imedi /  30 მაისი 2019, 17:06 / სანდო წყარო

ბათუმში მაღალჩინოსნები დააკავეს

აჭარაში, სამსახურეობრივი მდგომარეობის გამოყენებით, გაფლანგვის საქმეზე, სამართალდამცველებმა 7 მაღალჩინოსანი დააკავეს. 

საქართველოს პროკურატურის და ფინანსთა სამინისტროს საგამოძიებო სამსახურის ერთობლივი მუშაობის შედეგად, სამსახურეობრივი მდგომარეობის გამოყენებით, დიდი ოდენობით სახელმწიფოს კუთვნილი ფულადი თანხის მართლსაწინააღმდეგო გაფლანგვის და სამსახურეოებრივი მდგომარეობის ბოროტად გამოყენების ფაქტებზე დააკავეს 7 მაღალჩინოსანი:

1. ბათუმის ყოფილი მერ გ.ე.

2. აჭარის განათლების, კულტურისა და სპორტის მინისტრის მოადგილე ბ.მ.

3. აჭარის ფინანსთა და ეკონომიკის მინისტრის მოადგილე ა.ვ.

4. ბათუმის ვიცე მერი თ.პ.

5. ბათუმის მერიის მუნიციპალური ქონებისა და სერვისების მართვის სამსახურის უფროსი ე.ლ.

6. ბათუმის მერიის აიიპ „საქალაქო ინფრასტრუქტურისა და და კეთილმოწყობის სამმართველოს“ უფროსის მოადგილე ვ.ხ.

7. ბათუმის მერიის შესყიდვების განყოფილების უფროსი ბ.ხ.

პროკურატურის ცნობით, ჩატარებული გამოძიებით დადგინდა შემდეგი: ზემოხსენებული პირების გადაწყვეტილებით, რომლებიც იმჟამად იყვნენ ბათუმის მუნიციპალიტეტის მერიის მუდმივმოქმედი სატენდერო კომისიის წევრები და ბათუმის მერიაში ეკავათ სხვადასხვა თანამდებობები, 2015 წლის 09 ოქტომბერს, ქ.ბათუმის მერიამ გამოაცხადა ელექტრონული ტენდერი ქ.ბათუმში საცხოვრებელი ბინების ე.წ. „იაფი სახლის“ მშენებლობაზე. სატენდერო პირობების თანახმად, შენობა-ნაგებობის ასაშენებლად უნდა გამოყენებულიყო მსუბუქი ფოლადის თხელკედლიანი კონსტრუქციები. 

ტენდერის გამოცხადებამდე, ბათუმის მერიის ხელმძღვანელობისთვის და სატენდერო კომისიის წევრებისთვის ცნობილი იყო, რომ მსუბუქი ფოლადის თხელკედლიანი კონსტრუქციებით საქართველოში მშენებლობის გამოცდილება მხოლოდ ერთ-ერთ კომპანიას ჰქონდა, რომელსაც ტენდერის გამოცხადებამდე ქ.ბათუმის მერიის ხელმძღვანელმა პირებმა შესთავაზეს აღნიშნული კონსტრუქციებით მშენებლობის პროექტის განხორციელება. საბოლოოდ, ქ.ბათუმის მერიამ ტენდერი გამოაცხადა სწორედ ზემოთხსენებული კომპანიის მიერ უსასყიდლოდ შედგენილი საპროექტო-სახარჯთაღრიცხვო დოკუმენტაციის საფუძველზე, ისე რომ დოკუმენტაციაში დაფიქსირებულ ფასებზე ბაზრის კვლევა არ ჩაუტარებია. ელექტრონული ტენდერში მონაწილეობა მიიღო მხოლოდ ერთმა პრეტენდენტმა, უცხოური საწარმოს ფილიალმა „კონვენტ ჯორჯიამ“. 

ელექტრონული ვაჭრობის მიმდინარეობისას, უცხოური საწარმოს ფილიალის „კონვენტ ჯორჯიას“ მიერ სახელმწიფო შესყიდვების ერთიან ელექტრონულ სისტემაში წარდგენილი იქნა ყალბი დოკუმენტაცია. 

ბათუმის მუნიციპალიტეტის მერიის მუდმივმოქმედი სატენდერო კომისიის წევრებს, წარმოდგენილ საეჭვო დოკუმენტაციაზე საერთოდ არ უმსჯელიათ, ეს მაშინ, როდესაც ქ.ბათუმის მერიის მიერ, 2015 წლის 01 მაისს გამოცხადებულ სხვა ელექტრონულ ტენდერში, უცხოური საწარმოს ფილიალის „კონვენტ ჯორჯიას“ მიერ სახელმწიფო შესყიდვების ერთიან ელექტრონულ სისტემაში წარდგენილი იგივე დოკუმენტაცია კომისიის ამავე შემადგენლობის მიერ გახდა უსფ „კონვენტ ჯორჯიას“ დისკვალიფიკაციის ერთ-ერთი საფუძველი. 

ბათუმის მუნიციპალიტეტის მერიის მუდმივმოქმედი სატენდერო კომისიის წევრებმა, იმ პერიოდისათვის ბათუმის ვიცე-მერმა ბ.მ-მ, ბათუმის მერიის კეთილმოწყობის სამსახურის უფროსმა თ.პ-მ, ბათუმის მერიის კეთილმოწყობის სამსახურის უფროსის მოადგილე ვ.ხ-მ, ბათუმის მერიის საფინანსო-ეკონომიკური სამსახურის უფროსმა ე.ლ-მ და ბათუმის მერიის შესყიდვების განყოფილების უფროსმა ბ.ხ-მ, მიუხედავად იმისა რომ ტენდერში მონაწილეობისას „კონვენტ ჯორჯიას“ წარდგენილი დოკუმენტაცია არ აკმაყოფილებდა სატენდერო პირობებს და არსებობდა კომპანიის უპირობო დისკვალიფიკაციის საფუძვლები, უკანონოდ მიანიჭეს უპირატესობა პრეტენდენტს და გამოაცხადეს ტენდერში გამარჯვებულად. ტენდერში გამარჯვებულად გამოცხადების შემდეგ, „კონვენტ ჯორჯიამ“ სატენდერო კომისიას წარუდგინა საქართველოში მოქმედი ერთ-ერთი საბანკო დაწესებულების მიერ ავიზირებული, დიდ ბრიტანეთში, ლონდონში რეგისტრირებული „POINT BANK LTD“ მიერ გაცემული ხელშეკრულების უზრუნველყოფის საბანკო გარანტია, ისე რომ ხსენებული კომპანია საერთოდ არ იყო საბანკო დაწესებულება და წარმოადგენდა არააქტიურ კომპანიას. 

ბათუმის მერის გ.ე-ს დავალებით, დიდი ბრიტანეთში რეგისტრირებული „POINT BANK LTD“-ის სანდოობის, გადახდისუნარიანობის და რეიტინგის შესწავლა დაევალა მერიის საფინანსო-ეკონომიკური სამსახურის უფროსის მოადგილეს ა.ვ-ს, რომლის მიერაც მოპოვებული ინფორმაციებით დადგინდა, რომ დასახელებულ კომპანიას საერთოდ არ ჰქონდა რეიტინგი, რაც პირდაპირ მიუთითებდა მის არასაიმედოობაზე. ამავე პერიოდში ბათუმის მერიაში უკვე გაგზავნილი იყო საქართველოს ეროვნული ბანკის სარეკომენდაციო წერილი იმის თაობაზე, რომ საბანკო გარანტიები მოთხოვნილი ყოფილიყო მხოლოდ - მაღალი სანდოობის საერთაშორისო ან ქართული კომერციული ბანკებიდან. 

ყოველივე ზემოხსენებულის საწინააღმდეგოდ, ნაცვლად იმისა, ქ.ბათუმის მერს და სატენდერო კომისიის წევრებს დაეცვათ სახელმწიფოს კანონიერი ინტერესი, შეეწყვიტათ ტენდერი და არ გაეფორმებინათ სახელმწიფო შესყიდვის ხელშეკრულება უსფ „კონვენტ ჯორჯიასთან“, საჯარო ინტერესის საწინააღმდეგოდ გააფორმეს სახელმწიფო შესყიდვის ხელშეკრულება 4 279 990 ლარის ოდენობით. ხელშეკრულების გაფორმების შემდეგ, კი უსფ „კონვენტ ჯორჯიამ“ ბათუმის მერიაში წარადგინა ისევ არასაბანკო, არააქტიური, ფიქტიური კომპანია „POINT BANK LTD“-ს მიერ გაცემული საავანსო საბანკო გარანტია. იმის მიუხედავად, რომ ბათუმის მერის, საფინანსო სამსახურის უფროსის ე.ლ-სთვის და საფინანსო სამსახურის უფროსის მოადგილე ა.ვ-სთის ცნობილი იყო „POINT BANK LTD“-ის არასანდოობა და ის ფაქტი, რომ გარანტიის გამცემი კომპანია არ წარმოადგენდა საბანკო დაწესებულებას, ამასთან წარმოდგენილი საბანკო გარანტიაც არ იყო უპირობო და გამოუთხოვადი, უსფ „კონვენტ  ჯორჯიას“ მაინც უსაფუძვლოდ ჩაურიცხეს საავანსო თანხა ჯამში 1 626 396,20 ლარის ოდენობით, საიდანაც უსფ „კონვენტ  ჯორჯიამ“ შეასრულა მინიმალური, მხოლოდ 251 109,43 ლარის სამუშაოები, ხოლო დანარჩენი თანხის სამუშაოები დღემდე შეუსრულებელია.

ზემოხსენებულიდან გამომდინარე, ბათუმის მერიის ხელმძღვანელი და სხვადასხვა რგოლის თანამშრომლების მიერ სამსახურებრივი მდგომარეობის და უფლებამოსილების ბოროტად გამოყენებამ, რაც გამოიხატა უსფპ „კონვენტ ჯორჯიასათვის“ უპირატესობის უკანონოდ მინიჭებაში და საავანსო თანხის უსაფუძვლოდ ჩარიცხვაში, არსებითად დაარღვია სახელმწიფოს კანონიერი ინტერესები და სახელმწიფო აუდიტის სამსახურის მიერ მოწოდებული დასკვნის თანახმად, გაიფლანგა დიდი ოდენობით 1 370 076,00 ლარის თანხა, რითაც მუნიციპალიტეტს მიადგა დიდი ოდენობით მატერიალური ზიანი.

ყველა სიახლე

ნიკა მელია

07 მაისი 2021, 17:19

პოლიტიკა

ნიკა მელია მზად არის ევროპულ გირაოს დათანხმდეს

მელია თანახმაა ევროკავშირის გირაოზე, ეს იქნება ცივილიზებული სამყაროს მხრიდან პოლიტპატიმრის გამოსასყიდი, ნიკა, ძალიან მალე თავისუფალი იქნება - ამის შესახებ, „ნაციონალური მოძრაობის“ ერთ-ერთმა წევრმა გიორგი ბოტკოველმა ნიკა მელიას მონახულების შემდეგ განაცხადა.

07 მაისი 2021, 17:14

პოლიტიკა

ირაკლი ღარიბაშვილისა და სალომე ზურაბიშვილის შეხვედრა დასრულდა

საქართველოს პრეზიდენტის, სალომე ზურაბიშვილის რეზიდენციაში მთავრობის მეთაურის, ირაკლი ღარიბაშვილის შეხვედრა დასრულდა. პრემიერ-მინისტრმა ათონელის ქუჩა რამდენიმე წუთის წინ დატოვა. პრეზიდენტთან აუდიენცია დაასრულა საგარეო უწყების ხელმძღვანელმა, დავით ზალკალიანმაც.

07 მაისი 2021, 17:02

საზოგადოება

სად აღინიშნება ფაშიზმზე გამარჯვების დღე ვაკის პარკში მიმდინარე რეაბილიტაციის გამო. თბილისის მერიის განცხადება

ვაკის პარკში, სარეაბილიტაციო სამუშაოს გამო, წელს, ფაშიზმზე გამარჯვების დღის აღსანიშნავი ღონისძიება არ გაიმართება, - ინფორმაციას თბილისის მერია ავრცელებს. „აღნიშნული ვითარებიდან გამომდინარე, წელს, მეორე მსოფლიო ომში დაღუპულთა ხსოვნისადმი პატივის მიგება ვეტერანთა კულტურის და დასვენების (კიკვიძის) პარკში იქნება შესაძლებელი“, - აღნიშნულია დედაქალაქის მერიის განცხადებაში.

07 მაისი 2021, 16:50

კულტურა

ქოლგა თბილისი ფოტო 2021-ის დაჯილდოება დღეს ვირტუალურ სივრცეში გაიმართება

თიბისის მხარდაჭერით, ქოლგა თბილისი ფოტო 2021-ის დაჯილდოება 7 მაისს, ვირტუალურ სივრცეში გაიმართება. წელს ფოტოკვირეული „ქოლგა თბილისი ფოტო“, არსებული რეალობის გათვალისწინებით, განსხვავებული ფორმატით ჩატარდება. მეოცე, საიუბილეო წელს, ვირტუალური და ფიზიკური ღონისძიებებით, ქოლგა თბილისი ფოტო მთელი წლის განმავლობაში უმასპინძლებს გამოფენებსა და ვორკშოპებს.

მამუკა მდინარაძე

07 მაისი 2021, 16:40

პოლიტიკა

მამუკა მდინარაძე: პრეზიდენტს არ მიუნიშნებია, თუ რა გადაწყვეტილებას მიიღებს ამნისტიის კანონპროექტზე

პრეზიდენტის კითხვები დიდწილად, ამნისტიის კანონპროექტის სამართლებრივ არგუმენტებს შეეხებოდა, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ ჟურნალისტებს სალომე ზურაბიშვილთან შეხვედრის შემდეგ განუცხადა. „მგონია, რომ მე და მიხეილ სარჯველაძემ დავარწმუნეთ პრეზიდენტი, საერთაშორისო პრაქტიკიდან გამომდინარე, ასევე ჩვენი კანონმდებლობით, რომ კანონპროექტს ამნისტიის შესახებ კონსტიტუციური პრობლემა არ აქვს“, - განაცხადა მდინარაძემ.

07 მაისი 2021, 16:39

COVID19

თბილისში კორონავირუსით ორსული გარდაიცვალა

ორსულს ფილტვისა და თირკმებლის ძლიერი დაზიანება აღენიშნებოდა, რის შემდეგაც სხვა ორგანოებიც დაზიანდა და 34 წლის ქალი 6 მაისს გარდაიცვალა“, - განაცხადა ბოკერიას კლინიკის კლინიკურმა დირექტორმა ალექსი ვაჩაძემ. მკურნალი ექიმების ინფორმაციით, პაციენტს რაიმე სახის ქრონიკული დაავადებები არ აღენიშნებოდა, თუმცა მისი კრიტიკული მდგომარეობიდან გამომდინარე გადარჩენა ვერ მოხერხდა.

07 მაისი 2021, 16:36

COVID19

ვაქცინაციის შესახებ ინფორმირებულობის გასაზრდელად, საქართველოს მთავრობამ სპეციალური ვებგვერდი შექმნა

ვებგვერდზე ყველა დაინტერესებულ პირს შეუძლია, მიიღოს პასუხები მისთვის საინტერესო კითხვებზე, მათ შორის, თუ რატომ უნდა ჩაიტაროს COVID-19-ის საწინააღმდეგო ვაქცინაცია, ასევე, როგორ უნდა დარწმუნდეს ვაქცინის უსაფრთხოებაში, რა შემთხვევაში არ შეიძლება ვაქცინაციის ჩატარება, როგორია კოვიდის საწინააღმდეგო ვაქცინების ეფექტურობა, უნდა აიცრან თუ არა ბავშვები და ორსულები, საჭიროა თუ არა სპეციალური მომზადება ვაქცინაციის პროცესისთვის.

მიხეილ სარჯველაძე

07 მაისი 2021, 16:25

პოლიტიკა

მიხეილ სარჯველაძე: ამნისტიის შესახებ კანონპროექტთან დაკავშირებით, ოპოზიციის მხრიდან დაწყებული აჟიოტაჟი გადაჭარბებული იყო

„პრეზიდენტთან ვისაუბრეთ კანონპროექტის შინაარსზე, მის ყველა დადებით და უარყოფით მხარეზე. ვფიქრობთ, რომ ჩვენ მიერ ამ საკითხის ახსნა საკმარისად დამაჯერებელია იმისთვის, რომ ვთქვათ; ოპოზიციის მხრიდან დაწყებული აჟიოტაჟი ამ კანონპროექტთან დაკავშირებით, გადაჭარბებული იყო“, - განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ საქართველოს პრეზიდენტისა და „ქართული ოცნების“ წარმომადგენლების შეხვედრის დასრულების შემდეგ.

მამუკა მდინარაძე

07 მაისი 2021, 16:20

პოლიტიკა

მამუკა მდინარაძე: ნიკა მელიამ საერთოდ რომ არ ამოიღოს ხმა, ჩვეულებრივად დატოვებს საპატიმროს იმის მიუხედავად, ამნისტიის პირობებს მიიღებს თუ არა

„ამ შემთხვევაში როგორც იურისტმა, ამ კუთხით მინდა გაგცეთ პასუხი. ამნისტიის პროექტში არ წერია თანხმობა, იურისტებისთვის თანხმობა და თუ წინააღმდეგი არ არის აბსოლუტურად სხვა რამეს ნიშნავს, თანხმობა არის აქტიური მოქმედება, რომელიც უნდა გამოხატოს ამნისტიის ობიექტმა, ანუ, ნიკა მელიამ საერთოდ ხმა რომ არ ამოიღოს, არაფერი თქვას, ის ჩვეულებრივად დატოვებს საპატიმროს, ამნისტიის პირობები მიღებული იქნება თუ არა მის მიერ.

ირაკლი ღარიბაშვილი

07 მაისი 2021, 16:17

კულტურა

ირაკლი ღარიბაშვილი: დიდ გულისტკივილს გამოვთქვამ ცნობილი ქართველი რეჟისორის ბუბა ხოტივარის გარდაცვალების გამო

საქართველოს პრემიერ-მინისტრი ირაკლი ღარიბაშვილი ქართველი რეჟისორის, ბუბა ხოტივარის გარდაცვალების გამო მწუხარებას გამოთქვამს და ოჯახს სამძიმარს უცხადებს. “დიდ გულისტკივილს გამოვთქვამ ცნობილი ქართველი რეჟისორის ბუბა ხოტივარის გარდაცვალების გამო. იგი მრავალი წლის განმავლობაში ერთგულად ემსახურა ქართულ კულტურას და თავისი სიტყვა თქვა ქართული კინოს განვითარების საქმეში. თანავუგრძნობ ბუბა ხოტივარის ოჯახს, მეგობრებსა და ახლობლებს”, - წერს ირაკლი ღარიბაშვილი სოციალურ ქსელ “Facebook”- ში.

ირაკლი ღარიბაშვილი

07 მაისი 2021, 16:14

პოლიტიკა

საქართველოსა და უკრაინის პრემიერ-მინისტრებმა ორი ქვეყნის სტრატეგიულ პარტნიორობასა და ევროპული და ევროატლანტიკური ინტეგრაციის პროცესში თანამშრომლობის კიდევ უფრო გააქტიურებაზე ისაუბრეს

საქართველოს პრემიერ-მინისტრი ირაკლი ღარიბაშვილი, უკრაინის პრემიერ-მინისტრ დენის შმიგალს ვიდეოკონფერენციის ფორმატში შეხვდა. შეხვედრაზე ისაუბრეს საქართველოსა და უკრაინას შორის არსებულ მეგობრობასა და სტრატეგიულ პარტნიორობაზე, რომელიც მრავალსაუკუნოვან ისტორიულ და კეთილმეზობლურ ურთიერთობებს ემყარება.

სალომე ზურაბიშვილი და ირაკლი ღარიბაშვილი

07 მაისი 2021, 16:07

პოლიტიკა

ირაკლი ღარიბაშვილი საქართველოს პრეზიდენტს ხვდება

საქართველოს პრემიერ-მინისტრი, ირაკლი ღარიბაშვილი საქართველოს პრეზიდენტს, სალომე ზურაბიშვილს ხვდება. შეხვედრის თემაა ადმინისტრაციულ სამართალდარღვევათა კოდექსში ცვლილებები, რაზეც ოპოზიცია პრეზიდენტისგან ვეტოს უფლების გამოყენებას ითხოვს. იქამდე, პრეზიდენტს „ქართული ოცნების“ წევრების რამდენიმე წარმომადგენელი შეხვდა. საპარლამენტო უმრავლესობის ლიდერებთან ერთად, პრეზიდენტის ადმინისტრაციაში იყო შინაგან საქმეთა მინისტრი, ვახტანგ გომელაურიც.

07 მაისი 2021, 16:02

რეგიონი

თიბისი ბიზნესის მხარდაჭერით, კომპანია „სულა“ კახეთში მეღვინეობას აფართოებს

2018 წელს დაფუძნებული კომპანია “სულა” კახეთში გაშენებულ ვენახებსა და ღვინის საწარმოებს შორის მხოლოდ ერთ-ერთი იქნებოდა, რომ არა მიდგომა, რომელიც წარმოებულ პროდუქტსა და თავად კომპანიას გამორჩეულს და, შესაბამისად, წარმატებულს ხდის. აქ პროდუქტი ქართულია, საქმისადმი დამოკიდებულება – ევროპული, კომპანიის ამბიცია კი – საერთაშორისო.

07 მაისი 2021, 15:47

COVID19

ბრიტანეთში 40 წელს ქვემოთ მოქალაქეების ნაწილს „ასტრაზენეკას“ ალტერნატიულ ვაქცინას შესთავაზებენ

დიდი ბრიტანეთის მედიკამენტების უსაფრთხოების მარეგულირებლის გადაწყვეტილებით, 40 წელს ქვემოთ, 18-დან 39 წლამდე მოქალაქეებს, რომელთაც ჯანმრთელობის თანმდევი პრობლემები აქვთ, ვაქცინის არჩევის შესაძლებლობას მისცემენ და ალტერნატიული ვაქცინით აცრიან, - ამის შესახებ BBC წერს. მარეგულირებლის განმარტებით, გადაწყვეტილების მიზეზი „ასტრაზენეკას“ ვაქცინასა და თრომბის განვითარების რისკს შორის გამოვლენილი კავშირია.

07 მაისი 2021, 15:34

რეგიონი

სენაკში საცხოვრებელი სახლი დაიწვა

სენაკის მერიაში აცხადებენ, რომ დაზარალებულ ოჯახს შესაბამისი სოციალური პროგრამის ფარგლებში ფულად დახმარებას გაუწევენ. შემთხვევის შედეგად არავინ დაშავებულა. ხანძრის გამომწვევ სავარაუდო მიზეზად გაუმართავი ელექტროგაყვანილობა სახელდება.

თამარ გაბუნია

07 მაისი 2021, 15:28

COVID19

თამარ გაბუნია: ჯანმო-ს შუალედური ანგარიში იყო საკმაოდ მყარი „სინოვაკის“ და „სინოფარმის“ სასარგებლოდ, რაც ერთ-ერთი მთავარი პირობაა იმისთვის, რომ ავტორიზაციის გადაწყვეტილება იქნება დადებითი

მისივე თქმით, ჯანმო-ს შუალედური ანგარიში იყო საკმაოდ მყარი "სინოვაკის" და "სინოფარმის" სასარგებლოდ, ანუ ის ძირითადი დადებითი მხარეები, რომელიც ორივე ვაქცინას ახასიათებს ძალიან კარგად იყო ასახული შუალედურ ანგარიშებში, რაც ერთ-ერთი მთავარი პირობაა იმისთვის, რომ ავტორიზაციის გადაწყვეტილება იქნება დადებითი.

თამარ გაბუნია

07 მაისი 2021, 15:21

საზოგადოება

თამარ გაბუნია: წამლის ხარისხის ლაბორატორია სახელმწიფო ხარჯებით შეიქმნება

„ვფიქრობ, ამას არ დასჭირდება დიდი დრო და მომავალი წლისთვის უკვე გვექნება გამართული. საწყისი მინიმალური ინვესტიცია, რომელიც ბაზისური ლაბორატორიისთვის არის საჭირო, შეფასებულია 3 მილიონი დოლარით - ეს არის ბაზისური აღჭურვილობის ჩათვლით, ინფრასტრუქტურული საჭიროებისთვის მისი ნაწილი, რა თქმა უნდა, უფრო ნაკლებია”, - განაცხადა თამარ გაბუნიამ.

თამარ გაბუნია

07 მაისი 2021, 15:13

COVID19

თამარ გაბუნიას განცხადებით, სააღდგომო დღესასწაულებზე მომატებული სოციალური აქტივობებიდან გამომდინარე, ინფიცირების შემთხვევების მატებაა მოსალოდნელი

სააღდგომო დღესასწაულების გამო მომატებული სოციალური აქტივობებიდან გამომდინარე, ამ ორკვირიან პერიოდში ინფიცირების გარკვეული მატება შესაძლოა იყოს და დაემთხვევა მაისის შუა რიცხვებს, - განაცხადა ჯანდაცვის მინისტრის მოადგილემ, თამარ გაბუნიამ ჟურნალისტებთან საუბრისას.

07 მაისი 2021, 15:11

ეკონომიკა

თიბისი ლიზინგის მხარდაჭერით „ბასკინ რობინსი“ გაიხსნა

დღეს კომპანიაში უკვე 1300-მდე სახეობის ნაყინი იწარმოება, მათ შორის ვეგანური. აღსანიშნავია, რომ „ბასკინ რობინსის“ ნაყინები არ შეიცავს გლუტენს, პროდუქცია მზადდება ნამდვილი ნაღებისგან და არის პრემიუმ ხარისხის ნაწარმი.

გურამ მაჭარაშვილი

07 მაისი 2021, 15:10

პოლიტიკა

გურამ მაჭარაშვილი: როგორც ჩანს, ოპოზიციას გადაწყვეტილი აქვს, რომ წინასაარჩევნო კამპანიის დროს ძალადობა განახორციელონ პოლიციელებზე

„აქვე მინდა აღვნიშნო, რომ თუ ოპოზიცია აპირებს ასე სისტემატურად ხულიგნობას, ძალადობას პოლიციელებზე არაერთგზის, ამ შემთხვევაში შეიძლება გავამართლოთ მათი ასეთი აღშფოთება იმაზე, რომ პოლიციელებზე ძალადობასა და ხულიგნობაზე განმეორებითი შემთხვევებისთვის მკაცრდება სანქციები,“ - განაცხადა გურამ მაჭარაშვილმა.