Imedi /  05 აპრილი 2021, 11:55 / სანდო წყარო

ბიძინა კულუმბეგოვი: „სინოფარმი“ ჯანდაცვის მსოფლიო ორგანიზაციიდან ავტორიზაციას სავარაუდოდ აპრილის ბოლოს მიიღებს

ბიძინა კულუმბეგოვი

ბიძინა კულუმბეგოვი

ყველა ჩატარებულ კვლევასა და დოკუმენტაციას ისინი ჯანდაცვის მსოფლიო ორგანიზაციაში გააგზავნიან. ეს პროცესი მიმდინარეობს და წესითა და რიგით აპრილის ბოლოს უნდა დასრულდეს, - ამის შესახებ ალერგოლოგ-იმუნოლოგმა ბიძინა კულუმბეგოვმა „იმედის დილაში“ „სინოფარმის“ ვაქცინაზე საუბრისას განაცხადა.

კითხვაზე, ჩინური ვაქცინა „სინოფარმი“ უკვე საქართველოშია, თუმცა მას ჯერ არ აქვს ჯანდაცვის მსოფლიო ორგანიზაციის აღიარება და შესაბამისად, რა შედეგს უნდა ველოდოთ, კულუმბეგოვმა განმარტა, რომ ეს ვაქცინა ჩინეთის გარდა უკვე მსოფლიოს, თითქმის 40 ქვეყანაში გამოიყენება.

„ჩინური ვაქცინა მსოფლიოში დიდი ხანია გამოიყენება, რადგან ჩინელები ამ თვალსაზრისით ძალიან დაწინაურებულები არიან. მათ სამი ვაქცინა აქვთ. მათგან ორი ტრადიციული მეთოდით დაამზადეს - „სინოფარმი“ და „სინოვაკი“. ერთ-ერთი მათგანია, რაც ჩვენ მივიღეთ. მესამე ვაქცინა ეს არის კანსინოს ტიპის ვაქცინა, რომელიც „ასტრაზენეკას“ ტიპისაა, ანუ ვექტორული ვაქცინაა. ის ვაქცინა, რომელიც ჩვენ მივიღეთ, მსოფლიოს, თითქმის 40 ქვეყანაში გამოიყენება“, - განაცხადა კულუმბეგოვმა.

მისივე თქმით, ჩვენი ტიპის ქვეყანას, რომელსაც დამოუკიდებლად არ შეუძლია შეამოწმოს ამა თუ იმ ვაქცინის ეფექტურობა და უსაფრთხოება, რადგანაც ამის არც დროა და არც რესურსი, უნდა ვენდოთ იმ ორგანიზაციებს, რომლებიც ამ საქმეში მსოფლიოში ავტორიტეტები არიან.

„ჩემთვის ძალიან პრინციპულია, რომ თუ ჯანდაცვის მსოფლიო ორგანიზაციის ავტორიზაცია ექნება, მაშინ ჩვენ გვაქვს უფლება, რომ გამოვიყენოთ. მოგეხსენებათ, საქართველოში ძალიან სერიოზული გავლენა აქვთ ადამიანებზე ვაქცინებთან მიმართებაში რელიგიურ ჯგუფებს. ამიტომ, ბევრი იერარქისგან მომისმენია, რომ მე მირჩევნია, ისეთი ვაქცინა გავიკეთო ან სხვებს ვურჩიო, სადაც ვიცით, რა დევს შიგნით და ყოველგვარი გენეტიკური მოდიფიცირებისგან თავისუფალია. ამიტომ, შესაძლოა, ეს ამ სეგმენტისთვის ძალიან მისაღები ვაქცინა იყოს.

პიროვნულად თუ არჩევანი იქნებოდა, ის ვაქცინა მერჩივნა, მე თვითონ „ასტრაზენეკა“ გავიკეთე, რადგან ხომ არ დაველოდებოდი?! რაც იყო ხელმისაწვდომი, პირველი, ის უნდა გაიკეთო. სხვაგვარად, მორალურად სწორად არ მიმაჩნია. ასე, რომ საზოგადოების აღნიშნული სეგმენტისთვის ეს ვაქცინა იყო ძალიან მნიშვნელოვანი. ამიტომ, ვნახოთ, დაველოდოთ“, - განაცხადა კულუმბეგოვმა.

მისივე თქმით, ვაქცინის ეფექტურობა ვირუსის სხვადასხვა შტამის პირობებში 79-89%-მდეა, თუმცა ბრაზილიური შტამის შემთხვევაში უფრო ნაკლებია და დაახლოებით, 50%-ს შეადგენს.

საქართველოში „ასტრაზენეკათი“ ვაქცინაცია 2021 წლის 15 მარტიდან დაიწყო, „ფაიზერით“ კი 30 მარტიდან. ქვეყანამ კიდევ ერთი წარმოების, „სინოფარმის“ ვაქცინის 100 ათასი დოზა გასულ კვირას მიიღო.

ყველა სიახლე

18 აპრილი 2021, 17:40

COVID19

აზერბაიჯანში კორონავირუსის 2,144 შემთხვევა გამოვლინდა

გასული დღე-ღამის განმავლობაში აზერბაიჯანში კორონავირუსი კიდევ 2,144 ადამიანს გამოუვლინდა, 33 ადამიანი კი გარდაიცვალა. ამის შესახებ ინფორმაციას ადგილობრივი მედია, ჯანდაცვის სამინისტროზე დაყრდნობით ავრცელებს. ქვეყანაში კორონავირუსის დადასტურებულმა შემთხვევებმა 300,666 შეადგინა. ჯამში გარდაიცვალა 4,140 ადამიანი. ვირუსისგან 264,403 პაციენტი განიკურნა.

თეა წულუკიანი; გელა კანდელაკი

18 აპრილი 2021, 17:15

კულტურა

თეა წულუკიანი ჩრდილების თეატრის წარმომადგენლებს შეხვდა

საქართველოს კულტურის, სპორტისა და ახალგაზრდობის მინისტრი თეა წულუკიანი სსიპ ჩრდილების პროფესიულ სახელმწიფო თეატრს „აფხაზეთი“ ესტუმრა. მინისტრმა მის სულისჩამდგმელთან გელა კანდელაკთან და მსახიობებთან შეხვედრა გამართა რუსთაველის თეატრის შენობაში, სადაც თეატრი, შენობის საკითხის მოგვარებამდე მუშაობას აგრძელებს.

„ქართული ოცნება“

18 აპრილი 2021, 16:53

პოლიტიკა

„ქართული ოცნება“: შარლ მიშელის წარდგენილ დოკუმენტზე ჩვენი ხელმოწერა უკვე დაფიქსირებულია - ახლა ჯერი ოპოზიციაზეა

საზოგადოებას შევახსენებთ, რომ მას შემდეგ რაც ოპოზიციის ნაწილმა უარი განაცხადა 2020 წლის 31 ოქტომბრის არჩევნებზე საქართველოს მოქალაქეების მიერ მინიჭებული საპარლამენტო მანდატის განხორციელებაზე, ევროპული საბჭოს პრეზიდენტმა შარლ მიშელმა გამოხატა მზადყოფნა, ჩართულიყო მხარეებს შორის მედიაციაში. პრეზიდენტმა მიშელმა გამოაგზავნა მისი წარმომადგენელი კრისტიან დენიელსონი, რომელმაც ევროკავშირის ეგიდით შეაფასა მხარეთა პოზიციები და აშშ-ის და ევროკავშირის ელჩების აქტიური ჩართულობით შეიმუშავა დოკუმენტი, რომელიც მხარეებს შორის სამართლიანი შეთანხმების პირობებს ადგენდა.

საბაგირო თბილისი

18 აპრილი 2021, 16:53

საზოგადოება

უნივერსიტეტი-ბაგების დამაკავშირებელი საბაგირო ხაზი ხვალიდან ამოქმედდება

საბაგირო ხაზის სიგრძე, რომელიც თბილისის სახელმწიფო უნივერსიტეტის ე.წ. მაღლივ კორპუსსა და ბაგების ტერიტორიას ერთმანეთთან დააკავშირებს, 320 მეტრს შეადგენს და მასზე მოძრავ თითო გონდოლას 40 ადამიანის გადაყვანა შეუძლია.

18 აპრილი 2021, 16:39

კულტურა

კულტურული მემკვიდრეობის სააგენტო გელათის ტერიტორიაზე გამოვლენილ ობიექტებზე გავრცელებულ ინფორმაციას სიცრუეს უწოდებს

„რამდენიმე მედიასაშუალება ცდილობს გაავრცელოს დეზინფორმაცია გელათის სამონასტრო კომპლექსის ტერიტორიაზე არქეოლოგიური კვლევისას გამოვლენილი ობიექტების სავალალო მდგომარეობასთან დაკავშირებით, რომლის მიხედვითაც, გელათის მონასტრის ეზოში არქეოლოგიური გათხრების შედეგად აღმოჩენილი ისტორიული არტეფაქტების მუზეუმში გადასატანად სახსრები ვერ გამოინახა და მათ ბრეზენტი გადააფარეს. საზოგადოებისთვის განვმარტავთ, რომ მოცემული ინფორმაცია არ შეესაბამება სიმართლეს“.

ჩარლზ გეშკე

18 აპრილი 2021, 16:34

ტექნოლოგიები

Adobe-ის თანადამფუძნებელი და PDF​-ფორმატის შემქმნელი ჩარლზ გეშკე გარდაიცვალა

„ეს დიდი დანაკარგია Adobe-ისთვისა და ტექნოლოგიების ინდუსტრიისთვის, რომლისთვისაც გეშკე ათწლეულების განმავლობაში გმირი და მაგალითი იყო“, - დაწერა კომპანიის გენერალურმა დირექტორმა შანტანუ ნარაიენმა.

გუმათჰესი

18 აპრილი 2021, 16:34

რეგიონი

გუმათჰესის ხიდიდან ახალგაზრდა კაცი გადავარდა

გუმათჰესის ხიდიდან ახალგაზრდა კაცი გადავარდა. ის მდინარიდან ჰესის თანამშრომლებმა ამოიყვანეს. შემთხვევა რიონის ხეობის მცველების პროტესტის ადგილთან ახლოს მოხდა. თვითმხილველები ამბობენ, რომ არასრულწლოვანი შეშას აგროვებდა, ხიდზე ჩატეხილი ჯებირის ადგილას სიმძიმემ გადასძლია და მდინარეში გადავარდა. დაშავებული საავადმყოფოში გადაიყვანეს.

ნიკოლოზ მჭედლიშვილი

18 აპრილი 2021, 16:32

პოლიტიკა

ნიკოლოზ მჭედლიშვილი: ამერიკის საელჩოს მოწოდება ხელი მოაწერონ დოკუმენტს, ოპოზიციისთვის არაფერს ნიშნავს, მთავარია რას ეტყვის მათი კურატორი მოსკოვში

ახლა, ამ წუთებში, ამერიკის საელჩომ ოფიციალურად და ცალსახად მოუწოდა ოპოზიციას, რომ მოაწერონ ხელი მედიაციის შედეგად შემუშავებულ დოკუმენტს, რომელიც უკვე ხელმოწერილია „ქართული ოცნების“ მხრიდან. ეს განცხადება, რომელიც „ფეისბუკშია“ გამოქვეყნებული, არაფერს ნიშნავს ოპოზიციისათვის. მთავარია რას იტყვის მათი კურატორი მოსკოვში, ლუბიანკაზე, ფეესბეს მაიორი ივან ლეონიდოვიჩი, - წერს ანალიტიკოსი ნიკოლოზ მჭედლიშვილი სოციალურ ქსელ Facebook-ზე.

18 აპრილი 2021, 15:31

პოლიტიკა

აშშ-ის სახელმწიფო დეპარტამენტისა და ევროკომისიის წარმომადგენლები: მოვუწოდებთ საქართველოს პარლამენტის ყველა წევრს, ხელი მოაწეროს შეთანხმებას

ევროკავშირის უმაღლესი წარმომადგენლის/ევროკომისიის ვიცეპრეზიდენტისა და აშშ-ის სახელმწიფო დეპარტამენტის პრესსპიკერები საქართველოში ევროკავშირის მედიაციასთან დაკავშირებით ერთობლივ განცხადებას აქვეყნებენ.

18 აპრილი 2021, 15:27

რეგიონი

„ბულვარი ბათუმის ნამოხვანია“, - ბათუმის ბულვარში საპროტესტო აქცია მიმდინარეობს

„ბულვარი ბათუმის ნამოხვანია“, „გაბედე შენც“, „არ დავთმობთ ბულვარს“ - ბათუმის ბულვარში საპროტესტო აქცია მიმდინარეობს. შეკრებილები ბულვარის ტერიტორიაზე შეუსაბამო მშენებლობებს აპროტესტებენ. ამბობენ რომ კულტურული მემკვიდრეობის ძეგლის ტერიტორიაზე დაუშვებელია მაღალსართულიანი შენობების აშენება. აქცია ძეგლთა დაცვის საერთაშორისო დღეს სიმბოლურად დაამთხვიეს.

18 აპრილი 2021, 15:12

პოლიტიკა

თანაინვესტირების ფონდი: ტელეკომპანია პირველმა შეგნებულად დაამახინჯა ინფორმაცია საინვესტიციო პროექტებზე, რათა საზოგადოება შეცდომაში შეეყვანა

საქართველოს თანაინვესტირების ფონდი ეხმაურება 17 აპრილს, „ტელეკომპანია პირველის“ ეთერში გასულ სიუჟეტს, რომელშიც ნაჩვენებია, რომ თითქოს, ჟურნალისტების გარკვეულმა ჯგუფმა მიაკვლია ბიძინა ივანიშვილის გადამალულ ქონებას საქართველოში.

გუმათი

18 აპრილი 2021, 14:51

რეგიონი

სოფელ გუმათში საპროტესტო აქციის მონაწილეებს მაჟორიტარი დეპუტატი შეხვდა

სოფელ გუმათში საპროტესტო აქციის მონაწილეებს ქუთაისის მაჟორიტარი დეპუტატი ზაზა ლომინაძე შეხვდა. მისი თქმით, პარასკევამდე მათ მიერ დაყენებულ მოთხოვნებზე მთავრობისგან კონკრეტულ პასუხებს მიიღებენ. საპროტესტო აქციის მონაწილეები ხეობიდან საპოლიციო ძალების გაყვანას, პროტესტის ნამოხვანში გაგრძელებას და მოსამზადებელი სამუშაოების შეჩერებას ითხოვენ. მათი თქმით, სწორედ ხელისუფლების პასუხებზეა დამოკიდებული, გაგრძელდება აქციები, თუ დიალოგის ფორმატში გადაინაცვლებენ.

ალექსეი ნავალნი

18 აპრილი 2021, 14:49

მსოფლიო

ექიმები: ალექსეი ნავალნი ნებისმიერ წუთს შეიძლება მოკვდეს

რუსული ოპოზიციის დაპატიმრებული ლიდერის, ალექსეი ნავალნის ექიმი იაროსლავ აშიმხინი ამბობს, რომ ის, „შესაძლოა, ნებისმიერ წუთს მოკვდეს“. მისი განცხადებით, ნავალნის სისხლის ანალიზის შედეგების თანახმად, კალიუმის დონე იმდენად მაღალია, რომ, შეიძლება, გულის გაჩერება გამოიწვიოს. ის ასევე ამბობს, რომ გაზრდილია კრეატინინის დონეც, რაც თირკმელების ფუნქციონირების დაქვეითებაზე მიანიშნებს.

18 აპრილი 2021, 14:29

სამართალი

შსს პოლიციელების ფიზიკური შეურაცხყოფის საქმეზე განცხადებას ავრცელებს

გამოძიებით დადგინდა, რომ ბრალდებულებმა მიმდინარე წლის 17 აპრილს, ხაიშში სამართალდარღვევის ფაქტზე რეაგირების დროს პოლიციელებს წინააღმდეგობა გაუწიეს და ფიზიკური შეურაცხყოფა მიაყენეს. დაშავდა ერთი პოლიციელი, რომელსაც პირველადი სამედიცინო დახმარების გაეწია, მისი ჯანმრთელობის მდგომარეობა დამაკმაყოფილებელია.

მეუფე იაკობი

18 აპრილი 2021, 14:26

საზოგადოება

მეუფე იაკობი: ჩვენთან მიღებულია, რომ შიგნიდან თუ გარედან ეკლესიას უნდა ებრძოლონ

„ჩვენთან მიღებულია, რომ შიგნიდან თუ გარედან ეკლესიას უნდა ებრძოლონ. დაიშალა საბჭოთა კავშირი, გავხდით დამოუკიდებლები და იმის შემდეგ ერთ წრეზე ვტრიალებთ, ვანგრევთ ჩვენს ქვეყანას. თუ რამე გასატანი იყო, უცხოეთში გავიტანეთ, ტვინები, მუშახელი გარეთ გაგვირბიან და ჩვენ რას ვაკეთებთ?!“, - ამის შესახებ მეუფე იაკობმა ბოდბის დედათა მონასტერში დღეს ქადაგებისას ისაუბრა.

18 აპრილი 2021, 14:24

სამართალი

„საქართველოს ბანკზე“ თავდასხმაში ბრალდებულ ნიკოლოზ წურწუმიას პატიმრობა შეეფარდა

„საქართველოს ბანკზე“ თავდასმხაში ბრალდებულ ნიკოლოზ წურწუმიას პატიმრობა შეეფარდა. დაცვის მხარე ბრალდებულისთვის 30 000 ლარიან გირაოს ითხოვდა, თუმცა მოსამართლემ პროკურატურის შუამდგომლობა დააკმაყოფილა.

18 აპრილი 2021, 14:21

COVID19

გერმანიაში COVID-19-ით გარდაცვლილთა ხსოვნისთვის, ეროვნულ ცერემონიას მოაწყობენ

გერმანიაში, კორონავირუსითა და მისი თანმხლები გართულებებით გარდაცვლილი 80 ათასამდე ადამიანის ხსოვნის პატივსაცემად, დღეს ეროვნული ცერემონია იგეგმება. წირვას, რომელიც ბერლინში, კაიზერ ვილჰელმის მემორიალურ ეკლესიაში ჩატარდება, გერმანიის კანცლერი, ანგელა მერკელი და ქვეყნის პრეზიდენტი, ფრანკ-ვალტერ შტაინმაიერი დაესწრებიან.

მეუფე იაკობი

18 აპრილი 2021, 14:14

პოლიტიკა

მეუფე იაკობი: ქუჩასა და კარვებში დარჩენილი რადიკალური ოპოზიცია სწორედ რუსეთიდან მართულია და ქვეყნის დაყოფის სურვილი აქვს

ოპოზიციის ლიდერებიც რომ ავიღოთ, არ მოინდომებენ სასამართლოზე ან ძალოვნებზე თავზე მოჯდომას?! ჩვეულებრივ მოინდომებენ, იმიტომ არ უნდათ პარლამენტში შესვლა, რომ კანონები შეიცვალოს. კანონები, სისტემა თუ არ შეიცვალა არაფერი არ დალაგდება და არაფერი წესიერება არ იქნება ჩვენთან, - ამის შესახებ მეუფე იაკობმა ბოდბის დედათა მონასტერში დღეს ქადაგებისას ისაუბრა. მეუფე იაკობი კიდევ ერთხელ შეეხო იმ პარტიების განწყობას, რომელთა დიდი ნაწილიც ამ დრომდე საკანონმდებლო ორგანოში შესვლაზე უარს აცხადეს. ამის საპასუხოდ ბოდბელი ეპისკოპოსი ამბობს, რომ ქუჩასა და კარვებში დარჩენილი რადიკალური ოპოზიცია სწორედ რუსეთიდან მართულია და ქვეყნის დაყოფის სურვილი აქვს. მეუფე ოპოზიციას მიმართავს, ხალხის მიერ მიცემული მანდატების გამოყენებას ურჩევს და პარლამენტში შესვლისკენ მოუწოდებს.

18 აპრილი 2021, 14:03

COVID19

საფრანგეთი რამდენიმე ქვეყნიდან ჩამსვლელებისთვის კარანტინს აწესებს

საფრანგეთის მთავრობის გადაწყვეტილებით, ქვეყანაში არგენტინიდან, ბრაზილიიდან, ჩილედან და სამხრეთ აფრიკის რესპუბლიკიდან ჩამსვლელთათვის 10-დღიან სავალდებულო კარანტინი ამოქმედდება. ახალი რეგულაცია ძალაში რამდენიმე დღეში შევა. ვინც რეგულაციას არ დაემორჩილება, დაჯარიმდება.

18 აპრილი 2021, 13:48

ტექნოლოგიები

მსოფლიოს ყველაზე დიდი აისბერგი დადნა და ფრაგმენტებად დაიშალა

A68 - აისბერგი, რომლის ფართობიც 2017 წელს 6 ათას კვადრატულ კილომეტრს შეადგენდა და რომელიც ანტარქტიდას 4 წლის წინ გამოეყო, ზომაში მნიშვნელოვნად შემცირდა. სატელიტის გამოსახულება აჩვენებს, რომ ერთ დროს ყველაზე დიდი აისბერგი, პრაქტიკულად, გაქრა და უამრავ მცირე ფრაგმენტად დაიყო.