imedi /  12 მაისი 2020, 18:40 / სანდო წყარო

სარფში დაკავებულ პირს ერთ-ერთი სამოქალაქო კლინიკის კარანტინში კოვიდ-19 დაუდასტურდა

სპეციალური პენიტენციური სამსახური

სარფში დაკავებულ პირს ერთ-ერთი სამოქალაქო კლინიკის კარანტინში კოვიდ-19 დაუდასტურდა, - ამის შესახებ ინფორმაციას სპეციალური პენიტენციური სამსახური ავრცელებს.

სამსახურის განცხადებით, საკარანტინო ზონის ბოქსირებულ პალატებში განთავსებულ სხვა ახალდაკავებულ ბრალდებულებთან ინფიცირებულს შეხება არ ჰქონია. მიუხედავად ამისა, ყველა ბრალდებულს, ასევე მოცემულ კლინიკაში დისლოცირებულ ესკორტის ოფიცრებს და ბრალდებულთან კონტაქტში მყოფ სხვა პირებს, დადგენილი წესით, ტესტები ჩაუტარდებათ.

„მიმდინარე წლის 24 აპრილს, საქართველოს შინაგან საქმეთა სამინისტროს თანამშრომლების მიერ სარფში სასაზღვრო გამშვებ პუნქტზე დაკავებული იქნა ბრალდებული რ.მ., რომელიც იმავე დღეს პირდაპირ განთავსდა სამოქალაქო სექტორის კლინიკაში, სადაც იგი შინაგან საქმეთა სამინისტროს თანამშრომლებისგან სპეციალური პენიტენციური სამსახურის ესკორტის ოფიცრებმა გადმოიბარეს.

საპატიმროს ნაცვლად პირდაპირ სამოქალაქო სექტორის კლინიკაში ბრალდებულის განთავსება შესაბამისობაშია იმ წესებთან, რომლებიც 2020 წლის 13 მარტიდან პენიტენციურ დაწესებულებებში მოქმედებს. კერძოდ, ე.წ. მიმღებ ციხეებში (N2, N5 და N8 პენიტენციური დაწესებულებები) ახლადმიყვანილი ბრალდებულები ციხის გარეთ სპეციალურად ამისათვის მოწყობილ დროებით სამედიცინო პუნქტში გადიან შემოწმებას და რაიმე საეჭვო სიმპტომის დაფიქსირების შემთხვევაში, ხდება მათი სამოქალაქო სექტორის კლინიკაში გადაყვანა. ხოლო ის ბრალდებულები, რომლებიც კარანტინის რეჟიმში მყოფ მუნიციპალიტეტებში არიან დაკავებულნი ან შემოსულები არიან უცხოეთიდან, პირდაპირ სამოქალაქო კლინიკაში თავსდებიან 17-დან 21 დღემდე პერიოდით. სწორედ ამ წესის მიხედვით მოხდა 24 აპრილს ბრალდებულ რ.მ.-ს განთავსება პირდაპირ სამოქალაქო სექტორის კლინიკაში, სადაც მას დღეს, 12 მაისს, PCR ტესტის შედეგების მიხედვით კოვიდ-19 დაუდასტურდა. ბრალდებული კვლავ იმყოფება სამოქალაქო სექტორის კლინიკის საკარანტინო ნაწილში და მისი მდგომარეობა სტაბილურია. ჯანდაცვის შესაბამის სტრუქტურებთან თანამშრომლობით, იგეგმება მისი გადაყვანა ე.წ. კოვიდის სამკურნალო კლინიკაში.

ამავე საკარანტინო ზონის ბოქსირებულ პალატებში განთავსებულ სხვა ახალდაკავებულ ბრალდებულებთან რ.მ.-ს შეხება არ ჰქონია. მიუხედავად ამისა, ყველა ბრალდებულს, ასევე მოცემულ კლინიკაში დისლოცირებულ ესკორტის ოფიცრებს და ბრალდებულ რ.მ.-სთან კონტაქტში მყოფ სხვა პირებს, დადგენილი წესით, ტესტები ჩაუტარდებათ.

მოცემული შემთხვევა კიდევ ერთხელ ცხადყოფს სპეციალური პენიტენციური სამსახურის მიერ მიმდინარე წლის 5 მარტიდან ვირუსის პრევენციის მიზნით გატარებული ღონისძიებების ეფექტურობას. სწორედ ამ და კორონავირუსთან დაკავშირებით მოქმედი უწყებათაშორისი საკოორდინაციო საბჭოს მიერ მიღებული პრევენციული ღონისძიებების შედეგია, რომ პენიტენციურ სისტემაში ვირუსის შეტანა არ მოხდა“, - ნათქვამია განცხადებაში.

საქართველოში კორონავირუსი 639 ადამიანს დაუდასტურდა, აქედან 349 უკვე გამოჯანმრთელდა, 11 ადამიანი კი გარდაიცვალა.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

ყველა სიახლე

ტოივო კლაარი

05 ივნისი 2020, 21:42

პოლიტიკა

ტოვიო კლაარი: აუცილებელია პოლიტიკური ნება, რომ ჟენევის მოლაპარაკებები და ინციდენტების პრევენციის და მათზე რეაგირეების მექანიზმის შეხვედრები მალე განახლდეს

ჩვენ გავაუქმეთ ჟენევის მოლაპარაკებების გაზაფხულზე დაგეგმილი რაუნდი. ასევე ვერ გავმართავთ ივნისში ჩანიშნულ შეხვედრას შვეიცარიაში, რაც ძალიან ცუდია. მნიშვნელოვანია პირისპირ შეხვედრები. თანათავმჯდომარეებმა გავაკეთეთ ყველაფერი და ძალიან ვეცადეთ, რომ პანდემიის დროს კონტაქტი შეგვენარჩუნებინა მოლაპარაკების ყველა მონაწილესთან გვქონდა რეგულარული შეხვედრები ზუმის და სხვა საშუალებების გამოყენებით. ამით პულსზე ხელი გვეჭირა - ამის შესახებ Imedinews ევროკავშირის სპეციალური წარმომადგენელმა სამხრეთ კავკასიასა და საქართველოში კრიზისების საკითხებში, ჟენევის მოლაპარაკების თანათავჯდომარემ ტოვიო კლაარმა განუცხადა.

05 ივნისი 2020, 21:25

COVID19

დიდი ბრიტანეთის ჯანდაცვის მდივანი მოსახლეობას: თავი შეიკავეთ ანტირასისტულ საპროტესტო აქციებში მონაწილეობისგან, ვინაიდან კორონავირუსის საფრთხე არსად გამქრალა

დიდი ბრიტანეთის ჯანდაცვის მდივანმა, მეტ ჰენკოკმა მოსახლეობას მოუწოდა, თავი შეიკავონ ანტირასისტულ საპროტესტო აქციებში მონაწილეობისგან, ვინაიდან კორონავირუსის საფრთხე არსად გამქრალა.

დონალდ ტრამპი

05 ივნისი 2020, 21:24

მსოფლიო

დონალდ ტრამპი: ამაყმა გუბერნატორებმა ძალადობის აღსაკვეთად ეროვნული გვარდია უნდა დაიხმარონ

თეთრი სახლის ლიდერი გუბერნატორებს საზოგადოებრივი წესრიგის აღსადგენად კვლავ ეროვნული გვარდიის გამოყენებისკენ მოუწოდებს. „ზოგიერთმა ამაყმა გუბერნატორმა უარი უნდა თქვას სიამაყეზე და საქმე აკეთოს. უმჯობესი იქნება დასახმარებლად ეროვნულ გვარდიას მიმართოთ და მეც ხშირად დამირეკოთ“, - განაცხადა ტრამპმა. მასშტაბური საპროტესტო გამოსვლები აშშ-ში 46 წლის აფროამერიკელის, ჯორჯ ფლოიდის მკვლელობას მოჰყვა. აქციები მასობრივ არეულობებში გადაიზარდა, რის გამოც ათობით ქალაქში კომენდანტის საათი მოქმედებს.

05 ივნისი 2020, 21:20

რეგიონი

ქუთაისის აეროპორტიდან ქუთაისის მიმართულებით ე.წ. Shuttle bus-ები იმოძრავებს

ქუთაისის საერთაშორისო აეროპორტიდან ქუთაისის მიმართულებით ე.წ. Shuttle bus-ები იმოძრავებს, - ამის შესახებ პრემიერ-მინისტრმა გიორგი გახარიამ ჟურნალისტებს იმერეთის რეგიონში, ტურიზმის სექტორის წარმომადგენლებთან გამართული შეხვედრის შემდეგ შესაბამისი კითხვის პასუხად განუცხადა. „მოვაგვარეთ ეს, შევთანხმდით და „შატლები“ ქუთაისის საერთაშორისო აეროპორტიდან ქუთაისის მიმართულებით იმოძრავებს, ისევე როგორც რკინიგზის სადგური გარემონტდება, რომელიც 1.5 კმ.-ით არის დაშორებული აეროპორტიდან და ქალაქისთვისაც კარგი იქნება, იმ „შატლს“ დაუკავშირდება ეს რკინიგზის სადგურიც და ჩვენი შტადლერები, რომლებიც მოძრაობს, ქუთაისშიც გაჩერდება“, - აღნიშნა პრემიერმა.

ხათუნა ზახაშვილი

05 ივნისი 2020, 21:17

COVID19

ხათუნა ზახაშვილი ამბობს, რომ კარაოკე ბარში წასვლისგან ამ ეტაპზე თავს შეიკავებდა

„ამ ეტაპზე კარაოკე ბარში წასვლისგან ამ ეტაპზე თავს შევიკავებდი. რაც შეეხება რესტორნებსა და კაფეებში პირბადის ტარებას, ეს ვალდებულება მხოლოდ მომსახურე პერსონალს ეკისრება. ნიღბით რომ ადამიანი სასმელსა და საკვებს ვერ მიირთმევს, ეს ყველასთვის გასაგებია“, - აცხადებს ზახაშვილი.

05 ივნისი 2020, 21:09

რეგიონი

სოფელ ტაძრისში 700მ სიგრძის რკინა-ბეტონის კაპიტალური გზა იგება

სოფელ ტაძრისში საგზაო ინფრასტრუქტურის სამუშაოები მიმდინარეობს. სოფლის ერთ-ერთ უბანში 700მ სიგრძის რკინა-ბეტონის კაპიტალური გზა იგება. ეწყობა სანიაღვრეები, ცხაურები და ეზოების შესასვლელი მონაკვეთები. პროექტს ადგილზე მერის მოვალეობის შემსრულებელი დავით ზაალიშვილი, საკრებულოს მოვალეობის შემსრულებელი ოთარ არბოლიშვილი და მერის მოადგილე ბუბა ბერიძე გაეცნენ. გზის მოწყობის სამუშაოები აღნიშნულ უბანში პირველად ხორციელდება. პროექტის შედეგად, ადგილობრივები კეთილმოწყობილი ინფრასტრუქტურით ისარგებლებენ.

05 ივნისი 2020, 21:05

სპორტი

იტალიის საფეხბურთო ჩემპიონატში ფეხბურთელების შეცვლის ახალი წესი იმოქმედებს

იტალიის ფეხბურთის ფედერაციამ დროებითი რეგულაციის შემოღებას დაუჭირა მხარი, რომლის მიხედვითაც, მწვრთნელებს თამაშის დროს 5 ფეხბურთელის შეცვლის საშუალება მიეცემათ. მანამდე თამაშის მსვლელობისას 3 ფეხბურთელის შეცვლა იყო შესაძლებელი. ახალი წესი სეზონის დასრულებამდე იმოქმედებს. კორონავირუსის პანდემიის გამო შეწყვეტილი იტალიის საფეხბურთო ჩემპიონატი 20 ივნისს განახლდება.

პირბადეები

05 ივნისი 2020, 21:05

COVID19

ხათუნა ზახაშვილი: არც ერთი კვლევა არ ადასტურებს, რომ წესების დაცვით ნიღბის გამოყენებამ ადამიანს ზარალი შეიძლება მიაყენოს

არც ერთი კვლევა არ ადასტურებს, რომ წესების დაცვით ნიღბის გამოყენებამ ადამიანს ზარალი შეიძლება მიაყენოს, ეს მოკლებულია ყოველგვარ მტკიცებულებას, - ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა განაცხადა.

05 ივნისი 2020, 21:01

COVID19

ყოფილ საბჭოთა რესპუბლიკებში კოვიდ 19-ით გარდაცვალებისა და ინფიცირების ყველაზე დაბალი მაჩვენებელი საქართველოს აქვს

ყოფილ საბჭოთა რესპუბლიკებში კოვიდ 19-ით გარდაცვალებისა და ინფიცირების ყველაზე დაბალი მაჩვენებელი საქართველოს აქვს. სსრკ-ს ყოფილ რესპუბლიკებს შორის კოვიდ 19-ით გარდაცვალებისა და ინფიცირების ყველაზე დაბალი მაჩვენებელი საქართველოში ფიქსირდება, გამოჯანმრთელებულ პაციენტთა რიცხვი კი ყველაზე მაღალია. ყოფილ 14 საბჭოთა რესპუბლიკას შორის ლეტალური შემთხვევებითა და ინფიცირების მაჩვენებლით რუსეთი ლიდერობს. პანდემიის შედეგები პოსტსაბჭოთა სივრცეში ამ დროისათვის ასე გამოიყურება:

პაატა იმნაძე

05 ივნისი 2020, 20:59

COVID19

პაატა იმნაძე: ზოგს ეშინია, რომ ძალით აცრიან, დამერწმუნეთ, ძალით არავინ არავის აცრის

ზოგს ეშინია, რომ ძალით აცრიან, დამერწმუნეთ, ძალით არავინ არავის აცრის, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განაცხადა. „ყველას გვინდა, რომ ვაქცინა მალე შეიქმნას. ზოგს ეშინია, რომ ძალით აცრიან, დამერწმუნეთ, ძალით არავინ არავის აცრის, დიდი იმედი მაქვს, რომ როდესაც ვაქცინა შეიქმნება ყველასთვის ხელმისაწვდომი იქნება,“ - აღნიშნა პაატა იმნაძემ.

05 ივნისი 2020, 20:56

სამართალი

საქართველოს პროკურატურის შუამდგომლობის საფუძველზე თურქეთის რესპუბლიკის კომპეტენტური ორგანოები „ლავასოღლის“ საქართველოში ექსტრადიციას განიხილავენ

საქართველოს პროკურატურის შუამდგომლობის საფუძველზე თურქეთის რესპუბლიკის კომპეტენტური ორგანოები განიხილავენ ძებნილი მინდია გორაძის, იგივე „ლავასოღლის“ საქართველოში ექსტრადიციას, - ამის შესახებ საქართველოს პროკურატურაში Imedinews განუცხადეს.

ხათუნა ზახაშვილი

05 ივნისი 2020, 20:55

COVID19

ხათუნა ზახაშვილი: მოდით, მცირე მანძილზე გადაადგილებისთვის გამოვიყენოთ საკუთარი ფეხები

მოდით, სატრანსპორტო საშუალებებში დავუთმოთ ადგილი მათ, ვისაც ეს ტრანსპორტი ყველაზე მეტად სჭირდება; მცირე მანძილებზე გადაადგილებისთვის ისევ გამოვიყენოთ საკუთარი ფეხები და ვეცადოთ, რომ ნაკლებად ავიდეთ ტრანსპორტში, თუ ამისი გარდაუვალი საჭიროება არ არის, - ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა განაცხადა.

პაატა იმნაძე

05 ივნისი 2020, 20:50

COVID19

პაატა იმნაძე ტრანსპორტში კონდიციონერების ჩართვაზე: ჩვენ ადამიანების სიცოცხლითა და ჯანმრთელობით ვერ ვითამაშებთ

ჩვენ ადამიანების სიცოცხლითა და ჯანმრთელობით ვერ ვითამაშებთ. სანამ არ გვექნება მყარი მტკიცებულება, რომ ეს რისკებს არ ზრდის, ეს უნდა დარჩეს ძალაში, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განაცხადა, რითაც უპასუხა კითხვას, ხომ არ იგეგმება საზოგადოებრივ ტრანსპორტში კონდიციონერების ჩართვაზე ნებართვის გაცემა.

05 ივნისი 2020, 20:35

COVID19

აზერბაიჯანში კოვიდინფიცირებულთა რიცხვმა 6800-ს გადააჭარბა

აზერბაიჯანში კოვიდინფიცირებულთა რაოდენობა იზრდება. გასული დღე-ღამის განმავლობაში ქვეყანაში COVID19-ით კიდევ 338 ადამიანი დაინფიცირდა, ლეტალური შემთხვევების რაოდენობა კი 4-ით გაიზარდა.

05 ივნისი 2020, 20:30

COVID19

დიდ ბრიტანეთში კორონავირუსით სიკვდილიანობის მაჩვენებელმა 40 ათასს გადააჭარბა

დიდი ბრიტანეთის ჯანდაცვის სამინისტროს მონაცემებით, ქვეყანაში კორონავირუსით სიკვდილიანობის მაჩვენებელმა 40 ათასს გადააჭარბა. პანდემიის დაწყებიდან დღემდე დიდ ბრიტანეთში კორონავირუსით 40 261 ადამიანი გარდაიცვალა.

ამირან გამყრელიძე

05 ივნისი 2020, 20:24

COVID19

ამირან გამყრელიძე: არავინ იცის, საკმარისი იქნება ვაქცინის ერთხელ გაკეთება თუ მას მხოლოდ სეზონური დამცველობითი უნარი ექნება

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, მსოფლიოში არ არსებობს საერთო აზრი იმაზე, როგორი დამცველობის უნარი ექნება კორონავირუსის საწინააღმდეგო ვაქცინებს - საკმარისი იქნება მისი ერთხელ გაკეთება თუ მას მხოლოდ სეზონური დამცველობითი უნარი ექნება.

05 ივნისი 2020, 20:23

COVID19

ხათუნა ზახაშვილი: ე.წ საბურთალოს კლასტერი მართულია, ყველა კონტაქტზე დაწესებულია ზედამხედველობა

გამოვლენილია ყველა შესაძლო კონტაქტი, რომელიც ადამიანურ ძალებს აღემატებოდა. ყველა მათგანზე დაწესებულია ზედამხედველობა. გუშინ იმავე შემადგენლობიდან კიდევ ორი შემთხვევა იყო დადასტურებული. ეს კონტაქტები უკვე გამოვლენილი იყო და იზოლირებული, - ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა დღეს გამართულ პრესკონფერენციაზე განაცხადა.

ამირან გამყრელიძე

05 ივნისი 2020, 20:18

COVID19

ამირან გამყრელიძე: ჯერჯერობით არ არსებობს მყარი მტკიცებულებები, რომ კორონავირუსი კავასაკის სინდრომს იწვევს

ჯერჯერობით მყარი მტკიცებულებები, რომ კორონავირუსი კავასაკის სინდრომს იწვევს, არ არსებობს, - ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა.

ხათუნა ზახაშვილი

05 ივნისი 2020, 20:11

COVID19

ხათუნა ზახაშვილი: სექტემბრიდან სასწავლო პროცესებს ჯანმრთელი ბავშვები უნდა ესწრებოდნენ

სასწავლო პროცესებს ჯანმრთელი ბავშვები და პედაგოგები უნდა ესწრებოდნენ, - ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა განაცხადა. მისივე თქმით, მაქსიმალურად უნდა იყოს დაცული ჰიგიენის ზოგადი წესები და სასწავლო ოთახები შეძლებისდაგვარად კარგად განიავდეს.

პაატა იმნაძე

05 ივნისი 2020, 20:02

COVID19

პაატა იმნაძე: განკურნებული ადამიანის ორგანიზმში ვირუსი შეიძლება ისევ აღმოჩნდეს, მაგრამ ეს არაა ხელახლა ინფიცირება

ყველა მკვლევარი უფრო მეტად იხრება იმ აზრისკენ, რომ გამოჯანმრთელების შემდეგ ადამიანის ორგანიზმში, როგორც ცხვირ-ხახის ნაცხში, ასევე ფეკალიებში შეიძლება აღმოჩნდეს კორონავირუსი, მაგრამ ის აღარაა სიცოცხლისუნარიანი, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განაცხადა.