imedi /  24 ივლისი 2019, 08:19 / სანდო წყარო

„რუსთავი 2“-ის თანამშრომლებმა სპეციალური განცხადება გაავრცელეს

ტელეკომპანია "რუსთავი 2"-ის თანამშრომლებმა სპეციალური განცხადება გაავრცელეს. როგორც ისინი წერენ, „რუსთავი 2“-ის  მფლობელების და გენერალური დირექტორის ცვლილების შემდეგ განსაკუთრებით აქტუალური გახდა არხის სარედაქციო პოლიტიკის დამოუკიდებლობის დაცვისა და შენარჩუნების საკითხი.

"მიგვაჩნია, რომ ქვეყნაში მედია პლურალიზმის, განსხვავებული აზრისა და მთავრობისადმი კრიტიკულად განწყობილი ერთ-ერთი ყველაზე მძლავრი პლატფორმის არსებობას სერიოზული საფრთხე დაემუქრა.

არხის ახალი მფლობელის ქიბარ ხალვაშის განცხადება უკვე აღარ ტოვებს ილუზიას, რომ კითხვის ნიშნის ქვეშ დგება თავისუფალი სიტყვა და პროდასავლური ორიენტაციის მქონე არხის სარედაქციო დამოუკიდებლობა. ამიტომ არხის ჟურნალისტები მივმართავთ ყველა იმ ავტორიტეტულ საერთაშორისო და ადგილობრივ ორგანიზაციას, საქართველოში აკრედიტებულ საელჩოებს, რომლებიც ქვეყანაში დემოკრატიის განვითარების გარანტად გვევლინებიან, არ მოადუნონ ყურადღება და დაეხმარონ "რუსთავი 2“-ს სარედაქციო დამოუკიდებლობის შენარჩუნებაში. იმისთვის, რომ აღარ დავტოვოთ ინტერპრეტაციის სივრცე, აქვე გავმარტავთ იმ კრიტერიუმებს, რომლის დარღვევასაც ჩვენ არხის სარედაქციო პოლიტიკაში ჩარევად მივიჩნევთ.

1. ჟურნალისტების, არხის წამყვანების, საინფორმაციო სამსახურის მოქმედი უფროსისა და პროდიუსერების გათავისუფლება, სხვა პოზიციაზე გადაყვანა და მათ ნაცვლად ახალი კადრების მოყვანა არის სარედაქციო პოლიტიკის შეცვლის კიდევ ერთი მექანიზმი. გამოცდილება აჩვენებს, რომ ქართულ მედიაგარემოში ეს სქემა ხშირად გამოიყენება არსებული გადაცემების დასახურად ან ფორმატის შესაცველად.

2. სარედაქციო პოლიტიკაში ჩარევის ერთ-ერთი ინსტრუმენტად ჩაითვლება, პირველ პუნქტში ჩამოთვლილი პირების შრომითი კონტრაქტის დარღვევა.

3. სტუმრების ცენზურა, სიუჟეტების რიგითობის განსაზღვრა და ნებისმიერი სხვა სახის ჩარევა, რომელიც გავლენას მოახდენს გადაცემის შინაარსსა და აქცენტებზე.

4. ფინანსური ხასიათის პრობლემების შექმნა - თუკი არხი ყადაღის უმძიმეს პირობებშიც კი ახერხებდა დაუბრკოლებლად ფუნქციონირებას, არამხოლოდ ხელფასების გასტუმრებას, არამედ ახალი რეიტინგული მედიაპროდუქტების შექმნას, ყადაღის მოხსნამ მხოლოდ ხელი უნდა შეუწყოს შემოსავლების ზრდას და არა პირიქით. ამიტომ თანამშრომლების წინაშე, კონტრაქტით ნაკისრი ფინანსური ვალდებულებების შეუსრულებლობა ჩაითვლება როგორც ზეწოლის ერთ-ერთი ფორმა და ბერკეტი "რუსთავი 2“-ის სარედაქციო დამოუკიდებლობაში ჩასარევად.

5. მხოლოდ უცხოელი მედიამენეჯერის ჩამოყვანა ვერ ჩაითვლება სარედაქციო დამოუკიდებლობის შენარჩუნების გარანტიად. როგორც ქართველი, ასევე უცხოელი შეიძლება იქცეს მედია ცენზორად. მსგავსი პრაქტიკა გვინახავს სხვა არხებზე, უცხოელი მედიამენეჯერები ვერ აღმოჩნდნენ სარედაქციო პოლიტიკის ცვლილების შემაკავებელი ბერკეტები. გარდა ამისა, ყველას კარგად გვახსოვს 2001 წელს "გაზპრომ მედიას" ანუ პუტინის მიერ "ენ-ტე-ვეს" ძალადობრივი ხელში ჩაგდების შემდეგ როგორ დანიშნეს "სარედაქციო დამოუკიდებლობის" უზრუნველსაყოფად ტელეკომპანიის გენერალურ დირექტორად ამერიკის მოქალაქე ჯორდანი. ისიც კარგად გვახსოვს, როგორ დამთავრდა ეს ისტორია. ჩვენ ასევე ვხედავთ კრემლის პროპაგანდისტულ არხზე "Russia Today-“ზე უცხოელ ჟურნალისტებს, რომლებიც პრორუსულ ნარატივს ავრცელებენ", - წერია განცხადებაში.

18 ივლისს სტრასბურგის სასამართლომ გააუქმა საქართველოს უზენაესი სასამართლოს გადაწყვეტილების აღსრულების შემაჩერებელი მექანიზმი. კერძოდ, 2017 წლის 2 მარტს საქართველოს უზენაესი სასამართლოს დიდმა პალატამ ტელეკომპანია „რუსთავი 2“ ქიბარ ხალვაშს მიაკუთვნა. იმავე წლის 3 მარტს კი, „რუსთავი 2“-ის მიმართვის საფუძველზე, სტრასბურგის სასამართლომ უზენაესი სასამართლოს გადაწყვეტილების აღსრულება შეაჩერა. სწორედ ამ აღსრულების შეჩერება გააუქმა სტრასბურგის სასამართლომ.

18 ივლისს ქიბარ ხალვაშმა „რუსთავი 2“-ს გენერალურ დირექტორად პაატა სალია დანიშნა, რომელმაც ამ პოზიციაზე ნიკა გვარამია შეცვალა.

ყველა სიახლე

დავით ბაქრაძე

06 აგვისტო 2020, 19:43

პოლიტიკა

დავით ბაქრაძე: საქართველოში რუსეთის ყველა მოქმედება არის უკანონო

„რუსეთის ნაბიჯები ეწინააღმდეგება საერთაშორისო სამართალს, ამიტომ ბუნებრივია, რომ გაერო თავის რეზოლუციებში მხარს უჭერს საქართველოს ტერიტორიულ მთლიანობას და მხარს უჭერს საქართველოს როგორც რუსული აგრესიის მსხვერპლს“, - აღნიშნა დავით ბაქრაძემ.

06 აგვისტო 2020, 19:40

ეკონომიკა

ეროვნული ბანკი, ფასიანი ქაღალდების ბაზრის მარეგულირებელი ჩარჩოს რეფორმის ფარგლებში, სამართლებრივი აქტების პროექტებს აქვეყნებს

„ფასიანი ქაღალდების ბაზრის შესახებ" საქართველოს კანონში 2020 წლის 29 ივნისს მიღებული ცვლილებების ფარგლებში, საქართველოს ეროვნული ბანკი აქვეყნებს ზედამხედველობასთან დაკავშირებულ სამართლებრივი აქტის პროექტებს. მათი ინფორმაციით, აღნიშნულ წესებში გაწერილი მოთხოვნები წარმოადგენს ინვესტორთა უფლებების დაცვის მექანიზმს, რომელიც ეფუძნება ევროკავშირის შესაბამის სამართლებრივ ჩარჩოს და, თავის მხრივ, საერთაშორისო პრაქტიკასთან შესაბამისობას უზრუნველყოფს.

06 აგვისტო 2020, 19:28

საზოგადოება

სპეციალური პენიტენციური სამსახური ერთ-ერთ მედიასაშუალებაში გასულ ინფორმაციას ეხმაურება

სპეციალური პენიტენციური სამსახური 2020 წლის 6 აგვისტოს ტელეკომპანია „მთავარის“ საინფორმაციო გამოშვებებში გასულ ყოფილი პატიმრის ანონიმურ ინტერვიუს ეხმაურება , სადაც რესპოდენტი საუბრობს N8 პენიტენციურ დაწესებულებაში ყოფნის პერიოდზე და აცხადებს, რომ სხვა პატიმრების მხრიდან ადგილი ჰქონდა მასზე ფსიქოლოგიურ და ფიზიკურ ზეწოლას, ასევე სექსუალური შევიწროების მცდელობას.

ალექსანდრე ლუკაშენკო

06 აგვისტო 2020, 19:22

COVID19

ალექსანდრე ლუკაშენკო: კორონავირუსი ჩამიდეს - ახლა ამ საკითხს ვიძიებთ

ბელარუსის პრეზიდენტი, ალექსანდრე ლუკაშენკო აცხადებს, რომ იგი კორონავირუსით განზრახ დააავადეს.

06 აგვისტო 2020, 19:15

საზოგადოება

რუსლან აბაშიძემ „აბასთუმნის ფილტვის ცენტრში“ დევნილი ბენეფიციარები მოინახულა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ აბასთუმანში აფხაზეთიდან დევნილი ბენეფიციარები მოინახულა, რომლებიც „აბასთუმნის ფილტვის ცენტრში“ სარეაბილიტაციო კურსს გადიან, - ამის შესახებ ინფორმაციას აფხაზეთის ავტონომიური რესპუბლიკის მთავრობის ადმინისტრაცია ავრცელებს.

06 აგვისტო 2020, 19:09

რეგიონი

ანანურის სამონასტრო კომპლექსის მიმდებარე ტერიტორიაზე, რაც დღეს მომხდარი ავტოსაგზაო შემთხვევის შედეგად დაზიანდა, გაწმენდიტი სამუშაოები მიმდინარეობს

დუშეთის მუნიციპალიტეტში ანანურის სამონასტრო კომპლექსის მიმდებარე ტერიტორიაზე განთავსებული ტურისტული ინფრასტრუქტურა დღეს მომხდარი ავტოსაგზაო შემთხვევის შედეგად ნაწილობრივ დაზიანდა, - ამის შესახებ ინფორმაციას მცხეთა-მთიანეთის სახელმწიფო რწმუნებულის ადმინისტრაცია ავრცელებს.

სალომე ზურაბიშვილი, კელი დეგნანი

06 აგვისტო 2020, 19:09

რეგიონი

სალომე ზურაბიშვილი კელი დეგნანთან ერთად სამცხე-ჯავახეთს ესტუმრა

„ვფიქრობ, ამ მხარეს განვითარების დიდი პოტენციალი აქვს. ეს განსაკუთრებული ადგილია. მართლაც ამაღელვებელია წმინდა ნინოს ისტორია, რომელმაც ქრისტიანობა საქართველოში სწორედ ამ ადგილიდან შემოიტანა. ამიტომ ვფიქრობ, ეს ასევე მნიშვნელოვანი იქნება რელიგიური სიწმინდეების მომლოცველთათვის, რომლებიც ისეთი წმინდანების ნაკვალევს მიჰყვებიან, როგორიც წმინდა ნინოა. საერთო ჯამში, ეს იყო ლამაზი დღე და ჩემი შანსი, მენახა საქართველოს შემოგარენი, ისეთი ადგილები, სადაც მე ჯერ არ ვყოფილვარ. სავარაუდოდ, როგორც კი შევძლებ, კიდევ დავბრუნდები. ასე რომ, ძალიან მადლიერი ვარ", - განაცხადა დეგნანმა.

ზურაბ აბაშიძე

06 აგვისტო 2020, 19:06

პოლიტიკა

ზურაბ აბაშიძე: საქართველოში ინტერვენციისთვის მოსკოვს პრაქტიკულად საფასური არ გადაუხდია

საქართველოში ინტერვენციისთვის მოსკოვს პრაქტიკულად საფასური არ გადაუხდია, მის წინააღმდეგ არც რაიმე სანქცია დაწესებულა. ზოგადად, სანქციების საკითხი „ნაციონალურ მოძრაობას“ მხოლოდ 2012 წლის, ანუ ოპოზიციაში გადასვლის შემდეგ მოაგონდა, - ამის შესახებ პრემიერ-მინისტრის სპეციალური წარმომადგენელი რუსეთთან ურთიერთობის საკითხებში, ზურაბ აბაშიძე საზოგადოებრივ მაუწყებელთან, ინტერვიუში საუბრობს.

დონალდ ტრამპი

06 აგვისტო 2020, 19:06

COVID19

დონალდ ტრამპი აცხადებს, რომ კორონავირუსის წინააღმდეგ ვაქცინა არჩევნებამდე შეიძლება მზად იყოს

აშშ-ის პრეზიდენტმა, დონალდ ტრამპმა განაცხადა, რომ კორონავირუსის წინააღმდეგ ვაქცინა არჩევნებამდე შეიძლება მზად იყოს. ინფორმაციას ამის შესახებ საინფორმაციო სააგენტო Reuters-ი ავრცელებს.

აფხაზეთი სტატისტიკა კორონავირუსი

06 აგვისტო 2020, 19:01

COVID19

ოკუპირებულ აფხაზეთში კორონავირუსის 5 ახალი შემთხვევა დაფიქსირდა

საერთო ჯამში, ოკუპირებულ აფხაზეთში COVID-19-ით ინფიცირებულთა რაოდენობა 114-ს შეადგენს. აქედან, 37 პაციენტი გამოჯანმრთელდა, სამი გარდაიცვალა.

06 აგვისტო 2020, 18:50

მსოფლიო

ბრაზილიაში უმუშევართა რაოდენობა 12.8 მილიონამდე გაიზარდა

ბრაზილიის სტატისტიკის სამსახურის მონაცემებით, ივნისი თვით დასრულებულ კვარტალში ქვეყანაში უმუშევრობა 13.3%-ით გაიზარდა. ამჟამად ბრაზილიაში 12.8 მილიონი უმუშევარი ადამიანია.

ნათია თურნავა

06 აგვისტო 2020, 18:41

ეკონომიკა

ნათია თურნავა: კოვიდის პერიოდში „აწარმოე საქართველოში“-ის გაფართოებული ინდუსტრიული კომპონენტით 22-მა საწარმომ ისარგებლა, რაც დამატებით 3 400-ზე მეტ ადამიანს დაასაქმებს

ანტიკრიზისული გეგმის ფარგლებში ბიზნესის დახმარება არის ერთ-ერთი მნიშვნელოვანი პრიორიტეტი, დამტკიცებულია ანტიკრიზისული ბიუჯეტი. სხვა მიმართულებებთან ერთად გაფართოვდა და განახლებული სახით ამოქმედდა პროექტი „აწარმოე საქართველოში,“ რომელიც კოვიდის პერიოდში უფრო მეტად მორგებული გახდა მცირე და საშუალო ბიზნესის დახმარების საჭიროებებზე - ამის შესახებ ნათია თურნავამ მთავრობის სხდომის დასრულების შემდეგ გამართულ ბრიფინგზე განაცხადა.

ზურაბ აბაშიძე

06 აგვისტო 2020, 18:34

პოლიტიკა

ზურაბ აბაშიძე: 2004-2012 წლებში რუსეთმა საქართველოში მიაღწია იმაზე გაცილებით მეტს, ვიდრე მანამდე იოცნებებდა

თუკი რეალური ფაქტებით ვიმსჯელებთ, 2004-2012 წლებში რუსეთმა საქართველოში მიაღწია იმაზე გაცილებით მეტს, ვიდრე მანამდე იოცნებებდა, - ამის შესახებ პრემიერის სპეციალური წარმომადგენელი რუსეთთან ურთიერთობის საკითხებში, ზურაბ აბაშიძემ საზოგადოებრივ მაუწყებელთან, ინტერვიუში განაცხადა. ზურაბ აბაშიძემ 2008 წლის რუსული ოკუპაციის შედეგებსა და დაძლევის შესაძლო გზებზე ისაუბრა.

გიორგი ხაინდრავა

06 აგვისტო 2020, 18:32

პოლიტიკა

გიორგი ხაინდრავა ანდრიუს კუბილიუსს მიმართავს - პოლიტიკოსი, რომელიც სერიოზულ დანაშაულს ჩადის, არ არის პოლიტპატიმარი, ის უბრალოდ დამნაშავეა

„ეს ტერმინი მათ უნდა ატარონ, ვინც ამას იმსახურებს. ეროვნული და ევროპული სასამართლოს მიერ ბრალდებული კრიმინალები არც ამ ტიტულს იმსახურებენ და არც ვინმეს მხარდაჭერას. ხსენებულის ნაცვლად, იმედი მაქვს, რომ საქართველოში თავისუფლებისა და დემოკრატიის მოყვარული ყველა ადამიანი ერთად იმუშავებს და ბრიუსელიდან პარტნიორები გააგრძელებენ საქართველოს დახმარებას ევროპული ინტეგრაციის გზაზე, რასაც ამგვარი დავები წინ ვერ აღუდგება“, - ნათქვამია გამოცემა New Europe-ის მიერ გამოქვეყნებულ წერილში.

დონალდ ტრამპი

06 აგვისტო 2020, 18:27

მსოფლიო

დონალდ ტრამპი ჯო ბაიდენთან დებატების დროზე ადრე ჩატარების ინიციატივით გამოდის

აშშ-ის პრეზიდენტი, დონალდ ტრამპი ჯო ბაიდენთან დებატების დროზე ადრე ჩატარების ინიციატივით გამოდის.

06 აგვისტო 2020, 18:21

საზოგადოება

ლევან დავითაშვილი: ახალი პროექტების განხორციელება მნიშვნელოვანია, თუმცა აუცილებელია, რომ მათი განხორციელებისას მინიმალური იყოს გარემოზე უარყოფითი ზემოქმედება

გარემოს დაცვისა და სოფლის მეურნეობის მინისტრი, ლევან დავითაშვილი და სამინისტროს შესაბამისი სამსახურების წარმომადგენლები კომპანიის „არემჯი“ წარმომადგენლებს შეხვდნენ, - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. მათივე ინფორმაციით, შეხვედრაზე კომპანიის გენერალურმა დირექტორმა, თორნიკე ლიპარტიამ მინისტრს და სამინისტროს წარმომადგენლებს ღია კარიერული წესით მეორადი კვარციტული მადნის საბადოს ,,ბნელიხევის პროექტის“ შესახებ დეტალური ინფორმაცია მიაწოდა.

ემანუელ მაკრონი

06 აგვისტო 2020, 18:17

მსოფლიო

ემანუელ მაკრონი ლიბანელებს: აქ ვარ და ჩემი ვალდებულებაა დაგეხმაროთ

საფრანგეთის პრეზიდენტი, ემანუელ მაკრონი ლიბანის დედაქალაქ ბეირუთს ვიზიტით ეწვია. ლიბანის პრეზიდენტთან, მიშელ აუნთან შეხვედრისას ემანუელ მაკრონმა აღნიშნა, რომ რეფორმები თუ არ განხორციელდება, ლიბანი კვლავ დაზარალდება.

ზურაბ ჯაფარიძე

06 აგვისტო 2020, 18:17

პოლიტიკა

ზურაბ ჯაფარიძე: ჩვენ გვჭირდება ფუნდამენტური ცვლილება ეკონომიკური წესრიგის, იმისთვის, რომ ქვეყანა ფეხზე დადგეს

​„ეს არის ნასესხები ფულის გადანაწილება მოქალაქეებზე და კამათი იმაზე, ასე ჯობია, თუ ისე ჯობია, მაგას შინაარსი არ აქვს, მაშინ მათხოვრები დავრჩებით და სულ ვიკამათებთ იმაზე, როგორ ჯობია ნამათხოვრალი ფულის განაწილება და ეს არაა გამოსავალი“.

06 აგვისტო 2020, 18:07

საზოგადოება

თბილისის მერის მოადგილე თბილისის მუნიციპალურ თავშესაფარს ესტუმრა და მიუსაფარ პირთა საცხოვრებელ პირობებს გაეცნო

თბილისის მერის მოადგილე, ანდრია ბასილაია თბილისის მუნიციპალურ თავშესაფარს ესტუმრა და მიუსაფარ პირთა საცხოვრებელ პირობებს გაეცნო, თავშესაფრის მობინადრეებს და ხელმძღვანელობას გაესაუბრა და მათი ხელნაკეთი ნივთების გამოფენა დაათვალიერა, - ამის შესაებ ინფორმაციას თბილისის მერია ავრცელებს. მათივე ინფორმაციით, მერის მოადგილე, გაერო-ს განვითარების პროგრამის (UNDP) დახმარების ფარგლებში, თბილისის მიუსაფართა თავშესაფრისთვის საყოფაცხოვრებო ინვენტარის გადაცემის პროცესს დაესწრო.

ზურაბ ჭიაბერაშვილი

06 აგვისტო 2020, 17:53

პოლიტიკა

ზურაბ ჭიაბერაშვილი: ეს დახმარებაც არაარსებითი და დაგვიანებულია

ეს დახმარებაც არაარსებითი და დაგვიანებულია. პრაქტიკულად, მთავრობა წავიდა არასწორი გზით. ვაცადოთ ხალხს, თუკი რამე დანაზოგი აქვს, ან სახლიდან რამის გამოტანა და გაყიდვა შეუძლია, ყველაფერი ამოწუროს და ჩვენ არაფერი მოვიკლოთ, - ამის შესახებ „ევროპული საქართველოს“ წევრმა, ზურაბ ჭიაბერაშვილმა „რუსთავი 2“-ის ეთერში განაცხადა. „განვლილი დღეების განმავლობაში ლაგოდეხის, ყვარლისა და ახმეტის სოფლებში შევხვდი ხალხს და ვერ დავინახე არსებითი ეფექტი, მთავრობის მიერ უკვე გაცემული დახმარებების. ქვეყანაში 850 ათასი თვითდასაქმებულია და აქედან მხოლოდ 160 ათასს შეხვდა 300-ლარიანი დახმარება, რომელიც ძალიან დაგვიანებულად, მაისში გამოაცხადა მთავრობამ. ეს დახმარებაც არაარსებითი და დაგვიანებულია. პრაქტიკულად, მთავრობა წავიდა არასწორი გზით. ვაცადოთ ხალხს, თუკი რამე დანაზოგი აქვს, ან სახლიდან რამის გამოტანა და გაყიდვა შეუძლია, ყველაფერი ამოწუროს და ჩვენ არაფერი მოვიკლოთ“, - განაცხადა ზურაბ ჭიაბერაშვილმა.