დავით ქართველიშვილი: რა რეალური მიზნით ჩავიდა მოსკოვში სააკაშვილის მოძღვარი და რა გზავნილი ჩაუტანა „პუტინის პირადი პატიმრის“ დავალებით აგრესორ რუსეთის პრეზიდენტთან გადასაცემად?

როდესაც საქართველოში ლავროვის არარსებულ ნათესავებს, არარსებული სანქციების გამო ეძებდნენ, ხოლო შუალედებში აპროტესტებენ მოსკოვთან პირდაპირ ფრენებს, სამი რამ (მინიმუმ) მაგრად „ტეხავს“, - ამის შესახებ სოციალურ ქსელში "ხალხის ძალის" წევრი დავით ქართველიშვილი წერს.

მისი თქმით, როდესაც საქართველოში ლავროვის არარსებულ ნათესავებს, არარსებული სანქციების გამო ეძებდნენ, ხოლო შუალედებში აპროტესტებენ მოსკოვთან პირდაპირ ფრენებს, მაშინ იგივე ადამიანებს სააკაშვილის მოძღვრის რუსეთში ვიზიტთან დაკავშირებითაც უნდა გაუჩნდეთ პროტესტი.

"დღეს ამაღლებაა. დასრულდა წირვა. მრევლი ეზიარა. მაგრამ რასაც დავწერ, არანაირად არ ეხება დღევანდელი დღის მისტიკურ და ეკლესიურ შინაარსს - ამიტომ დღესასწაულს და ზეიმს ჩრდილს არ მივაყენებ.

რუსეთის პატრიარქი კირილე სანქციების ქვეშ არის შეყვანილი დიდი ბრიტანეთის, ავსტრალიის, კანადის, ჩეხეთის, ლიეტუვას და (დარწმუნებული ვარ) სანამ ამას ვწერდი, კიდევ რომელიმე დასავლური ქვეყნის მიერ.

როდესაც საქართველოში ლავროვის არარსებულ ნათესავებს, არარსებული სანქციების გამო ეძებდნენ, ხოლო შუალედებში აპროტესტებენ მოსკოვთან პირდაპირ ფრენებს, სამი რამ (მინიმუმ) მაგრად „ტეხავს“.

„ტეხავს", რომ „შვიშტოკიანი პედრიოტები“ არ ჩაუსაფრდნენ თბილისი-მოსკოვის ავიარეისის რეგისტრაციისას სააკაშვილის მოძღვარს, მეუფე ნიკოლოზს და სამგზის არ შეარცხვინეს იგი: 1) რატომ სარგებლობთ პირდაპირი რეისით, 2) რატომ მიემგზავრებით ტერორისტ-სახელმწიფოდ გამოცხადებულ (ზოგიერთის მიერ) რუსეთში და 3) რატომ ხვდებით სანქცირებულ კირილეს - მით უმეტეს, მის „ანგელოზის დღეზე“ დასწრების მიზნით.

მეოთხე რამეც „ტეხავს“, რომ ამ ყველაფერს „გლავკანალი“, „ჭუტავიზია“ და „ოფშორმედია“ არ აშუქებდა, აეროპორტიდან დაწყებული და (გარწმუნებთ) არც მისი დაბრუნებით დამთავრებული, რის შესახებაც დიდი ალბათობით ასევე არ გველოდება რაიმე სიუჟეტი.

ახლა კი ეს არშემდგარი რუსოფობიური პარანოია და ჩავარდნილი საინფორმაციო გაშუქება წარმოიდგინეთ, მოსკოვში (ვთქვათ) მეუფე იაკობის და მეუფე შიოს გამგზავრების შემთხვევაში.

მაგრამ არც ესაა ძირითადი. აი ჩემი მთავარი შეკითხვა: ვინაიდან ეს ვიზიტი არ იყო შეთანხმებული საპატრიარქოსთან და სააკაშვილის მოძღვრის კერძო ინიციატივას წარმოადგენს - რა რეალური მიზნით ჩავიდა მოსკოვში მეუფე ნოლოზი და რა გზავნილი ჩაუტანა "პუტინის პირადი პატიმრის" დავალებით აგრესორ რუსეთის პრეზიდენტთან გადასაცემად?" - წერს ქართველიშვილი.

საქართველოს საპატრიარქოს საზოგადოებასთან ურთიერთობის სამსახურის ხელმძღვანელის დეკანოზ ანდრია ჯაღმაიძის განმარტებით, მეუფე ნიკოლოზის ჩასვლა მოსკოვში პატრიარქ კირილესთვის ანგელოზის დღის მისალოცად არის კერძო ვიზიტი და ის არ წარმოადგენს საპატრიარქოს.