IMEDI /  14 ივლისი 2020, 14:44 / სანდო წყარო

გიორგი გახარია: მთავრობის პრიორიტეტია ბიზნესზე კრიზისის ზემოქმედების მინიმიზაცია და კრიზისის პირობებშიც, ახალი სამუშაო ადგილების შექმნა

გიორგი გახარია

გიორგი გახარია

დღეს, მთავრობის უპირველესი პრიორიტეტია ეკონომიკაზე, ბიზნესზე კრიზისის ზემოქმედების მინიმიზაცია და რაც მთავარია, კრიზისის პირობებშიც, ახალი სამუშაო ადგილების შექმნა, - ამის შესახებ საქართველოს პრემიერ-მინისტრმა გიორგი გახარიამ, რუსთავში, „ქართლი ტექსტილის“ ქარხნის მშენებლობის გახსნის ღონისძიებაზე განაცხადა.

„ეს არის, რასაც ჩვენ თავიდან ვამბობდით, რომ გამოვიყენოთ კრიზისი, როგორც შესაძლებლობა. ამ საწარმოში შეკერილ ნაწარმს, გამოიყენებენ და ისარგებლებენ მსოფლიოს საუკეთესო ნაკრებები და სპორტსმენები. ეს არის ის, როდესაც ჩვენ, ყველას შეგვიძლია ვიამაყოთ, როდესაც აწერია ნაწარმს, პროდუქტს, რომ ნაწარმოებია საქართველოში. გავუფრთხილდეთ ბიზნესს, ვიზრუნოთ ერთმანეთზე, შევქმნათ ახალი სამუშაო ადგილები და რა თქმა უნდა, გავაძლიეროთ ადგილობრივი წარმოება. გილოცავთ და ვულოცავ რუსთაველებს ამ დიდ მიღწევას“, - აღნიშნა პრემიერ-მინისტრმა.

„მე ჯერ კიდევ ბიზნესომბუდსმენი ვიყავი, როდესაც „აჭარა ტექსტილი“ იწყებდა მუშაობას და ეს თანამშრომლობა იყო ძალიან დინამიური. ეს იყო საწარმო, ჯერ აჭარაში, შემდგომ იყო ფოთში, მათ შორის ქობულეთში და ეს არის მე-4 საწარმო დღეს, აქ, რომელიც ფაქტობრივად, ქართული მსუბუქი მრეწველობის ავანგარდია. ყველას კარგად უნდა გვესმოდეს, რომ ჩვენ, ასე დარგობრივად, სექტორულად უნდა მივყვეთ. ეს არის საწარმო, რომელიც ამზადებს, კერავს საექსპორტო პროდუქციას“, - განაცხადა გიორგი გახარიამ.

რუსთავის საწარმო - „ქართლი ტექსტილი“ სახელმწიფო მხარდაჭერის შედეგად 4 თვეში სრული დატვირთვის ამუშავდება და საქართველოს 3 000 მოქალაქეს დაასაქმებს. ტერიტორია, სადაც საწარმო იფუნქციონირებს, კომპანიას სახელმწიფომ გადასცა. „ქართლი ტექსტილი“ მთლიანი ინვესტიციის, 20 მლნ ლარის ნახევარი (10 მლნ) ეკონომიკის სამინისტროს - „აწარმოე საქართველოში“ პროგრამის ფარგლებში მიღებული სესხია.

საწარმო - „ქართლი ტექსტილი“ „აჭარა ტექსტილს“ ეკუთვნის, რომელსაც ბათუმში, ფოთსა და ქობულეთში სამი სამკერვალო ფაბრიკა აქვს. „აჭარა ტექსტილი“ წლიურად 15 მლნ-ზე მეტი ერთეული პროდუქციის წარმოებასა და ექსპორტს ახორციელებს. ის თანამშრომლობს ისეთ წამყვან საერთაშორისო კომპანიებთან როგორებიცაა: Nike, ADIDAS, Puma და ა.შ. დასაქმებულია 3500 ადამიანი.

ყველა სიახლე

სწრაფი ტესტები

11 აგვისტო 2020, 17:33

COVID19

ჯანდაცვის სამინისტრომ 200 ათასი სწრაფი ტესტი შეიძინა

ანტისხეულების 100 ათასი ტესტის მომწოდებელი ჩინეთის მთავრობის მიერ ლიცენზირებული კომპანიაა, რომელიც ამავე ტესტებით ევროპის ქვეყნებსა და აშშ-საც ამარაგებს. პროდუქტმა არაერთი შემოწმება გაირა და ექსპორტზე გატანის ნებართვა მიიღო. ხოლო ანტიგენ 100 ათასი ტესტის მომწოდებელი კორეული კომპანიაა, რომლისგანაც სამინისტროს ტესტები უკვე შესყიდული აქვს.

11 აგვისტო 2020, 17:31

საზოგადოება

ეკატერინე ტიკარაძე დასაქმების ხელშეწყობის სახელმწიფო სააგენტოს საქმიანობის ანგარიშის პრეზენტაციას დაესწრება

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, ეკატერინე ტიკარაძე 12 აგვისტოს დასაქმების ხელშეწყობის სახელმწიფო სააგენტოს საქმიანობის ანგარიშის პრეზენტაციას დაესწრება. ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კამპანია - „ერთი თვე სამინისტროსთან ერთად“ გრძელდება, - ამის შესახებ ინფორმაციას დასაქმების ხელშეწყობის სახელმწიფო სააგენტო ავრცელებს.

პაატა იმნაძე

11 აგვისტო 2020, 17:24

COVID19

პაატა იმნაძე ლარსის სასაზღვრო პუნქტზე: სიტუაციის გართულების საშიშროებას ვერ ვხედავ

შემთხვევები აბსოლუტურად კონტროლირებადია. ყველა ის ადამიანი გადაყვანილი იყო თვითიზოლაციაში, ასე რომ იქ პრობლემები ჯერჯერობით გამოკვეთილი არ არის, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ „რუსთავი 2“-ის ეთერში ყაზბეგის რაიონში, ლარსის საბაჟო გამშვებ პუნქტზე კორონავირუსით ინფიცირების 5-შემთხვევაზე საუბრისას განაცხადა.

ირაკლი ღარიბაშვილი

11 აგვისტო 2020, 17:23

პოლიტიკა

ირაკლი ღარიბაშვილი: რა სიმბოლური დამთხვევაა, რომ შინდისის ბრძოლის დღეს ყოფილი პრეზიდენტი ყველამ ვიხილეთ მიწაზე გართხმული, ეს იყო ჩვენი გმირების შეურაცხყოფა

​„მინდა, განსაკუთრებით მივესალმო ამ შესანიშნავი, განსაკუთრებული მუნიციპალიტეტის მოსახლეობას. ასევე, მინდა, განსაკუთრებით მივესალმო „ქართული ოცნების“ დამფუძნებლებს, ჯარისკაცებს, რომლებმაც 2012 წელს შეუძლებელი შეძლეს ჩვენი ლიდერის, პარტიის თავმჯდომარის ბატონი ბიძინა ივანიშვილის ხელმძღვანელობით. იმ დროს ეს გამარჯვება ბევრისთვის დაუჯერებელი იყო, მაგრამ ჩვენ ეს შევძელით. ამისთვის მადლობა თქვენ. მადლობა იმისთვის, რომ მთელი ამ წლების განმავლობაში ჩვენს გვერდით დგახართ და მადლობა თქვენი მხარდაჭერისთვის“, - განაცხადა ღარიბაშვილმა.

ირაკლი ღარიბაშვილი

11 აგვისტო 2020, 17:21

პოლიტიკა

ირაკლი ღარიბაშვილი: ოპონენტები გვაკრიტიკებენ, რომ მხოლოდ წარსულზე ვსაუბრობთ, როგორ შეიძლება იმ სამარცხვინო საქციელის დავიწყება?!

უკაცრავად, მაგრამ ჩვენი წარსული კარგად გვახსოვს და გვემახსოვრება ყოველთვის. როგორ შეიძლება ადამიანმა, მოქალაქემ დაივიწყოს აგვისტოს ომი, ის ტრაგიკული დღეები და ის სამარცხვინო საქციელი, რომელიც მთელმა ქვეყანამ, მთელმა მსოფლიომ იხილა, - ამის შესახებ პარტია „ქართული ოცნების“ პოლიტიკურმა მდივანმა, ირაკლი ღარიბაშვილმა ჟურნალისტებს ოპონენტების კრიტიკის საპასუხოდ განუცხადა. როგორც ღარიბაშვილი აცხადებს, ოპოზიციას, რომელსაც არა ერთი შეცდომა აქვს დაშვებული, ყოველთვის შეახსენებენ ამის შესახებ.

11 აგვისტო 2020, 17:18

მსოფლიო

სომალის ციხეში დაპირისპირებას 6 პატიმარი ემსხვერპლა

სომალის დედაქალაქში, მოგადიშუში მდებარე ციხეში სროლას მსხვერპლი მოჰყვა. დაღუპულია, სულ მცირე, 6 პატიმარი. არსებული ინფორმაციით, დაპირისპირება ალ-ქაიდასთან დაკავშირებული ჯგუფის, ალ-შაბაბის წევრებს შორის მოხდა.

11 აგვისტო 2020, 17:15

COVID19

ლარსის სასაზღვრო გამშვები პუნქტის თანამშრომლებს COVID-19 დაუდასტურდათ

ყაზბეგში 5 პირს Covid-19 დაუდასტურდა. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა. ინფიცირებული პაციენტები ლარსის სასაზღვრო გამშვები პუნქტის თანამშრომლები არიან. მისი თქმით, ყაზბეგში წასულია ჯგუფი და ადგილზე პირდაპირი და ირიბი კონტაქტების დადგენა მიმდინარეობს. „გიდასტურებთ, რომ ყაზბეგში გვაქვს ლაბორატორიულად დადასტურებული 5 შემთხვევა. ამჟამად ადგილზე მიმდინარეობს კონტაქტების კვლევა, მხედველობაში მაქვს ყაზბეგის მუნიციპალიტეტი. ვიცით დაახლოებით საიდან შეიძლება იყოს, ამიტომაც მიმდინარეობს ეპიდკვლევა. პერსონალურ ინფორმაციას ვერ მოგცემთ. ჩვენგანაც წავიდა ჯგუფი და თვითონ ადგილობრივი ჯანდაცვაც სწავლობს კონტაქტებს”, - განაცხადა ამირან გამყრელიძემ „კურიერთან“ საუბრისას.

11 აგვისტო 2020, 17:14

საზოგადოება

პრეზიდენტი მარიამ კონცელიძის შვილებს: ეს ჯილდო შეიძლება ტკივილს არ აშუშებს, მაგრამ როცა გავა დრო მიხვდებით, რამდენად დიდი იყო დედათქვენის თავგანწირვა

საქართველოს პრეზიდენტმა სალომე ზურაბიშვილმა ციხისძირში 2019 წელს დაღუპული ბაღის მასწავლებელი, მარიამ კონცელიძე, სიკვდილის შემდეგ, „სამოქალქო თავდადებისათვის“ დააჯილდოვა. პრეზიდენტმა კონცელიძეების ოჯახს სახელმწიფო ჯილდო მედალი „სამოქალქო თავდადებისათვის“ პირადად გადასცა და მარიამ კონცელიძეს თავდადებისა და სამოქალაქო გმირობისათვის მადლობა გადაუხადა.

კორონავირუსი ახალი ზელანდია

11 აგვისტო 2020, 17:07

COVID19

ახალ ზელანდიაში კორონავირუსის შიდა გადაცემა 100 დღის განმავლობაში პირველად დაფიქსირდა

„მოიქეცით ისე, თითქოს კოვიდი გაქვთ, თითქოს თქვენს გარშემო ხალხს კოვიდი აქვს. ვიცით, როგორ უნდა ვიმოქმედოთ, იმიტომ რომ ეს აქამდეც გაგვიკეთებია“, - მიმართა ხალხს პრემიერ-მინისტრმა ჯასინდა არდერნმა.

ფერნანდო ვალდესი

11 აგვისტო 2020, 17:05

მსოფლიო

ესპანეთში ოჯახური ძალადობის ბრალდებით საკონსტიტუციო სასამართლოს 75 წლის მოსამართლე დააკავეს

ესპანეთის სამოქალაქო გვარდიამ დააკავა საკონსტიტუციო სასამართლოს მოსამართლე ფერნანდო ვალდესი, რომელსაც ბრალად ოჯახური ძალადობა ედება. ინფორმაცია ამის შესახებ გამოცემა El Mundo ავრცელებს. 75 წლის ფერნანდო ვალდესის წინააღმდეგ საჩივარი მისმა მეზობლებმა შეიტანეს. მათი განცხადებით, მოსამართლე მეუღლეზე ძალადობდა. მომხდართან დაკავშირებით სხვა დეტალები უცნობია.

11 აგვისტო 2020, 16:58

COVID19

3 000-მდე გამოკვლეულ მებაჟე ოფიცერს კორონავირუსი არ დაუდგინდა

დღეის მონაცემებით, კორონავირუსზე (COVID-19) რისკ ჯგუფების მიზნობრივი ტესტირების ფარგლებში, ფინანსთა სამინისტროს შემოსავლების სამსახურის საბაჟო გამშვებ პუნქტებსა და გაფორმების ეკონომიკურ ზონებში 3 000-მდე მებაჟე ოფიცერს, გამოკვლევა ჩაუტარდა. კორონავირუსი არც ერთ მათგანს, ამ ეტაპისთვის, არ დაუფიქსირდა, - ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.

11 აგვისტო 2020, 16:48

პოლიტიკა

ირაკლი ღარიბაშვილი: შინდისის ბრძოლა გმირობის ის მაგალითია, რომელზეც მომავალი თაობა, ჩვენი შვილები უნდა აღიზარდონ

2008 წლის რუსეთ-საქართველოს ომის დროს სოფელ შინდისთან გმირულად დაღუპული ქართველი სამხედროების ხსოვნას საქართველოს თავდაცვის მინისტრმა ირაკლი ღარიბაშვილმა, თავდაცვის ძალების მეთაურმა გენერალ-მაიორმა გიორგი მათიაშვილმა შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა თეა ახვლედიანმა და სამხედრო მოსამსახურეებმა პატივი მიაგეს.

გიორგი ვოლსკი

11 აგვისტო 2020, 16:47

სამართალი

გიორგი ვოლსკი: ხელისუფლება აღარ წყვეტს ვინ დაიჭირონ, ვინ აწამონ და ვინ სიცოცხლეს გამოასალმონ, როგორც ეს იმ პერიოდში იყო

ხელისუფლება აღარ წყვეტს ვინ დაიჭირონ, ვინ აწამონ და ვინ სიცოცხლეს გამოასალმონ, როგორც ეს იმ პერიოდში იყო, - ამის შესახებ საქართველოს პარლამენტის თავმჯდომარის პირველმა მოადგილემ გიორგი ვოლსკიმ ჟურნალისტებს საქარაშვილის საზმეზე კომენტირებისას განუცხადა. ვოლსკის თქმით, პროკურატურის დღევანდელი განცხადებით ყველა ბრალდებას დაესვა წერტილი.

ზელიმხან ხანგოშვილი

11 აგვისტო 2020, 16:46

მსოფლიო

ლავროვი: ზელიმხან ხანგოშვილის საქმეზე რუსეთმა გერმანული მხარის ყველა კითხვას უპასუხა

ზელიმხან ხანგოშვილის საქმეზე რუსეთმა გერმანული მხარის ყველა კითხვას უპასუხა და ახლა ბერლინისგან განმარტებებს ველით, - ამის შესახებ რუსეთის საგარეო საქმეთა მინისტრმა, სერგეი ლავროვმა გერმანელ კოლეგა ჰაიკო მაასთან შეხვედრის შემდეგ განაცხადა.

მირიან ნიკოლაძე

11 აგვისტო 2020, 16:45

სამართალი

მირიან ნიკოლაძე: ოჯახს გამოძიებასთან არანაირი პრეტენზია არ აქვს

გარდაცვლილი 19 წლის ფეხბურთელის გიორგი შაქარაშვილის ბიძა მირიან ნიკოლაძე აცხადებს, რომ ოჯახი გამოძიებას პირველივე ეტაპზე ენდობოდა და მასთან არანაირი პრეტენზია არ აქვს.

11 აგვისტო 2020, 16:41

რეგიონი

„ქართული ოცნების“ ლიდერები ლაგოდეხის მუნიციპალიტეტის სოფელ კართუბანში საბავშვო ბაღის მშენებლობის პროცესს გაეცნენ, რომელიც წლის ბოლოს დასრულდება

საქართველოს პრემიერ-მინისტრი გიორგი გახარია, "ქართული ოცნების“ გენერალურ მდივან კახა კალაძესთან, „ქართული ოცნების“ პოლიტიკურ მდივან ირაკლი ღარიბაშვილთან და თელავის, ახმეტის, ყვარლისა და ლაგოდეხის საარჩევნო ოლქში „ქართული ოცნების“ მაჟორიტარი დეპუტატობის კანდიდატ ირაკლი ქადაგიშვილთან ერთად, ლაგოდეხის მუნიციპალიტეტის სოფელ კართუბანში საბავშვო ბაღის მშენებლობის პროცესს გაეცნო.

ვლადიმერ პუტინი

11 აგვისტო 2020, 16:39

COVID19

ვლადიმერ პუტინი აცხადებს, რომ რუსეთმა კორონავირუსის ვაქცინა შექმნა

ვლადიმერ პუტინი აცხადებს, რომ რუსეთი გახდა პირველი ქვეყანა, რომელმაც ახალი კორონავირუსის ვაქცინა შექმნა. ვაქცინას ჯერ საბოლოო შემოწმება არ გაუცლია, თუმცა, მის მასობრივ წარრმოებაში ჩაშვებას წლის ბოლოს გეგმავენ.

სალომე ზურაბიშვილი

11 აგვისტო 2020, 16:36

პოლიტიკა

სალომე ზურაბიშვილი: სამშობლო ის უმაღლესი ღირებულებაა, რისთვისაც შინდისის გმირები 2008 წელს იბრძოდნენ

საქართველოს პრეზიდენტის ადმინისტრაცია სალომე ზურაბიშვილის განცხადებას ავრცელებს, რომლითაც ის შინდისის გმირების ხსოვნის პატივისცემას გამოხატავს. სამშობლო ის უმაღლესი ღირებულებაა, რისთვისაც შინდისის გმირები 2008 წელს იბრძოდნენ,- ამის შესახებ საქართველოს პრეზიდენტმა სალომე ზურაბიშვილმა განაცხადა. მისი თქმით, თავდადებისთვის მზადყოფნა ჩვენი ეროვნული სულისკვეთებაა. საქართველო აქამდე სწორედ ამ თავდადებამ მოიყვანა.

სასამართლო ნიგერია

11 აგვისტო 2020, 16:30

მსოფლიო

ნიგერიაში მომღერალს ღვთისგმობისთვის სიკვდილით დასჯა მიუსაჯეს

კანოს შტატის უზენაესმა სასამართლომ დაადგინა, რომ 22 წლის იახაია ამინუ შარიფის სიმღერა, რომელიც მან მარტში WhatsApp-ით გაავრცელა, წინასწარმეტყველ მუჰამედის მიმართ ღვთისგმობას შეიცავდა.

გიორგი გამსახურდია

11 აგვისტო 2020, 16:18

რეგიონი

გიორგი გამსახურდია ხიბულაში განხორციელებული პროექტებისთვის ბიძინა ივანიშვილს მადლობას უხდის

ძველ ხიბულაში ზვიად გამსახურდიას მემორიალური სახლ-მუზეუმის სარეაბილიტაციო პროცესს და ტაძრის მშენებლობის მიმდინარეობას პირველი პრეზიდენტის შვილი გიორგი გამსახურდია გაეცნო. გიორგი გამსახურდია გამსახურდია ხიბულაში პირველი პრეზიდენტის მემორიალური სახლ-მუზეუმის და მიმდებარე ინფრასტრუქტურის მოწესრიგებისთვის ბიძინა ივანიშვილს მადლობას უხდის და პროექტის ეროვნულ მნიშვნელობაზე ამახვილებს ყურადღებას.