ისრაელის საგარეო საქმეთა მინისტრი: ჟოზეფ ბორელი ანტისემიტი და ისრაელის მოძულეა - ბატონო ჟოზეფ, ისრაელის სახელმწიფო მარადიულად იარსებებს, ხოლო თქვენ და თქვენი მემკვიდრეობა დავიწყებული იქნებით

ისრაელის საგარეო საქმეთა მინისტრმა, ისრაელ კაცმა საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი, ჟოზეფ ბორელ ანტისემიტიზმში დაადანაშაულა.

„ჟოზეფ ბორელი არის ანტისემიტი და ისრაელის მოძულე, რომელიც მუდმივად ცდილობს მიიღოს ევროკავშირის რეზოლუციები და სანქციები ისრაელის წინააღმდეგ, რასაც [ევროკავშირის] წევრი სახელმწიფოების უმეტესობა ბლოკავს“, - აღნიშნა ისრაელის საგარეო უწყების ხელმძღვანელმა.

ისრაელ კაცმა ხაზგასმით აღნიშნა, რომ არსებობს განსხვავება ლეგიტიმურ კრიტიკასა და პოლიტიკის უთანხმოებას შორის, რაც ნორმალურია მეგობრებს შორის, ხოლო ანტისემიტური, სიძულვილით სავსე კამპანია, რომელსაც ბორელი ეწევა ისრაელის წინააღმდეგ „მოგვაგონებს ისტორიის ყველაზე საშინელ ანტისემიტებს“.

„იმის ნაცვლად, რომ მან იმოქმედოს ირანის ბოროტების ღერძის წინააღმდეგ, რომელიც საფრთხეს უქმნის ევროპის უსაფრთხოებას, ის მათ უერთდება ისრაელის საწინააღმდეგო ინიციატივებში. ბატონო ჟოზეფ, ისრაელის სახელმწიფო მარადიულად იარსებებს მშვიდობასა და უსაფრთხოებაში, ხოლო თქვენ და თქვენი მემკვიდრეობა დავიწყებული იქნებით“, - დასძინა მან.

.@JosepBorrellF is an anti-Semite and Israel-hater who consistently tries to pass resolutions and sanctions against Israel in the EU, only to be blocked by most member states.

There’s a difference between legitimate criticism and policy disagreements, which are normal among…

— ישראל כ”ץ Israel Katz (@Israel_katz) September 14, 2024