imedi /  16 მაისი 2020, 23:15 / სანდო წყარო

კორონავირუსი: ვითარება რეგიონებში

კორონავირუსი

ზუგდიდში კორონავირუსის სამი ახალი შემთხვევა გამოვლინდა. „კოვიდ-19“-ზე დადებითი პასუხი ინფიცირებული კაცის დედისა და ორი მცირეწლოვანი შვილის ტესტებზე მიიღეს.

კაცს, რომელსაც ზუგდიდში კორონავირუსი დაუდასტურდა, სომხეთში მოგზაურობის ისტორია აქვს. ის 17 აპრილიდან პირველ მაისამდე თავის სახლში თვითიზოლაციაში იმყოფებოდა. ამის შემდეგ კი შიდა გადაზიდვები ფოთსა და თბილისში განახორციელა. ამის შესახებ ზუგდიდის საზოგადოებრივი ჯანდაცვის ცენტრის დირექტორმა ნანა ოდიშარიამ განაცხადა.

მისი ინფორმაციით, პაციენტის ოჯახის წევრები კარანტინში მოათავსეს. მიმდინარეობს ეპიდ-კვლევა სხვა კონტაქტების გამოსავლენადაც. კოვიდინფიცირებული კაცი რუხის საავადმყოფოში მკურნალობს.

ფოთში კი, მიზნობრივი კვლევების ფარგლებში, კორონავირუსზე საგანგებო სიტუაციების კოორდინირებისა და გადაუდებელი დახმარების ცენტრის თანამშრომლების კვლევა დასრულდა.

საგანგებო სიტუაციების კოორდინირებისა და გადაუდებელი დახმარების ცენტრის ხელმძღვანელმა, კესო გელენიძემ განაცხადა, რომ სულ 58 ნიმუში აიღეს და ყველა პასუხი უარყოფითია.

რაც შეეხება აჭარას, ბათუმის ცხელების ცენტრებში დღეს შესული პაციენტებიდან კორონავირუსი არც ერთს არ დაუდასტურდა.

ბოლნისიდან ლუგარის ლაბორატორიაში კორონავირუსზე 150 ადამიანის ნიმუშია გადაგზავნილი.

მათგან 112, სოფელ გეტადან აიღეს, 30 - მოსაზღვრე სოფელ ფოცხვერიანიდან, ხოლო რვა ქალაქ ბოლნისიდან.

ამ დროისთვის ბოლნისში კორონავირუსის 145 დადასტურებული შემთხვევა ფიქსირდება, მათგან 51 გამოჯანმრთელდა, სამი კი, გარდაიცვალა.

ამ დროისთვის საქართველოში სულ 683 შემთხვევაა დადასტურებული. მათ შორის, გამოჯანმრთელებულია - 419.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

ყველა სიახლე

ინდოეთი კალიები

26 მაისი 2020, 21:06

მსოფლიო

კორონავირუსის პანდემიასთან ერთად ინდოეთს კალიების შემოსევასთან უწევს ბრძოლა

სპეციალისტები აღნიშნავენ, რომ მწერების ასეთი მასშტაბური შემოსევა ქვეყანაში რამდენიმე ათწლეულის განმავლობაში არ დაფიქსირებულა. კალიები ინდოეთში პაკისტანიდან ხანგრძლივი მუსონური წვიმის გამო მოხვდნენ. ინდოეთის მთავრობამ შემოსევასთან გასამკლავლებლად ღონისძიებების გატარება დაიწყო.

ეჰუდ ოლმერტი

26 მაისი 2020, 21:03

მსოფლიო

ისრაელის ექსპრემიერი მოქმედი პრემიერის გასამართლებას მოითხოვს

კორუფციის ბრალდებით გასამართლებული ისრაელის ყოფილი პრემიერმინისტრი, ეჰუდ ოლმერტი აცხადებს, რომ მოქმედი პრეზიდენტი ბენიამინ ნეთანიაჰუც იგივე ბრალდებით უნდა იჯდეს ციხეში.

F-117 Nighthawk - სტელსის სისტემის გამანადგურებელ-ბომბდამშენი

26 მაისი 2020, 20:47

მსოფლიო

Reuters-ი: რუსეთმა რადარებისთვის უხილავი პირველი ბომბდამშენის მშენებლობა დაიწყო

რუსეთში პირველი სტრატეგიული ბომბდამშენის მშენებლობა დაიწყეს, - ინფორმაციას Reuters-ი რუსულ მედიაზე დაყრდნობით ავრცელებს. არსებული ინფორმაციით, ბომბდამშენის მშენებლობის დასრულება და ექსპლუატაცია მომდევნო წელს იგეგმება.

თენგიზ ცერცვაძე

26 მაისი 2020, 20:46

COVID19

თენგიზ ცერცვაძემ თქვა, რა მედიკამენტით ჩაანაცვლებენ პლაქვენილს, თუ მისი გამოყენება შეწყდება

ინფექციური საავადმყოფოს დირექტორის, თენგიზ ცერცვაძის თქმით, იმ შემთხვევაში, თუ მედიკამენტ „პლაქვენილის“ გამოყენება შეწყდება, მას „ლოპინავირ/რიტონავირის“ კომბინაციით ჩაანაცვლებენ.

26 მაისი 2020, 20:40

COVID19

ბრიტანეთმა რემდესივირზე უარი არ თქვა

ბრიტანულმა რეგულატორმა რემდესივირის გამოყენება დასაშვებად მიიჩნია. პრეპარატს გაერთიანებული სამეფოს ჯანდაცვის სისტემა კოვიდ 19-ის მკურნალობისთვის გამოიყენებს. ბრიტანეთში ჩატარებულმა კლინიკურმა კვლევებმა აჩვენა, რომ პრეპარატის გამოყენებამ კოვიდინფიცირების გამოჯანმრთელების პროცესი დააჩქარა.

თენგიზ ცერცვაძე

26 მაისი 2020, 20:39

COVID19

თენგიზ ცერცვაძე: ტურისტული სეზონის გახსნა ტრანსპორტის ამოქმედებაზე უფრო მეტ რისკს შეიცავს

მთავრობამ, რომელიც აქამდე ძალიან კარგად მართავდა ამ კრიზისს, რაღაც ფანტაზია უნდა გამოიჩინოს და ოპტიმალური ალგორითმი უნდა შექმნას, როგორ მივიღოთ უცხოელი ტურისტები, ისე რომ მათ არ დავუკარგოთ საქართველოში ჩამოსვლის სურვილი. მეორე მხრივ, ჩვენს მოსახლეობას რა რეგულაცია უნდა დავუწესოთ, რომ მათაც არ გაუქრეთ მოგზაურობის სურვილი, - ამის შესახებ ჟურნალისტებთან საუბარში ინფექციური საავადმყოფოს დირექტორმა, თენგიზ ცერცვაძემ განაცხადა.

ვილნიუსი საქართველოს დროშა

26 მაისი 2020, 20:38

საზოგადოება

ვილნიუსში საქართველოს დროშა გაშალეს

„დიდი მადლობა ლიეტუვის მთავრობას და ლიეტუველ ხალხს საქართველოს დამოუკიდებლობის დღის განსაკუთრებულად გულთბილი მოლოცვისთვის“, - წერია საელჩოს მიერ Facebook-ზე გამოქვეყნებულ პოსტში.

26 მაისი 2020, 20:32

COVID19

იტალიაში ბოლო 24 საათში კორონავირუსით 78 ადამიანი გარდაიცვალა, ხოლო 397 კი დაინფიცირდა

იტალიის სამოქალაქო თავდაცვის სამსახურის მონაცემებით, ქვეყანაში გასული დღე-ღამის განმავლობაში კორონავირუსით ინფიცირების 397 ახალი შემთხვევა დადასტურდა. პანდემიის დაწყებიდან დღემდე იტალიაში კორონავირუსით ინფიცირების 230 555 შემთხვევა დადასტურდა.

თენგიზ ცერცვაძე

26 მაისი 2020, 20:20

COVID19

საქართველოში კორონავირუსისგან გამოჯანმრთელებულების პლაზმა 2 შემთხვევაში გამოიყენეს

„პლაზმით მკურნალობამ ჯერჯერობით ერთ პაციენტთან გამოიღო ცალსახად დადებითი შედეგი, რაც გამოიხატა იმაში, რომ ვირუსი გაქრა. ხოლო მეორე პაციენტში, რომელიც განსაკუთრებულად მძიმე იყო, კრიტიკულად მძიმე და პრაქტიკულად განწირული და სხვა მედიკამენტებით და სხვა საშუალებებით მკურნალობა იყო უშედეგო და მოსალოდნელი იყო ლეტალური ეფექტი, ჩვენ იქ გამოვიყენებთ და ორჯერ გადავასხით პლაზმა და ასევე გამოვიყენეთ მეორე ინოვაციური მიდგომა - მედიკამენტი „ტოცილიზუბაბი“, ეს პაციენტი კრიტიკული მდგომარეობიდან გამოვიდა ანუ მას აღარ აღენიშნება სიცოცხლისთვის სახიფათო დარღვევები, აღარ არის ჟანგბად-დამოკიდებული, ლაბორატორიული პარამეტრები მნიშვნელოვნად გაუმჯობესდა, მაგრამ ჯერ შორს ვართ იქიდან, რომ ვთქვათ - ეს პაციენტი გადავარჩინეთ“, - განმარტა ცერცვაძემ.

გიორგი გახარია და ბენიამინ ნეთანიაჰუ

26 მაისი 2020, 20:18

პოლიტიკა

გიორგი გახარიასა და ბენიამინ ნეთანიაჰუს შორის სატელეფონო საუბარი შედგა

საქართველოს პრემიერ-მინისტრ გიორგი გახარიასა და ისრაელის სახელმწიფოს პრემიერ-მინისტრ ბენიამინ ნეთანიაჰუს შორის სატელეფონო საუბარი შედგა. ისრაელის სახელმწიფოს პრემიერ-მინისტრმა საქართველოს მთავრობის მეთაურს ქვეყნის დამოუკიდებლობის დღე მიულოცა და ქართველ ხალხს მშვიდობა და კეთილდღეობა უსურვა.

თენგიზ ცერცვაძე

26 მაისი 2020, 20:10

COVID19

თენგიზ ცერცვაძე: ჯანდაცვის მსოფლიო ორგანიზაციამ პლაქვენილი კორონავირუსის მასშტაბური კვლევიდან დროებით ამოიღო

„ჯანდაცვის მსოფლიო ორგანიზაციამ, რომელიც იწყებს კვლევა „სოლიდარობას“, - ერთ-ერთ ყველაზე მაშტაბურ კვლევას მსოფლიოში და ის გულისხმობდა ოთხი მედიკამენტის ერთმანეთთან შედარებას, გამოაცხადა, რომ ამ ოთხი მედიკამენტის სიიდან დროებით ამოეღო პლაქვენილი. იქ ხაზგასმილია, რომ დროებით და არა საბოლოოდ“.

ნიკოლ ფაშინიანი

26 მაისი 2020, 20:06

COVID19

ნიკოლ ფაშინიანის განცხადებით, სომხეთში კორონავირუსის მეორე ტალღა ვრცელდება

სომხეთში კორონავირუსის პანდემიის მეორე ტალღა ვრცელდება, ეპიდემიოლოგიური ვითარება კვლავ მძიმეა, - ამის შესახებ ბრიფინგზე ქვეყნის პრემიერ-მინისტრმა, ნიკოლ ფაშინიანმა განაცხადა. ბოლო დღეების განმავლობაში სომხეთში კორონავირუსის გავრცელების მაღალი ტემპი ფიქსირდება. მხოლოდ ბოლო 2 დღეში ვირუსი 700-ზე მეტ ადამიანს დაუდგინდა, 10-მდე ადამიანი გარდაიცვალა.

შვეიცარია აპლიკაცია კორონავირუსი

26 მაისი 2020, 19:58

ტექნოლოგიები

შვეიცარია პირველი ქვეყანა გახდა, რომელმაც კორონავირუსით ინფიცირებულთა კონტაქტების გამოსავლენად Google-ის და Apple-ის პროგრამა გამოიყენა

ახალი დაავადებულის გამოვლენისთანავე, მასთან კონტაქტში მყოფ ადამიანებს მობილური ტელეფონის საშუალებით ინფორმაცია და რეკომენდაციები მიეწოდებათ, მაგრამ არ მიიღებენ ინფორმაციას თუ ვინ შეიძლება ყოფილიყო მათი დაინფიცირების წყარო.

26 მაისი 2020, 19:53

მსოფლიო

რუსეთის საგარეო უწყება: რუსეთი მზად არის ღია ცის ხელშეკრულების ფარგლებში სადამკვირვებლო ფრენები დაუშვას 10-კილომეტრიანი ზონის გასწვრივ, თუ საქართველო თავის ტერიტორიაზე რუსეთს ფრენების ნებართვას მისცემს

რუსეთის საგარეო საქმეთა სამინისტროს განცხადებით, რუსეთი მზად არის ღია ცის ხელშეკრულების ფარგლებში სადამკვირვებლო ფრენები დაუშვას 10-კილომეტრიანი ზონის გასწვრივ, თუ საქართველო თავის ტერიტორიაზე რუსეთს ფრენების ნებართვას მისცემს.

ელისო ბოლქვაძე

26 მაისი 2020, 19:52

კულტურა

„იუნესკო“ მოცარტზე და მისი შემოქმედების მნიშვნელობაზე ელისო ბოლქვაძის ვიდეოლექციის შესახებ წერს

ცნობილი პიანისტის და UNESCO-ს მშვიდობის ელჩის, ელისო ბოლქვაძის ინიციატივამ გაერთიანებული ერების განათლების, მეცნიერებისა და კულტურის ორგანიზაციის მხრიდან განსაკუთრებული მოწონება და აღიარება დაიმსახურა.

მიტროპოლიტი შიო

26 მაისი 2020, 19:33

საზოგადოება

მიტროპოლიტი შიო: ქვეყნის 20% დაპყრობულია და ეს ყველა პატრიოტი ქართველისთვის უპირველესი სატკივარია

უფალმა ინებოს, ჩვენ ყველანი მოვესწროთ ჩვენი ერის გამთლიანებას და ჭეშმარიტ თავისუფლებას, - ამის შესახებ ქაშვეთის წმინდა გიორგის სახელობის ტაძარში სრულიად საქართველოს კათოლიკოს-პატრიარქის მოსაყდრემ, სენაკისა და ჩხოროწყუს მიტროპოლიტმა შიომ განაცხადა. მეუფემ საქართველოს დამოუკიდებლობის დღესთან დაკავშირებით პარაკლისი გადაიხადა და დღევანდელი დღის მნიშვნელობაზე ისაუბრა. მიტროპოლიტმა ტაძარში შეკრებილებს სრულიად საქარღველოს კათოლიკოს-პატრიარქის ილია მეორის ლოცვა კურთხევა და მოლოცვა გადასცა.

ედმონ მარუკიანი

26 მაისი 2020, 19:30

COVID19

პარტია „ნათელი სომხეთის“ ლიდერი: ჩვენი ჯანდაცვის მინისტრის განცხადება საქართველოზე უბრალოდ სამარცხვინო იყო

პარტია „ნათელი სომხეთის“ ლიდერი, ედმონ მარუკიანი ქვეყნის ჯანდაცვის მინისტრს, არსენ ტოროსიანს საქართველოსთან მიმართებაში გაკეთებული კომენტარის გამო აკრიტიკებს.

უკრაინის პრემიერლიგა

26 მაისი 2020, 19:28

სპორტი

უკრაინის ჯანდაცვის სამინისტრომ საფეხბურთო ჩემპიონატის განახლების ნებართვა გასცა

უკრაინის ჯანდაცვის სამინისტრომ 30 მაისიდან ქვეყნის საფეხბურთო ჩემპიონატის განახლების ნებართვა გასცა. ამის შესახებ Facebook-ზე ქვეყნის ფეხბურთის ფედერაციის პრეზიდენტი, ანდრეი პაველკო წერს.

26 მაისი 2020, 19:28

COVID19

დღე-ღამეში უკრაინაში ახალ კორონავირუსს 21 ადამიანი ემსხვერპლა

ბოლო 24 საათის განმავლობაში, უკრაინაში ახალ კორონავირუსს 21 ადამიანი ემსხვერპლა, 339 ადამიანს კი ვირუსი დაუდასტურდა. სულ ქვეყანაში კორონავირუსის 21 584 შემთხვევაა აღწერილი. მათგან 644 ადამიანი გარდაიცვალა, 7 575 კი გამოჯანმრთელდა.

ვლადიმერ პუტინი

26 მაისი 2020, 19:12

COVID19

ვლადიმერ პუტინის თქმით, რუსეთმა კორონავირუსის პანდემიის პიკი გადალახა

რუსეთის პრეზიდენტის, ვლადიმერ პუტინის თქმით, ქვეყანამ ახალი კორონავირუსის პანდემიის პიკი უკვე გადალახა. „ჩვენთან პანდემიის პიკი, ექსპერტების შეფასებით, გადავლილად მიიჩნევა“ - განაცხადა პუტინმა.