imedi /  15 თებერვალი 2020, 12:19 / სანდო წყარო

დავით ზალკალიანი: უსაფრთხო შავი ზღვის რეგიონის გარეშე ევროპის უსაფრთხოება და სტაბილურობა წარმოუდგენელია

დავით ზალკალიანი

დავით ზალკალიანი

საქართველოს საგარეო საქმეთა მინისტრმა, დავით ზალკალიანმა, მიუნხენის უსაფრთხოების კონფერენციის ფარგლებში, ნატოს გენერალური მდივნის მოადგილესთან და კოლეგა მინისტრებთან ერთად შავი ზღვის რეგიონისადმი მიძღვნილ პანელში მიიღო მონაწილეობა.

„შავი ზღვის რეგიონი ყოველთვის იყო ინტენსიური სოციალურ-ეკონომიკური ურთიერთობების ადგილი და ის სულ უფრო გარდაიქმნება სხვადასხვა აქტორის მზარდი პოლიტიკური და ეკონომიკური ინტერაქციის მიზიდულობის ცენტრად. რეგიონის ქვეყნების და არა მარტო, ეკონომიკური ურთიერთდამოკიდებულების ზრდის ფონზე, უფრო მეტად არის ერთმანეთზე გადაჭდობილი ახალი შესაძლებლობები და გამოწვევები. სამწუხაროდ, გამყოფი ხაზების და გავლენათა ზონების შექმნის პოლიტიკური ინტერესი კი ნეგატიურად აისახება რეგიონის როგორც პოლიტიკურ და ეკონომიკურ მდგომარეობაზე, ისე ხალხთაშორისი ურთიერთობების საერთო სურათზე“, - განაცხადა პანელზე გამოსვლისას საქართველოს საგარეო საქმეთა მინისტრმა.

დავით ზალკალიანის თქმით, რუსეთის მხრიდან საქართველოს და უკრაინის წინააღმდეგ განხორციელებულმა აგრესიამ დრამატულად შეცვალა პოლიტიკური და უსაფრთხოების ბალანსი შავი ზღვის რეგიონში და გრძელვადიან პერსპექტივაში სერიოზული საფრთხე შეუქმნა ევროპის სტაბილურობასა და უსაფრთხოებას. შესაბამისად, მინისტრის განცხადებით, ნატოს ჩართულობა შავი ზღვის უსაფრთხოების გაძლიერების პროცესში უაღრესად მნიშვნელოვანია და საქართველო, როგორც რეგიონში მშვიდობითა და სტაბილურობით დაინტერესებული ქვეყანა, გააგრძელებს ალიანსთან მჭიდრო თანამშრომლობის გაღრმავებას ამ მიმართულებით.

„2016 წლის ვარშავის სამიტზე მიიღეს გადაწყვეტილება, რომ გაზრდილიყო ნატოს ყოფნა ალიანსის აღმოსავლეთ ნაწილში, კერძოდ, შავი ზღვის რეგიონში. ეს ნიშნავს იმას, რომ ნატოში ესმით - უსაფრთხო და სტაბილური შავი ზღვის რეგიონის გარეშე წარმოუდგენელია ევროპის უსაფრთხოება და სტაბილურობა“, - აღნიშნა დავით ზალკალიანმა.

მინისტრის თქმით, ალიანსთან შავი ზღვის უსაფრთხოების საკითხებზე თანამშრომლობა ერთ-ერთი მნიშვნელოვანი განზომილებაა, რომელშიც ნატოს ეგიდით მიმდინარე სხვა ოპერაციების მსგავსად, საქართველო როგორც უსაფრთხოების უზრუნველმყოფი მოქმედებს. მისივე განცხადებით, საქართველოს მონაწილეობა ავღანეთში „მტკიცე მხარდაჭერის მისიაში“ და შავი ზღვის უსაფრთხოებაში შეტანილი წვლილი აჩვენებს, რომ საქართველო ყველაზე სანდო და უნარიანი პარტნიორია.

დავით ზალკალიანის თქმით, საქართველო და უკრაინა ალიანსის მნიშვნელოვანი მოკავშირეები არიან და მნიშნელოვანია, რომ ნატოს პოლიტიკის ეფექტიანი განხორციელებისთვის ორივე ქვეყანა მაქსიმალურად იყოს ჩართული შავი ზღვის უსაფრთხოების განმტკიცების პროცესში. მინისტრის აზრით, ასევე მნიშვნელოვანია ალიანსს ჰქონდეს გრძელვადიანი სტრატეგია რეგიონის მიმართ, შავი ზღვის ჩათვლით; ძალიან მნიშვნელოვანია ასევე იმ გამოწვევის წინაშე მტკიცედ და ერთად დგომა, რასაც რუსეთის მხრიდან აგრესიული ქმედებები და საერთაშორისო სამართლის ფუნდამენტური პრინციპების უგულებელყოფა წარმოადგენს.

„გამოწვევებისა და ახალი შესაძლებლობის წინაშე ეფექტიანი ქმედებისთვის, შავი ზღვის რეგიონი საჭიროებს ყოვლისმომცველ მიდგომას და ნატოსა და ევროკავშირს შორის მჭიდრო თანამშრომლობას პოლიტიკური, სამხედრო და ეკონომიკური მიმართულებით. ასეთი სტრატეგიით გათვალისწინებული უნდა იყოს შავი ზღვის ქვეყნების მიღწევები ევროპული და ევროატლანტიკური ინტეგრაციის გზაზე და ასევე, უზრუნველყოფილი უნდა იყოს მეტი ჩართულობა კონფლიქტების გადაწყვეტის პროცესში, რეგიონალური პარტნიორობის შესაძლებლობების შენების და რეგიონალური და გლობალური პროექტების მხარდაჭერის პარალელურად“ - აღნიშნა დავით ზალკალიანმა.

საქართველოს საგარეო საქმეთა მინისტრი ვიზიტით გერმანიის ფედერაციულ რესპუბლიკაში იმყოფება, სადაც მონაწილეობს 14-15 თებერვალს მიმდინარე მიუნხენის საერთაშორისო უსაფრთხოების 56-ე კონფერენციაში.

ყველა სიახლე

23 სექტემბერი 2020, 10:47

რეგიონი

რუხის საავადმყოფოს სამედიცინო აპარატი გადასცეს

ამერიკის შეერთებული შტატების თავდაცვის დეპარტამენტის ევროპულმა სარდლობამ რუხის რესპუბლიკურ საავადმყოფოს 35 000 დოლარის ღირებულების მრავალფუნქციური ულტრასონოგრაფიის აპარატი გადასცა. „Philips Affinity 50“ ამერიკის შეერთებული შტატების სურსათისა და მედიკამენტების სააგენტოს მიერაა რეკომენდირებული.

კორონავირუსი საქართველო

23 სექტემბერი 2020, 10:45

COVID19

საქართველოში კორონავირუსით 24-ე პაციენტი გარდაიცვალა

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

კორონავირუსი

23 სექტემბერი 2020, 10:43

COVID19

საქართველოში კორონავირუსი კიდევ 227 ადამიანს დაუდასტურდა, 69 პაციენტი კი გამოჯანმრთელდა

საქართველოში კორონავირუსის 227 ახალი შემთხვევა გამოვლინდა, 69 პაციენტი კი გამოჯანმრთელდა. ამის შესახებ ინფორმაცია ვებგვერდ StopCov.ge-ზე გამოქვეყნდა.

23 სექტემბერი 2020, 10:32

COVID19

გერმანიაში კორონავირუსის 1,769 ახალი შემთხვევა დადასტურდა

ბოლო 24 საათის განმავლობაში გერმანიაში ახალი კორონავირუსის დიაგნოზი კიდევ 1,769 ადამიანს დაუდგინეს, 13 ინფიცირებული კი ვირუსს ემსხვერპლა. სულ ქვეყანაში კოვიდინფიცირების 275,927 შემთხვევა გამოვლინდა, 9,409 ადამიანი კი გარდაიცვალა. გერმანიაში ახალი კორონავირუსით ინფიცირების პირველი შემთხვევა 27 იანვარს გამოვლინდა.

მიხეილ ჩხენკელი

23 სექტემბერი 2020, 10:22

საზოგადოება

მიხეილ ჩხენკელი: „ევროპის კვლევისა და ინოვაციის დღეები“ ნამდვილად განსაზღვრავს კვლევისა და ინოვაციების მომავალს არა მხოლოდ ევროპაში, არამედ მის საზღვრებს გარეთაც

მინისტრმა სიტყვით გამოსვლისას საქართველოს მთავრობის გადაწყვეტილებაზეც ისაუბრა, რომელიც განათლებისა და მეცნიერების მთავარ პრიორიტეტად გამოცხადებასა და სფეროსთვის ყოველწლიურად მზარდი ბიუჯეტის უზრუნველყოფას გულისხმობს.

გიორგი გახარია

23 სექტემბერი 2020, 10:17

პოლიტიკა

გიორგი გახარიასა და აშშ-ის პრეზიდენტის მრჩეველს ეროვნული უსაფრთხოების საკითხებში, რობერტ ო ბრაიანს შორის სატელეფონო საუბარი შედგა

მხარეებმა სტრატეგიული პარტნიორობისა და თანამშრომლობის ძირითადი საკითხები, ასევე, საქართველოსა და რეგიონში არსებული უსაფრთხოების გამოწვევები განიხილეს. სატელეფონო საუბრისას საქართველოს მთავრობის მეთაური ახლო აღმოსავლეთში აშშ-ის თაოსნობით მიღწეულ სამშვიდობო შეთანხმებას მიესალმა. პრემიერ-მინისტრმა ასევე განაცხადა, რომ გეოსტრატეგიული ინტერესებისა და საერთო ღირებულებების გათვალისწინებით, საქართველო წარმოადგენს აშშ-ის საიმედო პარტნიორსა და მთავარ მოკავშირეს შავი ზღვის ფართო რეგიონში (wider Black Sea Region).

23 სექტემბერი 2020, 10:15

COVID19

თბილისის იუსტიციის სახლთან კორონავირუსზე უფასო ტესტირება საღამოს 20:00 საათამდეა შესაძლებელი

თბილისის იუსტიციის სახლთან კორონავირუსზე უფასო ტესტირების ჩასატარებლად სპეციალური სივრცეა მოწყობილი. ადგილზე ტესტირება ვირუსის ცირკულირების ინტენსივობის გაზომვის მიზნით ტარდება, რისთვისაც საშუალოდ 100-მდე ადამიანის გატესტვაა საჭირო.

ვეშაპები გამორიყული ავსტრალია ტასმანია

23 სექტემბერი 2020, 10:15

მსოფლიო

ტასმანიაში ნაპირზე ვეშაპების რეკორდული რაოდენობა გამოირიყა

ეს ტასმანიაში ნაპირზე გამორიყული ვეშაპების რეკორდულად მაღალი მაჩვენებელია. ცხოველები შტატის დასავლეთ სანაპიროზე აღმოაჩინეს. ორშაბათიდან მაშველები 250 ძუძუმწოვრის გადარჩენაზე მუშაობენ, თუმცა გუშინ კიდევ 200-ზე მეტი ვეშაპი იპოვეს, რომლებიც პირველი ჯგუფიდან ოდნავ მოშორებით არის გამორიყული. მათი უმეტესობა უკვე მოკვდა.

23 სექტემბერი 2020, 09:58

COVID19

მსოფლიოში COVID19-ით გარდაცვლილთა რაოდენობით აშშ პირველია

ბოლო 7 თვენახევარში COVID19-მა აშშ-ში 200 ათასზე მეტი ადამიანი იმსხვერპლა. სტატისტიკას ჯონ ჰოპკინსის ინსტიტუტი ავრცელებს. აშშ კოვიდინფექციით გარდაცვლითა რაოდენობით მსოფლიოში პირველ ადგილზეა. მეორე ბრაზილია, სადაც ვირუსმა 137 ათასი ადამიანი იმსხვერპლა.

23 სექტემბერი 2020, 09:40

მსოფლიო

თურქეთის მოქალაქე სარფის საბაჟოზე არადეკლარირებული ოქროს ნაკეთობების შემოტანისთვის დააკავეს

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, საქართველოს საბაჟო საზღვარზე განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ფაქტზე თურქეთის მოქალაქე დააკავეს.

23 სექტემბერი 2020, 09:26

COVID19

Bloomberg: შვედეთში კორონავირუსის შემთხვევების ზრდის გამო შესაძლოა კარანტინი დააწესონ

შვედეთში კორონავირუსის შემთხვევების ზრდის შემთხვევაში, შესაძლოა კარანტინი დააწესონ. ამის შესახებ Bloomberg წერს. ქვეყნის მთავარი ეპიდემიოლოგის ადრეს ტაგნელის ინფორმაციით, ბოლო კვირას კოვიდინფიცირებულთა რიცხვი ყველა ასაკობრივ ჯგუფში გაიზარდა. ყველაზე მეტი ინფიცირებული ქალაქ სტოკჰოლმში.

23 სექტემბერი 2020, 08:56

ეკონომიკა

ეროვნული ბანკი სავალუტო აუქციონზე $40 მილიონს გაყიდის

„საქართველოს ეროვნული ბანკი 23 სექტემბერს სავალუტო აუქციონზე 40 მილიონ აშშ დოლარს გაყიდის", - აცხადებს ცენტრალური ბანკი. 16 სექტემბერს ეროვნულმა ბანკმა ლარის კურსის მერყეობის შესაჩერებლად რიგით მეცამეტე სავალუტო ინტერვენცია განახორციელა და ბაზარზე $40 მილიონი დოლარი გაყიდა.

მიხეილ რამიშვილი

23 სექტემბერი 2020, 08:49

სამართალი

მიხეილ რამიშვილს დღეს მაგისტრატი მოსამართლის წინაშე მოწმის სახით დაკითხავენ

​თბილისის საქალაქო სასამართლოში დღეს განხორციელდება მიხეილ რამიშვილის მოწმის სახით დაკითხვა მაგისტრატი მოსამართლის წინაშე. ამის შესახებ საქართველოს პროკურატურამ გუშინ განცხადება გაავრცელა.

მაიკ პენსი

23 სექტემბერი 2020, 08:39

მსოფლიო

აშშ-ში ნიუ ჰემფშირის აეროპორტში მაიკ პენსის თვითმფრინავი ავარიულად დაეშვა

აშშ-ის ვიცე-პრეზიდენტ მაიკ პენსის თვითმფრინავი აშშ-ს ნიუ ჰემფშირის აეროპორტში ავარიულად დაეშვა. ამის შესახებ nypost წერს. გამოცემა თეთრ სახლზე დაყრდნობით წერს, რომ აფრენიდან მალევე თვითმფრინავს ფრინველი შეეჯახა, რის შემდეგაც უსაფრთხოების მიზნით, ეკიპაჟმა უკან დაბრუნების გადაწყვეტილება მიიღო.

23 სექტემბერი 2020, 08:26

სპორტი

ევროპის ჩემპიონატი ძიუდოში 19-21 ნოემბერს გაიმართება

ძიუდოში ევროპის ჩემპიონატის ჩატარების თარიღი კიდევ ერთხელ შეიცვალა. ჩემპიონატი 1-3 მაისის ნაცვლად თავდაპირველად 8-10 ნოემბერს უნდა გამართულიყო, თუმცა ევროპის ძიუდოს კავშირმა ჯანდაცვის ორგანიზაციებთან კონსულტაციების გავლის შემდეგ, კონტინენტის პირველობის თარიღი კიდევ გადაწია.

23 სექტემბერი 2020, 08:16

პოლიტიკა

პარლამენტი დღეს ზოგადი განათლების შესახებ კანონში შესატან ცვლილებებს განიხილავს

საკანონმდებლო ორგანოში დღეს ზოგადი განათლების შესახებ კანონში შესატან ცვლილებებს განიხილავენ. კანონპროექტის მიხედვით, ყველა ზოგადსაგანმანათლებლო დაწესებულებაში იმოქმედებს თანამედროვე სტანდარტების სამედიცინო პუნქტი, რომელშიც დასაქმებული იქნება კვალიფიციური სამედიცინო პერსონალი.

23 სექტემბერი 2020, 08:07

პოლიტიკა

ჯანდაცვის კომიტეტი დღეს „შრომის კოდექსში“ შესატან ცვლილებებზე იმსჯელებს

შრომის კოდექსში შესატან ცვლილებებს პარლამენტის ჯანდაცვის კომიტეტი დღეს, მესამე მოსმენით განიხილავს. კანონპროექტი გულისხმობს ისეთი საკითხების მოწესრიგებას, როგორიცაა, მაგალითად, დისკრიმინაციისა კრძალვა; ზეპირი და ვადიანი შრომითი ხელშეკრულება, ასევე ღამით მუშაობა; ორსულობის და მშობიარობის გამო შვებულება, ბავშვის მოვლის გამო შვებულება, რომელიც ასევე მოიცავს მამების ანაზღაურებადი შვებულების უფლებას.

ყველაზე ვიწრო სახლი

23 სექტემბერი 2020, 00:58

ტაბლოიდი

ლონდონის ყველაზე ვიწრო სახლი აუქციონზე გაიყიდება

ლონდონის ყველაზე ვიწრო სახლი აუქციონზე გაიყიდება. უძრავი ქონების სააგენტო Winkworth-მა აუქციონზე გაიტანა სახლი, რომელსაც ლონდონის ყველაზე ვიწრო სახლს უწოდებენ.

23 სექტემბერი 2020, 00:41

COVID19

თებერვლის შემდეგ, ირანში კოვიდინფიცირების ყველაზე მაღალი დღიური მაჩვენებელი აღრიცხეს

დღე-ღამის განმავლობაში ირანში კორონავირუსის დიაგნოზი 3 712 ადამიანს დაუსვეს. ეს ყველაზე მაღალი დღიური მაჩვენებელია, თებერვლის შემდეგ. საერთო ჯამში, დადასტურებული შემთხვევების საერთო რიცხვმა ქვეყანაში 429,193-ს მიაღწია.

ბავშვი ტელეფონით

23 სექტემბერი 2020, 00:40

მსოფლიო

6 წლის ამერიკელმა სასწრაფო გამოიძახა და ყაჩაღების მიერ დაჭრილი მამა გადაარჩინა

6 წლის ამერიკელმა, ინდიანის შტატის ქალაქ ბლუმფილდის მკვიდრმა, სასწრაფო დახმარება გამოიძახა, მას შემდეგ რაც შეიარაღებულმა ყაჩაღებმა დედამისი მოკლეს და მამა დაჭრეს. ამის შესახებ გამოცემა Daily Mail-ი წერს.