Vogue-ს, Washington Post-ისა და Magnum Photos-ს ხელმძღვანელები ქუთაისის საერთაშორისო უნივერსიტეტის ფოტოკონკურსის ჟიურიში არიან

ქუთაისის საერთაშორისო უნივერსიტეტის ინიციატივით და საერთაშორისო საქველმოქმედო ფონდი „ქართუს“ დაფინანსებით საფუძველი ჩაეყარა ქუთაისის საერთაშორისო უნივერსიტეტის ფოტოკონკურსს „KIU PHOTO CONTEST“. კონკურსი ტარდება „კულტურა და კონტაქტების“ ორგანიზებით და მიზნად ისახავს საქართველოში ფოტოგრაფიის, როგორც თანამედროვე ხელოვნების დარგის განვითარებას და ახალგაზრდა ფოტოგრაფების პროფესიული ზრდის ხელშეწყობას, მათი გამოვლენით, მხარდაჭერითა და გაძლიერებით.

წლევანდელი კონკურსის თემაა: „საქართველო – ფოტოებით მოთხრობილი ისტორიები“. მონაწილეები თავისუფალნი არიან თემის ინტერპრეტაციაში, კრეატიულ მიდგომასა და ნამუშევრის ესთეტიკაში.

ფოტოკონკურსში მონაწილეობის მიღება შეუძლიათ 18-დან 30 წლამდე ასაკის მოყვარულ და პროფესიონალ ფოტოგრაფებს (საქართველოს მოქალაქეებს და ასევე აფხაზეთისა და სამაჩაბლოს ტერიტორიაზე მცხოვრებ პირებს).

კონკურსის ჟიური ფოტოგრაფიის სფეროში საერთაშორისოდ აღიარებული პროფესიონალებისგან შედგება და მათ შორისაა:

- ტომას დვორჟაკი - ფოტოგრაფი, ფოტო სააგენტო MAGNUM PHOTOS პრეზიდენტი;

- მერიენ გოლონი - Washington Post-ის ფოტოგრაფიის განყოფილების
ხელმძღვანელი და მთავარი ფოტო რედაქტორი;

- ალესია გლავიანო - Italia-ს მთავარი ფოტო რედაქტორი;

- აზუ ნვაგბოგუ - African Artists' Foundation (AAF)-სა და LagosPhoto Festival- ის დამფუძნებელი და დირექტორი;

- ნათელა გრიგალაშვილი - დამოუკიდებელი ფოტოდოკუმენტალისტი და ფოტოჟურნალისტი.

მეტი ინფორმაცია კონკურსის შესახებ ნახეთ ამ ბმულზე.