მოსკოვში აშშ-ის საელჩო ელბაზე შეხვედრაზე: საბჭოთა და ამერიკული არმიის ჯარისკაცები ჩაეხუტნენ ერთმანეთს - ცოცხალი დადასტურებაა იმისა, რომ გლობალური კონფლიქტის დროსაც კი შესაძლებელია ნდობა და ურთიერთგაგება ხალხებს შორის

მოსკოვში აშშ-ის საელჩო ელბაზე საბჭოთა და ამერიკული არმიების შეხვედრის თარიღს ეხმაურება.

„1945 წლის 25 აპრილს, ევროპაში მეორე მსოფლიო ომის ბოლო კვირებში, გერმანიის ტერიტორიაზე, ქალაქ ტორგაუს მახლობლად, მდინარე ელბაზე, მოხდა საბჭოთა და ამერიკული ჯარების შეხვედრა. საბჭოთა კავშირის არმიის 1-ლი უკრაინული ფრონტის ჯარები შეხვდნენ აშშ-ის 1-ლი არმიის ჯარებს. ყველაზე დიდი ცნობადობა მოიპოვა ლეიტენანტების, უილიამ რობერტსონისა და ალექსანდრე სილვაშკოს რაზმების შეერთების ისტორიამ.

ეს შეხვედრა არ იყო ომის ოფიციალური დასასრული, მაგრამ მას უდიდესი პოლიტიკური და სიმბოლური მნიშვნელობა ჰქონდა. იგი გახდა ნაცისტური გერმანიის წინააღმდეგ მოკავშირეთა მოქმედებების წარმატებული კოორდინაციის და მისი გარდაუვალი კაპიტულაციის წინამორბედი. რამდენიმე დღის შემდეგ, 30 აპრილს, ჰიტლერმა თავი მოიკლა, ხოლო უკვე 8 მაისს გერმანიამ ხელი მოაწერა უპირობო კაპიტულაციის აქტს.

ორი არმიის ჯარისკაცები ჩაეხუტნენ, ხელი ჩამოართვეს ერთმანეთს და გადაიღეს სურათები - ამ კადრებმა მთელი მსოფლიო მოიარა. ელბაზე შეხვედრა მეორე მსოფლიო ომის ისტორიაში მნიშვნელოვანი ეტაპი გახდა, მოკავშირეთა შორის ურთიერთქმედებისა და ნდობის სიმბოლო. მან აღნიშნა ომის ბოლო ეტაპის დასაწყისი და გახდა ცოცხალი დადასტურება იმისა, რომ გლობალური კონფლიქტის დროსაც კი შესაძლებელია ნდობა, ურთიერთგაგება და სოლიდარობა ხალხებს შორის“, - ნათქვამია აშშ-ის საელჩოს განცხადებაში.