Imedi /  13 იანვარი 2021, 15:40 / სანდო წყარო

The Guardian: ინგლისის საავადმყოფოებში კრიტიკულ მდგომარეობაში მყოფი კოვიდინფიცირებულებისთვის საწოლების გამოსათავისუფლებლად ათასობით პაციენტს დროზე ადრე გაწერენ

სტაციონარებში განთავსებულ ათასობით პაციენტს გაწერა დროზე ადრე წერენ, რათა ისინი სასტუმროებში ან საკუთარ სახლებში გადაიყვანონ და სიკვდილ-სიცოცხლის ზღვარზე მყოფი კოვიდინფიცირებულებისთვის საწოლები გამოთავისუფლდეს, - ამის შესახებ ბრიტანული გამოცემა The Guardian-ი წერს.

გამოცემის ინფორმაციით, ინგლისში მოქმედი საავადმყოფოების დირექტორები პაციენტების დროზე ადრე გაწერას აპირებენ იმ მასშტაბით, რომელიც ისტორიას არ ახსოვს.

„ეს იმით არის განპირობებული, რომ საჭირო რესურსი გამოთავისუფლდეს ამ საგანგებო ვითარებაში და ეროვნული ჯანდაცვის სისტემა სრულად არ ჩამოიშალოს, - აცხადებს ჩვენი წყარო, რომელიც სისტემის ერთ-ერთი მაღალჩინოსანია. რედაქციის მიერ მოპოვებული დოკუმენტებითაც დასტურდება, რომ ეროვნული ჯანდაცვის სისტემას მოხუცებულთა სახლებისთვისაც მიუმართავს და უთხოვია, სტაციონარებიდან სახელდახელოდ გაწერილი კოვიდ ინფიცირებულები ტესტის უარყოფითი პასუხის მოთხოვნის გარეშე მიიღონ. ერთადერთი დათქმა იმაში მდგომარეობს, რომ მათთან გაგზავნილი პაციენტები იზოლაციაში 14 დღის განმავლობაში იქნებიან და სიმპტომები არ ექნებათ. ინიციატივას „სახლში ან სასტუმროში“ დაერქვა და ამჟამად სტაციონარებში მყოფ პაციენტებს დროზე ადრე წერენ. მათ სასტუმროებში დახმარებას მოხალისეთა ორგანიზაციები გაუწევენ, მაგ, წმ. იოანეს სახელობის სასწრაფო-სამედიცინო სამსახური ან ბრიტანული წითელი ჯვრის ორგანიზაცია, შეიარაღებული ძალების საველე სამედიცინო პერსონალი და ნებისმიერი სხვა პირი, რომელიც ეროვნული ჯანდაცვის სისტემიდან ამჟამად გამოთავისუფლებულია“,- წერს The Guardian-ი.

გამოცემის ინფორმაციით, ლონდონის სასტუმროების გაერთიანებამ დაიწყო კოვიდდადებითი უსახლკარო პაციენტების მიღება. მათთან პაციენტები სამეფო კოლეჯის საავადმყოფოდან გადაჰყავთ, რომელიც სამხრეთ ლონდონში მდებარეობს. მათ ათავსებენ Best Western-ის ბრენდულ სასტუმროში. მოლაპარაკებები მიმდინარეობს ეროვნული ჯანდაცვის სისტემის 20 სხვა ორგანიზაციასთან და ამ სქემით სავარაუდოდ, 5000 საწოლის მობილიზება მოხდება.

„მთავრობა ოჯახებისგან ელის მნიშვნელოვანი როლისა და ფუნქციის შესრულებას, რადგან მონიტორინგი და ახლობლებზე ზრუნვა საჭირო იქნება დღეებისა და კვირების განმავლობაში, რაც სხვა დროსა და ვითარებაში სტაციონარებში მოხდებოდა. სახლში ყოფნისას ჯანდაცვის პროფესიონალების დახმარება უზრუნველყოფილი იქნება შესაძლებლობის მიხედვით. „სახლში ან სასტუმროში“ გეგმა ამოქმედდა მას შემდეგ, რაც საავადმყოფოებმა გადატვირთვის საფრთხე დაინახეს, მით უმეტეს, მდგომარეობა ჯერ პიკური არ არის. 35 000-ზე მეტი კოვიდპაციენტი იმყოფება სტაციონარში მთელი ქვეყნის მასშტაბით. მაჩვენებელი მზარდია. მხოლოდ გასულ კვირას 6213 პაციენტის ჰოსპიტალიზაცია გახდა საჭირო. ეროვნული ჯანდაცვის სისტემის ლიდერები შიშობენ, რომ ვირუსის ახალი შტამი, რომელმაც დრამატულად გაზარდა ინფიცირების ტემპი და მასშტაბი ლონდონსა და სამხრეთ-აღმოსავლეთ ინგლისში, ბევრ საავადმყოფოს ამყოფებს შესაძლებლობათა ზღვარზე. მოსალოდნელია, რომ იგივე მოვლენები განვითარდეს სამხრეთ-დასავლეთ და ჩრდილო-დასავლეთ ინგლისში“, - წერს გამოცემა.

The Guardian-ის ინფორმაციით, ინფიცირებული სამედიცინო პერსონალის განაცდური საათების რეკორდული მაჩვენებელი და მთავრობის მიერ ინიცირებული მასობრივი ვაქცინაციის პროცესში მედიკოსების მიერ შესრულებული როლი სისტემის ხელმძღვანელობას აფიქრებინებს, რომ სახლებსა და სასტუმროებში გაწერილ პაციენტებს დიდი ზრუნვის იმედი არ უნდა ჰქონდეთ, რადგან ძალიან ცოტა მედიკოსი შეძლებს ამ ფუნქციის შესრულებას.

„თუმცა, ხელისუფლება აცხადებს, რომ პაციენტს არ გაწერენ, თუ ის რისკის ქვეშ იმყოფება. ამდენად, მათ მხოლოდ მსუბუქი ყურადღება დასჭირდებათ სახლში ან სასტუმროში. ეს სქემა იმ პაციენტებისთვის არის მოაზრებული, რომლებსაც სტაციონარში ყოფნა არ ესაჭიროებათ, მაგრამ პრინციპულია, რომ დაცულ გარემოში დარჩნენ - აცხადებს სისტემის ოფიციალური წარმომადგენელი. ინგლისის ეროვნული ჯანდაცვის სისტემა, ისევე როგორც საავადმყოფოების დირექტორები განუზომელი წნეხის ქვეშ იმყოფებიან და ნიუანსებში იხილავენ „სახლში ან სასტუმროში“ გეგმის ყველა დეტალს. ჯანდაცვის სისტემიდან ჩვენი წყარო ასევე იუწყება, რომ ეს ინიციატივა ათასობით პაციენტს შეეხება და მასობრივი ხასიათი ექნება. ეს გეგმა მოიფიქრეს ამ საგანგებო ვითარებაში საჭირო რესურსის გამოსათავისუფლებლად და მხოლოდ მას შემდეგ, რაც ამოიწურა ყველა სხვა რესურსი, მაგ. რეანიმაციული ადგილების გაორმაგება ან გასამმაგება ცნობილი მისიონერი ფლორანს ნაითინგეილის სახელობის საველე ჰოსპიტლების გამოყენებით“, - ნათქვამია სტატიაში.

გამოცემის ინფორმაციით, ლონდონის სასტუმროების გაერთიანება აცხადებს, რომ მისი ობიექტები მინიმუმ 5000 საწოლს შესთავაზებს სტაციონარიდან დროზე ადრე გაწერილ პაციენტებს.

„აქედან 1500 საწოლი ლონდონშია კონცენტრირებული. გაერთიანების გენერალური დირექტორი მეიერ ნეუები აცხადებს, რომ შეეცდება მათი მართვის ქვეშ მყოფი ყველა ქსელის სასტუმროებში გამოათავისუფლოს საწოლები, რათა ამ კრიტიკულ დროს პოსტ-ჰოსპიტალური ჯაჭვი შეიკრას. ლონდონის სასტუმროების გაერთიანების პრესსპიკერის ინფორმაციით,
სტაციონარებიდან გაწერილი პაციენტები ამ ეტაპზე უკვე გამოჯანმრთელებული ან გამოჯანმრთელების პროცესში არიან. სამედიცინო თვალსაზრისით, მათი გაწერა დასაშვებია და მათ რაიმე სპეციალური სამედიცინო ზედამხედველობა ან სპეციალისტის ყურადღება არ ესაჭიროებათ, თუმცა მათი სახლებში დაბრუნება ჯერ ადრეა. ამ სქემით სტაციონარებში არსებული საწოლების და სამკურნალო პროფილის საკადრო რესურსის გამოთავისუფლება მოხდება, თან სასტუმროებისთვის რთული არ უნდა იყოს მათი დაბინავება. თუმცა, ამ გეგმამ წინააღმდეგობები წამოქმნა, რადგან პაციენტების ჯგუფები მის სამომავლო ეფექტსა და გავლენას უფრთხიან. პაციენტების ასოციაციის თავმჯდომარე ლუსი ვატსონი აცხადებს, რომ სიტუაცია საშიშია, რადგან ეროვნული ჯანდაცვის სისტემას არ გააჩნია კარგი არჩევანის შემოთავაზების შესაძლებლობა. საავადმყოფოებიდან პაციენტების დროზე ადრე გაწერა სავარაუდოდ ერთერთია იმ მწირი შესაძლებლობებიდან, რომელიც ამ მასშტაბის დილემისას შეუძლია შემოგვთავაზოს. პაციენტების დროზე ადრე გაწერამ შეიძლება პრობლემები წარმოქმნას, რაც ზიანის მომტანი იქნება პაციენტებისთვის და მათი საავადმყოფოებში შემოტრიალება საჭირო გახადოს. მოხალისეების მიერ სასტუმროებში ინფიცირებულებზე ზრუნვა არ არის სტაციონარული მკურნალობის ადეკვატური ალტერნატივა. თუმცა, როდესაც საავადმყოფოები გადავსებულია კრიტიკულ მდგომარეობაში მყოფი პაციენტებით და მასიურად წარმოებს ბრძოლა სიცოცხლის გადასარჩენად, აშკარაა, რომ სისტემის წარმომადგენლებს სასოწარკვეთილი არჩევანის გაკეთება უწევთ“, - წერს გამოცემა.

The Guardian-ის ინფორმაციით, ჯანდაცვის საქველმოქმედო ორგანიზაციების ქოლგისებური ჯგუფის გენერალური დირექტორი და პროფესიით ექიმი შარლოტ ოგსტი აცხადებს, რომ კითხვები არსებობს იმის თაობაზე, თუ საიდან მოხდება ამ გაწერილი პაციენტების დამხმარე და მკურნალი კადრების უზრუნველყოფა და როგორ მოხდება ხარვეზების აღმოფხვრა, როდესაც ცხელი ხაზი 111 ან 999 დიდი შეფერხებებით მუშაობს.

„ჩვენი აზრით, ეს შემოთავაზება იმას ცხადყოფს, რომ ეროვნული ჯანდაცვის სისტემის ლიდერებს უწევთ შეუძლებელი გადაწყვეტილებების მიღება იმ უდიდესი წნეხის პირობებში, რომელიც სისტემაში არსებობს ამ ახალი ლოქდაუნის დროს. ახლა უკვე ძალიან გვიანია ეროვნული ჯანდაცვის სისტემის დაცვა და საყოველთაო ჯანდაცვის მიზნით მაღალი ხარისხის მომსახურების გაწევა. ჯანდაცვის ყოფილი მინისტრი ჯერემი ჰანტი, რომელიც ახლა თემთა პალატის ჯანდაცვის კომიტეტის თავმჯდომარეა, სამშაბათს აცხადებდა, რომ ეროვნული ჯანდაცვის სისტემა „სამმაგი დილემის“ წინაშე იმყოფება და სახიფათო მდგომარეობა იქმნება წლევანდელ ზამთარს, რადგან თებერვლამდე გაიწელება და აზვირთდება დატვირთვა. ეროვნული ჯანდაცვის სისტემის პროვაიდერების გენერალური დირექტორი კრის ჰოპსონი აცხადებს, რომ სატრასტო ორგანიზაციები გააფართოებენ შესაძლებლობებს, თუმცა „სათემო ორგანიზაციებთან და სოციალური ზრუნვის სფეროში მოქმედ პარტნიორებთან მჭიდრო მუშაობა იქნება საჭირო გაწერილი პაციენტების საჭიროებათა მაქსიმალური დაკმაყოფილებისთვის“. პარალელურად, ეროვნული ჯანდაცვის სისტემა მოხუცებულთა სახლებს სთხოვს კოვიდ ინფიცირებული პაციენტების მიღების დაწყებას უშუალოდ საავადმყოფოებიდან, თან ტესტის პასუხის მოთხოვნის გარეშე. პოლიტიკა შემდეგში მდგომარეობს: კოვიდინფიცირებული პაციენტების გაწერა მოხდეს საგანგებოდ მონიშნულ მოხუცებულთა სახლებში, სადაც ინფიცირების შესაძლებლობა შეზღუდულია და ამგვარად აღიკვეთოს გასული წლის გაზაფხულზე მოხუცებულთა სახლებში განვითარებული მოვლენები, რაც ნაწილობრივ სწორედ სტაციონარებიდან პაციენტების გაწერით იყო გამოწვეული. თავიდან გეგმა გულისხმობდა 500 ამგვარი ობიექტის მოძიებას, თუმცა ამჟამად მხოლოდ 2533 საწოლია ხელმისაწვდომი. ეროვნული ჯანდაცვის სისტემის დოკუმენტი, რომელიც ზოგიერთ ამგვარ დაწესებულებას დაეგზავნა, იუწყება, რომ „ჩვენი ამჟამინდელი მოწოდებაა ჯგუფის ზოგიერთმა წარმომადგენელმა ობიექტმა უშუალოდ სტაციონარებიდან მიიღოს დროზე ადრე გაწერილი პაციენტები... რადგან ამჯერად დანამდვილებით ვიცით, რომ ისინი ინფიცირების რისკის მატარებლები არ არიან და თქვენი მოხუცებულთა სახლების ამჟამინდელი ბინადრებისთვის საფრთხეს არ წარმოადგენენ“, - წერს The Guardian-ი.

გამოცემის ცნობით, თუ კლინიცისტები პაციენტს ახალ სიმპტომებს არ დაუდგენენ და იზოლაციის პერიოდი ამეწურებათ, სტაციონარებიდან მათი დროზე ადრე გაწერა შესაძლებელი იქნება პირდაპირ მოხუცებულთა სახლებში და ამისთვის ბოლო 48 საათში ტესტის ჩატარება ან უარყოფითი პასუხი არ იქნება საჭირო.

The Guardian-ი აღნიშნავს, რომ ამ თემაზე კომენტარებისთვის ჯანდაცვისა და სოციალური ზრუნვის სამინისტროსაც მიმართა, თუმცა ამაოდ.

https://www.theguardian.com/society/2021/jan/12/hospital-patients-to-be-sent-to-hotels-to-free-up-beds-for-critical-covid-patients?CMP=fb_gu&utm_medium=Social&utm_source=Facebook#Echobox=1610493203

ყველა სიახლე

კახა კალაძე

27 სექტემბერი 2022, 12:13

პოლიტიკა

კახა კალაძე: მძიმეა დღევანდელი დღე, თუმცა ჩვენი გმირი მეომრების თავგანწირვა და საქართველოს ულამაზესი კუთხის - აფხაზეთის სიყვარული გვავალდებულებს, ნაბიჯ-ნაბიჯ, მშვიდობიანი გზით აღვადგინოთ ჩატეხილი ხიდი აფხაზ დებთან და ძმებთან

27 სექტემბერი ჩვენი უახლესი ისტორიის ერთ-ერთი ყველაზე ტრაგიკული თარიღია, რომლის უკან უამრავი ადამიანის სიცოცხლე, დევნილად ქცეული ოჯახები და ოკუპირებული ტერიტორია დგას, - ამის შესახებ თბილისის მერი, კახა კალაძე სოციალურ ქსელში წერს. მისი თქმით, საქართველოს ისტორია გმირების ისტორიაა.

27 სექტემბერი 2022, 12:05

რეგიონი

ილია ბეგიაშვილი: კახეთში, დაახლოებით, 120 მილიონი ლარის ინფრასტრუქტურული პროექტი ხორციელდება

საპილოტე რეგიონების ინტეგრირებული განვითარების პროგრამის (PIRDP-ის) პროექტების მონიტორინგის მიზნით, კახეთის რეგიონის 7 მუნიციპალიტეტი ადგილობრივ ხელისუფლებასთან ერთად მოინახულეს საქართველოს რეგიონული განვითარებისა და ინფრასტრუქტურის მინისტრის მოადგილეებმა - მზია გიორგობიანმა და ილია ბეგიაშვილმა. სულ, კახეთის რეგიონში PIRDP-ის ფარგლებში, 54,293,782 ლარის 35 პროექტია დაფინანსებული.

27 სექტემბერი 2022, 12:01

პოლიტიკა

თბილისში, პროკურორთა საერთაშორისო ასოციაციის (IAP) 27-ე წლიური კონფერენცია მიმდინარეობს

თბილისში, პროკურორთა საერთაშორისო ასოციაციის (IAP) 27-ე წლიური კონფერენცია „გლობალური მოვლენები, რომლებმაც შეცვალეს სისხლის სამართლის მართლმსაჯულების სისტემები" მიმდინარეობს. კონფერენციას, რომელიც 25-29 სექტემბერს იმართება, საქართველოს პროკურატურა მასპინძლობს.

27 სექტემბერი 2022, 11:59

მსოფლიო

კუბაზე ერთნაირსქესიანთა ქორწინება დააკანონეს

კუბის პრეზიდენტმა მიგელ დიას-კანელმა ახალ კოდექს „სამართლიანი, აუცილებელი და თანამედროვე კანონი“ უწოდა, რომელიც ყველას აძლევს უფლებებსა და გარანტიებს. „სიყვარული - ახლა ეს კანონია“, - განაცხადა პრეზიდენტმა.

27 სექტემბერი 2022, 11:56

პოლიტიკა

ირაკლი კობახიძე ევროკავშირის აღმოსავლეთ ევროპისა და ცენტრალური აზიის სამუშაო ჯგუფის წევრებს შეხვდა

საპარლამენტო უმრავლესობის ლიდერმა ირაკლი კობახიძემ ევროკავშირის აღმოსავლეთ ევროპისა და ცენტრალური აზიის სამუშაო ჯგუფის (COEST) წევრებთან გამართა შეხვედრა, - ამის შესახებ ინფორმაციას პარლამენტის პრესსამსახური ავრცელებს. მათივე ინფორმაციით, შეხვედრაზე საუბარი ევროკავშირის 12 რეკომენდაციის შესრულების მიმდინარეობას შეეხო.

ნეკა დოროყაშვილი

27 სექტემბერი 2022, 11:51

სამართალი

ნელი დოროყაშვილი ნიკოლოზ ბასილაშვილის კითხვებს უპასუხებს

ნელი დოროყაშვილი ნიკოლოზ ბასილაშვილის კითხვებს უპასუხებს. პროცესი საქალაქო სასამართლოში მიმდინარეობს. დოროყაშვილის განცხადებით, მის მიერ ფარულად გადაღებული აუდიო და ვიდეო მასალა ძალადობას ადასტურებს. ადვოკატები კი ამბობენ, რომ დოროყაშვილს ბასილაშვილის კარიერის განადგურება სურს და მტკიცებულებები არც ფსიქოლოგიურ და არც ფიზიკურ ძალადობას არ ადასტურებს.

27 სექტემბერი 2022, 11:47

პოლიტიკა

შალვა პაპუაშვილი ავსტრიის პარლამენტის სამხრეთ კავკასიასთან თანამშრომლობის ჯგუფის წევრებს შეხვდა

საქართველოს პარლამენტის თავმჯდომარე შალვა პაპუაშვილი ავსტრიის პარლამენტის სამხრეთ კავკასიასთან თანამშრომლობის ჯგუფის წევრებს შეხვდა.

ვახტანგ გომელაური

27 სექტემბერი 2022, 11:38

საზოგადოება

ვახტანგ გომელაური: დღევანდელი დღე ძალიან მძიმეა - მაშინ 17 წლის ვიყავი და ძალიან კარგად მახსოვს, სრულიად საქართველოსთვის, რამხელა ტკივილი და ტრაგედია იყო

შინაგან საქმეთა მინისტრმა ვახტანგ გომელაურმა, სოხუმის დაცემის დღესთან დაკავშირებით, გმირთა მოედანზე, საქართველოს ერთიანობისთვის ბრძოლაში დაღუპულ გმირთა ხსოვნას პატივი მიაგო.

კახა კალაძე, ირაკლი ღარიბაშვილი, შალვა პაპუაშვილი

27 სექტემბერი 2022, 11:35

საზოგადოება

პრემიერ-მინისტრმა საქართველოს ერთიანობისთვის ბრძოლაში დაღუპულ გმირთა ხსოვნას პატივი მიაგო

საქართველოს პრემიერ-მინისტრი ირაკლი ღარიბაშვილი საქართველოს ერთიანობისთვის ბრძოლაში დაღუპულ გმირთა მემორიალთან იმყოფებოდა. მთავრობის მეთაურმა მემორიალი გვირგვინით შეამკო და დაღუპულების ხსოვნას პატივი მიაგო.

ვახტანგ გომელაური

27 სექტემბერი 2022, 11:35

სამართალი

ვახტანგ გომელაურის განცხადებით, „ნაციონალურ მოძრაობაში“ მომხდარი დაპირისპირების ფაქტზე გამოძიება დაიწყო

შინაგან საქმეთა მინისტრის, ვახტანგ გომელაურის განცხადებით, „ნაციონალურ მოძრაობაში“ მოხდარი დაპირისპირების ფაქტზე საქმე აღიძრა და მიმდინარეობს გამოძიება. როგორც შს მინისტრმა განაცხადა, ფაქტზე გამოძიება გუშინ დაიწყო.

27 სექტემბერი 2022, 11:35

ეკონომიკა

ქართული კომპანიები ტყავის საერთაშორისო გამოფენაზე Micam & Mipel Milano წარდგნენ

სააგენტოს ,,აწარმოე საქართველოში" ექსპორტის მიმართულების მხარდაჭერით, ქართულმა კომპანიებმა მილანის საერთაშორისო გამოფენაზე „Micam & Mipel Milano” დასწრება შეძლეს, სადაც ქართულმა პროდუქციამ დიდი დაინტერესება გამოიწვია.

27 სექტემბერი 2022, 11:34

სამართალი

ვახტანგ გომელაური: რუსეთიდან შემოსულთა რიცხვმა 40-45%-ით მოიმატა, თუმცა შემოსულთა 60 პროცენტი საქართველოდან გადის

„ტყუილია, ამდენი არ შემოსულა. საიდან მოგაქვთ ეს ციფრები არ ვიცი. დაახლოებით 4-5 დღის წინ იყო 5-6 ათასი შემომსვლელი [დღიურად] და ახლა გაიზარდა დაახლოებით 10 ათასამდე. სადღაც 40-45%-ით მოიმატა და არ არის 250 ათასი და 2 მილიონი. არ ვიცი საიდან მოგაქვთ ეს ციფრები. დაახლოებით 60% [საქართველოდან] გადის“, - განაცხადა მინისტრმა.

ვახტანგ გომელაური

27 სექტემბერი 2022, 11:23

პოლიტიკა

ვახტანგ გომელაური: დამაბრალეს, თითქოს ნინო გვენეტაძის გადასაყენებლად თათბირებს ვატარებდი, ეს აბსურდული ტყუილია

„ისეთი რაღაცები დამაბრალეს, სიმართლე რომ გითხრათ, უფრო მძიმე ბრალდებას ველოდი. ახლა ახალი მოიგონეს. ეს აბსურდული ტყუილია. ასეთი რაღაც არასდროს არ ყოფილა“, - ასე ეხმიანება შინაგან საქმეთა მინისტრი ერთ-ერთი მედიასაშუალების მიერ გავრცელებულ ინფორმაციას, რომლის თანახმადაც, ვახტანგ გომელაური, ნინო გვენეტაძის გადასაყენებლად, თათბირებს ატარებდა.

გიგა ბოკერია

27 სექტემბერი 2022, 11:13

პოლიტიკა

გიგა ბოკერია: ჩვენი მორალური ვალია გვახსოვდეს ადამიანები, რომლებმაც თავი შესწირეს ჩვენი ქვეყნის თავისუფლებასა და მთლიანობას

„ბუნებრივია, ჩვენი მორალური ვალია გვახსოვდეს ადამიანები, რომლებმაც თავი შესწირეს ჩვენი ქვეყნის თავისუფლებასა და მთლიანობას და ის ადამიანები - დევნილები, ვისზეც გადატყდა ყველაზე მეტი წამება და გამოიარა გენოციდი“, - განაცხადა ბოკერიამ.

ნანა კაკაბაძე

27 სექტემბერი 2022, 11:04

პოლიტიკა

ნანა კაკაბაძე არასამთავრობოებზე: მათი ძირითადი მოთხოვნა ქვეყანაში ფსევდო ლიბერალური ღირებულებების დამკვიდრება და გაბატონებაა

არასამთავრობო ორგანიზაცია „ყოფილი პოლიტპატიმრები-ადამიანის უფლებებისთვის” თავმჯდომარე ნანა კაკაბაძე სოციალურ ქსელში მესამე სექტორში არსებული კლანის შესახებ წერს. რადიკალური ოპოზიცია, მათთან აფილირებული „ექსპერტები" და არასამთავრობო ორგანიზაციათა ნაწილი მუდმივად საუბრობს საქართველოს მართლმსაჯულების სისტემაში არსებულ კლანზე, რომელიც უფრო იარლიყის მიწებებას ჰგავს ვიდრე დასაბუთებულ ბრალდებას. რატომღაც არავინ ახსენებს მესამე სექტორში არსებულ კლანს, რომელიც ცდილობს საზოგადოებრივ ცხოვრებაზე გავლენების მოხდენას, - წერს კაკაბაძე.

27 სექტემბერი 2022, 11:02

მსოფლიო

რუსეთის ერთ-ერთ სკოლაში სროლის შედეგად დაღუპულთა რაოდენობა 17-მდე გაიზარდა

ბოლო მონაცემებით, რუსეთში, ქალაქ იჟევსკის ერთ-ერთ სკოლაში, სროლას, 17 ადამიანი ემსხვერპლა. რუსული მედიის ინფორმაციით, თავდასხმის შემდეგ, რუსეთის განათლების სამინისტრო აპირებს, „საგულდაგულოდ განიხილოს კომპიუტერული თამაშების გავლენა ადამიანებზე“.

27 სექტემბერი 2022, 10:50

საზოგადოება

კონკურენციის ეროვნულმა სააგენტომ ტურისტული მომსახურების სექტორში არაკეთილსინდისიერი კონკურენციის შემთხვევა დაადასტურა

საქართველოს კონკურენციის ეროვნულმა სააგენტომ, ტურისტულ სექტორში დაწყებული მოკვლევა დაასრულა და არაკეთილსინდისიერი კონკურენციის ფაქტი დაადასტურა. საკითხი ეხებოდა თბილისში, ტურისტებისთვის, ქალაქის ტურის მომსახურების სექტორში ორი კომპანიის დავას, - ამის შესახებ ინფორმაციას კონკურენციის ეროვნული სააგენტო ავრცელებს.

27 სექტემბერი 2022, 10:48

მსოფლიო

გაეროს წარმომადგენელი: ჰაიტიზე ჰუმანიტარულ კატასტროფაა

ჰაიტიზე ჰუმანიტარული კატასტროფაა, რაც ეკონომიკური და პოლიტიკური კრიზისით არის გამოწვეული. სასურსათო დახმარების საწყობებზე რამდენიმეკვირიანმა თავდასხმებმა ქვეყნის სასურსათო უსაფრთხოება შეარყია, - აცხადებს ჰაიტის წარმომადგენელი გაეროში, ჰელენ ლა ლაიმი.

ნიკოლაი სოლსკი

27 სექტემბერი 2022, 10:21

მსოფლიო

უკრაინის აგრარული პოლიტიკისა და სურსათის მინისტრი: რუსეთი არაპროგნოზირებადი მეზობელია - უკრაინული მარცვლეულის უსაფრთხო ექსპორტი ევროკავშირში სახმელეთო დერეფნების გარეშე შეუძლებელია

„შავ ზღვაში რუსეთის არაპროგნოზირებადი ქცევის გათვალისწინებით, უკრაინასა და ევროკავშირს შორის სახმელეთო მარშრუტებზე შექმნილი „სოლიდარობის დერეფნები“ რჩება უკიდურესად მნიშვნელოვნად არა მხოლოდ ბიზნესინტერესებისთვის, არამედ უსაფრთხოების კუთხითაც“, - აცხადებს უკრაინის აგრარული პოლიტიკისა და სურსათის მინისტრი.

27 სექტემბერი 2022, 10:17

ტექნოლოგიები

NASA-ს ზონდი Dart-ი ასტეროიდს გეგმურად შეეჯახა🚀☄️

შეჯახება გეგმური იყო, მისი მიზანი კი დედამიწისთვის პოტენციურად სახიფათო ასტეროიდებისთვის ტრაექტორიის შეცვლის მექანიზმის ტესტირება იყო. სპეციალისტების თქმით, მათ რამდენიმე კვირაში ეცოდინებათ რამდენად წარმატებული აღმოჩნდა მათი ექსპერიმენტი და შეიცვალა თუ არა ასტეროიდის ტრაექტორია.