2-დან 16 მარტამდე არდადეგები თბილისის ბაგა-ბაღებშიც გამოცხადდა
ფოტო: Shutterstock.com
2-დან 16 მარტამდე არდადეგები თბილისის ბაგა-ბაღებშიც გამოცხადდა. ინფორმაცია ამის შესახებ imedinews-ს ბაგა-ბაღების მართვის სააგენტოში დაუდასტურეს.
შესაბამისი გადაწყვეტილება დღეს თბილისის მერიაში გამართულ შეხვედრაზე მიიღეს. სკოლების მსგავსად, ბაგა-ბაღებში პროფილაქტიკის მიზნით დამატებითი სადეზინფექციო სამუშაოები ჩატარდება.
სამუშაო შეხვედრაზე ხაზი გაესვა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ რეკომენდებული საპროფილაქტიკო სამუშაოების განხორციელების მნიშვნელობას და აღინიშნა, რომ პროფილაქტიკის მიზნით, საბავშვო ბაღებში და საზოგადოებრივ ტრანსპორტში ყოველდღიურად ტარდება დამატებითი სადეზინფექციო სამუშაოები.
მერის მოადგილის, სოფიო ხუნწარიას განმარტებით, თბილისის მერიის ყველა შესაბამისი სამსახური სრულად არის მობილიზებული და გათვალისწინებულია სპეციალისტთა რეკომენდაციები.
„ჩვენ გვაქვს მჭიდრო კომუნიკაცია და ვართ სრულ კოორდინაციაში, როგორც ჯანდაცვის სამინისტროსთან, ასევე, ყველა სხვა უწყებასთან. მიღებული გვაქვს რეკომენდაციები და ინსტრუქციები, რომელთა ფარგლებშიც, ტარდება სხვადასხვა სახის საპროფილაქტიკო ღონისძიება ბაგა-ბაღებში, საზოგადოებრივ ტრანსპორტში, სახელოვნებო სკოლებში, სერვის ცენტრებში. ასევე, დღეს მივიღეთ გადაწყვეტილება, გამოცხადდეს არდადეგები ბაღებში და სახელოვნებო სკოლებში 2 მარტიდან 16 მარტის ჩათვლით. მინდა, დავამშვიდო ჩვენი მოქალაქეები, რომ კორონავირუსის საპროფილაქტიკოდ თბილისის მერია ყველა შესაბამის ღონისძიებას მიმართავს”, - განაცხადა სოფიო ხუნწარიამ.
პრემიერ-მინისტრ გიორგი გახარიას დავალებით, შექმნილია უწყებათაშორისი საკოორდინაციო საბჭო და თბილისის მერია კოორდინირებულ რეჟიმში მუშაობს ჯანდაცვის სამინისტროსთან და შესაბამის უწყებებთან.
მსოფლიო მასშტაბით, ვირუსი უკვე 54 ქვეყანაშია გავრცელებული, სადაც გარდაცვლილთა რაოდენობამ 70-ს მიაღწია. 83 650 ინფიცირებულიდან გამოჯანმრთელებული კი 36 533-ია.
საქართველოში კორონავირუსის პირველი შემთხვევა 2020 წლის 26 თებერვალს დადასტურდა. ჯანდაცვის მინისტრის, ეკატერინე ტიკარაძის თქმით, დაავადებული საქართველოს მოქალაქეა, რომელიც 26 თებერვალს აზერბაიჯანის გავლით ირანიდან შემოვიდა. საუბარია 50 წლის კაცზე. პაციენტი ინფექციურ საავადმყოფოშია გადაყვანილი და მის სიცოცხლეს საფრთხე არ ემუქრება.
კორონავირუსის მეორე შემთხვევა საქართველოში 2020 წლის 28 თებერვალს, მესამე კი 29 თებერვალს დადასტურდა. 26 თებერვალს ჯანმომ განაცხადა, რომ კორონავირუსის პანდემიად გამოცხადების საფუძველი ჯერ არ არსებობს.
30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. ჩინეთში საქართველოს საელჩოში კი ცხელი ხაზი მოქმედებს.
მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.
ყველა სიახლე
26 ოქტომბერი 2020, 16:58
COVID19
ბოლო 24 საათში უკრაინაში კორონავირუსით 5400-ზე მეტი ადამიანი დაინფიცირდა
ბოლო 24 საათის განმავლობაში უკრაინაში კორონავირუსი კიდევ 5 426 ადამიანს დაუდასტურდა, 73 კი გარდაიცვალა. ჯამში ქვეყანაში კორონავირუსი 348 934 ადამიანს დაუდგინდა. ინფორმაციას ქვეყნის ჯანდაცვის სამინისტრო ავრცელებს. ქვეყანაში ვირუსს სულ 6464 პაციენტი ემსხვერპლა, 142 537 ინფიცირებული კი გამოჯანმრთელდა.
26 ოქტომბერი 2020, 16:51
COVID19
ეპიდსიტუაციის გამო, შეზღუდვები გერმანიის კიდევ ერთ რაიონში დაწესდება
გერმანიაში, ბავარიის ადმინისტრაციული ერთეული გახდა კიდევ ერთი მიწა, სადაც, ახალი კორონავირუსის გამო, შეზღუდვები განახლდა. ახალი რეგულაციები ხვალინად, 27 ოქტომბრიდან ამოქმედდება. უფრო ზუსტად; ადგილობრივები ვერ შეძლებენ სახლებიდან გამოსვლას, თუ ამისთვის დასაბუთებული მიზეზი არ ექნებათ. ამასთან, სკოლები და საბავშვო ბაღები ორი კვირით დაიხურება.
26 ოქტომბერი 2020, 16:48
მსოფლიო
პატრულირებისას მეგაფონიდან ტრამპის მხარდაჭერის მოწოდების გაკეთების გამო, ნიუ-იორკში პოლიციელს უფლებამოსილება შეუჩერეს
ნიუ-იორკის პოლიციის დეპარტამენტმა საპატრულო პოლიციის ოფიცერს უფლებამოსილება შეუჩერა იმის გამო, რომ ქუჩების პატრულირებისას მეგაფონიდან დონალდ ტრამპის მხარდამჭერ მოწოდებებს აკეთებდა. ინფორმაციას ამის შესახებ ამერიკული მედია ავრცელებს.
26 ოქტომბერი 2020, 16:46
COVID19
ბოლო 24 საათში სომხეთში კორონავირუსით 900-ზე მეტი ადამიანი დაინფიცირდა
სომხეთში კორონავირუსის 973 ახალი შემთხვევა გამოვლინდა, გარდაიცვალა 18 ადამიანი. ამის შესახებ ადგილობრივი მედია წერს. სომხეთში დადასტურებულ შემთხვევათა საერთო ჯამი 78 810-ს შეადგენს, სულ გარდაცვლილია 1 535 პაციენტი.
26 ოქტომბერი 2020, 16:45
პოლიტიკა
კახა კალაძე: ყველა ინფიცირებულ ადამიანს ექნება შესაძლებლობა, არჩევნებში მონაწილეობა მიიღოს
ყველა ინფიცირებულ ადამიანს ექნება შესაძლებლობა, მონაწილეობა მიიღოს არჩევნებში, - ამის შესახებ პარტია „ქართული ოცნების“ გენერალურმა მდივანმა კახა კალაძემ ჟურნალისტებს განუცხადა, რომელმაც კომენტარი ცესკოს განცხადებაზე გააკეთა.
26 ოქტომბერი 2020, 16:40
COVID19
თამარ გაბუნია: მაქსიმალურად ვცდილობთ, რომ პიკი რაც შეიძლება ნაკლებად ციცაბო და რაც შეიძლება გვიან დადგეს
ჩვენთვის ასე გამოდის, რომ ახლა გვაქვს მეორე ტალღა, ამას ჯერ პიკს ვერ დავარქმევთ, - ამის შესახებ ჯანდაცვის მინისტრის მოადგილემ, თამარ გაბუნიამ „postvs“- ის ეთერში განაცხადა.
26 ოქტომბერი 2020, 16:38
თავდაცვა
ბექა მჭედლიშვილი: გრძელდება თავდაცვის სამინისტროს, მისი დღევანდელი მენეჯმენტის და ჯარის მიმართ აბსოლუტურად დაუსაბუთებელი, ცილისწამებების და დეზინფორმაციების გავრცელება
„თან სულ ერთი და იგივე ადამიანები არიან ამ დეზინფორმაციების გამავრცელებლები, ვითომ არ ვიცით, ვინ არიან, ვინ კარნახობთ და რა მიზნით. ე.წ ჟურნალისტი, ელისო კილაძე, მორიგ დეზინფორმაციას ავრცელებს, თითქოს თავდაცვის სამინისტრო გეგმავს „დელტას“ და საავიაციო ქარხნის გაყიდვას“, - აცხადებს მჭედლიშვილი.
26 ოქტომბერი 2020, 16:34
ეკონომიკა
1-ლი აგვისტოდან 25 ოქტომბრამდე 7 684 ტონა თხილის ექსპორტი განხორციელდა
2020 წლის 1-ლი აგვისტოდან 25 ოქტომბრამდე 7 684 ტონა თხილის ექსპორტი განხორციელდა, რომლის ღირებულებამ 41,6 მილიონი აშშ დოლარი შეადგინა, - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
26 ოქტომბერი 2020, 16:19
სპორტი
ევროპის სპორტის კვირეულის ფარგლებში, მზიურის კორტებზე საჩოგბურთო ტურნირი გაიმართა
განათლების, მეცნიერების, კულტურისა და სპორტის სამინისტროს ორგანიზებით, ევროპის სპორტის კვირეულის ფარგლებში, მზიურის კორტებზე საჩოგბურთო ტურნირი გაიმართა. შეჯიბრი შერეულ წყვილთა თანრიგში ჩატარდა, - ამის შესახებ ინფორმაციას განათლების, მეცნიერების, კულტურისა და სპორტის სამინისტრო ავრცელებს. მათივე ინფორმაციით, თითოეული გუნდი დაკომპლექტებული იყო პროფესიონალი და მოყვარული ჩოგბურთელებით.
26 ოქტომბერი 2020, 16:19
ეკონომიკა
2019 წელთან შედარებით, ვაშლის ექსპორტი თითქმის 8-ჯერ გაიზარდა
1-ლი აგვისტოდან 25 ოქტომბრამდე პერიოდში, 3 005 ტონა ვაშლის ექსპორტი განხორციელდა, რომლის ღირებულებამ 1.3 მლნ აშშ დოლარი შეადგინა. აღნიშნულ პერიოდში, განხორციელებული ვაშლის ექსპორტის მოცულობა თითქმის 8-ჯერ აღემატება 2019 წლის ანალოგიურ პერიოდში განხორციელებული ექსპორტის მოცულობის მაჩვენებელს.
26 ოქტომბერი 2020, 16:08
რეგიონი
მცხეთაში თანამედროვე სტანდარტების არქეოლოგიური მუზეუმი აშენდა
მცხეთაში თანამედროვე სტანდარტების არქეოლოგიური მუზეუმი აშენდა. სამუზეუმო სივრცეში განთავსდება ის 23 ათასამდე არქეოლოგიური არტეფაქტი, რომლებიც ამ დრომდე მცხეთის გამგეობის შენობის საცავებში ინახება, - ამის შესახებ ინფორმაციას მთავრობის ადმინისტრაცია ავრცელებს. მათივე ინფორმაციით, პროექტის ფარგლებში, არსებული შენობის სივრცეში ინტეგრირებული არქეოლოგიური ძეგლის - „მცხეთის კარიბჭის“ საკონსერვაციო სამუშაოებიც ჩატარდა, მუზეუმის მიმდებარე საზოგადოებრივი სივრცე კეთილმოეწყო და აღიჭურვა გარე განათებით და სხვა ინფრასტრუქტურული ელემენტებით.
26 ოქტომბერი 2020, 16:06
მსოფლიო
პაკისტანმა Facebook-ს ისლამოფობური კონტენტის დაბლოკვის თხოვნით მიმართა
ერილში ხანი აღნიშნავს, რომ „მზარდი ისლამოფობია“ სიძულვილს, ექსტრიმიზმსა და ძალადობას აქეზებს, განსაკუთრებით სოციალური მედიის მეშვეობით. Twitter-ზე გამოქვეყნებულ გზავნილში პრემიერი აცხადებს, რომ Facebook-მა ისეთივე შეზღუდვები უნდა დააწესოს ანტი-ისლამურ კომენტარებზე როგორიც ცოტა ხნის წინ დაწესდა იმ კონტენტთან მიმართ, რომელიც ჰოლოკოსტს უარყოფს.
26 ოქტომბერი 2020, 16:00
COVID19
საფრანგეთის სამეცნიერო საბჭო: ქვეყანაში კოვიდსიტუაცია კრიტიკულია და შეზღუდვების გამკაცრება შეიძლება საჭირო გახდეს
საფრანგეთის სამეცნიერო საბჭოს პრეზიდენტის, ჟან-ფრანსუა დელფრესის განცხადებით, ქვეყანაში კოვიდსიტუაცია კრიტიკულია და კორონავირუსის მეორე ტალღასთან გასამკლავებლად შეზღუდვების გამკაცრება გახდება საჭირო.
26 ოქტომბერი 2020, 15:57
პოლიტიკა
რატი იონათამიშვილი: ცესკომ აქტიურად და ნაყოფიერად იმუშავა, ამ პროცესში ჩართული იყვნენ სპეციალისტები
ცესკომ აქტიურად და ნაყოფიერად იმუშავა, ამ პროცესში ჩართული იყვნენ სპეციალისტები, - ამის შესახებ საპარლამენტო უმრავლესობის ერთ-ერთმა ლიდერმა რატი იონათამიშვილმა ჟურნალისტებს განუცხადა. „ცესკომ აქტიურად და ნაყოფიერად იმუშავა, ამ პროცესში ჩართული იყვნენ სპეციალისტები და მოხდა ამ მიმართულებით საუკეთესო საერთაშორისო პრაქტიკის გათვალისწინება. ვფიქრობ, რეგულაციები მნიშვნელოვანია და როგორც საკარანტინო სივრცეებში მყოფი ადამიანების მონაწილეობა იქნება უზრუნველყოფილი, ასევე საარჩევნო უბნები უსაფრთხო ადგილი იქნება.
26 ოქტომბერი 2020, 15:50
პოლიტიკა
გიორგი ვოლსკი: ლევან გოგიჩაიშვილმა წითელ ხაზს გადააბიჯა, როცა საქმიანი კამათის დროს შეურაცხმყოფელ გამონათქვამებს მიმართა
ემოციები ჭარბობს, იყო აზრთა სხვადასხვაობა - ლევან გოგიჩაიშვილი ამბობს, რომ არჩევნები არ უნდა ჩატარდეს და ათეულ ათასობით ადამიანი კორონას გამო დარჩება საარჩევნო ყუთს მოწყვეტილი, ისე რომ ვერ მისცემს ხმას, - ამის შესახებ პარლამენტის პირველმა ვიცე-სპიკერმა, გიორგი ვოლსკიმ ჟურნალისტებთან, ბიუროს სხდომაზე მომხდარი დაპირისპირების შედეგ განაცხადა.
26 ოქტომბერი 2020, 15:39
სამართალი
იუსტიციის საბჭოს ყოფილი წევრი, რევაზ ნადარაია უზენაესი სასამართლოს მოსამართლეობის კანდიდატების შესარჩევ კონკურსში მიიღებს მონაწილეობას
„„გადავწყვიტე, მონაწილეობა მივიღო საქართველოს იუსტიციის უმაღლესი საბჭოს მიერ გამოცხადებულ საქართველოს უზენაესი სასამართლოს მოსამართლეობის კანდიდატების შესარჩევ კონკურსში. აღსანიშნავია, რომ უზენაესი სასამართლოს მოსამართლეობის მსურველად მონაწილეობა კანონისმიერად იწვევს ჩემი, როგორც იუსტიციის უმაღლესი საბჭოს წევრის, ავტომატურ ჩამოშორებას ამ კონკურსის ყველა ეტაპიდან“.
26 ოქტომბერი 2020, 15:38
პოლიტიკა
გიორგი ვოლსკი: რა ინტერესი უნდა ჰქონდეს მმართველ პარტიას, გააყალბოს არჩევნები
ცესკომ მიიღო აბსოლუტურად სწორი გადაწყვეტილება, რომ დაფიქსირდნენ ადამიანები, რომელთაც საარჩევნო უბნებთან მისვლა არ შეუძლიათ, - ამის შესახებ პარლამენტის თავმჯდომარის პირველმა მოადგილემ, გიორგი ვოლსკიმ ჟურნალისტებს განუცხადა, რომელმაც კომენტარი ცესკოს გადაწყვეტილებაზე გააკეთა.
26 ოქტომბერი 2020, 15:34
კულტურა
მიხეილ ჩხენკელი: ვანის მუზეუმი მსოფლიო მნიშვნელობის მუზეუმია, რომელიც მიმზიდველი იქნება როგორც ტურისტებისთვის, ასევე სამეცნიერო-კვლევითი და საგანმანათლებლო მიმართულებით
საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა, საქართველოს რეგიონული განვითარებისა და ინფრასტრუქტურის მინისტრ მაია ცქიტიშვილთან ერთად, ვანის ახლადრეაბილიტირებული არქეოლოგიური მუზეუმის შენობა და მუზეუმში გამოფენილი ექსპოზიცია დაათვალიერა. „საქართველოს რეგიონული განვითარებისა და ინფრასტრუქტურის სამინისტროს მხარდაჭერით განხორცელდა ვანის მუზეუმის სრული რეაბილიტაცია. მინდა, საზოგადოებას მივულოცო ვანის მუზეუმის გახსნა. ეს არის ჭეშმარიტად მსოფლიო მნიშვნელობის მუზეუმი, რომელიც ძალიან საინტერესოა როგორც ტურისტებისთვის, ასევე სამეცნიერო-კვლევითი და საგანმანათლებლო მიმართულებით“, - განაცხადა მიხეილ ჩხენკელმა.
26 ოქტომბერი 2020, 15:30
საზოგადოება
თბილისში დაუნის სინდრომის ცენტრი გაიხსნა
თბილისის მერის მოადგილე, ანდრია ბასილაია დაუნის სინდრომის ასოციაციის ცენტრის გახსნას დაესწრო. ასოციაციას, საკუთარი საქმიანობის განხორციელების მიზნით, თბილისის მუნიციპალიტეტის მერიამ ჩიქოვანის ქუჩაზე 96 კვადრატული მეტრი სარემონტო ფართი გადასცა, რომლის გარემონტებაც ორგანიზაციამ ორწლიანი უზუფრუქტის ხელშეკრულების საფუძველზე საკუთარ თავზე აიღო, - ამის შესახებ ინფორმაციას თბილისის მერია ავრცელებს.
26 ოქტომბერი 2020, 15:29
პოლიტიკა
დავით ზალკალიანი ქართულ დიასპორაზე: ისინი ჩვენი ელჩები არიან, მე მათ ჩვენს დიპლომატებად აღვიქვამ
„ქართული ოცნება“ უზრუნველყოფს ქართული დიასპორის გაძლიერებას. ჩვენ უკვე გვაქვს დიასპორული ურთიერთობის სახელმწიფო სტრატეგია, აქტიურად ვმუშაობთ ჩვენს დიასპორულ ორგანიზაციებთან, იმისთვის, რომ გაიხსნას ახალი კულტურული კერები, რომ გავხსნათ საკვირაო სკოლები, რათა ისინი მუდმივად იყვნენ ჩართულნი ქვეყნის აღმშენებლობის პროცესში, - ამის შესახებ საგარეო საქმეთა მინისტრმა, დავით ზალკალიანმა გორში, „ქართული ოცნება-დემოკრატიული საქართველოს“ მორიგ თემატურ პრეზენტაციაზე განაცხადა.