ზელენსკი: ჩიხურ სიტუაციას და გაყინულ კონფლიქტს ვერ დავუშვებთ, წინააღმდეგ შემთხვევაში პირდაპირ უნდა ვთქვათ, რომ ჩვენი შვილები იომებენ

უკრაინის პრეზიდენტი ვოლოდიმირ ზელენსკი აცხადებს, რომ უკრაინას არ აქვს იმის ფუფუნება, რომ „გაყინული კონფლიქტის“ პირობებში გააგრძელოს ცხოვრება, ამიტომ ომი უნდა დასრულდეს.

„თუ ეს ჩიხური სიტუაცია და გაყინული კონფლიქტია, პირდაპირ უნდა ვთქვათ, რომ ჩვენი შვილები იომებენ, ან ჩვენი შვილიშვილები იომებენ. უკვე დავკარგეთ ძალიან ბევრი ადამიანი. გვინდა ასეთი ცხოვრება, როცა გავზრდით ბავშვებს, რომლებიც მომავალში აუცილებლად იომებენ? ჩიხური სიტუაცია დროებითი სისუსტეა. თუ გვსურს, რომ ომი დასრულდეს, ჩვენ ის უნდა დავასრულოთ“, - აღნიშნა ზელენსკიმ.

მისივე თქმით, ომის დასასრული შეიძლება ბევრნაირი იყოს, მაგრამ „ბოროტება უნდა დაზიანდეს“. ზელენსკიმ ასევე აღნიშნა, რომ ომის დასრულებაში მოიაზრებს სიტუაციას, როდესაც რუსეთი გაეროს წესდებას პატივს სცემს და უკრაინის ტერიტორიიდან ჯარებს გაიყვანს.