IMEDI /  22 მაისი 2020, 18:29 / სანდო წყარო

ნათია თურნავა: ენერგოეფექტურობის შესახებ კანონი, რომელიც პარლამენტმა დაამტკიცა, უფრო მეტად გვაახლოებს ევროკავშირთან

ნათია თურნავა

ნათია თურნავა

მოხარული ვარ, რომ პარლამენტმა ენერგოეფექტურობის შესახებ კანონი დაამტკიცა. ეს არის ერთ-ერთი პრინციპული ნაბიჯი, რომელიც გვაახლოებს ევროკავშირთან, - ამის შესახებ ეკონომიკისა და მდგრადი განვითარების მინისტრმა ნათია თურნავამ პარლამენტის მიერ ენერგოეფექტურობის შესახებ კანონის დამტკიცების შესახებ კომენტირებისას განაცხადა. მისივე თქმით, ბოლო სამი წელია ქვეყანა დაჩქარებულ რეფორმებს ახორციელებს ენერგოსექტორში და მთავარი ამოცანაა, ენერგეტიკული სექტორი რეალურად გარდაიქმნას ევროპული სტანდარტებით აგებულ მწვანე ენერგოსექტორად.

„ჩვენ დავაფუძნეთ ენერგეტიკული ბირჟა, გავატარეთ შესაბამისი საკანონმდებლო ცვლილებები და ამოცანა არის, რომ ჩვენი საკუთარი მწვანე რესურსი უფრო ეფექტურად გამოვიყენოთ. გარდა ამისა, ვისწავლოთ ამ რესურსის ეფექტიანი მოხმარება. აქედან გამომდინარე, ვულოცავ მთელ ენერგეტიკულ სექტორს, მთლიანად საქართველოს ამ მნიშვნელოვან ნაბიჯს, რომელიც ყველაფერთან ერთად უფრო მეტად გვაახლოებს ევროკავშირთან და ევროკავშირში არსებულ წესებთან“, - აღნიშნა ნათია თურნავამ.

ენერგეტიკული რეფორმის ფარგლებში, პარლამენტმა ასევე დაამტკიცა კანონპროექტი ენერგოეფექტური შენობების შესახებ. ორივე კანონის მიღება საქართველოს ენერგეტიკული რეფორმის შემადგენელია, რომელსაც ქვეყანა ევროკავშირთან „ასოცირების შეთანხმების“ გაფორმებისა და შესაბამისად, საქართველოს „ენერგეტიკულ გაერთიანებაში“ გაწევრიანების საფუძველზე ახორციელებს. საქართველოსთვის, როგორც აღნიშნული გაერთიანების წევრი სახელმწიფოსთვის, სავალდებულო გახდა შესაბამისი ევროდირექტივების ეროვნულ კანონმდებლობაში იმპლემენტაცია.

შენობების ენერგოეფექტიანობის შესახებ კანონის მიზანია, შენობების ენერგოეფექტიანობის გაზრდის ხელშეწყობა, რასაც, სათბური გაზების ემისიის შემცირებასთან ერთად, გააჩნია სხვა ბევრი ისეთი დადებითი შედეგიც, როგორიცაა მაგალითად სამშენებლო სექტორში დასაქმებულთა რაოდენობის გაზრდა, ტექნოლოგიების განვითარება და ინოვაცია, ჰაერის, წყლის მიწის დაბინძურების შემცირება, ადამიანის ჯანმრთელობისა და კომფორტის დონის გაზრდა, ენერგიის მოხმარებაზე გადასახადების შემცირება და სხვ.

ენერგოეფექტურობის შესახებ კანონის მიზნების შესრულება ხელს შეუწყობს ენერგიაზე მოთხოვნის ეკონომიკურად და ეკოლოგიურად მიზანშეწონილი მართვის პრაქტიკის დანერგვას; ენერგორესურსების იმპორტზე დამოკიდებულების შემცირებას, შესაბამისად ენერგეტიკული უსაფრთხოების გაზრდას, რაც ასევე უზრუნველყოფს ქვეყნიდან გასული ვალუტის შემცირებას; როგორც გარე, ეკოლოგიური მდგომარეობის ასევე, შენობების შიდა კლიმატური პირობების გაუმჯობესებას, რაც ჯანმრთელობის დაცვის, შრომისუნარიანობის ამაღლებისა და საგანმანათლებლო დაწესებულებებში სასწავლო პროცესის გაუმჯობესებისა და შესაბამისად მოსწავლეების განვითარების ერთ-ერთი ფაქტორია.

ყველა სიახლე

ვიქტორ ყიფიანი

29 მაისი 2020, 00:33

პოლიტიკა

ვიქტორ ყიფიანი GORBI-ის კვლევაზე: ოპოზიციას დიდი სამუშაო აქვს გასაწევი, რომ შედეგებში ასახულ წარმატებას მიაღწიოს

„ეს კვლევა ჩემთვის სარწმუნო ნიშანია, რომ ამ შედეგს შეიძლება ვენდოთ და სარწმუნოდ მივიჩნიოთ. ნიშანი არის ამ კვლევის არა მხოლოდ გამოკითხვა, არამედ ასისტირება, დახმარება, ნავიგაცია, გზის ჩვენება და კიდევ ერთხელ მონიშვნა, სად გვიჭირს და სად უნდა იყოს ძალისხმევა მიმართული“, - აღნიშნა დამოუკიდებელმა ანალიტიკოსმა.

ლუსი ფლინი

29 მაისი 2020, 00:25

პოლიტიკა

GORBI-ს კვლევის დიზაინისა და ანალიზის დირექტორი: ვფიქრობ ბევრი ადამიანი ბედნიერია იმით, რომ ამჟამად საქართველოში ცხოვრობს

„ახლახანს ჩავატარეთ კვლევა თქვენთვის, ტელეკომპანია იმედისათვის. ზარები ჩვენი პანელური კვლევის წევრებისათვის განხორციელდა 15-19 მაისს და გამოიკითხა 1’090 ზრდასრული რესპონდენტი. კვლევის ძირითადი თემა ეხებოდა კორონა ვირუსით გამოწვეულ კრიზის. როგორ შეცვალა ამ კრიზისმა ადამიანების ცხოვრება, მათი აზრით როგორ უმკლავდება მთავრობა ამ კრიზისს და ა.შ“- განაცხადა ლუსი ფლინმა.

29 მაისი 2020, 00:21

მსოფლიო

აშშ-მა „დაეშის“ ერთ-ერთი ლიდერის შესახებ ინფორმაციისთვის 3 მილიონი დოლარის ჯილდო დააწესა

აშშ-მა სამი მილიონი დოლარის ჯილდო დააწესა ინფორმაციისთვის, რომელიც ტერორისტული დაჯგუფება „დაეშის“ მთავარი პროპაგანდისტის, მუჰამად ჰადირ მუსა რამადანის დაკავებაში დაეხმარება. ამის შესახებ აშშ-ის სახელმწიფო დეპარტამენტის განცხადებაშია ნათქვამი.

ირაკლი კობახიძე

29 მაისი 2020, 00:16

პოლიტიკა

ირაკლი კობახიძე GORBI-ის კვლევაზე: ოპოზიციას არჩევნებში წარმატების არანაირი შანსი აღარ აქვს

„საერთო სურათი არის ის, რომ ოპოზიცია არის მთლიანად გაკოტრებული საზოგადოებრივი მხარდაჭერის თვალსაზრისით, მათი პროცენტები არის ძალიან დაბალი. ეს ნიშნავს, რომ არჩევნებში წარმატების არანაირი შანსი აღარ აქვთ და მეორეც - არც არავითარი დესტრუქციის რესურსი აღარ აქვთ“, – განაცხადა ირაკლი კობახიძემ.

მამუკა მდინარაძე

29 მაისი 2020, 00:00

საზოგადოება

მამუკა მდინარაძე: მოსახლეობა გვენდობა და ეს ნდობა უფრო მეტ პასუხისმგებლობას გვმატებს

ჩვენ ვცხოვრობთ განვითარებად, დემოკრატიულ ქვეყანაში, სადაც დემოკრატიის ხარისხი ძალიან მაღალია, მაგრამ ჩვენი მთავარი გამოწვევა ისევ და ისევ არის სიღარიბე, ოკუპირებული ტერიტორიები, - ამის შესახებ პარლამენტის თავმჯდომარის მოადგილემ, მამუკა მდინარაძემ „ღია ეთერში“ განაცხადა.

28 მაისი 2020, 23:50

მსოფლიო

დაეში: კორონავირუსის პანდემია ჩვენი მტრებისთვის ღვთაებრივი სასჯელი იყო

ტერორისტული დაჯგუფება დაეშის განცხადებით, კორონავირუსის პანდემია ღვთაებრივი სასჯელი იყო მათი მტრებისთვის. საინფორმაციო სააგენტო Reuters-ის ინფორმაციით, აღნიშნული განცხადება ტერორისტულმა დაჯგუფებამ აუდიოჩანაწერის მეშვეობით გაავრცელა.

მამუკა მდინარაძე

28 მაისი 2020, 23:50

პოლიტიკა

მამუკა მდინარაძე: არასდროს პარლამენტის ნდობის რეიტინგი არ ყოფილა ისეთი, როგორიც დღესაა

„დარწმუნებული ვარ, რომ აქაც არაფერი გამოუვათ, იმიტომ რომ საზოგადოების მხარდაჭერა კონკრეტულ პარტოებსა და პოლიტიკურ სუბიექტებს რომ თავი დავანებით, არის მშვიდობისკენ, სტაბილიზაციისკენ, განვითარებისკენ და საზოგადოებრივი დაკვეთაა, რომ როგორც ახლა მოერიეთ კორონავირუსს, ისევე მოვერიოთ რეცესიას, იმ ეკონომიკურ პრობლემებს, რომელიც ამ ინფექციამ მოიტანა და რომლის დაბრალება უნდათ ხელისუფლებაზე, მაგრამ ასე არ გამოვა. ყველა ხედავს, მთელ მსოფლიოში ასეა“,- აღნიშნა მამუკა მდინარაძემ.

მამუკა მდინარაძე

28 მაისი 2020, 23:33

პოლიტიკა

მამუკა მდინარაძე: კრიზისამდე ჩვენი რეიტინგი ამხელა ნამდვილად არ იყო

ჩვენ გვაქვს ჩვენი მონაცემები ყოველკვირეულად, ყოველთვიურად, გარკვეულ კვლევებს ვატარებთ და გვაქვს წარმოდგენა საზოგადოებრივ აზრზე. ამ შემთხვევაში შეგვიძლია გითხრათ, რომ ცოტა მაღალია ჩვენს ხელთ არსებული მონაცემები ჩვენი პარტიის შემთხვევაში რეიტინგთან დაკავშირებით, იქ არის 9% გადაუწყვეტელი, იქ ალოკაცია შეიძლება გაკეთდეს და მაშინ დაახლოებით ერთი და იგივეა. ამის შესახებ პარლამენტის ვიცე-სპიკერმა მამუკა მდინარაძემ „ღია ეთერში“ GORBI-ს კვლევების შესახებ დასმული კითხვის საპასუხოდ განაცხადა.

მამუკა მდინარაძე

28 მაისი 2020, 23:32

პოლიტიკა

მამუკა მდინარაძე: გუშინდელმა დღემ დაადასტურა, რომ საქართველოში ოპოზიცია არ არსებობს

ანგარიშგასაწევია ნებისმიერი ოპოზიციური ძალა, თუმცა გუშინდელმა დღემ დაადასტურა, რომ სამწუხაროდ საქართველოში დღეს ოპოზიცია პრაქტიკულად არ არსებობს, - ამის შესახებ პარლამენტის თავმჯდომარის მოადგილემ, მამუკა მდინარაძემ „ღია ეთერში“ განაცხადა.

ნოვაკ ჯოკოვიჩი

28 მაისი 2020, 23:04

სამართალი

ნიკოლოზ ბასილაშვილის საქმეზე შესაძლოა ნოვაკ ჯოკოვიჩი დაიკითხოს

„ზუსტ დეტალებზე არ ვისაუბრებ, თუმცა საქმეზე ბევრი უცხოელი დაიკითხება, მათ შორის ისინი, ვისთვისაც გარკვეული ფაქტებია ცნობილი. მაგალითად, ამერიკის ღია პირველობაზე, როდესაც ქალბატონი ნეკა ჩავიდა და გარკვეული ინციდენტი მოხდა. მაშინ საქმე იქამდეც კი მივიდა, რომ ჩემპიონატის ორგანიზატორებმა ქალბატონი ნეკა დაცვის თანხლებით გაიყვანეს და აკრედიტაციაც გააუქმეს. სხვა ვერაფერს გეტყვით ამ ეტაპისთვის”, -განაცხადა ირმა ჭკადუამ.

ირაკლი კობახიძე

28 მაისი 2020, 22:46

პოლიტიკა

ირაკლი კობახიძე: ოპოზიციამ დღემდე ვერ აპატია ბიძინა ივანიშვილს, რომ მან ქვეყანას დეგრადირებული პოლიტიკური ძალა ჩამოაცილა

„2011 წლიდან ბიძინა ივანიშვილი ოპოზიციის თავდასხმის მთავარი ობიექტია. ამის პირველი მიზეზია, რომ მან შეძლო ის, რაც წლების მანძილზე ვერ ხერხდებოდა და ქვეყნის ცხოვრებაში დემოკრატიული გარდატეხა შეიტანა. მან ქვეყანას აბსოლუტურად დეგრადირებული პოლიტიკური ძალა ჩამოაშორა, რომელიც მთლიანად ძალადობასა და აგრესიაზეა დაფუძნებული. სწორედ ეს ვერ აპატიეს დღემდე ბიძინა ივანიშვილს“, - აღნიშნა კობახიძემ.

28 მაისი 2020, 22:28

COVID19

თურქეთში 1-ლი ივნისიდან კარანტინის რეჟიმის მნიშვნელოვანი შერბილება დაიწყება

თურქეთის პრეზიდენტმა, რეჯეფ თაიფ ერდოღანმა განაცხადა, რომ ქვეყანაში 1-ლი ივნისიდან კარანტინის რეჟიმის მნიშვნელოვანი შერბილება დაიწყება.

ირაკლი კობახიძე

28 მაისი 2020, 22:15

პოლიტიკა

ირაკლი კობახიძე: ოპოზიცია ალბათ დეპრესიაშია და რეაბილიტაციას ცდილობს

„ახლა ალბათ დეპრესიულ სიტუაციაში არიან, რეაბილიტაციას ეცდებიან, თუმცა ხვალ ნახავენ, რომ შეიძლება ორი იმდენი მიიღონ, რაც გუშინ. აქ მთავარი ის კი არ არის, ვის რა უნარები აქვს, მთავარია, ვის რა პოზიცია აქვს, რა აქვს ნაკეთები და გაფუჭებული. სწორედ ეს განაპირობებს იმ უსუსურ მდგომარეობას, რომელშიც ისინი ჩავარდნენ“, - აღნიშნა ირაკლი კობახიძემ.

28 მაისი 2020, 22:12

COVID19

Lonely Planet: საქართველომ დაამტკიცა, რომ ქვეყნის სწრაფი ჩაკეტვით წარმატებულ შედეგს მიაღწია

„საქართველომ დაამტკიცა, რომ ქვეყნის სწრაფი ჩაკეტვით წარმატებულ შედეგს მიაღწია. პატარა კავკასიურ ქვეყანას, რომლის მოსახლეობაც 4 მილიონამდეა, ოფიციალურად ვირუსით ინფიცირების მხოლოდ 731 შემთხვევა აქვს და მხოლოდ 12 ადამიანი გარდაიცვალა.“-წერს ჟურნალისტი.

28 მაისი 2020, 22:07

სპორტი

იტალიის საფეხბურთო ჩემპიონატი 20 ივნისს განახლდება

იტალიის საფეხბურთო ჩემპიონატი 20 ივნისს განახლდება. ამის შესახებ იტალიის სპორტის მინისტრმა, ვინჩენცო სპადაფორამ განაცხადა.

ბობ უეიტონი

28 მაისი 2020, 21:59

ტაბლოიდი

მსოფლიოში უხუცესი კაცი გარდაიცვალა

უეიტონი ჰემირის საგრაფოს ქალაქ ალტონში, მოხუცთა თავშესაფარში ცხოვრობდა. მისი გარდაცვალების მიზეზი ონკოლოგიური დაავადება გახდა. უეიტონი 1908 წლის 29 მარტს დაიბადა. წარსულში ის ინჟინრად და მასწავლებლად მუშაობდა. მას 3 შვილი, 10 შვილიშვილი და 25 შვილთაშვილი დარჩა.

28 მაისი 2020, 21:44

მსოფლიო

ევროკავშირმა სირიის რეჟიმისთვის დაწესებული სანქციები ერთი წლით გაახანგრძლივა

ევროკავშირის საბჭომ სირიის რეჟიმისთვის დაწესებული სანქციები ერთი წლით გაახანგრძლივა. ამის შესახებ ევროკავშკირის საბჭოს განცხადებაშია ნათქვამი.

ამირან გამყრელიძე

28 მაისი 2020, 21:39

COVID19

ამირან გამყრელიძე: ვიდრე ტურიზმი გაიხსნება, საერთაშორისო კარანტინი ისევ ძალაში რჩება

„ჯერჯერობით, ვიდრე ტურიზმი გაიხსნება, საერთაშორისო კარანტინი ისევ ძალაში დარჩება. ეს ძალიან მნიშვნელოვანი ღონისძიება იყო. ჩვენ კარანტინიდან დაახლოებით, 120-ზე ოდნავ მეტი პირის იდენტიფიცირება მოვახდინეთ და ამით პრევენცია გავაკეთეთ იმის, რომ კარანტინიდან ინფექცია არ გავიდა ფართოდ საზოგადოებაში. ამანაც ხელი შეუწყო ინფიცირებულების დაბალ მაჩვენებელს ქვეყანაში, ამიტომ ჯერჯერობით ასე იქნება, თუმცა, როცა საერთაშორისო ტურიზმი გაიხსნება, დადგება უკვე სხვა რეგულაციები, რომელზეც საკოორდინაციო საბჭო იმსჯელებს“, - განაცხადა გამყრელიძემ.

სალომე ზურაბიშვილი

28 მაისი 2020, 21:39

COVID19

სალომე ზურაბიშვილი: პანდემიამ გამოწვევის წინაშე დაგვაყენა ყველა და ჩვენი ძლიერი და სუსტი მხარეები გამოავლინა

პანდემიამ გამოწვევის წინაშე დაგვაყენა ყველა, ჩვენი ძლიერი და სუსტი მხარეები გამოავლინა, – ამის შესახებ საქართველოს პრეზიდენტმა, სალომე ზურაბიშვილმა გაერო-ს უმაღლესი დონის ონლაინკონფერენციაში მონაწილეობისას განაცხადა, რომელიც Covid 19-ის პანდემიისა და პანდემიის შემდგომი პერიოდის გლობალური განვითარების დაფინანსების მექანიზმებს მიეძღვნა.

ენდრიუ კუომო

28 მაისი 2020, 21:19

COVID19

ნიუ-იორკის შტატში კერძო ბიზნესის მფლობელებს უფლება ექნებათ თავიანთ დაწესებულებებში იმ პირებს აუკრძალონ შესვლა, რომლებიც პირბადეს არ ატარებენ

ნიუ-იორკის შტატის გუბერნატორი, ენდრიუ კუომო ხელს მოაწერს განკარგულებას, რომელიც კერძო ბიზნესების მფლობელებს უფლებას მიანიჭებს თავიანთ დაწესებულებებში იმ პირებს აუკრძალონ შესვლა, ვინც პირბადეს არ ატარებენ. ამის შესახებ დღეს გამართულ პრესკონფერენციაზე თავად ენდრიუ კუომომ განაცხადა.