imedi /  17 სექტემბერი 2020, 11:33 / სანდო წყარო

აფბა: „ლელოს“ განცხადება, რომ შიმშილის დონე გაორმაგდა, სიმართლეს არ შეესაბამება - გაეროს კვლევაზე პოლიტიკური სპეკულაციები მიუღებელია

საკითხის აქტუალურობიდან გამომდინარე, არასამთავრობო ორგანიზაცია „ახალგაზრდა ფინანსისტთა და ბიზნესმენთა ასოციაცია – აფბა“ გაერო-ს კვლევას ეხმაურება, რომელიც ბოლო დღეებში პოლიტიკური და საზოგადოებრივი განხილვის საგანი გახდა.

როგორც აფბა-ის მიერ გავრცელებულ განცხადებაშია ნათქვამი, „ლელოს“ მხრიდან გაკეთებული კომენტარი იმის შესახებ, რომ საქართველოში ბოლო წლების განმავლობაში შიმშილის დონე გაორმაგდა, სიმართლეს არ შეესაბამება.

„ვინაიდან, კვლევას არაერთი სპეკულაცია მოჰყვა სხვადასხვა პოლიტიკური პარტიის მხრიდან, ახალგაზრდა ფინანსისტებს საჭიროდ მიგვაჩნია, საზოგადოებას სწორი და დეტალური ინფორმაცია მივაწოდოთ აღნიშნული კვლევის შესახებ.

კერძოდ, გაერო-ს კვლევაზე პოლიტიკური პარტია „ლელოს“ პრესსამსახურის მხრიდან გაკეთდა განცხადება და ითქვა, რომ თითქოს აღნიშნული კვლევის მიხედვით, უკანასკნელ წლებში საქართველოში შიმშილის დონე გაორმაგდა და მან 8,2% შეადგინა, ხოლო იგივე მაჩვენებელი სომხეთში 5-ჯერ შემცირდა და ამჟამად 2.6%-ს შეადგენს, აზერბაიჯანში კი 2.4%-მდე დავიდა.

ინფორმაცია, თითქოს საქართველოში შიმშილის დონე გაორმაგდა სიმართლეს არ შეესაბამება, ვინაიდან ერთმანეთს შედარებულია 2006 წლისა და 2020 წლის მონაცემები, ხოლო 2012 წლის მაჩვენებელთან შედარებისას სრულიად განსხვავებულ სურათს ვიღებთ.

როგორც აფბაში აცხადებენ, გაეროს კვლევაში არსებული მონაცემები აღებულია სურსათისა და სოფლის მეურნეობის ორგანიზაციის (FAO) კვლევაზე დაყრდნობით, ხოლო თუკი თავად FAO-ს 2012 წლის კვლევის მონაცემებს ჩავხედავთ დავინახავთ, რომ 2012 წელთან შედარებით არასრულფასოვანი კვების დონე საქართველოში არა თუ გაზრდილია, არამედ პირიქით, 3-ჯერ არის შემცირებული. კერძოდ, „2020 შიმშილის რუკის“ მიხედვით საქართველო ყვითელ ზონაში მოხვდა. ანუ იმ ზონაში, სადაც მოსახლეობის 5-15% არასრულფასოვნად იკვებება. ხოლო, 2012 წლის რუკის მიხედვით საქართველო ე.წ. ყავისფერ ზონაში იყო, ანუ იმ ქვეყნებს შორის სადაც მოსახლეობის 15-25% იკვებება არასრულფასოვნად. 2012 წელს საქართველოს მაჩვენებელი 24.7% იყო, რაც 3-ჯერ მეტია დღევანდელ მაჩვენებელზე. ამ მონაცემებით, საქართველო მაშინ ევროპაში ერთადერთი სახელმწიფო იყო, რომელიც „ყავისფერ ზონაში“ მოხვდა, ხოლო მთლიანად ევრაზიის კონტინენტზე კი უკანასკნელ ათეულში, ბოლოდან მეექვსე პოზიცია ეჭირა იემენის, ჩრდილოეთ კორეის, ტაჯიკეთის, ლაოსის სახალხო რესპუბლიკის, და ერაყის შემდეგ.

ამასთან, 2012 წლის ანგარიშის თანახმად საქართველოში იმ ადამიანების რიცხვი, ვინც არასრულფასოვნად იკვებებოდა 1 მილიონი ადამიანი იყო, ხოლო დღეისათვის ციფრი – 300 000 მოსახლეს უტოლდება. შესაბამისად, მაჩვენებელი 3-ჯერ, ანუ 700 000-ი ადამიანით არის შემცირებული.

ინფორმაციისთვის, WFP–ის „შიმშილის რუკა 2020“ ასახავს თითოეული ქვეყნის მოსახლეობაში არასაკმარის კვების გავრცელებას 2017-2019 წლებში. “შიმშილის რუკა” ასახავს ინფორმაციას, გლობალური ჯანმრთელობის ყველაზე დიდ რისკზე და ამ რისკის ცვლილების დინამიკას წლების მიხედვით, რაც იძლევა წლების მიხედვით განვლილი პერიოდთან შედარებითი ანალიზის გაკეთების შესაძლებლობასაც, თუ როგორია ქვეყანაში ჯანმრთელობის რისკის ცვლილების დინამიკა“, - ნათქვამია აფბა-ის განცხადებაში.

ყველა სიახლე

21 ოქტომბერი 2020, 12:12

COVID19

უკრაინაში კოვიდინფიცირების რეკორდული დღიური მაჩვენებელი დაფიქსირდა

უკრაინაში კოვიდინფიცირების რეკორდული დღიური მაჩვენებელი დაფიქსირდა. ბოლო 24 საათის განმავლობაში უკრაინაში კორონავირუსი კიდევ 6,719 ადამიანს დაუდასტურდა. ჯამში ქვეყანაში კორონავირუსი 315,826 ადამიანს დაუდგინდა. ინფორმაციას ქვეყნის ჯანდაცვის სამინისტრო ავრცელებს.

მიხეილ ჩხენკელი

21 ოქტომბერი 2020, 12:11

რეგიონი

მიხეილ ჩხენკელი: თქვენ, ქუთაისის საერთაშორისო უნივერსიტეტის პირველი ნაკადი, საქართველოს აკადემიური ისტორიის ნაწილი ხართ

„მინდა გისურვოთ წარმატება სწავლის პროცესში, ხოლო მომავალში – წინსვლა და მიღწევები პროფესიულ ასპარეზზე. განათლება არის ყველაზე ღირებული ინვესტიცია და არა მხოლოდ თითოეული თქვენგანის ინდივიდუალური წარმატების საფუძველია, არამედ ჩვენი ქვეყნის წარმატების საწინდარიც გახლავთ“, - განაცხადა მიხეილ ჩხენკლემა.

კორონავირუსი

21 ოქტომბერი 2020, 12:09

COVID19

რუსეთში კორონავირუსით გარდაცვალების რეკორდულად მაღალი დღიური მაჩვენებელი დაფიქსირდა

ბოლო 24 საათის განმავლობაში რუსეთში COVID-19-ის 15 700 ახალი შემთხვევა გამოვლინდა, სულ კი ინფიცირების 1 447 335 შემთხვევაა დადასტურებული. გამოჯანმრთელდა 1 096 560 პაციენტი.

ბექა ფერაძე

21 ოქტომბერი 2020, 12:09

საზოგადოება

შრომის ინსპექციამ თბილისში არსებულ 10 ბაზარსა და 185 საცალო-საბითუმო ვაჭრობის ობიექტზე რეკომენდაციების შესრულება შეამოწმა

შრომის ინსპექცია სურსათის ეროვნულ სააგენტოსთან ერთად აქტიურად აგრძელებს მონიტორინგს ბაზრებსა და ბაზრობებზე. შემოწმდა თბილისში არსებული 10 ბაზარი და 185 საცალო და საბითუმო ვაჭრობის ობიექტი, რომელთა მიმართაც გაიცა გაფრთხილება რეკომენდაციების სავალდებულო შესრულებასთან დაკავშირებით, - ამის შესახებ ჯანდაცვის სამინისტროს შრომის პირობების ინსპექტირების დეპარტამენტის უფროსმა ბექა ფერაძემ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

არმენ სარგსიანი

21 ოქტომბერი 2020, 12:02

მსოფლიო

სომხეთის პრეზიდენტი ბრიუსელში გაემგზავრა, სადაც ნატოსა და ევროკავშირის ხელმძღვანელობასთან ყარაბაღის კონფლიქტის ესკალაციას განიხილავს

სომხეთის პრეზიდენტი, არმენ სარგსიანი სამუშაო ვიზიტით ბრიუსელში გაემგზავრა, სადაც ნატოსა და ევროკავშირის ხელმძღვანელობასთან მთიანი ყარაბაღის ირგვლივ კონფლიქტის ესკალაციას განიხილავს.

21 ოქტომბერი 2020, 11:56

COVID19

თერჯოლაში კორონავრუსით 47 წლის კაცი გარდაიცვალა

თერჯოლის კოვიდკლინიკაში კორონავრუსით 47 წლის კაცი გარდაიცვალა. კლინიკა „თერჯოლამედის“ დირექტორის თქმით, პაციენტს სხვა თანმდევ დაავადებებთან ერთად ფსიქიკური პრობლემაც ჰქონდა და მისი მდგომარეობა თავიდანვე მძიმე იყო. პაციენტი კლინიკაში 16 ოქტომბერს შეიყვანეს და გუშინ გარდაიცვალა.

21 ოქტომბერი 2020, 11:50

COVID19

საქართველოში კორონავირუსით 30-წლამდე პაციენტი გარდაიცვალა

კორონავირუსით გარდაცვლილი 14 პაციენტიდან ერთი 30-წლამდე ასაკისაა, - ამის შესახებ დღეს გამართულ ბრიფინგზე დაავადებათა კონტროლის ცენტრის ხელმძღვანელმა ამირან გამყრელიძემ განაცხადა. მისი თქმით, სხვა გარდაცვლილები ხანდაზმული ასაკის არიან. ამირან გამყრელიძის განმარტებით, თითოეული გარდაცვალების შემთხვევებს კლინიცისტები სწავლობენ. „14 გარდაცვლილია სხვადასხვა კლინიკაში. რაც შეეხება ასაკს, ხანდაზმულები არიან, თუმცა ერთი ახალგაზრდა ასაკისაა, 30-წლამდე. ამ შემთხვევის კლინიკური გარჩევა მიმდინარეობს. თითოეული შემთხვევა კლინიცისტების მიერ ირჩევა. თითოეულ შემთხვევაზე მიზეზთა დადგენა ხდება კლინიცისტების მიერ. ამ შემთხვევაში ჩვენ ინფორმაციას ვიძლევით მხოლოდ და მხოლოდ სტატისტიკური კუთხით. რაც შეეხება დეტალურ ინფორმაციას, ორ თვეში ერთხელ გამოდის დაავადებათა კონტროლის ცენტრის ანგარიში. მეოთხე ანგარიში უკვე საიტზე დევს“, - განაცხადა ამირან გამყრელიძემ.

ლაშა დარსალია

21 ოქტომბერი 2020, 11:50

სამართალი

ლაშა დარსალია: 1996 წლის შეთანხმებით, კომისიას 1938 წლის რუკით უნდა ეხელმძღვანელა, რომელიც ყველაზე რელევანტური დოკუმენტია

უწყებაში შესვლამდე დარსალია ჟურნალისტებს ესაუბრა და აღნიშნა, რომ მზად არის გამოძიებას მის ხელთ არსებული დეტალური ინფორმაცია მიაწოდოს, მათ შორის რუკებთან და კომისიის მუშაობასთან დაკავშირებით. მისივე თქმით, 1996 წლის შეთანხმების მიხედვით, კომისიას 1938 წლის რუკით უნდა ეხელმძღვანელა, რომელიც ყველაზე რელევანტური დოკუმენტია. „მთავარი, ძირითადი პრინციპი არის რომ ვეფუძნებით 38 წლის ხაზს. ყველა მასალა, მათ შორის ეს რუკა, რომელიც შესაძლოა განსაზღვრავდეს თუ როგორ გადის 38 წლის ხაზი, არის თავისთავად რელევანტური“, - აღნიშნა დარსალიამ.

ეკატერინე ტიკარაძე

21 ოქტომბერი 2020, 11:48

COVID19

ეკატერინე ტიკარაძე: თითოეული კლინიკა იქნება პასუხისმგებელი კონკრეტულ კოვიდ-სასტუმროზე

ჩვენ კიდევ ერთი ბერკეტი გამოვიყენეთ, რათა მოსახლეობას უფრო მეტი ნდობა ჰქონდეს კოვიდ-სასტუმროების მიმართ. თითოეული კლინიკა იქნება პასუხისმგებელი კონკრეტულ სასტუმროზე, - ამის შესახებ ჯანდაცვის მინისტრმა, ეკატერინე ტიკარაძემ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

21 ოქტომბერი 2020, 11:47

COVID19

აჭარაში კოვიდინფიცირების 369 ახალი შემთხვევა გამოვლინდა

რეანიმაციაში მოთავსებულია - 84 პაციენტი. ხელოვნური სუნთქვის აპარატზე -11 თავისუფალი საწოლები - 56. კოვიდ-სასტუმროებში- 1119, არასრულწლოვანი - 78.

ეკატერინე ტიკარაძე

21 ოქტომბერი 2020, 11:47

COVID19

ეკატერინე ტიკარაძე: პრეტენზია სასწრაფოს დაგვიანებასთან დაკავშირებით არაკორექტულია

„სასწრაფო გამოძახების ბრიგადებს 2-დან 3 საათამდე დაყოვნება აქვთ, რაც პანდემიის პერიოდში სრულიად ნორმალურია, ვინაიდან ჩვეულებრივი ვირუსის დროსაც კი ჩვენ მსგავსი შემთხვევები გვქონია და ეს საგანგაშო კომპონენტს არ წარმოადგენს, რადგან ვირუსით დაინფიცირებული ადამიანი არ არის კარდიოლოგიური ან ნევროლოგიური სისტემით დაავადებული ადამიანი, რომელსაც 20 წუთში ბრიგადის ადგილზე მისვლა ესაჭიროება. ეს არის გეგმური პროცესი. ამ პერიოდში ჩვენი ექიმები აღჭურვილობის გამოცვლას საჭიროებენ და მუშაობენ სრული დატვირთვით, აქედან გამომდინარე, ეს პრეტენზია სასწრაფო დახმარების სამსახურის მიმართ არაკორექტულია“, - განაცხადა ტიკარაძემ.

ეკატერინე ტიკარაძე

21 ოქტომბერი 2020, 11:40

COVID19

ეკატერინე ტიკარაძის თქმით, საქართველოში სასუნთქი აპარატების დეფიციტი არ არსებობს

„ჩვენ აჭარაში საკმარისი რესურსი გვაქვს. იმ სასუნთქ აპარატებზე, რომლებიც რეალურად არის სასუნთქი აპარატი, დეფიციტი საქართვლოში არ არსებობს, მათ შორის არც აჭარაში. კოვიდ-პაციენტების სასუნთქი აპარატებით მართვა ეს არის უკიდურესი დაშვება, რომელსაც ჩვენი ექიმები იყენებენ, ვინაიდან მისი ეფექტი ყველაზე ნაკლები არის ამ ინფექციის მართვაში“, - განმარტა მინისტრმა.

ნათია მეზვრიშვილი

21 ოქტომბერი 2020, 11:40

COVID19

ნათია მეზვრიშვილი: დამერწმუნეთ, თუ აპოკალიფსი იქნება, ამის შესახებ გამოვალთ და ამ ტრიბუნიდან ჩვენ ვიტყვით

მისი თქმით, სამწუხაროდ, ბოლო პერიოდის განმავლობაში ვრცელდება ცრუ ინფორმაციები სხვადასხვა საკითხთან დაკავშირებით, რომ თითქოს, არ არის საწოლების საკმარისი რაოდენობა, ადამიანები მიყრილები არიან სახლებსა და კოვიდსასტუმროებში და მათ არავინ მკურნალობს, ასევე, ზარებზე მასიურად არ პასუხობენ და ეს ადამიანები კონსულტაციას ვერ იღებენ.

21 ოქტომბერი 2020, 11:38

COVID19

ბოლო 24 საათში რუსეთში კორონავირუსის 15 700 ახალი შემთხვევა დადასტურდა

რუსეთის კორონავირუსთან ბრძოლის ოპერატიული შტაბის მონაცემებით, ქვეყანაში გასული დღე-ღამის განმავლობაში კორონავირუსის 15 700 ახალი შემთხვევა დადასტურდა, ხოლო 317 ადამიანი ვირუსს ემსხვერპლა.

ნათია მეზვრიშვილი

21 ოქტომბერი 2020, 11:38

პოლიტიკა

ნათია მეზვრიშვილი: საკოორდინაციო საბჭოს ფორმატი არ შეიცვლება

საკოორდინაციო საბჭოს ფორმატი არ შეიცვლება, - ამის შესახებ მთავრობის ადმინისტრაციის უფროსმა ნათია მეზვრიშვილმა საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

ნათია მეზვრიშვილი

21 ოქტომბერი 2020, 11:26

COVID19

ნებისმიერი ქვეყნიდან დაბრუნებული საქართველოს მოქალაქეები PCR-ტესტის ფლობის შემთხვევაში კარანტინის ნაცვლად თვითიზოლაციაში გადავლენ

ნებისმიერი ქვეყნიდან დაბრუნებული საქართველოს მოქალაქეები PCR-ტესტის ფლობის შემთხვევაში კარანტინის ნაცვლად თვითიზოლაციაში გადავლენ, - ამის შესახებ მთავრობის ადმინისტრაციის უფროსმა ნათია მეზვრიშვილმა საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

ნათია მეზვრიშვილი

21 ოქტომბერი 2020, 11:24

COVID19

ნათია მეზვრიშვილი: ბინაზე და სასტუმროში მკურნალობა არ ნიშნავს იმას, რომ ეს ადამიანები ექიმის მეთვალყურეობის გარეშე არიან დატოვებულები

„გვინდა განვაცხადოთ, რომ როგორც ბინაზე, ასევე კოვიდ-სასტუმროებში ამ ადამიანებს ზედამხედველობენ ექიმები. ანუ ბინაზე მკურნალობა და სასტუმროში მკურნალობა არ ნიშნავს იმას, რომ ეს ადამიანები ექიმის მეთვალყურეობის გარეშე არიან დატოვებულები. რაც შეეხება იმას თუ ვინ მკურნალობს საავადმყოფოში, ჩვენ მაქსიმალურად ვცდილობთ, რომ საავადმყოფოები გამოვიყენოთ მძიმე ავადმყოფებისთვის, ქრონიკული დაავადებების მქონე ინფიცირებულებისთვის და იმ ადამიანებისთვის, ვინც ასაკშია და ვისაც ყველაზე მეტად სჭირდება საავადმყოფოში მკურნალობა“, - განმარტა მეზვრიშვილმა.

21 ოქტომბერი 2020, 11:24

COVID19

თბილისში კორონავირუსის 445 ახალი შემთხვევა დაფიქსირდა

საქართველოში კორონავირუსის 1, 351 ახალი შემთხვევიდან 445 თბილისში დაფიქსირდა. ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავა ბრიფინგზე განაცხადა.

21 ოქტომბერი 2020, 11:21

COVID19

გურიის გუბერნატორს კორონავირუსი დაუდასტურდა

გურიის გუბერნატორს, ზურაბ ნასარაიას კორონავირუსი დაუდასტურდა. ინფორმაცია imedinews-ს გურიის გუბერნიის პრესსამსახურში დაუდასტურეს. „ზურაბ ნასარაია ბინაზე იმყოფება და ელოდება ეპიდემიოლოგების მითითებებს და პროტოკოლით დადგენილი წესის მიხედვით იმოქმედებს. მოადგილეების ტესტის კვლევის შედეგები უარყოფითია. ადმინისტრაციული შენობის სამივე სართულზე, სადაც განთავსებულია გუბერნია, მერია და საკრებულო, სადეზინფექციო სამუშაოები გვიან ღამით ჩატარდა“, - განმარტეს პრესსამსახურში.

კახა კალაძე

21 ოქტომბერი 2020, 11:18

საზოგადოება

20 ოქტომბრიდან ვაკის რაიონში განთავსდა საინფორმაციო ჯიხურები, სადაც ზონალურ-საათობრივი პარკირების სისტემაში დარეგისტრირება არის შესაძლებელი

ჭავჭავაძის გამზირზე, ფალიაშვილის, აბაშიძისა და მათ მკვეთ ქუჩებზე შემოდის ზონალურ-საათობრივი პარკირება. 20 ოქტომბრიდან ვაკეში, სხვადასხვა ლოკაციაზე განთავსდა საინფორმაციო ჯიხურები, რათა მოსახლეობა მივიდეს და დაარეგისტრიროს ავტომობილები ზონალურ-საათობრივი პარკირების სისტემაში, - ამის შესახებ დედაქალაქის მთავრობის სხდომაზე თბილისის მერმა, კახა კალაძემ განაცხადა.