Imedi /  13 ივლისი 2019, 17:15 / სანდო წყარო

პროკურატურა: მელიას გამოსვლის ამსახველი ვიდეო დაცვის მხარის ინტერპრეტაციაა

„ნაციონალური მოძრაობის“ პოლიტიკური საბჭოს თავმჯდომარის ნიკა მელიას მონაწილეობით წარმოდგენილი ვიდეო დაცვის მხარის ინტერპრეტაციაა და წარმოადგენს საზოგადოებაში შეცდომის შეყვანის მცდელობას. ამასთან დაკავშირებით პროკურატურაში ბრიფინგი გაიმართა.

საგამოძიებო უწყების განმარტებით, დაცვის მხარემ შექმნა ვიდეომასალის საკუთარი ვერსია და განსხვავებული ინტერპრეტაციით მიაწოდა საზოგადოებას.

„დაცვის მხარის მიერ საზოგადოებისთვის მიწოდებული ვიდეომასალა რეალურად არის ბრალდების მხარის მიერ მოპოვებული მტკიცებულების განსხვავებული, დაცვის მხარისთვის სასარგებლო ინტერპრეტაცია და წარმოადგენს საზოგადოების შეცდომაში შეყვანის მცდელობას ბრალდებულისთვის პასუხისმგებლობის თავიდან არიდების მიზნით.

კერძოდ, ეს ვიდეომასალა, რომელიც უტყუარად ადასტურებს ნიკანორ მელიას ბრალეულობას, მოიპოვა ბრალდების მხარემ და კანონის მოთხოვნათა დაცვით გადასცა დაცვის მხარეს.

დაცვის მხარემ მასზე დაყრდნობით შექმნა ვიდეომასალის საკუთარი ვერსია და მცდარი საზოგადოებრივი აზრის შესაქმნელად, განსხვავებული ინტერპრეტაციით მიაწოდა საზოგადოებას. დღეს ჩვენ დეტალურად განვიხილავთ ამ ვიდეომტკიცებულების სრულ ვერსიას და მათ შორის იმ ეპიზოდსაც, რომელზეც ასე დაჟინებით ცდილობს საზოგადოების ყურადღების მიპყრობას დაცვის მხარე.

ვიდეომტკიცებულების სრული ვერსიის დეტალური ანალიზის შედეგად ჩვენ ვხედავთ, როგორ ცდილობდა ნიკანორ მელია, პარლამენტის შენობაში შეჭრის მიზნით განხორციელებული ძალადობრივი აქტისთვის მოჩვენებითად მიეცა მშვიდობიანი ხასიათი, რაც მას, სავარაუდოდ, სისხლის სამართლებრივი პასუხიმგებლობის აცილების მიზნით სჭირდებოდა.

ნიკანორ მელია, რეალური დანაშაულებრივი განზრახვის შესანიღბად, პერიოდულად იყენებდა ისეთ მოწოდებებს, როგორიცაა ,,ჩვენ უნდა შევიდეთ, მშვიდობიანად, ხელებაწეულები პარლამენტის შენობაში“ და ასე შემდეგ. ამავე მიზანს ემსახურებოდა ნიკანორ მელიას მოჩვენებითი მზაობა, მოლაპარაკების გზით ამოეწურა კონფლიქტი, რადგან ამ მშვიდობიანი მოწოდების პარალელურად მოძალადეებმა რამდენიმე ადგილას მოახერხეს პოლიციური კორდონის გარღვევა, რასაც მოჰყვა კიდეც პოლიციელთა მხრიდან მოძალადეთა მოგერიების მიზნით სპეციალური საშუალებების გამოყენება.

მოდით ქრონოლოგიურად მივყვეთ, როგორ ვითარდებოდა მოვლენები: 2019 წლის 20 ივნისს, დაახლოებით 17:25 საათიდან, თბილისში, რუსთაველის გამზირზე, საქართველოს პარლამენტის შენობის წინ შეკრება დაიწყეს მომიტინგეებმა. აქცია მიმდინარეობდა მშვიდობიანად, თუმცა, დაახლოებით 21:07 საათზე მშვიდობიანი აქციის მონაწილეებს სიტყვით მიმართა ნიკანორ მელიამ და მათ საკანონმდებლო ორგანოში შესვლისკენ მოუწოდა თუ აქციაზე გახმოვანებული მოთხოვნები ერთ საათში არ დაკმაყოფილდებოდა.

„მე მიმაჩნია, რომ ჩვენ არაფერი გვესაქმება პარლამენტის წინ, ჩვენ უნდა შევიდეთ პარლამენტში (ხელებაწეული), სანამ ხალხი არ დაიბრუნებს ქვეყანასაც და პარლამენტსაც, ჩვენ არც პარლამენტი გვაქვს და არც ქვეყანა“ - ეს არის ის მოწოდებები, რომლებითაც ნიკანორ მელია აგრესიულად განწყობილ აქციის მონაწილეებს მიმართავს. დაახლოებით 21:46 საათზე, ნიკანორ მელიამ განმეორებით მიმართა აქციაზე შეკრებილ საზოგადოებას და 10 წუთში პარლამენტის ეზოში შესვლისკენ მოუწოდა.

ნიკანორ მელიას ამ მოწოდებიდან 6 წუთში, პარლამენტის წინ მყოფმა მოქალაქეთა ნაწილმა, ნიკანორ მელიას ხელმძღვანელობითა და უშუალო მონაწილეობით დაიწყეს პარლამენტის შენობის წინ, პერიმეტრზე განლაგებული სამართალდამცავების მიმართ ძალადობა, იარაღად სხვადასხვა ნივთების გამოყენებით მათზე თავდასხმა, ასევე სამართალდამცავთა კუთვნილი ნივთების დაზიანება და განადგურება. დაახლოებით 22:51 საათზე, ნიკანორ მელიამ კვლავ მიმართა აქციის მონაწილეებს და მოუწოდა მათ არ დაეტოვებინათ რუსთაველის გამზირი მიზნის მიღწევამდე. „არ ვიცვლით ფეხს აქედან გამარჯვებამდე“,-მიმართავს მელია აქციის მონაწილეებს, რომლებიც გამუდმებული შეტევებით ცდილობენ პოლიციის კორდონის გარღვევას და პარლამენტში შეჭრას.

აღნიშნულის შემდეგ, პარლამენტის წინ შეკრებილმა აქციის მონაწილეებმა კვლავაც განაგრძეს სამართალდამცავთა მიმართ ძალადობა იარაღად სხვადასხვა საშუალებების გამოყენებით.

დაახლოებით 23:39 წუთზე, იმ დროს, როდესაც ნიკანორ მელია მეგაფონით მიმართავდა პარლამენტის მიმდებარე ტერიტორიაზე შეკრებილ საზოგადოებას, აქციის მონაწილეთა ნაწილი კვლავ განაგრძობდა სამართალდამცავებზე თავდასხმას-ართმევდნენ მათ სპეციალურ საშულებებს (ხელკეტებს, ჩაფხუტებს, ფარებს), კორდონიდან იტაცებდნენ პოლიციელებს და აყენებდნენ მათ ფიზიკურ და სიტყვიერ შეურაცხყოფას.

აღნიშნულის შემდეგ, დაახლოებით 23:56 საათზე, შინაგან საქმეთა სამინისტრომ პირველად გამოიყენა ცრემლსადენი გაზი. ნიკანორ მელია, ისევე როგორც რუსთაველის გამზირზე შეკრებილი ათასობით მომიტინგე ნათლად ხედავდა, რომ პარლამენტში მშვიდობიანად შესვლას ვერ შეძლებდნენ, ვინაიდან საკანონმდებლო ორგანოს იცავდა ცოცხალი კორდონი და ხდებოდა პერიმეტრის გაძლიერებული დაცვა.

ნიკანორ მელია პარლამენტში ძალადობრივი შეჭრის განზრახვის შეფარვისთვის იყენებდა ისეთ ფრაზებს როგორებიცაა: „მშვიდობიანი შესვლა“, „ხელების აწევით შესვლა“ და ა.შ. რითაც ცდილობდა შეენიღბა მისი რეალური განზრახვა. მოწოდების მომენტშიც და მანამდეც, ნიკანორ მელია აცნობიერებდა, რომ იგი საქართველოს პარლამენტის წევრია და იქ მყოფ დემონსტრანტებსა და მხარდამჭერებში სარგებლობს ნდობით და შესაბამისად, მის მოწოდებას შეეძლო მოსალოდნელი შედეგის მყისიერად დადგომა, მით უმეტეს იმ სიტუაციაში, როდესაც ლეგიტიმური პროტესტის გამოსახატად შეკრებილ მოქალაქეებში ემოციური ფონი ისედაც მაღალი იყო.

ზემოაღნიშნული მოწოდებებით და სამართალდამცავთა მიმართ ძალადობრივ ქმედებებში მონაწილეობით ბრალდებულმა ნიკანორ მელიამ ჩაიდინა ჯგუფური ძალადობის ხელმძღვანელობა და მასში მონაწილეობა, რაც დასტურდება აუდიო-ვიდეო ჩანაწერებით, მოწმეთა ჩვენებებით, ექსპერტიზის დასკვნით და საქმეში არსებული სხვა მტკიცებულებებით. რაც შეეხება 2019 წლის 10 ივლისს, ბრალდებულ ნიკანორ მელიას მიერ გავრცელებული ვიდეოჩანაწერის ნაწილს, რომელიც მის ადვოკატს გამოძიებამ მთლიან ვიდეომასალასთან ერთად გადასცა, კიდევ ერთხელ ხაზგასმით აღვნიშნავთ, რომ ეს ჩანაწერი არ შეიცავს სრულ კონტექსტს და არ ასახავს იმ დროს აქციაზე განვითარებული მოვლენების რეალურ სურათს.

საზოგადოებამ ცალკეული მედია საშუალებების მეშვეობით, რომლებიც პირდაპირი ეთერში პარალელურ რეჟიმში გადასცემდნენ მელიას ქმედებების ამსახველ ვიდეომასალას და აქციაზე მოვლენების განვითარებას, ნათლად იხილა, რა ხდებოდა იმ დროს რეალურად აქციაზე. ასევე გაცნობებთ, რომ ნიკანორ მელიას ბრალდების სისხლის სამართლის საქმეზე საქართველოს პროკურატურაში გამოძიება ინტენსიურად გრძელდება. ამ დროისთვის გამოკითხულია 80-მდე პირი. ტარდება ყველა საჭირო საგამოძიებო და საპროცესო მოქმედება.

აქვე აღვნიშნავთ, რომ ასევე ინტენსიურ რეჟიმში გრძელდება გამოძიება 20-21 ივნისს, საქართველოს პარლამენტის შენობის მიმდებარე ტერიტორიაზე მიმდინარე აქციის ცალკეული მონაწილეების მიმართ სამართალდამცავთა მხრიდან უფლებამოსილების შესაძლო გადამეტების ფაქტზე.

საქმეზე ტარდება ყველა აუცილებელი საგამოძიებო და საპროცესო მოქმედება, ამ ეტაპზე გამოძიების ფარგლებში გამოკითხულია 230-მდე პირი, სასამართლოს განჩინების საფუძველზე გრძელდება მტკიცებულებების, მათ შორის პოლიციის მიერ გამოყენებული რეზინის ტყვიებისა და სხვა ნივთების ამოღება. დანიშნულია სასამართლო-სამედიცინო ექსპერტიზები.

საქართველოს გენერალური პროკურატურა საგამოძიებო პროცესის გამჭვირვალობის უზრუნველსაყოფად კვლავ განაგრძობს მჭიდრო თანამშრომლობას სახალხო დამცველთან და არასამთავრობო ორგანიზაციებთან. გამოძიების შედეგების შესახებ საზოგადოება დროულად იქნება ინფორმირებული. პროკურატურა რეაგირების გარეშე არ დატოვებს გამოძიების დისკრედიტაციის არც ერთ მცდელობას, ვისი მხრიდანაც არ უნდა მომდინარეობდეს ის. ამავე დროს, შესაბამისი საგამოძიებო უწყებები დაადგენენ ყველა იმ პირის ბრალეულობას, რომლებიც ხელმძღვანელობდნენ ჯგუფურ ძალადობას და მონაწილეობდნენ მასში პარლამენტის შენობაში შეჭრის მიზნით“.

პარლამენტმა ცოტა ხნის წინ ნიკა მელიას დეპუტატის იმუნიტეტი შეუჩერა. 

პარლამენტის წევრს ნიკა მელიას საქართველოს გენერალურმა პროკურატურამ 25 ივნისს ბრალი წაუყენა. როგორც პროკურორმა განაცხადა მელიას მიმართ გამოიკვეთა სისხლის სამართლის კოდექსით გათვალისწინებული დანაშაულის ნიშნები. 

პროკურატურამ საქართველოს პარლამენტს მელიასთვის დეპუტატის იმუნიტეტის მოხსნასთან დაკავშირებით გუშინ მიმართა. 

21 ივნისს შინაგან საქმეთა სამინისტროში ბრიფინგი გაიმართა, რომელზეც ითქვა, რომ ჯგუფური ძალადობის ორგანიზების საქმეზე გამოკითხვაზე დაიბარეს ნიკა მელია, გიგი უგულავა და ირაკლი ოქრუაშვილი. საქმე ეხება 19-20 ივნისის საპროტესტო აქციას.

20 ივნისს ღამით, პარლამენტის შენობის წინ სპეცრაზმმა რამდენჯერმე გამოიყენა ცრემლმდენი გაზი, ბოლოს კი აქციის მონაწილეები წყლის ჭავლით დაშალა, ასევე გამოიყენა რეზინის ტყვიები.

რუსთაველის გამზირზე აქცია მას შემდეგ დაიგეგმა, რაც პარლამენტის თავმჯდომარისთვის განკუთვნილი ადგილიდან მართლმადიდებლური საპარლამენტთაშორისო ასამბლეის წევრებს სიტყვით რუსეთის დუმის კომუნისტური პარტიის წევრმა სერგეი გავრილოვმა მიმართა. ამ ფაქტს საპროტესტო აქციების ტალღა და პარლამენტის თავმჯდომარის, ირაკლი კობახიძის გადადგომა მოჰყვა.

ყველა სიახლე

ალექსანდრე ერქვანია

10 დეკემბერი 2019, 14:16

საქართველო

ალექსანდრე ერქვანიამ საპარლამენტო უმრავლესობა დატოვა

საპარლამენტო უმრავლესობა კიდევ ერთმა დეპუტატმა დატოვა. ალექსანდრე ერქვანიამ საკუთარი გადაწყვეტილების შესახებ პარლამენტის პლენარულ სხდომაზე განაცხადა. როგორც ერქვანიამ აღნიშნა, ის დამოუკიდებელი დეპუტატის რანგში განაგრძობს საქმიანობას. 14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა.

ხელვაჩაური

10 დეკემბერი 2019, 14:06

საქართველო

ხელვაჩაურის მერიის სხდომა „ნაციონალებმა“ პროტესტის ნიშნად დატოვეს

„ნაციონალები“ აცხადებენ, რომ მძიმე სოციალურ ფონზე მერიამ ახალი ავტომობილების შესაძენად თანხა არ უნდა დახარჯოს. მათივე მტკიცებით, ეს ავტომობილები საკრებულოს თავმჯდომარისა და მერის კომფორტზეა გათვლილი. ბრალდებას უმრავლესობაში უარყოფენ და განმარტავენ, რომ ახალი ავტომობილები სიპებს გადაეცემა და არა თანამდებობის პირებს.

ევრონესტი

10 დეკემბერი 2019, 13:33

მსოფლიო

ევრონესტის საპარლამენტო ასამბლეამ მუშაობა დაასრულა

საუბარია საპარლამენტო ზედამხედველობის გაძლიერებაზე, ენერგეტიკის , ციფრული ეკონომიკისა და განათლების მიმართულებით. დოკუმენტის მიღებისას ევროპელმა კანონმდებლებმა არ გაითვალისწინეს ოპოზიციის მოთხოვნა რეზოლუციაში გაკეთებულიყო ჩანაწერი ქვეყანაში პოლიტიკური კრიზისისა და პოლიტპატიმრების შესახებ.

იური ლუჟკოვი

10 დეკემბერი 2019, 13:30

მსოფლიო

მოსკოვის ყოფილი მერი იური ლუჟკოვი გარდაიცვალა

გავრცელებული ცნობით, ლუჟკოვი გერმანიაში, მიუნხენის ერთ-ერთ კლინიკაში გარდაიცვალა, სადაც მისთვის გულზე ოპერაცია უნდა ჩაეტარებინათ. იური ლუჟკოვი მოსკოვის მერის თანამდებობას 1992-2010 წლებში იკავებდა.

ადვოკატი კახაბერ ასლანიშვილი

10 დეკემბერი 2019, 13:21

საქართველო

„საავტორო უფლებამფლობელთა ასოციაცია“ მომხმარებელს სალიცენზიო ხელშეკრულებების გაფორმებას სთხოვს

„საავტორო უფლებამფლობელთა ასოციაცია“, (გერა) მომხმარებელს სთხოვს, რომ 2020 წლიდან სალიცენზიო ხელშეკრულებები მხოლოდ „გერასთან“ გააფორმოს. წინააღმდეგ შემთხევვაში ორგანიზაცია, მუსიკალურ პროდუქციაზე საავტორო უფლებების დაცვის მიზნით, სასამართლოს მიმართავს.

ირაკლი შენგელია

10 დეკემბერი 2019, 13:11

საქართველო

ქუთაისის საკრებულოს თავმჯდომარის მოვალეობას ირაკლი შენგელია შეასრულებს

შენგელია მოვალეობას მანამდე შეასრულებს, ვიდრე საკრებულო ახალ თავმჯდომარეს აირჩევს. ქუთაისის საკრებულოს თავმჯდომარის პოსტზე საკუთარი კანდიდატურის დასახელება ყველა დეპუტატს შეუძლია. დეპუტატებმა ახალი თავმჯდომარე ხმათა უმრავლესობით უნდა დაამტკიცონ.

სოფო კილაძე

10 დეკემბერი 2019, 13:04

საქართველო

სოფო კილაძე: შესაძლოა ოპოზიცია ცალკეულ ევროპარლამენტარებს არასწორ ინფორმაციას აწვდის

„ცალკეული ევროპარლამენტარები არ უნდა გავაიგივოთ მთლიანად ევროპარლამენტთან, რადგან ევროპარლამენტარებს შეიძლება საკუთარი აზრი ჰქონდეთ, რაც შესაძლებელია ჩამოუყალიბდათ ოპოზიციის მიერ მიწოდებული არასწორი ინფორმაციის საფუძველზე,” - განაცხადა სოფო კილაძემ.

ჩეხეთი სროლა

10 დეკემბერი 2019, 13:00

მსოფლიო

ჩეხეთში საავადმყოფოში სროლას ექვსი ადამიანი ემსხვერპლა

ჩეხეთის ერთ-ერთ საავადმყოფოში სროლას ბოლო მონაცემებით 6 ადამიანი ემსხვერპლა. შემთხვევა ქვეყნის აღმოსავლეთ ნაწილში მდებარე ქალაქ ოსტრავაში მოხდა. დამნაშავემ, რომელმაც მიმალვა მოახერხა, ცეცხლი საავადმყოფოს ტრავმატოლოგიურ განყოფილებაში გახსნა.პოლიციამ თავდამსხმელის ფოტო გამოაქვეყნა. დანაშაულის მოტივი უცნობია.

ბორის ჯონსონი

10 დეკემბერი 2019, 12:34

ტაბლოიდი

ბორის ჯონსონმა წინასაარჩევნო რგოლში ცნობილი ფილმიდან სცენა გაითამაშა. ვიდეო

ბორის ჯონსონი რეჟისორ რიჩარდ კერტისის პოპულარული სურათის „Love Actually“ იმ სცენარს იმეორებს, რომელშიც მსახიობ ენდრიუ ლინკოლნის გმირი კირა ნაითლის პერსონაჟს სიყვარულს პლაკატების დახმარებით უხსნის. რიგგარეშე საყოველთაო არჩევნები დიდ ბრიტანეთში 12 დეკემბერს ჩატარდება.

თსუ

10 დეკემბერი 2019, 12:33

საქართველო

2020 წლიდან თსუ-ს საერთაშორისოდ აკრედიტებული პროგრამები ექნება

2020-21 სასწავლო წლისთვის უნივერსიტეტები სტუდენტებს შესთავაზებენ საერთაშორისოდ აკრედიტებულ პროგრამებს. პირველ ეტაპზე, საუბარია ორ პროგრამაზე: ესენია საბუნებისმეტყველო და ინჟინერულ-კომპიუტერული მიმართულება, რაც ნიშნავს იმას, რომ ამ ფაკულტეტების კურსდამთავრებულები მიიღებენ საერთაშორისოდ აღიარებულ დიპლომებს.

10 დეკემბერი 2019, 12:30

ეკონომიკა

Amazon-ი ტარამპს პენტაგონთან კონტრაქტის ჩაშლაში ადანაშაულებს

ინტერნეტგაყიდვების გიგანტმა Amazon-მა აშშ-ის თავდაცვის სამინისტროს (პენტაგონი) სასამართლოში უჩივლა. ამის მიზეზი მხარეებს შორის $10 მილიარდიანი კონტრაქტის ჩაშლა გახდა.Reuters-ის ცნობით, სარჩელის თანახმად Amazon-ი აშშ-ის ფედერალურ მთავრობას სთხოვს, რომ პენტაგონთან საკონტრაქტო ხელშეკრულებას გადახედოს.

ნინო ლომჯარია

10 დეკემბერი 2019, 12:25

საქართველო

ომბუდსმენმა 2019 წლის ანგარიში წარადგინა

10 დეკემბერს ადამიანის უფლებათა დაცვის საერთაშორისო დღე აღინიშნება. ნინო ლომჯარიას თქმით, 2019 წელს საქართველოს სახალხო დამცველმა განსაკუთრებული ყურადღება გაამახვილა საქართველოს უზენაესი სასამართლოს მოსამართლეებით დაკომპლექტების პროცესის მონიტორინგსა და შეფასებაზე.

პანდის ტყუპი ბერლინის ზოოპარკი

10 დეკემბერი 2019, 12:04

ტაბლოიდი

ბერლინის ზოოპარკმა პანდის ტყუპი წარადგინა. ვიდეო

პანდამ მენგ მენგ პატარები 31 აგვისტოს გააჩინა. ორივე მამრია. ერთ-ერთს მენ ქსიანგი დაარქვეს, მეორეს კი მენგ იუანი, რაც „ნანატრ ოცნებას“ და „ახდენილ ოცნებას“ ნიშნავს. ძმები დაახლოებით 6 კილოგრამს იწონიან, ზოოპარკის სტუმრები მათ მომავალ წელს ნახავენ, როცა პანდები სიარულს შეძლებენ.

10 დეკემბერი 2019, 11:56

ტექნოლოგიები

WhatsApp-მა სმარტფონებში ელემენტის სწრაფად განმუხტვის პრობლემა გადაჭრა

WhatsApp-მა მესენჯერის არაკორექტური მუშაობის პრობლემა გადაჭრა, რაც Android-ებში ელემენტის სწრაფად განმუხტვას იწვევდა. TechRadar-ის ცნობით, 2019 წლის ნოემბერში სმარტფნების Google Pixel, Samsung-ის და OnePlus-ის მფლობელები აცხადებდნენ, რომ WhatsApp-ის მესენჯერი ფონურ რეჟიმში მუშაობდა და ელემენტი მუხტის 30%-ს ხარჯავდა.

ბაქო ხანძარი

10 დეკემბერი 2019, 11:52

მსოფლიო

ბაქოს ერთ-ერთ სავაჭრო ცენტრში ხანძარია

ბაქოში ერთ-ერთი სავაჭრო ცენტრი იწვის. ხანძარი სამშენებლო მასალების ბაზრობა Eurohome-ში გაჩნდა. ძლიერი ცეცხლი სხვა მაღაზიებზე გავრცელდა. ადგილზე 5 სახანძრო ჯგუფი მუშაობს. წინასწარი ცნობით, 2 ადამიანი დაშავდა. ხანძრის გამომწვევი მიზეზები ჯერჯერობით უცნობია.

აშშ სენატი

10 დეკემბერი 2019, 11:48

მსოფლიო

აშშ-ის თავდაცვის ბიუჯეტის პროექტი რუსული გაზსადენების საწინააღმდეგო სანქციებს ითვალისწინებს

დოკუმენტის ავტორები მიიჩნევენ, რომ ეს ევროპის ენერგოუსაფრთხოების უზრუნველყოფას შეუწყობს ხელს. რუსეთის აგრესიის შესაჩერებლად სხვა ზომებს შორის თურქეთისთვის ამერიკული გამანადგურებლების F-35 გადაცემაზე აკრძალვა და უკრაინის დახმარებაა, მათ შორის ლეტალური იარაღის მიწოდება. ​​​​​​​​

საავტომობილო გზების დეპარტამენტი

10 დეკემბერი 2019, 11:38

ეკონომიკა

საავტომობილი გზების დეპარტამენტმა ჩატარებული სამუშაოები და 2020 წლის გეგმები წარადგინა

2019 წელს აქტიურად მიმდინარეობს საქართველოს მთავარი საგზაო მაგისტრალების ჩქაროსნულ გზატკეცილად მოდერნიზების პროექტები. ამ დროისთვის ჩქარონსული მაგისტრალების ნაწილში აშენებულია 208 კმ. გზა, სამუშაოები მიმდინარეობს 142 კმ-ზე და დამატებით სამშენებლო სამუშაოები დაიწყება 50 კმ-ზე.

აქცია ქუთაისში

10 დეკემბერი 2019, 11:22

საქართველო

ქუთაისში ვაჟა გაფრინდაშვილის მხარდამჭერი აქცია გაიმართა

არასამთავრობო ორგანიზაციების წარმომადგენლები ქალაქის ცენტრში ადამიანის უფლებების დაცვის დღესთან დაკავშირებით შეიკრიბნენ და ექიმის დაკავების ფაქტი კიდევ ერთხელ გააპროტესტეს. მათი თქმით, ხელისუფლებამ გაფრინდაშვილის გასათავისუფლებლად კიდევ უფრო მეტი ქმედითი ნაბიჯი უნდა გადადგას.

პიტ ფრეიტსი

10 დეკემბერი 2019, 11:06

სპორტი

Ice Bucket Challenge-ის პოპულარიზატორი კალათბურთელი პიტ ფრეიტსი გარდაიცვალა

Ice Bucket Challenge-ი, რომლის მონაწილეებიც ცივ წყალს ისხამდნენ, ვიდეოებს სხვადასხვა სოციალურ ქსელში აზიარებდნენ და ამ ავადმყოფობის კვლევისთვის თანხის გაღებისკენ ყველას მოუწოდებდნენ, 2013 წელს დაიწყო.

ჩილე

10 დეკემბერი 2019, 10:01

მსოფლიო

ანტარქტიდასთან ჩილეს სამხედრო თვითმფრინავმა კატასტროფა განიცადა

C130 Hercules-ი ა ქალაქ პუნტა-არენასიდან გაფრინდა და ანტარქტიდაზე სამხედრო ბაზაზე მიემგზვრებოდა, რა დროსაც ის რადარებიდან გაქრა. თვითმფრინავს ნავთობსადენის პერსონალი გადაჰყავდა. სამძებრო-სამაშველო სამუშაოები უკვე დაწყებულია.