imedi /  23 აპრილი 2019, 12:55 / სანდო წყარო

გლდანში საცხოვრებელი კორპუსი აფეთქებას გადაურჩა

გლდანში საცხოვრებელი კორპუსი გაზის გაჟონვის გამო აფეთქებას გადაურჩა. ამ ინფორმაციას „ყაზტრანსგაზ-თბილისი“ ავრცელებს. მათი განმარტებით, კომპანიის ცხელ ხაზზე ერთ-ერთი მოქალაქისგან შევიდა შეტყობინება, რომ გლდანის მე-7 მიკრორაიონის მე-12 კორპუსში გაზის ძლიერი სუნი იგრძნობოდა.

ადგილზე მისულმა სწრაფი რეაგირების ჯგუფმა კორპუსის შემოწმებისას გაზის ძლიერი კონცენტრაცია ერთ-ერთი საცხოვრებელი სახლის აბაზანაში და სავენტილაციო არხში დააფიქსირა. 

„შემოწმებისას დადგინდა, რომ მრიცხველიდან გამომავალი გაზის ონკანი იყო გახსნილი და ბინაში გაზი გროვდებოდა. აღმოჩნდა, რომ დაკეტილი ბინიდან გაზმა გაჟონა მეზობლის აბაზანასა და კორპუსის სავენტილაციო არხში, რამაც დიდი საფრთხე შეუქმნა კორპუსის ყველა მობინადრეს. ასევე მეზობლების თქმით, გაზის სუნი მათ ჯერ კიდევ გუშინ საღამოს იგრძნეს, თუმცა დღეს დილამდე არავის დაურეკავს კომპანიის ცხელ ხაზზე. დაკეტილ ბინაში და შემდეგ უკვე კორპუსში, მთელი ღამის განმავლობაში გროვდებოდა გაზის სუნი“, - აცხადებენ „ყაზტრანსგაზ-თბილისში“. 

კომპანია "ყაზტრანსგაზ-თბილისი" კიდევ ერთხელ მოუწოდებს აბონენტებს, მეტი ყურადღება და სიფრთხილე გამოიჩინონ. „გვინდა აღვნიშნოთ, რომ ბოლო პერიოდში ხშირია გაზის ონკანების ღია მდგომარეობაში დატოვების ფაქტები. შეგახსენებთ, რომ მომხმარებლების დაუდევრობას შეუძლია სავალალო შედეგებამდე მიგვიყვანოს. დღევანდელი შემთხვევა საყურადღებოა იმ მხრივაც, რომ აღნიშნულ მისამართზე მეზობლების თქმით, გაზის სუნი გუშინ საღამოს იგრძნეს, თუმცა კომპანიას მხოლოდ დღეს შეატყობინეს. „ყაზტრანსგაზ - თბილისი“ გთხოვთ, გამოიჩინოთ მეტი სიფრთხილე და გახსოვდეთ, რომ არსებული კანონმდებლობის თანახმად, მომხმარებელი თავად არის პასუხისმგებელი მის საცხოვრებელ ფართში გაზის მოწყობილობების მოხმარების წესების დარღვევაზე. გაუფრთხილდით საკუთარ და სხვების სიცოცხლეს“, - ნათქვამია კომპანიის განცხადებაში.

მიმდინარე წლის პირველ სამ თვეში თბილისში 7845 კუსტარულად დამონტაჟებული გაზგამათბობელი და წყალგამაცხელებელი ჩაჭრეს. 

ყველა სიახლე

თამარ გაბუნია

19 იანვარი 2021, 17:55

COVID19

თამარ გაბუნია: 2021 წლის ბოლომდე, 1 700 000 მოზრდილი ადამიანის ვაქცინაციაა განსაზღვრული

წლის ბოლომდე, დაახლოებით, 1 700 000 მოზრდილი ადამიანის ვაქცინაციაა განსაზღვრული. მოლოდინი გვაქვს, რომ, პირველ ეტაპზე, უფრო სწრაფად მივიღებთ „ფაიზერის“ ვაქცინას, - ამის შესახებ ჯანდაცვის მინისტრის მოადგილემ, თამარ გაბუნიამ „დღის ქრონიკასთან“ საუბრისას განაცხადა.

თამარ გაბუნია

19 იანვარი 2021, 17:53

COVID19

თამარ გაბუნიას თქმით, ვაქცინაციის გეგმის შედგენისას განსაკუთრებული აქცენტი პრეპარატების უსაფრთხოებაზე გაკეთდა

„ჩვენთვის მთავარი საზომი არის ჯანმოს მიერ აღიარება, რაც არის ხარისხის წინაპირობა და გარანტია და ასევე ის, თუ რამდენად მზად ვიქნებით ტექნოლოგიურად ამ ვაქცინებთან დაკავშირებული ცივი ჯაჭვის პირობების დასაკმაყოფილებლად. ეს სამი ვაქცინა, რომელიც დღეს განიხილება ჩვენ მიერ, გახლავთ Pfizer-ის ვაქცინა, რომელიც არის -70-გრადუსიანი ცივი ჯაჭვის მოთხოვნასთან დაკავშირებული და ჩვენ მზად ვართ მივიღოთ ეს ვაქცინა; მეორე არჩევანი არის Astrazeneca-ს ვაქცინა, რომელიც -2-დან -8 გრადუსამდე მოთხოვნით. თეორიულად ასევე შესაძლებელია Moderna, თუმცა მას ამ კონკრეტულ მომენტში ასე აქტიურად არ განვიხილავთ“, - განაცხადა გაბუნიამ.

მაია ბითაძე

19 იანვარი 2021, 17:43

ეკონომიკა

მაია ბითაძე: ჭავჭავაძის გამზირზე განთავსებული ურნები ნარჩენების სეპარირების განმსაზღვრელი ტექნოლოგიით აღჭურვილი არ არის

გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ „იმედინიუსთან“ საუბარში განაცხადა, რომ იგეგმება ნარჩენების სეპარირების გამართული სისტემის შექმნა, რომელიც ნარჩენების ხარისხიანად გადამუშავებას უზრუნველყოფს. ამ ვალდებულებას საქართველოს ევროკავშირთან ასოცირების ხელშეკრულება აკისრებს.

მეტ ჰენკოკი

19 იანვარი 2021, 17:38

COVID19

დიდი ბრიტანეთის ჯანდაცვის მინისტრი თვითიზოლაციაში იმყოფება

დიდი ბრიტანეთის ჯანდაცვის მინისტრი მეტ ჰენკოკი თვითიზოლაციაში გადავიდა, მას შემდეგ, რაც ჯანდაცვის სამინისტროს მიერ შექმნილმა აპლიკაციამ მას ინფიცირებულთან კონტაქტის შესახებ ამცნო. ამის შესახებ ის Twitter-ზე წერს.

19 იანვარი 2021, 17:35

რეგიონი

მაღალმთიან აჭარაში თოვლის წმენდის სამუშაოები ინტენსიურ რეჟიმში მიმდინარეობს

ხულოს, შუახევის, ქედის, ხელვაჩაურისა და ქობულეთის მუნიციპალიტეტებში ადგილობრივი მნიშვნელობის საავტომობილო გზებზე თოვლის გაწმენდითი სამუშაოები ინტენსიურად მიმდინარეობს. ამ დროისათვის მაღალმთიან სოფლებში თოვლის საფარი 50-60 სანტიმეტრს აღწევს. ადმინისტრაციულ ერთეულებთან მისასვლელი ყველა საავტომობილო გზა გაწმენდილია.

19 იანვარი 2021, 17:34

მსოფლიო

დაბალი ტემპერატურის გამო, თურქეთში ბუნებრივი აირის მოხმარებამ რეკორდულ ნიშნულს მიაღწია

ტემპერატურის მკვეთრი კლების ფონზე, თურქეთში ბუნებრივი აირის მოხმარება რეკორდულად გაიზარდა. თურქეთის ნედლი ნავთობისა და ბუნებრივი გაზის მილსადენებისა და სავაჭრო კომპანიის, BOTAS–ის მონაცემებით, 18 იანვარს, ბუნებრივი აირის მოხმარებამ 274 მილიონი კუბური მეტრი შეადგინა.

ბექა ლილუაშვილი

19 იანვარი 2021, 17:21

ეკონომიკა

ბექა ლილუაშვილი კიმ კრაჩის განცხადებაზე: ეს არის ძალიან ძლიერი მესიჯი, რომ საქართველო ხდება ამერიკული ინვესტიციებისთვის ერთ-ერთი მთავარი პრიორიტეტი

„ეს დაახლოებს საქართველოს საინვესტიციო ჰაბის რეგიონალურ როლთან და ეს არის ძალიან ძლიერი მესიჯი და სიგნალი საერთაშორისო ინვესტორებისთვის, რომ საქართველო ხდება ამერიკული ინვესტიციებისთვის ერთ-ერთი მთავარი პრიორიტეტი. მათ შორის იმ განცხადებების ფარგლებში, რომლებშიც საუბარია ერთობლივი ბიზნეს-გეგმის განხორციელებაზე საქართველოსა და ამერიკის შეერთებულ შტატებს შორის. შესაბამისად, ეს ნიშნავს ჩვენი მოქალაქეებისთვის მეტ სამუშაო ადგილს, მეტ ინვესტიციასა და მეტ დასაქმებას“, - განაცხადა ლილუაშვილმა.

19 იანვარი 2021, 17:21

ეკონომიკა

ევროკავშირის ბაზარზე ავტომობილების გაყიდვა 23.7%-ით შემცირდა

ახალი კორონავირუსის პანდემიის გამო, ევროკავშირში, 2020 წელს, 2019-თან შედარებით, ავტომობილების გაყიდვის მაჩვენებელმა 23.7%-ით იკლო. ევროპის საავტომობილო მწარმოებელთა ასოციაციის (ACEA) ინფორმაციით, გასულ წელს ევროკავშირის ბაზარზე სულ 9.9 მილიონი ერთეული ავტომობილი გაიყიდა

ბრიუსელი

19 იანვარი 2021, 17:04

COVID19

COVID-19-ის ბრიტანული შტამი ბრიუსელშიც გამოვლინდა

ბრიუსელში COVID-19-ის ახალი შტამით ინფიცირებულებს მოგზაურობის ისტორია აქვთ და ბელგიაში მატარებლით ჩავიდნენ. კრიზისის ცენტრი აცხადებს, რომ ქვეყანაში პანიკის საფუძველი არ არის და ახალი შტამის გავრცელება მთელი ქვეყნის მასშტაბით მოსალოდნელი იყო.

19 იანვარი 2021, 17:00

საზოგადოება

ადგილობრივი გოგებაშვილის ქუჩაზე განთავსებულ სკამებზე: მერია არაფერ შუაშია - ეს ქოთნებია და არა ურნები, ყველგან, სადაც ჩაღრმავებულ ადგილს დაინახავთ, ნაგავი არ უნდა ჩაყაროთ

მერია არაფერ შუაშია - ეს ქოთნებია და არა ურნები, ყველგან, სადაც ჩაღრმავებულ ადგილს დაინახავთ, ნაგავი არ უნდა ჩაყაროთ, - წერს Facebook-ის ერთ-ერთი მომხმარებელი გოგებაშვილის ქუჩაზე განთავსებულ სკამების შესახებ.

19 იანვარი 2021, 16:59

საზოგადოება

20 იანვარს საქართველოში სწავლის გაგრძელების მსურველი სტუდენტებისათვის რეგისტრაცია იწყება

გამოცდების ეროვნული ცენტრის ინფორმაციით, ამისათვის მათ 20 იანვრის 09:00 საათიდან პირველი თებერვლის 18:00 საათამდე განცხადებით უნდა მიმართონ შეფასებისა და გამოცდების ეროვნულ ცენტრს რეგისტრაციის თაობაზე. განაცხადი ასევე მიიღება ელექტრონული ფოსტით შემდეგ მისამართზე: gancxadebebi@naec.ge.

ანდრია გვიდიანი

19 იანვარი 2021, 16:59

ეკონომიკა

ანდრია გვიდიანი: საქართველოსა და აშშ-ის ეკონომიკური თანამშრომლობა სულ უფრო ღრმავდება

„სახელმწიფო მდივნის მოადგილის ინტერვიუ საკმაოდ ბევრი პოზიტიური გზავნილით იყო დატვირთული. მათ შორის, საინფორმაციო და ტექნოლოგიური თანამშრომლობის გაღრმავებასა და, ზოგადად, ეკონომიკური თანამშრომლობის ახალ საფეხურზე გადასვლასთან დაკავშირებულ საკითხებზე“, - ასე ეკონომისტი, ანდრია გვიდიანი ამერიკის შეერთებული შტატების სახელმწიფო მდივნის მოადგილის, კიმ კრაჩმის ინტერვიუს გამოეხმაურა, სადაც აშშ-ის და საქართველოს შორის სტრატეგიული და ეკონომიკური თანამშრომლობის გაღრმავების თაობაზეა საუბარი.

19 იანვარი 2021, 16:58

პოლიტიკა

პრემიერ-მინისტრმა სახელმწიფო რწმუნებულებს რეგიონებში არსებული ვითარების მეტად ეფექტიანად მართვა და გამოწვევებზე მყისიერი რეაგირება დაავალა

საქართველოს პრემიერ-მინისტრმა, გიორგი გახარიამ სახელმწიფო რწმუნებულებს დაავალა, რეგიონებში არსებულ გამოწვევებზე მყისიერი რეაგირება მოახდინონ და შეზღუდვების ეტაპობრივი მოხსნის დაწყების პერიოდშიც მკაცრად გააკონტროლონ შესაბამისი რეგულაციების აღსრულება, რათა ეპიდემიოლოგიური ვითარების სტაბილიზაციის კუთხით მიღწეული შედეგები საფრთხის ქვეშ არ დადგეს.

გიორგი ცუცქირიძე

19 იანვარი 2021, 16:50

ეკონომიკა

გიორგი ცუცქირიძე: DFC-ის ოფისის გახსნა არსებითად ახალ საინვესტიციო პოტენციალს შექმნის

„DFC-ის ოფისის გახსნის შემთხვევაში, ორგანიზაცია საქართველოდან დაფარავს რეგიონს და ინვესტიციების მოსაზიდად არსებითად ახალ საინვესტიციო პოტენციალს შექმნის - ექსპერტი საბანკო-საფინანსო საკითხებში გიორგი ცუცქირიძე აშშ-ის სახელმწიფო მდივნის მოადგილის, კით კრაჩის „ამერიკის ხმისათვის" მიცემულ ინტერვიუს ეხმიანება, რომლის თანახმად, საქართველოში აშშ-ის უმსხვილესი სახელმწიფო საფინანსო ორგანიზაციის, DFC-ის (განვითარების დაფინანსების კორპორაციის) ოფისის გახსნა განიხილება.

ზურაბ ჯაფარიძე

19 იანვარი 2021, 16:41

პოლიტიკა

ზურაბ ჯაფარიძე: დარწმუნებული ვარ, რომ იაგო ხვიჩია „ქართულ ოცნებასთან“ გარიგებული არ არის

„დარწმუნებული ვარ, რომ ის „ქართულ ოცნებასთან“ გარიგებული არ არის და რასაც აკეთებს, იმისი მართლა სჯერა. უბრალოდ რასაც აკეთებს, შედეგის მომტანი არ იქნება და ჩემი აზრით, პირიქით, წამგებიანი არის. წრეზე შემოიარა ოპოზიცია და არწმუნებდა, რომ მთავარია შევთანხმდეთ სრულიად პროპორციულ, ბარიერის გარეშე არჩევნებზე და არ დათანხმდა ოპოზიცია, არც ხელისუფლება წამოვიდა. ახლა მეორე წრეზე შემოიარა, იქნებ ადგილობრივი არჩევნები ჩავთვალოთ პლებისციტადო და ვერც ოპოზიცია დაითანხმა, არც „ოცნება“ მოდის ამაზე. ცხადია, შეიძლება გააგრძელო, მესამე ვერსია მოიგონო, მეოთხე ვერსია მოიგონო, მაგრამ ფუჭია ეს ყველაფერი. „ქართული ოცნება“ დღეს არ დათმობს მნიშვნელოვნად ძალაუფლებას, იმიტომ რომ არანაირი ზეწოლა მასზე არ არის“, - განაცხადა ჯაფარიძემ.

19 იანვარი 2021, 16:40

მსოფლიო

ევროპაში უჩვეულო ყინვა და დიდთოვლობაა

ბოლო რამდენიმე დღეა, ევროპის ტერიტორიის დიდი ნაწილზე ტემპერატურა მკვეთრად დაეცა. არაერთ ქვეყანაში დიდთოვლობაცაა. უამინდობამ, გარდა იმისა, რომ გადაადგილების პრობლემა შექმნა, მრავალი ადამიანის სიცოცხლეც იმსხვერპლა.

ზურაბ ჯაფარიძე

19 იანვარი 2021, 16:32

პოლიტიკა

ზურა ჯაფარიძე „ქართულ ოცნებასთან“ ინდივიდუალურ მოლაპარაკებებს უარყოფს

პოლიტიკური პარტიის „გირჩი-მეტი თავისუფლება“ თავმჯდომარე ზურაბ ჯაფარიძე „ქართულ ოცნებასთან“ ინდივიდუალურ მოლაპარაკებებს ოპოზიციის პარლამენტში შესვლასთან დაკავშირებით უარყოფს. ამის შესახებ მან „რუსთავი-2“-ის ეთერში განაცხადა.

მიშელ ობამა მელანია ტრამპი

19 იანვარი 2021, 16:31

მსოფლიო

მელანია ტრამპმა ტრადიცია დაარღვია და ჯილ ბაიდენი თეთრ სახლში არ დაპატიჟა

ათწლეულების განმავლობაში ამ ცერემონიას ყველა პირველი ლედი მართავდა - ელიზაბეტ ტრუმენიდან მიშელ ობამამდე, იმის მიუხედავად თუ რამდენად განსხვავდებოდა მოქმედი და მომავალი პრეზიდენტის პოლიტიკური შეხედულებები. ცერემონია თეთრი სახლის გადაცემის სიმბოლური აქტად და პირველი ლედის ერთ-ერთ მოვალეობად ითვლება.

დიმიტრი პესკოვი

19 იანვარი 2021, 16:29

მსოფლიო

დიმიტრი პესკოვი: ნავალნის დაპატიმრება რუსეთის შიდა საქმეა და ჩარევის საშუალებას არავის მივცემთ

რუსეთის პრეზიდენტის პრესმდივანმა, დიმიტრი პესკოვმა განაცხადა, რომ ნავალნის დაპატიმრება რუსეთის შიდა საქმეა და მოსკოვი საზღვარგარეთიდან გაკეთებულ განცხადებებს ყურს არ დაუგდებს.

დავით სონღულაშვილი

19 იანვარი 2021, 16:26

პოლიტიკა

დავით სონღულაშვილი: საქართველოსა და ესპანეთის პარლამენტები თემატურ საკითხებზე ითანამშრომლებენ

დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, დავით სონღულაშვილი, საქართველოს საგარეო საქმეთა მინისტრ, დავით ზალკალიანთან ერთად სამუშაო ვიზიტით ესპანეთის დედაქალაქში იმყოფებოდა.