საქართველოს საერთაშორისო საარბიტრაჟო ცენტრის გამგეობაში ცვლილებებია
ფოტო: საერთაშორისო საარბიტრაჟო ცენტრი
საქართველოს სავაჭრო-სამრეწველო პალატასთან არსებული საერთაშორისო საარბიტრაჟო ცენტრის (GIAC) გამგეობას ახალი თავმჯდომარე და წევრები ჰყავს. გამგეობის წევრებმა თავმჯდომარედ სავაჭრო-სამრეწველო პალატის პრეზიდენტი გიორგი პერტაია, მის მოადგილედ გამგეობის ახლადარჩეული წევრი, ინვესტორთა საბჭოს მდივანი გიორგი ჩერქეზიშვილი აირჩიეს.
შესაბამისი გადაწყვეტილებები 2020 წლის პირველ სხდომაზე მიიღეს.
ინვესტორთა საბჭოში დანიშვნამდე, გიორგი ჩერქეზიშვილი კომპანია Invest Wings&Freeman Capital-ის მთავარ საინვესტიციო ოფიცრად მუშაობდა. 2017 წლის მარტიდან კი იყო საქართველოს ეკონომიკისა და მდგრადი განვითარების მინისტრის მოადგილე. სამინისტროში მუშაობის დაწყებამდე, სხვადასხვა თანამდებობებზე საპარტნიორო ფონდში, „საქართველოს ბანკსა“ და საქართველოს კონტროლის პალატაში მუშაობდა.
საქართველოს საერთაშორისო საარბიტრაჟო ცენტრის გამგეობას კიდევ ერთი წევრი, „ჰუალინგ დაზღვევის“ გენერალური დირექტორი კოტე სულამანიძე შეემატა. აღნიშნულ თანამდებობაზე დანიშვნამდე სულამანიძე საქართველოს დაზღვევის სახელმწიფო ზედამხედველობის სამსახურის უფროსად მუშაობდა. მას აქვს საბანკო სფეროში მუშაობის მრავალწლიანი გამოცდილება, იყო „პროგრეს ბანკის“ გენერალური დირექტორი. საქართველოს საერთაშორისო საარბიტრაჟო ცენტრი არის პირველი საერთშორისო საარბიტრაჟო ინსტიტუტი საქართველოში, რომლის მეშვეობითაც ბიზნესებს შეუძლიათ კომერციული დავების გადაწყვეტა.
ცენტრი 2013 წელს დაფუძვნდა. მის საბჭოში საერთაშორისო საარბიტრაჟო ინსტიტუტების წარმომადგენლები და პრაქტიკოსები შედიან. დღეის მდგომარეობით, გამგეობის წევრები არიან გიორგი პერტაია, დავით საგანელიძე, გიორგი ჩერქეზიშვილი, ეფრემ ურუმაშვილი და კოტე სულამანიძე.
საქართველოს საერთაშორისო საარბიტრაჟო ცენტრის გენერალური მდივნის ბექა ინჯიას განცხადებით, ახალი წევრები გააძლიერებენ ცენტრის საქმიანობას და ხელს შეუწყობენ ბიზნესის მიერ დავების გადაწყვეტის ალტერნატიული მექანიზმების გამოყების ზრდას. სხდომაზე, საქართველოს საერთაშორისო საარბიტრაჟო ცენტრმა 2019 წლის ანგარიში და 2020 წლის გეგმებიც წარადგინა.
ყველა სიახლე
29 მარტი 2020, 12:06
სამართალი
სამცხე-ჯავახეთში ცეცხლსასროლი იარაღის გამოყენებით ჩადენილი ხულიგნობის ბრალდებით ორი პირი დააკავეს
სამცხე-ჯავახეთის პოლიციის დეპარტამენტის ახალქალაქის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, ორი პირი - 1954 წელს დაბადებული ს.პ. და 2001 წელს დაბადებული ა.მ. მოსამართლის განჩინების საფუძველზე დააკავეს. მათ ბრალი ცეცხლსასროლი იარაღის გამოყენებით ჩადენილ ხულიგნობაში ედებათ. დანაშაული 4-დან 7 წლამდე ვადით თავისუფლების აღკვეთას ითვალისწინებს.
29 მარტი 2020, 11:43
COVID19
გასული დღე-ღამის განმავლობაში ჩინეთში კორონავირუსის 45 ახალი შემთხვევა დაფიქსირდა
გასული დღე-ღამის განმავლობაში კორონავირუსმა ჩინეთში 5 ადამიანი იმსხვერპლა. ინფორმაციას ამის შესახებ ჩინეთის ჯანდაცვის ეროვნული კომიტეტი ავრცელებს. გამოვლენილია ვირუსით ინფიცირების 45 ახალი შემთხვევა. სულ კორონავირუსით ჩინეთში 3 300 ადამიანია გარდაცვლილი, ინფიცირებულთა რიცხვი 81 439-ს შეადგენს, გამოჯანმრთელდა 75 448 პაციენტი.
29 მარტი 2020, 11:34
COVID19
რუსეთში დღეიდან უქმე დღეებია გამოცხადებული
რუსეთში დღეიდან უქმე დღეებია გამოცხადებული. მოსკოვში დახურულია რესტორნები, კინოთეატრები, სავაჭრო ცენტრები, მუშაობს მხოლოდ სასურსათო მაღაზიები და აფთიაქები. ქალაქში გადაადგილება შეზღუდული არაა, თუმცა მთავრობა მოქალაქეებს სახლში დარჩენისკენ მოუწოდებს.
29 მარტი 2020, 11:21
COVID19
სომხეთში კორონავირუსით კიდევ 2 ადამიანი გარდაიცვალა
სომხეთში კორონავირუსით გარდაცვლილთა რიცხვი სამამდე გაიზარდა. ჯანდაცვის მინისტრის, არსენ ტოროსიანის ინფორმაციით, ინფექციას 55 წლის ქალი და 73 წლის კაცი ემსხვერპლა. ბოლო მონაცემებით, სომხეთში კორონავირუსის 407 შემთხვევაა დაფიქსირებული, 3 ადამიანი გარდაიცვალა, 30 კი გამოჯანმრთელდა.
29 მარტი 2020, 11:06
საზოგადოება
ილია მეორე ბოდბეში ჩავიდა
კათოლიკოს პატრიარქი კახეთში ჩავიდა. ილია მეორე საკვირა წირვას ბოდბეში, წმინდა ნინოს სახელობის ტაძარში აღავლენს. მრევლის განცხადებით, ისინი ითვალისწინებენ რეკომენდაციებს და დისტანციას იცავენ.
29 მარტი 2020, 10:57
COVID19
ბათუმში, კორონავირუსით დაინფიცირებული 70 წლის კაცის მდგომარეობა კვლავ მძიმეა
ბათუმში, კორონავირუსით დაინფიცირებული 70 წლის კაცის მდგომარეობა კვლავ მძიმეა. ის კლინიკა „მედალფაში” მართვით სუნთქვაზეა. პაციენტს ორმხრივი პნევმონია აქვს. ორმხრივი პნევმონია აქვს კიდევ ერთ პაცინეტს, შუახნის ქალის მდგომარებას მედიკოსები საშუალოდ აფასებენ. სულ ბათუმში 7 პირია COVID 19 -ით ინფიცირებული. ისინი ორ კლინიკაში არიან გადანაწილებულები. ხუთი პაციენტის შემთხვევაში ვირუსი მინიმალური სინტპტომებითაა გამოხატული.
29 მარტი 2020, 10:33
COVID19
საქართველოში კორონავირუსისგან კიდევ 2 ადამიანი გამოჯანმრთელდა
„დილის მონაცემებით, ქვეყანაში 90 დადასტურებული შემთხვევაა. გუშინ გამოვლენილი ექვსი შემთხვევიდან ჩვენთან არც ერთი არ იმყოფება. გუშინ ჩვენთნ 14 ტესტირება გაკეთდა, ყველას პასუხი იყო უარყოფითი. 2 პაციენტთან განმეორებითი ტესტირება უარყოფითია და ისინი დღეს დატოვებენ კლინიკას, შესაბამისად 18-ს მიაღწევს გამოჯანმრთელებულთა რიცხვი, აქედან 17 ჩვენთან გადიოდა მკურნალობას“, - განაცხადა ეზუგბაიამ.
29 მარტი 2020, 10:20
მსოფლიო
ტოკიოში ბოლო 10 წლის განმავლობაში პირველად მარტის ბოლოს თოვლი მოვიდა
იაპონიის დედაქალაქ ტოკიოში ბოლო 10 წლის განმავლობაში პირველად მარტის ბოლოს თოვლი მოვიდა. ინფორმაციას ამის შესახებ ადგილობრივი მედია ავრცელებს. სინოპტიკოსების პროგნოზით, ქალაქის ცენტრალურ ნაწილში თოვლის საფარის სიმაღლემ შესაძლოა 5 სანტიმეტრს მიაღწიოს. აღსანიშნავია ისიც, რომ 28 მარტს ტოკიოში ჰაერის ტემპერატურამ 23 გრადუსს მიაღწია.
29 მარტი 2020, 10:09
COVID19
კორონავირუსის გამო 89 წლის კაცი და 85 წლის ქალი პაემანზე გერმანია-დანიის საზღვარზე დადიან
კორონავირუსის პანდემიით გამოწვეული შეზღუდვების გამო 89 წლის გერმანელი და მისი 85 წლის დანიელი შეყვარებული პაემანზე საზღვარზე დადიან. ამის შესახებ გამოცემა Spiegel Online-ი წერს. ორ კვირაზე მეტია, 89 წლის გერმანელი, ჩრდილოეთ ფრიზიის მკვიდრი კარსტენ ტიუხსენ ჰასენი და მისი 85 წლის დანიელი შეყვარებული, ინგა რასმუსენი ერთმანეთს ვეღარ სტუმრობენ. მიუხედავად ამისა, ისინი პაემანზე სასაზღვრო პუნქტზე დადიან.
29 მარტი 2020, 09:52
COVID19
სინგაპურში კარანტინის დამრღვევ მოქალაქეს პასპორტი ჩამოართვეს
სინგაპურის ხელისუფლებამ კარანტინის დამრღვევი მოქალაქის პასპორტი გააუქმა. ამის შესახებ გამოცემა Straits Times-ი წერს. 53 წლის ილია ვიქტორ გო ინდონეზიიდან სინგაპურში 19 მარტს დაბრუნდა. მას ორკვირიანი თვითიზოლაციის შესახებ შეტყობინება მიუვიდა, თუმცა იმავე დღეს ის კვლავ გაემგზავრა ინდონეზიაში, რაც 10 ათასი დოლარით ჯარიმას ან 6 თვემდე პატიმრობას ითვალისწინებს.
29 მარტი 2020, 09:40
COVID19
ჩიკაგოში კორონავირუსს ჩვილი ემსხვერპლა
აშშ-ის ქალაქ ჩიკაგოში კორონავირუსს ჩვილი ემსხვერპლა. ინფორმაციას ამის შესახებ ილინოისის შტატის ჯანდაცვის დეპარტამენტი ავრცელებს.„ეს აშშ-ში 1 წლამდე ასაკის ბავშვის კორონავირუსით გარდაცვალების პირველი შემთხვევაა. მიმდინარეობს გარდაცვალების მიზეზების მოკვლევა“, - აცხადებს დეპარტამენტის ხელმძღვანელი ნგოზი ეზიკე.
29 მარტი 2020, 09:20
COVID19
აშშ-ში კორონავირუსით ინფიცირებულთა რიცხვმა 124 ათასს გადააჭარბა
აშშ-ში კორონავირუსის შემთხვევების რიცხვმა 124 ათასს გადააჭარბა. ინფორმაცია ამის შესახებ ჯონს ჰოპკინსის უნივერსიტეტის ვებგვერდზე გამოქვეყნდა. ამ დროისთვის აშშ-ში კორონავირუსი 124 665 ადამიანს დაუდგინდა, მათგან 2191 გარდაიცვალა, 1095 კი განიკურნა. შემთხვევების რაოდენობით მეორე ადგილს მსოფლიოში იტალია (92 472), მესამეს ჩინეთი (82 057), მეოთხეს კი ესპანეთი (73 275) იკავებს.
29 მარტი 2020, 09:10
ეკონომიკა
Rosneft-მა ვენესუელაში თავისი აქტივები რუსეთის სახელმწიფოს მიჰყიდა.
რუსულმა ნავთობკომპანიამ Rosneft-მა ვენესუელაში თავისი აქტივები გაყიდა და ქვეყანაში თავისი საქმიანობა ეწყვიტა. ინფორმაციას ამის შესახებ კომპანიის პრესსამსახური ავრცელებს. Rosneft-ის აქტივები შეიძინა კომპანიამ, რომელიც მთლიანად რუსეთის მთავრობას ეკუთვნის. აქტივების გაყიდვის შედეგად Rosneft-ი თავისივე აქციების 9,6%-იან წილს მიიღებს. ვენესუელაში Rosneft-ის აქტივების შეძენა რუსულ მედიას მთავრობის პრესსამსახურშიც დაუდასტურეს.
29 მარტი 2020, 08:55
რეგიონი
საგაზაფხულო სამუშაოები უსაფრთხოების წესების დაცვით მიმდინარეობს
გარემოს დაცვისა და სოფლის მეურნეობის სამინისტროს სოფლისა და სოფლის მეურნეობის განვითარების სააგენტოს რეგიონული სამსახურების წარმომადგენლები გასცემენ კონსულტაციებს როგორც დარგობრივ საკითხებზე, ასევე ახალი კორონავირუსის გავრცელების წინაღმდეგ ბრძოლის მიზნით შემუშავებული უსაფრთხოების ნორმების დაცვაზე.
29 მარტი 2020, 08:40
COVID19
ბორის ჯონსონი ბრიტანელებს: სიტუაცია კიდევ უფრო გაუარესდება
დიდი ბრიტანეთის პრემიერ-მინისტრი, ბორის ჯონსონი ქვეყნის მოქალაქეებს აფრთხილებს, რომ კორონავირუსთან დაკავშირებით შექმნილი სიტუაცია კიდევ უფრო გაუარესდება, რის გამოც მოქალაქეები შეძლებისდაგვარად სახლში უნდა დარჩნენ. მთავრობის მეთაურის მიმართვის ტექსტი, რომელიც ქვეყნის მასშტაბით 30 მილიონი მისამართზე გაიგზავნება, პრემიერ-მინისტრის კანცელარია ავრცელებს.
29 მარტი 2020, 08:30
COVID19
კანადის პრემიერ-მინისტრის ცოლი კორონავირუსისგან განიკურნა
კანადის პრემიერ-მინისტრის, ჯასტინ ტრიუდოს ცოლი, სოფი-გრეგუარ ტრიუდო კორონავირუსისგან განიკურნა. ამის შესახებ ის Facebook-ზე წერს. სოფი-გრეგუარ ტრიუდოს თქმით, ის თავს გაცილებით კარგად გრძნობს. კანადის პრემიერის მეუღლემ მადლობა გადაუხადა ყველას მხარდაჭერისთვის და მოქალაქეებს დისტანცირების წესების დაცვისა და სოციალური ქსელების საშუალებით ურთიერთობისკენ მოუწოდა.
29 მარტი 2020, 08:13
COVID19
დონალდ ტრამპმა ნიუ-იორკში, ნიუ-ჯერსისა და კონექტიკუტში კარანტინის გამოცხადება გადაიფიქრა
„კარანტინის გამოცხადების აუცილებლობა არ არსებობს“, - წერს ტრამპი და აღნიშნავს, რომ შტატების გუბერნატორებთან კონსულტაციის შედეგად მიღებულია გადაადგილების მკაცრი შეზღუდვის გადაწყვეტილება, თუმცა ოფიციალური აკრძალვა არ გამოცხადდება.
29 მარტი 2020, 01:15
ტაბლოიდი
გერმანიაში ტუალეტის ქაღალდის ფორმის ტორტების წარმოება დაიწყეს
ტიმ კორტიუმმა ტუალეტის ქაღალდის ფორმის ნამცხვრები ჯერ სახუმაროდ დაამზადა, თუმცა მას შემდეგ რაც ისინი რამდენიმე წუთში გაიყიდა მთელი წარმოება ააწყო. დღეს მის საკონდიტროში 200-მდე ასეთი კექსი იყიდება. კორტიუმი მათ გამოსაცხობად მარმარილოს კექსების ტრადიციულ რეცეპტს იყენებს, შემდეგ კი თეთრი მინანქრით რთავს.
29 მარტი 2020, 01:08
რეგიონი
სამეგრელო-ზემო სვანეთში ხვალიდან საზოგადოებრივი ტრანსპორტის მოძრაობა აიკრძალება
სამეგრელო-ზემო სვანეთში ხვალიდან საზოგადოებრივი ტრანსპორტის მოძრაობა აიკრძალება - ამის შესახებ სახელწმიფო რწუმენებულმა, ალექსანდრე მოწერელიამ ტელეკომპანია „მაესტროს“ ეთერში განაცხადა.
29 მარტი 2020, 00:53
COVID19
თბილისის ანძა ესპანეთის დროშის ფერებში განათდა
კორონავირუსთან ბრძოლაში ესპანეთის მხარდასაჭერად, თბილისის ანძა ესპანეთის დროშის ფერებში განათდა. ვებრძოლოთ პანდემიას ერთად! ამ ბრძოლაში ჩვენ ვართ თქვენ გვერდით! - ეს არის გზავნილი, რომელსაც ქართველი ხალხი ესპანეთს უგზავნის. საქართველომ რამდენიმე დღის წინ სოლიდარობა იტალიელ ხალხსაც გამოუცხადა და სიმბოლურად თბილისის ანძა იტალიის დროშის ფერებში გაანათა.