imedi /  11 ივნისი 2019, 15:16 / სანდო წყარო

„ეიპიემ ტერმინალსი“: ფოთის პორტის საინვესტიციო პროექტის ხარჯი საქართველოს მთავრობისთვის ნულოვანია

ფოთის პორტი

ფოთის პორტი

ეიპიემ ტერმინალს ფოთი“ (APM Terminals Poti) განცხადებას ავრცელებს, რომელშიც ფოთის პორტის გაფართოების გეგმაზე, ასევე პირველი ეტაპის ნებართვის მიღებისა და შემდეგ ამ ნებართვის გაუქმების საკითხია შეფასებული. 

ეიპიემ ტერმინალს ფოთის“ (APM Terminals Poti) განცხადების თანახმად, ფოთის საზღვაო ნავსადგური მისი დაარსებიდან, ჯერ კიდევ 1858 წლიდან წარმოადგენს კავკასიის რეგიონის სატრანსპორტო კარიბჭეს. აღნიშნული სტრატეგიული მნიშვნელობის ნავსადგურის განვითარების შეუქცევადობის უზრუნველსაყოფად, სამომავლო ზრდის პერსპექტივის გათვალისწინებით, სს „კორპორაცია ფოთის საზღვაო ნავსადგურმა“ საქართველოს მთავრობას წარუდგინა ნავსადგურის გაფართოების წინასწარი გეგმა, რომელიც ითვალისწინებს 250 მილიონ დოლარზე მეტ ინვესტიციას.

კომპანიაში განმარტავენ, რომ ფოთის საზღვაო ნავსადგურის გაფართოება გაზრდის საქართველოში წარმოებული ბიზნესების კონკურენტულ უპირატესობას და ექნება პირდაპირი გავლენა მომხმარებლებზე. გამოიყენებენ ფოთის საზღვაო ნავსადგურის არსებულ ინფრასტრუქტურას და სატრანსპორტო და ლოგისტიკურ ბაზებს ფოთში, ქალაქში, რომლის 41 000-იანი მოსახლეობა ეკონომიკურად სრულადაა დამოკიდებული ნავსადგურზე.

განცხადებაში აღნიშნულია ისიც, რომ 2018 წლის დასაწყისიდან, „კორპორაცია ფოთის საზღვაო ნავსადგურმა“ (ეიპიემ ტერმინალს ფოთი) ფოთის საზღვაო ნავსადგურის გაფართოების პროგრესული გეგმის შექმნა-განვითარებაზე თანამშრომლობა დაიწყო ქართულ პარტნიორთან – „ფოთის ახალი ტერმინალების კონსორციუმი“.

„აღნიშნული გეგმის თანახმად, 1640-მეტრიანი დამცავი მოლი ახალ ნავსადგურს დაიცავს არასახარბიელო მეტეოროლოგიური პირობების უარყოფითი ზეგავლენისა და მდინარე რიონის მიერ ჩამოტანილი ნაშალი მასალისაგან. ამასთან, 700-მეტრიანი ნავმისადგომი მოემსახურება უფრო დიდი ზომის და ეფექტიან სატვირთო გემებს, ხოლო 25 ჰექტარის ფართობის საკონტეინერო ტერიტორია შექმნის ტვირთნაკადის გაზრდისა და საქართველოს სარკინიგზო სისტემის უკეთ მომარაგებისა და მხარდაჭერის შესაძლებლობებსაც.

გაფართოების შემდეგ, ნავსადგურს ექნება საშუალება, მოემსახუროს 300 მეტრამდე სიგრძის გემებს 13.5-14.5 მეტრი სიღრმის მქონე ორ ნავმისადგომზე. 400 მეტრიანი ნავმისადგომი მოეწყობა ნაყარი, 300 მეტრიანი ნავმისადგომი კი – კონტეინერიზებული ტვირთებისთვის. სატვირთო ოპერაციებისთვის განკუთვნილი ამწეები, ნაყარი ტვირთების დასამუშავებელი სპეციალიზებული მტვირთველები და უშუალოდ ნავმისადგომის სიახლოვეს განლაგებული ტვირთების დასასაწყობებელი მოცულობითი ობიექტები საქართველოს საშუალებას მისცემს, გახდეს უფრო ძლიერი სატრანსპორტო და ლოგისტიკური პარტნიორი მომხმარებლებისთვის მთელს რეგიონში“, – ნათქვამია განცხადებაში და აღნიშნულია, რომ ფოთის საზღვაო ნავსადგურის საკონტეინერო ტვირთების გამტარუნარიანობა გაიზრდება 1 მილიონ TEU-მდე (ოც ფუთიანი კონტეინერის ეკვივალენტი), ხოლო 60 000 ტონიან (პანამაქსის ტიპის) ნაყარი ტვირთის გემებს ნავსადგურის ახალი ინფრასტრუქტურა და ტექნიკური საშუალებები გაუწევს ეფექტიან მომსახურებას.

კომპანიის ინფორმაციით, ჯამში, ნავსადგურის წლიური ტვირთების გამტარუნარიანობა დამატებით 10 მილიონი ტონით გაიზრდება. მოსალოდნელია, რომ ახალი ნავსადგური მომხმარებლებისთვის, უფრო დიდი ზომის გემების მიღების შესაძლებლობით, ტვირთების დასაწყობების გაუმჯობესებული ინფრასტრუქტურითა და მსოფლიო დონის საპორტო ოპერატორით, მნიშვნელოვნად გააუმჯობესებს მომსახურებას და მოიზიდავს იმ ნაყარ ტვირთებს, რომლებიც ამჟამად არ მოძრაობს საქართველოს სატრანსპორტო  დერეფნის გავლით. ტვირთმფლობელებისთვის გაიზრდება პოტენციური ბაზრები, რაც თავის მხრივ, დაეხმარება ქართულ პროდუქციას კონკურენტუნარიანობის ამაღლებაში.

ეიპიემ ტერმინალს ფოთი“ აღნიშნავს, რომ მშენებლობის სავარაუდო პერიოდი 24-30 თვეა და მასში, მეტწილად, ქართული რესურსებისა და სამუშაო ძალის გამოყენებაა დაგეგმილი, რაც დამატებით რამდენიმე ასეულ სამუშაო ადგილს შექმნის. კომპანია „ეიპიემ ტერმინალსის“ გამოცდილებასაც უსვამს ხაზს დიდი ნავსადგურების მშენებლობის მხრივ.

ეიპიემ ტერმინალს ფოთის“ განცხადებით, „კორპორაცია ფოთის საზღვაო ნავსადგურსა“ და „ფოთის ახალი ტერმინალების კონსორციუმს“ შორის ურთიერთგაგების მემორანდუმი კვლავ ძალაშია.

„ამასთან, აღნიშნული საინვესტიციო პროექტის ხარჯი საქართველოს მთავრობისთვის პრაქტიკულად ნულოვანია. ურთიერთგაგების მემორანდუმი „კორპორაცია ფოთის საზღვაო ნავსადგურსა“ და „ფოთის ახალი ტერმინალების კონსორციუმს“ შორის ძალაშია და მოლაპარაკებები აქტიურ, დასკვნით ფაზაშია შესული, იმ მოლოდინით, რომ საბოლოო შეთანხმება 2019 წლის მესამე კვარტალში იქნება მიღწეული“, – ნათქვამია განცხადებაში.

კომპანია განმარტავს, რომ მშენებლობის ნებართვის მიღების სამსაფეხურიანი პროცესის პირველი ეტაპის შესახებ განაცხადი საქართველოს ოფიციალურ სტრუქტურებს, კანონმდებლობით დადგენილი წესით,  2018 წლის 11 ოქტომბერს წარედგინა, რომლის შესახებაც 2019 წლის 2 მაისს მიღებული იყო დადებითი გადაწყვეტილება და გაუქმდა ამავე წლის 30 მაისს.

„ეიპიემ ტერმინალსმა“ ეკონომიკის მინისტრის ნათია თურნავას ბრძანების სამართლებრივი შესწავლის შესახებ 31 მაისს განაცხადა.

ფოთში ახალი ღრმაწყლოვანი ნავსადგურის წინასამმშენებლობო ნებართვის დოკუმენტის გაცემა „ანაკლიის განვითარების კონსორციუმმა“ ანაკლიის პორტის მშენებლობისთვის საფრთხედ აღიქვა. მათი განგაშის შემდეგ დოკუმენტი ეკონომიკის მინისტრმა ნათია თურნავამ გააუქმა და თანამდებობიდან გადააყენა მშენებლობისა და ტექნიკური ზედამხედველობის სააგენტოს ხელმძღვანელი გრიგოლ კაკაურიძე.

ეკონომიკისა და მდგრადი განვითარების სამინისტროს (სსიპ) ტექნიკური და სამშენებლო ზედამხედველობის სააგენტოს ყოფილი უფროსის გრიგოლ კაკაურიძის განცხადებით, ფოთში ახალი ღრმაწყლოვანი ნავსადგურის მშენებლობის ნებართვის დოკუმენტთან დაკავშირებული გადაწყვეტილება მან ისე მიიღო, რომ მოქმედი მინისტრი ნათია თურნავა საქმის კურსში არ ჩაუყენებია.

ანაკლიის ღრმაწყლოვანი პორტის მშენებლობის შეწყვეტის საფრთხის შესახებ ინფორმაცია „ანაკლიის განვითარების კონსორციუმმა” 29 მაისს გაავრცელა.

ქალაქ ფოთში ახალი საზღვაო ნავსადგურის მშენებლობის შესახებ ინფორმაცია ფოთის მერიამ  გაავრცელა. მშენებლობის ნებართვა ეკონომიკის სამინისტროს ტექნიკური ზედამხედველობის სააგენტომ გასცა.

რა ეტაპზეა ანაკლიის პორტის მშენებლობა, ნახეთ ამ ბმულზე.

ყველა სიახლე

ბილ დე ბლაზიო

20 სექტემბერი 2019, 16:51

მსოფლიო

ნიუ-იორკის მერი საპრეზიდენტო არჩევნებზე კენჭს აღარ იყრის

ნიუ-იორკის მერმა ბილ დე ბლაზიომ განაცხადა, რომ საპრეზიდენტო არჩევნებზე კენჭს აღარ იყრის. „ჩემი აზრით, პრაიმერიზე გავაკეთე ყველაფერი, თუმცა ახლა ჩემი დრო არაა. ამიტომ გადავწყვიტე, დავასრულო წინასაარჩევნო კამპანია და გავაგრძელო მუშაობა ნიუ-იორკის მერად“, - განაცხადა დე ბლაზიომ ტელეკომპანია MSNBC-ის ეთერში.

სამსახური

20 სექტემბერი 2019, 16:34

საქართველო

ორ სამსახურში მუშაობა შესაძლოა აიკრძალოს

„ქართული ოცნების“ წევრის, დეპუტატ დიმიტრი ცქიტიშვილის მიერ მომზადებული კანონპროექტის მიხედვით, მოქალაქეებს აეკრძალებათ ერთზე მეტ სამსახურში დასაქმება, თუ აღნიშნული სამსახურის შესრულებით დადგენილი საათები ჯამურად აჭარბებს შრომის კოდექსის მეხუთე თავში არსებულ დანაწესს.

გულალაი ისმაილი

20 სექტემბერი 2019, 16:18

მსოფლიო

პაკისტანელი უფლებადამცველი აშშ-ს თავშესაფარს სთხოვს

პაკისტანელი უფლებადამცველი, რომელიც რამდენიმე თვის განმავლობაში მიმალვაში იყო, აშშ-ში ჩაფრინდა. ამის შესახებ BBC წერს. გამოცემის ინფორმაციით, პაკისტანის მთავრობა გულალაი ისმაილს ხელისუფლების საწინააღმდეგო ქმედებებსა და ძალადობისკენ მოწოდებაში ადანაშაულებს

ოთო კახიძე

20 სექტემბერი 2019, 16:10

საქართველო

ოთო კახიძე: თუ დანაშაულის ნიშნები გამოიკვეთა, პრეზიდენტის მიმართ იმპიჩმენტის პროცედურა დაიწყება

„ევროპული საქართველო“ პროკურატურას პრეზიდენტის მიერ შეწყალების პროცესთან დაკავშირებით გამოძიებისთვის 1-თვიან ვადას აძლევს, - ამის შესახებ „ევროპული საქართველოს“ წევრმა ოთო კახიძემ განაცხადა. მისი თქმით, შესაძლოა პრეზიდენტის მიმართ იმპიჩმენტის პროცესიც დაიწყოს.

სალომე ზურაბიშვილი

20 სექტემბერი 2019, 16:06

საქართველო

ზურაბიშვილი აშშ-ში სამუშაო ვიზიტით გაემგზავრება

ნიუ-იორკში საქართველოს პრეზიდენტის მონაწილეობით იგეგმება ორმხრივი შეხვედრები სხვადასხვა ქვეყნების ლიდერებთან და გაეროს გენერალურ მდივანთან. საქართველოს პრეზიდენტი გაეროს გენერალური ასამბლეის სესიაში მონაწილეების პატივსაცემად დონალდ ტრამპისა და მისი მეუღლის სახელით გამართულ ოფიციალურ მიღებას დაესწრება.

სოფიო კილაძე

20 სექტემბერი 2019, 15:58

ძალოვნები

სოფო კილაძე: მარგველაშვილის და ზურაბიშვილის შემთხვევაშიც ყველაფერს თავის სახელს ვარქმევთ

„მარგველაშვილის და ზურაბიშვილის შემთხვევაშიც ორივე მიმართულებით ყველაფერს თავის სახელს ვარქმევთ“, - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ სოფო კილაძემ განაცხადა. მისი თქმით, პრეზიდენტის შეწყალებებთან დაკავშირებით მმართველ გუნდს ყოფილი პრეზიდენტის დროსაც იგივე მიდგომა ჰქონდა.

პერენც პუშკაში

20 სექტემბერი 2019, 15:13

ტაბლოიდი

ბუდაპეშტში მთელი ღამე Rammstein-ის სიმღერა ისმოდა

ბუდაპეშტში საფეხბურთო სტადიონ „ფერენც პუშკაშზე“ მთელი ღამის განმავლობაში გერმანულ როკ-ჯგუფ Rammstein-ის ერთი და იგივე სიმღერა ისმოდა. ამის შესახებ euronews-ი წერს. გამოცემის ინფორმაციით, მუსიკა ხმამაღლა იყო ჩართული, ამიტომ მეზობელი სახლების მცხოვრებლებმა სიმღერა „Deutschland“-ის ტექსტი ზეპირად ისწავლეს.

პარლამენტი

20 სექტემბერი 2019, 14:59

საქართველო

ციხელაშვილის მოსმენისას დეპუტატების დიდმა ნაწილმა დარბაზი დატოვა

„მინისტრის საათის“ ფორმატში ქეთევან ციხელაშვილის მოსმენის დაწყებამდე პარლამენტში რეგისტაცია 122-მა დეპუტატმა გაიარა. თუმცა მას შემდეგ, რაც შერიგებისა და სამოქალაქო თანასწორობის საკითხებში სახელმწიფო მინისტრის გამოსვლა დაიწყო, ოპოზიციის და უმრავლესობის დეპუტატების დიდმა ნაწილმა სხდომათა დარბაზი დატოვა.

სოფლის მეურნეობის ტურიზმი კონფერენცია

20 სექტემბერი 2019, 14:42

ეკონომიკა

ბათუმში სოფლის ტურიზმის საერთაშორისო კონფერენცია გაიხსნა

„სოფლად ცხოვრება, როგორც ტურისტული პროდუქტი“ - ამ თემაზე ბათუმში სოფლის ტურიზმის მესამე საერთაშორისო კონფერენცია გაიხსნა. ღონისძიებაში 150-მდე ქართველი და უცხოელი დელეგატი მონაწილეობს. კონფერენცია აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით იმართება.

საქართველოს პარლამენტი

20 სექტემბერი 2019, 14:25

საქართველო

პარლამენტმა „სახელმწიფო ინსპექტორის სამსახურის შესახებ“ კანონში ცვლილებები მიიღო

კანონი სახელმწიფო ინსპექტორის სამსახურს გამოძიების ჩატარებისა და ოპერატიულ-სამძებრო საქმიანობის განხორციელების უფლებას ანიჭებს, რის გამოც სამსახურის საგამოძიებო დანაყოფში ოპერატიული მუშაკის და ექსპერტ-კრიმინალისტის თანამდებობების შემოღება იგეგმება.

სიდნეი კლიმატის ცვლილება

20 სექტემბერი 2019, 14:19

მსოფლიო

მსოფლიოში კლიმატის ცვლილებას აპროტესტებენ

მსოფლიოს 160-მდე ქვეყანაში კლიმატის ცვლილების საწინააღმდეგო დემონსტრაციები იმართება. ამის შესახებ BBC წერს. გამოცემის ინფორმაციით, დემონსტრანტები წიაღისეული საწვავის ხანის დასრულებას და დედამიწის ბუნებრივი რესურსების სამართლიან გადანაწილებას ითხოვენ.

20 სექტემბერი 2019, 14:10

ეკონომიკა

ეროვნულმა ბანკმა მონეტარული პოლიტიკის კომიტეტის რიგგარეშე სხდომა დანიშნა

ეს იქნება პირველი შემთხვევა, როცა კომიტეტი რიგგარეშე სხდომაზე შეიკრიბება. სხდომაზე კომიტეტი მონეტარული პოლიტიკის საპროცენტო განაკვეთის შესახებ იმსჯელებს. მონეტარული პოლიტიკის კომიტეტი განრიგით წელიწადში რვაჯერ იკრიბება.

ნანა ლორთქიფანიძე

20 სექტემბერი 2019, 14:03

საქართველო

ნანა ლორთქიფანიძე: აჟიოტაჟის შემდეგ ოთხმეზურის ოჯახს პრეზიდენტის ადმინისტრაციიდან დაუკავშირდნენ

ისტორიკოს გიორგი ოთხმეზურის ბიძაშვილის, მსახიობის თქმით, დავით ოთხმეზურის მკვლელობაში მსჯავრდებულის შეწყალების გამო საზოგადოებაში აჟიოტაჟის ატეხვის შემდეგ, ოჯახს პრეზიდენტის ადმინისტრაცია დაუკავშირდა და ზურაბიშვილის წუხილი გადასცა იმის შესახებ, რომ „არ იცოდა, ვინ იყო დაზარალებული“.

20 სექტემბერი 2019, 13:57

ეკონომიკა

კახეთში წელს ერთი დღე-ღამის განმავლობაში 11 ათასი ტონა ყურძენი გადაამუშავეს

კახეთში მიმდინარე რთველის დროს, გასული დღე-ღამის განმავლობაში 11 ათასი ტონა ყურძენი გადაამუშავეს, რაც ბოლო 30 წლის ყველაზე მაღალი მაჩვენებელია. ამის შესახებ ინფორმაციას რთველი 2019-ის საკოორდინაციო შტაბი ავრცელებს.

ირმა ნადირაშვილი

20 სექტემბერი 2019, 13:53

ძალოვნები

პრეზიდენტის მიერ შეწყალების საქმეზე ირმა ნადირაშვილს გამოკითხავენ

„ევროპული საქართველოს“ წევრს ირმა ნადირაშვილს პროკურატურაში გამოკითხავენ. საქმე ეხებას მსჯავრდებულების რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე დაწყებულ გამოძიებას.

20 სექტემბერი 2019, 13:42

საქართველო

პრეზიდენტის ადმინისტრაცია: პროკურატურის მიერ ფაქტების შესწავლა ერთადერთი სწორი გზაა

საქართველოს პრეზიდენტის ადმინისტრაცია პრეზიდენტის მიერ მსჯავრდებულების შეწყალების ფაქტებზე გამოძიების დაწყებასთან დაკავშირებით პროკურატურის გადაწყვეტილებას მიესალმება. პროკურატურამ პრეზიდენტის მიერ შეწყალების საქმეებზე გამოძიება დაიწყო.

მიკი რურკი

20 სექტემბერი 2019, 13:40

ტაბლოიდი

მიკი რურკმა სამუდამო განსასვენებლად უკრაინა აირჩია

მსახიობის თქმით, უკრაინელმა მეგობარმა დიმიტრი კორნეიჩუკმა ის სოფელი აჩვენა, სადაც მისი ბაბუაა დაკრძალული. რურკი სურვილს გამოთქვამს, სიკვდილის შემდეგ არა ამერიკის შეერთებულ შტატებში, არამედ ხმელნიცკის ოლქში, სოფელ ზაგორციში დაკრძალონ.

პარლამენტი

20 სექტემბერი 2019, 13:33

საქართველო

პარლამენტში ქეთევან ციხელაშვილს უსმენენ

„მინისტრის საათის“ ფორმატში პარლამენტში ქეთევან ციხელაშვილს უსმენენ. შერიგებისა და სამოქალაქო თანასწორობის საკითხებში სახელმწიფო მინისტრი დეპუტატებს მისი უწყების საქმიანობის ანგარიშს აცნობს. დეპუტატებს საშუალება ექნებათ ქეთევან ციხელაშვილს კითხვები დაუსვან.

საქართველოს პარლამენტი

20 სექტემბერი 2019, 13:29

საქართველო

პარლამენტმა „ბავშვთა უფლებების კოდექსი“ მიიღო

საქართველოს პარლამენტმა ბავშვთა უფლებების კოდექსი მესამე მოსმენით მიიღო. კანონპროექტს მხარი 85-მა დეპუტატმა დაუჭირა, წინააღმდეგი კი ერთი აღმოჩნდა.საკანონმდებლო პაკეტი ადამიანის უფლებათა დაცვის კომიტეტმა მოამზადა.

პროკურატურა

20 სექტემბერი 2019, 13:08

ძალოვნები

პროკურატურამ პრეზიდენტის მიერ შეწყალების საქმეებზე გამოძიება დაიწყო

„საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე, დანაშაული გათვალისწინებული სსკ-ის 332-ე მუხლის პირველი ნაწილით. საზოგადოებას პერიოდულად მივაწვდით ინფორმაციას გამოძიების მიმდინარეობისა და შედეგების შესახებ“.