ზელენსკი: უკრაინას რომ ჰქონოდა შორი მანძილზე მოქმედი რაკეტები, ჩრდილოკორეელ სამხედროებზე პრევენციულ დარტყმას განახორციელებდა

უკრაინის პრეზიდენტმა ვოლოდიმირ ზელენსკიმ დასავლეთის ქვეყნები გააკრიტიკა და აღნიშნა, შორი მანძილზე მოქმედი რაკეტები რომ ჰქონოდა, ჩრდილოეთ კორეიდან გადასროლილ საჯარისო შენაერთებს პრევენციულად დაბომბავდა.

მისი თქმით, უკრაინის ხელისუფლებამ იცის, თუ სად არიან დისლოცირებულნი ჩრდილოკორეელი ჯარისკაცები, თუმცა მას შესაძლებლობა არ აქვს, რომ პრევენციული დარტყმა განახორციელოს მანამ, სანამ ისინი უკრაინის საზღვარს გადმოკვეთენ და ომში ჩაერთვებიან.

„ჩვენი ვიცით, სად უყრის თავს რუსეთი ჩრდილოეთ კორეიდან ჩამოსულ ჯარისკაცებს. ჩვენ შეგვეძლო გვემოქმედა პრევენციულად, რომ გვქონოდა შორი მანძილზე მოქმედი რაკეტები. ამერიკა, დიდი ბრიტანეთი და გერმანია ჯერ კიდევ თვალს ადევნებენ“, - დაწერა ზელენსკიმ სოციალურ ქსელ X-ში.

გარდა ამისა, როგორც ზელენსკიმ აღნიშნა, ჩრდილოეთ კორეამ ახლახან ახალი ბალისტიკური რაკეტა გამოცადა, რომელმაც ფრენის ხანგრძლივობისა და სიმაღლის ახალი რეკორდი დაამყარა. „მსოფლიო ამას თვალყურს ადევნებს“, - დასძინა ზელენსკიმ.

მოსკოვის დახმარების წყალობით ჩრდილოეთ კორეამ მისი საარტილერიო და სარაკეტო შესაძლებლობები გააუმჯობესა. ახლა კი ისინი თანამედროვე ომის ტაქტიკას ეუფლებიან. ათასობით ჩრდილოკორეელი უკრაინის საზღვართან თავს იყრის და ბრძოლისთვის ემზადება, ხოლო მსოფლიო კვლავ უბრალოდ თვალს ადევნებს, აღნიშნა მან.

ზელენსკი მოუწოდებს აზიურ ქვეყნებს, განსაკუთრებით ჩინეთს, ზემოქმედება მოახდინოს ჩრდილოეთ კორეაზე და მისი რუსეთთან სამხედრო თანამშრომლობა ჩაშალოს.

North Korea recently tested a new ballistic missile, with record flight time and altitude. The world merely watches as this threat grows.

Through Moscow’s assistance, North Korea has advanced its artillery and missile capabilities. Now, they are learning the tactics of modern… pic.twitter.com/LwAv51LwdX

— Volodymyr Zelenskyy / Володимир Зеленський (@ZelenskyyUa) November 1, 2024