imedi /  01 მაისი 2020, 11:43 / სანდო წყარო

ოპოზიციის ნაწილი უკრაინის პრეზიდენტს, უმაღლეს რადას და უკრაინის მოქალაქეებს მიმართავს

მიხეილ სააკაშვილი

მიხეილ სააკაშვილი

საქართველოს ოპოზიციური პარტიების და საზოგადოებრივი ორგანიზაციების ნაწილი უკრაინის პრეზიდენტს, უმაღლეს რადას და უკრაინის მოქალაქეებს, მიხეილ სააკაშვილის ვიცე პრემიერის თანამდებობაზე დანიშვნის საკითხთან დაკავშირებით, საქართველოს ხელისუფლების მხრიდან გაკეთებული კომენტარების თაობაზე მიმართავენ.

ერთობლივ განცხადებაშია ნათქვამია, რომ ეს განცხადებები და ქმედებები არის სტრატეგიული პარტნიორის მიმართ უკიდურესად არამეგობრული ნაბიჯი და უკრაინის შიდასახელმწიფოებრივ საკითხებში უაპელაციო ჩარევის მცდელობა, რაც ჩრდილს აყენებს ჩვენი ხალხების მტკიცე მეგობრობას.

ამავე განცხადებით, საქართველოს მთავრობის მიერ გამოხატული პოზიცია, მოტივირებულია მხოლოდ მათი ვიწრო პოლიტიკური და არა სახელმწიფოებრივი ინტერესებით და არ ასახავს ქართველი ხალხის უდიდესი ნაწილის დამოკიდებულებას უკრაინის მიმართ.

„საქართველოს ოპოზიციური პარტიების და საზოგადოებრივი ორგანიზაციების მიმართვა უკრაინის პრეზიდენტს, უმაღლეს რადას და უკრაინის მოქალაქეებს საქართველოს დამოუკიდებლობის აღდგენისა და ახალი ქართული სახელმწიფოს დაფუძნების ისტორია, უკრაინის სახელმწიფოს მიერ აღიარებითა და მხარდაჭერით იწყება.

მრავალი წელია, რაც საქართველო და უკრაინა არიან სტრატეგიული პარტნიორები და ერთად იბრძვიან თავისუფლებისთვის, საერთო გამოწვევების წინააღმდეგ. საქართველოს და უკრაინას აქვთ ერთიანი საგარეო პოლიტიკური კურსი ევროატლანტიკურ ოჯახში ინტეგრაციის თვალსაზრისით. ქართველ ხალხს ახსოვს უკრაინელი ხალხის თანადგომა საქართველოს დამოუკიდებლობისთვის ბრძოლაში, ჩვენ გვახსოვს უკრაინელი ხალხის მხარდაჭერა აფხაზეთში 1992-93 წლებში; დაუვიწყარია თანადგომა 2008 წელს - რუსული აგრესიის დროს და უკრაინის პრეზიდენტის ვიზიტი თბილისში სხვა ევროპელ ლიდერებთან ერთად.

ჩვენ ყოველთვის მივიჩნევდით უკრაინელების ბრძოლას თავისუფლებისთვის, ჩვენი საერთო ბრძოლის ნაწილად და უკრაინელმა ხალხმაც ნახა ქართველი ხალხის თანადგომა უკრაინის თავისუფლებისა და ტერიტორიული მთლიანობის დასაცავად. აქედან გამომდინარე, ვთვლით, რომ საქართველოს ხელისუფლების ბოლო უპასუხისმგებლო განცხადებები და ქმედებები არის სტრატეგიული პარტნიორის მიმართ უკიდურესად არამეგობრული ნაბიჯი და უკრაინის შიდასახელმწიფოებრივ საკითხებში უაპელაციო ჩარევის მცდელობა, რაც ჩრდილს აყენებს ჩვენი ხალხების მტკიცე მეგობრობას.

ხაზგასმით ვამბობთ, რომ საქართველოს მთავრობის მიერ გამოხატული პოზიცია მოტივირებულია მხოლოდ მათი ვიწრო პოლიტიკური და არა სახელმწიფოებრივი ინტერესებით და არ ასახავს ქართველი ხალხის უდიდესი ნაწილის დამოკიდებულებას უკრაინის მიმართ.

მიხეილ სააკაშვილის წინააღმდეგ წარმოებული სისხლის სამართლის დევნა პოლიტიკურად მოტივირებულია, რაც დადასტურებულია ინტერპოლის გადაწყვეტილებით, სხვა საერთაშორისო ორგანიზაციების ანგარიშებით და დემოკრატიული სახელმწიფოების ლიდერების განცხადებებით.

პრეზიდენტ მიხეილ სააკაშვილის მმართველობის პერიოდში საქართველოში განხორციელდა უმნიშვნელოვანესი რეფორმები, მრავალი მიმართულებით, რაც აღიარებულია მსოფლიო დემოკრატიული საზოგადოების მიერ.

მიგვაჩნია, რომ ანალოგიური რეფორმები ხელს შეუწყობს უკრაინის განვითარების დაჩქარებას, რეგიონის წინსვლას და დემოკრატიულ პროგრესს, რაც ჩვენი სახელმწიფოების და ხალხების საერთო მიზანია. დასასრულს, გამოვთქვამთ რწმენას, რომ პრეზიდენტ ზელენსკის გადაწყვეტილებით უკრაინაში რეფორმების განხორციელების მიზნით, მიხეილ სააკაშვილის მნიშვნელოვან თანამდებობაზე წარდგენა მხოლოდ დააახლოებს ორ მეგობარ სახელმწიფოს და ახალ იმპულსს შესძენს ჩვენი ხალხების საერთო მცდელობას, თავისუფლებისა და შემდგომი განვითარების გზაზე.

პატივისცემით, ერთიანი ნაციონალური მოძრაობა - გრიგოლ ვაშაძე; დამოუკიდებელი დეპუტატი - ნატო ჩხეიძე; ახალი საქართველო- გიორგი ვაშაძე; ეროვნულ-დემოკრატიული პარტია - ბაჩუკი ქარდავა; „მოძრაობა სახელმწიფო ხალხისთვის“ - ნიკა მაჭუტაძე; „გამარჯვებული საქართველო“ - გურამ ჩალაგაშვილი; „კანონი და სამართალი“ - თაკო ჩარკვიანი; „ქრისტიან-კონსერვატიული პარტია“ - შოთა მალაშხია; „ემსახურე საქართველოს“ - მურმან დუმბაძე; „ევროპელი დემოკრატები“ - პაატა დავითაია; „საზოგადოებრივი მოძრაობა საქართველო ლიდერთა შორის“ - მამუკა გამყრელიძე; „ახალი საქართველოსთვის“ - ნიკოლოზ ვაშაკიძე; „საქართველოს პარლამენტართა ასოციაცია“ - მანანა ჯებაშვილი; „სამოქალაქო ალიანსი თავისუფლებისთვის“ - ზურაბ ხარატიშვილი; გუბაზ სანიკიძე - საქართველოს პარლამენტის თავმჯდომარის ყოფილი მიადგილე, ისტორიკოსი“, - ნათქვამია განცხადებაში, რომელსაც „ნაციონალური მოძრაობა“ ავრცელებს.

ყველა სიახლე

ბრაზილია კორონავირუსი

31 მაისი 2020, 18:38

COVID19

ბრაზილიამ კორონავირუსისგან გარდაცვლილთა რაოდენობით საფრანგეთსაც გადაუსწრო

გასული დღე-ღამის განმავლობაში ბრაზილიაში კორონავირუსისგან 956 ადამიანი გარდაიცვალა, ჯამში ქვეყანაში ვირუსს 28 834 პაციენტი ემსხვერპლა.

თორნიკე რიჟვაძე

31 მაისი 2020, 18:28

ეკონომიკა

თორნიკე რიჟვაძე: შუახევიჰესის და მსგავსი პროექტების განხორციელებით შევძლებთ, გავამყაროთ ჩვენი ქვეყნის ეკონომიკა და ენერგოდამოუკიდებლობა

თორნიკე რიჟვაძემ, საქართველოს ეკონომიკისა და მდგრადი განვითარების მინისტრთან, ნათია თურნავასთან ერთად, ენერგოპროექტი შუახევიჰესი დაათვალიერა. მთავრობის თავმჯდომარის თქმით, შუახევიჰესს დიდი მნიშვნელობა აქვს რეგიონისთვის და მსგავსი პროექტების განხორციელებით შესაძლებელი გახდება, ქვეყნის ენერგოდამოუკიდებლობა და ეკონომიკის გაძლიერება.

საერთაშორისო კოსმოსური სადგური

31 მაისი 2020, 18:20

ტექნოლოგიები

Space X-ის ხომალდი საერთაშორისო კოსმოსურ სადგურს მიუერთდა

Space X-ის ხომალდი Crew Dragon, რომლის ბორტზეც ამერიკელი ასტრონავტები დაგ ჰარლი და ბობ ბენკენი იმყოფებიან სადგურს თბილისის დროით 17 საათსა და 30 წუთზე მიუერდა.

ესპანეთი კორონავირუსი

31 მაისი 2020, 18:06

COVID19

ესპანეთის პრემიერ-მინისტრმა პარლამენტს საგანგებო მდგომარეობის გაგრძელების თხოვნით მიმართა

პრემიერმა აღნიშნა, რომ ამის შემდეგ საგანგებო მდგომარეობა აღარ გაგრძელდება, თუმცა შეზღუდვები პანდემიის საბოლოოდ დასამარცხებლად არის საჭირო. პარლამენტი სანჩესის თხოვნას ოთხშაბათს განიხილავს.

ნიუ-იორკი დემოსნტრაცია ჯორჯ ფლოიდი

31 მაისი 2020, 17:49

მსოფლიო

ნიუ-იორკში საპროტესტო აქციის 340 მონაწილეზე მეტი დააკავეს

დემონსტრაციის მსვლელობისას 33 სამართალდამცველი დაშავდა, რამდენიმე მათგანი სერიოზულად. ოფიციალური ინფორმაციით, დემონსტრანებმა პოლიციის 48 მანქანა გაანადგურეს.

რომის პაპი ფრანცისკე

31 მაისი 2020, 17:31

COVID19

რომის პაპის თქმით, პანდემიის დროს ადამიანების გადარჩენა ეკონომიკაზე მნიშვნელოვანია

„ადამიანების გადარჩენაა მნიშვნელოვანი და არა ფულის შენახვა და ეკონომიკის დახმარება, ადამიანების გადარჩენა, რაც ეკონომიკაზე უფრო მნიშვნელოვანია. ჩვენ, ადამიანები წმინდა სულის ტაძრები ვართ, ეკონომიკა კი არა“, - განაცხადა პონტიფექსმა.

ისანი

31 მაისი 2020, 17:25

სამართალი

ისანში კაცი დაჭრეს

უჯარმის ქუჩაზე მომხდართან დაკავშირებით გამოძიება სსკ-ის 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს. შსს-ს ცნობით, მიმდინარეობს საგამოძიებო მოქმედებები.

ნათია თურნავა

31 მაისი 2020, 17:23

ეკონომიკა

ნათია თურნავა: ჩვენი ტურიზმის ინდუსტრია არა თუ გადარჩება, არამედ იმაზე უფრო ძლიერი იქნება, ვიდრე აქამდე იყო

განსაკუთრებით მნიშვნელოვანია, რომ კომპლექსის „ბამბუ ბიჩ ციხისძირი“ მშენებლობა იწყება სწორედ იმ დროს, როდესაც გლობალური ტურისტული ინდუსტრია დიდი გამოწვევის წინაშე დგას და ტურიზმი ძალიან არის დაზარალებული გლობალური პანდემიის გამო, - ამის შესახებ ეკონომიკისა და მდგრადი განვითარების მინისტრმა, ნათია თურნავამ ციხისძირში, დეველოპერული კომპანიის „რედკოს“ ახალი პროექტის პრეზენტაციისას განაცხადა. ინფორმაციას ეკონომიკისა და მდგრადი განვითარების სამინისტრო ავრცელებს.

31 მაისი 2020, 17:05

ეკონომიკა

ნათია თურნავა: საქართველოს ენერგეტიკის განვითარება ეკონომიკური დამოუკიდებლობის განმტკიცების ერთადერთი გზაა

ასეთი მაღალი სტანდარტისა და სუფთა ტექნოლოგიებით აშენებული ჰიდროელექტროსადგურები, რომლებიც კიდევ შემოგვემატება უახლოეს წლებში, ჩვენი ენერგეტიკული დამოუკიდებლობის საწინდარია. აქედან გამომდინარე, ჩვენ მივესალმებით ასეთ პროექტებს და ყოველთვის დავუჭერთ მხარს,“ - განაცხადა ეკონომიკისა და მდგრადი განვითარების მინისტრმა ნათია თურნავამ შუახევი ჰესის კასკადის მონახულების შემდეგ.

31 მაისი 2020, 16:47

COVID19

კახეთში კორონავირუსის პირველი შემთხვევა დადასტურდა

დედოფლისწყაროში სატვირთო მძღოლს კორონავირუსი დაუდგინდა. ინფორმაციას ადასტურებენ მუნიციალუტეტის საზოგადოებრივი ჯანდაცვის ცენტრში. pcr ტექსტი უკვე ჩაუტარეს, რომელმაც ვირუსზე დადებითი შედეგი აჩვენა.

31 მაისი 2020, 16:44

რეგიონი

ხელვაჩაურში, საცხოვრებელ სახლთან ახლოს შველი იპოვეს

ხელვაჩაურში, სოფელ ყოროლისთავში მოქალაქემ საცხოვრებელ სახლთან ახლოს შველი იპოვა, - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. უწყების ინფორმაციით, შესული შეტყობინების საფუძველზე, აჭარისა და გურიის რეგიონული სამმართველოს თანამშრომლები, მითითებულ ადგილზე დაუყოვნებლივ გავიდნენ და შველი ბათუმის ზოოპარკში გადაიყვანეს.

მოჰამად ბაღერ ღალიბაფი

31 მაისი 2020, 16:44

მსოფლიო

ირანის პარლამენტის სპიკერი: ყასემ სულეიმანის მკვლელობისთვის აშშ-ზე შური უნდა ვიძიოთ

ვაშინგტონის მიმართ თეირანის სტრატეგია მდგომარეობს იმაში, რომ გენერალ ყასემ სულეიმანის მკვლელობისთვის შური უნდა ვიძიოთ, - ამის შესახებ ირანის პარლამენტის ახალმა სპიკერმა, მოჰამად ბაღერ ღალიბაფმა განაცხადა. მისივე თქმით, მე-11 მოწვევის პარლამენტი ამერიკულ მხარესთან მოლაპარაკებებს და კომპრომისებზე წასვლას უსარგებლოდ მიიჩნევს.

სალომე ზურაბიშვილი

31 მაისი 2020, 16:42

საზოგადოება

პრეზიდენტი: პოლიცია იცავს საზოგადოებრივ უსაფრთხოებას, სტაბილურობას და ჩვენს სიმშვიდეს, რაც ამ პანდემიის პერიოდში კიდევ ერთხელ დამტკიცდა

„პოლიცია ის ინსტიტუტია, რომელიც იცავს საზოგადოებრივ უსაფრთხოებას, სტაბილურობას და ჩვენს სიმშვიდეს, რაც ამ პანდემიის პერიოდში კიდევ ერთხელ დამტკიცდა. თითოეულ პოლიციელს გილოცავთ პროფესიულ დღეს და მადლობას გიხდით იმ პროფესიონალიზმისთვის, რომელსაც დღევანდელ რთულ გამოწვევებთან ბრძოლაში იჩენთ. გისურვებთ გამარჯვებებს ქვეყნის საკეთილდღეოდ და წარმატებებს საქართველოს სამსახურში!“,- ნათქვამია ზურაბიშვილის მილოცვაში.

კორონავირუსი ირანი

31 მაისი 2020, 16:29

COVID19

ირანში კორონავირუსის შემთხვევების რიცხვმა 150 ათასს გადააჭარბა

გასული დღე-ღამის განმავლობაში ქვეყანაში COVID-19-ს 63 ადამიანი ემსხვერპლა და გარდაცვლილთა საერთო რიცხვი 7 797-მდე გაიზარდა.

ბურკინა-ფასო თავდასხმა

31 მაისი 2020, 16:21

მსოფლიო

ბურკინა-ფასოში საქონლის ბაზარზე თავდასხმას სულ მცირე 20 ადამიანი ემსხვერპლა

რამდენიმე შეიარაღებული კაცი ბაზრის ტერიტორიაზე მოტოციკლებით შევიდა და იქ მყოფებს ცეცხლი გაუხსნეს. მომხდარზე პასუხისმგებლობა ქვეყანაში მოქმედ არც ერთ შეიარაღებულ დაჯგუფებას არ აუღია.

კამტიმი

31 მაისი 2020, 16:09

COVID19

ინდონეზიაში კორონავირუსისგან 100 წლის ქალი განიკურნა

კამტიმი, რომელსაც ბევრი ინდონეზიელის მსგავსად მხოლოდ სახელი აქვს, საავადმყოფოდან ამ კვირაში მკურნალობის 1-თვიანი კურსის შემდეგ გაწერეს. 1920 წელს დაბადებული ქალი ქვეყნის უხუცესი მოქალაქეა, ვინც კორონავირუსისგან გამოჯანმრთელება შეძლო.

თორნიკე რიჟვაძე

31 მაისი 2020, 15:59

საზოგადოება

აზერბაიჯანის შს მინისტრი: დღეს ქართული პოლიცია ემსახურება ხალხისა და სახელმწიფოს ინტერესებს

აზერბაიჯანის რესპუბლიკის შინაგან საქმეთა მინისტრი ვილაიატ ეივაზოვი საქართველოს შინაგან საქმეთა მინისტრს, ვახტანგ გომელაურს პოლიციელის დღეს ულოცავს, - ამის შესახებ ინფორმაციას საქართველოს შინაგან საქმეთა სამინისტრო ავრცელებს.

საფრანგეთი ექიმები

31 მაისი 2020, 15:57

COVID19

ფრანგი მეცნიერების მტკიცებით, კორონავირუსმა ქვეყანაში ჯერ კიდევ ნოემბერში შეაღწია

ფრანგი მეცნიერების მტკიცებით, კორონავირუსმა ქვეყანაში ჯერ კიდევ ნოემბერში შეაღწია. NBC News-ის ცნობით, ამის შესახებ პროფესორ მიშელ შმიტისა და მისი ხელმძღვანელობით მოქმედი მეცნიერების მიერ ჩატარებული კვლევის შედეგები მეტყველებს. ექიმები, რომლებიც საფრანგეთში ნულოვანი პაციენტის ძიებას განაგრძობენ, შეისწავლეს შარშანდელი ავადმყოფების გულმკერდის რენტგენის სურათები და აღმოაჩინეს, რომ სულ მცირე 2 პაციენტს, სიმპტომების მიხედვით, კორონავირუსი ჰქონდა.

ლენი კრავიცი

31 მაისი 2020, 15:37

კულტურა

თბილისში ლენი კრავიცის კონცერტის ახალი თარიღი ცნობილია

თბილისში ლენი კრავიცის კონცერტის ახალი თარიღი ცნობილია, ლეგენდარული მუსიკოსის კონცერტი მიხეილ მესხის სახელობის სტადიონზე 2021 წლის 29 მაისს ჩატარდება. ინფორმაციას ამის შესახებ ღონისძიების ორგანიზატორები ავრცელებენ.

ნინოობა

31 მაისი 2020, 15:35

საზოგადოება

ნინოობის დღესასწაულთან დაკავშირებით წირვა-ლოცვას ილია მეორე სიონის საკათედრო ტაძარში აღავლენს

ნინოობის დღესასწაულთან დაკავშირებით წირვა-ლოცვას სრულიად საქართველოს კათოლიკოს-პატრიარქი, ილია II სიონის საკათედრო ტაძარში აღავლენს. ამის შესახებ საპატრიარქო ტახტის მოსაყდრემ მეუფე შიო მუჯირმა სამების ტაძარში ქადაგების შემდეგ განაცხადა. წმიდა ნინოს ხსენების დღეს საქართველოს მართლმადიდებელი ეკლესია წელიწადში ორჯერ აღნიშნავს: პირველ ივნისს მისი საქართველოში შემოსვლა აღინიშნება, ხოლო 27 იანვარს - გარდაცვალება.