიაკომპანიებს აშშ-ში ფრენების განხორციელებას აუკრძალავს

აშშ-ის პრეზიდენტის დონალდ ტრამპის ადმინისტრაცია ჩინურ ავიაკომპანიებს აშშ-ში ფრენების განხორციელებას აუკრძალავს. ინფორმაციას ამის შესახებ საინფორმაციო სააგენტო Reuters-ი წყაროებზე დაყრდნობით ავრცელებს.

პეგი პოუპი

03 ივნისი 2020, 19:38

კულტურა

ამერიკელი მსახიობი პეგი პოუპი გარდაიცვალა

ამერიკელი მსახიობი პეგი პოუპი გარდაიცვალა. ის 91 წლის იყო. გავრცელებული ინფორმაციით, მსახიობის გარდაცვალება კორონავირუსულ ინფექციას არ უკავშირდება. პოუპის სამახიობი დებიუტი თეატრში 1950-იანი წლების ბოლოს შედგა, 1960-იანი წლებიდან ის სერიალებსა და ფილმებში მონაწილეობდა.