imedi /  22 ივლისი 2020, 12:45 / სანდო წყარო

ამირან გამყრელიძე: გაჩიანში მოსახლეობის მხრიდან კვლევებზე ცუდი დამყოლობაა, გუშინ 6-მა ბრიგადამ მხოლოდ 350 ნიმუში აიღო

ამირან გამყრელიძე

ამირან გამყრელიძე

განსაკუთრებით ცხელი წერტილი ქვემო ქართლის რეგიონში, გარდაბნის მუნიციპალიტეტში ე.წ. გაჩიანის დასახლებაში გვაქვს, სადაც შედის 3 სოფელი - ყარაჯალარი, აღთაკლია და ყარათაკლია. სამწუხაროდ, მოსახლეობაში არის ცუდი დამყოლობა კვლევებზე. გუშინ ადგილზე 6 ბრიგადა მუშაობდა და მხოლოდ 350 ნიმუში ავიღეთ, როცა 6 ბრიგადის საშუალო სიმძლავრე 700-1000 ნიმუშია, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურმა დირექტორმა, ამირან გამყრელიძემ განაცხადა.

„დღეს ქვეყანაში 24 ახალი შემთხვევა გვაქვს. ბოლო დღეების განმავლობაში დაახლოებით 10-10 შემთხვევა გვქონდა, პირდაპირ გეტყვით, რომ პანიკის საფუძველი არაა, მაგრამ ფრიად საყურადღებოა. გარკვეულწილად ეს პროგნოზირებადი იყო, ვინაიდან ნებისმიერ შემსუბუქებას შეიძლება მოჰყვეს შემთხვევათა რაოდენობის ზრდა. მთავარია, რომ ეს მატება იყოს კონტროლირებად და მართვადი. დღეს ქვეყანაში ეს პროცესი სრულად მართვადია, მაგრამ ხაზს ვუსვამ, რომ მოსახლეობას ყურადღება მოადუნა. შეიქმნა ილუზია, თითქოს ჩვენ დავამარცხეთ კორონავირუსი - არა, პანდემიის დამარცხება მხოლოდ გლობალურადაა შესაძლებელი. განსაკუთრებით ცხელი წერტილი ქვემო ქართლის რეგიონში, გარდაბნის მუნიციპალიტეტში ე.წ. გაჩიანის დასახლებაში გვაქვს, სადაც 3 სოფელი - ყარაჯალარი, აღთაკლია და ყარათაკლია. ამ 3 სოფლიდან ორში გვაქვს სულ 34 შემთხვევა, დღევანდელი 24-იდან კი 10 სწორედ ამ კლასტერიდანაა. ადგილზე ტარდება სერიოზული ღონისძიებები, ყველა შესასვლელში არის თერმოსკრინინგი, მაგრამ, სამწუხაროდ, მოსახლეობაში არის ცუდი დამყოლობა კვლევებზე. გუშინ დავიწყეთ გაფართოებული კვლევები და გვინდოდა, ამ კვირაში 7 000 მოსახლე გამოგვეკვლია. ჩვენი გათვლებით, ინფიცირებული შეიძლება იყოს მოსახლეობის 5-10% და მათი დროული იზოლაციაა საჭირო. ამ სოფლების მოსახლეობის უმრავლესობა სხვადასხვა ბაზარზე - რუსთავის, ლილოს, თბილისის ბაზრობებზე მუშაობს, ამიტომ ინფექციის გატანის რისკი დიდია. სამწუხაროდ, მოსახლეობა შემხვედრ ნაბიჯებს არ დგამს. გუშინ ადგილზე 6 ბრიგადა მუშაობდა და მხოლოდ 350 ნიმუში ავიღეთ, როცა 6 ბრიგადის საშუალო სიმძლავრე 700-1000 ნიმუშია. ამ 350 ნიმუშიდან 10 არის დადებითი ანუ იქ ინფექცია ტრიალებს და მოვუწოდებ მოსახლეობას სამედიცინო პერსონალთან თანამშრომლობისკენ“, - განაცხადა ამირან გამყრელიძემ.

ამ დროისთვის საქართველოში კორონავირუსის 1 073 შემთხვევაა დადასტურებული, გამოჯანმრთელებულია 907 ადამიანი, 16 პაციენტი კი გარდაიცვალა. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

ყველა სიახლე

15 აგვისტო 2020, 15:30

თავდაცვა

ეროვნული გვარდიის წარმომადგენლები რეზერვისტების დამსაქმებლებს შეხვდენენ

ადლიაში, ეროვნული გვარდიის მე-10 კადრირებულ ბრიგადაში ტერიტორიული რეზერვისტების მორიგი გეგმიური შეკრება გაიმართა. რეზერვისტების შეკრებას საჯარო და კერძო სექტორიდან მათი დამსაქმებლები დაესწრნენ. სამხედრო ქვედანაყოფში სტუმრებს ეროვნული გვარდიის მეთაურმა, პოლკოვნიკმა რომან ჯოხაძემ და მისმა მოადგილემ, პოლკოვნიკმა კობა ახვლედიანმა უმასპინძლეს.

მარიამ ქვრივიშვილი

15 აგვისტო 2020, 15:26

COVID19

მარიამ ქვრივიშვილი: სასტუმროების დიდი ნაწილის მფლობელებს ურჩევნიათ, დაკეტილი სასტუმრო ჰქონდეთ, ვიდრე - საკარანტინო პროექტში ჩაერთონ

„არის სასტუმროების საკმაოდ დიდი რაოდენობა, რომელთაც საკარანტინო პროექტში ჩართვაზე უარი განაცხადეს“, - განაცხადა ტურიზმის ეროვნული ადმინისტრაციის ხელმძღვანელმა, მარიამ ქვრივიშვილმა მთავრობის ადმინისტრაციაში გამართულ ბრიფინგზე.

ნოვაკ ჯოკოვიჩი

15 აგვისტო 2020, 15:13

სპორტი

ნოვაკ ჯოკოვიჩი ამერიკის ღია პირველობაზე ითამაშებს

ნოვაკ ჯოკოვიჩი ამერიკის ღია პირველობაზე ითამაშებს, - ამის შესახებ ინფორმაციას CNN-ი ავრცელებს. მსოფლიოს ნომერ პირველმა ჩოგანმა ოფიციალურად დაადასტურა, რომ ნიუ-იორკში გასამართ პრესტიჟულ ტურნირზე გამოვა და ასევე მონაწილეობას მიიღებს ცინცინატის მასტერსზე. ჯოკოვიჩმა აღიარა, რომ აქამდე შექმნილი რთული ეპიდემიოლოგიური ვითარების გამო, შეერთებულ შტატებში ჩასვლის ეშინოდა, თუმცა ახლად შემუშავებული სამედიცინო პროტოკოლის გაცნობის შემდეგ ის დარწმუნდა, რომ ამერიკის ღია პირველობის მიმდინარეობისას არავის ჯანმრთელობას საფრთხე არ შეექმნება.

ლია მუხაშავრია დავით ჭიჭინაძე

15 აგვისტო 2020, 15:10

პოლიტიკა

ლია მუხაშავრია დავით ჭიჭინაძის პოლიტიკურ პარტია „ტრიბუნას“ შეუერთდა

„ტრიბუნა“ არის ადგილი, სადაც მივაღწევთ იმას, რომ ადამიანებს დარღვეული უფლებების აღდგენის პერსპექტივა გავუჩინოთ, - ამის შესახებ უფლებადამცველმა, იურისტმა ლია მუხაშავრიამ განაცხადა, რომელიც დღეს დავით ჭიჭინაძის პოლიტიკურ პარტია „ტრიბუნას“ შეუერთდა.

ჯანდაცვის სამინისტრო

15 აგვისტო 2020, 15:10

საზოგადოება

ჯანდაცვის სამინისტრო მოქალაქეებს პორტალზე daxmareba.moh.gov.ge ტექნიკური შეფერხების გამო ბოდიშს უხდის

„მოგახსენებთ, რომ 17 წლის ჩათვლით ბავშვებისთვის, 200-ლარიანი დახმარების მისაღებად რეგისტრაცია ელექტრონულ პორტალზე - daxmareba.moh.gov.ge ტექნიკური ხარვეზის გამო შეფერხებით მიმდინარეობს. ხარვეზი პორტალზე ბევრი ადამიანის ერთდროულად დარეგისტრირებითაა განპირობებული“, - ნათქვამია უწყების მიერ გავრცელებულ განცხადებაში.

მარიამ ქვრივიშვილი

15 აგვისტო 2020, 15:07

COVID19

მარიამ ქვრივიშვილი: საკარანტინო სივრცეებში კოვიდინფიცირების 300-ზე მეტი შემთხვევაა გამოკვეთილი და მარტივია იმის შეფასება, რა იქნებოდა ჩვენს ქვეყანაში, ეს პირები კარანტინში რომ არ მოხვედრილიყვნენ

„დღევანდელი დღის მონაცემებით, საკარანტინო სივრცეებში 300 მეტი შემთხვევაა გამოკვეთილი, რომელიც ჩვენს ქვეყანაში კორონავირუსის იმპორტირებას უკავშირდება და, ალბათ, მარტივია საზოგადოებისთვის, ისევე, როგორც მედიასაშუალებებისთვის იმის შეფასება, თუ რა იქნებოდა ჩვენს ქვეყანაში, აღნიშნული 300 ადამიანი საკარანტინო სივრცეში რომ არ მოხვედრილიყო. ჩვენ გვექნებოდა მასობრივი გავრცელება“.

პაატა იმნაძე

15 აგვისტო 2020, 14:52

COVID19

პაატა იმნაძე: დღესაც გვაქვს 3-4 შემთხვევა, რომლის ინფიცირების წყაროც არ ვიცით

„დღესაც გვაქვს 3-4 შემთხვევა ჯამში, რომლის ინფიცირების წყაროც არ ვიცით, საიდან იყო, როგორ იყო. ეს არც არის გასაკვირი. მე ერთხელ მოვიყვანე მაგალითი - ახალი ზელანდია არის კუნძული, რომელზეც 3 თვე არც ერთი შემთხვევა არ იყო და მერე გაჩნდა უცებ შემთხვევები. ამ დაავადების თავისებურებიდან გამომდინარე (ის) შეიძლება გადადიოდეს უმნიშვნელო სიმპტომატიკით, ანუ სულ იტრიალებდეს. ზელანდიაში, კუნძულზე თუ იყო, ჩვენს ქვეყანაში არ არის გასაკვირი. ამიტომ მეორე მხრიდან მოვუაროთ ამას. არაფრის ჩაკეტვა, აკრძალვა - ნიღაბი გავიკეთოთ, დისტანცია დავიცვათ და პრობლემა არ იქნება. “, - განმარტა იმნაძემ.

პაატა იმნაძე

15 აგვისტო 2020, 14:51

COVID19

პაატა იმნაძის თქმით, საქართველოში 300 ათასზე მეტი PCR-ტესტია ჩატარებული

გუშინ ქვეყნის მასშტაბით სულ 6000-მდე ტესტი ჩატარდა და საერთო რაოდენობით გადავცდით 300 000 PCR-ტესტს, - ამის შესახებ მთავრობის კანცელარიაში გამართულ ბრიფინგზე დაავადებათა კონტროლის ცენტრის დირექტორის მოადგილემ, პაატა იმნაძემ განაცხადა.

მარიამ ქვრივიშვილი

15 აგვისტო 2020, 14:49

COVID19

მარიამ ქვრივიშვილი: ბოლო პერიოდში, საკარანტინო პროექტის დისკრედიტაციის მიზანმიმართული მცდელობები გახშირდა

ბოლო პერიოდში გახშირდა მიზანმიმართული მცდელობა, მოხდეს საკარანტინო პროექტის დისკრედიტაცია, - განაცხადა ტურიზმის ეროვნული ადმინისტრაციის ხელმძღვანელმა, მარიამ ქვრივივიშვილმა მთავრობის ადმინისტრაციაში გამართულ ბრიფინგზე.

პაატა იმნაძე

15 აგვისტო 2020, 14:47

COVID19

პაატა იმნაძე: ინფიცირებულია ქალი, რომელიც თბილისიდან ქობულეთში, კაფე „ჰავანაში“ სამუშაოდ არის ჩასული

გვაქვს ერთი არასასიამოვნო შემთხვევა - ინფიცირებულია ქალი, რომელიც თბილისიდან ქობულეთში, კაფე „ჰავანაში“ სამუშაოდ არის ჩასული. ამ კაფეში მომუშავე პერსონალი გამოკვლეულია და გადაყვანილია იზოლაციაში, მაგრამ ადამიანები, რომლებიც ამ კაფეში 9, 10 და 11 აგვისტოს იმყოფებოდნენ, მაქსიმალურად ფრთხილად უნდა იყვნენ და სიმპტომების გამოვლენის შემთხვევაში მიმართონ ცხელების ცენტრებს, - ამის შესახებ მთავრობის კანცელარიაში გამართულ ბრიფინგზე დაავადებათა კონტროლის ცენტრის დირექტორის მოადგილემ, პაატა იმნაძემ განაცხადა.

გიორგი ცუცქირიძე

15 აგვისტო 2020, 14:22

ეკონომიკა

გიორგი ცუცქირიძე: Fitch-მა მთავრობის ანტიკრიზისული ღონისძიებების პოზიტიურ ზეგავლენაზე ​გაამახვილა ყურადღება

„გლობალური ეკონომიკის განვითარების კონტექსტში, Fitch-ის პროგნოზით, ქვეყნის უახლოესი ორი წლის პერსპექტივა არის დადებითი, რაც ნიშნავს, რომ გაზრდილია საქართველოს ეკონომიკის მდგრადობა შოკების მიმართ, ეროვნული ბანკის მიერ გატარებულ მაკროპრუდენციულ ღონისძიებებთან ერთად, საფინანსო სექტორის სტაბილურობის და ინფლაციის მიზნობრივ მაჩვენებელთან მიახლოების თვალსაზრისით,“ - განაცხადა ცუცუქირიძემ.

ზაზა ლომინაძე

15 აგვისტო 2020, 14:20

პოლიტიკა

ზაზა ლომინაძე: ქუთაისში განხორცილებული პროექტების მიზანი ჩვენი მოსახლეობის კეთილდღეობა და ცხოვრების დონის ამაღლებაა

„ქართული ოცნება-დემოკრატიული საქართველოს“ ქუთაისის მაჟორიტარი დეპუტატობის კანდიდატმა უბნების მიხედვით მოსახლეობასთან შეხვედრები დაიწყო. ზაზა ლომინაძე გუმათის დასახლებისა და ლესელიძის ქუჩის მცხოვრებლებს შეხვდა. მოქალაქეები დეპუტატობის კანდიდატს ესაუბრნენ როგორც პირად საკითხებზე, ასევე ქალაქში და კონკრეტულად მათ საცხოვრებელ უბნებში არსებულ პრობლემებზე.

ირაკლი სესიაშვილი

15 აგვისტო 2020, 14:14

პოლიტიკა

ირაკლი სესიაშვილი: დავით ბაქრაძემ ქვეყნის ღალატს დაარქვა კომპრომისი

პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა გუშინ „რუსთავი 2“-ის ეთერში „ევროპული საქართველოს“ ლიდერის, დავით ბაქრაძის მიერ გაკეთებულ განცხადებაზე, რომელიც 2008 წლის აგვისტოს ომის შემდეგ ევროსაბჭოს მიერ მიღებულ რეზოლუციას შეეხებოდა, განაცხადა, რომ ბაქრაძემ ქვეყნის ღალატს კომპრომისი დაარქვა.

15 აგვისტო 2020, 14:10

მსოფლიო

ნიუ-იორკში მუზეუმები და გალერეები 24 აგვისტოს გაიხსნება

ნიუ-იორკის მერის, ენდრიუ კუომოს განცხადებით, დაწესებულებები 24 აგვისტოს გაიხსნება და დამთვალიერებლები ვალდებულნი იქნებიან, შენობაში ყოფნისას, პირბადე ეკეთოთ. ამასთან, სავალდებულო იქნება ვიზიტორთა ნაკადის რეგულირება და ბილეთების წინასწარ შეძენა.

ბლეზ მატუიდი

15 აგვისტო 2020, 14:05

სპორტი

„იუვენტუსის“ ფეხბურთელი ბლეზ მატუიდი „ინტერ მაიამიში“ გადავიდა, რომლის მფლობელიც დევიდ ბექჰემია

„იუვენტუსის“ ფეხბურთელი ბლეზ მატუიდი „ინტერ მაიამიში“ გადავიდა, რომლის მფლობელიც დევიდ ბექჰემია, - ამის შესახებ ინფორმაციას MLS Soccer-ი ავრცელებს. 33 წლის ფრანგ ნახევარმცველს „იუვემ“ კონტრაქტი ცალმხრივად გაუწყვიტა და ამის შემდეგ ის ამერიკულ კლუბს თავისუფალი აგენტის სტატუსით შეუერთდა.

15 აგვისტო 2020, 14:02

სამართალი

ბათუმში, საკარანტინო სასტუმროდან მოქალაქის გადახტომის ფაქტზე 10-მდე პირი გამოიკითხა და ექსპერტიზები დაინიშნა

14 აგვისტოს, ბათუმში, ერთ-ერთი სასტუმროს საკარანტინო სივრცეში მომხდარ ფაქტზე უკვე ჩატარებულია სხვადასხვა სახის საგამოძიებო მოქმედებები, მათ შორის გამოკითხულია მომხდართან შემხებლობაში მყოფი 10-მდე პირი და ამოღებულია ფ.ჯ.-ს პირადი ნივთები. დანიშნულია სხვადასხვა სახის ექსპერტიზები, - ინფორმაციას შსს ავრცელებს.

15 აგვისტო 2020, 13:56

COVID19

ბერლინში ბორდელები გახსნეს, მაგრამ სექსი კვლავ აკრძალულია

გერმანიის დედაქალაქში ბორდელების კლიენტები მხოლოდ ეროტიკული მასაჟის სერვისით სარგებლობას შეძლებენ. ასეთი ზომები დაწესებულებებში სექტემბრამდე იმოქმედებს, სანამ ქვეყანაში კორონავირუსის გავრცელების პრევენციის მიზნით დაწესებული შეზღუდვების შემსუბუქების მორიგი ეტაპი არ დაიწყება.

მატიას დე ლიხტი

15 აგვისტო 2020, 13:53

სპორტი

მატიას დე ლიხტმა დაბადების დღე საავადმყოფოში აღნიშნა

მატიას დე ლიხტმა საკუთარი დაბადების დღე საავადმყოფოში აღნიშნა, - ამის შესახებ ინფორმაციას The Sun-ი ავრცელებს. „იუვენტუსის“ ნიდერლანდების ცენტრალურ მცველს მთელი სეზონი მხარის ტრავმა აწუხებდა და ოპერაცია ზუსტად მის იუბილეს დაემთხვა. დე ლიხტს ოჯახის წევრებმა და მეგობრებმა კლინიკაში მიაკითხეს და პალატა სადღესასწაულოდ მოურთეს. როგორც კლუბის ოფიციალური ვებ-გვერდი იუწყება, 21 წლის ფეხბურთელს საკმაოდ დიდი ხნით მოუწევს დასვენება და მისი სარეაბილიტაციო პროცესი 3 თვეა გასტანს.

ალექსანდრ ლუკაშენკო ვლადიმერ პუტინი

15 აგვისტო 2020, 13:37

მსოფლიო

ლუკაშენკო: პუტინს უნდა დავუკავშირდე, ეს საფრთხე მხოლოდ ბელარუსს არ ემუქრება

ბელარუსის პრეზიდენტმა, ალექსანდრ ლუკაშენკომ განაცხადა, რომ ქვეყანაში შექმნილი ვითარების შესახებ რუს კოლეგა ვლადიმერ პუტინს უნდა გაესაუბროს. ამის შესახებ ინფორმაციას ადგილობრივი მედია ავრცელებს. „უნდა დავუკავშირდე პუტინს და ამ საკითხზე ვესაუბრო. ეს საფრთხე მხოლოდ ბელარუსს არ ემუქრება. დღეს ბელარუსის დაცვა მთელი ჩვენი სივრცის, ერთიან სახელმწიფოს. თუ ჩვენი ხალხი ამას ვერ გაუმკლავდება, ეს ტალღა რუსეთამდე ჩავა“, - განაცხადა ლუკაშენკომ.

შალვა კერესელიძე შეხვედრა

15 აგვისტო 2020, 13:37

რეგიონი

შალვა კერესელიძე მცხეთის მუნიციპალიტეტის სოფლების მოსახლეობას შეხვდა

კერესელიძემ ადგილობრივებს ის გეგმები გააცნო, რომლებსაც არჩევნებში გამარჯვების შემთხვევაში რეგიონში განახორციელებს. მცხეთა-მთიანეთის მაჟორიტარი დეპუტატობის კანდიდატი უკვე იმყოფებოდა მცხეთის მუნიციპალიტეტის 15 სოფელში. ოქტომბრის ბოლომდე შალვა კერესელიძე თიანეთის, ყაზბეგის, დუშეთის და მცხეთის ყველა სოფელში მისვლას და მოსახლეობისგან პრობლემების პირადად მოსმენას გეგმავს.