imedi /  23 მაისი 2020, 15:26 / სანდო წყარო

თენგიზ ცერცვაძე: სომხეთის ჯანდაცვის მინისტრმა ბოდიში უნდა მოიხადოს

თენგიზ ცერცვაძე

თენგიზ ცერცვაძე

ინფექციური პათოლოგიის, შიდსის და კლინიკური იმუნოლოგიის ცენტრის გენერალური დირექტორი თენგიზ ცერცვაძე სომხეთის ჯანდაცვის მინისტრის განცხადებას გამოეხმაურა. მისი თმით, არსენ ტოროსიანმა ბოდიში უნდა მოიხადოს იმისთვის, რომ საქართველოს კორონავირუსის სტატისტიკაში ეჭვი შეიტანა. ცერცვაძეს მიაჩნია, რომ მეზობელი ქვეყნის მინისტრმა საქართველოს მიმართ რიგი არაკორექტული და სიმართლეს აცდენილი მოსაზრებები გამოთქვა.

„არ გვგონია, რომ ბატონ ტოროსიანს ჩვენგან ესწავლებოდეს, რომ მაღალი სახელმწიფო თანამდებობის პირმა ასეთი განცხადებები, მით უმეტეს ყოველგვარი არგუმენტების გარეშე, არ უნდა გააკეთოს. ავტორიტეტული საერთაშორისო ინსტიტუტების ოფიციალური მონაცემებით (მათ შორის თავად Arminfo-ს მონაცემებით) ა.წ. 22 მაისის მდგომარეობით საქართველოში არის COVID-19-ის 728 დადასტურებული შემთხვევა , მათგან გარდაიცვალა 12, ხოლო სომხეთში არის COVID-19-ის 6302 დადასტურებული შემთხვევა, მათგან 77 გარდაიცვალა. ამ ფონზე სულ ცოტა ღიმილის მომგვრელია (თუ სასაცილო არა) ბატონი მინისტრის განცხადება, რომ სომხეთის ეპიდსაწინააღმდეგო სისტემა ქართულ სისტემაზე ძლიერია“, - აცხადებს ცერცვაძე.

მისივე თქმით, საქართველოში ტესტირების ჩატარება უმაღლესი საერთაშორისო სტანდარტებით ხდება, რაშიც დიდი წვლილი ლუგარის ლაბორატორიას მიუძღვის. ამიტომ ბატონმა ტოროსიანმა ბოდიში უნდა მოიხადოს.

„რაც შეეხება ბატონი მინისტრის მიერ საქართველოს სტატისტიკური მონაცემების სისწორის ეჭვქვეშ დაყენებას, გვინდა განვაცხადოთ, რომ საქართველოში COVID-19-ით პაციენტების გამოვლენა და რეგისტრაცია ხდება უმაღლესი საერთაშორისო სტანდარტებით, გამჭვირვალედ და მათი მაღალი სანდოობა ჯერ ეჭვქვეშ არ დაუყენებია არცერთ, აბსოლუტურად არცერთ საერთაშორისო ინსტიტუციას თუ ექსპერტს. ვფიქრობთ, ბატონმა მინისტრმა ან თავისი არაკორექტული (რბილად რომ ვთქვათ) შეფასებები უნდა დაასაბუთოს, ან სულ ცოტა თავისი განცხადების დეზავუირება მოახდინოს და ბოდიში მოიხადოს. რაც შეეხება ბ-ნი ტოროსიანის კითხვებს, განვმარტავთ, რომ საქართველოში ფუქნციონირებს რეგიონში ერთადერთი უნიკალური და უმაღლესი დონის „ლუგარის“ სახელობის ცენტრი, სადაც ყველა ლაბორატორიული კვლევა სრულდება უმაღლეს დონეზე ყველაზე მაღალი ხარისხის ტესტ-სისტემების გამოყენებით, რაც ყველანაირ ცდომილებას გამორიცხავს. არ გვგონია, რომ სომხეთს უკეთესი ლაბორატორია, მეთოდოლოგია და ტესტ-სისტემები ჰქონდეს“, - ნათქვამია ცერცვაძის განცხადებაში.

მან ასევე აღნიშნა, რომ საქართველოში ყველა სადიაგნოსტიკო გამოკვლევა ხდება მხოლოდ PCR ტესტების გამოყენებით ( სულ სადღეისოდ შესრულებულია 45 707 პირის PCR კვლევა), ხოლო ანტისხეულებზე სწრაფ ტესტებს მხოლოდ, როგორც დამატებით კვლევას SARS-CoV-2-ზე სეროპოზიტიური პირების (და არა ავადმყოფების) გამოსავლენად. ქვეყანაში მოქმედი პროტოკოლის და ალგორითმის მიხედვით, PCR კვლევას ექვემდებარება ყველა პირი, ვინც შეესაბამება COVID-19-ის შესაძლო შემთხვევის განმარტებას, მათ შორის, ვისაც აქვს მწვავე რესპირაციული ინფექციის სიმპტომები ცხელებით ან ცხელების გარეშე (მათ შორის მსუბუქი სიმპტომებით), პირები მაღალი რისკის ზონებიდან, დადასტურებული შემთხვევების ახლო კონტაქტები, პირები დადასტურებული შემთხვევების კლასტერებიდან, ყველა ჰოსპიტალიზებული და ამბულატორიული პაციენტი ცხელებით და ნებისმიერი ეტიოლოგიის პნევმონიით. ბუნებრივია, სტატისტიკურ მონაცემებში შედიან ისინიც, ვინც პნევმონიისგან გარდაიცვალნენ და COVID-19 დადასტურებული ჰქონდათ.

ცერცვაძემ ასევე აღნიშნა, რომ ქართული სამედიცინო სისტემა საერთაშორისო ორგანიზაციებისგან კორონავირუსთან გამკლავებისთვის მაღალ შეფასებას იღებს და ქვეყნის პროტოკოლის ეფექტიანობაში დასარწმუნებლად სომხეთის ჯანდაცვის მინისტრი საქართველოში დაპატიჟა.

„საქართველო სისტემატურად იღებს მაღალ შეფასებებს გაეროსგან, ჯანმოსგან, სხვა ოფიციალური საერთაშორისო ინსტიტუციებისგან და ცალკეული ავტორიტეტული პირებისგან COVID-19-ის მართვის დარგში მიღწეული წარმატებებისათვის. ჩვენ ვეპატიჟებით ბ-ნ არსენ ტოროსიანს და ყველა დაინტერესებულ პირს საქართველოში, რათა გავაცნოთ ქვეყნის გამოცდილება COVID-19-ის მართვის სფეროში. თენგიზ ცერცვაძე - ინფექციური პათოლოგიის, შიდსის და კლინიკური იმუნოლოგიის ცენტრის გენერალური დირექტორი, პროფესორი“, - აღნიშნულია განცხადებაში.

სომხეთის ჯანდაცვის მინისტრი არსენ ტოროსიანი აცხადებს, რომ სომხეთის ეპიდემიის საწინააღმდეგო სისტემა საქართველოზე უკეთესია. სომხეთის საზოგადოებრივი საბჭოს სხდომაზე მინისტრმა ასევე განაცხადა, რომ სომხეთში საქართველოდან ჩასულ არაერთ ადამიანს კორონავირუსი დაუდგინდა. ტოროსიანს საქართველოს ოფიციალურ სტატისტიკურ მონაცემებში ეჭვი შეაქვს.

ყველა სიახლე

26 ოქტომბერი 2021, 10:30

რეგიონი

თიანეთის მუნიციპალიტეტის სოფელ ბოჭორმაში, ხანძრის შედეგად დამწვარი სკოლის ადგილზე, ახალი სკოლა აშენდება

თიანეთის მუნიციპალიტეტის სოფელ ბოჭორმაში, ხანძრის შედეგად დამწვარი სკოლის ადგილზე, მომავალი სასწავლო წლისთვის, ახალი სკოლა აშენდება. ამის შესახებ მცხეთა-მთიანეთის სახელმწიფო რწმუნებულმა დავით ნოზაძემ შემთხვევის ადგილის მონახულებისას განაცხადა.

ნიკოლოზ ყიფშიძე

26 ოქტომბერი 2021, 10:19

სამართალი

მიხეილ სააკაშვილის პირადი ექიმი: შიმშილობას აგრძელებს - გლდანის ციხის საავადმყოფოში არ წავა

„ჯანმრთელობის მდგომარეობა ისეთივეა, როგორც გუშინ იყო. გავიარეთ ტესტების ანალიზი, ტესტებს ასე თუ ისე, არაუშავს. პოზიცია იგივეა, შიმშილობა გრძელდება. არაფრის დიდებით არ წავა გლდანის ციხის საავადმყოფოში“, - განაცხადა ნიკოლოზ ყიფშიძემ.

ანრი ოხანაშვილი

26 ოქტომბერი 2021, 10:18

პოლიტიკა

ანრი ოხანაშვილი: არსებობს სტრასბურგის სასამართლოს სულ მცირე 12 გადაწყვეტილება, სადაც „ნაცმოძრაობის“ ხელისუფლება 2004-2011 წლებში პატიმრების წამებასა და სიცოცხლის მოსპობაშია მხილებული

საპარლამენტო უმრავლესობის წევრისა და იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, სტრასბურგის სასამართლოს სულ მცირე 12 გადაწყვეტილება არსებობს, სადაც „ნაცმოძრაობის“ ხელისუფლება მხილებულია 2004-2011 წლებში პატიმრების წამებასა და სიცოცხლის მოსპობაში.

26 ოქტომბერი 2021, 10:07

რეგიონი

ფშაველი-აბანო-ომალოს საავტომობილო გზის მონაკვეთზე მოძრაობა იკრძალება

„საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, რთული მეტეოროლოგიური პირობების გამო (თოვლი, ყინვა) შიდასახელმწიფოებრივი მნიშვნელობის ფშაველი–აბანო–ომალოს საავტომობილო გზის კმ10-კმ72 (ლეჩური-ომალო) მონაკვეთზე, აკრძალულია ყველა სახის ავტოტრანსპორტის მოძრაობა. საავტომობილო გზის კმ1-კმ11 (ფშაველი-ლეჩური) მონაკვეთზე ავტოტრანსპორტის მოძრაობა თავისუფალია“, - აღნიშნულია გავრცელებულ ინფორმაციაში.

ნატალია ორეირო

26 ოქტომბერი 2021, 09:38

კულტურა

ნატალია ორეირო რუსეთის მოქალაქე გახდა

ცნობილმა ურუგვაელმა მომღერალმა და მსახიობმა ნატალია ორეირომ რუსეთის მოქალაქეობა მიიღო. როგორც ადგილობრივი მედია წერს, შესაბამის ბრძანებას ხელი ქვეყნის პრეზიდენტმა, ვლადიმერ პუტინმა მოაწერა.

26 ოქტომბერი 2021, 09:25

საზოგადოება

საქართველოში პროტონული თერაპიის კლინიკა 2024 წელს ამოქმედდება და ონკოპაციენტებს თანამედროვე მეთოდებით უმკურნალებს

მინისტრმა და დელეგაციის წევრებმა შეხვედრები გამართეს მსოფლიოს წამყვან სამედიცინო ტექნოლოგიების მწარმოებელი კომპანიების ხელმძღვანელებთან, როგორებიცაა IBA (Ion Beam Applications S.A.), Carl Zeiss და RaySearch laboratories.

26 ოქტომბერი 2021, 09:10

საზოგადოება

როგორი ამინდია მოსალოდნელი დღეს საქართველოში

რუსთავში დღისით ჰაერი +14 გრადუსამდე გათბება, ღამით კი +5 გრადუსი დაფიქსირდება. თბილისში უნალექო დღეა მოსალოდნელი. ჰაერის ტემპერატურა დღისით +13 გრადუსს მიაღწევს, ღამით კი +5 გრადუსია მოსალოდნელი.

კეი კომურო და პრინცესა მაკო

26 ოქტომბერი 2021, 09:00

მსოფლიო

იაპონიის პრინცესამ რიგით მოქალაქეზე იქორწინა, რითაც სამეფო წოდება დაკარგა

იაპონური კანონმდებლობის თანახმად, საიმპერატორო ოჯახის მდედრობითი სქესის წარმომადგენლები თუ რიგით მოქალაქეზე დაქორწინდებიან, ტიტულს კარგავენ და აგრეთვე ფინანსურ დახმარებას ვერ მიიღებენ.

აკაკი ზოიძე

26 ოქტომბერი 2021, 08:29

COVID19

აკაკი ზოიძე: უმძიმესი ზამთარი გველოდება, თუ კიდევ მინიმუმ მილიონამდე ჩვენი მოქალაქე არ აიცრება

კორონავირუსის აქტიური შემთხვევების რაოდენობა ამ დროისთვის 50 ათასს აღემატება. ჯანდაცვის სპეციალისტების განცხადებით, 2-3 კვირაში ინფიცირებულთა რიცხვის მატება ისევ მოსალოდნელია. შესაბამისად, სავარაუდოდ, ლეტალობის მაჩვენებელიც გაიზრდება.

აბდელ ფათაჰ ალ-სისი

26 ოქტომბერი 2021, 08:20

მსოფლიო

ეგვიპტის პრეზიდენტმა საგანგებო მდგომარეობა გააუქმა, რომელიც 2017 წლიდან მოქმედებდა

„ეგვიპტე თავისი დიდებული ხალხისა და ერთგული ადამიანების დახმარებით გახდა რეგიონში უსაფრთხოებისა და სტაბილურობის ოაზისი. ამიტომ პირველად წლების განმავლობაში მე გადავწყვიტე, გავაუქმო საგანგებო მდგომარეობის გახანგრძლივება“, - განაცხადა ეგვიპტის პრეზიდენტმა.

26 ოქტომბერი 2021, 07:59

საზოგადოება

დღეს გლდანისა და სამგორის რაიონებში აბონენტების ნაწილს ელექტრომომარაგება დროებით შეეზღუდება

სხვადასხვა სამუშაოს ჩატარების გამო, გლდანისა და სამგორის რაიონებში აბონენტების ნაწილს 26 ოქტომბერს ელექტრომომარაგება დროებით შეეზღუდება. ინფორმაციას „თელასი“ ავრცელებს.

26 ოქტომბერი 2021, 01:14

COVID19

თეთრმა სახლმა აშშ-ში საერთაშორისო მოგზაურობის ახალი წესები წარადგინა, რომელიც 8 ნოემბრიდან ამოქმედდება

თეთრმა სახლმა აშშ-ში საერთაშორისო მოგზაურობის ახალი წესები წარადგინა, რომელიც 8 ნოემბრიდან ამოქმედდება. 8 ნოემბრიდან აშშ სრულად ვაქცინირებული უცხოელი ვიზიტორებისთვის სამოგზაურო შეზღუდვებს მოხსნის.

შალვა პაპუაშვილი

25 ოქტომბერი 2021, 23:58

პოლიტიკა

შალვა პაპუაშვილი: მიხეილ სააკაშვილის მიმართ იქნება ზუსტად ისეთივე მოპყრობა, როგორიც სხვა პატიმრების მიმართ არის – ჰუმანური და ადამიანის უფლებებიდან გამომდინარე საუკეთესო

შალვა პაპუაშვილის თქმით, მიხეილ სააკაშვილის ჯანმრთელობასთან დაკავშირებით აჟიოტაჟი ხელოვნურად არის შექმნილი და დღესდღეობით მისი სტაციონარში გადაყვანის საჭიროება არ დგას. პარტია „ქართული ოცნების“ საზოგადოებასთან ურთიერთობის მდივანი აღნიშნავს, რომ თუ სააკაშვილის სტაციონარში გადაყვანა საჭირო გახდება, სახელმწიფოს მიერ შეთავაზებულ დაწესებულებაში ყველა პირობაა შექმნილი სამედიცინო მომსახურების გასაწევად.

შალვა პაპუაშვილი

25 ოქტომბერი 2021, 23:48

პოლიტიკა

შალვა პაპუაშვილი: „ნაციონალური მოძრაობის“ დამოკიდებულება არის ბოლშევიკური, მხოლოდ მათი პატიმარია პატიმარი, მათი ამომრჩეველია ამომრჩეველი და მათი აქციაა აქცია

„ნაციონალური მოძრაობის“ დამოკიდებულება არის სუფთა ბოლშევიკური, მხოლოდ ისინი არიან, მათ აქვთ უფლებები, მათი პატიმარია პატიმარი, მათი ამომრჩეველია ამომრჩეველი და მათი აქციაა აქცია, სხვა დანარჩენი კი არის კონტრ, – ამის შესახებ პარლამენტის განათლების კომიტეტის თავმჯდომარემ „პირველი არხის“ ეთერში განაცხადა.

რეჯეფ თაიფ ერდოღანი

25 ოქტომბერი 2021, 23:35

მსოფლიო

ერდოღანი: თურქეთის სასამართლო სისტემის საქმიანობაში ჩარევის მცდელობები და თურქეთის სუვერენიტეტის უპატივცემულობა მიუღებელია

თურქეთის სასამართლო სისტემის საქმიანობაში ჩარევის მცდელობები და თურქეთის სუვერენიტეტის უპატივცემულობა მიუღებელია, - განაცხადა თურქეთის პრეზიდენტმა, რეჯეფ თაიფ ერდოღანმა.

25 ოქტომბერი 2021, 23:25

რეგიონი

ლევან რატიანი ქუთაისში კლინიკა „ლჯ და კომპანიის“ სამედიცინო პერსონალს შეხვდა და COVID19-ის მძიმე შემთხვევები განიხილა

იმერეთის რეგიონში ჯანდაცვის მინისტრისა და საზოგადოებისთვის ცნობილ ექიმებთან ერთად ვიზიტის ფარგლებში, „პირველი საუნივერსიტეტო კლინიკის“ დირექტორი ლევან რატიანი ქუთაისში კლინიკა „ლჯ და კომპანიის“ სამედიცინო პერსონალს შეხვდა. ინფორმაციას ჯანდაცვის სამინისტრო ავრცელებს.

25 ოქტომბერი 2021, 23:00

პოლიტიკა

გიორგი ვოლსკი: ზუგდიდში დესტაბილიზაციას მხარს არ დაუჭერენ

„ქართული ოცნების“ ზუგდიდის მერობის კანდიდატი მამუკა წოწერია, პარტიის ლიდერებთან გიორგი ვოლსკისთან და მიხეილ ყაველაშვილთან ერთად მოსახლეობასთან შეხვედრებს აგრძელებს. მამუკა წოწერია ამჯერად მოქალაქეებს ენგურის დასახლებაში ჯანაშიას და ქობულეთის ქუჩებზე შეხვდა და პრიორიტეტები გააცნო.

25 ოქტომბერი 2021, 22:54

COVID19

ევროპის წამლის სააგენტომ Moderna-ს ვაქცინის გამაძლიერებელ დოზას რეკომენდაცია გაუწია

ევროკავშირის მარეგულირებელმა, ევროპის წამლის სააგენტომ (EMA) კორონავირუსის საწინააღმდეგო Moderna-ს ვაქცინის გამაძლიერებელ დოზას რეკომენდაცია გაუწია.

25 ოქტომბერი 2021, 22:10

საზოგადოება

დედაქალაქის მერი მოსწავლე-ახალგაზრდობის სასახლის რეაბილიტაციის პირველი ეტაპის შედეგს გაეცნო

დედაქალაქის მერმა კახა კალაძემ მოსწავლე-ახალგაზრდობის სასახლის აღდგენილი ფასადი და ახლადმოწყობილი დეკორატიული მინათება დაათვალიერა. სასახლის რეაბილიტაცია-რესტავრაციის სამუშაოები პროექტ „ახალი ტფილისის“ ფარგლებში მიმდინარეობს.

25 ოქტომბერი 2021, 22:00

ტექნოლოგიები

კომპანია Tesla-ს საბაზრო ღირებულებამ ტრილიონ დოლარს გადააჭარბა

ნიუ-იორკის საფონდო ბირჟაზე ილონ მასკის მიერ შექმნილი კომპანია Tesla-ს საბაზრო ღირებულებამ ტრილიონ დოლარს გადააჭარბა.