Imedi /  06 აპრილი 2019, 14:29 / სანდო წყარო

ზუგდიდში ქართულმა ოცნებამ მერობის კანდიდატად გიორგი შენგელია წარადგინა

გიორგი შენგელია

გიორგი შენგელია

მმართველმა გუნდა ზუგდიდში შუალედურ არჩევნებში მერობის კანდიდატად გიორგი (გეგა) შენგელია წარადგინა. ღონისძიებას დადიანების სასახლე მასპინძლობდა.

ზუგდიდის მერობის კანდიდატმა ზუგდიდელებს მიმართა და უკეთესი ზუგდიდის აშენების პირობა დადო. გიორგი შენგელია ზუგდიდელებს ინფრასტრუქტურული პროექტების მათ ინტერესებზე მორგებას დაჰპირდა. ილაპარაკა მიმდინარე ინფრასტრუქტურულ ღონისძიებებზეც. 

მეორბის კანდიდატის წარდგენისას სიტყვით გამოვიდა პრემიერმინისტრი, რომელმაც ზუგდიდის მერობის კანდიდატის პროფესიონალიზმს გაუსვა ხაზი და მას უალტერნატივო უწოდა. მამუკა ბახტაძემ სამეგრელოში დაგეგმილ ინფრასტრუქტურულ პროექტებზე, მათ შორის ანაკლიის პორტზე ილაპარაკა. ყურადღება გაამახვილა საქართველოს ოკუპირებულ ტერიტორიებზეც. 

„თქვენი ულამაზესი ქალაქი და ეს ულამაზესი კუთხე ყოველთვის, ყველასთვის იყო სამშობლოს სიყვარულის, პატრიოტიზმის და ერთგულების მაგალითის მიმცემი. ამ ადგილიდან რამდენიმე კილომეტრში იწყება ჩვენი ყველაზე დიდი ტკივილი, ულამაზესი აფხაზეთი. დარწმუნებული ვარ აუცილებლად დადგება დღე, როდესაც ჩვენი ერთსულოვნებით შევძლებთ ჩვენს აფხაზ მოქალაქეებთან ერთად ერთიანი და ძლიერი საქართველოს შექმნას,“, - განაცხადა მამუკა ბახტაძემ.

ზუგდიდელების წინაშე სიტყვით წარსდგა თბილისის მერიც. კალაძის თქმით, ყველა ზუგდიდელის პრობლემის მოგვარება მხოლოდ ადგილობრივების რჩევების გათვალისწინებით არის შესაძლებელი.

„ჩვენთვის მნიშვნელოვანია, რეგიონების განვითარება, განსაკუთრებით, სამეგრელოს წინსვლა იმიტომ, რომ ზუგდიდი ყველაზე ახლოსაა აფხაზეთთან. ჩვენ ყველას უნდა ვაჩვენოთ, როგორ ვითარდება ჩვენი ქალაქები, როგორ ვითარდება ჩვენი რეგიონები. რა თქმა უნდა, წინსვლა გარდაუვალია, მაგრამ ამ ყველაფერში მნიშვნელოვანია ერთად დგომა. ჩვენ ბოლო წლების განმავლობაში ძალიან ბევრი კარგი პროექტი განვახორციელეთ, მნიშვნელოვანი რეფორმები განხორციელდა, თუმცა დამეთანხმებით, რომ ეს ყველაფერი არ არის საკმარისი. ჯერ კიდევ არსებობს სოციალური პრობლემები. რა თქმა უნდა, ქვეყანა ეკონომიკურად კიდევ უნდა განვითარდეს, კიდევ უნდა გავძლიერდეთ, კიდევ უნდა განვითარდეს რეგიონები და ქალაქები, რომ ჩვენი ქვეყანა იყოს ძლიერი, ჩვენი ქვეყნის თითოეულმა მოქალაქემ კეთილდღეობა უნდა იგრძნოს საკუთარ თავზე. ეს შესაძლებელია მხოლოდ და მხოლოდ ერთიანი ძალისხმევით“, - განაცხადა კახა კალაძემ. 

კალაძის შემდეგ ტრიბუნა დაიკავა პარტია „ქართული ოცნების“ პოლიტიკურმა მდივანმა და ზუგდიდელებს უთხრა, რომ დასაკარგი დრო აღარ არის. უმრავლესობის წარმომადგენლებმა ისაუბრეს ქართველი ხალხის წინაშე არსებულ გამოწვევებზეც. სიტყვით გამოსვლისას ირაკლი ღარიბაშვილი ხაზგასმით შეეხო ოკუპაციის თემას და საზოგადოებას საერთო მიზნის გარშემო ქვეყნის გაერთიანებისკენ ბრძოლისკენ მოუწოდა. 

„თუ ჩვენ ჩვენს აფხაზ ძმებს და დებს არ ვაჩვენეთ, რომ ვართ სტაბილურად, ვართ ძლიერები, ვართ ერთიანები და ვვითარდებით, ჩვენ მათ ვერ დავარწმუნებთ იმაში, რომ გაერთიანების დრო დადგა. ამიტომ, ეს უნდა გვახსოვდეს. ჯერ ჩვენ უნდა გავერთიანდეთ, საზოგადოება უნდა გაერთიანდეს საერთო მიზნის გარშემო და ეს მიზანი უნდა იყოს ერთიანი ძლიერი სახელმწიფო. ამის შემდეგ ჩვენ უნდა შემოვიერთოთ ჩვენი ძმები და დები, დავიბრუნოთ ჩვენი აფხაზეთი,“ - განაცხადა ირაკლი ღარიბაშვილმა.

მერების რიგგარეშე და საკრებულოს შუალედური არჩევნები 19 მაისს გაიმართება.

ყველა სიახლე

მაია ცქიტიშვილი

30 მარტი 2020, 18:24

COVID19

მაია ცქიტიშვილი: არ მივაწყდეთ მაღაზიებს, რადგან სასურსათო მაღაზიების რიგებშიც ძალიან მაღალია ინფიცირების რისკი

შევინარჩუნოთ სიმშვიდე, არ მივაწყდეთ მაღაზიებს და პირველ რიგში, გავუფრთხილდეთ ერთმანეთის ჯანმრთელობასაც, რადგან ამ სასურსათო მაღაზიების რიგებშიც ძალიან მაღალია ინფიცირების რისკი, - ამის შესახებ ვიცე- პრემიერმა, მაია ცქიტიშვილმა საკოორდინაციო საბჭოს დასრულების შემდეგ განაცხადა. მან ასევე აღნიშნა, რომ აუცილებელი პროდუქციის მომარაგებაში შეფერხება არ არის.

თბილისის მერია

30 მარტი 2020, 18:22

COVID19

დაწესებულ შეზღუდვებთან დაკავშირებით თბილისის მერია განცხადებას ავრცელებს

31 მარტიდან ნებისმიერი ტიპის საზოგადოებრივი ტრანსპორტით, მათ შორის, თბილისის „მეტროპოლიტენით“ გადაადგილება იკრძალება, - ამის შესახებ ნათქვამია თბილისის მერიის განცხადებაში. „ქვეყანაში შექმნილი ვითარებიდან გამომდინარე, დედაქალაქში დამატებითი შეზღუდვები წესდება. საგანგებო მდგომარეობის გამკაცრების გადაწყვეტილება კორონავირუსის გავრცელების საპრევენციო ღონისძიებების ფარგლებში, უწყებათაშორისმა საკოორდინაციო საბჭომ მიიღო.

თბილისის მეტრო

30 მარტი 2020, 18:10

COVID19

საზოგადოებრივი ტრანსპორტით, მათ შორის მეტროთი გადაადგილება იკრძალება

სრულიად იკრძალება ნებისმიერი ტიპის საზოგადოებრივი ტრანსპორტით, მათ შორის მეტროთი, გადაადგილება როგორც ქალაქებსა და მუნიციპალიტეტების შიგნით, ასევე ქალაქებს შორის, - ამის შესახებ პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

გიორგი გახარია

30 მარტი 2020, 18:10

COVID19

გიორგი გახარია: ჩვენთვის არანაირი მნიშვნელობა არ აქვს ენგურის რომელ მხარეს არიან ინფიცირებული ადამიანები

საქართველოს ნებისმიერი მოქალაქე ოკუპაციის ხაზის ორივე მხარეს მიიღებს სრულად იმ მომსახურეობას, რომელსაც საქართველოს სახელმწიფო თავის მოქალაქეებს უწევს, - ამის შესახებ პრემიერ-მინისტრმა გიორგი გახარიამ საკოორდინაციო საბჭოს დასრულების შემდეგ გამართულ საგანგებო ბრიფინგზე განაცხადა. „სწორედ ამიტომ გახლდით რუხში, რომ ეს საავადმყოფო და მისი მზაობა გვენახა. ჩვენთვის არანაირი მნიშვნელობა არ აქვს ენგურის რომელ მხარეს არიან ინფიცირებული ადამიანები, ეს ჩვენთვის სულერთია“, - აღნიშნა გახარიამ. მისივე განცხადებით, სადაც იქნება საშუალება, საქართველოს ხელისუფლება ყველას მიეხმარება, როგორც სამედიცინო სერვისებით, ასევე ყველა იმ საშუალებით, რომელსაც სახელმწიფო თავის მოქალაქეებს უწევს.

თეა წულუკიანი

30 მარტი 2020, 18:09

COVID19

თეა წულუკიანი: მომდევნო კვირები 780 თანამშრომელი საპატიმროების შენობებში იცხოვრებს, იმისთვის, რომ გარედან ვირუსის შეტანა არ მოხდეს

ვირუსის გავრცელება გადავიდა ახალ ეტაპზე და ჩვენც გადავდივართ მასთან ბრძოლის ახალ ფაზაში. შესაბამისად საქართველოს საპატიმროები გადადის მართვის ახალ ეტაპზე. კერძოდ, ჩვენ ის მოდელი შევიმუშავეთ, რაც საპატიმროებისათვის ჩვეულებრივ დროს არ არის ბუნებრივი,- ამის შესახებ იუსტიციის მინისტრმა თეა წულუკიანმა საკოორდინაციო შტაბის სხდომის დასრულების შემდეგ განაცხადა.

30 მარტი 2020, 18:05

მსოფლიო

ჩრდილოეთ მაკედონიის დროშა ნატოს შტაბ-ბინაში აღიმართა

ჩრდილოეთ მაკედონიის დროშა ნატოს შტაბ-ბინაში აღიმართა, - ნათქვამია ალიანსის მიერ გავრცელებულ განცხადებაში. „ასეთ დროს მეგობრები და მოკავშირეები როგორც არასოდეს მნიშვნელოვანია. ახლა ჩრდილოეთ მაკედონიას მსოფლიოში საუკეთესო მეგობრები და მოკავშირეები ჰყავს. ერთად ჩვენ ყველანი უკეთ დაცულნი ვართ. მოგესალმებით ნატოში“, - განაცხადა ნატოს გენერალურმა მდივანმა იენს სტოლტენბერგმა ნატოს შტაბ-ბინაში ჩრდილოეთ მაკედონიის დროშის აღმართვის ცერემონიაზე.

გიორგი გახარია

30 მარტი 2020, 18:04

COVID19

გიორგი გახარია: როდესაც საკითხი ეხება საქართველოს მოქალაქის სიცოცხლეს და მის ჯანმრთელობას, ჩვენ ყოველთვის ვიპოვით შესაბამის კომპრომისს ეკლესიასთან

ჩვენი მთავრობის პასუხისმგებლობა არის ჩვენი მოქალაქეების ჯანმრთელობა და ჩვენ დარწმუნებული ვართ, რომ როდესაც საკითხი ეხება საქართველოს მოქალაქის სიცოცხლეს და მის ჯანმრთელობას, ყოველთვის ვიპოვით შესაბამის კომპრომისს ეკლესიასთან, - ამის შესახებ პრემირ-მინისტრმა გიორგი გახარიამ საკოორდინაციო საბჭოს სხდომის დასრულების შემდეგ განაცხადა. „მე ვერ წამომიდგენია ისევე, როგორც რიგით ადამიანს, რიგით მოქალაქეს, მრევლს, ქრისტიანს რა შიძლება იყოს ადამიანის სიცოცხლეზე უფრო მაღალი ფასეულობა, როგორც მთავრობისთვის, ასევე ეკლესიისთვის“, - აღნიშნა პრემიერმა.

საკონტროლო პუნქტი

30 მარტი 2020, 18:03

COVID19

პირთა გადაადგილების კონტროლის მიზნით საქართველოს 7 ქალაქში საკონტროლო პუნქტები მოეწყობა

პირთა გადაადგილების კონტროლის მიზნით თბილისში, ბათუმში, ქუთაისში, რუსთავში, ფოთში, ზუგდიდსა და გორში საკონტროლო პუნქტები მოეწყობა, - ამის შესახებ პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

გიორგი გახარია

30 მარტი 2020, 18:01

COVID19

გიორგი გახარია: 24 საათიან რეჟიმში მომუშავე დაწესებულებები სპეციალური საშვებით ისარგებლებენ

ყველა იმ დაწესებულებას, რომელიც მისი ფუნქციონირების ხასიათიდან და სტრატეგიული მნიშვნელობიდან გამომდინარე აგრძელებს მუშაობას 24 საათის განმავლობაში, ექნება სპეციალური საშვები, - ამის შესახებ პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა. გიორგი გახარიამ ჟურნალისტებს მიმართა და მოუწოდა, ისარგებლო ნომრით - 144, რომ მედიას არ ჰქონდეს არანაირი პრობლემა ფუნქციონირებაში.

30 მარტი 2020, 17:55

COVID19

სად უნდა დარეკოთ საგანგებო მდგომარეობის შესახებ შეკითხვის შემთხვევაში

უკიდურესი მნიშვნელობა აქვს კოორდინირებულ მუშაობას, სწორედ ამიტომ შეიქმნება მთავრობის ცხელი ხაზი -144, რომელიც, რა თქმა უნდა, იქნება უფასო და რომელიც სრულ კოორდინაციას გაუწევს ჩვენს მოქალაქეებს ნებისმიერ საკითხთან დაკავშირებით, რომელიც ეხება საგანგებო მდგომარეობას - ამის შესახებ საქართველოს პრემიერ-მინისტრმა გიორგი გახარიამ კორონავირუსთან დაკავშრებით შექმნილი უწყებათაშორისი საკოორდინაციო საბჭოს სხდომის დასრულების შემდეგ ბრიფინგზე განაცხადა. „

გიორგი გახარია

30 მარტი 2020, 17:53

COVID19

იკრძალება 3-ზე მეტი პირის თავშეყრა, გარდა სასურსათო მაღაზიებისა და აფთიაქებისა, სადაც დაცული უნდა იყოს სოციალური დისტანცია

იკრძალება 3-ზე მეტი პირის თავშეყრა, გარდა სასურსათო მაღაზიებისა და აფთიაქებისა, სადაც სავალდებულოდ დაცული უნდა იყოს 2 მეტრის სოციალური დისტანცია, - ამის შესახებ პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

მაია ცქიტიშვილი

30 მარტი 2020, 17:47

COVID19

მაია ცქიტიშვილი: ვაწესებთ დამატებით შეზღუდვას ეკონომიკურ საქმიანობაზე

ჩვენ ვაწესებთ დამატებით შეზღუდვას ეკონომიკურ საქმიანობაზე. ეკონომიკური საქმიანობა შესაძლებელი იქნება მხოლოდ ჯანდაცვის სამინისტროს მიერ დადგენილი რეკომენდაციებით, - მის შესხებ საკოორდინაციო საბჭოს სხდომის დასრულების შემდეგ გამართულ ბრიფინგზე საქართველოს ვიცე-პრემიერმა და ინფრასტრუქტურის მინისტრმა, მაია ცქიტიშვილმა განაცხადა.

გიორგი გახარია

30 მარტი 2020, 17:47

COVID19

რა უნდა იცოდეთ საყოველთაო კარანტინის ფარგლებში შემოღებული წესების შესახებ

მავრობამ საგანგებო მდგომარეობის ფარგლებში ზომების მნიშვნელოვანი გამკაცრების გადაწყვეტილება მიიღო, რომელიც ხვალ დილის 08:00 საათიდან ამოქმედდება. ამის შესახებ საქართველოს პრემიერ-მინისტრმა გიორგი გახარიამ კორონავირუსთან დაკავშირებით მოქმედი უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა. სხდომა დღეს გაფართოებულ ფორმატში გაიმართა და მას საბჭოს წევრების გარდა დედაქალაქის მერი, მინისტრთა კაბინეტის წევრები და დაავადებათა კონტროლის ხელმძღვანელი პირები ესწრებოდნენ.

გიორგი გახარია

30 მარტი 2020, 17:42

COVID19

70 წელს გადაცილებული მოქალაქეები სახლიდან გასვლას მხოლოდ უახლოეს სასურსათო მაღაზიაში, აფთიაქსა თუ სამედიცინო დაწესებულებაში შეძლებენ

70 წელს გადაცილებული მოქალაქეები სახლიდან გასვლას მხოლოდ უახლოეს სასურსათო მაღაზიაში, აფთიაქსა თუ სამედიცინო დაწესებულებაში შეძლებენ, - ამის შესახებ პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

გიორგი გახარია

30 მარტი 2020, 17:40

COVID19

გიორგი გახარია: 21:00 საათიდან დილის 06:00 საათამდე ფუნქციონირება შეეძლება მხოლოდ და მხოლოდ აფთიაქებს

ე.წ. საკომენდანტო საათი ნიშნავს, რომ 21:00 საათიდან დილის 6:00 საათამდე ფუნქციონირება შეეძლება მხოლოდ და მხოლოდ აფთიაქებს, სხვას არაფერს. ამის შესახებ გიორგი გახარიამ საკოორდინაციო საბჭოს დასრულების შემდეგ გამართულ ბრიფინგზე განაცხადა. „ეს არის კრიტიკულად მნიშვნელოვანი და ეს არის ის მინიმუმი, რისი გაკეთებაც და დათმობაც დღეს ჩვენ შეგვეძლო იმისთვის, რომ არ გამოგვეცხადებიანა საყოველთაო კარანტინი“, - აღნიშნა პრემიერ-მინისტრმა.

გიორგი გახარია

30 მარტი 2020, 17:38

COVID19

ხვალ დილის 08:00 საათიდან ქალაქში გადაადგილებისას ყველას თან უნდა ჰქონდეს პირადობის დამადასტურებელი დოკუმენტი

31 მარტის დილის 08:00 საათიდან ყველა მოქალაქეს ნებისმიერ დროს ქალაქში გადაადგილებისას თან უნდა ჰქონდეს პირადობის დამადასტურებელი დოკუმენტი, - ამის შესახებ პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

გიორგი გახარია

30 მარტი 2020, 17:29

COVID19

საქართველოში ე.წ. კომენდანტის საათი ცხადდება

საქართველოს მთავრობის გდაწყვეტილებით, ხვალიდან ქვეყნის მთელ ტერიტორიაზე ე.წ. კომენდანტის საათი ცხადდება. პრემიერ-მინისტრ გიორგი გახარიას განცხადებით, ქვეყნის მასშტაბით 21:00 საათიდან, დილის 06:00 საათამდე ტრანსპორტის და ქვეითად მოსიარულეთა გადაადგილება იკრძალება. როგორც გახარიამ მთავრობის ადმინისტრაციაში გამართულ ბრიფინგზე განაცხადა, ცხადდება ე.წ. კომენდანტის საათი. „საგანგებო მდგომარეობის ვადით ცხადდება ფაქტობრივად სრული კარანტინი 21:00 საათიდან იკრძალება როგორც ქვეითად, ისე ტრანსპორტით ქვეყნის მასშტაბით გადაადგილება დილის 6:00 საათამდე. ფაქტობრივად ეს ნიშნავს, რომ ქვეყნის მასშტაბით 21:00 საათიდან დილის 6 საათამდე ცხადდება ე.წ. საკომენდანტო საათი“, - განაცხადა გახარიამ.

კირიაკოს მიცოტაკისი

30 მარტი 2020, 17:19

COVID19

საბერძნეთის პრემიერი მმართველი პარტიის დეპუტატებს მოუწოდებს, მომდევნო ორი თვის ხელფასის ნახევარი კორონავირუსთან ბრძოლის ფონდში გადარიცხონ

საბერძნეთის პრემიერ-მინისტრი კირიაკოს მიცოტაკისი მმართველი „ახალი დემოკრატიის“ პარტიის დეპუტატებს მოუწოდებს, მომდევნო ორი თვის ხელფასის ნახევარი კორონავირუსთან ბრძოლის ფონდში გადარიცხონ. საბერძნეთის პრემიერ-მინისტრის თქმით, პოლიტიკოსები სოლიდარობის წინა ხაზზე უნდა იყვნენ. „ახალი დემოკრატიის“ ყველა დეპუტატს, მინისტრებსა და მინისტრის მოადგილეებს სიმბოლური ინიციატივისკენ მოვუწოდებ - მომდევნო ორი თვის განმავლობაში ხელფასის ნახევარი კორონავირუსთან ბრძოლის წინააღმდეგ ფონდში ჩარიცხონ. საფრთხის წინაშე ყველანი თანასწორები ვართ, თუმცა ამ ბრძოლაში თითოეულმა თავისი წვლილი უნდა შეიტანოს“, - დაწერა საბერძნეთის პრემიერმა Facebook-ზე.

გიორგი გახარია

30 მარტი 2020, 17:07

COVID19

გიორგი გახარია: ხვალ დილის 08:00 საათიდან, ფაქტობრივად, საყოველთაო კარანტინი დაწესდება

ხვალ დილის 08:00 საათიდან, ფაქტობრივად, საყოველთაო კარანტინი დაწესდება, - ამის შესახებ პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.

30 მარტი 2020, 17:05

COVID19

საქართველოში კორონავირუსი 100 ადამიანს დაუდასტურდა, აქედან 18 უკვე გამოჯანმრთელდა

საქართველოში კორონავირუსი 100 ადამიანს დაუდასტურდა. ამის შესახებ პრემიერ-მინისტრმა გიორგი გახარიამ ბრიფინგზე განაცხადა. კარანტინის რეჟიმში ამ დროისთვის 4978 ადამიანი იმყოფება, სტაციონარში მეთვალყურეობის ქვეშ კი 266 პაციენტი რჩება. გამოჯანმრთელდა 18 ადამიანი.