imedi /  20 აპრილი 2021, 16:25 / სანდო წყარო

ეკატერინე ტიკარაძემ დაასახელა, რომელი ვაქცინის დამატებითი დოზები შემოვა პირველი საქართველოში

ჯანდაცვის სამინისტრო აქტიურად მუშაობს „ფაიზერთან“, ვაქცინების პირდაპირ მოწოდებასთან დაკავშირებით. შეთანხმება ერთ მილიონ დოზაზე მიღწეულია და ამ ეტაპისთვის ჩვენ ვმუშაობთ დოზების და თარიღების დადგენაზე, - ამის შესახებ ჯანდაცვის მინისტრმა, ეკატერინე ტიკარაძემ განაცხადა.

მისი თქმით, საქართველო ვაქცინების შემდეგ პარტიას მაისიდან მიიღებს.

„პორტალმა გვიჩვენა, რომ „ფაიზერზე“ და „მოდერნაზე“ განსაკუთრებული სანდოობა და მოთხოვნაა საზოგადოების მხრიდან, მაგრამ ასევე ჩვენ ვაკვირდებით, რომ მესამე ადგილზეა „ასტრაზენეკა“, რაც მიუთითებს სახელმწიფოს სწორ გადაწყვეტილებას „ასტრაზენეკასთან“ მიმართებაში. აქ უნდა აღვნიშნოთ, რომ თვის ბოლოს შემოვა „ასტრაზენეკას“ შემდეგი მოცულობა საქართველოში - 50 ათასამდე დოზა. შემდეგი დოზა შემოვა მაისში, ეს გადაწყვეტილება მიიღო „კოვაქსპლატფორმამ“ გამომდინარე იქედან, რომ ჩვენ ვიცით თითოეულ ვაქცინას აქვს მოკლე ვარგისიანობის ვადა და მნიშვნელოვანია ვადით დაცული ვაქცინები შემოვიდეს ქვეყანაში.

ასევე, ჯანდაცვის სამინისტრო აქტიურად მუშაობს „ფაიზერთან“, ვაქცინების პირდაპირ მოწოდებასთან დაკავშირებით. შეთანხმება ერთ მილიონ დოზაზე მიღწეულია და ამ ეტაპისთვის ჩვენ ვმუშაობთ დოზების და თარიღების დადგენაზე, რომლითაც „ფაიზერი“ საქართველოს მოაწვდის დათქმულ და შეთანხმებულ დოზებს. რაც შეეხება „მოდერნას“, მასთან მიმართებაში მუშაობა მიმდინარეობს, თუმცა, ამ ეტაპისთვის საზოგადოებას ვერ მივაწვდით კონკრეტულ ინფორმაციას“, - განაცხადა ტიკარაძემ და დასძინა: „ჯერ ასტრაზენეკა“ შემოვა, შემდეგ გვაქვს მოლოდინი, რომ შემოვა „ფაიზერი“.

ამასთან, ჯანდაცვის მინისტრი ვარაუდობს, რომ „სინოფარმთან“ დაკავშირებით საზოგადოების დამოკიდებულება ვაქცინის მიერ აკრედიტაციის მიღების შემდეგ შეიცვლება.

„სინოფარმთან“ მიმართებაში არ არის მოულოდნელი შედეგი, ვინაიდან ეს არის ერთ-ერთი საჯარო კვლევა, რომელიც პორტალზე დაიდო, თუმცა, მსგავს კვლევებს არაერთს ვატარებთ. ჩვენთვის მნიშვნელოვანია პროცესი გამჭვირვალე იყოს, სწორედ აქედან გამომდინარეა შექმნილი ეს პორტალი, რომ საზოგადოებამაც ნახოს, რა არის ის მოთხოვნა, რაც საზოგადოებაში არსებობს.

„სინოფარმთან“ მიმართებაში ვიცით, რომ ის არის მოლოდინის ფურცელზე, სანამ მიიღებს ჯანდაცვის მსოფლიო ორგანიზაციის მხრიდან აკრედიტაციას. თუმცა, რადგან „სინოფარმი“ წარმოადგენს ტრადიციულ მეთოდზე შექმნილ ვაქცინაც, მის მიმართ მოთხოვნა და სანდოობა არის საკმაოდ მაღალი. ის, რომ დღესდღეობით არის ბოლო პოზიციებზე, გამომდინარეობს იქედან, რომ მას არ აქვს ამ ეტაპისთვის მსოფლიო ჯანდაცვის ორგანიზაციის მხრიდან აკრედიტაცია. დარწმუნებულები ვართ, მისი პოზიციები აკრედიტაციის მიღების შემდეგ დაწინაურდება“, - განაცხადა ეკატერინე ტიკარაძემ.

ყველა სიახლე

09 მაისი 2021, 20:51

საზოგადოება

ევროპის დღესთან დაკავშირებით საქართველოში ღირსშესანიშნაობები ევროკავშირის დროშის ფერებში განათდა. ვიდეო

ევროკავშირის წარმომადგენლობამ საქართველოს ეროვნული სიმფონიური ორკესტრის მიერ შექმნილ კომპოზიციაზე გადაღებული ვიდეორგოლი გაავრცელა.

ელექტროგადამცემი ხაზები

09 მაისი 2021, 20:27

საზოგადოება

უამინდობის გამო, რეგიონების ნაწილს ელექტროენერგია შეზღუდვით მიეწოდება

„ამ წუთებში, ენერგო-პრო ჯორჯიას ტექნიკური სამსახური საგანგებო რეჟიმში მუშაობს. დღის განმავლობაში, უამინდობამ, საქართველოს რეგიონებში დააზიანა ელექტროგადამცემი ხაზები, მწყობრიდან გამოიყვანა ტრანსფორმატორები და ა.შ. შუადღის შემდეგ ქარი განსაკუთრებით გაძლიერდა, რის გამოც ელექტროენერგია შეზღუდვით მიეწოდება აბონენტების ნაწილს მცხეთა-მთიანეთის, ქვემო ქართლის, შიდა ქართლის და კახეთის რეგიონებში. აღნიშნული რეგიონებს სრულად არ აქვთ შეწყვეტილი ენერგომომარაგება. შეზღუდვები მხოლოდ გარკვეულ მიმართულებებზეა. მიუხედავად იმისა, რომ უამინდობა, ძლიერი ქარი და წვიმა აღდგენით სამუშაოებს ხელს უშლის, კომპანიის წარმომადგენლები ცდილობენ დროულად აწარმოონ სამუშაოები.

კარლ ჰარცელი

09 მაისი 2021, 19:43

საზოგადოება

კარლ ჰარცელი: მადლობა საქართველოს ეროვნულ სიმფონიურ ორკესტრსა და ნიკოლოზ რაჭველს საქართველოსა და ევროკავშირის ჰიმნების საოცარი შესრულებისთვის

„მადლობა ევგენი მიქელაძის სახელობის საქართველოს ეროვნულ სიმფონიურ ორკესტრს, მის მუსიკალურ ხელმძღვანელსა და მთავარ დირიჟორს, ნიკოლოზ რაჭველს საქართველოსა და ევროკავშირის ჰიმნების ამ საოცარი შესრულებისთვის ევროპის დღეს!“ - წერს ჰარცელი.

ილონ მასკი

09 მაისი 2021, 19:32

მსოფლიო

ილონ მასკმა გაამხილა, რომ ასპერგერის სინდრომი აქვს

მასკმა თავისი დიაგნოზი გადაცემა Saturday Night Live-ის (SNL) ეთერში გააჟღერა. 49 წლის ბიზნესმენმა განაცხადა, რომ ის „პირველი ადამიანია ასპერგერის სინდრომით“, რომელიც პოპულარული იუმორისტული გადაცემის წამყვანი გახდა.

ბადრი ჯაფარიძე

09 მაისი 2021, 19:07

პოლიტიკა

ბადრი ჯაფარიძის თქმით, ოპოზიციონერებმა „ლელოს“ ოფისში შეხვედრაზე საარჩევნო რეფორმაზე იმსჯელეს

„ჩვენ ვიმსჯელეთ საარჩევნო რეფორმასთან დაკავშირებით, იმ ცვლილებებზე, რომელიც აუცილებელია განხორციელდეს საარჩევნო კანონმდებლობაში. გვექნება ძალიან დასაბუთებული წინადადებები იმასთან დაკავშირებით თუ როგორ ავსახოთ ზუსტად შარლ მიშელისა და ადრე მიღწეული შეთანხმებები. უნდა ითქვას, რომ შარლ მიშელის დოკუმენტს წინ უძღოდა კიდევ დეკემბერში ფასილიტატორების მიერ შემუშავებული დოკუმენტი, რომელიც მთლიანად არ აისახა კანონში, რომელიც „ქართულმა ოცნებამ“ დააინიცირა. ის ცვლილებებიც უნდა გატარდეს“, - განაცხადა ჯაფარიძემ.

ლევან ნიკოლეიშვილი

09 მაისი 2021, 18:38

პოლიტიკა

ლევან ნიკოლეიშვილი შალვა ნათელაშვილზე: შალიკოს ფულის გარდა არაფერი ადარდებს, მისი პირით მიშა გვესაუბრება

„ძალიან კარგად ვიცით, რომ შალიკო პირდაპირ მიშას სპიკერია და მის მოსაზრებებს ახმოვანებს სწორედ მაშინ, როდესაც თავად ამის თქმა არ სურს. რამდენიმე დღის წინ აშშ-ის ელჩი გალანძღა, ამჯერად ევროკავშირის ჯერი დადგა. ჰოდა რომ იცოდეთ, შალიკოს ფულის გარდა არაფერი ადარდებს, მისი პირით მიშა გველაპარაკება!“, - წერს ლევან ნიკოლეიშვილი.

09 მაისი 2021, 18:08

რეგიონი

ატენის ხეობაში გზის გაწმენდითი სამუშაოები დასრულდა და საავტომობილო მიმოსვლა აღდგა

უხვი ნალექის შედეგად გორის მუნიციპალიტეტის სოფელ ატენში გარკვეული პრობლემები შეიქმნა. ძლიერმა წვიმამ მთიდან ქვა-ღორღი ჩამოიტანა და ატენის თემში შემავალი სოფლების დამაკავშირებელი გზა რამდენიმე ადგილზე ჩახერგა. შედეგად შეფერხდა საავტომობილო მიმოსვლა, - ამის შესახებ ინფორმაციას შიდა ქართლის სახელმწიფო რწმუნებულის ადმინისტრაცია ავრცელებს.

09 მაისი 2021, 17:52

სპორტი

გოლფის კლუბ „თბილისი ჰილსში“ საერთაშორისო ტურნირი ჩატარდა

ტურნირი 4 მაისს დაიწყო. ჩემპიონატში 19 ქვეყნიდან 60-მდე მოყვარული მოთამაშე მონაწილეობდა. მათ შორის გოლფის ქართველი მოთამაშეებიც. ორგანიზატორების განცხადებით, ტურნირის მონაწილეები ასევე ქართულ კულტურასა და სამზარეულოსაც გაეცნენ.

09 მაისი 2021, 17:08

პოლიტიკა

მმართველ გუნდში ევროკავშირის მიერ ნიკა მელიას გირაოს თანხის გადახდას ეხმაურებიან

„ეს არის სწორედ უპრინციპობის გამოხატულება, როდესაც ადამიანი თვითონ არ იხდის გირაოს, მით უმეტეს, როდესაც მას ამის ფინანსური შესაძლებლობები აქვს და ახდევინებს სხვას. ეს ჩემთვის გაუგებარია“, - აღნიშნა ნიკოლოზ სამხარაძემ.

09 მაისი 2021, 17:03

რეგიონი

სტიქიამ კახეთის ორი მუნიციპალიტეტი დააზარალა

სტიქიამ კახეთის ორი მუნიციპალიტეტი დააზარალა. წინასწარი ინფორმაციით, უამინდობის შედეგად ახმეტის მასშტაბით რამდენიმე სოფელში ნაწილობრივ განადგურდა სასოფლო-სამეურნეო სავარგულები, მათ შორის ვენახები და სხვადასხვა მარცვლეული კულტურა. მერიაში სტიქიის დამთვლელი კომისია ცოტა ხანში დაზიანების მასშტაბს ადგილზე ნახავს და შეისწავლის.

09 მაისი 2021, 17:02

კულტურა

ევროკავშირის წარმომადგენლობა საქართველოს ეროვნული სიმფონიური ორკესტრის მიერ შექმნილ კომპოზიციაზე გადაღებულ ვიდეორგოლს ავრცელებს

ნაწარმოების შესრულებაში 100-ზე მეტმა მუსიკოსმა მიიღო მონაწილეობა, მათ შორის გურამ ყურაშვილის სახელობის აფხაზეთის სახელმწიფო კაპელამ ზვიად ბოლქვაძის ხელმძღვანელობით, ახალგაზრდა, გამორჩეულმა კომპოზიტორმა და პიანისტმა ცოტნე ზედგინიძემ და ზაქარია ფალიაშვილის სახელობის ცენტრალური სამუსიკო სკოლა ნიჭიერთა ათწლედის მოსწავლეებმა და ა.შ.

09 მაისი 2021, 16:51

თავდაცვა

გარემოსდაცვითი ზედამხედველობის დეპარტამენტის თანამშრომლებმა ხე-ტყის უკანონო ტრანსპორტირების 5 ფაქტი გამოავლინეს

გარემოსდაცვითი ზედამხედველობის დეპარტამენტის სამცხე-ჯავახეთის რეგიონული სამმართველოს თანამშრომლებმა ხე-ტყის უკანონო ტრანსპორტირების 5 ფაქტი გამოავლინეს. გარემოსდაცვითი ზედამხედველობის დეპარტამენტის ინფორმაციით, ბორჯომის მუნიციპალიტეტის სოფლების: ანდეზიტისა და ყვიბისის, ასევე ადიგენის მუნიციპალიტეტის სოფელ მლაშეს მიმდებარედ, მოქალაქეებს შესაბამისი დოკუმენტაციის გარეშე გადაჰქონდათ უკანონოდ მოპოვებული მუხის, თხმელას (მურყანი), წიფელის, ვერხვისა და წიწვოვანი სახეობის - ჯამში - 8.5 მ3 ხე-ტყე.

ბუბა ხოტივარი

09 მაისი 2021, 16:37

საზოგადოება

ბუბა ხოტივარი საბურთალოს სასაფლაოზე დაკრძალეს

სამოქალაქო პანაშვიდი კი ქაშვეთის ეკლესიაში გაიმართა. ბუბა ხოტივარი 74 წლის ასაკში 5 მაისს გარდაიცვალა. ხოტივარმა საქართველოს შოთა რუსთაველის სახელობის სახელმწიფო თეატრალური ინსტიტუტის თეატრმცოდნეობის ფაკულტეტი, ასევე მოსკოვის კინემატოგრაფიის საკავშირო ინსტიტუტის კინოსარეჟისორო ფაკულტეტი დაამთავრა.

„ლელო საქართველოსთვის“

09 მაისი 2021, 16:27

პოლიტიკა

ოპოზიციური პოლიტიკური პარტიების წარმომადგენლები „ლელოს“ ოფისში შეიკრიბნენ

ჩვენ უნდა დავიწყოთ სწრაფად მუშაობა საარჩევნო საკანონმდებლო ცვლილებებზე, - ამის შესახებ პარლამენტის არჩეულმა წევრმა, სალომე სამადაშვილმა განაცხადა. მისი თქმით, „ლელოს“ ოფისში ოპოზიციის დღევანდელი შეხვედრაც საერთო პოზიციის შეჯერებას უკავშირდება. სამადაშვილმა აღნიშნა, რომ ოპოზიციის შიდა კონსულტაციების შემდეგ მოლაპარაკებები ხელისუფლებასა და საერთაშორისო ორგანიზაციების თანამონაწილეობით გაგრძელდება.

ლინას ლინკევიჩუსი

09 მაისი 2021, 16:16

პოლიტიკა

ლინას ლინკევიჩუსი: 76 წლის წინ გამარჯვების მემკვიდრეებად ყოფნის პრეტენზიები ვერ გაამართლებს დღევანდელ „გამარჯვებებს“, როგორებიცაა უკრაინისა და საქართველოს ტერიტორიების ნაწილების ანექსია

„გამარჯვების აღლუმი და სამხედრო ძალაუფლების დემონსტრირება კრემლის ხელმძღვანელობის მიერ ამაო დღესასწაულია. 76 წლის წინ გამარჯვების მემკვიდრეებად ყოფნის პრეტენზიები ვერ გაამართლებს დღევანდელ „გამარჯვებებს“, როგორებიცაა უკრაინისა და საქართველოს ტერიტორიების ნაწილების ანექსია და საერთაშორისო სამართლის დარღვევის სხვა შემთხვევები“, - წერს ლინკევიჩუსი.

09 მაისი 2021, 16:04

კულტურა

ქუთაისი მოკლემეტრაჟიანი ფილმების საერთაშორისო ფესტივალს მასპინძლობს

ქუთაისში, მესხიშვილის თეატრში, მოკლემეტრაჟიანი ფილმების საერთაშორისო ფესტივალი საზეიმოდ გაიხსნა. ფესტივალი ქუთაისის მერიისა და საქართველოს ეროვნული კინო ცენტრის მხარდაჭერით ტარდება. მთავარი საერთაშორისო კონკურსის ჟიური ფესტივალის პრიზს „ოქროს დინოზავრს“ გადასცემს გამარჯვებულებს ორ კატეგორიაში: საუკეთესო ფილმი და საუკეთესო რეჟისორი.

09 მაისი 2021, 15:50

პოლიტიკა

„სტრატეგია აღმაშენებელი“: ბოლო პერიოდში, „ნაციონალურ მოძრაობასთან“ დაკავშირებული Facebook-ექაუნთებიდან ჩვენს გვერდზე მასიური შემოტევა შეინიშნება

„სამწუხაროდ, ბოლო პერიოდში, „ნაციონალურ მოძრაობასთან“ დაკავშირებული Facebook-ექაუნთების მხრიდან ჩვენს, „ფეიჯებზე“ შეინიშნება მასიური შემოტევა. უკანასკნელი რამდენიმე დღის განმავლობაში, ჩვენ მიერ იდენტიფიცირებულია და დავბლოკეთ ასობით Facebook-ექაუნთი. მათი უმეტესობა არის ახალ შექმნილი, ამაზე მიუთითებს შექმნის დრო და მეგობრების მცირე რაოდენობა. თუმცა, აქტიურობს არაერთი ძველი „ექაუნთიც“, - ამის შესახებ „სტრატეგია აღმაშენებელის“ მიერ გავრცელებულ განცხადებაშია აღნიშნული.

მიხეილ სადრაძე

09 მაისი 2021, 15:35

სამართალი

ნიკა მელიას საქმის პროკურორი: ჩვენ შუამდგომლობა მაქსიმალურად გონივრულ ვადაში წარმოვადგინეთ, პატიმრობა არ წარმოადგენდა ჩვენს თვითმიზანს

ბრალდების მხარის შუამდგომლობა ბრალდებულ ნიკანორ მელიას მიერ გამოყენებული აღკვეთი ღონისძიების პატიმრობის უფრო ნაკლებად მკაცრი ღონისძიების გირაოთი შეცვლის შესახებ უკვე შეტანილია სასამართლოში. პატიმრობა არ წარმოადგენდა ჩვენ თვითმიზანს, - ამის შესახებ "ნაციონალური მოძრაობის" თავმჯდომარის ნიკა მელიას საქმის პროკურორმა მიხეილ სადრაძემ განაცხადა.

09 მაისი 2021, 15:08

რეგიონი

მალხაზ თორიამ მეორე მსოფლიო ომის მონაწილე კარლო ლაგვილავას ფაშიზმზე გამარჯვების დღე მიულოცა

მეორე მსოფლიო ომში მონაწილე ვეტერანს, კარლო ლაგვილავას ფაშიზმზე გამარჯვების დღე სამეგრელო-ზემო სვანეთის სახელმწიფო რწმუნებულმა მალხაზ თორიამ, ზუგდიდის მერმა გიორგი შენგელიამ და საკრებულოს თავმჯდომარემ, მამუკა წოწერიამ მიულოცეს, - ამის შესახებ ინფორმაციას სამეგრელო-ზემო სვანეთის სახელმწიფო რწმუნებულის პრესსამსახური ავრცელებს.

შალვა ნათელაშვილი

09 მაისი 2021, 14:45

პოლიტიკა

შალვა ნათელაშვილი ნიკა მელიასთვის გირაოს გადახდაზე: ეს ევროკავშირის „დაჩმორებას“ ნიშნავს

„ლეიბორისტული პარტიის“ ლიდერი, შალვა ნათელაშვილი აცხადებს, რომ ევროკავშირის მიერ „ნაციონალური მოძრაობის“ თავმჯდომარისთვის, ნიკა მელიასთავის გირაოს გადახდა სამარცხვინოა. „ეს ნიშნავს ევროკავშირის „დაჩმორებას“, რაც არის სირცხვილი და ძალიან სამწუხაროა“, - ამბობს შალვა ნათელაშვილი.