imedi /  03 ივნისი 2020, 14:56 / სანდო წყარო

გარემოს დაცვისა და ბუნებრივი რესურსების კომიტეტმა „აკვაკულტურის შესახებ“ კანონპროექტს მესამე მოსმენით დაუჭირა მხარი

გარემოს დაცვისა და ბუნებრივი რესურსების კომიტეტმა დღევანდელ სხდომაზე, რომელსაც ამავე კომიტეტის თავმჯდომარე ნინო წილოსანი უძღვებოდა, კანონპროექტი „აკვაკულტურის შესახებ“ თანმდევ კანონპროექტებთან ერთად მესამე - საბოლოო მოსმენით განიხილა და პარლამენტის პლენარულ სხდომაზე მათ წარდგენას მხარი ერთხმად დაუჭირა.

საკანონმდებლო პაკეტი, რომლის ინიციატორები არიან პარლამენტის წევრები: ნინო წილოსანი, კახაბერ კუჭავა, სულხან მახათაძე, ოთარ დანელია, ენძელა მაჭავარიანი, გიორგი გაჩეჩილაძე, კობა ლურსმანაშვილი, ზაზა ხუციშვილი და პაატა გოგოხია, სხდომაზე ნინო წილოსანმა გამოიტანა და კიდევ ერთხელ ხაზგასმით აღნიშნა ქვეყნისათვის მისი მიღების მნიშვნელობა. ნინო წილოსანის განცხადებით, ეს კანონპროექტი ძალიან საინტერესო და მნიშვნელოვანი მიმართულების განვითარებას შეუწყობს ხელს, როგორიც აკვაკულტურის პროდუქციის წარმოებაა. მისივე თქმით, კანონპროექტი მეორე მოსმენის შემდეგ მხოლოდ რედაქციულად გასწორდა, ხოლო კანონის ამოქმედების ვადამ გადაიწია 2021 წლის 1-ელ მარტამდე, ვინაიდან პანდემიის გამო განსაზღვრულ ვადებში ვერ მოხერხდა კანონის მიღება.

კომიტეტის წევრებმა სხდომაზე კიდევ რამდენიმე საკანონმდებლო ინიციატივაზე იმსჯელეს.

საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს ორგანული კანონის პროექტი: „საქართველოს ორგანულ კანონში „ადგილობრივი თვითმმართველობის კოდექსი“ ცვლილების შეტანის შესახებ“ და მისგან გამომდინარე კანონის პროექტები I მოსმენით წარადგინა რეგიონული განვითარებისა და ინფრასტრუქტურის მინისტრის მოადგილემ, მზია გიორგობიანმა და კანონმდებლებს საკანონმდებლო პაკეტის მიღების აუცილებლობაზე მიაწოდა ინფორმაცია.

მინისტრის მოადგილის განცხადებით, წარმოდგენილი კანონპროექტის მომზადების მიზანია, ადგილობრივი თვითმმართველობის კოდექსში შინაარსობრივი და ტერმინოლოგიური ხასიათის ცვლილების განხორციელება და კოდექსის სრულყოფა. მან მნიშვნელოვან საკითხზეც გაამახვილა ყურადღება, რომელიც მუნიციპალიტეტებისათვის უფლებამოსილების დამატებას ეხება, ანუ ეს არის მუნიციპალიტეტებისათვის მუნიციპალური ტრანსპორტის ყოლის შესაძლებლობა, ვინაიდან დღეის მდგომარეობით მუნიციპალური ტრანსპორტის ქონის უფლება მხოლოდ თვითმმართველ ქალაქებს აქვს. მისივე თქმით, სახელმწიფო მხარდაჭერას აღმოუჩენს იმ მუნიციპალიტეტებს, რომელთაც ექნებათ სურვილი ჰყავდეთ მუნიციპალური ტრანსპორტი.

როგორც სხდომაზე აღინიშნა, კომიტეტს საკანონმდებლო პაკეტთან დაკავშირებით, გარემოს კუთხით გარკვეული შენიშვნები აქვს. თავის მხრივ, როგორც მომხსენებელმა განაცხადა, სამინისტრო წარმოდგენილ შენიშვნებს იზიარებს.

ადგილობრივი თვითმმართველობის კოდექსში შეტანილი ცვლილებებიდან გამომდინარე რამდენიმე ათეულ კანონში მოხდა ცვლილებების შეტანა, ძირითადად, ტერმინოლოგიის ცვლილების კუთხით, ერთიანი ტერმინოლოგიის დამკვიდრების მიზნით. ცვლილებების განხორცილების აუცილებლობა დადგა პარლამენტის რეგლამენტშიც. შესაბამისად, სწორედ ამ საკითხს ეხმიანება ზაზა გაბუნიას, მერაბ ქვარაიას, გოგა გულორდავას, გიორგი კოპაძის, კობა ლურსმანაშვილის, გოჩა ენუქიძის, ერეკლე ტრიპოლსკის, პაატა მხეიძისა და არჩილ ხაბაძის მიერ საკანონმდებლო ინიციატივის წესით წარმოდგენილი საკანონმდებლო პაკეტი: საქართველოს პარლამენტის რეგლამენტის პროექტი „საქართველოს პარლამენტის რეგლამენტში ცვლილების შეტანის შესახებ“ და კანონპროექტები:„ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში ცვლილების შეტანის თაობაზე“, „სათამაშო ბიზნესის მოსაკრებლის შესახებ“ საქართველოს კანონში ცვლილების შეტანის თაობაზე“, „სამხედრო სავალდებულო სამსახურის გადავადების მოსაკრებლის შესახებ“ საქართველოს კანონში ცვლილების შეტანის თაობაზე“, „სისხლისა და მისი კომპონენტების დონორობის შესახებ“ საქართველოს კანონში ცვლილების შეტანის თაობაზე“ , რომელიც კოლეგებს I მოსმენით პარლამენტის წევრმა, კობა ლურსმანაშვილმა წარუდგინა. მისი თქმით, ამგვარად, რეგლამენტის პროექტის მიღების შედეგად, კანონმდებლობაში არსებული ტერმინები შესაბამისობაში მოვა საქართველოს ორგანულ კანონთან „ადგილობრივი თვითმმართველობის კოდექსი“.

გარემოს დაცვისა და სოფლის მეურნეობის მინისტრის მოადგილემ ნინო თანდილაშვილმა კომიტეტის სხდომაზე სამი საკითხი წარადგინა. კერძოდ, კანონპროექტები: „იმერეთის მღვიმეების დაცული ტერიტორიების შექმნისა და მართვის შესახებ“ საქართველოს კანონში ცვლილების შეტანის თაობაზე" (II მოსმენა); „ბორჯომ-ხარაგაულის დაცული ტერიტორიების შექმნისა და მართვის შესახებ“ საქართველოს კანონში ცვლილების შეტანის თაობაზე" (I მოსმენა); „ერუშეთის ეროვნული პარკის შექმნისა და მართვის შესახებ“ (I მოსმენა). სამივე კანონპროექტი მთავრობის საკანონმდებლო ინიციატივას წარმოადგენს.

მინისტრის მოადგილის განცხადებით, „ერუშეთის ეროვნული პარკის შექმნისა და მართვის შესახებ“ კანონპროექტის მიღებით, ახალციხის და ასპინძის მუნიციპალიტეტების ტერიტორიებზე, ახალი დაცული ტერიტორიის - ერუშეთის ეროვნული პარკის დაარსება და მის მართვასთან დაკავშირებული ძირითადი სამართლებრივი საკითხების მოწესრიგება იგეგმება.

როგორც ნინო თანდილაშვილმა აღნიშნა, ერუშეთის ეროვნული პარკის დაარსებით უზრუნველყოფილი იქნება აღნიშნულ ტერიტორიაზე არსებული მდიდარი ბიომრავალფეროვნების დაცვა, ხოლო დაცული ტერიტორიის შექმნა მნიშვნელოვნად შეუწყობს ხელს რეგიონში ტურიზმის განვითარებას და ტრანსასაზღვრო თანამშრომლობის გაღრმავებას თურქეთის რესპუბლიკასთან. კანონპროექტის მიმართ კომიტეტმა გარკვეული შენიშვნები დააფიქსირა, რომლებიც მომხსენებლის თქმით, ფაქტობრივად, გაზიარებულია.

რაც შეეხება კანონპროექტს „ბორჯომ-ხარაგაულის დაცული ტერიტორიების შექმნისა და მართვის შესახებ“ საქართველოს კანონში ცვლილების შეტანის თაობაზე", იგი განსაზღვრავს ბორჯომ- ხარაგაულის ეროვნული პარკის ახალი ფართობს და საზღვრებს (კოორდინატებს).

კანონპროექტის მიღების შედეგად ბორჯომ-ხარაგაულის ეროვნული პარკის ფართობი გაიზრდება 4179,6 ჰა-თი და ადიგენის მუნიციპალიეტეტში მდებარე ტერიტორიის ნაწილს მიენიჭება ეროვნული პარკის სტატუსი. გაფართოებული ტერიტორია შევა ბორჯომ-ხარაგაულის ეროვნული პარკის შემადგელობაში და მასზე გავრცელდება ეროვნული პარკის მართვასთან დაკავშირებული რეგულაციები. ნინო თანდილაშვილის ინფორმაციით, კანონპროექტის ძირითადი მიზანია დიდი ზომის ძუძუმწოვრების და უპირველესად, „საქართველოს წითელი ნუსხით“ დაცული ორი სახეობის - კავკასიური კეთილშობილი ირმის (Cervus elaphus maral) და კავკასიური არჩვისთვის (Rupicapra rupicapra caucasica) დასავლეთ მცირე კავკასიონზე ეკოლოგიური დერეფნების შექმნა.

„იმერეთის მღვიმეების დაცული ტერიტორიების შექმნისა და მართვის შესახებ“ საქართველოს კანონში ცვლილების შეტანის თაობაზე" კანონპროექტრით კი, რომელიც კომიტეტმა მეორე მოსმენით, მუხლობრივად განიხილა, მოქმედ კანონში აისახება პრომეთეს მღვიმის ბუნების ძეგლის დემარკაციის შედეგები (ახალი ფართობი და კოორდინატები). კანონპროექტის მიმართ კომიტეტის წევრებს შენიშვნები არ ჰქონდათ.

პარლამენტის წევრების სულხან მახათაძის და გოგა გულორდავას საკანონმდებლო ინიციატივა - კანონპროექტი „ნარჩენების მართვის კოდექსში ცვლილების შეტანის შესახებ“ კომიტეტს I მოსმენით გოგა გულორდავამ წარუდგინა და ზოგადი პრინციპების შესახებ ინფორმაცია მიაწოდა.

მომხსენებლის განმარტებით, კანონპროექტის მიღება ნარჩენების მართვის კოდექსის პრაქტიკული გამოყენების პროცესში გამოვლენილი ხარვეზების აღმოფხვრის, ცალკეული რეგულირებების დახვეწის აუცილებლობით, ასევე, კოდექსის მთელი რიგი ნორმების სრულყოფილი და ეფექტური აღსრულების უზრუნველყოფის მიზნით არის განპირობებული.

მისივე თქმით, პრაქტიკაში ხშირია შემთხვევა, როდესაც ფიზიკური/იურიდიული პირები, მიუხედავად ნარჩენების კოდექსში კონკრეტული სამართალდარღვევებისთვის გათვალისწინებული ჯარიმებისა, მაინც ანაგვიანებენ გარემოს სხვადასხვა ტიპის ნარჩენით. აღმოჩნდა, რომ კანონით დაწესებული ჯარიმები მათთვის არ არის სამართალდარღვევების ჩადენისაგან შემაკავებელი ფაქტორი და არსებული რეგულაციების ფონზე არ ერიდებიან დადგენილ ჯარიმებს. ამ პრობლემის აღმოფხვრის ეფექტურ გზად კი, კანონპროექტის ინიციატორებს დაწესებული ჯარიმების გონივრულ რაოდენობამდე გაზრდა მიაჩნიათ. შესაბამისად, წარმოდგენილი კანონპროექტით დაწესდება გაზრდილი სანქციები ნარჩენების მართვის სფეროში ჩადენილი კონკრეტული გადაცდომებისათვის.

აღნიშნულ კანონპროექტს კომიტეტმა მხარი დაუჭირა გამოთქმული შენიშვნების გათვალისწინებით, რომლებიც ასევე გაიზიარა მომხსენებელმა. კომიტეტმა ასევე დაუჭირა მხარი სხვა განხილულ საკითხებსაც.

ნინო წილოსანმა კომიტეტის სხდომის დასასრულს, სხდომის შედეგები შეაჯამა.

„დღეს კომიტეტს ძალიან ნაყოფიერი დღე ჰქონდა, მნიშვნელოვანი საკითხები განვიხილეთ. მათ შორის, სამი დაცული ტერიტორიის შესახებ კანონპროექტები განვიხილეთ, აკვაკულტურის შესახებ კანონპროექტი მივიღეთ მესამე მოსმენით. ნარჩენების მართვასთან დაკავშირებით დამატებითი ღონისძიებები განვიხილეთ და მხარი დავუჭირეთ, რომ უკეთესად განხორციელდეს აღსრულება და ჩვენი თანამოქალაქეები შეეჩვიონ ნარჩენების მართვასთან დაკავშირებულ კულტურას. ამასთან ერთად, მსურს განსაკუთრებული მადლობა გადავუხადო კომიტეტის აპარატს, რომელიც ამ პანდემიის პირობებშიც და ყოველდღიურ რეჟიმში დაუღალავად მუშაობენ იმისთვის, რომ ჩვენთვის სწორი და კომპეტენტური ინფორმაცია და შენიშვნები მოეწოდებინა“, - განაცხადა გარემოს დაცვისა და ბუნებრივი რესურსების კომიტეტის თავმჯდომარემ და აპარატის თანამშრომლებს ნაყოფიერი თანამშრომლობისათვის კომიტეტის სახელით მადლობა გადაუხადა.

ყველა სიახლე

გიორგი ვოლსკი

16 ივლისი 2020, 02:02

პოლიტიკა

გიორგი ვოლსკი: ჩამოვიდა სტრასბურგის ვერდიქტები წინა ხელისუფლების მიერ ჩადენილ დანაშაულებზე და გამოჩნდა, რომ გამიზნულად არიან ადამიანები მოკლული

ირინა ენუქიძესთან დაკავშირებით იმ ადამიანების გასაგონად მინდა ვთქვა, ვინც არ იცნობდა მას, ან ახალგაზრდაა და არ ახსოვს, ემოციური კავშირი არ აქვს იმ პერიოდთან, ამ ადამიანებმა უნდა იცოდნენ, რომ ირინა ენუქიძე არ იყო პოლიტიკური ფიგურა, არამედ ის იყო ადამიანი, რომელიც დაჩაგრეს, - ამის შესახებ პარლამენტის თავმჯდომარის პირველმა მოადგილემ, გიორგი ვოლსკიმ „ღია ეთერში“ განაცხადა.

კოდი

16 ივლისი 2020, 01:49

ტაბლოიდი

აშშ-ში ოჯახმა 12 წლის წინ დაღუპული კატის სახელზე ამომრჩევლის მოწმობა მიიღო

ჯორჯიის მთავრობაში განმარტეს, რომ ტიმსებისთვის კატის რეგისტრაციის შესახებ წერტილი არ გაუგზავნიათ და ივარაუდეს, რომ ყველაფერში „მესამე მხარეა“ დამნაშავე, რომელიც ამგვარად მოქალაქეების შესახებ ინფორმაციის მოპოვებას ცდილობს.

გიორგი ვოლსკი

16 ივლისი 2020, 01:45

პოლიტიკა

გიორგი ვოლსკი: ირაკლი კობახიძე კარგი ორგანიზატორი და შესანიშნავი იუმორის მქონე ადამიანია, ბოლოს და ბოლოს რომანი აქვს დაწერილი

ირაკლი კობახიძე კარგი ორგანიზატორი და შესანიშნავი იუმორის მქონე ადამიანია, ნაკითხი, რომანი აქვს ბოლოს და ბოლოს დაწერილი, ის ასევე შესანიშნავი იურისტია, ოპოზიციას კი ის არგუმენტი აქვს, რომ ხისტიაო, ვინ უნდოდათ მათ, ვინ ერჩივნათ- ამის შესახებ პარლამენტის ვიცე-სპიკერმა, გიორგი ვოლსკიმ „ქართული ოცნების“ საარჩევნო შტაბის ხელმძღვანელად, ირაკლი კობახიძის დანიშვნაზე საუბრისას „ღია ეთერში“ განაცხადა.

კახა ბექაური

16 ივლისი 2020, 01:44

საზოგადოება

კახა ბექაური: სატელეკომუნიკაციო ბაზარი უნდა გაიხსნას, რაზეც ძალიან დიდი პროტესტი აქვს ბიზნეს-სექტორს

რა თქმა უნდა, ბიზნესი იცნობდა კანონპროექტს, წინასწარი შეხვედრები შედგა და მათ იცოდნენ ამ კანონის არსიც, მიზნებიც და რა თქმა უნდა შინაარსიც - ამის შესახებ კომუნიკაციების ეროვნული კომისიის თავმჯდომარემ, კახა ბექაურმა იმედის გადაცემა „ღია ეთერში“ „ელექტრონული კომუნიკაციების შესახებ“ კანონში შესატან ცვლილებებზე საუბრისას განაცხადა.

გიორგი ვოლსკი

16 ივლისი 2020, 01:35

პოლიტიკა

გიორგი ვოლსკი: სანდრო გირგვლიანის თემა და ირინა ენუქიძის ბრძოლა დაღუპული შვილის სულისთვის იყო ის, რამაც იფეთქა

სანდრო გირგვლიანის თემა იყო ის, რამაც იფეთქა და ირინა ენუქიძის ბრძოლა დაღუპული შვილის სულისთვის. ვერდიქტები, რომლებიც ახლა ჩამოვიდა, თავის შინაარსით უფრო ძლიერია და ამ საკითხებთან დაკავშირებით გასამართლებულია არაერთი პიროვნება - ამის შესახებ ვიცე-სპიკერმა, გიორგი ვოლსკიმ „დღის ეთერში“ ისაუბრა. „რაც შეეხება დანარჩენი მკვლელობების თემას, გამოძიება კიდევ მიმდინარეობს, მაგრამ განადგურდა ყველა მტკიცებულება. არ იციან ვინ ისროლა, არ იციან ვინ გასცა ბრძანება. ტერორზე გადასვლა არის ის აუცილებლობა თითქოს, რასაც ტოვებს დამნაშავე კრიმინალური ხელისუფლება როცა მიდის. და შენი ვალდებულებაა , რომ სტაბილიზაცია მოახდინო ქვეყანაში, მთავარი დამნაშავე პირები დასაჯო, მიაბრძანო მართლმსაჯულებაში და ამის მერე იფიქრო მეტი ქვეყნის მშენებლობაზე. კატეგორიულად მიუღებელია ჩემთვის, რომ რომელიმე დამნაშავე უნდა დარჩეს დაუსჯელი“, - აცხადებს ვოლსკი.

16 ივლისი 2020, 01:22

რეგიონი

ძლიერმა ქარმა თელავისა და ყვარლის სოფლები დააზარალა

სტიქია კახეთში. ძლიერი ქარმა თელავის და ყვარლის მუნიციპალიტეტები დააზარალა. ქარმა რამდენიმე სოფელში, საცხოვრებელ სახლებს სახურავები გადახადა. წაქცეული ხე თელავის აეროპორტის გალავანს დაეცა და დააზიანა. შემთხვევის შედეგად არავინ დაშავებულა. ამ დრომდე პარალიზებულია გადაადგილება თელავი-ყვარელის საავტომობილო მაგისტრალზე. გარდა ამისა, ზიანი მიადგა მრავალწლიან კულტურებსაც. დაზიანებულია ვენახები. ძლიერი ქარმა ელექტროგადამცემი ხაზები დაწყვიტა, რის გამოც თელავის მუნიციპალიტეტის ნაწილს ელექტროენერგიის მიწოდება შეუწყდა. მიმდინარეობს აღდგენითი სამუშაოები.

16 ივლისი 2020, 01:13

ტაბლოიდი

ბოლივიელი სექს-მუშაკები მომხმარებლებს გამჭვირვალე კომბინეზონებში მოემსახურებიან

კორონავირუსის პანდემიის გამო ბოლივიელი სექს-მუშაკები მომხმარებლებს გამჭვირვალე კომბინეზონებში მოემსახურებიან. ამის შესახებ გამოცემა Daily Mail-ი წერს.

რობერტ რედფილდი

16 ივლისი 2020, 01:10

COVID19

რობერტ რედფილდი: თუ თითოეული ამერიკელი პირბადის ტარებას დაიწყებს, ორ თვეში აშშ-ში ეპიდემია კონტროლს დაექვემდებარება

აშშ-ის დაავადებათა კონტროლისა და პრევენციის ცენტრის დირექტორის, რობერტ რედფილდის განცხადებით, აშშ-ში კორონავირუსის პანდემია ერთ-ორ თვეში კონტროლს დაექვემდებარება, თუ თითოეული ამერიკელი პირბადის ტარებას დაიწყებს.

კახა ბექაური

16 ივლისი 2020, 01:09

საზოგადოება

კახა ბექაური: რეალურად „თელიასონერა“ რეგიონიდან შუა აზიის ერთ-ერთ ქვეყანაში კორუფციული სკანდალის გამო წავიდა და ეს ყველასთვის ცნობილია

„თელიასონერა“ რეგიონიდან რეალურად შუა აზიის ერთ-ერთ ქვეყანაში კორუფციული სკანდალის გამო გავიდა, - ამის შესახებ კომუნიკაციების კომისიის თავმჯდომარემ, კახა ბექაურმა „ღია ეთერში“ განაცხადა. მისი თქმით, „თელიასონერას“ ბაზრიდან გასვლის პარლამენტში გაჟღერებული მიზეზი აბსოლუტურად მოგონილია და ამ თემაზე გაღიზიანება როგორც ჩანს, სხვა თემიდან მოდიოდა. ბექაურის განმარტებით, საქართველო იყო ერთადერთი ქვეყანა, რომელსაც ოფიციალურად მოწერა წერილი „თელია-სონერას“ პრეზიდენტმა. ქვეყანაში ასევე ჩამოსული იყო ვიცე-პრეზიდენტიც, რომელმაც ბოდიში მოიხადა ქვეყნიდან გასვლის გამო.

16 ივლისი 2020, 00:57

საზოგადოება

კახა ბექაურმა „კავკასუს ონლაინისა“ და კომუნიკაციების ეროვნული კომისიის დავის დეტალები განმარტა

მე მოვისმინე კავკასუს ონლაინის ერთ-ერთი აზერბაიჯანელი მფლობელის ინტერვიუ, რომელიც ამბობს, რომ საქართველოს სახელმწიფო და კომუნიკაციების ეროვნული კომისია მტრულად არის განწყობილი კომპანიის მიმართ, ეს რბილად რომ ვთქვათ, აბსოლუტურად არასწორია ეს შეფასება - კომუნიკაციების ეროვნული კომისიის თავმჯდომარემ, კახა ბექაურმა „კავკასუს ონლაინისა“ და კომუნიკაციების ეროვნული კომისიის დავის დეტალები „ღია ეთერში“ განმარტა.

16 ივლისი 2020, 00:47

COVID19

Amazon-მა დისტანციური მუშაობის რეჟიმი 2021 წლის 8 იანვრამდე გაახანგრძლივა

კორონავირუსის პანდემიის ფონზე ამერიკულმა კორპორაცია Amazon-მა თავისი თანამშრომლებისთვის დისტანციური მუშაობის რეჟიმი 2021 წლის 8 იანვრამდე გაახანგრძლივა. ინფორმაციას ამის შესახებ ტელეკომპანია CNBC-ი კომპანიის წარმომადგენლებზე დაყრდნობით ავრცელებს.

კახა ბექაური

16 ივლისი 2020, 00:43

საზოგადოება

კახა ბექაური: დღეს მედიასთან დაკავშირებით არ არსებობს არანაირი რეგულაცია, არც სარედაქციო პოლიტიკასთან, არც შინაარსთან არ არსებობს არანაირი ბარიერი, რომელიც ტელევიზიის გახსნას ხელს შეუშლის

„დღეს მედიასთან დაკავშირებით არ არსებობს არანაირი რეგულაცია, რომელიც სარედაქციო პოლიტიკასთან, ან შინაარსთან არის დაკავშირებული, არ არსებობს ბარიერი, რომელიც ტელევიზიის გახსნას ხელს შეუშლის. ალბათ ნებისმიერ მაყურებელს მარტივი რეგისტრაცია გაუვლია ვებ-გვერდზე, როცა მეილს ავსებთ, სახელს და გვარს უთითებთ და რამდენიმე წამში მოგდით მეილი, რომ დარეგისტრირებული ხართ - დაახლოებით ამ სიმარტივის პროცედურაა მაუწყებლობის ავტორიზაცია. ნებისმიერმა ფიზიკურმა ან იურიდიულმა პირმა რომ მოინდომოს ხვალ ტელევიზიის გახსნა, კომუნიკაციების კომისიაში შემოიტანს განცხადებას და 10 დღის ვადაში ის ავტორიზაციას გაივლის და მაუწყებლობას დაიწყებს. ეს არც ერთ ევროპულ ქვეყანაში ასე არაა. 100-ზე მეტი მაუწყებელი გვყავს დღეს საქართველოში, სრულიად პლურალისტური მედია სივრცე გვაქვს, ყველანაირი ინფორმაცია ისმის და რა თქმა უნდა ტყუილსაც იპოვის ჩვენი მაყურებელი, თუ ტყუილის პოვნა უნდა და სიმართლესაც, თუ სიმართლის პოვნა უნდა“, - აღნიშნა კახა ბექაურმა.

ჟაირ ბოლსონარო

15 ივლისი 2020, 23:56

COVID19

ბრაზილიის პრეზიდენტის კორონავირუსზე განმეორებითი ტესტის პასუხი კვლავ დადებითია

ბრაზილიის პრეზიდენტს, ჟაირ ბოლსონაროს კორონავირუსზე ტესტი მეორედაც ჩაუტარდა და პასუხი კვლავ დადებითი აღმოჩნდა. ინფორმაციას ამის შესახებ CNN Brazil-ი ავრცელებს.

კახა ბექაური

15 ივლისი 2020, 23:55

საზოგადოება

კახა ბექაური: კომპანიებმა სატარიფო ან დაშვების რეგულაციის დარღვევით შესაძლოა ბოროტად გამოიყენონ ძალაუფლება მომხმარებლებზე, რასაც ვერ დავუშვებთ

კონცენტრაციის საკითხი, რაც ბენეფიციარის ცვლილებას, შერწყმას ან გასხვისებას ეხება, „თავისუფალი დაშვება“ და სატარიფო რეგულაცია, ამათ დარღვევას თავისი უარყოფითი გავლენა შეიძლება მოჰყვეს ბაზარზე - ამის შესახებ კომუნიკაციების ეროვნული კომისიის თავმჯდომარემ, კახა ბექაურმა იმედის გადაცემა „ღია ეთერში“ განაცხადა.

კახა ბექაური

15 ივლისი 2020, 23:53

საზოგადოება

კახა ბექაურმა განმარტა რას ითვალისიწინებს „ელექტრონული კომუნიკაციების შესახებ“ კანონში შესატანი ცვლილებები

კრიტიკული ინფრასტრუქტურა, ამ კანონის საკომუნიკაციო სექტორისთვის შემუშავების მთავარი მიზეზი იყო. ტელესაკომუნიკაციო სექტორში დასაქმებული ყველა მსხვილი კომპანია, რომელიც მობილური კომუნიკაციების სერვისებსა და ფიქსირებული კომუნიკაციების სერვისებს აწვდისმომხმარებელს, ფლობს კრიტიკულ ინფრასტრუქტურას. კერძოდ ეს არის ოპტიკურ-ბოჭკოვანი ინფრასტრუქტურა, რომელიც გამოიყენება ინტერნეტ სერვისებისა და სხვა ტელესაკომუნიკაციო სერვისების მიწოდებისთვის და ასევე მობილური კომუნიკაციების ინფრასტრუქტურა, ეს არის ანძები, გადამცემები, რომლითაც ჩვენი მოსახლეობა იღებს მობილურ კომუნიკაციებს, ინტერნეტს, ხმოვან მომსახურებას და ა.შ. - ამის შესახებ კომუნიკაციების ეროვნული კომისიის თავმჯდომარემ, „ღია ეთერში“ ისაუბრა.

გიორგი შარაშიძე

15 ივლისი 2020, 23:46

საზოგადოება

გიორგი შარაშიძე: დენდროლოგიური პარკი - ყველაზე დიდი სოციალური პროექტი ყინულმჭრელის ფუნქციით

„დენდროლოგიური პარკი - ყველაზე დიდი სოციალური პროექტი ყინულმჭრელის ფუნქციით, - ასე აფასებს ჟურნალ „ანტერპრენერის” მთავარი რედაქტორი გიორგი შარაშიძე შეკვეთილში დენდროლოგიური პარკის გახსნას. მისი თქმით, მსგავსი მასშტაბური პროექტების გამო ჟურნალ „ანტერპრენერის“ რედაქციამ, ბიძინა ივანიშვილი და „ქართუს“ მიერ განხორციელებული პროექტები სოციალური ანტრეპრენერშიფის უნიკალური მაგალითად დაასახელა.

15 ივლისი 2020, 23:41

პოლიტიკა

უკრაინის საგარეო უწყება რუსეთის საოკუპაციო ძალების მიერ ზაზა გახელაძის დაკავების ფაქტს ეხმაურება

უკრაინის საგარეო საქმეთა სამინისტრო რუსეთის საოკუპაციო ძალების მიერ ზაზა გახელაძის დაკავების ფაქტს ეხმაურება.

15 ივლისი 2020, 23:27

მსოფლიო

მოსკოვში საკონსტიტუციო ცვლილებების საწინააღმდეგო აქციაზე პოლიციამ 100 დემონსტრანტი დააკავა

მოსკოვში საკონსტიტუციო ცვლილებების საწინააღმდეგო აქციაზე პოლიციამ დაკავებები დაიწყო. როგორც რუსული მედია იუწყება, საპროტესტო აქციაზე 300-მდე ადამიანი გამოვიდა.

მეგან მარკლი

15 ივლისი 2020, 23:13

ტაბლოიდი

მეგან მარკლმა სამეფო ოჯახიდან წასვლის ნამდვილი მიზეზი დაასახელა

სასექსის ჰერცოგინია მეგან მარკლმა მისი და მისი მეუღლის, პრინცი ჰარის სამეფო ოჯახიდან წასვლის ნამდვილი მიზეზი გაასახელა. ონლაინ-სამიტ Girl Up-ის გავრცელებულ მეგან მარკლის ვიდეომიმართვის შესახებ გამოცემა Daily Star-ი წერს.

გიორგი ხარაიშვილი

15 ივლისი 2020, 23:04

სპორტი

გიორგი ხარაიშვილმა შვედეთის ჩემპიონატში გატანილი გოლი გიორგი შაქარაშვილის ხსოვნას მიუძღვნა

„ჰელსინგბორგის” კარში მე-11 წუთზე თავის გამოჩენის შემდეგ „გიოტებორგის” ქართველმა ლეგიონერმა ხელში „შაქარას” წარწერიანი მაისური დაიკავა და რამდენიმე კვირის წინ დაღუპული ახალგაზრდა სპორტსმენს პატივი მიაგო.