imedi /  23 ნოემბერი 2020, 14:21 / სანდო წყარო

ბიძინა კულუმბეგოვი: საავადმყოფო სჭირდება მხოლოდ იმ ადამიანს, ვისაც ესაჭიროება ჟანგბადი, ყველა სხვა პაციენტი უნდა იყოს ბინაზე

ბიძინა კულუმბეგოვი

ბიძინა კულუმბეგოვი

ჩვენ შეუსაბამობა გვაქვს დაავადებულ პაციენტებს შორის მძიმე და კრიტიკულ პაციენტებს შორის და რეანიმაციულ საწოლებს შორის. ბუნებრივად დგება ამ შემზღუდავი ღონისძიებების შემოღების აუცილებლობა, - ამის შესახებ ინფექციონისტმა ბიძინა კულუმბეგოვმა განაცხადა. მისი აზრით, საქართველოში ეპიდვითარება კრიტიკულ ზღვარს უახლოვდება.

„ერთადერთი, მსოფლიოში ქვეყნები მსჯელობენ და დავობენ, ეს ადრე ხომ არ ჯობდა, ხომ არ გვიანდება. რასაკვირველია, ამაზე შეიძლება ვიდავოთ, მაგრამ ლოკდაუნი და შეზღუდვები გვჭირდება თუ არა, ეს არის უბრალოდ ობიექტური მოცემულობა. სახელმწიფო ვერ დაელოდება, ადამიანები სახლში ჟანგბადის გარეშე როდის გარდაიცვლებიან. ამის დაშვება უბრალოდ არ შეიძლება. ამიტომ, სამწუხაროდ, ვუახლოვდებით კრიტიკულ ზღვარს იმიტომ, რომ დღითიდღე რთულდება პაციენტების ჰოსპიტალში მოთავსება“, - ამბობს კულუმბეგოვი.

მისი თქმით, არის ფაქტები, როდესაც მოქალაქეები იმ შემთხვევაშიც კი ცდილობენ ახლობლების კლინიკაში მოთავსებას, როდესაც ეს აუცილებელი არ არის.

„რეალურად საავადმყოფო სჭირდება მხოლოდ იმ ადამიანს, ვისაც ესაჭიროება ჟანგბადი. ყველა სხვა პაციენტი უნდა იყოს ბინაზე. მაგრამ ეს ძალიან რთულია ჯერჯერობით საქართველოში. 35%-ზე მეტი რჩება საავადმყოფოში, როდესაც მსოფლიოს ყველა განვითარებულ ქვეყანაში პაციენტების ჰოსპიტალიზაციის რიცხვი არის 15%-დან მაქსიმუმ 20%-მდე“, - აღნიშნავს ინფექციონისტი.

ამ დროისთვის საქართველოში კორონავირუსის 108 690 შემთხვევაა დადასტურებული. გამოჯანმრთელებულთა რაოდენობა 89 170-ს შეადგენს. გარდაიცვალა 1 012 მოქალაქე.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

ყველა სიახლე

მამუკა მდინარაძე

28 იანვარი 2021, 12:51

პოლიტიკა

მამუკა მდინარაძე: ჩვენ არ ვართ კორუფციისგან თავისუფალი ქვეყანა, მაგრამ ამ მიმართულებით ძალიან კარგი მონაცემები გვაქვს

„კორუფციის აღქმის ინდექსთან დაკავშირებით ჩვენ გვაქვს კარგი მაჩვენებელი, იქიდან გამომდინარე, რომ ამ მიმართულებით მიდის კარგი მუშაობა. ​​ეს იმას არ ნიშნავს, რომ ჩვენ კორუფციისგან თავისუფალი ქვეყანა ვართ. ჩვენ არ ვართ კორუფციისგან თავისუფალი ქვეყანა, მაგრამ ამ მიმართულებით ძალიან კარგი მონაცემები გვაქვს. ეს კარგი მუშაობის შედეგია, მათ შორის სამართალდამცავი ორგანოების, მათ შორის კარგი მენეჯმენტის, მაგრამ ამ მიმართულებით ძალიან ბევრი ლოკალური გამოწვევა წინ გვაქვს“, - განაცხადა მდინარაძემ.

მამუკა მდინარაძე

28 იანვარი 2021, 12:48

პოლიტიკა

მამუკა მდინარაძე: თუ ასე ნერვიულობენ მანდატების გაუქმებაზე, გაბრაზებული პათოსით საუბარს თავი დაანებონ, ჯობს გაიტანონ განცხადებები და შეცვალონ პოზიცია

კიდევ ერთი სხდომა იქნება, თუმცა ჯერჯერობით ასეთი გადაწყვეტილებაა. განსხვავებული აზრები, რა თქმა უდნა, არსებობს, მაგრამ უმრავლესობის განწყობაა, რომ შეუწყდეთ მანდატები. მყარი არგუმენტი გვაქვს, მათ ეს სურთ. ცოტა რთულია მათი ნების საწინააღმდეგოდ იმოქმედო, - ამის შესახებ ფრაქცია „ქართული ოცნების“ თავმჯდომარემ ჟურნალისტებთან საუბრისას განაცხადა. მამუკა მდინარაძის თქმით პარლამენტში არშემოსული დეპუტატებისთვის მანდატების გაუქმების გადაწყვეტილება უმრავლესობაში უკვე ჩამოყალიბებულია.

გიორგი ცუცქირიძე

28 იანვარი 2021, 12:38

პოლიტიკა

გიორგი ცუცქირიძე: რეგიონში ჩვენთან კორუფციის ყველაზე დაბალი დონეა, ამასთან ევროკავშირის 9 ქვეყანაზე წინ ვართ

საფინანსო საკითხების ექსპერტის, პროფესორ გიორგი ცუცქირიძის განცხადებით, ქვეყანაში კორუფციის დონის შეფასებისას ხშირად პოლიტიკური ხასიათის სპეკულაციები ხდება. ამის შესახებ ცუცქირიძემ მედიაჰოლდინგ „კვირას“ პრესკლუბში სტუმრობისას განაცხადა. ცუცქირიძე ორგანიზაცია „საერთაშორისო გამჭვირვალობის“ მიერ გამოქვეყნებულ მონაცემებს გამოეხმაურა, რომელიც კორუფციის აღქმის ინდექსს ეხება.

მამუკა მდინარაძე

28 იანვარი 2021, 12:37

პოლიტიკა

მამუკა მდინარაძე: არ შეიძლება ამ ქვეყანაში იყო ბოკერიას მომხრე და ბოკერიას ჭკუაზე დადიოდე

„ისინი, ბოდიში ამ ტერმინისთვის, მაგრამ მათივე ენაზე ვიტყვი, „აპრავებენ“ ძალადობას, ყოველ შემთხვევაში ამის მცდელობა აქვთ. ადრე გახსოვთ, მან (ბოკერიამ) თქვა „ლეგიტიმური ძალადობა“ თუ რაღაც მსგავსი. შესაბამისად, ისინი ამ ლეგიტიმაციას ვერ შესძენენ ვერც ძალადობას, ვერც სიცრუეს, ვერც ვითომ გაყალბებულ არჩევნებს. და ადამიანმა, რომელმაც საკუთარი პარტია ჩამოაქცია და ახლა ქვეყნის ჩამოქცევას ცდილობს, არ შეიძლება ვალდებულება დააკისროს ვიღაცას ან რევოლუციაში მონაწილეობის, ან ძალადობის, ან სიცრუის ტირაჟირების, ან მისი მომხრეობის“, - განაცხადა მდინარაძემ.

მამუკა მდინარაძე

28 იანვარი 2021, 12:35

პოლიტიკა

მამუკა მდინარაძე გიგა ბოკერიაზე: 3%-იანი პარტიის უმანდატო ლიდერი რომ მოუწოდებს საზოგადოებას რევოლუციისკენ, ეს როგორც მინიმუმ, სასაცილოა

3%-იანი პარტიის უმანდატო ლიდერი რომ მოუწოდებს საზოგადოებას რევოლუციისკენ, ეს როგორც მინიმუმ, სასაცილოა, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა, რითაც „ძალადობრივი, მაგრამ ლეგიტიმური რევოლუციის“ შესახებ „ევროპული საქართველოს“ ლიდერის, გიგა ბოკერიას განცხადებას გამოეხმაურა.

სადირ ჟაპაროვი

28 იანვარი 2021, 12:29

მსოფლიო

სადირ ჟაპაროვი ყირგიზეთის პრეზიდენტის მოვალეობის შესრულებას ოფიციალურად შეუდგა

ყირგიზეთის ახალი პრეზიდენტი, სადირ ჟაპაროვი პრეზიდენტის მოვალეობის შესრულებას ოფიციალურად შეუდგა.

ბიძინა ივანიშვილი

28 იანვარი 2021, 12:24

პოლიტიკა

Contrepoints-ი: საქართველოს დემოკრატია დღეს მყარად დგას ფეხზე, როგორც ცხადყოფს სამჯერ ზედიზედ ჩატარებული თავისუფალი და სამართლიანი არჩევნები

როგორც სტატიის ავტორი აცხადებს, საქართველოსა და დასავლეთს შორის დიდი რუდუნებით შექმნილი სულ უფრო მჭიდრო ურთიერთობები, პირველ რიგში, ყოფილი პრემიერ-მინისტრის, ბიძინა ივანიშვილის დამსახურებაა, რომელმაც მას შემდეგ, რაც ქართული ოცნების პარტიამ 2020 წლის ოქტომბერში გაიმარჯვა საპარლამენტო არჩევნებში, განაცხადა, რომ სამუდამოდ ტოვებს პოლიტიკას და ასპარეზს ახალგაზრდებს უთმობს.

28 იანვარი 2021, 12:20

COVID19

რუსეთში კორონავირუსის 19,138 შემთხვევა გამოვლინდა

რუსეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 19,138 ახალი შემთხვევა დადასტურდა, ხოლო 575 პაციენტი გარდაიცვალა. პანდემიის დაწყებიდან დღემდე, რუსეთში კორონავირუსის 3,793,810 შემთხვევა გამოვლინდა, ხოლო 71,651 ადამიანი გარდაიცვალა.

გიორგი მანჯგალაძე

28 იანვარი 2021, 12:20

სამართალი

გენერალურ პროკურატურაში დავით გარეჯის საქმეზე გიორგი მანჯგალაძეს კითხავენ

გენერალურ პროკურატურაში დავით გარეჯის საქმეზე საქართველოს საგარეო საქმეთა მინისტრის ყოფილი მოადგილის, გიორგი მანჯგალაძის გამოკითხვა მიმდინარეობს. უწყებაში შესვლამდე მანჯგალაძეს და მის ადვოკატს კომენტარი არ გაუკეთებიათ.

დავით სერგეენკო

28 იანვარი 2021, 12:18

პოლიტიკა

დავით სერგეენკო ოპოზიციის მანდატებზე: ყველას უნდა მიეცეს შესაძლებლობა, გამოიყენოს პარლამენტის ტრიბუნა

ჩემი განწყობა ისეთია, რომ კარები არ უნდა დაიხუროს და ყველა შესაძლებლობა მაქსიმალურად უნდა იყოს გამოყენებული, რომ ოპოზიცია შემოვიდეს პარლამენტში, - ამის შესახებ პარლამენტის ვიცე-სპიკერმა, დავით სერგეენკომ განაცხადა.

28 იანვარი 2021, 12:08

COVID19

უკრაინაში კორონავირუსის 5,529 შემთხვევა გამოვლინდა

ბოლო 24 საათის განმავლობაში უკრაინაში კორონავირუსი კიდევ 5,529 ადამიანს დაუდასტურდა, 149 ინფიცირებული კი გარდაიცვალა. ინფორმაციას ქვეყნის ჯანდაცვის სამინისტრო ავრცელებს. ჯამში ქვეყანაში კორონავირუსი 1,206,412 ადამიანს დაუდგინდა. COVID-19-ს სულ 22,351 პაციენტი ემსხვერპლა, 992,031 ინფიცირებული კი გამოჯანმრთელდა.

იენს სტოლტენბერგი

28 იანვარი 2021, 12:07

მსოფლიო

იენს სტოლტენბერგმა ალიანსის წევრ ქვეყნებს მოუწოდა, თავდაცვითი ხარჯების გაზრდა გააგრძელონ

ნატოს გენერალურმა მდივანმა, იენს სტოლტენბერგმა ალიანსის წევრ ქვეყნებს მოუწოდა, თავდაცვითი ხარჯების გაზრდა გააგრძელონ. ამის შესახებ იენს სტოლტენბერგმა ნატოს სამხედრო კომიტეტის სხდომაზე განაცხადა.

28 იანვარი 2021, 12:04

COVID19

სომხეთში კორონავირუსის 242 შემთხვევა გამოვლინდა

სომხეთში კორონავირუსი კიდევ 242 ადამიანს დაუდასტურდა, 11 ინფიცირებული გარდაიცვალა. ამის შესახებ ადგილობრივი მედია, ჯანდაცვის სამინისტროზე დაყრდნობით იტყობინება. სულ ქვეყანაში კორონავირუსის 166,559 შემთხვევა დადასტურდა, გარდაიცვალა 3,067 ადამიანი, გამოჯანმრთელდა - 156,645.

გიორგი გახარია

28 იანვარი 2021, 11:58

ეკონომიკა

გიორგი გახარია: კორპორატიული მართვის საუკეთესო პრაქტიკების და მაგალითების გათვალისწინებით ვიწყებთ სახელმწიფო საწარმოების რეფორმირებას

მიზანი, რომელსაც ჩვენ ვისახავთ, რომ სახელმწიფო საწარმოების მართვა იყოს კორპორატიული მართვის საუკეთესო პრაქტიკების და მაგალითების დონეზე, ეს არ არის მხოლოდ ჩვენი სურვილი, ეს არის აუცილებლობა, გამოწვეული იმ ეკონომიკური მდგომარეობით, რომელშიც დღეს ქვეყანა იმყოფება და რომელსაც გლობალური ეკონომიკური კრიზისი ჰქვია, - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომაზე განაცხადა.

ბიძინა ივანიშვილი

28 იანვარი 2021, 11:58

პოლიტიკა

Contrepoints-ი: საქართველოში მმართველი პარტიის ლიდერი მიდის პოლიტიკიდან მას შემდეგ, რაც ქვეყანა ნატოს ზღურბლთან მიიყვანა

მმართველი პარტიის ლიდერი და საქართველოს ყოფილი პრემიერ-მინისტრი ბიძინა ივანიშვილი მიდის პოლიტიკიდან იმ დროს, როცა ეს კავკასიური რესპუბლიკა უფრო ახლოსაა ნატოსა და ევროკავშირთან, ვიდრე ოდესმე, - გამოცემა Contrepoints-ი აქვეყნებს სტატიას სახელწოდებით ,,საქართველო - მმართველი პარტიის ლიდერი მიდის პოლიტიკიდან მას შემდეგ, რაც ქვეყანა ნატოს ზღურბლთან მიიყვანა“.

გიორგი გახარია

28 იანვარი 2021, 11:55

COVID19

გიორგი გახარია: 18 ათასი ტესტიდან, დადებითი მაჩვენებელია მხოლოდ 723-ზე, რაც ჩვენთვის მაინც დიდი ციფრია, თუმცა მაჩვენებელი მიუახლოვდა 4%-ს

„ჩვენ რამდენჯერმე ვთქვით, რომ, მაშინ, როდესაც ნოემბრის ბოლოს შეზღუდვები დავაწესეთ, ამას ჰქონდა კონკრეტული მიზანი. სამწუხაროდ, მაშინ ვირუსის გავრცელების დადებითობის მაჩვენებელი ქვეყანაში იყო უაღრესად მაღალი, ზოგ ქალაქებში 30%-ს გადააჭარბა. დღეის მონაცემებით, შემიძლია გითხრათ, რომ გუშინ აღებული 18 000 ტესტიდან, დადებითი მაჩვენებელია მხოლოდ 723-ზე. ეს ჩვენთვის მაინც დიდი ციფრია, თუმცა მაჩვენებელი მიუახლოვდა 4%-ს“, - განაცხადა გიორგი გახარიამ.

28 იანვარი 2021, 11:54

მსოფლიო

მსოფლიოს ყველაზე მაღალი ძაღლი 8 წლის ასაკში მოკვდა

მსოფლიო ყველაზე მაღალი ძაღლი, გერმანული დოგი სახელად ფრედი, 8 წლის ასაკში მოკვდა. ამის შესახებ ინფორმაციას „გინესის მსოფლიო რეკორდები“ ავრცელებს. ფრედი სახალხოდ ცნობილი 2016 წელს გახდა, მას შემდეგ, რაც „გინესის მსოფლიო რეკორდებმა“ ის ყველაზე მაღალ ძაღლად დაასახელა. ფრედის სიმაღლე ფეხებიდან კისრის ძირამდე 103,5 სანტიმეტრს შეადგენდა, ხოლო როცა ძაღლი უკანა ფეხებზე დააყენეს მისი სიმაღლე 226 სანტიმეტრს გაუტოლდა.

ბოტანიკური ბაღი

28 იანვარი 2021, 11:49

საზოგადოება

ეროვნულ ბოტანიკურ ბაღში ახალი მაგისტრალური ხაზი და სარეზერვო აუზები ეწყობა

საქველმოქმედო ფონდ „ქართუს“ მხარდაჭერით,საქართველოს ეროვნულ ბოტანიკურ ბაღში საირიგაციო სისტემის რეაბილიტაცია მიმდინარეობს. წლების განმავლობაში, ბოტანიკური ბაღის სარწყავი წყლით შეუფერხებელი მომარაგება მნიშვნელოვან გამოწვევას წარმოადგენდა, რაც ბაღის კოლექციების მართვაში სირთულეებს ქმნიდა.

28 იანვარი 2021, 11:44

კულტურა

„ბრიჯერტონი“ Netflix-ის ყველაზე პოპულარული სერიალი გახდა

შოუ ტოპ-ათეულში შევიდა ყველა ქვეყანაში, სადაც Netflix-ი ფუნქციონირებს, იაპონიის გარდა, ამერიკელი მწერლის, ჯულია ქუინის წიგნები კი, რომლებსაც სცენარი ეფუძნება, The New York Times-ის ბესტსელერების სიაში მოხვდა.

28 იანვარი 2021, 11:38

COVID19

ბოლო 24 საათში აშშ-ში კორონავირუსს 3 943 ადამიანი ემსხვერპლა

ჯონს ჰოპკინსის უნივერსიტეტის მონაცემებით, აშშ-ში გასული დღე-ღამის განმავლობაში კორონავირუსის 152 478 ახალი შემთხვევა დადასტურდა, ხოლო 3 943 ადამიანი ვირუსს ემსხვერპლა.