07 თებერვალი 2020, 14:33 / სანდო წყარო

აგრარულმა კომიტეტმა 2020 წლის სამოქმედო გეგმა დაამტკიცა

ოთარ დანელია

ოთარ დანელია

აგრარულ საკითხთა კომიტეტმა 2020 წლის სამოქმედო გეგმა დაამტკიცა. საქართველოს პარლამენტის პარესსამსახურის ინფორმაციით, კომიტეტის დღევანდელ სხდომას კომიტეტის თავმჯდომარე ოთარ დანელია უძღვებოდა.

„მიმდინარე წელს  კომიტეტი არაერთ მნიშვნელოვან ინიციატივას გეგმავს, რომლებზეც კომიტეტში უკვე დაწყებულია მუშაობა. ეს არის: კანონპროექტები ქარსაფარი ზოლების შესახებ, ფერმერული მეურნეობების შესახებ, ადმინისტრაციულ სამართალდარღვევათა კოდექსში ცვლილებების შესახებ და სხვა. განსაკუთრებით გამოვყოფ ადრეული და სასკოლო დაწესებულებების კვების პრობლემატურ საკითხებს და მიგვაჩნია, რომ ამ კუთხით მნიშვნელოვნად უნდა გამკაცრდეს პირობები როგორც საჯარიმო სანქციების, ასევე პასუხისმგებლობის კატეგორიების ნაწილში. ერთ-ერთი მნიშვნელოვანი ასევე იქნება აგროტურიზმის განვითარება და ამასთან დაკავშირებული საკანონმდებლო ინიციატივა“, - განაცხადა ოთარ დანელიამ კომიტეტის სამომავლო გეგმებზე საუბრისას.

მანამდე კი, კომიტეტის წევრებმა  მოისმინეს კომიტეტის საქმიანობის ანგარიში (2019 წლის საგაზაფხულო და საშემოდგომო სესიები), რომელიც ოთარ დანელიამ წარადგინა. მან კოლეგებს შარშან კომიტეტის მიერ გაწეული საქმიანობის შესახებ შესაბამისი ინფორმაცია მიაწოდა და განაცხადა, რომ შარშანდელი წელი კომიტეტისთვის საკმაოდ დატვირთული იყო: გასულ წელს კომიტეტმა 25 სხდომა ჩაატარა, რომლის ფარგლებშიც განხილულ იქნა 113 საკითხი. მათგან 99 იყო კანონშემოქმედებითი  და 14 - საზედამხედველო კუთხით.

ოთარ დანელიას განცხადებით, ინიცირებული კანონპროექტების ფარგლებში, ერთ-ერთი მნიშვნელოვანი იყო „სასოფლო-სამეურნეო დანიშნულების მიწის საკუთრების შესახებ“  ორგანული კანონი, რომელზეც კომიტეტმა იმუშავა და საბოლოოდ პარლამენტმა მიიღო.

„ეს არის კანონი, რომელმაც მიიღო ერთ-ერთი ყველაზე დიდი ლეგიტიმაცია მეცხრე მოწვევის პარლამენტის ფარგლებში. ასევე მნიშვნელოვანია, ხაზგასმით აღინიშნოს, რომ კანონს, მათ შორის, ოპოზიციის საკმაოდ დიდი ნაწილის მხარდაჭერაც ჰქონდა, რაც, რა თქმა უნდა, კიდევ უფრო მეტ ლეგიტიმაციას სძენს აღნიშნულ კანონს“, - განაცხადა ოთარ დანელიამ.

მისივე თქმით, მეორე მნიშვნელოვანი საკითხი, რომელიც შარშან კომიტეტის მიერ იყო ინიცირებული, არის „მიწის მიზნობრივი დანიშნულების  განსაზღვრის და სასოფლო-სამეურნეო დანიშნულების მიწის მდგრადი განვითარების შესახებ“ კანონი, ასევე „საჯარო რეესტრის შესახებ“ საქართველოს კანონში ცვლილების შეტანის შესახებ“, „საქართველოს სამოქალაქო კოდექსში ცვლილების შეტანის შესახებ“, „სახელმწიფო ქონების შესახებ“ საქართველოს კანონში ცვლილებების შეტანის შესახებ“ კანონები, ცვლილებები საბიუჯეტო და საგადასახადო კოდექსებში, სასოფლო-სამეურნეო კოოპერატივების, საინვესტიციო საქმიანობის ხელშეწყობისა და გარანტიების შესახებ კანონებში და სხვა. კომიტეტის მიერ თორმეტი კანონპროექტი იყო ინიცირებული. აგრარულ საკითხთა კომიტეტმა, წამყვანი კომიტეტის სტატუსში, ასევე განიხილა არაერთი სხვა კანონპროექტი, რომელთაგან ოთარ დანელიას განცხადებით, არ შეიძლება არ აღინიშნოს კანონპროექტი „წყალმომხმარებელთა ორგანიზაციების შესახებ“, რომელიც პარლამენტმა 2019 წლის მიწურულს მიიღო. როგორც ოთარ დანელიამ აღნიშნა, ეს კანონი მელიორაციის თვალსაზრისით მნიშვნელოვან სტიმულს მისცემს და წაახალისებს წყალ მომმარაგებელთა ასოციაციების შექმნას, რომლებიც თვითონ შეძლებენ მართონ ასოციაციის ფარგლებში ფერმერთა წყლის მიწოდება.

კომიტეტის თავჯდომარემ ასევე ისაუბრა მთავრობის და ცალკეული დეპუტატების მიერ საკანონმდებლო ინიციატივის წესით წარმოდგენილ კანონპროექტებზე, რომლებსაც კომიტეტმა მხარი დაუჭირა. კომიტეტის მიერ განხილული და მხარდაჭერილი იყო ასევე საერთაშორისო შეთანხმებები. საზედამხედველო საქმიანობის ფარგლებში კომიტეტმა არაერთგზის განიხილა ევროპასთან ღრმა და თავისუფალი სავაჭრო სივრცის შესახებ შეთანხმებით გათვალისწინებული ჰარმონიზაციის ვალდებულებები, გაიმართა მოსმენები  გარემოს დაცვისა და სოფლის მეურნეობის სამინისტროსა და მის სისტემაში არსებული უწყებების საქმიანობის  და პროექტების განხორციელების მიმდინარეობის  შესახებ და ა. შ.

ყველა სიახლე

ფაიგ გულიევი
დავით ზალკალიანი

23 სექტემბერი 2020, 18:02

პოლიტიკა

საქართველოში აზერბაიჯანის ელჩმა დავით ზალკალიანს რწმუნებათა სიგელის ასლი გადასცა

2020 წლის 23 სექტემბერს საქართველოში აზერბაიჯანის რესპუბლიკის ახლადდანიშნულმა საგანგებო და სრულუფლებიანმა ელჩმა, ფაიგ გულიევმა რწმუნებეთა სიგელის ასლი გადასცა საქართველოს საგარეო საქმეთა მინისტრს, დავით ზალკალიანს. საგარეო საქმეთა სამინისტროს ინფორმაციით, სიგელების გადაცემის ცერემონიის დასრულებისა შემდეგ მხარეებს შორის ხანმოკლე შეხვედრა გაიმართა, მინისტრმა აზერბაიჯანელ ელჩს საქართველოში დიპლომატიური მისიის დაწყება მიულოცა, მომავალ საქმიანობაში წარმატება უსურვა და იმედი გამოთქვა, რომ ორ ქვეყანას შორის არსებული მაღალი დონის სტრატეგიული და მეგობრული ურთიერთობები კიდევ უფრო გაღრმავდება მისი საქართველოში მოღვაწეობის პერიოდში.

ალექსანდრ ლუკაშენკო

23 სექტემბერი 2020, 18:00

მსოფლიო

გერმანიის შემდეგ ალექსანდრ ლუკაშენკო ბელარუსის პრეზიდენტად ევროპის კიდევ რამდენიმე სახელმწიფომ არ აღიარა

ლატვიის საგარეო საქმეთა მინისტრმა ედგარს რინკევიჩსმა განაცხადა, რომ ლუკაშენკოს საიდუმლო ინაუგურაცია მას ქვეყნის ლეგიტიმური პრეზიდენტად არ ხდის. ესტონეთის საგარეო უწყების ხელმძღვანელი ურმას რეინსალუ კი მიიჩნევს, რომ ლუკაშენკომ „მანდატი აშკარად დაკარგა“. ანალოგიური განცხადებები ჩეხეთისა და დანიის საგარეო საქმეთა მინისტრებმა გააკეთეს. მათ მიაჩნიათ, რომ საიდუმლო ინაუგურაციის ჩატარებით ლუკაშენკომ კიდევ ერთხელ დაამტკიცა საკუთარი არალეგიტიმურობა.

ალვარო მორატა

23 სექტემბერი 2020, 17:59

სპორტი

ალვარო მორატა „იუვენტუსის“ ფეხბურთელია

ალვარო მორატა მადრიდის „ატლეტიკოდან“, „იუვენტუსში“ გადავიდა, - ამის შესახებ ინფორმაციას BleacherReport-ი ავრცელებს. 27 წლის ესპანელმა ფორვარდმა ტურინის გუნდთან ერთწლიანი საიჯარო ხელშეკრულება გააფორმა, 2021 წლის ზაფხულში კი იტალიელებს მისი გამოსყიდვა 45 მილიონ ევროდ შეეძლებათ.

კახა კაჭარავა

23 სექტემბერი 2020, 17:55

სპორტი

კახა კაჭარავამ „სამტრედიის“ მთავარი მწვრთნელის თანამდებობა დატოვა

კახა კაჭარავამ „სამტრედიის“ მთავარი მწვრთნელის თანამდებობა დატოვა. მისი განცხადებით, ასეთი გადაწყვეტილება საქართველოს თასზე „თბილისი სიტისთან“ დამარცხების შემდეგ მიიღო და მისი მოთხოვნა კლუბის ხელმძღვანელობამ დააკმაყოფილა.

23 სექტემბერი 2020, 17:47

COVID19

კახეთში კორონავირუსი 3 თვის ჩვილს დაუფიქსირდა

imedinews-ის ინფორმაციით, კახეთში კორონავირუსის ერთი ახალი შემთხვევა დაფიქსირდა. დაინფიცირებული 3 თვის ჩვილია, რომელიც ლაგოდეხში აჭარიდან სტუმრად მშობლებთან ერთად რამდენიმე კვირის წინ ჩამოვიდა. ოჯახის ყველა წევრი გადაყვანილია თვითიზოლაციაში. მათი ნიმუშები გადაგზავნილია ლაბორატორიაში, რომლის პასუხები ცნობილი სავარაუდოდ, ხვალ გახდება.

ჰაიკო მაასი

23 სექტემბერი 2020, 17:44

COVID19

კოვიდინფიცირებულ პირთან კონტაქტის გამო, გერმანიის საგარეო საქმეთა მინისტრი კარანტინში გადავიდა

კოვიდინფიცირებულ პირთან კონტაქტის გამო, გერმანიის საგარეო საქმეთა მინისტრი, ჰაიკო მაასი კარანტინში გადავიდა.

ალექსანდრე ლუკაშენკო

23 სექტემბერი 2020, 17:28

მსოფლიო

გერმანიის მთავრობა: ალექსანდრე ლუკაშენკო ბელარუსის ლეგიტიმური პრეზიდენტი არ არის

გერმანიის მთავრობის ოფიციალურმა წარმომადგენელმა, შტეფან ზაიბერტმა განაცხადა, რომ დღევანდელი ინაუგურაცია ალექსანდრე ლუკაშენკოს ლეგიტიმაციას ვერ მოახდენს.

გიგა ბოკერია

23 სექტემბერი 2020, 17:26

პოლიტიკა

გიგა ბოკერია: ერთიან კანდიდატებზე შეთანხმება ჩაშალა სააკაშვილმა, თავისი ამბიციებისა და უკან, 2012 წლამდე პერიოდში ყურების გამო

„ევროპული საქართველოს“ ერთ-ერთი ლიდერის, ფოთის, ხობისა და სენაკის მაჟორიტარობის კანდიდატის, გიგა ბოკერიას განცხადებით, ერთიანი სიის შემოთავაზება იყო კვლავ ორპოლუსიანობის და წრეზე ტრიალის პოლიტიკა. მისივე თქმით, „ნაციონალური მოძრაობის“ მიერ გონივრული ნაბიჯი იქნებოდა რეგიონებში ერთიან კანდიდატებზე შეთანხმება, თუმცა სააკაშვილმა ეს მოლაპარაკება ჩაშალა და კვლავ ორპოლუსიანობა შესთავაზა საზოგადოებას.

ეუთ

23 სექტემბერი 2020, 17:25

პოლიტიკა

კახა ოქრიაშვილის მხარდამჭერთა რიგები კიდევ 30-მდე ადამიანმა დატოვა

უკვე მე-12 დღეა, საპროტესტო აქციები იმართება იმ მუნიციპალიტეტებში, სადაც ოქრიაშვილი ახლა არა „ქართული ოცნების“, არამედ კოალიცია „ძალა ერთობაშიას“ სახელით მაჟორიტარობისთვის იბრძვის. მის მხარდამჭერთა რიგებს კი ყოველდღიურ რეჟიმში ათობით ადამიანი ტოვებს.

23 სექტემბერი 2020, 17:14

საზოგადოება

პატიმრებმა N8 პენიტენციური დაწესებულების ეზოში მარწყვი და ყვავილოვანი კომბოსტო დარგეს

N8 პენიტენციური დაწესებულების ეზოში არსებულ სასოფლო-სამეურნეო მიწის ნაკვეთზე 100 ძირი განსაკუთრებული ჯიშის მარწყვი (რომელიც წელიწადში ოთხჯერ იძლევა ნაყოფს) და ყვავილოვანი კომბოსტო დაირგო, - ამის შესახებ ინფორმაციას სპეციალური პენიტენციური სამსახური ავრცელებს. მათივე ინფორმაციით, დაწესებულებას ნერგები, სპეციალური პენიტენციური სამსახურის მსჯავრდებულთა რესოციალიზაცია-რეაბილიტაციის დეპარტამენტისა და საქართველოს საპატრიარქოს თანამშრომლობის ფარგლებში, ბოდბის წმინდა ნინოს სახელობის მონასტრის წინამძღვარმა გაუგზავნა.

23 სექტემბერი 2020, 17:06

პოლიტიკა

ეუთოს უსაფრთხოების თანამშრომლობის ფორუმზე საქართველომ რუსეთის სამხედრო წვრთნები „კავკასია 2020“ დაგმო

საქართველოს დელეგაციამ ეს ფაქტი შეაფასა, როგორც რუსეთის მიერ საერთაშორისო სამართლის ნორმების, ჰელსინკის დასკვნითი აქტისა და ცეცხლის შეწყვეტის შესახებ ევროკავშირის შუამავლობით დადებული 2008 წლის 12 აგვისტოს შეთანხმების უხეში დარღვევა. ქართული მხარის განცხადებით, რუსეთის აგრესიული და პროვოკაციული ქმედებები საფრთხეს უქმნის უსაფრთხოებას და იწვევს დესტაბილიზაციას რეგიონში.

დიმიტრი ხუნდაძე

23 სექტემბერი 2020, 17:04

საზოგადოება

დიმიტრი ხუნდაძე: ამ ეტაპზე უმჯობესი იქნება სკოლებში დაწყებითი კლასის ბავშვები მივიყვანოთ

„დიდ კლასებში ამ ეტაპზე სწავლის დაწყებისგან ჯობს თავი შევიკავოთ, თუმცა შესაძლებელია იყოს ლოკალური გადაწყვეტილებით. მაგალითად, აჭარაში ახლაც სწავლის დაწყებისგან თავი უნდა შევიკავოთ, მაგრამ თბილისში, ან სხვა ქალაქში, სადაც დაინფიცირების ხარისხი მნიშვნელოვნად დაბალია, შესაძლებელია სწავლა დავიწყოთ. თუმცა, ეს გადაწყვეტილება მაინც საკოორდინაციო საბჭოს მივანდოთ“, - განაცხადა დიმიტრი ხუნდაძემ.

სვეტალანა ტიხანოვსკაია

23 სექტემბერი 2020, 16:57

მსოფლიო

ტიხანოვსკაია: ლუკაშენკოს ე.წ. ინაუგურაცია ფარსია - ბელარუსი ხალხის მიერ არჩეული ერთადერთი ლიდერი ვარ

ბელარუსის ოპოზიციის ლიდერმა, სვეტლანა ტიხანოვსკაიამ ალექსანდრე ლუკაშენკოს ინაუგურაციას ფარსი უწოდა.

23 სექტემბერი 2020, 16:51

საზოგადოება

სარეაბილიტაციო სამუშაოების გამო კეცხოველის ქუჩაზე მოძრაობა ნაწილობრივ შეიზღუდება

თბილისის მერია მიმდინარე სამუშაოებთან დაკავშირებით განცხადებას ავრცელებს. „გლდანის რაიონში, კეცხოველის ქუჩის სრული რეაბილიტაცია იწყება. სამუშაოების გამო, 24 სექტემბრიდან კეცხოველის ქუჩაზე - ჯაბიძის ქუჩიდან ვეკუას ქუჩამდე მონაკვეთში, საავტომობილო მოძრაობა ნაწილობრივ შეიზღუდება. თბილისის მერია ბოდიშს გიხდით შექმნილი დისკომფორტისთვის“, - ნათქვამია მერიის განცხადებაში.

ეიფელის კოშკი

23 სექტემბერი 2020, 16:46

მსოფლიო

გამნაღმველები ეიფელის კოშკზე ბომბს ეძებენ

პარიზში, ეიფელის კოშკიდან ვიზიტორთა ევაკუაცია განხორციელდა, მას შემდეგ რაც პოლიციაში უცნობმა პირმა დარეკა და კოშკზე ბომბის არსებობის შესახებ განაცხადა. ამის შესახებ ინფორმაციას BFMTV ავრცელებს.

23 სექტემბერი 2020, 16:42

რეგიონი

ფოთის აგრარული ბაზრის მოვაჭრეებმა აქცია გამართეს

ფოთის აგრარული ბაზრის მოვაჭრეებმა აქცია გამართეს და საავტომობილო გზა გადაკეტეს. მოვაჭრეები ბაზრის ტერიტორიაზე მდებარე, ლითონის კონსტრუქციის დემონტაჟის შესახებ მიღებულ გადაწყვეტილებას აპროტესტებენ. როგორც ისინი აცხადებენ, წლებია ამ ნაგებობაში ვაჭრობენ და ამ საქმით ოჯახებს არჩენენ, დღეს კი მათ მერიის გადაწყვეტილება გააცნეს, სადაც უკანონო ნაგებობის დემონტაჟის შესახებ იუწყებიან .

23 სექტემბერი 2020, 16:40

საზოგადოება

ანზორ ერქომაიშვილის სახელობის სასტიპენდიო კონკურსის გამარჯვებული გამოვლინდა

საქართველოს განათლების, მეცნიერების, კულტურისა და სპორტის სამინისტროს ინიციატივით დაარსებული ანზორ ერქომაიშვილის სახელობის სტიპენდიის მფლობელი თბილისის სახელმწიფო კონსერვატორიის დოქტორანტი, დირიჟორი და მუსიკოლოგი, შიო აბრახამია გახდა, - ამის შესახებ ინფორმაციას განათლების სამინისტრო ავრცელებს. მათივე ინფორმაციით, შიო აბრახამიას ანზორ ერქომაიშვილის სახელობის სტიპენდიატობა განათლების, მეცნიერების, კულტურისა და სპორტის მინისტრმა მიხეილ ჩხენკელმა მიულოცა.

ნინო ნიჟარაძე

23 სექტემბერი 2020, 16:36

COVID19

ნინო ნიჟარაძე: აჭარაში COVID-19-ის შემთხვევების მატება პირდაპირ კავშირშია მოსახლეობის ქცევასთან

ამ ეტაპზე გვაქვს უფრო დაძაბული ეპიდემიოლოგიური სიტუაცია, თუმცა აბსოლუტურად კონტროლს ექვემდებარება. დღეს გვქონდა შემთხვევების მატება, მაგრამ მინდა ვთქვა, რომ ეს მაინც სტაბილური დონეა. რაღაც პერიოდი, აჭარაში შესაძლოა COVID-19-ის შემთხვევები გაიზარდოს ან დარჩეს იმავე დონეზე, - ამის შესახებ აჭარის ჯანდაცვის მინისტრმა ნინო ნიჟარაძემ „რუსთავი2“-ის ეთერში განაცხადა.

ალექსანდრე გოგინავა

23 სექტემბერი 2020, 16:24

COVID19

ალექსანდრე გოგინავა: ორსულებში კორონავირუსი მსუბუქი ან საშუალო სიმძიმით მიმდინარეობს

„აუცილებელია მოსახლეობამ დაიცვას რეკომენდაციები და დაემორჩილონ იმ რეგულაციებს, რაც ამ ეტაპისთვის არსებობს. ამ შემთხვევაში შესაძლებელია, რომ ქვეყანაში სიტუაცია დასტაბილურდეს“, - განაცხადა ალექსანდრე გოგინავამ.

23 სექტემბერი 2020, 16:19

საზოგადოება

საქართველოს გენერალურ პროკურატურაში დისკრიმინაციის ნიშნით შეუწყნარებლობის მოტივით ჩადენილი დანაშაულის სტატისტიკის წარმოებისა და ერთიანი ანგარიშის გამოცემის შესახებ მემორანდუმი გაფორმდა

ევროპის საბჭოს მხარდაჭერით, საქართველოს გენერალურმა პროკურორმა ირაკლი შოთაძემ, უზენაესი სასამართლოს თავმჯდომარემ ნინო ქადაგიძემ, საქართველოს შინაგან საქმეთა მინისტრმა ვახტანგ გომელაურმა და სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ დისკრიმინაციის ნიშნით შეუწყნარებლობის მოტივით ჩადენილი დანაშაულის სტატისტიკის წარმოებისა და ერთიანი ანგარიშის გამოცემის შესახებ მემორანდუმს ხელი მოაწერეს, - ამის შესახებ ინფორმაციას საქართველოს გენერალური პროკურატურა ავრცელებს. უწყების ინფორმაციით, გენერალურ პროკურატურაში გამართულ შეხვედრას ასევე ესწრებოდა ევროპის საბჭოს საქართველოს ოფისის ხელმძღვანელი, ნატალია ვუტოვა.