imedi /  26 მარტი 2019, 17:53 / სანდო წყარო

დეპუტატ ხახუბიას შვილის საქმეზე განაჩენი ხვალ გამოცხადდება

ბექა ხახუბია

გორის რაიონული სასამართლო

გორის რაიონული სასამართლოს გადაწყვეტილება ბექა ხახუბიას გარდაცვალების საქმზე ხვალ, 26 მარტს გახდება ცნობილი. ბრალდებულთა საბოლოო სიტყვით მიმართვის შემდეგ მოსამართლე ნიკოლოზ მარსაგიშვილი სათათბიროდ გავიდა.

დაცვის მხარე იმედოვნებს, რომ მოსამართლე გამამართლებელ განაჩენს გამოიტანს. ადვოკატ ნოდარ ცინცაძის თქმით, სასამართლოს საკმარისი დრო ჰქონდა გადაწყვეტილების მისაღებად და ყველა განაჩენს დღეს ელოდებოდა.

"ეს არის უპრეცენდენტო საქმე, სადაც ყველაფერი უნდა გაითვალისწინო იუველირული სიზუსტით. სათათბიროდ რომ გავიდა მოსამართლე და ხვალამდე გადაიდო განაჩენი იმაზე მეტყველებს რომ მარტივი საქმე არაა", - თქვა ადვოკატმა.

ბრალდების მხარე კი გამამტყუნებელ განაჩენს, როგორც ერთადერთ სწორ და ობიექტურ განაჩენს, ელოდება.

"იმ საბედისწერო ღამეს, როდესაც ის საშინელი ტრაგედია მოხდა, ვასრულებდი ბრძანებას, რომლის კანონიერებაშიც ეჭვი არ შემპარვია", -ამბობს ბრალდებული ზურაბ რუსიშვილი.

"მთელი შიდა ქართლის საპატრულო პოლიციას არ ემორჩილებოდა და ქმნიდა საფრთხეს. ჩვენ ვცდილობდით შეგვეჩერებინა ჩვენი სიცოცხლის და ჯანმრთელობის ფასად, ჩვენ ვასრულებდით ბრძანებას და თავს დამნაშავედ არ ვთვლით. იმედი გვაქვს გამამართლებელი განაჩენის", - თქვა ასევე ბრალდებულმა გია სადაღაშვილმა. 

პატრულის თანანმშრომლებს ნუკრი ხაბელაშვილს,ზურაბ რუსიშვილს და გია სადაღაშვილს ბრალად (333-ე  მუხლის პირველი ნაწილი) უფლებამოსილების გადამეტება და გაუფრთხილებლობით სიცოცხლის მოსპობა (116-ე მუხლის პირველი ნაწილი) ედებათ.

პარლამენტის წევრის, ფოთის მაჟორიტარი დეპუტატის, ირაკლი ხახუბიას შვილი, 21 წლის ბექა ხახუბია ავტოავარიას 2017 წლის 17 მაისს ემსხვერპლა. მას გორის გვირაბთან სატვირთო ავტომანქანით გზა გადაუკეტეს. 24 მაისს ბექა ხახუბიას ავარიის გამო 2 პოლიციელი თანამდებობიდან გათავისუფლდა.

ყველა სიახლე

ტურიზმი

27 ივნისი 2019, 14:30

საქართველო

უწყებებმა დიპკორპუსს ტურიზმის სფეროში არსებულ ვითარებასა და გამოწვევებზე ინფორმაცია მიაწოდეს

შეხვედრაზე ხაზი გაესვა საქართველოს, როგორც ტურისტებისთვის უსაფრთხო და პოპულარულ ტურისტულ მიმართულებას. შშეხვედრის ფარგლებში ასევე განიხილეს შემდგომი ნაბიჯები და ახალი ინიციატივები, რომლებიც ხელს შეუწყობს ტურიზმის სექტორის განვითარებას საქართველოში.

27 ივნისი 2019, 14:28

საქართველო

ყინწვისში ექსკურსიაზე მყოფი მასწავლებელი კლდიდან გადავარდა

ყინწვისში უბედურ შემთხვევას თბილისის მე-14 საჯარო სკოლის მასწავლებელი ემსხვერპლა. მანანა ჩოხელის მოსწავლეებთან ერთად ექსკურსიაზე იყო, როდესაც კლდიდან გადავარდა და გარდაიცვალა.შემთხვევა 23 ივნისს მოხდა. როგორც imedinews-ს შსს-ში განუცხადეს, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

ადგილმდებარეობა Google

27 ივნისი 2019, 14:23

ტექნოლოგიები

ადგილმდებარეობისა და ვებგვერდების ისტორიას Google-ი ავტომატურად წაშლის

მსოფლიოს მასშტაბით ახალი ფუნქცია Android-სა და iOS-ზე ეტაპობრივად, მომდევნო რამდენიმე კვირის განმავლობაში ამოქმედდება. როგორც Google-ი ბლოგში წერს, ავტომატურად წაშლის ფუნქციის ჩართვის შემთხვევაში 3 და 18 თვეზე მეტი ხნის მონაცემები ავტომატურად წაიშლება.

ნიკა მელია

27 ივნისი 2019, 14:14

ძალოვნები

ნიკა მელია: ჩემი არდაკავება გვაფიქრებინებს რომ გუშინდელი დღე უკანონო აქტი იყო

თბილისის საქალაქო სასამართლოში „ნაციონალური მოძრაობის“ წევრისთვის, ნიკა მელიასთვის აღკვეთის ღონისძიების შეფარდებაზე სასამართლო პროცესი იწყება. ნიკა მელია საკუთარ პროცესზე დასწრებას აპირებს. ოპოზიციის შეფასებით, ეს ნიკა მელიას წინააღმდეგ პოლიტიკური დევნაა.

მამუკა ბახტაძე

27 ივნისი 2019, 14:04

საქართველო

პრემიერი ბოლო დღეების მოვლენებზე სასაუბროდ დღეს მედიას შეხვდება

ვინაიდან მაღალ საზოგადოებრივ ინტერესს წარმოადგენს ბოლო დღეებში მიმდინარე მოვლენები, დღეს საღამოს ვგეგმავ ქართულ მედიასთან შეხვედრას, რათა პასუხი გავცე აქტუალურ შეკითხვებს- ამის შესახებ მამუკა ბახტაძე Facebook-ზე წერს. როგორც პრემიერი ამბობს, ის მზად არის, ნებისმიერ სხვა დროს, მათ შორის, რიგგარეშე სხდომაზე მთავრობის წლიური ანგარიში წარუდგინოს საკანონმდებლო ორგანოს.

პავლე კუბლაშვილი

27 ივნისი 2019, 14:03

საქართველო

პავლე კუბლაშვილი შს მინისტრთან მოლაპარაკების დეტალებს იხსენებს

20 ივნისის აქციის ღამეს, სანამ აქციის დაშლა დაიწყებოდა, ხელისუფლებასა და ოპოზიციას შორის მოლაპარაკებების წარმოების მცდელობას ჰქონდა ადგილი. როგორც პავლე კუბლაშვილმა განაცხადა, ის შუამავლის როლს ასრულებდა და შეეცადა, რომ შს მინისტრს გიორგი გახარიასა და ოპოზიციას შორის მოლაპარაკებები გამართულიყო.

გიორგი ვოლსკი

27 ივნისი 2019, 13:55

საქართველო

ვოლსკი ემხრობა უმრავლესობაში იმ დეპუტატებზე მსჯელობას, ვინც მელიაზე გადაწყვეტილებას მხარი არ დაუჭირა

პარლამენეტის ვიცესპიკერი, უმრავლესობის წევრი გიორგი ვოლსკი აცხადებს, რომ თანაგუნდელთა მოსაზრებებზე, როლებმაც ხმა არ მისცეს ნიკა მელიას იმუნიტეტის შეჩერებას, უმრავლესობის სხდომაზე უნდა იმსჯელონ. გიორგი ვოლსკი ფიქრობს, რომ "კარგად ვერ გაერკვა ზოგიერთი ჩვენი კოლეგა, რა ვქენით და რა გავაკეთეთ".

27 ივნისი 2019, 13:55

მსოფლიო

პრეზიდენტის თვითმფრინავის ბორტზე მყოფ ბრაზილელ სერჟანტს 39 კგ კოკაინი აღმოაჩნდა

38 წლის მანუელ სილვა როდრიგესი 25 ივნისს სევილიას აეროპორტში ბრაზილიის პრეზიდენტის სათადარიგო თვითმფრინავში დააკავეს, რომელიც ოსაკაში დიდი ოცეულის სამიტზე მიფრინავდა. თავად პრეზიდენტი სხვა თვითმფრინავით მგზავრობდა, რომელიც საწვავის შესავსებად ლისაბონში დაეშვა.თავად პრეზიდენტმა ჟაირ ბოლსონარუმ Twitter-ზე დაწერა, რომ მისი გუნდი ნარკოტიკების გადატანასთან არაფერ კავშირშია.

27 ივნისი 2019, 13:32

მსოფლიო

2015 წლის პარიზის ტერაქტების საქმეზე გერმანიაში ბოსნიის მოქალაქე დააკავეს

გერნმანიაში 39 წლის ბოსნიელი დააკავეს, რომელიც 2015 წელს პარიზში მომხდარი ტერაქტების სავადაუდო თანამზრახველია. ბელგიის მთავრობას მის დასაკავებლად ევროპული ორდერი ჰქონდა გაცემული. ბოსნიელი თავადასხმების მხარდაჭერაშია ეჭვმიტანილი. დაკავებული ამჟამად სადეპორტაციო ცენტრში იმყოფება და შესაძლოა ის ბელგიურ მხარეს გადასცენ.

ტომ იორკი

27 ივნისი 2019, 13:19

კულტურა

ტომ იორკმა სოლო ალბომი Anima გამოუშვა 🎵

სპეციალურ ვებგვერდზე ასევე შესაძლებელია Anima-ს CD-ის და ვინილის შეკვეთა. ისინი ხელმისაწვდომი 19 ივლისამდე იქნება. ვინილის ვერსია დამატებით 10 ტრეკს შეიცავს.ალბომის გამოშვებასთან დაკავშირებით სპეციალური მოკლემეტრაჟიანი ფილმიც გამოვიდა, რომლის რეჟისორიც პოლ ტომას ანდერსონია.

ვაკო ყაზაიშვილი

27 ივნისი 2019, 13:12

სპორტი

ყაზაიშვილის „სან ხოსემ“ „ჰიუსტონი“ 2:0 დაამარცხა

საქართველოს ნაკრების ფეხბურთელმა ვაკო ყაზაიშვილმა ამერიკის შეერთებული შტატების ჩემპიონატში თავი კიდევ ერთხელ გამოიჩინა. ქართველმა ნახევარმცველმა ანგარიში 25-ე წუთზე გახსნა, 75-ე წუთზე კი ეფექტიანი დარტყმით საბოლოო ანგარიში დააფიქსირა. ყაზაიშვილი ზედიზედ მესამე მატჩია, მოედანს უგულოდ არ ტოვებს.

ანგელა მერკელი
ფრანკ-ვალტერ შტაინმაიერი

27 ივნისი 2019, 12:54

მსოფლიო

ანგელა მერკელი ისევ შეუძლოდ გახდა. ვიდეო

პრეზიდენტ შტაინმაიერთან შეხვედრისას გერმანიის კანცლერს კანკალი დაეწყო. მას წყალი მიაწოდეს, რაზეც უარი თქვა. მოგვიანებით მინისტრმა კაბინეტის პრესსამსახურმა განაცხადა, რომ კანცლერი ამჟამად თავს კარგად გრძნობს და ოსაკის „დიდი ოცეულის“ სამიტში მიიღებს მონაწილეობას. ძლიერი კანკალი მერკელს 18 ივლისს უკრაინის პრეზიდენტ ვოლოდიმირ ზელენსკის მიღების ცერემონიაზეც დაეწყო.

ნაციონალური მოძრაობა

27 ივნისი 2019, 12:40

საქართველო

ნაციონალები „გავრილოვის სიის“ შედგენაზე იწყებენ მუშაობას

"ნაციონალური მოძრაობის" განცხადებით, ისინი დღეს პარლამენტში პრემიერმინისტრ მამუკა ბახტაძის მოსასმენად და მისთვის სპეციალური გზავნილის გადასაცემად მივიდნენ, მაგრამ ვინაიდან მამუკა ბახტაძე დღეს ყოველწლიური ანგარიშით პარლამენტში აღარ გამოვა, პლენარულ სხდომას აღარც ნაციონალები დაესწრებიან.

27 ივნისი 2019, 12:37

საქართველო

პრემიერმინისტრის ყოველწლიური მოხსენებისთვის ახალი თარიღი კონსულტაციების შემდეგ განისაზღვრება

პარლამენტის თავმჯდომარის განმარტებით, არსებულ ვითარებაში, სამთავრობო პროგრამის სათანადო განხილვის ჩატარება შეუძლებელი იქნება. არჩილ თალაკვაძის განცხადებით, პრემიერმინისტრის ყოველწლიური მოხსენებისთვის ახალი თარიღის განსაზღვრის მიზნით, კონსულტაციები გაიმართება.

ემიგრანტები

27 ივნისი 2019, 12:23

საქართველო

შვედეთში მცხოვრებმა ემიგრანტებმა ქართული პროდუქციის დასახმარებლად კამპანია დაიწყეს

შვედეთში მცხოვრები ქართველი ახალგაზრდა ემიგრანტები საქართველოში ბოლო კვირის განმავლობაში მიმდინარე მოვლენებს ეხმიანებიან. მათ ვიდეორგოლი გაავრცელეს, სადაც ამბობენ, რომ მზად არიან გახდნენ საქართველოში წარმოებული ბრენდის ელჩები შვედეთში.

ვლადიმერ პუტინი

27 ივნისი 2019, 12:16

ტაბლოიდი

ახალგაზრდებმა შექმნეს ვებგვერდი რომელზეც პუტინისთვის გალაწუნებაა შესაძლებელი

მხოლოდ საქართველოდან ვლადიმერ პუტინს უკვე 2 მილიონზე მეტმა ადამიანმა გააწნა სილა. ონლაინ პლატფორმაზე კრემლის ლიდერის „დასჯის“ სამეულში საქართველოს შემდეგ იაპონია და შვეიცარია არიან. კრემის ლიდერისთვის სილის გამწვნელთა ათეულში მოხვდა რუსეთი, ესტონეთი, თურქეთი, უკრაინა, გერმანია, იტალია და საფრანგეთი.

ლეღვი

27 ივნისი 2019, 12:03

საქართველო

ლეღვის ნახარშის გამოყენების გამო 21 წლის გოგოს სხეულის 25% დაეწვა

დამწვრობის ცენტრის დირექტორის, გუგა ქაშიბაძის თქმით, გოგო საავადმყოფოში გამთენიისას შეიყვანეს და დამწვრობა იმდენად სერიოზულია, რომ სრულ რეაბილიტაციას ორი კვირა დასჭირდება. დამწვრობის ცენტრში მზისგან მიღებული დამწვრობის შედეგად 7 ადამიანი მკურნალობს, მათგან ერთი ხუთი წლის ბავშვია.

ვიტალი საფაროვი

27 ივნისი 2019, 11:58

ძალოვნები

ვიტალი საფაროვის მკვლელობის საქმეზე ორივე ბრალდებულს 15-15 წლიანი პატიმრობა მიესაჯა

უფლებადამცველ ვიტალი საფაროვის მკვლელობის საქმეზე საქალაქო სასამართლოს მოსამართლემ, შორენა გუცაძემ ორივე ბრალდებული დამნაშავედ ცნო. გიორგი სოხაძესა და ავთანდილ კანდელაკიშვილს 15-15 წლიანი პატიმრობა მიესაჯათ.

ეროვნული ბანკი

27 ივნისი 2019, 11:51

ეკონომიკა

ეროვნული ბანკი: ინფორმაცია რუსეთიდან ტურისტული ნაკადების შემცირებაზე სავალუტო ბაზარზეც ისახება

ეროვნული ბანკის განცხადებით, სავალუტო კურსზე გავლენას ახდენს სხვადასხვა შიდა და გარე ფაქტორი, მათ შორის მოლოდინები. შესაბამისად, ინფორმაცია რუსეთიდან ტურისტული ნაკადების მოსალოდნელი შემცირების შესახებ ბოლო დღეებში სავალუტო ბაზარზეც ისახება.

ინციდენტი სტამბოლში

27 ივნისი 2019, 11:47

მსოფლიო

სტამბოლში ბიჭმა ფანჯრიდან გადავარდნილი ბავშვი დაიჭირა. ვიდეო

ორი წლის სირიელი დოჰა მუჰამედი მეორე სართულის ფანჯრიდან მაშინ გადავარდა, როდესაც მშობელი სამზარეულოში იყო. მოზარდმა ბავშვი დაინახა და ის დროულად დაიჭირა. 2 წლის ბავშვს ფიზიკური დაზიანებები არ აღენიშნება. სტამბოლელ თინეიჯერს ინტერნეტსივრცეში გმირის სახელით მოიხსენიებენ.