imedi /  23 მაისი 2020, 23:29 / სანდო წყარო

კორონავირუსი: ვითარება რეგიონებში

ფოთში გამოკვლეულ 24 მებაჟეს კორონავირუსი არ დაუდასტურდა. ნიმუშები მიზნობრივი კვლევის ფარგლებში იყო გადაგზავნილი ლაბორატორიაში.

რაც შეეხება ბათუმის ცხელების ცენტრებში დღეს მოთავსებულ პაციენტებს, მათაც კორონავირუსი არ დაუდგინდათ. დილით კლინიკებში სხვადასხვა რესპირატორული სიმპტომით სულ 33 პაციენტი გადაიყვანეს.

ხვალ დილით გახდება ცნობილი მიზნობრივი კვლევების შედეგები.

23 დღეა, აჭარაში ინფიცირების შემთხვევა არ დაფიქსირებულა. დღეს კლინიკა ბოლო ორმა გამოჯანმრთელებულმა დატოვა.

დაავადებათა კონტროლის ეროვნული ცენტრის საზოგადოებრივი ჯანდაცვის სამეგრელო-ზემო სვანეთის განყოფილების ინფორმაციით, კორონავირუსზე 94 ადამიანის ტესტის პასუხს ელოდებიან.

განყოფილების უფროსის ანზორ ქობალიას, თქმით 94-დან ორი, ზუგდიდელი კაცის კლასტერია. დანარჩენები ცხელების ცენტრების პაციენტები, მედპერსონალი, საბაჟოს თანამშრომლები და საკარანტინო სივრცეში მყოფი ადამიანები არიან.

თერჯოლის ე.წ. ცხელების ცენტრში კი ლაბორატორიიდან მიღებული სამი პაციენტის ანალიზის პასუხები უარყოფითია.

საქართველოში კორონავირუსი 728 ადამიანს დაუდასტურდა, აქედან 509 უკვე გამოჯანმრთელდა. საქართველოში კორონავირუსით გარდაიცვალა 12 ადამიანი. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

ყველა სიახლე

ირაკლი მეზურნიშვილი

04 ივნისი 2020, 13:59

პოლიტიკა

ირაკლი მეზურნიშვილი: სოციალური გაზის ნაწილში მოსახლეობას საფასური 1 თეთრითაც არ გაუძვირდება

დავაყენე საკითხი და სოციალურ ნაწილში არცერთ მოსახლეს საფასური 1 თეთრითაც არ გაუძვირდებათ. ათასობით მოსახლე არის დარჩენილი, რომელიც სარგებლობს თხევადი აირით (ბალონების სისტემით) და მათ ეს არ გაუძვირდებათ, - ამის შესახებ საქართველოს საპარლამენტო უმრავლესობის წევრმა, ირაკლი მეზურნიშვილმა განაცხადა. პარლამენტის პრესსამსახურის ინფორმაციით, დარგობრივი ეკონომიკისა და ეკონომიკური პოლიტიკის კომიტეტის სხდომაზე, სადაც საგადასახადო კოდექსში ცვლილებების შეტანის პროექტი განიხილება, კანონპროექტის ერთ-ერთმა ინიციატორმა, ირაკლი მეზურნიშვილმა ცვლილებების არსი განმარტა.

ირანი კორონავირუსი

04 ივნისი 2020, 13:57

COVID19

ირანში კორონავირუსით ინფიცირების რეკორდულად მაღალი დღიური მაჩვენებელი დაფიქსირდა

ბოლო 24 საათის განმავლობაში, ირანში კორონავირუსის 3 573 ახალი შემთხვევა გამოვლინდა. ქვეყნის ჯანდაცვის სამინისტროს ინფორმაციით, ეს პანდემიის დაწყებიდან ქვეყანაში ყველაზე მაღალი დღიური მაჩვენებლია. ჯამში დადასტურებული შემთხვევების რაოდენობა 164 270-მდე გაიზარდა.

04 ივნისი 2020, 13:50

მსოფლიო

პეტიციას ჯორჯ ფლოიდის მკვლელობაში დამნაშავეების დასჯის მოთხოვნით 15-მა მილიონმა ადამიანმა მოაწერა ხელი

„ვცდილობთ, მინეაპოლისის მერის, ჯეიკობ ფრეის და ოლქის პროკურორის, მაიკ ფრიმენის ყურადღება მივიქციოთ და ვთხოვოთ გაათავისუფლონ ამ ამაზრზენ ისტორიაში მონაწილე ოფიცრები და დაუყოვნებლივ წაუყენონ ბრალდება“, - ნათქვამია პეტიციაში.

ნათია თურნავა

04 ივნისი 2020, 13:46

ეკონომიკა

ნათია თურნავა: ორმაგდება იმ დარგების რიცხვი, რომლებსაც „აწარმოე საქართველოში“ დაეხმარება

პროგრამის „აწარმოე საქართველოში“ ფარგლებში იზრდება იმ დარგების სია, რომლებიც პროგრამაში ჩაერთვებიან, - ამის შესახებ ეკონომიკისა და მდგრადი განვითარების მინისტრმა, ნათია თურნავამ მთავრობის სხდომის შემდეგ გამართულ ბრიფინგზე განაცხადა. მისივე თქმით, თუ აქამდე პროგრამაში 100-მდე დარგი იყო, ახლა პრაქტიკულად ორმაგდება იმ დარგების რიცხვი, რომლებსაც „აწარმოე საქართველოში“ დაეხმარება.

სოფელ ფარიზში გზის მოწყობა

04 ივნისი 2020, 13:38

რეგიონი

სოფელ ფარიზში ასფალტო-ბეტონის გზის დაგების და სარწყავი სისტემის რეაბილიტაციის სამუშაოები მიმდინარეობს

ბოლნისის მუნიციპალიტეტის მერმა, დავით შერაზადიშვილმა, სივრცითი მოწყობისა და ინფრასტრუქტურის სამსახურის უფროს კონსტანტინე კორძაძესთან ერთად, სოფელ ფარიზში გზის მოწყობისა და სარწყავი სისტემის რეაბილიტაციის სამუშაოები მოინახულა. ბოლნისის მუნიციპალიტეტის ინფორმაციით, სოფელში, 500 გრძივ მეტრზე, ასფალტო-ბეტონის გზა დაიგება, ინფრასტრუქტურული პროექტის ფარგლებში, 400 გრძივ მეტრზე ასევე სარწყავი არხის რეაბილიტაციაც მოხდება. სამუშაოები „რეგიონებში განსახორციელებელი პროექტების ფონდისა“ და ბოლნისის მუნიციპალიტეტის ადგილობრივი ბიუჯეტის თანადაფინასებით ხორციელდება. პროექტის სრული ღირებულება 370 000 ლარს შეადგენს.

ჯასტინ მაკკენზი სმიტი

04 ივნისი 2020, 13:32

COVID19

ჯასტინ მაკკენზი სმიტი: ინფექციურ დაავადებებთან ბრძოლასა და უსაფრთხო მსოფლიოს შენებაში საქართველო აქტიური პარტნიორია

გაერთიანებული სამეფოს ელჩი საქართველოში, ჯასტინ მაკკენზი სმიტი მიესალმება საქართველოს პრემიერ-მინისტრის, გიორგი გახარიას მონაწილეობას ვაქცინაციის გლობალურ სამიტში, რომელსაც დიდი ბრიტანეთის პრემიერი ბორის ჯონსონი მასპინძლობს. ამის შესახებ დიპლომატი Twitter-ზე წერს.

ლი ჩჟე იონი

04 ივნისი 2020, 13:26

მსოფლიო

სამხრეთ კორეის პროკურატურამ Samsung-ის ხელმძღვანელის დაკავების ორდერი გასცა

სამხრეთ კორეის პროკურატურამ კომპანია Samsung-ის ვიცე-პრეზიდენტისა და ფაქტობრივი მმართველის, ლი ჩჟე იონისა და კიდევ ორი ყოფილი ტოპმენეჯერის დაკავების ორდერი გასცა. ინფორმაციას ამის შესახებ სააგენტო Yonhap-ი ავრცელებს.

ნიკოლოზ კვაჭაძე

04 ივნისი 2020, 13:26

სამართალი

ექსპერტიზის ბიუროსთან სროლის შედეგად დაშავებული ორი კაცის ჯანმრთელობის მდგომარეობა სტაბილურია

ექსპერტიზის ბიუროსთან სროლის შედეგად დაშავებული ორი კაცის ჯანმრთელობის მდგომარეობა სტაბილურია და მათ სიცოცხლეს საფრთხე არ ემუქრება, - ამის შესახებ ხეჩინაშვილის სახელობის საუნივერსიტეტო კლინიკის ანესთეზია-რეანიმაციის დეპარტამენტის ხელმძღვანელმა, ნიკოლოზ კვაჭაძემ განცხადა. მისივე თქმით, ორივე პაციენტი რამდენიმე დღეში დატოვებს კლინიკას. “ხეჩინაშვილის სახელობის საუნივერსიტეტო კლინიკაში გუშინ სასწრაფო დახმარების ბრიგადის მიერ იყო მოყვანილი ორი პაციენტი სხეულის სხვადახვა უბნის ჭრილობებით. ორივე მათგანს ჩაუტარდა ჭრილობების ქირურგიული წესით დამუშავება საოპერაციო ბლოკში. ორივე მათგანის მდგომარეობა არის დამაკმაყოფილებელი, აგრძელებენ სტაციონარულ პირობებში მკურნალობას. არც ერთის სიცოცხლეს საფრთხე არ ემუქრება. ორივე პაციენტი რამდენიმე დღეში დატოვებს კლინიკას“, - განაცხადა ნიკოლოზ კვაჭაძემ.

კოკაინი მანქანა ტეხასი

04 ივნისი 2020, 13:26

მსოფლიო

ტეხასში კაცმა აუქციონზე ნაყიდ ავტომობილში თითქმის 35 კილოგრამი კოკაინი აღმოაჩინა

კაცმა ნარკოტიკული ნივთიერებით სავსე 17 შეკვრა მანქანის საიდუმლო განყოფილებაში აღმოაჩინა და მომხდარის შესახებ ადგილობრივ პოლიციას შეატყობინა. ადგილზე მისულმა სამართალდამცველებმა ძაღლის დახმარებით ავტომობილში დამალული კიდევ 17 შეკვრა აღმოაჩინეს.

მიტროპოლიტი შიო

04 ივნისი 2020, 13:24

საზოგადოება

მეუფე შიო: დღეს ჩვენ ვევედრეთ ღირს დავით გარეჯელს და გვაქვს სურვილი, ეს ვითარება გამოსწორდეს

დღეს 13 ასურელი მამათაგან ერთ-ერთის, მამა დავით გარეჯელის ხსენების დღეა. დავით გარეჯის სამონასტრო კომპლექსში გარეჯობა აღინიშნება. სამონასტრო კომპლექსში იმყოფება პატრიარქის მოსაყდრე, მიტროპოლიტი შიო მუჯირი, რომელმაც მამა დავით გარეჯელის მიერ დაარსებულ ლავრაში პარაკლისი გადაიხადა და შეკრებილ მრევლს ქადაგებით მიმართა. მეუფე შიომ მამა დავით გარეჯელის ღვაწლზე ისაუბრა, და ქადაგების ბოლოს საქართველოსა და აზერბაიჯანს შორის სადავო ტერიტორიის საკითხსაც შეეხო.

რომან გოლოვჩენკო

04 ივნისი 2020, 13:15

მსოფლიო

ბელარუსის პრემიერ-მინისტრად რომან გოლოვჩენკო დაინიშნა

მანამდე გოლოვჩენკო სამხედრო-სამრეწველო სახელმწიფო კომიტეტს ხელმძღვანელობდა. პირველი ვიცე-პრეზიდენტის თანამდებობა ნიკოლაი სნოპკოვმა დაიკავა, მისი წინამორბედი დმიტრი კრუტოი კი პრეზიდენტის ადმინისტრაციის ხელმძღვანელის მოადგილე გახდა.

ფოტო: Shutterstock

04 ივნისი 2020, 13:12

მსოფლიო

ჩინეთში სკოლის დარაჯმა 39 ადამიანი დანით დაჭრა

სამხრეთ ჩინეთში, ვანფუს ოლქის ერთ-ერთ დაწყებით სკოლაში დანით შეიარაღებულმა სკოლის დარაჯმა 39 ადამიანი დაჭრა. ამის შესახებ Globaltimes წერს. დაშავებულია 37 მოსწავლე და 2 მასწავლებელი. ორი დაჭრილის მდგომარეობა შედარებით მძიმეა, თუმცა მათ სიცოცხლეს საფრთხე არ ემუქრება. 50 წლის თავდამსხმელი დაკავებულია. დანაშაულის მოტივი ჯერჯერობით უცნობია.

გიორგი გახარია

04 ივნისი 2020, 13:08

პოლიტიკა

გიორგი გახარია: პოსტკრიზისული ეკონომიკური განვითარების სტრატეგიაზე კემბრიჯისა და ლონდონის უნივერსიტეტების საუკეთესო მეცნიერებთან ერთად ვმუშაობთ

ჩვენს მოქალაქეებს, დღეს, კრიზისად გამომდინარე, რა თქმა უნდა, უჭირთ, ბევრმა დაკარგა შემოსავალი და ბევრ ადამიანს, უბრალოდ, შემოსავალი ვერ მიაქვს ოჯახში, ამიტომ, ჩვენ არ გვაქვს ბევრი ლოდინის დრო და შესაძლებლობა, - ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა. მთავრობის მეთაურის თქმით, მიუხედავად იმისა, რომ ეს არის გლობალური პანდემია და გამოწვევა, რა თქმა უნდა, ეს არის გლობალური ეკონომიკური კრიზისი და შეუძლებელია ცალკე აღებული პატარა სახელმწიფო მარტო გაუმკლავდეს ამ გამოწვევას. მან ხაზი გაუსვა, რომ მთავრობამ თავისი გასაკეთებელი უნდა გააკეთოს მაქსიმალურად ეფექტურად და სწრაფად.

ნათია თურნავა

04 ივნისი 2020, 13:08

ეკონომიკა

ნათია თურნავა: შემიძლია ცალსახად გითხრათ, რომ 2021 წლიდან საქართველოს ეკონომიკა ზრდას დაიწყებს

შემიძლია ცალსახად გითხრათ, რომ 2021 წლიდან საქართველოს ეკონომიკა ზრდას დაიწყებს. იმედი მაქვს, რომ რეცესიის გადალახვის პირველ ნიშნებს ამ დროისთვის გლობალური ეკონომიკაც გამოავლენს, მაგრამ ეს არ ნიშნავს, რომ 2021 წელს ყველა პრობლემა დასრულდება, - ამის შესახებ მთავრობის სხდომის შემდეგ ეკონომიკის მინისტრმა, ნათია თურნავამ განაცხადა.

ხე-ტყის უკანონო მოპოვების ფაქტები

04 ივნისი 2020, 12:56

სამართალი

მაისში გამოვლენილი უკანონო ტყითსარგებლობის 155 ფაქტიდან 9 სისხლის სამართლის დანაშაულის ნიშნებს შეიცავს

გარემოსდაცვითი ზედამხედველობის დეპარტამენტის თანამშრომლებმა მაისის თვეში ხე-ტყის უკანონო მოპოვებისა და ტრანსპორტირების 155 ფაქტი გამოავლინეს, რომელთაგან 9 ფაქტი სისხლის სამართლის დანაშაულის ნიშნებს შეიცავს. გარემოს დაცვისა და სოფლის სამინისტროს მეურნეობის სამინისტროს ინფორმაციით, 2020 წლის 1-ლი მაისიდან 31 მაისის ჩათვლით, ხე-ტყის უკანონო მოპოვებისა და ტრანსპორტირების ყველაზე მეტი - 41 ფაქტი გამოვლინდა კახეთის რეგიონული სამმართველოს სამოქმედო ტერიტორიაზე.

ნათია თურნავა

04 ივნისი 2020, 12:55

ეკონომიკა

ნათია თურნავა: ჩვენი ეკონომიკური ზრდის პროგნოზი კოვიდ-19-თან დაკავშირებით სამეზობლოში შექმნილი ვითარების გამო გაუარესდა

როდესაც „ევროპის რეკონსტრუქციისა და განვითარების ბანკმა“ გააუარესა პროგნოზი მინუს 4%-დან მინუს 5,5-ზე, ეს ახსნეს იმით, რომ მათ სჯერათ, რომ საქართველო მალე ამოქაჩავს ეკონომიკას, მაგრამ სამეზობლოში შექმნილი კოვიდ-19-თან დაკავშირებით არაკეთილსაიმედო ვითარების გამო დაგვიმძიმდა პროგნოზი ჩვენც, - ამის შესახებ მთავრობის სხდომის შემდეგ ეკონომიკის მინისტრმა, ნათია თურნავამ განაცხადა.

გიორგი ვაშაძე

04 ივნისი 2020, 12:55

პოლიტიკა

გიორგი ვაშაძე ოპოზიციას მაჟორიტარობის კანდიდატების საკითხზე თანამშრომლობისკენ მოუწოდებს

„განსაკუთრებით თბილისში, ვფიქრობ, რომ უნდა გვყავდეს ერთიანი მაჟორიტარები. ცხოვრებაში არასოდეს მიბრძოლია რაღაც პოზიციისთვის და რაღაც თანამდებობისთვის. მით უმეტეს მაჟორიტარული ოლქის საპარლამენტო მანდატისთვის, რომელსაც ჩემთვის საერთოდ ინტერესი არ აქვს. პრემიერობის საკითხი ამ ეტაპზე არ განიხილება. ეს თემა ამ ეტაპზე დახურულია. და რაც ყველაზე მნიშვნელოვანია, ყველას შეიძლება ჰქონდეს თავისი პოზიცია, მაგრამ შეთანხმებულად, გუნდურად, საერთო ინტერესიდან გამომდინარე უნდა მივიღოთ აბსოლუტურად ყველა გადაწყვეტილება“, - განაცხადა ვაშაძემ.

ნათია თურნავა

04 ივნისი 2020, 12:50

ეკონომიკა

ნათია თურნავა „ფრონტერას“ საერთაშორისო არბიტრაჟის გადაწყვეტილების გასაჯაროებისკენ მოუწოდებს

ბიუჯეტის ცვლილებებზე მუშაობა ყოველდღიურ რეჟიმში მიმდინარეობს, ამის შესახებ ეკონომიკის მინისტრმა ნათია თურნავამ მთავრობის სხდომის შემდეგ შესაბამისი კითხვის საპასუხოდ განაცხადა. მინისტრმა აღნიშნა, რომ ბიუჯეტი ასახავს ყველა იმ ცვლილებას, რომელიც ანტიკრიზიული გეგმის ფარგლებში დაიწყო.

ეკატერინე ტიკარაძე

04 ივნისი 2020, 12:45

საზოგადოება

ეკატერინე ტიკარაძე: 9 კლინიკის ღია წერილში წაყენებული ბრალდებები მიუღებელი და უსაფუძვლოა

ამ ცხრა კლინიკასთან, გვაქვს ინტენსიური სამუშაო რეჟიმი. როდესაც ისინი ამ სამუშაო რეჟიმის მიუხედავად მინისტრს, პარლამენტსა და პრემიერს მიმართავენ ღია წერილით, ეს არ აისახება ეფექტურად იმ გატარებულ სამუშაოზე, რომელსაც სამინისტრო ეწევა ჩვენი მოქალაქეებისთვის -ამის შესახებ ეკატერინე ტიკარაძემ მთავრობის სხდომის შემდეგ შესაბამისი კითხვის საპასუხოდ განაცხადა. ჯანდაცვის მინისტრის თქმით, წერილში წაყენებული ბრალდებები, მისთვის მიუღებელია.

ნათია თურნავა

04 ივნისი 2020, 12:42

ეკონომიკა

საკრედიტო-საგარანტიო სქემაში მიკროსაფინანსო ორგანიზაციებიც ერთვებიან

საკრედიტო-საგარანტიო სქემაში ბანკების გარდა მიკროსაფინანსო ორგანიზაციებიც ერთვებიან, რის გამოც კიდევ დამატებით 30 მილიონი ლარი გამოიყოფა. მთლიანობაში საკრედიტო-საგარანტიო სქემისთვის 330 მილიონი ლარის ბიუჯეტი გამოიყოფა, - ამის შესახებ მთავრობის სხდომის შემდეგ ეკონომიკის მინისტრმა, ნათია თურნავამ განაცხადა.