imedi /  29 ივნისი 2020, 18:11 / სანდო წყარო

EMC: საკონსტიტუციო ცვლილებები სამართლიანი საარჩევნო სისტემის დამკვიდრების გზაზე წინგადადგმული ნაბიჯია

ადამიანის უფლებების სწავლებისა და მონიტორინგის ცენტრი (EMC)

ადამიანის უფლებების სწავლებისა და მონიტორინგის ცენტრი (EMC) საქართველოს პარლამენტის მიერ, მესამე მოსმენით კონსტიტუციური ცვლილებების პროექტის მიღების ფაქტს ეხმიანება.

ორგანიზაციის განცხადებით, აღნიშნული ცვლილებები სამართლიანი საარჩევნო სისტემის დამკვიდრების გზაზე წინგადადგმული ნაბიჯია.

„საქართველოში სამართლიანი, პროპორციონალიზმსა და ხალხის ნების გამოხატვაზე დაფუძნებული საარჩევნო სისტემის შექმნა ყოველთვის გამოწვევას წარმოადგენდა. შერეული საარჩევნო სისტემა და მისი მანკიერი მხარეები ხელისუფლებაში მყოფი პარტიების ძალაუფლების განმტკიცების, პოლარიზებული პოლიტიკური ველისა და არადემოკრატიული პროცესების წინაპირობა ხდებოდა.

მართალია, დღეს მიღებული ცვლილებებით ნარჩუნდება შერეული სისტემა, თუმცა პროპორციულ და მაჟორიტარულ კომპონენტებს შორის არსებული პროპორცია (120/30) და 1%-იანი ბარიერი მეტნაკლებად აზღვევს იმ რისკებსა და უსამართლობებს, რაც აქამდე არსებული საარჩევნო სისტემის თანმდევი იყო. ახალი მოდელი ქმნის იმის შესაძლებლობას, რომ არჩევნებში პარტიის მიერ მიღებული ხმები მეტნაკლებად თანაბრად აისახოს მის მანდატებში, პარტიათა საპარლამენტო კონფიგურაცია მიახლოებული იყოს პროპორციულობის პრინციპთან, ხოლო საკანონმდებლო ორგანოში პოლიტიკური წარმომადგენლობა მრავალფეროვანი და ინკლუზიური იყოს.

აღნიშნული რეფორმა ჯერ კიდევ არ ნიშნავს პოლიტიკური პროცესების თვისებრივ გაჯანსაღებას, რადგან არსებული პოლიტიკური ელიტის და სახელმწიფო ინსტიტუტების მიმართ არ არსებობს მოსახლეობის მაღალი ნდობა.[1] შესაბამისად, კვლავაც არსებობს რისკი, რომ რიგითი მოქალაქეების რეალური წუხილები და საჭიროებები კვლავაც იგნორირებული დარჩება არსებულ პოლარიზებულ პოლიტიკურ ველში. მიუხედავად ამისა, ახალი სისტემა ბევრად სამართლიანი და დემოკრატიულია და ის მნიშვნელოვნად აზღვევს ჭარბი ძალაუფლების კონცენტრირებას ერთი პოლიტიკური ძალის ხელში. შესაბამისად, აღნიშნული კონსტიტუციური რეფორმა მნიშვნელოვანი წინაპირობაა იმ გამოწვევის დასაბალანსებლად, რაც ერთპარტიულ მმართველობას და ამ პირობებში ხელისუფლების ყველა შტოს სრულ კონსოლიდაციას სდევდა თან.

აღსანიშნავია, რომ პროპორციული და სამართლიანი საარჩევნო სისტემის დამკვიდრებას ქართული საზოგადოება მრავალი წლის განმავლობაში ითხოვდა, როგორც მოქმედი, ისე წინა ხელისუფლების მმართველობის დროს. საზოგადოებას ახსოვს დაპირებული და არმიღებული ინიციატივებიც, რომლითაც მაჟორიტარული კომპონენტი 2020 წელს საერთოდ უნდა გაუქმებულიყო და საქართველოში სრულად პროპორციული სისტემა დამკვიდრებულიყო. მსგავსი გამოცდილებების ფონზე, კიდევ ერთხელ მკაფიოდ უნდა აღინიშნოს, რომ სამართლიანი და დემოკრატიული საარჩევნო სისტემის შექმნა არ შეიძლება იყოს პოლიტიკური მანიპულაციების საგანი. ყველა პოლიტიკური ჯგუფი უნდა აცნობიერებდეს საზოგადოების წინაშე მათ პასუხიმგებლობას და მაქსიმალურად ცდილობდეს 2020 წლის არჩევნები სამართლიან, არაძალადობრივ პოლიტიკური გარემოს პირობებში გაიმართოს.

ამასთან ერთად, აუცილებელია, მმართველმა პარტიამ გააგრძელოს საარჩევნო სისტემის რეფორმაზე მუშაობა, რათა უზრუნველყოს სამართლიანი, მშვიდობიანი, ადმინისტრაციული და სხვა სახის ბერკეტების გამოყენებისგან დაცლილი წინასაარჩევნო გარემო. ამ პროცესში ასევე მნიშვნელოვანია, ყველა პოლიტიკურმა ჯგუფმა საკმარისი ძალისხმევა გამოიჩინოს შემდგომი პროცესების კოორდინირებულად და თანამშრომლობის რეჟიმში წარმართვისთვის.

EMC იმედოვნებს, რომ მიღწეულ შედეგს სათანადო გაგრძელება ექნება და მოუწოდებს ხელისუფლებას, გააგრძელოს საარჩევნო რეფორმებზე მუშაობა ფართო პოლიტიკური და საზოგადოებრივი ჩართულობით“, - ნათქვამია ორგანიზაციის განცხადებაში.

პარლამენტმა საკონსტიტუციო ცვლილებებს კენჭი მესამე მოსმენით დაამტკიცა. კანონპროექტს მხარი დაუჭირა 117-მა დეპუტატმა, 3-მა კი წინააღმდეგ მისცა ხმა. რეგისტრაცია გაიარა 120-მა დეპუტატმა.

კენჭისყრაში „ნაციონალური მოძრაობა“ და ევროპული საქართველო“ არ მონაწილეობდა.

ყველა სიახლე

მამუკა მდინარაძე

15 ივლისი 2020, 10:19

პოლიტიკა

მამუკა მდინარაძე კობახიძეზე: მას აქვს შესაბამისი ცოდნა და უნარები, რომ საარჩევნო პროცესს როგორც იურისტი და მენეჯერი სწორად გაუძღვეს

ირაკლი არის ძალიან კვალიფიციური ადამიანი, თუკი ვინმეს შეიძლება იყოს კვალიფიციური ამ ქვეყანაში, - ამის შესახებ საქართველოს პარლამენტის თავმჯდომარის მოადგილემ, მამუკა მდინარაძემ „ქართული ოცნების“ საარჩევნო შტაბის ხელმძღვანელად, ირაკლი კობახიძის დანიშვნაზე საუბრისას განაცხადა. „მას აქვს შესაბამისი ცოდნა და უნარები, რომ საარჩევნო პროცესს როგორც იურისტი, როგორც მენეჯერი გაუძღვეს სწორად და კიდევ ერთი დამატებითი რგოლია ეს გადაწყვეტილება „ქართული ოცნების“ წარმატებაში, რომელსაც თქვენ 31 ოქტომბერს აუცილებლად ნახავთ“, - აღნიშნა მამუკა მდინარაძემ.

ჩეხეთი მატარებლები

15 ივლისი 2020, 10:15

მსოფლიო

ჩეხეთში სამგზავრო და სატვირთო მატარებლების შეჯახებას მსხვერპლი მოჰყვა

ჩეხეთში, ქალაქ ჩესკი-ბროდის მახლობლად ერთმანეთს სამგზავრო და სატვირთო მატარებლები შეეჯახნენ. ინფორმაციას ამის შესახებ ადგილობრივი მედია ავრცელებს. შემთხვევის შედეგად გარდაიცვალა სამგზავრო მატარებლის მემანქანე. დაშავდა 35 ადამიანი, მათ შორის 4-ის მდგომარეობა მძიმეა. ამ ეტაპზე შეჯახების მიზეზები უცნობია, მიმდინარეობს გამოძიება.

15 ივლისი 2020, 10:07

რეგიონი

ზუგდიდში ვლაქერნობის დღესასწაულს აღნიშნავენ

ღვთისმშობლის კვართი, დადიანების მუზეუმის საცავიდან გამოაბრძანეს და მრევლთან ერთად ღვთისმშობლის საკათედრო ტაძარში დააბრძანეს.საზეიმო მსვლელობა დადიანების მუზეუმიდან მშენებარე ტაძრამდე გაიმართა რომელშიც საქართველოს პრეზიდენტი სალომე ზურაბიშვილი, სასულიერო პირები და ხელისუფლების წარმომადგენლებმა მიიღეს მონაწილეობა.

15 ივლისი 2020, 09:54

COVID19

საქართველოში კორონავირუსის შემთხვევების რაოდენობა 1000-ს გადასცდა

​​საქართველოში კორონავირუსის დადასტურებული შემთხვევა 1003-მდე გაიზარდა. მათ შორის გამოჯანმრთელებულია - 873 ადამიანი. ინფორმაცია stopcov.ge-ზე განახლდა. ბოლო მომაცემებით, საქართველოში კორონავირუსით გარდაცვლილია - 15 კარანტინის რეჟიმშია - 5640, სტაციონარში მეთვალყურეობის ქვეშ კი - 244 ადამიანი რჩება. უცხოეთიდან სამკურნალოდ გადმოყვანილია 31 საქართველოს მოქალაქე.

15 ივლისი 2020, 09:29

რეგიონი

სალომე ზურაბიშვილი, ვლაქერნობის დღესასწაულთან დაკავშირებით მსვლელობაში მიიღებს მონაწილეობას

საქართველოს პრეზიდენტი სალომე ზურაბიშვილი ზუგდიდში, დადიანების სასახლეში მივიდა. ის ვლაქერნობის დღესასწაულთან დაკავშირებით, მსვლელობაში მიიღებს მონაწილეობას და საზეიმო წირვას დაესწრება.

დავით ზალკალიანი

15 ივლისი 2020, 09:15

პოლიტიკა

დავით ზალკალიანი ბრიუსელში ვიზიტზე: უმაღლესი შეფასება დავიმსახურეთ კომისრის მხრიდან საკონსტიტუციო რეფორმებთან დაკავშირებით

ვისაუბრეთ მიმდინარე პოლიტიკურ პროცესებზე, უმაღლესი შეფასება დავიმსახურეთ კომისრის მხრიდან საკონსტიტუციო რეფორმებთან დაკავშირებით, - ამის შესახებ საგარეო საქმეთა მინისტრმა დავით ზალკალიანმა ბრიუსელში ვიზიტისას ტელეკომპანია „იმედის“ ჟურნალისტს განუცხადა.

15 ივლისი 2020, 09:00

მსოფლიო

უცხოელი სტუდენტების ქვეყანაში დარჩენის აკრძალვის შესახებ დონალდ ტრამპის ადმინისტრაციამ გადაწყვეტილება შეცვალა

აშშ-ის პრეზიდენტის დონალდ ტრამპის ადმინისტრაცია უარს ამბობს გეგმაზე, რომ უცხოელ სტუდენტებს, რომლებიც კორონავირუსის პანდემიის გამო სწავლების ონლაინრეჟიმზე გადავიდნენ, აშშ-ში ყოფნის უფლება შეუზღუდოს. ამის შესახებ Reuters წერს.

15 ივლისი 2020, 08:45

ტექნოლოგიები

Google მომხმარებლების თვალთვალში დაადანაშაულეს

კომპანია Boies Schiller Flexner კორპორაცია Google Alphabet Inc-ს სასამართლოში უჩივის და მომხმარებლების თვალთვალში ადანაშაულებს. ამის შესახებ Reuters წერს.

15 ივლისი 2020, 08:36

COVID19

კორონავირუსი: ვითარება საქართველოს კლინიკებში

ინფექციური პათოლოგიის ცენტრში ამჟამად 27 კოვიდინფიცირებული მკურნალობს. რესპუბლიკურ საავადმყოფოში კი 6 პაციენტია. მათი მდგომარეობა დამაკმაყოფილებელია. კოვიდცენტრიდან თორმეტი პაციენტის ანალიზებია გადაგზავნილი და პასუხი დღეისთვის გახდება ცნობილი.

15 ივლისი 2020, 08:25

სამართალი

იუსტიციის უმაღლესი საბჭო დღეს უზენაესი სასამართლოს მოსამართლეობის ორ კანდიდატს მოუსმენს

იუსტიციის უმაღლეს საბჭოში დღეს უზენაესი სასამართლოს მოსამართლის თანამდებობაზე ასარჩევად ორ კანდიდატს მოუსმენენ. საბჭოს წევრების კითხვებს პაატა ქათამაძე და ლაშა ქოჩიაშვილი უპასუხებენ.

15 ივლისი 2020, 08:22

მსოფლიო

მედია: აია სოფიას ტაძარში ლოცვისას ქრისტიანულ ხატებსა და მოზაიკებს დაფარავენ

სტამბოლის აია სოფიას ტაძარში მუსლიმური ლოცვის დროს ქრისტიანულ ხატებსა და მოზაიკებს ფარდებით ან ლაზერით დაფარავენ. ამის შესახებ aljazeera იუწყება. aljazeera-ს ცნობით, ამის შესახებ თურქეთის მმართველი „სამართლიანობისა და განვითარების პარტიის“ პრესსპიკერმა, ომერ ჩელიკმა განაცხადა. „სხვა დროს ქრისტიანული ხატები დაფარული არ იქნება და ღია იქნება ყველა ვიზიტორისთვის, ტაძარში შესვლა კი, უფასო იქნება“, - აცხადებს ომერ ჩელიკი. .

15 ივლისი 2020, 08:10

საზოგადოება

შეკვეთილის დენდროლოგიური პარკი სტუმრებს დღეიდან მიიღებს

​​​​​​​შეკვეთილის დენდროლოგიური პარკი, ვიზიტორებისთვის დღეიდან გაიხსნება. პარკი თავისი მასშტაბით, მცენარეთა უნიკალური და მრავალფეროვანი კოლექციით და ორიგინალური განაშენიანებით, სრულიად გამორჩეულია მთელ რეგიონში.

15 ივლისი 2020, 08:01

საზოგადოება

დღეს ბარსელონადან სამშობლოში საქართველოს 170 მოქალაქე დაბრუნდება

ავიაკომპანია „მაივეი ეარლაინს“-ი (Myway Airlines) ბარსელონაში მყოფი საქართველოს მოქალაქეების სამშობლოში დასაბრუნებლად დღეს ჩარტერულ რეისს განახორციელებს. სარეპატრიაციო რეისით, სამშობლოში საქართველოს 170 მოქალაქე დაბრუნდება.

15 ივლისი 2020, 01:02

COVID19

საფრანგეთში საშვილოსნოსშიდა კოვიდინფიცირების პირველი შემთხვევა დადასტურდა

საფრანგეთში საშვილოსნოსშიდა კოვიდინფიცირების პირველი შემთხვევა დადასტურდა. ინფორმაციას ამის შესახებ ფრანგული გამოცემა Le Figaro ავრცელებს.

სალიმატა სიმპორე

15 ივლისი 2020, 00:56

სპორტი

ბელარუსში ეჭვობენ, რომ ქალთა საფეხბურთო კლუბის ბურკინაფასოელი მოთამაშე კაცია

კლუბმა დაანონსა, რომ უახლოეს მომავალში მოიყვანს დოკუმენტალურად დადასტურებულ ფაქტებს, სადაც ნათლად არის აღნიშნული, რომ სალიმატა სიმპორეს ეკვატორული გვინეისა და ბურკინა ფასოს ქალთა ნაკრების შემადგენლობაში რამდენიმე შეხვედრა აქვს გამართული.

ბენქსი

15 ივლისი 2020, 00:55

კულტურა

ბენქსიმ ახალი გრაფიტი ლონდონის მეტროში დახატა

ბენქსიმ მისთვის ჩვეული შავი ვირთხები დახატა: ისინი აცემინებენ, პირბადეებს პარაშუტებივით იყენებენ და მათში იმალებიან. ამგვარად მხატვარმა ყურადღება იმ ფაქტზე გაამახვილა, რომ ბევრი ადამიანი ნიღაბს სწორად არ იყენებს.

კახა ბექაური

15 ივლისი 2020, 00:51

პოლიტიკა

კახა ბექაური: სახელმწიფოს ვალდებულებაა, დაიცვას ქვეყნის უსაფრთხოება და მომხმარებლების უფლებები, ამისთვის კი აღსრულების ეფექტური მექანიზმია საჭირო

„ბიზნესთან შეთანხმებასა და კონსენსუსს მივაღწიეთ. კარგია, რომ ჩვენი მოსაზრება გაიზიარეს, რადგან კრიტიკული ინფრასტრუქტურის მფლობელ მობილური და ფიქსირებული სატელეკომუნიკაციო მომსახურების კომპანიებზეა საუბარი“.

15 ივლისი 2020, 00:51

COVID19

ესპანეთში დღე-ღამეში კოვიდინფიცირების 666 შემთხვევა დაფიქსირდა

ბოლო 24 საათის განმავლობაში ესპანეთში კორონავირუსით ინფიცირების 666 ახალი შემთხვევა დადასტურდა და 3 ადამიანი გარდაიცვალა. სულ ქვეყანაში კოვიდინფიცირების 303 699 შემთხვევაა გამოვლენილი. მათგან 28 409 ადამიანი ვირუსს ემსხვერპლა.

არჩილ ბერიანიძე

15 ივლისი 2020, 00:50

სამართალი

ბრალდებულთა ადვოკატებს შსს-ში გიორგი შაქარაშვილის საქმეში არსებული მტკიცებულებები გადაეცათ

შინაგან საქმეთა სამინისტროში გიორგი შაქარაშვილის საქმეში ბრალდებულთა ადვოკატები იმყოფებოდნენ, რომელთაც საქმეში არსებული მტკიცებულებები გადაეცათ. ბრალდებული მორაგბეების არჩილ გაგნიძისა და ვასილ მახარაძის ადვოკატის, ალექსანდრე კობაიძის განცხადებით, მათთვის გადაცემული დოკუმენტები საკმაოდ მოცულობითია.

მაია ქარდავა

15 ივლისი 2020, 00:46

საზოგადოება

მაია ქარდავა იმედოვნებს, რომ წითელი ჯვარი ოკუპანტების მიერ გატაცებული ზაზა გახელაძის მონახულებას მალე შეძლებს

„შემიძლია, დადასტურებით გითხრათ, რომ ჩვენი წარმომადგენლობა ცხინვალში შეხვდა დე ფაქტო ხელისუფლების შესაბამის წარმომადგენლებს, გაიგზავნა ოფიციალური წერილობითი მოთხოვნა, რაც გახლავთ პროცედურა ასეთ შემთხვევაში. პასუხად გვითხრეს, რომ რადგან ის საავადმყოფოში იმყოფება, იქ მოქმედებს კარანტინის რეჟიმი. ამან ცოტა გადადო და შეაყოვნა პროცესი, მაგრამ დიდი იმედი მაქვს, რომ უახლოეს დღეებში ჩვენ ალბათ შევძლებთ ამ ვიზიტს. თუ ვთქვათ კარანტინის გამო უფრო გადაიწევს დროში, იმას მაინც ვეცდებით, რომ მოვიპოვოთ ინფორმაცია მისი ჯანმრთელობის შესახებ, აუცილებლად შევუგზავნოთ მას ოჯახის წერილი და ოჯახს მივაწოდოთ ინფორმაცია. ამ ეტაპზე ვერაფერს ვერ ვამბობ, რადგან ჩვენ ის ჯერ არ გვინახავს, არც მისი ჯანმრთელობის მდგომარეობაზე შეგვიძლია კომენტარი გავაკეთოთ, თუმცა ყოველთვის ხაზგასმით აღნიშნავთ და ახლაც მოგახსენებთ, რომ ამ შემთხვევაში ცხადია, ვმოქმედებთ ოჯახის ინტერესების გათვალისწინებით, იმისათვის, რომ მათ მივაწოდოთ ინფორმაცია საკუთარი ახლობლის მდგომარეობის შესახებ და ბუნებრივია, როდესაც ვიზიტი შედგება უფრო მეტი ინფორმაცია გვექნება და ამას უშუალოდ ოჯახს მივაწვდით“, - განაცხადა ქარდავამ.