ჩინეთმა უიღური მუსლიმების ბანაკების არსებობა დაადასტურა

ჩინეთის ხელისუფლებამ სინძიანის რეგიონში ექსტრემიზმის წინააღმდეგ ბრძოლის დოკუმენტი გამოაქვეყნა, რომელშიც უიღურების გამოსასწორებელი ბანაკების არსებობა დადასტურდა. ინფორმაციას ამის შესახებ BBC ავრცელებს. 

დოკუმენტში წერია, რომ ბანაკები „პროფესიული საქმიანობისა და კვალიფიკაციის მისაღები ცენტრია“., - იქ ხვდებიან ადამიანები, რომლებიც „ექსტრემიზმის გავლენაში“ არიან, - აღნიშნულია დოკუმენტში. დაკავებულებზე ზემოქმედებენ ფსიქოლოგები და იდეოლოგიური განათლება. უფლებადამცველები დარწმუნებულები არიან, რომ იქ მცხოვრებ ადამიანებს აიძულებენ აკრიტიკონ თავისი რელიგია და ცდილობენ, რომ უიღურები ჩინეთის ერთადერთი მმართველის, სი ძინპინის მხარდამჭერები გახდნენ. 

ექსტრემიზმის გაგება დოკუმენტში ფართოდაა გაშლილი. მაგალითად, ექსტრემისტად შეიძლება დაასახელონ მშობლები, რომლებიც ჩივიან იმასთან დაკავშირებით, რომ თავიანთ შვილებს სხვა ეთნიკურ ჯგუფებთან სურთ დაქორწინება.  დოკუმენტში ასევე წერია აკრძალვები. ადგილობრივებს არ შეუძლიათ ბურკის ტარება, გრძელი წვერის. არ შეიძლება შვილებს დაარქვათ არაბული სახელები. 

რამდენიმე თვის წინ ჩინეთის მთავრობამ 120 ათასამდე მუსლიმი უიღური „პოლიტიკურ საგანმანათლებლო“ ბანაკში გაგზავნა. პოლიტიკური ბანაკი მუსლიმი უიღურებით დასახლებულ რეგიონში მდებარეობს. ბანაკში მყოფ ადამიანებს „ხელისუფლება ხელახლა ზრდის“, მათ ამღერებენ რევოლუციურ სიმღერებს, სწავლობენ ჩინეთის მმართველის სი ძინპინის იდეებს, აიძულებენ ჩინურ ენაზე საუბარს, რომელიც მათთვის მშობლიური ენა არაა.

ქვეყნის უკიდურეს დასავლეთში მდებარე პროვინცია სინძიანი უიღურის ეთნიკური უმცირესობის სამშობლოა. რეგიონში 11 მილიონი მუსლიმი ცხოვრობს. ოფიციალურ ჩინეთსა და სინძიანს შორის დაძაბული ურთიერთობა უკვე რამდენიმე წელია გრძელდება. 2011 წლიდან პროვინცია განსაკუთრებულ რეჟიმში კონტროლდება.

სამოქალაქო და უფლებადამცველი აქტივისტები ამბობენ, რომ ჩინეთის ხელისუფლება უიღურებს არა მხოლოდ უკანონოდ აპატიმრებს, არამედ სადაც ისინი არიან აყენებენ სათვალთვალო კამერებს, ძალით ამაგრებენ მათზე GPS-სისტემებს, იღებენ მათ დნმ-ს და აღრიცხავენ რეგიონის 16-იდან 65 წლამდე ასაკის ყველა მცხოვრებს.