imedi /  11 ოქტომბერი 2019, 19:42 / სანდო წყარო

სები ახალი სათავო ოფისის მშენებლობაზე განმარტებას აკეთებს

საქართველოს ეროვნული ბანკი

საქართველოს ეროვნული ბანკი

ახალი სათავო ოფისის მშენებლობისთვის მიწის შესყიდვასთან დაკავშირებით ერთ-ერთი ტელეკომპანიის ეთერში გასული სიუჟეტის გამო საქართველოს ეროვნული ბანკი განმარტებას აკეთებს.

როგორც უწყების განცხადებაშია აღნიშნული, ბოლოდროინდელი საკანონდებლო ცვლილებების საფუძველზე მნიშვნელოვნად გაიზარდა საქართველოს ეროვნული ბანკის ფუნქციები, რომელთა ჩამონათვალს დაემატა ისეთი სფეროების რეგულირება, როგორებიცაა არასაბანკო სფერო, საკრედიტო ბიურო, საპენსიო ფონდის საინვესტიციო საქმიანობის ზედამხედველობა; ასევე, მიმდინარეობს ევროდირექტივებთან დაახლოების პროცესი.

„ზემოაღნიშნული საჭიროებს შესაბამის საკადრო რესურსს და დამატებით საოფისე ფართს. არსებული საოფისე ფართები ვერ პასუხობს ვერც მიმდინარე და, მით უფრო, ვერც სამომავლო მოთხოვნებს. ამჟამად საქართველოს ეროვნული ბანკის თანამშრომლების ერთი მესამედი ნაქირავებ ოფისშია განთავსებული, რაც, თავის მხრივ, სოლიდურ ხარჯებთანაა დაკავშირებული. ინფორმაციისთვის, 2012 წელს ამჟამინდელ სათავო შენობაში (სანაპიროს ქუჩა 2; 6 ათას კვადრატულ მეტრამდე საერთო ფართით) საქართველოს ეროვნულმა ბანკმა 16.4 მილიონი აშშ დოლარი გადაიხადა, ახალი ოფისის (ფართი 17 ათას კვადრატულ მეტრამდე) მშენებლობის ხარჯის დიდწილად დაფარვა სწორედ არსებული შენობის რეალიზაციიდან მიღებული თანხებით იგეგმება. 

ხარჯების ეკონომიისა და თანხების გონივრულად განაწილების მიზნით, ეროვნული ბანკის საბჭომ მიიღო გადაწყვეტილება, აშენდეს ცალკე შენობა, რომელიც სრულად უზრუნველყოფს სამუშაო პროცესის გამართულ და შეუფერხებელ წარმართვას.   

მიწის ნაკვეთი ახალი სათავო ოფისისთვის გამჭვირვალობის მაღალი სტანდარტის და კანონმდებლობის სრული დაცულობით შეირჩა. ნაკვეთის მოძიების მიზნით, საწყის ეტაპზე, ეროვნულმა ბანკმა მიმართა ეკონომიკისა და მდგრადი განვითარების სამინისტროსა და ქალაქ თბილისის მერიას. აღნიშნული უწყებებისგან ქალაქის ცენტრალურ ნაწილში მიწის თავისუფალი ფართის თაობაზე უარის მიღების შემდეგ, მოძიებულ და განხილულ იქნა სხვა ალტერნატივები. ეროვნულმა ბანკმა მიწის ნასყიდობის ხელშეკრულება გააფორმა საქართველოში რეგისტრირებულ კომპანია შპს "სითი ცენტრთან".  ნასყიდობის ხელშეკრულების თანახმად, ეროვნული ბანკი მიწის საფასურს არ გადაუხდის გამყიდველს მშენებლობისათვის საჭირო ნებართვების მიღებამდე. ნასყიდობის ხელშეკრულება მაქსიმალურად იცავს ეროვნული ბანკის ინტერესებს, ვინაიდან რისკების თავიდან აცილების მიზნით მშენებლობისათვის აუცილებელი ნებართვების მიუღებლობის შემთხვევაში ქონება უკან დაუბრუნდება გამყიდველს მისივე ხარჯით, ხოლო ეროვნულ ბანკს არანაირი სანქცია არ დაეკისრება. რაც შეეხება თავად ოფისის მშენებლობას, დეტალური ინფორმაცია პროექტის სრული სახელშეკრულებო ღირებულების ჩათვლით, მხოლოდ კანონმდებლობით გათვალისწინებული სატენდერო პროცესის დასრულების შემდეგ გახდება ცნობილი.

შეგახსენებთ, რომ ეროვნული ბანკი, საქართველოს კონსტიტუციის მიხედვით, დამოუკიდებელია თავის საქმიანობაში. ეროვნული ბანკი არასაბიუჯეტო საჯარო სამართლის იურიდიული პირია, რომელსაც აქვს საკუთარი შემოსავლები და ასევე მოქმედი კანონმდებლობის მიხედვით, უფლება აქვს, დამოუკიდებლად დადოს ხელშეკრულებები, დამოუკიდებლად შეიძინოს უძრავი და მოძრავი ქონება და ფლობდეს და განკარგავდეს მას (საქართველოს ორგანული კანონი „საქართველოს ეროვნული ბანკის შესახებ“, მუხლი 1, პუნქტი 1).

ინფრასტრუქტურის განვითარებაზე ზრუნვა ეროვნულმა ბანკმა, ახალი, საერთაშორისო სტანდარტების შესაბამისი საკასო ცენტრის მშენებლობით დაიწყო. თანამედროვე  ტექნოლოგიებით აღჭურვილი საკასო ცენტრი 2012 წლის ივნისში გაიხსნა და ნაღდ ფულთან და ფასეულობებთან დაკავშირებული ყველა ოპერაცია დღეს უკვე საერთაშორისოდ აღიარებული ნორმების მიხედვით, დაცვისა და უსაფრთხოების ავტომატიზებული სისტემებით მიმდინარეობს“, - აღნიშნულია ეროვნული ბანკის განცხადებაში.

50 მილიონ ლარიანი ახალი ოფისის გამო ეროვნულ ბანკი პრემიერმა გიორგი გახარიამაც გააკრიტიკა და განაცხადა, რომ მსგავსი ოფისის აშენება გაცილებით უფრო ნაკლები დანახარჯებით შეიძლება.

აგვისტოში ცნობილი გახდა, რომ ეროვნული ბანკი ახალი სათავო ოფისის მშენებლობაზე სავარაუდოდ 50 მილიონ ლარს დახარჯავს. სებ-ის მიერ გამოქვეყნებული ტექნიკური დავალების თანახმად, A კლასის ახალი სათავო ოფისის სამშენებლო ფართი დაახლოებით 17 000 მ2-ია.

ამ დროისთვის საქართველოს ეროვნული ბანკი სანაპიროს ქუჩაზე, იუსტიციის სახლის შენობაშია განთავსებული.

ყველა სიახლე

06 ივნისი 2020, 01:05

მსოფლიო

იენს სტოლტენბერგი: ნატოს წევრი ქვეყნის შიგნით სამხედრო ძალის გამოყენება უკანასკნელი საშუალება უნდა იყოს

ნატოს გენერალურმა მდივანმა, იენს სტოლტენბერგმა შეშფოთება გამოთქვა იმის გამო, რომ აშშ-ის პრეზიდენტი, დონალდ ტრამპი საპროტესტო აქციების გასაკონტროლებლად სამხედროების გამოყენებას გეგმავს.

06 ივნისი 2020, 01:04

საზოგადოება

ჯანდაცვის სამინისტრომ სარკინიგზო ტრანსპორტისთვის, კორონავირუსის პრევენციისთვის რეკომენდაციები გამოაქვეყნა

სარკინიგზო ტრანსპორტისთვის ახალი კორონავირუსით (SARS-CoV-2) გამოწვეულ ინფექციასთან დაკავშირებული რეკომენდაციები გამოქვეყნდა.

კიმ კარდაშიანი კანიე უესტი

06 ივნისი 2020, 00:51

ტაბლოიდი

The Sun: კიმ კარდაშიანს კანიე უესტისგან ცალკე ცხოვრება სურს

ამერიკელი რეალითი შოუს ვარსკვლავი კიმ კარდაშიანი და მისი მეუღლე, რეპერი კანიე უესტი ერთმანეთისგან დაიღალნენ და ცალ-ცალკე ცხოვრება სურთ. ამის შესახებ გამოცემა The Sun-ი წერს. გამოცემის წყაროს ცნობით, კიმ კარდაშიანს ქმრისგან ცალკე სულ მცირე კარანტინის დასრულებამდე სურს, ვინაიდან „ადრე ისინი ამდენ დროს ერთად არ ატარებდნენ“. თუმცა გამოცემის წყარო აღნიშნავს, რომ დაძაბული ურთიერთობების მიუხედავად ტელევარსკვლავს რეპერთან განქორწინება არ სურს.

ჯორჯ ფლოიდი

06 ივნისი 2020, 00:49

მსოფლიო

ჯო ბაიდენი: ამერიკის მოსახლეობის 10-15 პროცენტი ცუდი ადამიანია

აშშ-ს მოსახლეობის 10-15 პროცენტი ცუდი ადამიანია. ამის შესახებ ყოფილმა ვიცეპრეზიდენტმა და პრეზიდენტობის კანდიდატმა ჯო ბაიდენმა ახალგაზრდობასთან ვირტუალური შეხვედრისას განაცხადა, რომელიც პოლიციელების მიერ 46 წლის აფროამერიკელის, ჯორჯ ფლოიდის მკვლელობის თემას მიეძღვნა. „ნუთუ ჩვენ ვთვლით, რომ არ შეიძლება უკეთესი ქვეყანა გვქონდეს?! არ მგონია მოსახლეობის უმეტესობა ასე ფიქრობდეს. ალბათ მოსახლეობის 10-15 პროცენტი ცუდი ადამიანია, მაგრამ ჩვენ, როგორც ქვეყანა, ასეთი არ ვართ. მოსახლეობის უმეტესობა ღირსეული ადამიანია“, - აღნიშნა ბაიდენმა.

აბდელმალეკ დრუკდალი

06 ივნისი 2020, 00:41

მსოფლიო

მალიში სპეცოპერაციის დროს ფრანგმა სამხედროებმა „მაღრიბში ალ-ქაიდას“ ლიდერი გაანადგურეს

საფრანგეთის თავდაცვის მინისტრის, ფლორანს პარლის განცხადებით, მალიში 3 ივნისს ჩატარებული სამხედრო ოპერაციის დროს „მაღრიბში ალ-ქაიდას“ ლიდერი, აბდელმალეკ დრუკდალი იყო ლიკვიდირებული.

06 ივნისი 2020, 00:29

COVID19

იაპონელმა მეცნიერებმა კორონავირუსთან საბრძოლველად „ჭკვიანი მაისური“ შექმნეს

იაპონელმა მეცნიერებმა შექმნეს მაისური, რომლის საშუალებითაც ექიმები კორონავირუსით ინფიცირებულთა ჯანმრთელობის მდგომარეობას დისტანციურად დააკვირდებიან. ამის შესახებ გამოცემა Asahi Shimbun-ი წერს. „ჭკვიანი მაისური“ კომპანია Mitsufuji-მ შექმნა. ახალი ტექნოლოგიების საშუალებით, ის ადამიანის პულსს, სუნთქვას და ჯანმრთელობის სხვა მონაცემებს ზომავს, შემდეგ კი ამ ინფორმაციას ექიმების სმარტფონებზე აგზავნის.

06 ივნისი 2020, 00:28

მსოფლიო

უკრაინაში შს მინისტრის გადადგომას მოითხოვენ

კიევში უმაღლესი რადის შენობასტან საპროტესტო აქცია გაიმართა. მომიტინგეებმა შს მინისტრის, არსენ ავაკოვის გადადგომა მოითხოვეს. აქციაში მონაწილეობას სვიატოსლავ ვაკარჩუკის პარტია „ხმის,“ „მემარცხენე სექტორისა“ და მოძრაობა „კიევ პრაიდის“ აქტივისტებიც იღებდნენ. ავაკოვის გადადგომის მოთხოვნით აქციები მას შემდეგ ტარდება, რაც რამდენიმე პოლიციელს კაგარლიკის განყოფილებაში დაკითხვაზე მიყვანილი ქალის გაუპატიურებასა და წამებაში დასდეს ბრალი. ავაკოვის ოპონენტები აცხადებენ, რომ 6 წლის განმავლობაში ავაკოვმა პოლიციის მხრიდან უფლებამოსილების ბოროტად გამოყენების შემთხვევები ვერ აღმოფხვრა, ვერ გაატარა რეფორმები და ქვეყანაში წესრიგის დაცვა ვერ შეძლო.

06 ივნისი 2020, 00:24

საზოგადოება

ჭავჭავაძის გამზირზე ტრანსპორტის მოძრაობის სქემა დროებით იცვლება

ჭავჭავაძის გამზირის სარეაბილიტაციო სამუშაოების დასკვნითი ეტაპის წარმოების გამო, 6-დან 20 ივნისამდე, ავალიშვილის ქუჩიდან თამარაშვილის ქუჩამდე არსებულ საგზაო მონაკვეთში ტრანსპორტის მოძრაობა შეიზღუდება.

06 ივნისი 2020, 00:21

მსოფლიო

გამდიდრებული ურანის მარაგებმა ირანში დაშვებულ ლიმიტს 8-ჯერ გადააჭარბა

ირანში გამდიდრებული ურანის მარაგებმა 2015 წლის შეთანხმებით დაშვებულ ლიმიტს დაახლოებით 8-ჯერ გადააჭარბა. ამის შესახებ გაეროს ექსპერტთა მიერ მომზადებულ ანგარიშშია ნათქვამი. დოკუმენტში აღნიშნულია, რომ გამდიდრებული ურანის მარაგები ირანში 1571,6 კილოგრამს შეადგენს, მაშინ, როდესაც შეთანხმებით მხოლოდ 202.8 კილოგრამია დაშვებული. ანგარიშის თანახმად, ირანი ურანს 4.5 %-მდე ამდიდრებს, ნაცვლად ნებადართული 3.67 %-ისა. ექსპერტები შეშფოთებას გამოთქვამენ იმის გამოც, რომ ირანი ორ ბირთვულ ობიექტზე საერთაშორისო ექპერტებს არ უშვებს, რაც იმის ეჭვს აჩენს, რომ ამ ობიექტებზე შესაძლოა არადეკლარირებული ბირთვული მასალები ინახებოდეს.

06 ივნისი 2020, 00:05

COVID19

ჯანმო: 60 წელს ზემოთ ასაკის ადამიანებმა პირბადეები უნდა ატარონ

იმ შემთხვევაში, თუ ფიზიკური დისტანციის დაცვა შეუძლებელია, 60 წელს ზემოთ ადამიანებმა პირბადეები უნდა ატარონ. შესაბამის რეკომენდაციას ჯანდაცვის მსოფლიო ორგანიზაცია იძლევა. „იმ რაიონებში, სადაც ვირუსის გავრცელება ფიქსირდება, 60 წლის და უფროსი ასაკის ადამიანებმა, ასევე მათ, ვისაც სიმპტომები აღენიშნება, პირბადეები უნდა ატარონ იმ შემთხვევაში, თუ ფიზიკური დისტანცირება შეუძლებელია“, - განაცხადა ორგანიზაციის გენერალურმა დირექტორმა თედროს ადჰანომ გებრეიესუსმა.

პაატა იმნაძე

05 ივნისი 2020, 23:52

COVID19

პაატა იმნაძე: ვინც ეკონომიკასა და ადამიანის სიცოცხლეს შორის ეკონომიკას ირჩევს, წაგებული რჩება

დაავადებათა კონტროლის ცენტრის ხელმძღვანელმა პაატა იმნაძემ „რუსთავი2“-ის ეთერში განაცხადა, რომ ვირუსის პანდემიის დროს ეკონომიკის გაჩერება ლოგიკურია.

05 ივნისი 2020, 23:38

COVID19

პაატა იმნაძე: COVID19 წყლით არ გადადის, ამიტომ ზღვასა და აუზში ცურვა სახიფათო არაა

წყლით ეს ვირუსი არ გადადის, თუმცა ფეკალიებთან ერთად ვირუსი გამოიყოფა, მაგრამ ესაა ვირუსის „ერენემის“ ნაგლეჯები და არა თვითონ ცოცხალი ვირუსი, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ „რუსთავი 2“-ის ეთერში ანაცხადა.

გიგა ბოკერია

05 ივნისი 2020, 23:30

პოლიტიკა

გიგა ბოკერია აცხადებს, რომ დიდი ალბათობით მაჟორიტარად იყრის კენჭს

„ევროპული საქართველოს“ ერთ-ერთი ლიდერი გიგა ბოკერია აცხადებს, რომ 2020 წლის საპარლამენტო არჩევნებზე, დიდი ალბათობით მაჟორიტარ დეპუტატად იყრის კენჭს. ამის შესახებ მან „რუსთავი 2“-ის ეთერში განაცხადა.

სალომე ზურაბიშვილი

05 ივნისი 2020, 23:30

პოლიტიკა

პანდემიის პერიოდში პრეზიდენტმა მსოფლიოს ლიდერებთან სატელეფონო საუბრებისთვის 200 ლარი და 98 თეთრი დახარჯა

პანდემიის პერიოდში, საქართველოს პრეზიდენტმა მსოფლიოს ლიდერებთან სატელეფონო საუბრებისთვის 200 ლარი და 98 თეთრი დახარჯა - ამის შესახებ სალომე ზურაბიშვილი Facebook-ზე წერს. „„მთავარი არხი“ დაინტერესდა - რა რაოდენობის თანხა დახარჯა საქართველოს პრეზიდენტმა, პანდემიის პერიოდში, მსოფლიო ლიდერებთან სატელეფონო საუბრებისთვის. პრეზიდენტის ადმინისტრაცია მადლობას უხდის ტელეკომპანიას ასეთი მნიშვნელოვანი კითხვისთვის და გაცნობებთ, რომ საქართველოს პრეზიდენტი, მარტი-მაისის პერიოდში, ესაუბრა 50 ქვეყნის ლიდერს. აქედან, 18 ქვეყნის პირველ პირს ინტერნეტის საშუალებით - ვიდეოზარით დაუკავშირდა,

05 ივნისი 2020, 23:18

ეკონომიკა

აუდიტი: სახელმწიფო პენსიის ადმინისტრირების ინფორმაციული სისტემა მოძველებულია

სახელმწიფო აუდიტის სამსახურმა შეისწავლა სახელმწიფო პენსიის ადმინისტრირების ინფორმაციული სისტემა და მასთან დაკავშირებული კონტროლები. დასკვნა უწყების ვებგვერდზეა ხელმისაწვდომი. კერძოდ, აუდიტის პროცესში შეფასდა ინფორმაციული სისტემისა და პენსიის ადმინისტრირების პროცესის პროდუქტიულობა, ასევე პენსიის ადმინისტრირების პროცესში გამოყენებული მონაცემების უსაფრთხოება და პერსონალური ინფორმაციის დამუშავების პრაქტიკა.

ვარკეთილი სკვერი

05 ივნისი 2020, 23:17

საზოგადოება

ვარკეთილის 3-ის IIIა მიკრორაიონში არსებულ სკვერს სრული რეაბილიტაცია ჩაუტარდა

თბილისის მერიის გარემოს დაცვის საქალაქო სამსახურმა ვარკეთილის 3-ის IIIა მიკრორაიონში, N325 კორპუსის მიმდებარედ არსებულ სკვერს სრული რეაბილიტაცია ჩაუტარა. დასრულებული სამუშაოები დედაქალაქის მერმა, კახა კალაძემთბილისის საკრებულოს თავმჯდომარე გიორგი ტყელამაძესთანდა მერის მოადგილე მაია ბითაძესთან ერთად დაათვალიერა.

05 ივნისი 2020, 23:09

სამართალი

ცხინვალის ციხეში პატიმრებმა თვითდაზიანებები მიიყენეს

ცხინვალის ციხეში ექვსმა პატიმარმა თვითდაზიანებები მიიყენა. ინფორმაციას ოკუპირებული რეგიონის მედიასაშუალებები ავრცელებენ. ცოტა ხნის წინ ციხეში მომხდარი ინციდენტი ე.წ. იუსტიციის სამინისტრომაც დაადასტურა. დეფაქტო უწყების განცხადებით, პატიმრებს სამედიცინო დახმარება დროულად აღმოუჩინეს და ამჟამად მათ სიცოცხლეს საფრთხე არ ემუქრება. როგორც არაღიარებული რესპუბლიკის გენერალურმა პროკურატურამ განმარტა, საპატიმროში აკრძალული ნივთების ამოღების მიზნით ჩხრეკა ჩატარდა, რა დროსაც ერთ-ერთმა პატიმარმა მობილური ტელეფონის ჩამორთმევა გააპროტესტა და სამართალდამცველებს წინააღმდეგობა გაუწია. ციხის ადმინისტრაციამ დახმარებისთვის დამატებითი ძალები გამოიძახა. დღეს დილიდან მსჯავრდებულთა ნაწილმა განაწესის შესრულებაზე უარი თქვა, დილის შემოწმება არ გაიარა და საუზმეც არ გავიდა. ვითარების გამწვავების შემდეგ კი რამდენიმე მათგანმა ვენები გადაიჭრა.

05 ივნისი 2020, 23:06

მსოფლიო

Reuters: აშშ გერმანიიდან 9.5 ათას სამხედროს გამოიყვანს

აშშ-ის პრეზიდენტმა, დონალდ ტრამპმა პენტაგონს გერმანიაში დისლოცირებული ამერიკელი სამხედროების რაოდენობის შემცირების ბრძანება გასცა. ინფორმაციას ამის შესახებ სააგენტო Reuters-ი ამერიკის მთავრობაში მაღალი რანგის ოფიციალურ პირზე დაყრდნობით ავრცელებს.

თენგიზ ცერცვაძე

05 ივნისი 2020, 23:04

COVID19

თენგიზ ცერცვაძე: პლაქვენილი COVID-19-ით ავადმყოფების კლინიკური მართვის ნაციონალურ პროტოკოლში დავაბრუნეთ

ინფექციური პათოლოგიისა და შიდსის ცენტრის ხელმძღვანელი, პროფესორი თენგიზ ცერცვაძე აცხადებს, რომ COVID-19-ით ავადმყოფების კლინიკური მართვის ნაციონალურ პროტოკოლში პლაქვენილი ისევ დააბრუნეს. ამ საკითხთან დაკავშირებით ის სპეციალურ განცადებას Facebook-ზე ავრცელებს: „როგორც ცნობილია, ჟურნალ „Lancet“-ში ა.წ. 22 მაისსგამოქვეყნებული სტატიის შემდეგ, სადაც ლაპარაკი იყო, რომ ჰიდროქსიქლოროქინს (პლაქვენილს) შეიძლება ჰქონდეს სერიოზული გვერდითი მოვლენები, 2020 წლის 25 მაისს ჯანმო-მ მიიღო გადაწყვეტილება, საერთაშორისო კლინიკურ კვლევა - „Solidarity“-დან მისი დროებით ამოღების თაობაზე.

მიხაილ კოკშენოვი

05 ივნისი 2020, 22:56

მსოფლიო

საბჭოთა კინოს ვარსკვლავი მიხაილ კოკშენოვი 83 წლის ასაკში გარდაიცვალა

საბჭოთა კინოს ცნობილი ვარსკვლავი, რუსი მსახიობი მიხაილ კოკშენოვი 83 წლის ასაკში გარდაიცვალა. ინფორმაცია მსახიობის ცოლმა, პოეტმა ლიუბოვ ვოროპაევამ Facebook-ის გვერდზე გაავრცელა. გარდაცვალების მიზეზი ჯერჯერობით უცნობია. მსახიობმა გასულ წელს ინსულტი გადაიტანა და მას შემდეგ საზოგადოების წინაშე აღარ გამოჩენილა. მიხაილ კოკშენოვს ასობით ფილმში აქვს მონაწილეობა მიღებული. პარალელურად ის მოსკოვის მაიაკოვსკის თეატრში, მინიატურების თეატრსა და კინომსახიობთა თეატრალურ სტუდიაში მუშაობდა.