22 მარტი 2020, 14:34 / სანდო წყარო

„ლიბერთი ბანკი“ პენსიების წინასწარ ჩარიცხვის მიმართულებით 100-მილიონ ლარიან პროგრამას აცხადებს

„ლიბერთი ბანკმა“, საქართველოს მთავრობასთან ერთად, მიიღო გადაწყვეტილება და 23 მარტიდან აცხადებს 100 მილიონ ლარიან პროგრამას აპრილის თვის პენსიების წინასწარ ჩარიცხვის მიმართულებით, - ამის შესახებ „ლიბერთი ბანკის“ გენერალური დირექტორის, ვასილ ხოდელის განცხადებაშია ნათქვამი.

„ლიბერთი ბანკის“ სახელით მინდა მოგახსენოთ, რომ დღეს ჩვენს ქვეყანაში არსებული საგანგებო სიტუაციის გამო ჩვენი გუნდის მთავარი გამოწვევაა, ყველა რეკომენდაციის გათვალისწინებით, გავუფრთხილდეთ და ვიზრუნოთ ჩვენს მომხმარებლებზე, თანამშრომლებზე, ზოგადად საქართველოს მოქალაქეებზე და განსაკუთრებით უფროსი თაობის წარმომადგენლებზე.

რამდენიმე კვირაში, ვირუსის გავრცელების გამწვავების შესაძლებლობის გამო, და იმის გამო, რომ ჩვენთვის თითოეული ადამიანის ჯანმრთელობა ძალიან მნიშვნელოვანია, „ლიბერთი ბანკმა“, საქართველოს მთავრობასთან ერთად, მიიღო გადაწყვეტილება და 23 მარტიდან აცხადებს 100 მილიონ ლარიან პროგრამას აპრილის თვის პენსიების წინასწარ ჩარიცხვის მიმართულებით. ეს პროგრამა შეეხება ყველაზე სარისკო ჯგუფში მოაზრებულ ადამიანებს, რომლებიც დღეს არიან 70 წლის და ზევით.

პროგრამის შესახებ დეტალები, თუ როგორ მოხდება პენსიების ჩარიცხვა და როგორ უნდა ისარგებლონ ჩარიცხული თანხებით 70 და მეტი წლის ადამიანებმა ისე, რომ მაქსიმალურად შევამციროთ მათი ბანკში მოსვლის საჭიროება, ცნობილი გახდება ორშაბათს, 23 მარტს. ჩვენ გავაკეთებთ სპეციალურ განცხადებას, პენსიების წინასწარ ჩარიცხვის თარიღის და ჩარიცხული თანხებით სარგებლობის წესების შესახებ.

ჩვენ ვიაზრებთ, და ძალიან კარგად გვესმის რომ ეს პროგრამა მარტივი განსახორციელებელი არ არის და საჭიროებს სრულიად მთელი საზოგადოების ჩართულობას ინფორმაციის მიტანაში და არა მარტო, იმ ადამიანებთან ვისაც ეს პროგრამა ეხება.

ახლა დროა, რომ გავერთიანდეთ ყველა, და ერთად ვიზრუნოთ ჩვენი გარშემომყოფების, ოჯახის წევრების, მეზობლების, ახლობლების ჯანმრთელობაზე, რისთვისაც, „ლიბერთის“ მთელი გუნდი, განსაკუთრებით წინა ხაზზე მომუშავე ჩვენი გოგოები და ბიჭები, მთელი გულით ვემსახურებით საქართველოს და ვაკეთებთ ყველაფერს, რომ მაქსიმალურად შევამციროთ ბანკში მოსვლის საჭიროება. მთავარია გავუფრთხილდეთ ერთმანეთს და დარწმუნებული ვარ ჩვენ, ერთად აუცილებლად გავუმკლავდებით შექმნილ ვითარებას“, - ნათქვამია „ლიბერთი ბანკის“ გენერალური დირექტორის, ვასილ ხოდელის განცხადებაში.

ყველა სიახლე

01 აპრილი 2020, 16:27

COVID19

შსს-მ საგანგებო მდგომარეობის რეჟიმის დარღვევის კიდევ 60 ფაქტი გამოავლინა

შსს-ს ცნობით, პოლიციამ ღამის განმავლობაში ე.წ. კომენდანტის საათის ფარგლებში დაწესებული რეგულაციების კონტროლიც განახორციელა. სამართალდამცველებმა, მონიტორინგის შედეგად, ბოლო 24 საათის განმავლობაში, მთელი ქვეყნის მასშტაბით, საგანგებო მდგომარეობის რეჟიმის, მათ შორის ე.წ. კომენდანტის საათის ფარგლებში დარღვევის 60 ფაქტი გამოავლინეს.

ვახტანგ გომელაური

01 აპრილი 2020, 16:24

სამართალი

ვახტანგ გომელაური: სამჯერ მეტი პოლიციელია გამოსული, აქედან გამომდინარე დაკლებულია კრიმინალი

სამჯერ მეტი პოლიციელია გამოსული დღეს, თუ იყო 10 პოლიციელი ერთ-ერთ ობიექტზე, დღეს 30 პოლიციელი დგას. აქედან გამომდინარე, დაკლებულია კრიმინალი, - ამის შესახებ ჟურნალისტებს შიდა ქართლის რეგიონში ვიზიტისას ვახტანგ გომელაურმა განუცხადა.

ვლადიმერ პუტინი

01 აპრილი 2020, 16:19

COVID19

კორონავირუსის გამო პუტინი მუშაობის დისტანციურ რეჟიმზე გადავიდა

პუტინის პრესმდივნის, დიმიტრი პესკოვის განმარტებით, ეს ინოვაციური ფორმატია. მისივე თქმით, ქვეყნის პრეზიდენტმა მისალმების მანერა შეცვალა და პირადი შეხვედრებისას ხელის ჩამორთმევაზე უარი თქვა. „ახლა სოციალურ დისტანციას ყველა იცავს“- აღნიშნა პესკოვმა. 31 მარტს ცნობილი გახდა, რომ მოსკოვის მე-40 საავადმყოფოს მთავარ ექიმს, დენის პროცენკოს, რომელსაც 24 მარტს რუსეთის პრეზიდენტი, ვლადიმერ პუტინი შეხვდა, კორონავირუსი დაუდგინეს.

დაკავება ხელბორკილები

01 აპრილი 2020, 16:11

COVID19

რამდენიმე ქვეყანაში კორონავირუსზე საპირველაპრილო ხუმრობები კანონით აკრძალეს

მსოფლიოს რამდენიმე სახელმწიფო 1-ელ აპრილს კორონავირუსის შესახებ მცდარი ინფორმაციის გამავრცელებლებს დასჯის. ამის შესახებ The Hill-ი წერს. გამოცემის ინფორმაციით, ტაილანდში COVID-19-ზე დეზინფორმაციული ხუმრობების გამო მოქალაქეებს 5-წლიანი პატიმრობა დაემუქრებათ. ტაივანში ეს სასჯელი $99 000-იანი ჯარიმით განისაზღვრა. მკაცრი პასუხი მოჰყვება დეზინფორმაციის გავრცელებას ინდოეთშიც. ამ ზომებს შეუერთდნენ გერმანიაშიც. „კორონა სახუმარო არ არის“, - განაცხადა ქვეყნის ჯანდაცვის მინისტრმა.

ვახტანგ გომელაური

01 აპრილი 2020, 16:10

COVID19

ვახტანგ გომელაური: აღდგომამდე ჯერ ორი კვირაა, საპატრიარქოსთან ყველა კოორდინაციაში ვართ

„საპატრიარქოსთან კოორდინაციაში ვართ ყველა, არა მარტო შინაგან საქმეთა სამინისტრო, მთლიანად, მთავრობა. გავიარეთ სხვადასხვა მიმართულება. აღდგომა მოდის, ჯერ ორი კვირაა იქამდე. შევჯერდებით იმაზე, თუ რა ფორმით და როგორ ჩატარდება ყველაფერი“, - ამის შესახებ ჟურნალისტებს შიდა ქართლის რეგიონში ვიზიტისას ვახტანგ გომელაურმა განუცხადა.

შოთა რეხვიაშვილი

01 აპრილი 2020, 16:02

COVID19

შოთა რეხვიაშვილი: რადგან ბოლნისსა და ქვემო ბოლნისში ვირუსის 2 ფაქტი დადასტურდა, ისინი სრულად გადაიკეტა

„10 დადასტურებული ფაქტიდან 7 მარნეულის მუნიციპალიტეტშია, სადაც გამოჯანმრთელება ერთია. სამი კი ბოლნისის მუნიციპალიტეტშია. რადგან ბოლნისსა და ქვემო ბოლნისში ვირუსის 2 ფაქტი დადასტურდა, ისინი პოლიციის მიერ სრულად გადაიკეტა," - აღნიშნა ქვემო ქართლის რწმუნებულმა.

გოგი წულაია

01 აპრილი 2020, 15:57

რეგიონი

ქუთაისში სამართალდამცველებმა გოგი წულაია დააკავეს

ქუთაისის ცენტრში სამართალდამცველებმა გოგი წულაია დააკავეს. პარტია ,,თავისუფალი საქართველოს“ თანათავმჯდომარემ ქუჩაში აქცია-ბრიფინგი გამართა. პოლიციამ მას განუმარტა, რომ საგანგებო მდგომარეობის ფარგლებში პროტესტის გამოხატვის უფლება არ ჰქონდა. წულაიამ კი პატრულის თანამშრომლებს სიტყვიერი შეურაცხყოფა მიაყენა. გოგი წულაია სავალუტო პუნქტების დახურვას აპროტესტებდა. პოლიციამ წულაია ადმინისტრაციული სამართალდარღვევის კოდექსის 173-ე მუხლით გთვალისწინებული დანაშაულისთვის დააკავა, რაც პოლიციელისთვის სამსახურეობრივი მოვალეობის შესრულების დროს სიტყვიერი შეურაცხყოფის მიყენებას გულისხმობს. დანაშაული ადმინისტრაციულ პატიმრობას ან ჯარიმის გადახდას ითვალისწინებს.

რუსეთი კორონავირუსი

01 აპრილი 2020, 15:56

COVID19

ბოლო 24 საათის განმავლობაში რუსეთში კორონავირუსის 440 ახალი შემთხვევა გამოვლინდა

ქვეყანაში COVID-19-ის 2 777 შემთხვევა დაფიქსირდა. ყველაზე მეტი ინფიცირებული მოსკოვშია. დაღუპულთა რაოდენობა 24-მდე გაიზარდა. გამოჯანმრთელდა 190 პაციენტი.

01 აპრილი 2020, 15:53

COVID19

ვახტანგ გომელაური: მოქალაქეები ემორჩილებიან შეზღუდვებს, ძალიან ცოტა დარღვევა იყო

საქართველოს შინაგან საქმეთა მინისტრის ვახტანგ გომელაურის განცხადებით, გუშინ მთელი ღამის განმავლობაში ე.წ. კომენდანდტის საათის დარღვევის მხოლოდ 17 შემთხვევა დაფიქსირდა. „მოქალაქეები ემორჩილებიან შეზღუდვებს, უფრო მეტ დარღვევას ველოდებოდით, თუმცა გუშინ ღამე, როდესაც დაიწყო უკვე განსაკუთრებული მნიშვნელობის შეზღუდვები, ძალიან ცოტა, 17 დარღვევა იყო მთელი საქართველოს მასშტაბით, რაც ჩვენც გაგვიკვირდა“, - განაცხადა ვახტანგ გომელაურმა ჟურნალისტებთან სუბრისას.

01 აპრილი 2020, 15:50

ვიდეო

თბილისის მიკროავტობუსი იმ ორგანიზაციების პერსონალს მოემსახურება, რომლებიც კარანტინის პირობებში მუშაობენ

01 აპრილი 2020, 15:50

COVID19

ვახტანგ გომელაური: დღეს უფრო მეტი პოლიციელი დგას საოკუპაციო ზოლზე, ვიდრე აქამდე

საოკუპაციო ხაზი მოვინახულეთ. სიმშვიდეა. დღეს უფრო მეტი პოლიციელი დგას საოკუპაციო ზოლზე, ვიდრე აქამდე, - ამის შესახებ ჟურნალისტებს შიდა ქართლის რეგიონში ვიზიტისას განუცხადა.

თელავი

01 აპრილი 2020, 15:46

COVID19

თელავის რეფერალურ საავადმყოფოში საეჭვო სიმპტომებით კიდევ ერთი პაციენტი გადაიყვანეს

თვითიზოლაციაში მყოფი ქალი თელავის რეფერალურ საავადმყოფოში მაღალი ტემპერატურით და საეჭვო სიმპტომებით ბოქსირებულ განყოფილებაში გადაიყვანეს. მას შესაბამისი ანალიზები აუღეს და ლუგარის ლაბორატორიაში უკვე გაგზავნეს. ამავე კლინიკაში საკარანტინო ზონიდან დღეს ორი შუახნის კაცი გადაიყვანეს, რომლებსაც საეჭვო სიმპტომები აღენიშნებოდათ.

დავით ბაქრაძე

01 აპრილი 2020, 15:39

საზოგადოება

დავით ბაქრაძე: კომუნალური ვაუჩერების გაცემა ხელისუფლების მხრიდან სწორი ნაბიჯია

„კარგია, დაგვიანებით, მაგრამ ხელისუფლებამ დაიწყო კონკრეტულ ინიციატივებზე საუბარი, მაგრამ მიგვაჩნია რომ ეს არ არის საკმარის და ხელისუფლებას ვთავაზობთ, დამატებით ნაბიჯებზე იფიქროს“, - აღნიშნა ბაქრაძემ.

შავი ხვრელი

01 აპრილი 2020, 15:36

ტექნოლოგიები

ასტრონომებმა შავი ხვრელების ევოლუციის „დაკარგული რგოლი“ იპოვეს

ევროპის კოსმოსური სააგენტოს ასტრონომები ვარაუდობენ, რომ საშუალო ზომის შავი ხვრელი შეამჩნიეს მაშინ, როცა მან ახლომდებარე ვარსკვლავი გაანადგურა. შავი ხვრელი ტესლსკოპ „ჰაბლის“ მეშვეობით აღმოაჩინეს. ამ ობიექტების პოვნა რთულია, რადგან ისინი დიდ და სუპერმასიურ შავ ხვრელებზე ნაკლებად აქტიურობენ.

01 აპრილი 2020, 15:22

რეგიონი

თერჯოლის მუნიციპალიტეტის მერმა თანამდებობა დატოვა

თერჯოლის მუნიციპალიტეტის მერმა, ბონდო სოფრომაძემ თანამდებობა დატოვა. იმერეთის გუბერნატორის ინფორმაციით, მან ჯერ პირველი მოადგილე მანუჩარ ფანჩულიძე თანამდებობიდან გაათავისუფლა და მის ნაცვლად ლაშა გოგიაშვილი დანიშნა, ამის შემდეგ კი საკუთარი სურვილით სამსახურიდან წავიდა.

01 აპრილი 2020, 15:19

ეკონომიკა

Bloomberg: ნავთობის ბაზრებს აპოკალიფსი ემუქრება

ამის მიზეზი ოპეკის გადაწყვეტილებაა და ასევე ნედლეულზე მოთხოვნის შემცირებაა. ამ თემზე bloomberg ნავთობის ბაზრის ანალიტიკოსებზე დაყრდნობით წერს.

მარიამ ქვრივიშვილი

01 აპრილი 2020, 15:14

COVID19

ამსტერდამი-თბილისი სპეცრეისით ჩამოსული მგზავრები ტურიზმის ეროვნული ადმინისტრაციის მიერ მოწყობილ საკარანტინო ზონებში გადაიყვანეს

ამსტერდამი-თბილისი სპეცრეისით ჩამოსული მგზავრები ტურიზმის ეროვნული ადმინისტრაციის მიერ მოწყობილ საკარანტინო ზონებში გადაიყვანეს. ამსტერდამი-თბილისის ჩარტერული რეისით საქართველოს 179 მოქალაქე დაბრუნდა. მოქალაქეები 14 დღეს თბილისში გახსნილ საკარანტინო ზონებში ექიმთა მეთვალყურეობის ქვეშ დარჩებიან, - ინფორმაციას ამის შესახებ ეკონომიკის სამინისტრო ავრცელებს.

01 აპრილი 2020, 15:09

COVID19

„საქართველოს ფოსტა“ სახელმწიფო პროგრამით მოსარგებლე შაქრიანი დიაბეტის მქონე პირებს გლუკომეტრის ტესტ-ჩხირებს ბინაზე მიაწვდის

„საქართველოს ფოსტა“ სახელმწიფო პროგრამით მოსარგებლე შაქრიანი დიაბეტის მქონე პირებს გლუკომეტრის ტესტ-ჩხირებს ბინაზე მიაწვდის. დღეიდან დიაბეტის მართვის სახელმწიფო პროგრამით მოსარგებლე შაქრიანი დიაბეტის მქონე 18 წლამდე ასაკის ბავშვები და მოზარდები მათთვის განკუთვნილ გლუკომეტრის ტესტ-ჩხირებს საკუთარ საცხოვრებელ მისამართებზე მიიღებენ. ფოსტის კურიერებმა აღნიშნული სამედიცინო დანიშნულების პროდუქტი უფასოდ მთელი საქართველოს მასშტაბით დაარიგეს, - ინფორმაციას საქართველოს ეკონომიკის სამინისტრო ავრცელებს.

თბილისის რესპუბლიკური

01 აპრილი 2020, 15:08

COVID19

რესპუბლიკურ საავადმყოფოში 9 პაცინეტის ანალიზის პასუხს ელოდებიან

„ამჟამად კლინიკაში 46 პაციენტი იმყოფება, აქედან 5 რეანიმაციულ განყოფილებაშია. 2-ის მდგომარეობა საშუალო სიმძიმისაა, 3-პაციენტი არის მძიმე. ეს სიმძიმე განპირობებულია ორმხრივი პნევმონიით და ისინი მართვით სუნთქვაზე იმყოფებიან. დღეს ველოდებით 9 პაციენტის ანალიზის პასუხს, მაგრამ ანამნეზის მიხედვით ვფიქრობთ, რომ არაფერი არ იქნება. ჩვენი 46 პაციენტიდან 19 ქალია, 27 კაცი და მათი ასაკი 25-იდან 45 წლამდე მერყეობს“, - განაცხადა კლინიკურმა დირექტორმა.

01 აპრილი 2020, 15:08

COVID19

ამერიკის საელჩო საქართველოს სასწრაფო დახმარების პერსონალს მადლობას უხდის

„COVID-19-თან ბრძოლა მოითხოვს მრავალმხრივ ცოდნასა და ნიჭს. ამერიკის საელჩოს სურს, მადლობა გადაუხადოს მათ, ვინც უსაფრთხოდ და ჯანმრთელად ყოფნაში გვეხმარება. დღეს ჩვენ მივესალმებით საქართველოს სასწრაფო დახმარების სამედიცინო პერსონალს, რომელიც, ხშირად, პირველი გვეხმარება ავად ყოფნისა თუ დაშავებისას. სასწრაფოს თანამშრომლები COVID-19-თან ბრძოლის წინა ხაზზე არიან და ჩვენ მადლიერნი ვართ ყველაფრისთვის, რასაც ისინი აკეთებენ“, - ნათქვამია ამერიკის საელჩოს მიერ facebook-ზე გავრცელებულ განცხადებაში.