კონგრესმენი ტომას მასი: USAID-მა ტრამპის იმპიჩმენტის კამპანია დააფინანსა. „დიფ სთეითი“ ხშირად აფინანსებს რეჟიმის ცვლილებას საზღვარგარეთ

აშშ-ის კონგრესმენი ტომას მასი სოციალურ ქსელ X-ში წერს, რომ USAID-ი აფინანსებდა ორგანიზაციას, რომლის შეთითხნილი ბრალდებები დონალდ ტრამპის პირველი საპრეზიდენტო ვადის დროს იმპიჩმენტის მცდელობისას გამოიყენეს.

„USAID-ი აფინანსებდა ორგანიზაციას, რომელმაც გააყალბა მტკიცებულებები, რომელიც პრეზიდენტ ტრამპის იმპიჩმენტის დროს გამოიყენეს. „დიფ სთეითი“ ხშირად აფინანსებს რეჟიმის ცვლილებას საზღვარგარეთ, მაგრამ როცა ის გადასახადების გადამხდელთა ფულს ჩვენი მთავრობის წინააღმდეგ იყენებს, ეს ღალატი არ არის?“, - დაწერა მან.

ის თავის გვერდზე ამერიკელ ჟურნალისტთან და მწერალთან მაიკლ შელენბერგთან კონგრესში გამართული მოსმენის ფრაგმენტს აქვეყნებს. შელენბერგი ამბობს, რომ 2019 წელს ტრამპის იმპიჩმენტის პროცედურის დაწყებას წინ ცენტრალური სადაზვერვო სამმართველოს ერთ-ერთი ანალიტიკოსის დასკვნა უძღოდა. გარდა ამისა, USAID-ი აფინანსებდა ორგანიზაციას სახელწოდებით OCCRP, რომლის დასკვნაც და აზრებიც გამოიყენეს ტრამპის წინააღმდეგ.

USAID funded an organization that fabricated evidence which was used to impeach President Trump.

The Deep State frequently funds regime change efforts abroad, but when it uses taxpayer money to undermine our own government, isn't that treason? pic.twitter.com/7ow55Z5sqY

— Thomas Massie (@RepThomasMassie) February 13, 2025