imedi /  14 იანვარი 2022, 15:12 / სანდო წყარო

იოსებ არჩვაძე: ექსპორტის ზრდის ტემპი 2.5-ჯერ აღემატება ეკონომიკის ზრდის მაჩვენებელს, რაც ერთმნიშვნელოვნად ადასტურებს საქართველოს ეკონომიკისა და მისი საერთაშორისო კონკურენტუნარიანობის მზარდ პოტენციალს

იოსებ არჩვაძე

იოსებ არჩვაძე

საქართველოს ეკონომიკის სწრაფი აღდგენა და განვითარება ყველაზე მკაფიოდ საგარეო ეკონომიკურ ექსპანსიაში აისახა. ქვეყნის ექსპორტმა 2021 წელს პირველად გადალახა 4-მილიარდიანი ზღვარი და 4242.3 მლნ. აშშ დოლარი შეადგინა. შედარებისათვის: 2007 წლამდე საქართველოს ექსპორტი ერთ მილიარდ აშშ დოლარზე ნაკლები იყო. იგი გასულ, 2020 წელთან შედარებით 26.9 პროცენტით გაიზარდა და მოცულობით ასევე მნიშვნელოვნად - 11.7 პროცენტით გადააჭარბა პანდემიამდელი, 2019 წლის დონეს. აღსანიშნავია, რომ ექსპორტის ზრდის ტემპი 2.5-ჯერ აღემატება ეკონომიკის ზრდის მაჩვენებელს, რაც ერთმნიშვნელოვნად ადასტურებს საქართველოს ეკონომიკის და მისი საერთაშორისო კონკურენტუნარიანობის მზარდ პოტენციალს, - ასე შეაფასა ეკონომიკის ექსპერტმა იოსებ არჩვაძემ 2021 წლის საგარეო ვაჭრობის ექსპრეს მონაცემი, რომელიც სტატისტიკის ეროვნულმა სამსახურმა დღეს გამოაქვეყნა.

თავის ფეისბუქ გვერდზე გამოქვეყნებულ პოსტში იოსებ არჩვაძემ განაცხადა, რომ ჩვენი ქვეყნის აქტიურ და მზარდ ჩართულობას მსოფლიო ეკონომიკაში ადასტურებს იმპორტის ზრდაც, რომელიც 2021 წელს წინა წელთან შედარებით გაიზარდა 25.1 პროცენტით, პირველად გადალახა 10-მილიარდიანი ზღვარი და 10077 მლნ. აშშ დოლარი შეადგინა (შედარებისათვის: 2003 წლამდე საქართველოს იმპორტის მოცულობა ერთ მილიარდ აშშ დოლარზე ნაკლები იყო). 2021 წლის იმპორტი ასევე საგრძნობლად (5.9%-ით) აღემატებოდა პანდემიამდელი, 2019 წლის მაჩვენებელსაც.

მისი თქმით, ქვეყნის საგარეო სავაჭრო ბრუნვის მასშტაბებზე მეტყველებს ის ფაქტიც, რომ ბრუნვის მოცულობის მატება მხოლოდ ერთ წელიწადში (2021 წელს - 2020 წელთან შედარებით) აღემატება 2004-2005 წლებში საგარეო სავაჭრო ბრუნვის საშუალო წლიურ მოცულობას. „ექსპორტის წინმსწრები ზრდის ხარჯზე, სავაჭრო დეფიციტის თანაფარდობა საგარეო სავაჭრო ბრუნვასთან, 2021 წელს წინა წელთან შედარებით, შემცირდა 0.6 პუნქტით (პანდემიამდელ, 2019 წელთან შედარებით - 2.3 პუნქტით) და 40.7 პროცენტი შეადგინა (2020 წ.: -41.3%, 2019 წ.: -43.0%). ექსპორტით იმპორტის გადაფარვამ 2021 წელს 42.1 პროცენტი შეადგინა, რაც 0.6 პუნქტით აღემატება 2020 წლის მაჩვენებელს (2020 წ. – 41.5%),“ - წერს არჩვაძე.

„2021 წელს საქართველოს ეკონომიკამ მნიშვნელოვნად გაიუმჯობესა მდგომარეობა მსოფლიო ბაზარზე, საგრძნობლად გაზარდა ექსპორტი, რომლის თითქმის ¾ ადგილობრივი პროდუქციის წილად მოდის. ამავე დროს, საქართველოს სულ უფრო აქტიურად ასრულებს რეგიონული სატრანსპორტო-საკომუნიკაციო და სავაჭრო ჰაბის ფუნქციას, უზრუნველყოფს რა რეექსპორტის მნიშვნელოვან ზრდას (1.2-ჯერ წინა წელთან შედარებით). საქართველოს ეკონომიკაში მიღწეული პოზიტიური შედეგები, ეკონომიკის დაჩქარებული ზრდა, ხელისუფლების პოლიტიკა ბიზნესის ხელშეწყობისა და განვითარებისათვის, საგარეო ეკონომიკური ექსპანსიასა და საერთაშორისო ბაზრებზე მზარდი კონკურენტუნარიანობის უზრუნველსაყოფად, უკვე იძლევიან თვალსაჩინო შედეგს. ეკონომიკაში მიღწეულია საკმარისი კუმულატიური მუხტი, რათა 2022 წელს გაგრძელდეს ზრდის პოზიტიური დინამიკა როგორც საგარეო ვაჭრობის სფეროში, ისე მაკროეკონომიკის ყველა ძირითადი მიმართულებით,“ - მიაჩნია ექსპერტს.

ყველა სიახლე

ლოიდ ოსტინი

29 იანვარი 2022, 00:09

მსოფლიო

ლოიდ ოსტინი: აშშ უკრაინის საზღვართან ათიათასობით რუსი სამხედროს კონცენტრაციას ძალიან სერიოზულად ეკიდება

აშშ-ის თავდაცვის მდივანმა, ლოიდ ოსტინმა განაცხადა, რომ აშშ უკრაინის საზღვართან ათიათასობით რუსი სამხედროს კონცენტრაციას ძალიან სერიოზულად ეკიდება.

29 იანვარი 2022, 00:03

მსოფლიო

მალაიზიაში 2005 წლის შემდეგ დაბადებული მოქალაქეებისთვის სიგარეტის გაყიდვის აკრძალვა სურთ

მალაიზიის მთავრობა 2005 წლის შემდეგ დაბადებული მოქალაქეებისთვის სიგარეტის და თამბაქოს ნაწარმის გაყიდვის აკრძალვას გეგმავს. ადგილობრივი მედიის ცნობით, ამგვარად ქვეყანაში სურთ, აღზარდონ თამბაქოზე დამოკიდებულებისგან თავისუფალი ახალი თაობა.

28 იანვარი 2022, 23:30

ეკონომიკა

upway.ge - ახალი ქართული სტარტაპი, რომელიც აერთიანებს მრავალფეროვანი და სანდო კურსების სელექციას

პლატფორმის ერთიან სისტემაში შესაძლებელი იქნება დაინტერესებულმა ადამიანებმა ნახონ შერჩეული კურსები სხვადასხვა მიმართულებით, მარტივი ფილტრაციით აარჩიონ მათთვის საინტერესო ვერსია და იმავე ადგილას შეიძინონ. მათთვის კი, ვინც არ იცის ზუსტად რისი სწავლა უნდა, upway-ს გუნდი, სფეროს ექსპერტებთან ერთად, ყველაზე ტრენდულ მიმართულებებს აღმოაჩენინებს

რეზო სოხაძე

28 იანვარი 2022, 23:22

საზოგადოება

რევაზ სოხაძე: მუნიციპალიტეტის ქონების მითვისება არის კერძო საკუთრების მითვისება - ქურდობა

თბილისის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარე მუნიციპალური ინსპექციის მიერ ორხევში განხორციელებულ სახლის დემონტაჟს ეხმაურება. როგორც რევაზ სოხაძე აცხადებს, მუნიციპალიტეტის ქონების მითვისება არის კერძო საკუთრების მითვისება.

28 იანვარი 2022, 23:11

მსოფლიო

The Wall Street Journal: რუსეთმა უკრაინის საზღვართან სამედიცინო ქვედანაყოფები გააგზავნა

რუსეთმა უკრაინის საზღვართან სამედიცინო ქვედანაყოფები გააგზავნა. ინფორმაციას ამის შესახებ გაზეთი The Wall Street Journal-ი დასავლეთის თავდაცვის ოფიციალურ პირებზე დაყრდნობით ავრცელებს.

28 იანვარი 2022, 22:15

მსოფლიო

იტალიაში პრეზიდენტის არჩევის მეხუთე მცდელობა ჩავარდა

იტალიის პარლამენტმა პრეზიდენტი ვერც მეხუთე ცდაზე აირჩია. ადგილობრივი მედიის ცნობით, სენატის „კონსერვატორი“ ლიდერმა, მარია ელიზაბეტა კასელატიმ, რომელიც პარტიებმა „წინ, იტალია“, „ლიგა“ და „იტალიის ძმები“ წარადგინეს, 382 ხმა მიიღო, 406-მა დეპუტატმა კი თავი შეიკავა. პრეზიდენტად არჩევისთვის კასელატის 505 დეპუტატის მხარდაჭერა სჭირდებოდა.

ვოლოდიმირ ზელენსკი

28 იანვარი 2022, 21:40

მსოფლიო

ზელენსკი უკრაინიდან დიპლომატების ევაკუაციაზე: უკრაინა „ტიტანიკი“ არ არის - უკრაინა წინ მიდის

უკრაინის პრეზიდენტმა, ვოლოდიმირ ზელენსკიმ უკრაინიდან დიპლომატების ევაკუაციის შესახებ ცალკეული ქვეყნების გადაწყვეტილება გააკრიტიკა.

ვოლოდიმირ ზელენსკი

28 იანვარი 2022, 21:11

მსოფლიო

ზელენსკი ნატოში გაწევრიანებაზე: კონკრეტიკა გვჭირდება! ღიად გვითხარით, რომ ნატოში არასდროს ვიქნებით - რატომ გვესაუბრებით მომავალზე? რისკები აწმყოში გვაქვს

უკრაინის პრეზიდენტმა, ვოლოდიმირ ზელენსკიმ განაცხადა, რომ სურს მკაფიოდ გაიგოს, თუ რა პერსპექტივები აქვს უკრაინას ნატოში გაწევრიანებასთან დაკავშირებით.

კახაბერ ილურიძე

28 იანვარი 2022, 20:54

საზოგადოება

რა ქონებას ფლობს „სოციალურად დაუცველი“ მოქალაქე, რომელსაც მერიამ ორხევის დასახლებაში უკანონო ნაგებობა დაუნგრია

დღეს ორხევის დასახლებაში მუნიციპალურმა ინსპექციამ უკანონო მშენებლობების დემონტაჟი განახორციელა. პროცესს კანონდამრღვევთა ხმაურის გარეშე არ ჩაუვლია. განსაკუთრებით აქტიურობდა მოქალაქე კახაბერ ილურიძე, რომელიც აცხადებდა, რომ უკანონო მშენებლობისკენ გაჭირვებამ უბიძგა. მისი თქმით, არის 13 ივნისის სტიქიით დაზარალებული და სახლმწიფომ მას მხოლოდ „მიზერული თანხა“ გადაუხადა.

სალომე ზურაბიშვილი

28 იანვარი 2022, 20:35

პოლიტიკა

სალომე ზურაბიშვილი: სერგეი ლავროვთან როცა გვქონდა მოლაპარაკებები, მან გამოთქვა მოსაზრება, რომ ყველა ქვეყანას აქვს მოკავშირეების არჩევის თავისუფლება, მსურს, ეს დღეს რაღაცნაირად გავუხსენო

საქართველოს პრეზიდენტი უკრაინაში მიმდინარე მოვლენებს გამოეხმაურა აღნიშნა, რომ სოლიდარობას უცხადებს უკრაინელ ხალხს.

ვოლოდიმირ ზელენსკი

28 იანვარი 2022, 20:32

მსოფლიო

ვოლოდიმირ ზელენსკი მსოფლიო ლიდერებსა და საერთაშორისო მედიას მოუწოდებს, პანიკა არ დათესონ და უკრაინის ეკონომიკა არ დააზარალონ

უკრაინის პრეზიდენტმა, ვოლოდიმირ ზელენსკიმ განაცხადა, რომ არ მიიჩნევს, რომ რუსეთის მხრიდან უკრაინის საზღვრებთან ესკალაციის დონე უფრო მაღალია, ვიდრე 2021 წლის დასაწყისში იყო.

თენგიზ ცერცვაძე

28 იანვარი 2022, 20:32

COVID19

თენგიზ ცერცვაძე: ბოლო დღეებში ანგაჟირებული ტელევიზიები, პრესა და ექსპერტები ცდილობენ, „ომიკრონით“ გამოწვეული ობიექტური სიძნელეები წარმოაჩინონ როგორც COVID-აპოკალიფსი

ბოლო დღეებში ანგაჟირებული ტელევიზიების, პრესისა და ექსპერტების მიერ არის მცდელობა, რომ ომიკრონის შტამით გამოწვეული ობიექტური სიძნელეები წარმოაჩინონ როგორც COVID აპოკალიფსი. კერძოდ, კეთდება განცხადებები, რომ ქვეყნის ჯანდაცვის სისტემა სრულიად მოუმზადებელია ახალი გამოწვევებისთვის და კოლაფსს განიცდის, მოსახლეობა ბედის ანაბარაა მიტოვებული და ა.შ. ეს ყველაფერი ტყუილია, დიდი ტყუილი. უბრალოდ მათ ძალიან უნდათ, რომ ასე იყოს და გულზე სკდებიან, რომ ასე არ არის, - ამის შესახებ ინფექციური საავადმყოფოს დირექტორმა, თენგიზ ცერცვაძემ განაცხადა.

სალომე ზურაბიშვილი

28 იანვარი 2022, 20:21

პოლიტიკა

სალომე ზურაბიშვილი: ჩემი მიზანი არ არის, რომ პოლიტიკური პარტიები შევარიგო, მათ ეს თავად უნდა იკისრონ და მე ვიქნები ერთგვარი შუამავალი რგოლი

„მე ნაწილი ვარ ხელისუფლების, მაგრამ არ ვარ მთავრობა. თქვენ უნდა მიმართოთ. ჩემი მიზანი არ არის, რომ შევარიგო პოლიტიკური პარტიები, პოლიტიკურმა პარტიებმა ეს უნდა იკისრონ თვითონ და მე ვიქნები ერთგვარი შუამავალი რგოლი, როცა საზოგადოება თავის პოზიციებს ჩამოაყალიბებს, რომ მე გავამაგრო, წარვუდგინო პოლიტიკურ პარტიებს, პარლამენტს, მთავრობას და ვიქნები საზოგადოების ერთგვარი ზურგი. მათ უნდა იცოდნენ, რა არის საზოგადოების წინაშე პასუხისმგებლობა და სანამ საზოგადოება არ ეტყვის გარკვეულად და ხმას არ ამოიღებს, შეიძლება ვერ გაიგონ, ვერ მოისმინონ“, - განაცხადა სალომე ზურაბიშვილმა.

სალომე ზურაბიშვილი

28 იანვარი 2022, 20:17

პოლიტიკა

პრეზიდენტი: თუ საზოგადოება ჩამოაყალიბებს თავის პრინციპებს და რომელიმე ძალა ყველა ამ პრინციპს უარყოფს, ეს ძალა უნდა გავიდეს პოლიტიკიდან არა რაღაც აკრძალვებით, არამედ არჩევნებით

თუ საზოგადოება ჩამოაყალიბებს თავის პრინციპებს და რომელიმე ძალა ყველა ამ პრინციპს უარყოფს, ეს ძალა უნდა გავიდეს პოლიტიკიდან არა რაღაც აკრძალვებით, არამედ არჩევნებით. თუ მე, როგორც საზოგადოება, მივხვდი რა მინდა და როგორ, შემდეგ რა ლოგიკით უნდა მივცე ხმა, რომელიც ყველა ამ უარყოფით პრინციპს წარმოადგენს? მე აკრძალვების მომხრე არ ვარ, - ამის შესახებ პრეზიდენტმა სალომე ზურაბიშვილმა „ტელეიმედის“ წარმომადგენლის, გიორგი ფუტკარაძის კითხვაზე საპასუხოდ განაცხადა.

სალომე ზურაბიშვილი

28 იანვარი 2022, 19:54

პოლიტიკა

სალომე ზურაბიშვილი: რამე თუ არ ვიღონეთ და ამ ერთ წრეზე ვიარეთ, ვტკეპნეთ ერთი და იგივე ადგილი, ჩვენი ქვეყანა წინ ვერ მიდის

საზოგადოება დაიღალა და ორი თემა არის რეალურად, საზოგადოებაში – რა გვეშველება არის ერთი თემა და რამ უნდა გვიშველოს; მე მგონი, რამე თუ არ ვიღონეთ და ვიარეთ ამ ერთ რაღაც ჯადოსნურ წრეზე, ვტკეპნეთ ერთი და იგივე ადგილი, ჩვენი ქვეყანა ვერ მიდის წინ, - ამის შესახებ საქართველოს პრეზიდენტმა, სალომე ზურაბიშვილმა მედიის წარმომადგენლებთან შეხვედრისას განაცხადა.

28 იანვარი 2022, 19:39

ეკონომიკა

წყალმომარაგებისა და წყალარინების სექტორის რეფორმისთვის საფრანგეთის განვითარების სააგენტომ 30 მლნ ევრო გამოყო

საფრანგეთის განვითარების სააგენტოსა (AFD) და საქართველოს შორის გაფორმდა შეთანხმება წყალმომარაგებისა და წყალარინების სექტორის რეფორმის პროგრამისთვის 30 მლნ ევროს გამოყოფის შესახებ.

მაია ბითაძე

28 იანვარი 2022, 19:33

პოლიტიკა

მაია ბითაძე: ტყის დროებით სარგებლობაში გადაცემა დაშვებულია მთელ მსოფლიოში და დაშვებული იყო „ნაცმოძრაობის“ მმართველობის დროსაც

აბსოლუტურად უტოპიური და სამარცხვინოა „ნაცმოძრაობის“ წევრებისგან შეძახილები გარემოსა და ტყეების დაცვაზე. ეს პოლიტიკური ძალა დაახლოებით 10 წლის განმავლობაში დაკავებული იყო გარემოსდაცვითი კანონმდებლობის დერეგულაციით, - ამის შესახებ პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ განაცხადა.

სალომე ზურაბიშვილი

28 იანვარი 2022, 19:23

პოლიტიკა

სალომე ზურაბიშვილი: დაპირისპირება, რომელიც ჩვენს ქვეყანაში გროვდება, საქმიან ურთიერთობაში უნდა გადავიდეს

„ჩვენი დაპირისპირება სხვადასხვა შრედ გროვდება და ჩაბეტონებულია. თუ ეს არ დავძლიეთ, შეიძლება კიდევ უფრო გაღრმავდეს დაპირისპირება და ჩვენ ვერ ვაშენოთ ისეთი ქვეყანა, როგორიც გვინდა - დემოკრატიული, ევროპული, ძლიერი სახელმწიფო. ეს არის ჩემი მოვალეობა, როგორც ამ ქვეყნის პრეზიდენტი, მე ვარ პასუხისმგებელი ერთიანობაზე. ილუზიაა, რომ ჩვენ ყველაფერზე შევთანხმდებით, მაგრამ რაღაცებზე უნდა შევთანხმდეთ“, - განაცხადა საქართველოს პრეზიდენტმა.

ვიქტორ ყიფიანი

28 იანვარი 2022, 19:14

პოლიტიკა

ვიქტორ ყიფიანი უკრაინის მხარდამჭერ რეზოლუციაზე: ძალიან არსებითია, რომ ჩვენ ამა თუ იმ დოკუმენტით საკუთარ თავს იმაზე მეტი რისკები და გამოწვევები არ შევუქმნათ, ვიდრე გადამეტებული და გადაჭარბებული სიტყვის შედეგად შეიძლება მივიღოთ

ცალკეული პრეტენზიები, რაც დოკუმენტის მიმართ გამოითქმება, მე ამ პრეტენზიების ავტორებს მინდა ვუთხრა, ძალიან არსებითია, რომ ჩვენ ამა თუ იმ დოკუმენტით საკუთარ თავს იმაზე მეტი რისკები და გამოწვევები არ შევუქმნათ, ვიდრე გადამეტებული და გადაჭარბებული სიტყვის შედეგად შეიძლება მივიღოთ, - ასე აფასებს ანალიტიკური ორგანიზაცია „ჯეოქეისის“ თავმჯდომარე ვიქტორ ყიფიანი უკრაინის მხარდამჭერი რეზოლუციის ტექსტს, რომელიც საპარლამენტო უმრავლესობამ დაარეგისტრირა.

სალომე ზურაბიშვილი

28 იანვარი 2022, 19:09

პოლიტიკა

პრეზიდენტი: სრულ სოლიდარობას ვუცხადებ უკრაინას, იმედი მაქვს, რომ რუსეთი არ გამოიყენებს აგრესიას, რადგან ასეთ ქმედებებს შედეგი არ მოაქვს

სრულ სოლიდარობას ვუცხადებ უკრაინას. იმედი მაქვს, რომ რუსეთი არ გამოიყენებს იმავე აგრესიას, რაც გამოიყენა თავის დროზე საქართველოს მიმართ, იმიტომ რომ ასეთ ქმედებებს შედეგი არ მოაქვს, - ამის შესახებ პრეზიდენტმა, სალომე ზურაბიშვილმა განაცხადა.