imedi /  02 სექტემბერი 2020, 17:29 / სანდო წყარო

ნინო ნიჟარაძე: ინფიცირებული მძღოლი სხვა მძღოლების მსგავსად გადიოდა ტესტირებას 14 დღეში ერთხელ და მისი ბოლო პასუხი იყო უარყოფითი

ნინო ნიჟარაძე

ნინო ნიჟარაძე

ბათუმი-ხელვაჩაურის ხაზის მძღოლი, რომელსაც კორონავირუსი დაუდასტურდა, სხვა მძღოლების მსგავსად გადიოდა ტესტირებას 14 დღეში ერთხელ და ბოლო ასეთი ტესტირებისას მისი პასუხი იყო უარყოფითი, - ამის შესახებ ბრიფინგზე აჭარის ჯანდაცვის მინისტრის მოადგილემ ნინო ნიჟარაძემ განაცხადა

„ყოველდღიურად ჩვენ ცხელების კლინიკებში გვყავს დაახლოებით 40-45 პაციენტი, რომელთაც დღეში ორჯერ ტესტირება უტარდება. შესაბამისად, მათი სამუშაო ადგილი ან ვიზიტის ლოკაცია შეიძლება იყოს საზოგადოებრივი კვების რომელიმე ობიექტი, თუმცა ვიდრე არ დადასტურდება ვირუსი, კონკრეტული ინფორმაციის მოძიება და დაანონსება არ ხდება. კაფე „ცეროდანასთან“ დაკავშირებით რისკი გამორიცხულია, ვინაიდან პასუხი არის უარყოფითი. რაც შეეხება სხვა ლოკაციებს, ამ ეტაპზე არ გვაქვს დადასტურებული შემთხვევები არც ერთ ობიექტზე, გარდა იმ ადგილებისა, რაც უკვე დავასახელეთ. მიმდინარეობს გაფართოებული ტესტირება. გუშინ მხოლოდ 2 კარავში 600 ტესტი ჩატარდა, მაშინ როდესაც წინა დღეებში ეს მაჩვენებელი 100-ს არ აღემატებოდა. მაღალი რისკის კონტინგენტს დაემატა საზოგადოებრივი ტრანსპორტის მძღოლები. ისინი 14 დღეში ერთხელ გადიან ტესტირებას. მათ შორის გაიტესტა ბათუმი-ხელვაჩაურის ხაზის მძღოლიც და მისი პასუხი იყო უარყოფითი. მძღოლები თანამშრომლობენ ეპიდემიოლოგებთან, მაგრამ, როგორც იცით, PCR-ტესტი მხოლოდ უკანასკნელ 72 საათს ფარავს, ამიტომ ტესტირებაზე 2 კვირის წინ მისული მძღოლი მომდევნო ტესტირებამდე გარანტირებულად ჯანმრთელი ვერ იქნებოდა. შესაბამისად, ნებისმიერი მგზავრი თუ მძღოლი საზოგადოებრივი ტრანსპორტში მაქსიმალურად უნდა იცავდეს ყველა წესს. ამ მძღოლის ინფიცირების წყარო ჯერჯერობით უცნობია“, - განაცხადა ნიჟარაძემ.

ამ დროისთვის საქართველოში კორონავირუსის 1 548 შემთხვევაა დადასტურებული. გამოჯანმრთელდა კიდევ 17 პაციენტი – განკურნებულთა რაოდენობა სულ 1 270-ს შეადგენს. უცხოეთიდან სამკურნალოდ გადმოყვანილია საქართველოს 41 მოქალაქე. კორონავირუსის შედეგად, ქვეყანაში 19 პაციენტი გარდაიცვალა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

ყველა სიახლე

18 სექტემბერი 2020, 21:38

COVID19

ბოლო 24 საათში საფრანგეთში კორონავირუსის 13 215 ახალი შემთხვევა დადასტურდა

საფრანგეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 13 215 ახალი შემთხვევა დადასტურდა, ხოლო 123 ადამიანი გარდაიცვალა.

გიორგი გახარია

18 სექტემბერი 2020, 21:36

პოლიტიკა

გიორგი გახარია: ჩვენი ძირითადი მიზანი ყოველთვის იქნება ადამიანი

„ჩვენი ძირითადი მიზანი ყოველთვის იქნება ადამიანი. როდესაც ვსაუბრობთ ხვალინდელ დღეზე ვგულისხმობთ იმას, რომ სახელმწიფოს პირველადი მოვალეობა, აუცილებლობა, პირველადი ფუნქციები არის ბავშვი, ჩვენი ახალგაზრდობა და რა თქმა უნდა ჩვენი ღვაწლმოსილი მოხუცები“.

გიორგი გახარია

18 სექტემბერი 2020, 21:31

პოლიტიკა

გიორგი გახარია: ჩვენ დღეს ვიბრძვით ჩვენი მოქალაქეების ჯანმრთელობისთვის და იმისთვის, რომ ყველამ ერთად, ქვეყნის ეკონომიკური აღორძინება სწრაფად დავიწყოთ

ჩვენ დღეს ვიბრძვით, პირველ რიგში ჩვენი მოქალაქეებისთვის, ნათესავების, მეზობლების, მშობლების, შვილების ჯანმრთელობისთვის და ასევე ვიბრძვით იმისთვის, რომ ჩვენ, ყველამ ერთად, ქვეყნის ეკონომიკური აღორძინება სწრაფად დავიწყოთ და სამუშაო ადგილები კი არ დავკარგოთ, კიდევ უფერო მეტი შევქმნათ.

18 სექტემბერი 2020, 21:22

პოლიტიკა

გაეროს მდგრადი თანამშრომლობის​ ჩარჩო-დოკუმენტი დამტკიცდა

გაეროს მდგრადი თანამშრომლობის​ ჩარჩო-დოკუმენტი დამტკიცდა. გაეროს მდგრადი თანამშრომლობის ახალი ჩარჩო-დოკუმენტი ​ერთობლივი თანამშრომლობის სტრატეგიულ სფეროებს განსაზღვრავს. 2020 წლის 18 სექტემბერის შეხვედრაზე ერთხმად იქნა მიღებული 2021-2025 წწ. გაეროს მდგრადი განვითარების თანამშრომლობის ჩარჩო-დოკუმენტი (UNSDCF) და მისი შესაბამისობა მთავრობის პრიორიტეტებთან და 2030 წლის მდგრადი განვითარების დღის წესრიგთან. ონლაინ განხილვა გაერთიანებული ერების ორგანიზაციისა და საქართველოს მთავრობის ადმინისტრაციის ერთობლივი ძალისხმევით შედგა. შეხვედრას საქართველოს მთავრობის, პარლამენტის, საერთაშორისო ორგანიზაციების, სამოქალაქო საზოგადოებისა და სამეცნიერო წრეების წარმომადგენლები ესწრებოდნენ.

18 სექტემბერი 2020, 21:19

პოლიტიკა

პარლამენტმა საერთო სასამართლოების შესახებ კანონში ცვლილებები მეორე მოსმენით დაამტკიცა

პარლამენტმა საერთო სასამართლოების შესახებ კანონში ცვლილებები მეორე მოსმენით დაამტკიცა. კანონპროექტს 78-მა დეპუტატმა დაუჭირა მხარი. ასევე მესამე მოსმენით 79 ხმით დამტკიცდა საარჩევნო კოდექსი.

18 სექტემბერი 2020, 21:08

COVID19

ბათუმში შსს-ს მომსახურების სააგენტოს თანამშრომელს კორონავირუსი დაუდასტურდა

შინაგან საქმეთა სამინისტროს მომსახურების სააგენტოს ბათუმის სტრუქტურული ერთეულის თანამშრომელს კორონავირუსი დაუდასტურდა, - ინფორმაციას ძალოვანი უწყება თავად ავრცელებს. სამინისტროს ცნობით, თანამშრომლის ტესტის პასუხი დღეს გახდა ცნობილი. სააგენტოს სხვა თანამშრომლები, რომლებთანაც ინფიცირებულს ჰქონდა კონტაქტი, გადაყვანილნი არიან თვითიზოლაციაში.

გიორგი გახარია

18 სექტემბერი 2020, 21:03

ეკონომიკა

პრემიერ-მინისტრი: რიკოთის უღელტეხილი თბილისსა და ქუთაისს შეაერთებს ინფრასტრუქტურულად ისე, რომ ხარისხობრივად შეცვლის საქართველოს განვითარების სისწრაფეს

რიკოთის უღელტეხილი არის ის, რაც დასავლეთ და აღმოსავლეთ საქართველოს, თბილისსა და ქუთაისს შეაერთებს ინფრასტრუქტურულად ისე, რომ ხარისხობრივად შეცვლის საქართველოს განვითარების სისწრაფეს, ყველა განზომილებით, - ამის შესახებ საქართველოს პრემიერ-მინისტრმა გიორგი გახარიამ დღეს, ქუთაისში, მაჟორიტარი დეპუტატობისა და მერობის კანდიდატების წარდგენისას განაცხადა.

18 სექტემბერი 2020, 20:58

COVID19

ბოლო 24 საათში ესპანეთში კორონავირუსის 4 697 ახალი შემთხვევა დადასტურდა

ესპანეთის ჯანდაცვის სამინისტროს ინფორმაციით, ქვეყანაში გასული დღე-ღამის განმავლობაში კორონავირუსის 4 697 ახალი შემთხვევა დადასტურდა, ხოლო 90 ადამიანი გარდაიცვალა.

18 სექტემბერი 2020, 20:55

სამართალი

შსს-მ თამაზ მეჭიაურის მძღოლის მიერ თვითმკვლელობის მცდელობის ფაქტზე გამოძიება დაიწყო

„ჩატარებული საგამოძიებო ღონისძიებებით დადგინდა, რომ 1997 წელს დაბადებულმა გ.ხ.-მ მიმდინარე წლის 17 სექტემბერს თვითმკვლელობა სცადა. გამოძიების ფარგლებში ჩატარდა გ.ხ.-ს დედისა და სხვა მოწმეთა გამოკითხვები. პოლიცია განაგრძობს ყველა იმ პირის გამოკითხვას, ვინც შესაძლოა გამოძიებისთვის საინტერესო ინფორმაციას ფლობდეს“ - აცხადებენ უწყებაში.

18 სექტემბერი 2020, 20:50

მსოფლიო

გაეროს ადამიანის უფლებათა საბჭო ბელარუსის ხელისუფლებას ოპოზიციასთან დიალოგის დაწყებისკენ მოუწოდებს

გაეროს ადამიანის უფლებათა საბჭო ბელარუსის ხელისუფლებას ოპოზიციის საკოორდინაციო საბჭოსთან დიალოგის დაწყებისკენ მოუწოდებს. ამის შესახებ საბჭოს მიერ მიღებულ რეზოლუციაშია ნათქვამი.

18 სექტემბერი 2020, 20:49

პოლიტიკა

„ქართულმა ოცნებამ“ მოსახლეობას ქუთაისის მაჟორიტარი დეპუტატობისა და მერობის კანდიდატები წარუდგინა

ქუთაისში, მმართველმა პარტიამ მოსახლეობას ქუთაისის მაჟორიტარი დეპუტატობის კანდიდატი, ზაზა ლომინაძე და ქუთაისის მერობის კანდიდატი, იოსებ ხახალეიშვილი წარუდგინა. წარდგენას „ქართული ოცნების“ გენერალური მდივანი კახა კალაძე, პრემიერ-მინისტრი გიორგი გახარია და პარტიის სხვა ლიდერები ესწრებოდნენ.

18 სექტემბერი 2020, 20:40

COVID19

კლინიკა „ბომონდში“ ერთი კოვიდინფიცირებულის მდგომარეობა კრიტიკულია

ქუთაისში, კლინიკა „ბომონდში” 66 კოვიდინფიცირებული მკურნალობს. პაციენტებს შორის 14 ბავშვი, 4 ორსულია. სტაციონარში მოთავსებულ პირებს შორისაა ქუთაისის ერთ-ერთ სავაჭრო ცენტრში დასაქმებული რამდენიმე პირი.

კახა კალაძე

18 სექტემბერი 2020, 20:40

რეგიონი

კახა კალაძე: ქუთაისი საქართველოს ინტელექტუალური და კულტურული დედაქალაქის ისტორიულ ფუნქციას დაიბრუნებს

ქუთაისში თავმოყრილნი იქნებიან საუკეთესო ახალგაზრდები მთელი ქვეყნიდან და აქ განათლებამიღებული ახალგაზრდები სხვა სიმაღლეზე აიყვანენ ჩვენი ქვეყნის განვითარებას, - ამის შესახებ „ქართული ოცნების“ გენერალურმა მდივანმა, კახა კალაძემ ქუთაისში, მაჟორიტარი დეპუტატობისა და მერობის კანდიდატების წარდგენისას განაცხადა.

18 სექტემბერი 2020, 20:39

სამართალი

თამაზ მეჭიაურის მძღოლმა თვითმკვლელობა სცადა

თამაზ მეჭიაურის მძღოლმა თვითმკვლელობა სცადა. ახალგაზრდა კაცის ოჯახი მომხდარში ხევსურთსოფლის რწმუნებულს ადანაშაულებს, რომელიც ასევე მეჭიაურის თანაგუნდელია. დაზარალებული კრიტიკული მდგომარეობით რეანიმაციაშია.

18 სექტემბერი 2020, 20:31

COVID19

ბოლო 24 საათში ​ოკუპირებულ აფხაზეთში კორონავირუსის 43 ახალი შემთხვევა დადასტურდა

გასული დღე-ღამის განმავლობაში ოკუპირებულ აფხაზეთში კორონავირუსის 43 ახალი შემთხვევა დადასტურდა. ამის შესახებ ინფორმაციას ე.წ. ოპერატიული შტაბი ავრცელებს.

ალეხანდრო ხიამატეი

18 სექტემბერი 2020, 20:25

COVID19

გვატემალის პრეზიდენტს კორონავირუსი დაუდასტურდა

გვატემალის პრეზიდენტს, ალეხანდრო ხიამატეის კორონავირუსი დაუდასტურდა. ინფორმაციას ამის შესახებ საინფორმაციო სააგენტო Reuters-ი ავრცელებს.

გიორგი გახარია

18 სექტემბერი 2020, 20:21

პოლიტიკა

გიორგი გახარია: ჩვენ არ გვინდა წარსულზე საუბარი, რადგან არავის ვეჯიბრებით და ვედრებით

ჩვენ არ გვინდა საუბარი წარსულზე, რადგან არავის ვეჯიბრებით და ვედრებით. ჩვენ ჩვენი გასაკეთებელი გვაქვს ძალიან ბევრი და ამას წყნარად, მშვიდად ვაკეთებთ, - ამის შესახებ საქართველოს პრემიერ-მინისტრმა, გიორგი გახარიამ ქუთაისში, მაჟორიტარი დეპუტატობისა და მერობის კანდიდატების წარდგენისას განაცხადა.

18 სექტემბერი 2020, 20:14

COVID19

ბოლო 24 საათში იტალიაში კორონავირუსის 1 907 ახალი შემთხვევა დადასტურდა

იტალიის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 1 907 ახალი შემთხვევა დადასტურდა, ხოლო 10 ადამიანი გარდაიცვალა.

18 სექტემბერი 2020, 20:13

COVID19

გურიაში კორონავირუსის ოთხი ახალი შემთხვევა გამოვლინდა

გურიაში კორონავირუსის ოთხი ახალი შემთხვევა გამოვლინდა. დაავადებათა კონტროლის საზოგადოებრივი ჯანმრთელობის ეროვნული ცენტრის გურიის განყოფილების ხელმძღვანელის, არჩილ მჟავიას ინფორმაციით, ოთხივე შემთხვევა ოზურგეთს უკავშირდება.

18 სექტემბერი 2020, 20:08

COVID19

დიდ ბრიტანეთში ბოლო 24 საათში კორონავირუსის 4 322 ახალი შემთხვევა დადასტურდა

დიდი ბრიტანეთის ჯანდაცვის დეპარტამენტის მონაცემებით, ქვეყანაში გასული დღე-ღამის განმავლობაში კორონავირუსის 4 322 ახალი შემთხვევა დადასტურდა, რაც 8 მაისიდან ინფიცირების ყველაზე მაღალი დღიური მაჩვენებელია.